حدس للابراج النارية
الاسد ، القوس ، الحمل

• شخص يحاول يفرض وجوده عليكم او يسيطر على تصرفاتكم بشكل واضح
• تحضرون مناسبة او اجتماع داخل بيت او مكان خاص
• رجوع تواصل بينكم وبين شخص انقطعتوا عنه فترة
• نهاية قوية لعلاقة او صداقة بعد كلام جارح
• احد يطلب منكم خدمة او مساعدة مباشرة
• موقف يخليكم تغيرون نظرتكم لشخص بشكل سريع
• نقاش يتحول لمجادلة بسبب عناد من الطرقين
• غيرة واضحة من شخص بسبب اهتمام موجه الكم
• تخططون لزيارة بيت شخص قريب منكم
• شخص يرجع يعتذر بعد ما عرف غلطه بحقكم
• تحسون بالخيانة بسبب تصرف صار او رح يصير امامكم
• خبر يوصلكم عن شخص ماتوقعتوا منه هالشي
• تقررون تنهون علاقتكم بشخص يحاول يسبب الكم مشاكل
• تبعدون نفسكم عن جدالات حتى لا تكبر المواضيع اكثر

حدس للابراج المائية
السرطان ، الحوت ، العقرب

• شخص رح يلفت انتباهكم بشكل واضح
• تقللون طلعات وتفضلون تبقون باماكن هادئة بعيدا عن الضجيج
• تنهون مرحلة معينة بحياتكم وماترجعون الها مره ثانية
• مواجهة مباشرة بينكم وبين شخص بسبب كلام انقال سابقًا
• حقيقة تنكشف تخليكم تتضايقون من تصرف احد قريب
• توصل دعوة لجلسة او مناسبة مع أصدقاء قدماء
• انثى بمحيطكم غيرانة منكم
• تقضون وقت اطول لوحدكم وماتدخلون بنقاشات
• تغلقون حساب يخصكم او تحذفون شخص من عندكم بشكل نهائي
• رد نهائي منكم رح يوقف شخص عند حده
• شخص يسبب احراج الكم عند غيره ورح يعتذرلكم
• تخططون لسفر قصير او تغيير مكان او انتقال لمكان مختلف لفترة بسيطة
• علاقة صداقة ترجع بعد سوء فهم

حدس للابراج الهوائية
الميزان ، الدلو ، الجوزاء

• شخص من الماضي يرجع يراسلكم بعد فترة انقطاع
• تعارف جديد بينكم وبين شخص وبيبدا بشكل حماسي
• شخص قوي بالكلام رح يحجي وياكم بشكل جدي وبدون مزح
• انثى اصغر منكم تحاول تفتح كلام وياكم او تتقرب منكم اكثر
• رح ترفضون دعوة او عرض لان مو مهتمين بي
• حتراقبون نتيجة موضوع معين قبل لا تتحركون
• اشوف حماس لبداية شي جديد يخص مظهركم او ستايلكم
• رد مباشر منكم رح يخلي شخص يراجع اسلوبه وياكم
• تشوفون اهتمام واضح من سخص يحاول يلفت نظركم بحركات بسيطة
• تحسون بالملل من وضع متكرر ويخليكم تبعدون شوية
• تنتظرون رسالة او اتصال معين؟ رح يطول
• خطوة ثابتة تصير تجاه علاقة

حدس للابراج الترابية
الجدي ، الثور , العذراء

• تتجنبون رد على موضوع معين بسبب انكم ماتريدون تختارون بين طرفين
• يجيكم عرض جديد وتفكرون بي بجدية
• جلسة حلوة مع ناس قريبين عليكم تحسون بيها براحة
• تقررون تاخذون استراحة من تواصل متعب
• رح تبقون حذرين من شخص سبق ان ضايقكم
• رح يكون اكو تردد بسيط قبل ما تجاوبون على رسالة مهمة
• الحظ معاكم بموقف ما جنتوا متوقعين نتيجته
• لحظة فرح بسبب خبر حلو يخص احد قريب
• رح تدافعون عن نفسكم بشكل قوي اذا احد يقلل منكم
• شخص طاقته نارية، رح تشوفون منه تلميحات ويحاول يرجع
• فرصة حتى تتقربون من شخص بينكم وبينه مسافة
• مدح وكلام حلو تجاهكم ينقال كدام مجموعة اشخاص

