🎢 الاختيار الاول :
الوضع الدراسي هالفترة مليان تقلبات اكو اوقات تحسون بيها بحماس وطاقة، واوقات ثانية تحسون كسل وتأجيل، ومحيطكم الدراسي ممكن ديضغط عليكم او البعض ديتدخل بيكم بطريقة تحبطكم او تشتتكم، ممكن احيانا دتشوفون ناس يحاولون يفرضون رأيهم او يتصرفون بطريقة او بمواقف منافقة وهالشي يأثر عليكم وعلى تركيزكم لكن انتوا عندكم قدرة عقلية عالية وتستوعبون المعلومات بسرعة وتفهمون ادق التفاصيل،وهالشي يساعدكم اذا ركزتوا بشكل جيد، مرات تواجهون احباط من ظروف خارجية او من تدخل غيركم وهالشي يشتتكم بس اذا التزمتوا واستثمرتوا طاقتكم بشكل منظم رح تتحسن النتائج بشكل واضح، درجاتكم بيها رقم 9/5، ممكن ستينات سبعينات والبعض نهاية ثمانينات، منو بيكم ماخذ 59/65 هيج شي؟، عموما اشوف اشخاص داعمين حواليكم وجودهم ينطيكم دفعة ايجابية وتحفيز، نظموا وقتكم وحددوا اولوياتكم واستثمروا طاقتكم العقلية وابتعدوا عن اي شي يشتتكم،الفترة الجاية تحتاج جهد

🛑 الاختيار الثاني :
وضعكم الدراسي مستقر بشكل عام، بس مرات تحسون بنوع من البطئ او التوقف يعني كانوا الوقت مديتحرك بسرعة وهالشي يخلي عندكم شعور بسيط بالاحباط او بتوتر بداخلكم، محيطكم الدراسي جدا اجتماعي ومتفاعل وهالشي ينطيكم طاقة ايجابية بس احيانا ممكن يسرق من تركيزكم ووقتكم،درجاتكم بيها بداية ثمانينات هيج ارقام 1/4/2، بداية سبعينات، اشوف تسعينات للبعض، منو بيكم ماخذ بالستين؟، عموما الالتزام والمثابرة يضمن الكم نتائج حلوة واكو اشخاص حواليكم الهم تاثير ايجلبي ويحفزوكم ويدعموكم بدون تدخل مباشر وهالشي يساعدكم على تحسين ادائكم الدراسي، ركزوا على الجدية والانضباط واستغلوا كل شي ، وحافظوا على طاقتكم الايجابية ووازنوا مشاعركم،الفترة الجاية تحتاج تركيز وجهود ثابتة حتى تضمنون نجاحكم وتقدمكم

🧳 الاختيار الثالث :
وضعكم الدراسي مستقر وهادئ، عندكم وعي كامل تجاه واجباتكم وعندكم قدرة ممتازة على تنظيم وقتكم، بس مرات عندكم شعور بالضغط او اكو توقعات عالية من محيطكم الدراسي او بعض الاشخاص حواليكم، بس انتوا كاشخاص طاقتكم العقلية كلش كلش جدا واو، وتكدرون تديروت وتنتبهون للتفاصيل الصغيرة بشكل دقيق، بس ممكن مرات تترددون بالخطوات الجبيرة او المبادرات الجديدة بسبب خوفكم من المخاطرة والجهد الزايد، درجاتكم حلوة بيها رقم 7-6-8 هيج شي، البعض ثمانينات، اكو حتى 100، بس البعض بداية ستينات هيج واكو سبعينات،محيطكم الدراسي داعم بشكل عام وهذا ينطيكم دفعة ايجابية جبيرة حتى تحافظون على تركيزكم، نظموا وقتكم بشكل كامل، تابعوا جدولكم بشكل دقيق، ركزوا على ادق التفاصيل، لتتاثرون بالمقارنات او الضغوط الخارجية، واستثمروا طاقتكم العقلية بافضل طريقة، الفترة الجاية حلوة ورح تحققون نتائج كلش مرضية اذا استمريتوا على هذا الطريق

