حدس لاصحاب الاحرف
ف/ح/هـ/خ/ع/ج/ش/ث/د

• هالفترة اكو حالة دفاع وتحدي،دتحسون نفسكم مجبورين تثبتون موقفكم او تحافظون على شي تعبتوا عليه،حتى لو غيركم مديشوف كلشي بشكل كامل، واكو ضغط يخليكم توكفون بشكل موقف،كانوا رح تتعلكون بين قرارين، لا تقدم ولا تراجع، بس هالوكفة مو سلبية وانما رح تنطيكم فرصة تعيدون ترتيب افكاركم

• اشوف مرحلة شغل او دراسة وتركيز قوي،وجهد واضح دتبذلوه على موضوع مهم، وممكن هالشي دينبني خطوة بخطوة بشكل ايجابي حتى لو انتوا متضايقين وتعبانين، رح يصير تغيير قوي بشي معين او صدمة تكسر مسار قديم،يعني شي ما كان محسوب رح ينتهي، بس رح يبين شي جديد اسرع واوضح

• رح ترجعون تمشون ليكدام بثقة اعلى، دراسيا رح تحسون بفقزة واضحة بدراستكم لصالحكم يعني فقزة ايجابية،والتعب هنا موجود بس النتيجة رح تكون قريبة لقلبكم وواضحة

حدس لاصحاب الاحرف
ت/ن/س/ذ/ر/ض/ق/ك/ص/غ

• هالفترة عندكم رغبة بالاستقرار والهدوء،دتحسون نفسكم محتاجين مكان او وضع يطمنكم،حتى لو من الخارج تبين الامور عادية،بس داخليا اكو ملل او عدم رضا عن شي،ودتحسون اكو فرصة او عرض كدامكم بس مو متحمسين اله مثل قبل،ودتفكرون اذا يستاهل الجهد او لا

• حركتكم بالاشياء صايره بطيئة بس ثابتة وخطواتكم صايره محسوبة بدون استعجال ودتحبون تمشون كلشي على مهل حتى توصلون لنتيجة مضمونة، بس الوقت اكو انسحاب عاطفي او ذهني من شي متعبكم،مو هروب بكد ما هو انتقال لمرحلة اهدا واوضح

• رح ترجعون تلزمون الامور بيدكم وتحطون حدود وتقروون شنو يبقى بحياتكم وشنو يطلع وبدون تردد،ويصير عندكم وضوح وقوة موقف اكثر من قبل

• دراسيا تقدمكم صاير بطيئ بس بي ضمان،كملوا على نفس طرقكم الحالية بدون ملل والنتائج رح تكون حلوة بالنهاية

حدس لاصحاب الاحرف
ا/ي/ل/ب/م/ط/ز/ظ/و

• الفترة الحالية عندكم صراعات وضغط من اكثر من جهة، واحساس انو كل واحد ديريد شي منكم او كل وضع كاعد يشدكم لاتجاه مختلف،وهذا الشي ديخليكم متوترين شوية وتفكيركم متشتت،بنفس الوقت اكو تغيير قوي ديصير، مو ثابت هو بس يديغير الامور ويقلب اشياء جنتوا متعودين عليها، وممكن حظ يتغير او فد قرار رح ينفرض عليكم

• رح تطلع عندكم مشاعر حلوة ورغبة بالتقارب لشي،حتحاولون تهدئون الاجواء او ترجعون لاحساس يطمنكم، بس بشكل عقلاني وتفكير منطقي هالمره يعني مارح تخلون المشاعر تسحبكم بدون حدود مثل قبل، واكو شي مخفي حواليكم

• يعني اكو احساس داخلكم ينبهكم انو تنتبهون من شي وحدسكم صاير قوي بهاي الفترة خصوصا تجاه شخص او موضوع ممبين بشكل كامل،وهالفترة صيروا هادئين وراقبوا اكثر من المواجهات المباشرة

• دراسيا اكو تشتت ومنافسة او مقارنة وي غيركم، بس ركزوا على مساركم ولتدخلون صراعات ونقاشات، ورح تستغلون الفرص لصالحكم وتكون النتائج حلوة

