حدس لاصحاب الاحرف
ا/ي/ل/ب/م/ط/ز/ظ/و

• هالفترة عندكم ثقل ومسوؤلية،واكو احساس بداخلكم انو لازم تكونين ثابتين ومسيطرين على تصرفاتكم، صايرين هادئين بتعاملكم وي الناس ودتحبون تمشون الامور والمواقف بعقل مو بعاطفة، ودتفضلون انو تستقرون افضل من المجازفة، وشغلكم اليوم او دراستكم دتمشي بخط ثابت، صح اشوف بطئ شوية بس مضمون، واغلبكم ديركز على شغلة وحدة او اثنين ويريد يكملها للاخير بدون تشتيت

• اكو حيرة بداخلكم وبعضكم ديفكر اكثر من اللازم وصاير اكو تردد بين اكثر من قرار او طريق، وهالشي مخليكم توقفون خطوة قبل لا تتقدمون، اكو شخص هادئ او ناضج ممكن يكون موجود بحياتكم رح يأثر عليكم بشكل ايجابي، بس مو مباشر وانما من خلال موقق او تصرف يخليكم تعيدون ترتيب افكاركم

• دراسيًا وضعكم ديميل للاستقرار والنجاح موجود خصوصا للملتزمين، بس الحيرة او التشتت دتضيع وقت منكم

حدس للابراج النارية
الاسد ، القوس ، الحمل

• لـ شهر فبراير 2 •

• هالشهر عندكم نضوج بطريقة تعاملكم مع الامور، رح يكون اكو توازن بين العقل والقلب، ومارح تندفعون مثل قبل ولا تكونون باردين وانما وعي،هواية منكم رح يتحمل مسوؤلياته بصمت،سواء داخل البيت او برا او اشياء شخصية،وبتحسون انكم لازم تكونون الطرف الثابت لو حتى لو انتوا تعبانين من الداخل،وهالشي رح يخليكم اقوى قدام الناس، بس مرهقين داخليًا،رح تنسحبون او تبتعدون عن شي كان مستنزفكم،ومارح يكون هروب بكثر ما هو حفاظ على نفسكم،وبالمقابل رح يكون اكو تعويض حلو،اكو شعور بالاعتراف او تقدير او فوز معنوي بشي يخليكم تحسون انو الخطوات كانت صحيحة،علاقاتكم رح تتحسن ورح تصير اوضح وأصدق،عاطفتكم رح تكون قوية،اكو مشاعر جديدة او احساس يرجع للحياة بداخلكم،بس هالمره رح تكونون حذرين ومارح تفتحون قلبكم بسرعة،رح تختبرون الجو وتراقبون كل التفاصيل وبالمقابل عطائكم رح يكون متوازن،ماكو تضحية من طرف واحد الان،وهذا الشي فرق كبير عن مراحلكم السابقة،اكو ارهاق متراكم رح يطلع على شكل قلق او تفكير زايد،خصوصا بوقت الليل ومو لان الامور سيئة بالوقت الحالي بس انتوا دتتحملون اكثر من اللازم بس رغم هذا ماكو انهيار خارجي بالعكس اكو صمود واستمرار حتى وانتوا تعبانين، اكو استقرار عائلي هالشهر ولمة واخبار حلوة واحساس بالامان يخليكم ترتاحون،هالشهر يحمل الكم وضوح وفرح داخلي،وحركة سريعة تصير فجاة واخبار واتصالات حلوة،واكو خطوة رح تنطيكم دفعة طاقة قوية وتخليكم تتحركون بثقة اكبر،الحماس رح يرجع عندكم والرغبة بالمبادرة عندكم رح تكون عالية، بس هالمره انتوا الي رح تكونون مسيطرين مو العكس