حدس للابراج النارية
الاسد ، القوس ، الحمل

هالفترة حركتكم كثرانة دتتحركون اكثر من قبل ودتدخلون بعدة امور بنفس الوقت، اكو مواضيع قديمة رجعت تنفتح مره ثانية كدامكم ودتختارون بينها بعناية حتى تقررون شنو يستمر وشنو ينتهي، بعضكم ديغير رأيه بخصوص اشياء جان متاكد منها قبل، خصوصا بخصوص اشخاص او علاقات، حتلاحظون كثرة كلام وتواصل حواليكم، رسايل، اخبار، او مواضيع توصلكم، كذلك اكو تنقلات ومشاوير اكثر من المعتاد، وتدخلون اماكن او تشوفون بيئاات تختلف عن الي متعودين عليها، بعضكم رح يرجع يتواصل وي اشخاص قديمين او تسمعون اخبار عنهم فجاة، اشوف دتركزون على تطوير نفسكم بشي معين، دتهتمون بتفاصيل اكثر من قبل، وتدققون بامور جنتوا سريعين بيها، ممكن دتشترون اشياء تخصكم ممكن لبس جديد او اداة او شي شخصي، وتحسون دترتبون حياتكم خطوة خطوة، دتمرون بلحظات تفكير زايد بخصوص مواقف او موقف صار قبل، خصوصا بالليل، بس بنفس الوقت دتحاولون تتجاوزون هالمرحلة ومتبقون بنفس المكان، عندكم تجمعات او لقاءات وي اكثر من شخص بنفس الوقت، ممكن جلسات او مناسبات بسيطة، بهيج اشياء رح يبين اهتمام من ناس حواليكم ويمدحون اسلوبكم او حضوركم،شخص ترابي ديحاول يتقرب منكم او يفتح موضوع وياكم بشكل جدي، حتلاحظون هالفترة اهتمام اكثر بمعتقداتكم او بافكاركم، بعضكم ديبدي يراجع ويفكر باشياء جان متعود عليها، ويصير عنده فضول انو يعرف تفاصيل اكثر او يفهم هالامور بشكل اعمق

حدس للابراج المائية
السرطان ، الحوت ، العقرب

اشوف اجواء تجمعات ومناسبات عائلية عندكم، لمات بالبيت، زيارات، ممكن تزورون مكان مقدس او قديم نوعا ما، اكو لقاءات وي اشخاص مقربين تتكرر من جديد، هالفترة دتقضون وقت اطول وي عائلتكم او وي اشخاص تعتبروهم مثل اهلكم، بعضكم يتلقى دعوة لاحتفال او مناسبة والاجواء بيها حتكون مريحة، رح تهتمون بمظهركم وبنفسكم اكثر، تشترون اشياء تخصكم، ممكن ملابس جديدة او اشياء عناية بالبشرة او ممكن الشعر؟ ، بعضكم ديلاحظ تغيير بسيط للافضل بملامحه او شكله، واكو اشخاص رح يعلقون بخصوص هذا الشي،موضوع قديم ببالكم من فترة رح يوصل لنهايته بشكل واضح، اكو صفحة او موضوع معين رح ينغلق، سواء علاقة او موقف قديم ورح تحسون براحة اكبر،دتقضون اوقات هادئة اكثر، تبقون لوحدكم احيانا او تبتعدون عن الزحمة لفترة قصيرة وترتبون افكاركم، نومكم زايد هالفترة؟ او دتاخذون اوقات راحة زايدة، وتحاولون تبعدون عن اي شي يسبب الكم ازعاج، اكو موقف خلاكم تزعلون من شخص او من موقف صار قبل، بس هالفترة رح تبعدون عنه اكثر وماتنطوه نفس الاهمية الي جان عندكم قبل، تلاحظون اهتمام اكثر بخصوص الاشياء الي تخصكم هالفترة، دتترتبون اغراضكم،تهتمون ببيئكم او مكانكم، وبعضكم ديشتري اشياء بسيطى للبيت او يغير تفاصيل صغيرة، الفترة الجاية بيها لحظات فرح واضحة، خبر حلو يوصلكم، اكو مدح جايكم هم وبشكل مباشر