~ عروض شهر رمضان المبارك ~

• قراءة تحليلية لشخص بشكل عميق، تحليل كامل لطاقة شخص محدد اتجاهك من حيث، تفكيره الحقيقي، مشاعره ، نواياه، خطواته القادمة، متردد ام نيته واضحة؟
قراءة واضحة بدون تهاويل

• قراءة لـ مسار العلاقة بين طرفين ، هل تتطور العلاقة ؟ بيها انسحاب حاليا او مستقبلا ؟ شنو نقاط التحول والعوائق بالعلاقة ؟ مع ارشاد عاطفي

• قراءة سريعة للي محتار بين اكثر من خيار، رح تشمل مقارنات واضحة بين كل الخيارات، النتائج المحتملة لكل خيار، الافضل طاقيًا ونفسيًا على المدى القريب والبعيد ، مع ارشاد عام

• قراءة للمرحلة القادمة ( من شهرين الى ثلاثة اشهر ) ، تحليل عام يشمل العمل ، الدراسة ، العاطفة ، المال ، التغييرات المهمة ، الوضع النفسي

• قراءة نفسية ، تناسب الاشخاص الي حاسين بثقل او ضغوطات، رح نحلل سبب الضغط ، شنو الخلل؟ وشنو الحل؟ وشلون ترجع التوازن بشكل ثابت ودائمي؟ ، مع ارشاد عام

• قراءة دراسية ، تحليل الوضع الدراسي الكامل ، اكو نجاح؟ شنو نقاط قوتك بالدراسة؟، وين تحتاج تركز؟، شنو العوائق الي تعيق تطور مستواك؟ توقع للدرجات ، مع ارشاد دراسي

- كل قراءة بـ خمسة اسيا فقط 💕
الـحجوزات هنا @leo7kk

حدس لاصحاب الاحرف
ا/ي/ل/ب/م/ط/ز/ظ/و

عندكم اهتمام قوي بالمظهر هالفترة، دتصيرون اجمل ومرتبين اكثر وملابسكم دتبين افخم حتى لو جانت بسيطة لكن جاذبية عالية، بشرتكم ديصير بيها صفاء او نعومة ملحوظة، وبعضكم ديغير شي بسيط بالشعر ديخلي شكله اهدأ واجمل، اشوف تفكير زايد بموضوع صار بينكم وبين شخص، ممكن اكو كلام انقال وانفهم بطريقة غلط، واشوف انو المشكلة او الجدال الي صار قبل رح يرجع ينذكر مره ثانية،واحتمال احد يحاول يثبت انو هو الصح حتى لو هو جان غلطان،دتلاحظون اكو شخص يغار عليكم بشكل واضح، خصوصا اذا شاف اهتمام ناس ثانيين بيكم، لكن انتوا دتبينون هادئين كدام الكل حتى لو الموضوع مستفز شوية، اشوف توقف بسيط بعلاقة تواصل،وهالشي ديخلي كل طرف دينتظر من الثاني انو يتحرك،وخلال هالفترة رح تبقون تراقبون اكثر مما تتكلمون،جاذبيتكم عالية،والناس دتلاحظ حضوركم وطاقتكم بشكل حلو، دتغيرون اكسسواراتكم او عطركم وهالشي ديخليكم مختلفين،اكو شخص رح يحاول يستفزكم بكلام جانبي او تعليق معين كدام غيره،بس رح حتسيطرون على ردكم وماتنطوه الي يريده، بعضكم ديكثر حلويات كثير واكثر من العادة خففوا هالشي حبايب مو زين لصحتكم،اشوف شخص عنيد ممكن طاقته حوت رح يرجع يحجي وياكم لكن باسلوب مو مباشر او تلميحات

حدس لاصحاب الاحرف
ت/ن/س/ذ/ر/ض/ق/ك/ص/غ

اشوف مواجهة بكلام مباشر وي شخص ثقيل بالشخصية، وهالشخص يعرف يحجي ويقلب المواقف لصالحه بس هالمره انتوا دتردون بنفس القوة وماتسكتون مثل قبل، اكو نهاية واضحة رح تصير بينكم وبين شخص، ممكن انسحاب من علاقة،وهالشي رح يجي بعد عدة مواقف تعبتكم وخلتكم توصلون لحدكم،نبرة صوتكم او طريقتكم بالكلام صايره ملفتة، البعض ديغير تسريحة شعره او لونه،واشوف اهتمام باللحية اكثر للشباب، اكتافك بتصير اعرض او اوضح باللبس ومن منطقة الصدر،البسوا الوان داكنة دتطلع عليكم مرتبة هالفترة،احتمال تجيكم رسالة بيها اعتراف او كلام صريح بي مشاعر واضحة، شخص جان رسمي وياكم رح يبدي يلين باسلوبه،شخص من الماضي يراقبكم بس رح يتاخر بالخطوة