حدس للابراج المائية
السرطان ، الحوت ، العقرب

• لـ شهر فبراير 2 •

• هالشهر عندكم ميول واضحة للعزلة او انو تقللون احتكاكات،ورح تعيدون ترتبون افكاركم بشكل هادئ،وتتخذون قرارات داخلية ومارح تحبون تشاركون هالمره كلشي مع الكل،تفكيركم رح يكون عملي اكثر من المعتاد،ورح تحاولون تشوفون الامور بعين العقل حتى لو القلب بعده متعلق،اكو مسوؤليات مادية او عائلية رح ترجع تبين ورح تخليكم تحسون بثقل بس بنفس الوقت رح تذكركم بقيمتكم ومكانكم،بعضكم رح يصير هو الركيزة لغيره هالفترة،يعني رح تكونون الي يعتمدون عليه حتى وانتوا محتاجين دعم،وهالتناقض رح يخلي توتر داخلي ويطلع على شكل نقاشات او احتكاك بسيط مع المقربين منكم،بالرغم من هذا رح يكون اكو انفراجات اجتماعية حلوة،طلعات،دعوات، او لقاءات تخفف عنكم الضغط وتذكركم انكم مو وحدكم، اكو علاقات قديمة رح ترجع تنفتح وبعضكم رح يكون صلب هالشهر،اكو استقرار على المستوى العائلي او احساس بالامان حتى لو الظروف مو مثالية،اكو قرار عاطفي او اختيار لازم يصير هالشهر رغم رح يكون اكو تردد موجود بس مو بشكل مطول، اكو شخص تأثيره واضح وطاقته عالاكثر نارية ( اسد ، حمل ، قوس ) ، حضوره يحرك مشاعر قديمة بداخلكم او باب لكلام كنتوا مأجليه وماتحبون تحجون بي بس رح ترتاحوله، بنفس الوقت رح يكون اكو احساس بالنقص او خوف من الخسارة بداخلكم،خصوصا اذا سبق وانجرحتوا من نفس السيناريو،رح تكونون حماسيين هالشهر وحماس حلو يدخل لحياتكم،ويكون اكو رغبة بالتغيير بداخلكم او انو تبدون من جديد بس مو بدون مقاومة، اكو صراع بين الاشياء القديمة والجديدة بشكل واضح،وبين الالتزام والحرية ايضا، البعض منكم رح يرجع يتمسك بقيم او مبادئ تعلمها من الماضي، ورح يقرر يرجع يمشي عليها حتى لو كان الطريق ابطئ،هالشهر رح يكون مهم ويعلمكم شلون توازنون بين العقل والقلب،وبين العطاء والحفاظ على نفسكم، مارح يكون كلشي سهل بس رح يكون اكو نضج واضح،وخياراتكم رح تبين اقوى واكثر وعي من قبل

