حدس دراسي للابراج النارية
الاسد ، القوس ، الحمل

• الوضع الدراسي الحالي عندكم رجوع ذهني قوي وكانوا معلومات قديمة ترجع تطلع الكم فجاة وهالشي حتى بوقت الامتحان رح يصير،واكو احساس انكم صحيتوا دراسيًا ووعيتوا على نفسكم حتى لو قبلها جان اكو اهتمال او تذبذب

• طريقة تفكيركم دتتحول من تشتت الى قرارات وهسه يعني صرتوا تعرفون شنو تقرون وشنو تتركون،واكو شجاعة داخلية وتجربة جديدة للدراسة ممكن اسلوب مختلف او مادة جنتوا خايفين منها وتطلع اسهل مما متوقعين

• بالامتحانات تكون عندكم طاقة بداية جديدة وثقة للاكثرية وسرعة بديهة وتحسون الاجابات حتتذكروها بسلاسة،خاصة بالاسئلة الي مادتها فهمية مو حفظ،واكو تفوق ملحوظ لبعضكم وبعضكم رح يعوض اخطاء سابقة ويطلع بنتيجة اقوى

بالنسبة للدرجات فـ اشوف بيها ارقام معينة مثل
9/6/7/3/6

حدس للابراج الهوائية
الميزان ، الدلو ، الجوزاء

• بداية او رغبة قوية تسوون شي جديد بدون تفكير طويل،خطوة جريئة حتى لو بيها مجازفة
• احساس بالقوة والسيطرة يرجع الكم،صايرين تحبون تمشون الامور بطريقتكم
• كلامكم مباشر وسريع،تحجون بدون مجاملة وممكن هالشي يسبب احتكاكات
• شعور داخلي انكم محبوسين فكريا،افكار كثير تدور بنفس الدائرة
• صراع داخلي بين انو تريدون تتحركون وتسوون شي،وبين خوف من النتيجة
• نقاشات او احتكاكات مع ناس بنفس محيطكم،كل واحد يريد يثبت رأيه
• توتر ذهني واضح،دماغكم مدا يوكف،تحتاجون تهدئة مو بس قرارات
• رغم هالقيود الحلول موجودة بس انتوا دتصعبوها على نفسكم
• الوضوح رح يكون مطلوب، يا خطوة للامام يا وقفة صريحة حتى لا تستنزفون نفسكم

حدس للابراج النارية
الاسد ، القوس ، الحمل

• اكو تمسك قوي بشي معين،فكرة او وضع او شخص،وصايرين متحبون تفرطون بي بسهولة
• دتنفتح طاقة جديدة،حماس او رغبة انو تسوون خطوة مختلفة عن قبل
• الاحساس بالاستقرار حلو،حتى لو مو كامل بس تحسون كلشي صاير اوضح
• اجواء فرح او راحة نفسية تطلع فجاة،شي بسيط يغير مزاجكم للاحسن
• ثقتكم بنفسكم دترتفع،وصايرين تبينون اكثر بدون مجهود
• اكو تغيير ايجابي ديصير،مو سريع بس واضح انو هو لصالحكم
• حظكم صاير متقلب،مرات قوي مرات هادئ، بس بشكل عام افضل
• تحسون انو شي جان واقف اخيرا ديتحرك،حتى لو بخطوات صغيرة
• دتجمعون بين حب الامان وحب المغامرة وهالشي مسببلكم حيرة خفيفة داخلكم
• المرحلة الحالية حتمهد لشي احسن حتى لو التفاصيل ما اكتملت