حدس لاصحاب الاحرف
ف/ح/هـ/خ/ع/ج/ش/ث/د

عندكم هدوء غريب هالفترة، دتميلون انو تبقون بمزاج هادئ ورايق حتى لو اكو اشخاص يحاولون يستفزوكم، دتصيرون تختارون منو تحجون وياه، ومو اي شخص دياخذ من وقتكم، عرض او كلام رح ينطرح كدامكم بس رح تتاخرون بالرد،مو لانو ما مهتمين بس تريدون تتاكدون قبل الموافقة، شخص رح يحاول يقرب باسلوب محترم منكم،رح يكثر تواصلكم مع شخص يتعامل بشكل ناضج، يمكن يكون بينكم وبينه تعاون بشي بسيط يخلي التقارب يصير طبيعي وبدون ضغط، ترفضون اهتمام شخص لان اسلوبه مو على مزاجكم، ملامحكم او تعابيركم صارت هادئة، خاصة عيونكم كيوت ونظرتكم دتصير اعمق وملفتة، والبعض ديهتم ببشرته او ديستخدم شي جديد يخليها ناعمة، البسوا الوان هادئة هالفترة رح تطلع عليكم حلوة مثل ازرق فاتح او بيج خفيف تمام،احتمال توصلكم هدية، حتلاحظون حضوركم صار واثق ومتوازن،وهالشي يخلي بعض الناس تبدي تتعامل وياكم بحساب اكثر،حتقللون الاكل الثقيل واشوف نقصان بالوزن واضح،تكثرون ماء هالفترة استمروا على هالشي او مشروبات خفيفة، شخص برجه مائي يفتح وياكم موضوع شخصي ورح تشوفون اهتمام واضح

حدس للابراج

• طالع - شمس - قمر - هيمنة •

سرطان - ثور - حمل - جوزاء - اسد - عذراء

• لـ شهر الثالث مارس •

• هالشهر عندكم تغيير لبعض الامور الي جانت متوقفة، جان عندكم انتظار مستمر من فترة، وجنتوا منتظرين نتيجة او ردة فعل، بس خلال هالشهر باذن الله هالشي رح يبدي يتحرك قدام عيونكم، اكو مواقف رح تحتاج منكم انو تثبتون رأيكم وتحافظون على حدودكم، اكو شخص رح يحاول يضغط عليكم باسلوب مباشر او ينافسكم على موضوع معين، لكن عالمره مارح تتنازلون بسهولة، دفاعكم رح يكون واضح وصريح، والي حواليكم رح يفهمون انكم مو مثل قبل،موقف معين رح يبينكم بشكل قوي قدام مجموعة، وممكن مقارنة او جدال ينتهي لصالحكم، رح يصير نوع من الاعتراب بقيمتكم، سواء بكلام قدام الناس او بموقف ينهي شكوك او اشاعات كانت تنقال عنكم، البعض منكم رح ياخذ مفاجئ وخطوة ما مفكر بيها قبل،ممكن تنهون تواصل مع شخص معين، ممكن تبدون روتين باسلوب مختلف، ممكن تبادرون بشي جديد بدون لا تنتظرون مبادرة احد، وهالخطوة رح تكون شجاعة منكم اكثر مما هي عشوائية،نقاش حاد رح يصير بينكم وبين شخص يحاول يغلبكم بالكلام او يقلب الحقائق ضدكم، بس هالمره انتوا صار عندكم فرق ومعرفة، رح تتعاملون بعقل بارد اكثر وبتجاهل، وما رح تنسحبون لهيج العاب ضعيفة بعد، شخص طاقته جوزاء ممكن ياثر عليكم، اما بكلام مباشر او بمواجهة تفتح موضوع قديم بينكم، اشوف تغيير مفاجئ منكم يخرب حسابات شخص جان مخطط بشي بضدكم، او يحاول يحرك موضوع من وراكم، ورح تنكشف الكم حركته بشكل سريع، رح تدخلون فترة حيرة بخصوص قرار معين، واكثر من قرار وخيار رح يكون قدامكم، وعدة اتجاهات مفتوحة، بس الظروف رح تجبركم تختارون اتجاه واحد، اكو انقطاع او كلام قوي ينقال يهز العلاقة مع شخص معين بمحيطكم، تجيكم فرصة جديدة مختلفة ، اكو بداية بيها حماس وطاقة اندفاع، واحساس انو رح تبدون من جديد باسلوب اقوى،شخصيتكم رح تكون قوية اكثر من قبل، تصرفاتكم رح تكون محسوبة ومعتدلة لكن جريئة بنفس الوقت، محد رح يقلل منكم بسهولة