حدس للابراج النارية
الاسد ، القوس ، الحمل

• صاير عندكم انتظار طويل على موضوع مهم ومتعبكم نفسيًا
• ضغوط متراكمة ومسوؤليات هواي فوق طاقتكم،والبعض حاس انه شايل اكثر من اللازم
• رغم التعب اكو أمل واضح ورجعة ثقة تدريجية،شي جان مطفي رح يرجع يضوي
• دتحاولون تسيطرون على مشاعركم وتتعاملون بعقلانية حتى لا تنجرون للانفعال
• خطوة قوية رح تحتاج حسم منكم،وماتظلون بوضعكم الحالي اكثر
• رح تغلقون مرحلة قديمة وشي رح يكتمل وتخلصون منه
• رح تحسون بالرضا عن قرار او اختيار رغم كل التعب الي مر
• شخص طاقته مائية ديحاول يكون هادئ وياكم ويحتوي الوضع
• بعضكم ديعيد تقييم احلامه ويفكر بالمستقبل ويغير اهداف كان متمسكم فيهم
• بتميلون انو تهتمون بانفسكم اكثر وتبحثون عن راحة حقيقية مو بس شكلية

حدس للابراج المائية
السرطان ، الحوت ، العقرب

• اكو اندفاع او رغبة ببداية جديدة،فكرة او خطوة تحسون لازم تسووها
• صايرين قلقين بكثرة وتحسون بعدم وضوح واشياء تصير حواليكم تحسوها مو مفهومة
• اكو احساس داخليا بالنقص او الخسارة سواء مادي او نفسي وبعضكم ديقارن نفسه بغيره
• اكو صدمة او تغيير مفاجئ رح يهز ثباتكم، شي رح ينكشف فجاة
• رح تبتعدون وتنسحبون عن شي او عن شخص
• رح تراجعون نفسكم بشكل قوي وتصحون داخليا وتشوفون اخطاء قديمة وتفكرون شلون تصلحون هالشي
• اكو مراوغة او كذب ديصير، يا اما منكم او من شخص قريب
• دتحسون نفسكم حايرين بس رغبة بداية ورغبة هروب وراحة بنفس الوقت
• بعضكم رح ينهي علاقة او فكرة كانت مستنزفة للنفس من زمان
• حدسكم صاير قوي،واحساسكم ديدلكم عالطريق بشكل صحيح

حدس للابراج الهوائية
الميزان ، الدلو ، الجوزاء

• تفكيركم صاير واضح وحاد،وتحاولون تنهون امور بعقل بارد
• اكو قرارين امامكم وماراضين تختارون،وهالتأجيل ديجي من خوفكم من الغلط
• دتتخططون للمستقبل وتنتظرون نتائج خطوة سويتوها قبل قترة
• دتتمسكون بشي او بشخص رغم اشوف اكو تغيير رح يصير
• رح تتسارع الاحداث فجاة واخبار او تواصل يخليكم تعيدون ترتيب اولوياكم
• علاقة او خيار عاطفي/شخص رح يفرض نفسه بقوة هالفترة
• اكو شخص جوزاء/ميزان ديكون اله دور مباشر بالحيرة الي عندكم حاليا
• بعضكم ديعيد تفكيره بخصوص شراكة معينة او ارتباط/علاقة

حدس للابراج الترابية
الجدي ، الثور , العذراء

• اكو تعاون او شغل مشترك رح يتم،بس مو بنفس الحماس من كل الاطراف
• التفكير زايد عندكم لدرجة الارهـاق،خصوصًا بالليل والهواجيس مسيطرة
• اكو بداية عاطفية ناعمة واحساس رح يطلع بهدوء بدون اندفاع
• رح تهتمون بشي جديد بشكل عملي وتبدون بخطوات صغيرة
• رح تحسون بالاستقلال والقيمة الذاتية،بعضكم ديرجع يوكف على رجله بقوة
• حساسيتكم العاطفية عالية،ودتتاثرون بسهولة حتى من تفاصيل بسيطة
• دتحاولون توازنون بين العقل والقلب بعد فترة توتر صارت
• اكو رغبة بداخلكم انو تكونون مفهومين ومُقدرين بدون ماتطلبون هالشي
• واضح انو دتبنون نفسكم من جديد من بعد تعب نفسي صار