حدس للابراج الترابية
الجدي ، الثور , العذراء

• عندكم رغبة قوية تتحركون وتغيرون وضع ثابت، ماكو صبر على الركود بعد
• احداث مفاجئة ممكن تقلب اشياء مرتبة بحياتكم،مو سيئة بس صادمة
• احساس بخيبة او جرح نفسي بعد موقف او كلام صار،للان اثره موجود
• رغم التعب دتركزون على شغلكم او واجباتكم اليومية كطريقة هروب من التفكير
• اجتهاد واضح،مدتحبون تعتمدون على احد وتفضلون تعبكم بيدكم
• صراع داخلي بين تريدون تهدمون شي وبين تحافظون عليه لانكم متعودين
• دتميلون للالتزام بالقوانين او الروتين لانه ينطيكم احساس امان
• اكو درس قوي ديتكرر بحياتكم،افهموه حتى تعبرون المرحلة
• رح تحسون انو المسوؤليات دتزيد عليكم، بس بنفس الوقت هالشي رح يقويكم

حدس للابراج المائية
السرطان ، الحوت ، العقرب

• حمل وتعب متراكم ديضغط عليكم،مسوؤليات او اشياء شايلينها فوك طاقتكم
• رغبة حقيقة بداخلكم بالابتعاد عن وضع او فكرة متعبتكم نفسيًا
• خطوة انسحاب او هدوء دتصير داخليا،مو هروب بكد ما هو حفاظ على نفسكم
• رغم التعب اكو طاقة لقائات او تواصل حلو يخفف التعب شوي
• اجواء خفيفة او ضحك بسيط يرجع الكم الاحساس بالحياة والمتعة
• تحاولون تسيطرون على الوضع بعقلانية اكثر من العاطفة هالفترة
• موقف رح يخليكم تحطون حدود واضحة وما تسمحون يتجاوزها احد
• اكو احساس بالنقص او قلة التقدير، بس مو ثابت ورح يتغير
• دتتعلمون شلون تعتمدون على نفسكم اكثر بدون انتظار دعم احد
• رح تتعلمون تختارون شنو تشيلون وشنو تتركون وراكم

حدس للابراج النارية
الاسد ، القوس ، الحمل

• اخر اسبوع شهر يناير •

• بهالفترة اكو صحوة قوية بداخلكم وقرارات قديمة ترجع لراسكم وتخليكم تعيدون حساباتكم من حديد، اشوف مرحلة صبر طويلة عشتوها وحسيتوا بيها انو الامور واكفة او بطيئة، بس بالحقيقة كنتوا تبنون شي خطوة خطوة بدون ما تحسون،حدسكم رح يكون عالي هالايام،وتحسون بالأشياء قبل لا تصير وتعرفوت شنو صح وشنو غلط حتى لو ماعندكم دليل واضح، بنفس الوقت اكو ضغط تفكيري واضح وافكار تحاصركم وخوف من تكرار تجربة او قرار،وكانكم محبوسين براسكم اكثر من الواقع،اكو تعب موجود بس بي التزام سواء بشغلة او بعلاقة او هدف،ودتحاولون تكملون حتى وانتم ممرتاحين، اشوف طاقة شخص ناعم او طاقة انثوية حواليكم،وهالشخص دينطيكم امان او يخفف عنكم،ويطلع جانب عاطفي دافئ يخليكم تحسون انكم مو وحدكم هالفترة،العلاقات رح يكوت بيها انسجام واضح وتفاهم ولحظات قرب حلوة وممكن تصير تصفية اجواء او تحسون بالاستقرار بعد لخبطة،دراسيا تركيزكم موجود بس محاط بتوتر قوي،لذلك خففوا ضغط افكار وركزوا على شي واحد والنتائج رح تكون افضل من المتوقع