حدس للابراج الهوائية
الميزان ، الدلو ، الجوزاء

اشوف اجواء لقاءات ولمات اكثر من قبل، تشوفون اصدقاء او اشخاص تعرفوهم من زمان، وتصير جلسات خفيفة او مناسبة بسيطة تجمعكم، بعضكم يتلقى دعوة لمناسبة او شي والجو حيكون ممتع ومريح، دتراجعون اشياء صارلها فترة بحياتكم،مواضيع او خطط جنتوا منتظرين نتيجتها، اشوفكم صبرتوا على فد شي معين وهسه دتراقبون شلون الامور دتمشي خطوة خطوة، تمرون بموقف خلاكم تحطون حدود او تصيرون اكثر حذر وي بعض الاشخاص، ما اشوف انو عندكم بعد نفس الصبر القديم على التصرفات الي جانت تكرر،فدتبقون منتبهين اكثر وتتعاملون وي الناس بحذر،فضولكم قوي هالفترة ودتراقبون اشياء حواليكن وتحبون تعرفون تفاصيل اكثر عن بعض المواقف او الاشخاص، ممكن تسمعون اخبار او معلومات توصلكم، اكو شخص ناري اسلوبه واضح قوي يحاول يتواصل وياكم، هالشخص يريد يبين نفسه بشكل مباشر وانتوا حتلاحظون هالشي بسهولة،رح تبدون خطوة جديدة بشي معين، تجربة مختلفة او قرار يدخلكم بطريق جديد ما جنتوا مخططين اله قبل، بس رح تتحمسون اله بسرعة، الفترة الجاية بيها حركة وتنقل اكثر، مشاوير، تغيير اماكن، او حتى اكثر من تنقل بين عدة اماكن بنفس اليوم، تحسون نفسكم صرتوا اكثر نشاط وحركتكم اسرع من قبل

حدس للابراج الترابية
الجدي ، الثور , العذراء

هالفترة دتدافعون عن موقف او قرار اخذتوه قبل، اكو كلام او اراء مختلفة دتصير حواليكم، بس انتوا ثابتين وماتتراجعون بسهولة، بعضكم ديتعامل مع اكثر من موضوع بنفس للوقت، ترتبون اموركم بس اكثر من شي وتوازنون بينهم حتى ما يخرب شي، اشوف بداية جديدة او فكرة جديدة تشد انتباهكم بشكل واضح، تتحمسون لشي معين ممكن يكون نشاط جديد،تجربة جديدة، او قرار يخليكم تتحركون اكثر من قبل،محطيكم بي مقارنات او نقاشات قوية بين اكثر من شخص، اكو اشخاص يحاولون يفرضون رأيهم او يدخلون بجدالات،وانتوا دتراقبون الوضع وتختارون شوكت تتكلمون وشوكت تغلسون، اكو شخص هوائي ممكن يفتح وياكم موضوع صريح او يحاول يوضح موقفه او شي صار، ورح يكون صريح وممكن شوية حاد ومندفع،اكو موقف يصير بين شخصين كدامكم وبي نوع من المنافسة والخلاف، وانتوا تختارون تبقون بعيدين عن هالموضوع،عندكم دعم او اهتمام من شخص ترابي قريب منكم،شخص اسلوبه هادئ ويحب يساعد ويوكف وياكم، وجوده ينطيكم راحة،حترتبون اشياء تخصكم،تركزون على مظهركم او تفاصيل بسيطة تخليكم تحسون بالراحة اكثر