حدس للابراج الهوائية
الميزان ، الدلو ، الجوزاء

• لـ شهر فبراير 2 •

• هالشهر رح يجيكم بنقطة انهاء واضحة، اكو شي انتهى فعليًا حتى لو انتوا بعدكم دتفكرون بي،واكو احساس انو فصل كامل بحياتكم انقلب وهالشي مو فجاة لكن بعد تراكمات تعب وصمو طويل،بس هذا الانهاء رح يفتح باب جديد كدامكم،وباب اوسع بس رح يحتاج شجاعة حتى تدخلونه بدون تردد او رجوع للخلف،هالشهر رح يكون سريع،اكو اخبار وتحركات هواية واكو كلام رح يوصل فجاة ويغير نظرتكم لهواية امور، بنفس الوقت حدسكم رح يكون عالي وقوي بشكل مو طبيعي،ورح تحسون بالاشياء قبل ماتصير وتلتقطون تفاصيل غيركم ما ينتبه الها،وهالاحساس رح يخليكم تميلون للهدوء احيانا والانسحاب من الضجيج حتى ترتبون افكاركم، لان جسمكم وعقلكم يحتاجون استراحة بعد ضغط سابق،اكو بداية صغيرة للبعض بس ثابتة،وخطوة عملية او مشروع او فكرة او قرار دينزرع هالشهر ورح يكبر مع مرور الوقت، بعض الامور رح تنعاد من جديد،رح تراجعون مواقف قديمة او احكام سابقة ورح تكتشفون انو الحقيقة جانت اعقد مما متخيلين،التوازن رح يصير هدفكم الاساسي، لا افراط ولا تفريط بنفس الوقت، خصوصا بعلاقاتكم وتعاملاتكم اليومية،رح يكوز عندكم رغبة انو تبدون من جديد، لان اكو حماس وطاقة واندفاع بس بنفس الوقت اكو حذر، مو كلشي لازم تقولوه ومو كل شخص يستحق يعرف كل اوراقكم،اكو وضع او شخص يحاول يلعب على الحبلين/الجانبين او يربككم وهنا انتوا لازم تعتمدون على حدسكم اكثر من الكلام الظاهر،حضوركم رح يكون قوي هالشهر، عندكم جذب وتاثير واضح ودعم من اشخاص او احساس انو عطائكم بدا يرجع الكم، بس مع هذا اكو حيرة موجودة، وكثير خيارات كدامكم،وكل خيار يحمل الكم شي مغري وشي متعب بنفس الوقت، الاحتكاكات او الجدالات ممكن تزيد هالشهر اذا حاولتوا ترضون الكل، لذلك لازم تختاون موقفكم وتثبتون عليه،الشهر مليان صراعات بسيطة، مو صراعات تكسر لكن تختبر قوتكم وحدودكم، بس رح يكون اكو نمو وتوسع واحساس انكم رجعتوا تسيطرون على الامور بيدكم حتى لو مو كل الطريق واضح بشكل كامل

حدس للابراج الترابية
الجدي ، الثور , العذراء

• لـ شهر فبراير 2 •

• هالشهر رح يتطلب منكم سرعة بالتفكير واتخاذ القرارات، مو بالتسرع، بس لان بعض الامور ما عاج تتحمل التأجيل بعد، واكو نقاشات تنفتح فجاة يعني نقاشات مباشرة او مواجهة بالكلام رح تفرض عليكم تكونون اوضح من قبل،وهذا الوضوح رغم ثقله بس رح يريحكم لانكم متعودين تعرفون وين واقفين،عاطفتكم هالشهر هادئة واحساسيكم بسيطة،واكو رسائل غير مباشرة توصلكم،او اهتمام رح يبين الكم بالافعال اكثر من الكلام،وبنفس الوقت اكو تبادل حقيقي واخذ وعطاء متوازن سواء بعلاقة او تعاون،واكو شي رح يتطور خطوة بخطوة بدون استعجال،البعض منكم رح يدخل شراكة او يكمل عمل مع ناس تثقون بيهم،اكو قرار انتقال رح يطلع، او تغيير جو او تتركون مرحلة كاملة وراكم،حتى لو كان هذا التغيير داخلي اكثر مما كونه خارجي، بس رح تميلون للاستقرار بس بطريق طويل وصبور، اكو حركة بالحظ الكم وفرص حلوة رح تجيكم فجاة بس تحتاج منكم تركيز حتى ما تضيع،اكو احتكاكات هواية هالشهر، اكو ناس رح تختبر صبركم او توقف توقف بطريقكم، بس قوتكم الداخلية اعلى من قبل، وتعرفون انو مو كل معركة او نقاش لازم تدخلوه، ورح تختارون وين تصرفون طاقتكم، اكو آفاق جديدة رح تنفتح الكم بشكل جميل،وتخططون للمستقبل وتفكرون بالمدى البعيد، ورح تشكلون اهدافكم بوضوح،رح يكون اكو خوف او قلق خفيف بداخلكم، وشكوك او هواجيس احيانا بس مارح تسيطر عليكم، قوتكم النفسية اعلى ورح تساعدكم تواجهون هذا الشي بدون ما يكسركم، واكو حقيقة رح تنكشف بالنهاية سواء عن عن شخص او عنكم او عن موضوع كان غامض،وهالشهر رح يكون اكو امان اكبر وثبات مادي او عائلي، وشعور انكم بنيتوا اساس قوي للفتؤة الجاية، والقرارات الي تاخذوها هالفترة رح يكون الها أثر طويل، بس أثر ايجابي اذا مشيتوا بهدوء وعلى قناعاتكم