حدس للابراج المائية
السرطان ، الحوت ، العقرب

• اخر اسبوع شهر يناير •

• هالفترة عندكم مرحلة اغلاق واضحة،اكو شي قديم رح يوصل لنهايته، ومارح يكون خسارة بكد ما هو ارتياح داخلي،ذكريات رح ترجع فجاة او ناس من الماضي يرجعون،او احساس حنين بداخلكم يخليكم تراجعون مشاعر قديمة،مو لان تريدون ترجعون بس رح تقارنون شكد تغيرتوا،رح يكون اكو لخبطة داخلية،وشكوك ومزاج متقلب واحيانا رح تحسون روحكم مو ثابتة،بس بنفس الوقت رح تبنون خطوات صغيرة بس ثابتة وشي واقعي،سواء ماديا او نفسيا او دراسيا، وديصير عندكم احساس اقوى بالقيمة والامان خصوصا اتجاه نفسكم،رح تميلون انو تمسكون الشي بيدكم اكثر،وتحافظون على طاقة معينة او علاقة او وضع لانكم تعبتوا حتى توصلون لهذا الشي،واكو حالة دفاع عن النفس،رح تحمون حدودكم وماتسمحون لاحد يقلل منكم او يتعدى،ورغم رح يكون عندكم هدوء خارجي بس اكو شرارة داخلية دتبدي ورغبة جديدة سواء فكرة او حماس خفيف يخليكم تحسون انو بعد هالتعب اكو شي جديد جاييكم، بس هالمره من مكان افضل،دراسيا اكو استقرار افضل من قبل، بس اثبتوا على هذا الوضع وبطلوا تسخيت حتى تستثمرون هالهدوء والطاقة

حدس للابراج الهوائية
الميزان ، الدلو ، الجوزاء

• اخر اسبوع شهر يناير •

• اشوف حالة تذبذب،رح تحسون نفسكم بين خيارين او اكثر وكل خيار بي اغراء مختلف، بس بنفس الوقة ماكو ارتباك قوي بكد ما هو محاولة توازن حتى ماتخسرون شي،اكو شعور رضا داخلي،واحساس انو شي معين صار مثل ما جنتوا تتمنون، حتى لو مارح يكون كامل للبعض بس رح يكون كافي انو يريحكم نفسيا،جانبكم العاطفي حيكون ناعم هالفترة،ومشاعر حتطلع بدون تخطيط،وكلام حلو او تصرف بسيط رح يترك اثر كبير بداخلكم، بس بنفس الوقت رح تبتعدون عن شي متعب، وتقررون انسحاب بهدوء من موضوع او شخص ومارح يكون هروب وانما حفاظ على راحة بالكم،اكو لقاءات وتجمعات ولحظات ضحك رح تخفف عنكم ثقل الايام الجاية، رح يطلع خيار عاطفي مهم او علاقة رح تحتاج منكم قرار، مو شرط قرار نهائي بس رح تكون مواجهة حقيقة مشاعركم بدون لف ودوران،هالفترة رح تدفعكم للامام اكثر ويكون اكو حركة او حسم او خطوة جريئة تسووها بعد تردد،وتوصلون وراها لاحساس الاستقرار او فرح بسيط،دراسيا عندكم قدرة قوية على الانجاز بس تحتاجون تنظمون وقتكم، لان اشوف التشتت هو التحدي والعائق الاساسي ضدكم هالفترة

حدس للابراج الترابية
الجدي ، الثور , العذراء

• اخر اسبوع شهر يناير •

• هالفترة رح تكون سريعة ومشحونة بالاحداث، اكو اخبار او تحركات تجيكم فجاة ورح تخلي مزاجكم يتغير او خطتكم تتغير بشكل مفاجئ، بس بنفس الوقت اكو جرح واضح بداخلكم بعده ما ملتئم،وخيبة او موقف سبب الكم وجع وخلاكم تعيدون تفكيركم بقيمة شي او شخص كان مهم،اشوف انسحاب داخلي،مو هروب بس رح يكون قرار انو ما تكملون بشي ما عاد يرضيكم، حتى لو جان صعب، خصوصا اذا حسيتوا انو العاطفة صارت فارغة او غير متبادلة، اكو احباط بسيط، بس مو مسيطر لان رح يكون وراه طاقة رغبة جديدة لشي ورح تطلع بشكل هادئ، ورح يكون عندكم فضول او حماس لشي مختلف عن قبل،اكو مرحلة تخطيط وتفكير بالمستقبل ورح تفكرون بالخيارات من بعيد وتقررون تختارون الافضل الكم،ورح يكون اكو نضج عاطفي او توازن داخلي وتفهمون مشاعركم اكثر وتتعاملون بهدوء بدون سيطرة وانفجار، دراسيا عقلكم جيد وحاضر بس دتتاثرون بحالتكم النفسية، افصلوا دراستكم عن مشاعركم وامشوا بخطوات ثابتة وهالشي رح يساعدكم بالنجاح