حــدس عاطفي عام

طاقتكم هالفترة ابدا مو سطحية ، اكو شي بداخلكم ديتحرك بهدوء، حدسكم صاير قوي بشكل مو طبيعي،ودتحسون باشياء قبل لا تصير وبنفس الوقت اشوف اكو بداية جديدة داخله لحياتكم، بس مو مريحة بشكل كامل لان اجت بعد تعب او بعد فترة جنتوا تحاولون تهربون بيها من شي تعبكم عاطفيًا، اشوف صار عندكم انتقال بس مو شرط مكان يعني ممكن انتقال داخلي، تركتوا فكرة ، شخص ، او حتى حاولتوا انو تنسون شي جان يزعجكم بس فجاة صار اكو صدمة او حدث قلب كلشي، اكو شي ما متوقعينه صار وخلاكم تعيدون تفكيركم بكلشي ، اكو شخص طاقته واضحة جدا، طاقته عاطفية وناعمة وهو انسان مهتم ويحس بيكم من نظرة، هذا الشخص ممكن يكون فعلا يحبكم او على الاقل مشاعره واضحة اتجاهكم وصادقة، بس بنفس الوقت اكو انعزال يا اما هو مبتعد او انتوا دتبعدون حتى تفهمون نفسكم، والعلاقة هنا مو سهلة بيها نوع من التوازن الاجباري يعني كلشي محسوب وماكو عفوية كاملة اكو تاخير واكو هدوء يعني ماكو اندفاع، الشي الي بينكم دينطبخ على نار هادئة افيش، المهم للبعض اشوف شخص طاقته روماسية يحب يبادر يحب يعبر ممكن يجي يعترف او يحاول يتقرب، بس المشكلة مو بالمشاعر هنا وانما المشكلة بالاستقرار، اكو طاقة التزام موجودة صحيح، واكو احتمال ارتباط رسمي او علاقة جدية نعم، بس بنفس الوقت اكو تردد قوي ، هو شخص ديحاول يوازن بين خيارين او حياتين،هو هادئ، عميق، قليل الكلام، ممكن يختفي ويرجع، عاطفي بس يخاف يبين كلشي، ممكن يشتغل او يدرس طب/تعليم/تحليل/ او شي ادري ، الفترة الجاية فترة انتظار وتقييم مو قرارات، رح تشوفون منو يبقى ومنو يستاهل ومن بس تجربة، بشكل عام لتعتمدون على احساسكم لان حدسكم صح قوي بس مرات يخليكم تسكتون عن اشياء واضحة لازم تنحجي، التوازن مهم فـ لا تنطون اكثر من اللازم ولا تنتظرون شي بدون وضوح

قمر سرطان حوت جوزاء
عطارد/شمس/زهرة دلو عقرب ميزان
مريخ حمل/عقرب
زهرة ثور
مشتري جدي/قوس

حبايب اريد شوية تفاعلكم دائما حتى يصعد النوت ماعرف شسمه لتقصرون🙏🏻

- الرساله ؛ جمرة❤️‍🔥

حدس للابراج النارية
الاسد ، القوس ، الحمل

• تحسون براحة واهتمام بنفسكم اكثر ودتميلون انو تهتمون بشكلكم وتفاصيلكم
• تفكرون بموضوع قديم تأخر، وتنتظرون نتيجة واضحه بخصوصه
• تتعاملون ببرود وضوح مع شخص وتحطون حدود بدون تردد
• تنجرحون من موقف او كلمة ورح تراجعون هالشي بداخلكم
• حتواجهون قرار يخص علاقة وتحددون تبقون او تنهون
• تسوون تعاون مع شخص وحيمشي الموضوع بشكل مرتب وواضح
• بداية عاطفية جديد او رجوا مشاعر تخليكم تحسون شي مختلف
• تجيكم فرصة مادية او شي جديد يدخل حياتكم
• تنهون وضع متعب بشكل نهائي وماترجعون اله ابدا
• تحضرون او تنعزمون على مناسبة او تجمع يغير الجو الكم

حدس للابراج المائية
السرطان ، الحوت ، العقرب

• اكو راحة وفرح داخل البيت او مع اشخاص قريبين منكم
• تدافعون بخصوص قرار اخذتوه ومحد رح يغير رأيكم بسهولة
• متمسكين بشي عندكم سواء علاقة او شي مادي وماتحبون تتركوه
• تبتعدون عن شي مايناسبكم وتمشون بدون رجعة
• تواصل سريع او كلام مباشر يوصلكم بخصوص شي معين
• تراقبون شخص او شي معين ومنتبهين لادق التفاصيل
• تنعزمون او تطلعون وي ناس وتغيرون جوكم
• تحسون بأمل يرجعلكم بعد فترة تعب او خيبة
• تلتزمون بشي ثابت او قرار رسمي يخصمم