حدس للابراج

• طالع - شمس - قمر - هيمنة •

قوس - عقرب - دلو - جدي - ميزان - حوت

• لـ شهر الثالث مارس •

• رح يكون عندكم رغبة قوية انو تتحركون بشكل سريع تجاه موضوع متأجل او تجاه شخص كان بينكم مشادات، اكو خطوة جريئة تصدر منكم او باتجاهكم، وهالخطوة حتخلي الاجواء تتحرك بعد فترة هدوء، بس بنفس الوقت حتحسون انو اكو جانب من الموضوع يحتاج صبر اكثر، رح يكون اكو تركيز واضح على انو تصلحون شي جان ناقص او يحتاج ترتيب، سواء باسلوبكم بالتعامل او بطريقة التواصل، رح تحاولون تضبطون اصغر التفاصيل حتى ما يتكرر خطا قديم،وهالتركيز رح يخليكم تلاحظون اشياء ما جنتوا منتبهين الها قبل، الاحداث تتسرع، يوصلكم اتصال، رسالة، او موقف مباشر يخلي موضوع معين يتحرك بسرعة، واكو شخص جان ساكت اله فترة رح يقرر يحجي، او للبعض وضع جان متوقف رح ينفتح دفعة وحدة،رح يكون عندكم ميل للعزلة والهدوء بشكل مؤقت، لانو رح تحتاجون تفهمون شنو الي كاعد يصير؟، مارح تتفاعلون بسرعة، بالعكس رح تفضلون انو تبقون تراقبون وتسمعون اكثر مما تنطقون، حتحسون ببرود تجاه عرض معين او اتجاه محاولة تقرب من شخص، كانوا قلبكم او مشاعركم مارح تكون متحمسة مثل قبل، وممكن هالشي لانكم حتصيرون تشوفون كلشي بوضوح اكبر، او بالاحرى ايضا لانكم تعبتوا من تكرار نفس السيناريو، اكو ارتباط او تعلق لازم تواجهونه بشكل صريح، سواء تعلق بشخص، او بعادة، او باسلوب تواصل يأذيكم اكثر مما يفيدكم،والمواجهة مارح تكون سهلة، لكن ضرورية،تجمعات او لقاءات تغير نظرة بينكم وبين احد، ممكن تصير تصفية اجواء،وممكن تكتشفون انو بعض الامور جانت مبالغ بيها، والاجواء رح تكون اخف من المتوقع، اكو تحول جذري يصير بعلاقة معينة، يا انو تنتهي بطريقة واضحة، او تتغير، موقف معين يسببلكم زعل او خيبة أمل، وكلام ينقال او تصرف من احد يخليكم تحسون بثقل، لكن هالاحساس حيكون دافع حتى ماتخلون هالشي يتكرر مره ثانية،حتحسون هالفترة انو الهدوء يخدمكم اكثر من الحماس، رح تاخذون استراحة نفسية من كل هالاحداث، تبعدون خطوات حتى تستوعبون الي تغير والي انقفل والي بدا جديد، حتطلعون من هالشي بنظر عميق، وقرار داخلي ان ماترجعون للاسلوب القديم والعادات السيئة