حدس لاصحاب الاحرف
ف/ح/هـ/خ/ع/ج/ش/ث/د

• هالفترة اكو حالة دفاع وتحدي،دتحسون نفسكم مجبورين تثبتون موقفكم او تحافظون على شي تعبتوا عليه،حتى لو غيركم مديشوف كلشي بشكل كامل، واكو ضغط يخليكم توكفون بشكل موقف،كانوا رح تتعلكون بين قرارين، لا تقدم ولا تراجع، بس هالوكفة مو سلبية وانما رح تنطيكم فرصة تعيدون ترتيب افكاركم

• اشوف مرحلة شغل او دراسة وتركيز قوي،وجهد واضح دتبذلوه على موضوع مهم، وممكن هالشي دينبني خطوة بخطوة بشكل ايجابي حتى لو انتوا متضايقين وتعبانين، رح يصير تغيير قوي بشي معين او صدمة تكسر مسار قديم،يعني شي ما كان محسوب رح ينتهي، بس رح يبين شي جديد اسرع واوضح

• رح ترجعون تمشون ليكدام بثقة اعلى، دراسيا رح تحسون بفقزة واضحة بدراستكم لصالحكم يعني فقزة ايجابية،والتعب هنا موجود بس النتيجة رح تكون قريبة لقلبكم وواضحة

حدس لاصحاب الاحرف
ت/ن/س/ذ/ر/ض/ق/ك/ص/غ

• هالفترة عندكم رغبة بالاستقرار والهدوء،دتحسون نفسكم محتاجين مكان او وضع يطمنكم،حتى لو من الخارج تبين الامور عادية،بس داخليا اكو ملل او عدم رضا عن شي،ودتحسون اكو فرصة او عرض كدامكم بس مو متحمسين اله مثل قبل،ودتفكرون اذا يستاهل الجهد او لا

• حركتكم بالاشياء صايره بطيئة بس ثابتة وخطواتكم صايره محسوبة بدون استعجال ودتحبون تمشون كلشي على مهل حتى توصلون لنتيجة مضمونة، بس الوقت اكو انسحاب عاطفي او ذهني من شي متعبكم،مو هروب بكد ما هو انتقال لمرحلة اهدا واوضح

• رح ترجعون تلزمون الامور بيدكم وتحطون حدود وتقروون شنو يبقى بحياتكم وشنو يطلع وبدون تردد،ويصير عندكم وضوح وقوة موقف اكثر من قبل

• دراسيا تقدمكم صاير بطيئ بس بي ضمان،كملوا على نفس طرقكم الحالية بدون ملل والنتائج رح تكون حلوة بالنهاية

حدس لاصحاب الاحرف
ا/ي/ل/ب/م/ط/ز/ظ/و

• الفترة الحالية عندكم صراعات وضغط من اكثر من جهة، واحساس انو كل واحد ديريد شي منكم او كل وضع كاعد يشدكم لاتجاه مختلف،وهذا الشي ديخليكم متوترين شوية وتفكيركم متشتت،بنفس الوقت اكو تغيير قوي ديصير، مو ثابت هو بس يديغير الامور ويقلب اشياء جنتوا متعودين عليها، وممكن حظ يتغير او فد قرار رح ينفرض عليكم

• رح تطلع عندكم مشاعر حلوة ورغبة بالتقارب لشي،حتحاولون تهدئون الاجواء او ترجعون لاحساس يطمنكم، بس بشكل عقلاني وتفكير منطقي هالمره يعني مارح تخلون المشاعر تسحبكم بدون حدود مثل قبل، واكو شي مخفي حواليكم