~ عروض قراءات شهر الثاني فبراير ~

قراءة عاطفية للمرتبطين/الكراش
تشمل > طاقة العلاقة الحالية ، مشاعره اتجاهك ، القادم بينكم بالعلاقة ، القادم منه اتجاهج ، مستقبل العلاقة ، نصيحة عامة ، كيفية تطوير العلاقة ، هل يوجد زواج ، بـ 10 اسيا

قراءة المنفصلين
تشمل > طاقته الحالية اتجاهك ، القادم منه ، هل يوجد رجوع ، مستقبل العلاقة ، مشاعره الحقيقية ، هل يوجد اطراف ثالثة ، نصائح لتطوير العلاقة ، سؤال اضافي سطحي من اختيارك ، بـ 10 اسيا

قراءة دراسية
تشمل > الوضع الدراسي الحالي ، الوضع الدراسي القادم ، نصائح لتطوير الدراسة، الدرجات المحتملة ، العوائق الدراسية ، الاحداث الدراسية القادمة
ارشاد تاروت لدراستكم ، ولطريقكم الدراسي
كل هذا بـ 10 اسيا

قراءة عامة شهر فبراير
تشمل > احداث الشهر من كل النواحي بشكل عام ، اوضاع الجانب الدراسي ، اوضاع الجانب العاطفي ، اوضاع الجانب الصحي، تحذيرات ونصائح
تاروت ارشاد لعلاقاتكم / دراستكم ( جانب واحد بس )
قراءة لسؤال واحد من اختياركم
كل هذا بـ 10 اسيا

التواصل والحجز : @leo7kk
حبايب الي يحب يحجز اي نوع قراءة من العروض،يرسل اسمه وبرجه، ونوع القراءة وسعرها على طول،افضل اله والي ❤️

#الطاقة_الحالية
طاقة سعي للاستقرار، دتحاولون ترتبون حياتكم من جديد وتركزون على الامان والراحة، حتى لو داخليًا اكو قلق بسيط

اذا انطبق فـ هذا الحدس الكم :

• تفكير عملي قوي،دتحطون حدود وتفصلون بين العقل والقلب بعد فترة لخبطة
• اهتمام واضح بالمستقبل منكم، شغل،دراسة،او خطوة مادية تفكرون بيها بجدية
• اكو احساس ببداية جديدة او فرصة حلوة جاية
• بيتغير حظكم للافضل هالفترة واكو شي كان متوقف رح يتحرك لصالحكم
• خيالكم صاير حساس، واحساسكم عالي وتتفاعلون بشكل عاطفي ناعم
• طاقتكم الجسدية/العامة مستقرة ودتميلون للهدوء اكثر من الاندفاع
• دتحبون النظام والترتيب هالفترة،وماتتحملون الفوضى
• منجذبين او لابسين الوان ترابية؟ ، اخضر، بُني،بيج، البعض لون فاتح
• الشغف رح يرجع بهدوء، ورح تهتمون بشي جديد او حلم قديم يخصكم يطلع مره ثانية بنضج اكبر

• لتستعجلون بالنتائج، دتمشون هالفترة بالطريق الصحيح حتى لو كان بطيئ، واكو فرص جاية، وهالمره عقلكم مع قلبكم مو ضد

• قراءة دراسية + عاطفية + أرشاد دراسي او عام او عاطفي حسب اختياركم واحد

بـ 5 اسيا فقط، وهالعرض يختلف عن العروض السابقة ومستمر

التواصل والحجز @leo7kk

دائما استقبلوا طاقة الخير طاقة الراحة،الخير،البركة،النجاح،الرزق،استقبلوا كل الطاقات الجيدة والايجابية،رددوا دائما توكيدات ايجابية،امدحوا نفسكم،وازنوا نفسكم، لا تلوثون طاقتكم بسبب علاقة فشلت او بسبب فشل دراسي بسيط، كلشي يسير بأمر الله فـ دائما وكلوا امركم لرب العالمين وحصنوا نفسكم وثقوا، الثقة هي اساس النجاح،بطلوا سلبية ونكد وكل خير رح يصيبكم باذن الله تعالى 🙏🏻🩷