اريد احجي عن موضوع كلش غلط واعرف هواية منكم يسووه ، وهو كثرة قراءتكم للحدس والقراءات او القاموس او كلشي عند كل قارئ/ة ، يعني كل قراءة تطلع الكم تقروها ميهم منو الشخص الي مسوي هالقراءة ، وهالشي كلش غلط الكم ولطاقتكم وتتاذون لان هيج دتوزعون طاقتكم على كل القراءة وبعد تحير شنو ينطبق ومنو ينطبق ! ، وبدال لا تسوون الخيار الصحيح انو تعتمدون على قراء دائما قرائتهم تنطبق عليكم انتوا كاعدين تقرون قراءات الكل وهالشي غلط، حددوا طاقتكم لشخصين ثلاثة قراءتهم تنطبق عليكم لا توزعون طاقتكم يم الرايح والجاي وكل شوية تشوفون بث جديد مال قراءات لان هيج كلش سيئ بعد مو زين ، وهالشي شفته يم اغلب الي متابعيني ، يعني كمثال اكو بنية دائما تعلقلي فـ الكاها عند كل قارئة حرفيا معلقة لو شي ثاني يعني موزعة طاقتها يم الكل فهالشي غلط ترا القراءات والحدس العامات مو لازم شي اساسي بحياتكم حتى هيج يسوى انو توزعون طاقتكم يم الكل فعالجوا هالشي وحددوا قراء وقارئات محددين ترتاحون لطاقتهم ولقرائتهم ، وتحياتي 🙏🏻

سلسلة شرح الاركانات 🔮

• اركانا 1 🃏✨ •

• اصحاب هالاركانا دائما من الناس الي ما ينتظرون الفرص تجي، همَ يصنعوها بنفسهم، ودائما بداخلهم يحسون انو عندهم شي لازم ينحجي وشي لازم يصير،حتى لو ما كان اكو الهم دعم واضح بس هم فطرًة يعرفون شلون يستعلمون كلامهم، حضورهم ، وحتى سكوتهم وهالشي يساعدهم حتى تمشي الامور لصالحهم ، دائما يحبون احساس انو السيطرة وكلشي بيدهم،ويضوجون بسرعة من الروتين او من الاشخاص المملين والي بس يراقبون، عندهم قابلية قوية على انو يبدون من الصفر دائما،وعندهم حماس للبدايات بشكل كبير،بس ممكن يحسون بالممل اذا حسوا ان الانجاز وكف او خرب واهسهم، لان هنا بهالحالة عقلهم يشتغل اسرع من الواقع، ويحبون الذكاء يحبون الوضوح بعلاقاتهم من جميع انواعها، والاكثر ينفرون من السيطرة عليهم او من الناس الي يقللون من أفكارهم، ويحبون يقودون الطريق بنفسهم مايحبون يعتمدون على احد ولا يحبون يبينون ضعفهم او حاجتهم لاحد، فدائما يبقون مسافة خفيفة حتى مع اقرب الناس،الاكثرية من اصحاب هالاركانا اذا حسوا انو احد ديشك بقدرتهم او يحاول يحد من افعالهم وتصرفاتهم،بهالحالة رح يستعلمون مهاراتهم بالكلام او الذكاء بطريقة دفاعية قوية او حتى احيانا توصل انو تكون مؤذية، فـ اكبر غلط لاصحاب هالاركانا انو يفرقون طاقتهم على اكثر من حاجة او اتجاه وينسون شنو الشي المهم الي يستاهل ينطون طاقتهم اله

اختاروا كارت معين على حسب الرمز
- قراءة عامة

🌔

• هالفترة اكثركم عندهم رغبة قوية بالاستقرار وانو يرتبون كل الامور بشكل نهائي، خصوصا من ناحية البيت او العلاقات المقربة،واكو احساس بداخلكم انو تريدون توصلون لمرحلة امان وانو تعبكم مايروح بلاش،بس لاتخافون تعبكم مارح يروح، بنفس الوقت رح يطلع عندكم تعب متراكم ومسوؤليات قديمة بعدكم شايليها،وضغط ديخليكم تحسون انو لازم تكملون غصب ومو على راحتكم،عندكم بداية جديدة واضحة واكو فرصة او قرار رح يفتح باب مهم الكم، ورح تسمعون صدمة او خيبة بسيطة تخص شخص او موقف خلاكم تعيدون التفكير بثقتكم بالنفس، الكلام رح يصير اوضح بهالفترة، اكو حقائق رح تنكشف، رح تبدون تعرفون منو الصادق ومنو اللعوب، البعض منكم رح يكتشف انو اكو كلام صار بظهره او تصرفات مو مثل ما جانت بالبداية،قراراتكم حتصير اقوى ، وتبدون تحطوت حدود واضحة هالفترة مارح تكون سهلة رح يكون بيها وعي ، ورح تشوفون نتائج تعبكم بنجاح حلو باذن الله