• يعني اكو احساس داخلكم ينبهكم انو تنتبهون من شي وحدسكم صاير قوي بهاي الفترة خصوصا تجاه شخص او موضوع ممبين بشكل كامل،وهالفترة صيروا هادئين وراقبوا اكثر من المواجهات المباشرة

• دراسيا اكو تشتت ومنافسة او مقارنة وي غيركم، بس ركزوا على مساركم ولتدخلون صراعات ونقاشات، ورح تستغلون الفرص لصالحكم وتكون النتائج حلوة

حدس للابراج النارية
الاسد ، القوس ، الحمل

• صاير عندكم انتظار طويل على موضوع مهم ومتعبكم نفسيًا
• ضغوط متراكمة ومسوؤليات هواي فوق طاقتكم،والبعض حاس انه شايل اكثر من اللازم
• رغم التعب اكو أمل واضح ورجعة ثقة تدريجية،شي جان مطفي رح يرجع يضوي
• دتحاولون تسيطرون على مشاعركم وتتعاملون بعقلانية حتى لا تنجرون للانفعال
• خطوة قوية رح تحتاج حسم منكم،وماتظلون بوضعكم الحالي اكثر
• رح تغلقون مرحلة قديمة وشي رح يكتمل وتخلصون منه
• رح تحسون بالرضا عن قرار او اختيار رغم كل التعب الي مر
• شخص طاقته مائية ديحاول يكون هادئ وياكم ويحتوي الوضع
• بعضكم ديعيد تقييم احلامه ويفكر بالمستقبل ويغير اهداف كان متمسكم فيهم
• بتميلون انو تهتمون بانفسكم اكثر وتبحثون عن راحة حقيقية مو بس شكلية

حدس للابراج المائية
السرطان ، الحوت ، العقرب

• اكو اندفاع او رغبة ببداية جديدة،فكرة او خطوة تحسون لازم تسووها
• صايرين قلقين بكثرة وتحسون بعدم وضوح واشياء تصير حواليكم تحسوها مو مفهومة
• اكو احساس داخليا بالنقص او الخسارة سواء مادي او نفسي وبعضكم ديقارن نفسه بغيره
• اكو صدمة او تغيير مفاجئ رح يهز ثباتكم، شي رح ينكشف فجاة
• رح تبتعدون وتنسحبون عن شي او عن شخص
• رح تراجعون نفسكم بشكل قوي وتصحون داخليا وتشوفون اخطاء قديمة وتفكرون شلون تصلحون هالشي
• اكو مراوغة او كذب ديصير، يا اما منكم او من شخص قريب
• دتحسون نفسكم حايرين بس رغبة بداية ورغبة هروب وراحة بنفس الوقت
• بعضكم رح ينهي علاقة او فكرة كانت مستنزفة للنفس من زمان
• حدسكم صاير قوي،واحساسكم ديدلكم عالطريق بشكل صحيح

حدس للابراج الهوائية
الميزان ، الدلو ، الجوزاء

• تفكيركم صاير واضح وحاد،وتحاولون تنهون امور بعقل بارد
• اكو قرارين امامكم وماراضين تختارون،وهالتأجيل ديجي من خوفكم من الغلط
• دتتخططون للمستقبل وتنتظرون نتائج خطوة سويتوها قبل قترة
• دتتمسكون بشي او بشخص رغم اشوف اكو تغيير رح يصير
• رح تتسارع الاحداث فجاة واخبار او تواصل يخليكم تعيدون ترتيب اولوياكم
• علاقة او خيار عاطفي/شخص رح يفرض نفسه بقوة هالفترة
• اكو شخص جوزاء/ميزان ديكون اله دور مباشر بالحيرة الي عندكم حاليا
• بعضكم ديعيد تفكيره بخصوص شراكة معينة او ارتباط/علاقة