ماكو داعي اسوي عروض لان مسوي مال رمضان، فهاي نفسها رح تبقى 🩵
الحـجوزات : @leo7kk

حدس للابراج النارية
الاسد ، القوس ، الحمل

• عندكم حيرة بين خيارين مهمين، خصوصا بموضوع يخص علاقة او شخص معين
• اكو شخصين حواليكم ديحاولون يتقربون منكم بنفس الوقت
• صاير عندكم شرود قوي وواضح، تفكيركم ديروح لاكثر من جهة بنفس الوقت
• تعاريف عاطفي خفيف او بداية اعجاب تصير هالفترة
• شخص يعترف الكم بسر جان كاتمه او يفتح موضوع قديم
• خبر معين رح يوجعكم شوية، او كلمة تنكال كدامكم وتخليكم تنصدمون
• موقف عاطفي قديم يرجع ينفتح او تتذكروه، هالشي حيخليكم تدمعون
• شخص يحاول يصلح الي بينكم بعد سوء فهم صار
• حتلاحظون ان اكو شخص يراقبكم من بعيد
• رح تحسون بالهدوء بعد فترة توتر، كانوا الامور رجعت تتوازن
• تحلمون حلم عاطفي غريب ورح تحلمون فيه اكثر من مره
• حقيقة تنكشف بينكم وبين شخص قريب

حدس للابراج المائية
السرطان ، الحوت ، العقرب

• احلامكم تصير اوضح من قبل،وبعضها دتتكرر اكثر من مره
• صاير عندكم قلق قوي وتفكير زايد هالفترة خاصًة بالليل
• موضوع رح يوصل لنهايته وينغلق
• ذكر ترابي يفكر بخطوة رسمية تجاهكم
• صاير احتكاكات بسيطة بينكم وبين اكثر من شخص هالفترة
• اشوف تنافس واضح بمكان معين،كل واحد ديريد يمشي رأيه
• موقف رح يحتاج منكم هدوء وتحكم بالاعصاب، وحتلاحظون نفسكم مسيطرين
• حايرين بين خيارين،خصوصا بموضوع لازم ينحسم
• تجاهل متبادل بينكم وبين شخص،وكل طرف دينتظر الثاني يتحرك
• حقيقة حتنكشف فجاة وحتغير نظرتكم لشخص معين
• تعب جسدي اكو،خاصة بالظهر او الراس
• عندكم احساس بثقل او ارهاق،كانوا شايلين شي اكبر من طاقتكم

حدس للابراج الهوائية
الميزان ، الدلو ، الجوزاء

• بداية اهتمام جديد من شخص يحاول يفتح مواضيع وياكم
• توصلكم رسالة لطيفة او كلام رومانسي فجاة
• شخص يبين بثقة قوية كدامكم ويحلول يلفت انتباهكم بشكل واضح
• تغيير مفاجئ بموضوع جنتوا متوقعين يبقى ثابت
• الحظ وياكم هالفترة ودعائكم مستجاب باذن الله
• تخططون لسفرة قصيرة او تطلعوتن لمكان مختلف
• دتفكرون بخطوتين ليكدام قبل لا تتحركون بموضوع معين
• خبر حلو يخص علاقة او شي يجيكم
• شخص جان متردد حيصير اكثر وضوح بمشاعره اتجاهكم
• حتحسون انو الاضواء مسلطة عليكم هالفترة، ناس تراقبكم او تلاحظكم اكثر
• عرض بسيط يخص تعاون او مشاركة يجيكم
• اكو اهتمام واضح بمظهركم او تسوون تغيير بسيط يخليكم تبينون جاذبيين

حدس للابراج الترابية
الجدي ، الثور , العذراء

• موضوع يخص العائلة او البيت يرجع ينفتح
• شخص اكبر منكم حيحاول يتدخل بموضوع يخصكم
• تتخذون قرار مصيري يخص علاقة او وضع قديم
• تقطعون العلاقة بشكل نهائي مع شخص مهم بحياتكم
• الرسائل والاتصالات حتزيد عليكم الفترة
• خبر سريع يوصلكم ويصدمكم
• شخص يراقب كلامكم وحساباتكم ويحاول يعرف اخباركم
• امنية شخصية تتحق او شي يصير ويكون قريب جدا من الي تمنيتوه
• تحسون بالاكتفاء من موضوع معين،كانوا اخذتوا حاجتكم منه
• سرعة بديهة منكم ورد سريع يخلي شخص كدامكم ينصدم من صراحتكم
• تشوفون حركة مفاجئة من شخص جان ساكت فترة طويلة
• تتخذون خطوة جريئة
• مناسبة او تجمع حلو يخليكم محور الاهتمام والانظار عليكم بشكل مؤقت