اعتبروها رسالة الكم، كافي قسوة على النفس، كل واحد بينا يستحق الافضل لا تربطون قيمتكم وتنقصون ذاتكم بسبب شخص او كلام او بسبب حاجة، انتوا افضل من كل شي

حدس لـ اقمار او ابراج
الميزان ، القوس ، الثور
السرطان ، الدلو ، الاسد

• دتحاولون تمسكون اعصابكم، بالرغم انو الضغط الداخلي مو قليل
اكو حمل متراكم بداخلكم بسبب مسوؤليات او توقعات ناس دتثقلكم
• اكو التزام او قانون او رأي عائلي دتأثر على قراراتكم هالفترة
• اشوف علاقة مهمة بحياتكم وبيها توازن بس هالعلاقة تحتاج صراحة اعمق
• شخص مقرب ديدعمكم نفسيًا بشكل حلو، حتى لو كلامه بسيط
• اكو تجمع او مناسبة بتكشف لكم حقيقة شخص كتتوا مستخفين بيها
• دتحسون بداخلكم انكم دتنطون اكثر مما تاخذون
• البعض عندهم ارتباط عاطفي او روحي قوي، بس هالارتباط بي اختبار حقيقي
• اكو اغراء او تعلق بشي او شخص معين صعب تبتعدون عنه بسهولة
• دتصارعون بين الي انتوا تريدوه وبين الي لازم تسووه
• اكو شخص تأثيره قوي عليكم، وممكن ديخلط وياكم بين الحب والسيطرة
• رح توعون بخصوص شي معين ويخليكم تشوفون الاشياء الي مالها فايدة ومقيدتكم
• رح يطلع منكم قرار مهم بخصوص شي وهالمره مارح يكون علمود ترضون غيركم

حدس لـ اقمار او ابراج
الحمل ، الحوت ، الجدي
الجوزاء ، العقرب ، العذراء

• اكو صراع داخلي بين رغبة بالراحة وبين رغبة انو تثبتون نفسكم بشي معين
• رح توعون اكثر بخصوص قيمتكم الذاتية والشخصية
• تصرفاتكم دتصير اوضح،ومدتحبون تلفون وتدورون بعد
• اكو شخص قديم ممكن يرجع بعد ما كان مختفي تماما، ممكن طاقته نارية
• رح تحاولون تفرضون حدودكم بشي معين او مع شخص بدون ما تدخلون بنقاش مباشر
• دتحسون انو لازم تعتمدون على نفسكم اكثر من قبل
• رح يكون اكو راحة مادية او نفسية لصالحكم
• رح تتخذون قرار معين ودتفكرون بي بهدوء، البعض ممكن قرار عاطفي
• اكو كلام دينقال بوضوح بعد فترة كتمان،سواء الكم او انتوا تقولوه
• ثقتكم بنفسكم دتكبر اكثر واكثر، بس مدتظهرون هالشي
• بتنضجون اكثر وهالشي بيخليكم ما تكررون اخطاء قديمة تافهة
• اكو وضوح جاي الكم بخصوص شي معين

#الطاقة_الحالية

• نهاية مرحلة او وضع، فتح مجال لشي جديد، امور عملية ومستقرة رح تظهر نتائجها بشكل واضح، البعض استقرار مهني او توصلهم اشياء مادية ( فلوس )، شخص او علاقة مهمة رح تنطيكم دعم عاطفي او راحة نفسية، الطاقة حاليا هادئة وملموسة، نشاط وحيوية قوية، البعض ديحس بدفعة للتقدم او انو يتخذ خطوة مهمة

#Tarot
اختاروا ، نعم او لا ؟ لسؤال معين ببالكم

🦁 - نعم
🐣 - لا
🐱 - نعم