🏔

• هالفترة دتحاولون تكونون ثابتين وتسيطرون على اموركم،خصوصا من ناحية مادية او من ناحية مسوؤلية معينة،دتحسون نفسكم مسوؤلين عنها بشكل مباشر،وبنفس الوقت اكو جانب متحسس بداخلكم، واكو مشاعر دتكتموها ومتحجوها،وكانوا دتحاولون تبينون اقوى من الي تحسون بي،ديطلع تعب كبير من تجربة سابقة، ونهاية كانت قاسية وخلت وراها خوف او شكوك ما انتهت بشكل كامل ودتطلع هسه،هواية اكو اشياء غامضة حواليكم هالفترة،ومو كل شي واضح،عندكم احساس انكم محاصرين بافكاركم وتخيلاتكم اكثر من الواقع نفسه،اكو اندفاع او رغبة ببداية جديدة، واكو فكرة او خطوة رح تجيكم فجاة وممكن تنفذوها،البعض عندهم توقف باشياء معينة دتصير هالفترة بس لتخافون هالتوقف مو خسارة هو مرحلة انتظار ، لان مجبورين تبقون بمكانكم الى ان تنكشف الامور بشكل واضح

حدس لاصحاب الاحرف
ف/ح/هـ/خ/ع/ج/ش/ث/د

• هالفترة دتراجعون هواية اشياء وتعيدون حسابات،كانوا اجاكم ادراك وي نفسكم ودتفكرون بقرارات قديمة او مواقف صارت وتركت أثرها، اكو احساس نقص او تعب خصوصا من ناحية مادية او تقدير لذاتكم، وبعضكم ديحس انو تعبه مدينشاف مثل ما يريد

• انتبهوا هالفترة من انو تتسرعون بالكلام او القرارات، لان الاندفاع والتسرع ممكن هالفترة يطلع شي بداخلكم محتفظين بي وماتريدون تطلعوه فاخذوا حذركم وصيروا هادئين، بتحسون بملل بشكل قوي اغلب الوقت، وحتى الفرص حواليكم مدتثير اهتمامكم مثل قبل

• دراسيًا فهنا الوضع الدراسي متذبذب ، واكو تأخير للبعض،بس مو فشل،النجاح ممكن يرجع اذا جان اكو تركيز وهدف بداخلكم

حدس لاصحاب الاحرف
ت/ن/س/ذ/ر/ض/ق/ك/ص/غ

• هالفترة اجوائكم دتميل للانفتاح والراحة اكثر من قبل، اكو شعور حلو بانسجامكم وي الناس واكو لمة او تواصل يرجع يخفف عنكم ضغط جان موجود، بعضكم داخل مرحلة تعارف او قرار يخص علاقة او شراكة،والاختيارات دتصير بشكل اسرع من المتوقع،وهالشي لانكم تعبتوا من الانتظار وتريدون تحسمون

• اكو رغبة بالتغيير او التحرك، اكو سفر قصير للبعض، وخطوة جديدة او قرار فجائي رح يخليكم تحسوون بالحماس، بنفس الوقت اكو تخطيط للمستقبل وفكرة دتكبر براسكم خصوصا لشي تحبوه او مشروع حاطين بي أمل

• دراسيًا فالوضع الدراسي جيد ويميل للتحسن، خصوصا اذا بعضكم عنده تعاون او دراسة جماعية،فالنجاح هنا موجود بس تحتاجون تنظيم

حدس لاصحاب الاحرف
ا/ي/ل/ب/م/ط/ز/ظ/و

• هالفترة عندكم ثقل ومسوؤلية،واكو احساس بداخلكم انو لازم تكونين ثابتين ومسيطرين على تصرفاتكم، صايرين هادئين بتعاملكم وي الناس ودتحبون تمشون الامور والمواقف بعقل مو بعاطفة، ودتفضلون انو تستقرون افضل من المجازفة، وشغلكم اليوم او دراستكم دتمشي بخط ثابت، صح اشوف بطئ شوية بس مضمون، واغلبكم ديركز على شغلة وحدة او اثنين ويريد يكملها للاخير بدون تشتيت