• الصورة الاولى •

المنفصلين بينكم طاقة تماسك قوية، اكو تمسك داخلي خصوصا من طرفه، عنده تعلق، عنده احساس بالتملك اتجاهكم،وعنده صعوبة انو يترك الشي الي هو يحس بالتملك تجاهه،بس المشكلة بينكم مو بس حب، المشكلة صراع، اكو مشادات واضحة بينكم، كل واحد بيكم يريد يربح بالكلام وغيرها،ممكن اكو كلام جارح انقال،وممكن صارت مواقف انكسرت بيها الثقة، وهو حاليا بين اثنين، جزء يريد يرجع ويصلح، وجزء ثاني يكابر وميقبل يبادر،والعلاقة بالنسبة اله مو سطحية، بس مشاعره ملخبطة ومو مستقرة، بس حتى فكرة انهاء العلاقة بشكل كامل ما مستوعب هالشي بداخله،هو يراقبكم بس مراقبة خوف، يخاف انو تمشون بحياتكم وتتغيرون وتتخطوه، لذلك عينه تبقى عليكم، اكو رجوع؟ فكرة الرجوع موجودة وبقوة نعم، بس مو رجوع قوي، لان هو يعرف اذا رجع بنفس الاسلوب القديم رح يخسركم،لذلك ديفكر شلوت يرجع بدون ما يبين ضعيف، وبدون ما يخسر كرامته،واذا رجع رح يكون لين اكثر،يستمع اكثر،يحاول يمشي الامور بهدوء، بس هو يحتاج نضج اكثر حتى يثبت الاستقرار،اساسا انتوا هالفترة جاذبيتكم عالية جدا،اكو ثقة وانوثة قوية وحضوركم واضح،حلو هالشي، عموما هو بطبيعته سريع بالكلام، يدافع بسرعة ويندم بعدين، مزاجه يتبدل دائما، طاقته هنا هوائية،ممكن عنده مواقع مائية،او ترابية ايضا، المهم انتوا لتركضون ورا الرجوع، خلوا الخطوة تجي منه،واي رجوع يصير خلوه مبني على اتفاق واضح مو اشتياقات لحظية

الكراش،بينكم جذب حلو، وهو مو مطنش مثل ما تتخيلون،بالعكس هو منتبه،ومتعمد يبين انه ما مهتم، وهو بشخصيته عنده حالة ملل او ميقتنع بالاشياء السطحيى بحياته،لذلك وجودكم لفت انتباهه بطريقة مختلفة وهو شاف بيكم شي مميز، بس اشوف انو هو متحفظ لان ممكن اكو جرح قديم بداخله او تجربة خلته هيج،مشاعره مو باردة تجاهكم بس متردد رغم انو اكو اعجاب واضح واكول أمل بداخله انو هاي العلاقة ممكن تكون مختلفة عن تجاربه السابقة، بس بنفس الوقت يخاف يعيد نفس السيناريو والاحداث، لان كلت الكم هو انكسر قبل يمكن،ويمكن وثق بشخص وخذله،يحس اكو فرصة بينكم،كانوا القدر جمعكم بمرحلة لازم تصير، بس هو شخصيا يحب السيطرة، ما يحب يبين ضعفه بسهولة، لذلك ممكن تشوفون تصرفاته باردة احيانا، لكن هو بالحقيقة ديختبركم، ممكن اكو شخص حاليا بحياته؟ مو ارتباط رسمي بينهم، لكن اكو طاقة ناس حواليه،ممكن ناس منافسين، وبنفس الوقت ناس مهتمين بي اهتمام، اكو ناس معجبه بي، بس هو اساسا متعود يكون محط اهتمام،العلاقة قابلة انو تتطور بس تحتاج شغل وصبر، لان هو من النوع الي يريد علاقة مستقرة ومسيطر عليها ما يحب الفوضى العاطفية،بالمناسبة هو عنده حدس جدا جدا قوي وممكن هو روحاني اساسا، ويحس بالطاقة بشكل سريع،ويعرف اذا انتوا متوترين،مستعجلين،متغيرين، زعلانين، لذلك كونوا هادئين وياه وخليكم غامضين نوعا ما،طاقة هالشخص نارية نوعا ما،وللبعض مائية، او اساسا نارية مكس نارية، وبالمناسبة هو حساس اكثر مما يبين جدا جدا حساس،لكن شخصيته قيادية ويحب السيطرة ظاهريًا

• الصورة الثانية •

المنفصلين الجرح بينكم جدا واضح، الانفصال ما جان سهل ولا جان عابر، جان بي كسر لمشاعر حقيقية، اكو كلام اندفاعي وقوي انقال بشكل سريع،قرارات اتخذت بدون حساب صحيح، وطاقة الالم للان موجودة، وخصوصا من طرفه هو،ممكن ديحاول يبين قوي او عقلاني، بس بداخله تأذى اكثر مما اعترف،هو من النوع الي بسرعة يتحرك بالكلام ويدافع عن نفسه، وممكن حتى يقلب الموضوع لصالحه، بس بعدين يرجع يهدا ويستوعب الي صار، فالمشكلة المشاعر جانت قوية جدا لدرجة خلت العلاقة تدخل مرحلة من الصعب انو يتسيطر عليها،والعلاقة بينكم جانت اختيار واضح مو لعب،وممكن حتى هو جان يشوفكم شريك فعلي مو بس علاقة وقت، واكو عمق عاطفي حقيقي وقوي ومو مجرد تعلق لان هو شخص يعرف يحب بس طريقته بالتصرف باوقات الضغط تخرب كلشي، لكن حاليا مشاعره اهدئ من قبل مو مشتعل مثل بداية الانفصال،صار عنده نضج بسيط وديفكر بالماضي بنظرة احسن ويتذكر الاشياء الحلوة اكثر من المشاكل واكو احساس بندم،والرجوع ممكن لكن مو فوري لان اشوف انو اكو تاخير واكو تعليق واكو تفكير زايد، لان هو ديقيم الاوضاع ويتسائل اذا بعدكم تريدوه؟ واذا رح تكدرون تبدون صفحة مختلفة وجديدة ونظيفة،العلاقة مو منتهية طاقيًا اكو رابط قوي بينكم بس متوقف حاليا، لا تخلون الالم القديم يتحكم بقراراتكم الجاية، فكروا اذا مستعدين تفتحون الباب؟ لو بعدكن شايلين وجع ما نسيتوه؟ طاقته مائية بشكل واضح جدا، ممكن عنده قمر او طالع هوائي للبعض مريخ هوائي وقمر مائي


الكراش،الاحساس عندكم جدا تجاهه جدا غريب، اكو شعور بداخلكم انكم تعرفون هالشخص من زمان حتى لو العلاقة بينكم جديدة او مجرد اعجاب، وبينكم راحة غريبة بشكل عميق، كانوا ارواحكم متعودة على بعضها، وهو يحس وجودكم يكمل شي ناقص بداخله، ونظرته الكم ابدا مو سطحية، بس هو شخص ابدا ما يتحرك بسرعة، هو يراقب وينتظر ويقيم، هو من النوع الي يستثمر وقته بطريقة محسوبة، ما يدخل بعلاقة الا اذا شاف بيها اخذ وعطاء حقيقي عاطفي او استقرار، لذلك ممكن تحسون انو هو بطيئ او متردد لكن هو بالحقيقي ديبني شي كامل قبل لا يقرر،مشاعره بيها تقدير واحترام واضح، مو مجرد اعجاب وايضا يشوفكم اشخاص مناسبين لعلاقة جدية، بس بنفس الوقت اكو صراع داخلي، اكو ممكن منافسة حوالينه، او اكو شخص ثاني ديحاول يتقرب منه؟ او حتى غيرة خفيفة منه اذا شاف اهتمام الكم من شخص غيره، هالشي يحركه داخليا بس يخليه متوتر بنفس الوقت،هو يريد ينطيكم بس بنتس الوقت يريد يستلم، ميحب يحس هو الوحيد الي يبذل،لذلك طريقة تعاملكم واهتمام جدا جدا تأثر عليه لان اذا حس انو الجهد متبادل بينكم، رح يثبت اكثر ويتقرب،هو يراقب تصرفاتكم بدقة ويحب يعرف شلون تفكرون وشلون تتعاملون وقت الضغوط،وممكن يختبر غيرتكم مرات، يثير نقاشات ويشوف ردود افعالكم، ممكن عنده تجربة قديمة بعدها تأثر عليه، او شخص من الماضي للان حواليه بطريقة معينة، لذلك هو مرات يقارن بينكم وبين هالشخص بدون لا يحس،العلاقة قابل تتطور وبشكل جدا قوي خصوصا اذا صار توازن بالعطاء، اشوف طاقة تاسيس حقيقي، بس لازم يصير وضوح وتدرج طبيعي بدون استعجال