• اكو حيرة بداخلكم وبعضكم ديفكر اكثر من اللازم وصاير اكو تردد بين اكثر من قرار او طريق، وهالشي مخليكم توقفون خطوة قبل لا تتقدمون، اكو شخص هادئ او ناضج ممكن يكون موجود بحياتكم رح يأثر عليكم بشكل ايجابي، بس مو مباشر وانما من خلال موقق او تصرف يخليكم تعيدون ترتيب افكاركم

• دراسيًا وضعكم ديميل للاستقرار والنجاح موجود خصوصا للملتزمين، بس الحيرة او التشتت دتضيع وقت منكم

حدس للابراج النارية
الاسد ، القوس ، الحمل

• لـ شهر فبراير 2 •

• هالشهر عندكم نضوج بطريقة تعاملكم مع الامور، رح يكون اكو توازن بين العقل والقلب، ومارح تندفعون مثل قبل ولا تكونون باردين وانما وعي،هواية منكم رح يتحمل مسوؤلياته بصمت،سواء داخل البيت او برا او اشياء شخصية،وبتحسون انكم لازم تكونون الطرف الثابت لو حتى لو انتوا تعبانين من الداخل،وهالشي رح يخليكم اقوى قدام الناس، بس مرهقين داخليًا،رح تنسحبون او تبتعدون عن شي كان مستنزفكم،ومارح يكون هروب بكثر ما هو حفاظ على نفسكم،وبالمقابل رح يكون اكو تعويض حلو،اكو شعور بالاعتراف او تقدير او فوز معنوي بشي يخليكم تحسون انو الخطوات كانت صحيحة،علاقاتكم رح تتحسن ورح تصير اوضح وأصدق،عاطفتكم رح تكون قوية،اكو مشاعر جديدة او احساس يرجع للحياة بداخلكم،بس هالمره رح تكونون حذرين ومارح تفتحون قلبكم بسرعة،رح تختبرون الجو وتراقبون كل التفاصيل وبالمقابل عطائكم رح يكون متوازن،ماكو تضحية من طرف واحد الان،وهذا الشي فرق كبير عن مراحلكم السابقة،اكو ارهاق متراكم رح يطلع على شكل قلق او تفكير زايد،خصوصا بوقت الليل ومو لان الامور سيئة بالوقت الحالي بس انتوا دتتحملون اكثر من اللازم بس رغم هذا ماكو انهيار خارجي بالعكس اكو صمود واستمرار حتى وانتوا تعبانين، اكو استقرار عائلي هالشهر ولمة واخبار حلوة واحساس بالامان يخليكم ترتاحون،هالشهر يحمل الكم وضوح وفرح داخلي،وحركة سريعة تصير فجاة واخبار واتصالات حلوة،واكو خطوة رح تنطيكم دفعة طاقة قوية وتخليكم تتحركون بثقة اكبر،الحماس رح يرجع عندكم والرغبة بالمبادرة عندكم رح تكون عالية، بس هالمره انتوا الي رح تكونون مسيطرين مو العكس

حدس للابراج المائية
السرطان ، الحوت ، العقرب

• لـ شهر فبراير 2 •

• هالشهر عندكم ميول واضحة للعزلة او انو تقللون احتكاكات،ورح تعيدون ترتبون افكاركم بشكل هادئ،وتتخذون قرارات داخلية ومارح تحبون تشاركون هالمره كلشي مع الكل،تفكيركم رح يكون عملي اكثر من المعتاد،ورح تحاولون تشوفون الامور بعين العقل حتى لو القلب بعده متعلق،اكو مسوؤليات مادية او عائلية رح ترجع تبين ورح تخليكم تحسون بثقل بس بنفس الوقت رح تذكركم بقيمتكم ومكانكم،بعضكم رح يصير هو الركيزة لغيره هالفترة،يعني رح تكونون الي يعتمدون عليه حتى وانتوا محتاجين دعم،وهالتناقض رح يخلي توتر داخلي ويطلع على شكل نقاشات او احتكاك بسيط مع المقربين منكم،بالرغم من هذا رح يكون اكو انفراجات اجتماعية حلوة،طلعات،دعوات، او لقاءات تخفف عنكم الضغط وتذكركم انكم مو وحدكم، اكو علاقات قديمة رح ترجع تنفتح وبعضكم رح يكون صلب هالشهر،اكو استقرار على المستوى العائلي او احساس بالامان حتى لو الظروف مو مثالية،اكو قرار عاطفي او اختيار لازم يصير هالشهر رغم رح يكون اكو تردد موجود بس مو بشكل مطول، اكو شخص تأثيره واضح وطاقته عالاكثر نارية ( اسد ، حمل ، قوس ) ، حضوره يحرك مشاعر قديمة بداخلكم او باب لكلام كنتوا مأجليه وماتحبون تحجون بي بس رح ترتاحوله، بنفس الوقت رح يكون اكو احساس بالنقص او خوف من الخسارة بداخلكم،خصوصا اذا سبق وانجرحتوا من نفس السيناريو،رح تكونون حماسيين هالشهر وحماس حلو يدخل لحياتكم،ويكون اكو رغبة بالتغيير بداخلكم او انو تبدون من جديد بس مو بدون مقاومة، اكو صراع بين الاشياء القديمة والجديدة بشكل واضح،وبين الالتزام والحرية ايضا، البعض منكم رح يرجع يتمسك بقيم او مبادئ تعلمها من الماضي، ورح يقرر يرجع يمشي عليها حتى لو كان الطريق ابطئ،هالشهر رح يكون مهم ويعلمكم شلون توازنون بين العقل والقلب،وبين العطاء والحفاظ على نفسكم، مارح يكون كلشي سهل بس رح يكون اكو نضج واضح،وخياراتكم رح تبين اقوى واكثر وعي من قبل

حدس للابراج الهوائية
الميزان ، الدلو ، الجوزاء

• لـ شهر فبراير 2 •

• هالشهر رح يجيكم بنقطة انهاء واضحة، اكو شي انتهى فعليًا حتى لو انتوا بعدكم دتفكرون بي،واكو احساس انو فصل كامل بحياتكم انقلب وهالشي مو فجاة لكن بعد تراكمات تعب وصمو طويل،بس هذا الانهاء رح يفتح باب جديد كدامكم،وباب اوسع بس رح يحتاج شجاعة حتى تدخلونه بدون تردد او رجوع للخلف،هالشهر رح يكون سريع،اكو اخبار وتحركات هواية واكو كلام رح يوصل فجاة ويغير نظرتكم لهواية امور، بنفس الوقت حدسكم رح يكون عالي وقوي بشكل مو طبيعي،ورح تحسون بالاشياء قبل ماتصير وتلتقطون تفاصيل غيركم ما ينتبه الها،وهالاحساس رح يخليكم تميلون للهدوء احيانا والانسحاب من الضجيج حتى ترتبون افكاركم، لان جسمكم وعقلكم يحتاجون استراحة بعد ضغط سابق،اكو بداية صغيرة للبعض بس ثابتة،وخطوة عملية او مشروع او فكرة او قرار دينزرع هالشهر ورح يكبر مع مرور الوقت، بعض الامور رح تنعاد من جديد،رح تراجعون مواقف قديمة او احكام سابقة ورح تكتشفون انو الحقيقة جانت اعقد مما متخيلين،التوازن رح يصير هدفكم الاساسي، لا افراط ولا تفريط بنفس الوقت، خصوصا بعلاقاتكم وتعاملاتكم اليومية،رح يكوز عندكم رغبة انو تبدون من جديد، لان اكو حماس وطاقة واندفاع بس بنفس الوقت اكو حذر، مو كلشي لازم تقولوه ومو كل شخص يستحق يعرف كل اوراقكم،اكو وضع او شخص يحاول يلعب على الحبلين/الجانبين او يربككم وهنا انتوا لازم تعتمدون على حدسكم اكثر من الكلام الظاهر،حضوركم رح يكون قوي هالشهر، عندكم جذب وتاثير واضح ودعم من اشخاص او احساس انو عطائكم بدا يرجع الكم، بس مع هذا اكو حيرة موجودة، وكثير خيارات كدامكم،وكل خيار يحمل الكم شي مغري وشي متعب بنفس الوقت، الاحتكاكات او الجدالات ممكن تزيد هالشهر اذا حاولتوا ترضون الكل، لذلك لازم تختاون موقفكم وتثبتون عليه،الشهر مليان صراعات بسيطة، مو صراعات تكسر لكن تختبر قوتكم وحدودكم، بس رح يكون اكو نمو وتوسع واحساس انكم رجعتوا تسيطرون على الامور بيدكم حتى لو مو كل الطريق واضح بشكل كامل

حدس للابراج الترابية
الجدي ، الثور , العذراء

• لـ شهر فبراير 2 •

• هالشهر رح يتطلب منكم سرعة بالتفكير واتخاذ القرارات، مو بالتسرع، بس لان بعض الامور ما عاج تتحمل التأجيل بعد، واكو نقاشات تنفتح فجاة يعني نقاشات مباشرة او مواجهة بالكلام رح تفرض عليكم تكونون اوضح من قبل،وهذا الوضوح رغم ثقله بس رح يريحكم لانكم متعودين تعرفون وين واقفين،عاطفتكم هالشهر هادئة واحساسيكم بسيطة،واكو رسائل غير مباشرة توصلكم،او اهتمام رح يبين الكم بالافعال اكثر من الكلام،وبنفس الوقت اكو تبادل حقيقي واخذ وعطاء متوازن سواء بعلاقة او تعاون،واكو شي رح يتطور خطوة بخطوة بدون استعجال،البعض منكم رح يدخل شراكة او يكمل عمل مع ناس تثقون بيهم،اكو قرار انتقال رح يطلع، او تغيير جو او تتركون مرحلة كاملة وراكم،حتى لو كان هذا التغيير داخلي اكثر مما كونه خارجي، بس رح تميلون للاستقرار بس بطريق طويل وصبور، اكو حركة بالحظ الكم وفرص حلوة رح تجيكم فجاة بس تحتاج منكم تركيز حتى ما تضيع،اكو احتكاكات هواية هالشهر، اكو ناس رح تختبر صبركم او توقف توقف بطريقكم، بس قوتكم الداخلية اعلى من قبل، وتعرفون انو مو كل معركة او نقاش لازم تدخلوه، ورح تختارون وين تصرفون طاقتكم، اكو آفاق جديدة رح تنفتح الكم بشكل جميل،وتخططون للمستقبل وتفكرون بالمدى البعيد، ورح تشكلون اهدافكم بوضوح،رح يكون اكو خوف او قلق خفيف بداخلكم، وشكوك او هواجيس احيانا بس مارح تسيطر عليكم، قوتكم النفسية اعلى ورح تساعدكم تواجهون هذا الشي بدون ما يكسركم، واكو حقيقة رح تنكشف بالنهاية سواء عن عن شخص او عنكم او عن موضوع كان غامض،وهالشهر رح يكون اكو امان اكبر وثبات مادي او عائلي، وشعور انكم بنيتوا اساس قوي للفتؤة الجاية، والقرارات الي تاخذوها هالفترة رح يكون الها أثر طويل، بس أثر ايجابي اذا مشيتوا بهدوء وعلى قناعاتكم

~ عروض قراءات شهر الثاني فبراير ~

قراءة عاطفية للمرتبطين/الكراش
تشمل > طاقة العلاقة الحالية ، مشاعره اتجاهك ، القادم بينكم بالعلاقة ، القادم منه اتجاهج ، مستقبل العلاقة ، نصيحة عامة ، كيفية تطوير العلاقة ، هل يوجد زواج ، بـ 10 اسيا

قراءة المنفصلين
تشمل > طاقته الحالية اتجاهك ، القادم منه ، هل يوجد رجوع ، مستقبل العلاقة ، مشاعره الحقيقية ، هل يوجد اطراف ثالثة ، نصائح لتطوير العلاقة ، سؤال اضافي سطحي من اختيارك ، بـ 10 اسيا

قراءة دراسية
تشمل > الوضع الدراسي الحالي ، الوضع الدراسي القادم ، نصائح لتطوير الدراسة، الدرجات المحتملة ، العوائق الدراسية ، الاحداث الدراسية القادمة
ارشاد تاروت لدراستكم ، ولطريقكم الدراسي
كل هذا بـ 10 اسيا

قراءة عامة شهر فبراير
تشمل > احداث الشهر من كل النواحي بشكل عام ، اوضاع الجانب الدراسي ، اوضاع الجانب العاطفي ، اوضاع الجانب الصحي، تحذيرات ونصائح
تاروت ارشاد لعلاقاتكم / دراستكم ( جانب واحد بس )
قراءة لسؤال واحد من اختياركم
كل هذا بـ 10 اسيا

التواصل والحجز : @leo7kk
حبايب الي يحب يحجز اي نوع قراءة من العروض،يرسل اسمه وبرجه، ونوع القراءة وسعرها على طول،افضل اله والي ❤️