حدس للابراج الترابية
الجدي ، الثور , العذراء

• اكو تعاون او شغل مشترك رح يتم،بس مو بنفس الحماس من كل الاطراف
• التفكير زايد عندكم لدرجة الارهـاق،خصوصًا بالليل والهواجيس مسيطرة
• اكو بداية عاطفية ناعمة واحساس رح يطلع بهدوء بدون اندفاع
• رح تهتمون بشي جديد بشكل عملي وتبدون بخطوات صغيرة
• رح تحسون بالاستقلال والقيمة الذاتية،بعضكم ديرجع يوكف على رجله بقوة
• حساسيتكم العاطفية عالية،ودتتاثرون بسهولة حتى من تفاصيل بسيطة
• دتحاولون توازنون بين العقل والقلب بعد فترة توتر صارت
• اكو رغبة بداخلكم انو تكونون مفهومين ومُقدرين بدون ماتطلبون هالشي
• واضح انو دتبنون نفسكم من جديد من بعد تعب نفسي صار

اريد احجي عن موضوع كلش غلط واعرف هواية منكم يسووه ، وهو كثرة قراءتكم للحدس والقراءات او القاموس او كلشي عند كل قارئ/ة ، يعني كل قراءة تطلع الكم تقروها ميهم منو الشخص الي مسوي هالقراءة ، وهالشي كلش غلط الكم ولطاقتكم وتتاذون لان هيج دتوزعون طاقتكم على كل القراءة وبعد تحير شنو ينطبق ومنو ينطبق ! ، وبدال لا تسوون الخيار الصحيح انو تعتمدون على قراء دائما قرائتهم تنطبق عليكم انتوا كاعدين تقرون قراءات الكل وهالشي غلط، حددوا طاقتكم لشخصين ثلاثة قراءتهم تنطبق عليكم لا توزعون طاقتكم يم الرايح والجاي وكل شوية تشوفون بث جديد مال قراءات لان هيج كلش سيئ بعد مو زين ، وهالشي شفته يم اغلب الي متابعيني ، يعني كمثال اكو بنية دائما تعلقلي فـ الكاها عند كل قارئة حرفيا معلقة لو شي ثاني يعني موزعة طاقتها يم الكل فهالشي غلط ترا القراءات والحدس العامات مو لازم شي اساسي بحياتكم حتى هيج يسوى انو توزعون طاقتكم يم الكل فعالجوا هالشي وحددوا قراء وقارئات محددين ترتاحون لطاقتهم ولقرائتهم ، وتحياتي 🙏🏻

سلسلة شرح الاركانات 🔮

• اركانا 1 🃏✨ •

• اصحاب هالاركانا دائما من الناس الي ما ينتظرون الفرص تجي، همَ يصنعوها بنفسهم، ودائما بداخلهم يحسون انو عندهم شي لازم ينحجي وشي لازم يصير،حتى لو ما كان اكو الهم دعم واضح بس هم فطرًة يعرفون شلون يستعلمون كلامهم، حضورهم ، وحتى سكوتهم وهالشي يساعدهم حتى تمشي الامور لصالحهم ، دائما يحبون احساس انو السيطرة وكلشي بيدهم،ويضوجون بسرعة من الروتين او من الاشخاص المملين والي بس يراقبون، عندهم قابلية قوية على انو يبدون من الصفر دائما،وعندهم حماس للبدايات بشكل كبير،بس ممكن يحسون بالممل اذا حسوا ان الانجاز وكف او خرب واهسهم، لان هنا بهالحالة عقلهم يشتغل اسرع من الواقع، ويحبون الذكاء يحبون الوضوح بعلاقاتهم من جميع انواعها، والاكثر ينفرون من السيطرة عليهم او من الناس الي يقللون من أفكارهم، ويحبون يقودون الطريق بنفسهم مايحبون يعتمدون على احد ولا يحبون يبينون ضعفهم او حاجتهم لاحد، فدائما يبقون مسافة خفيفة حتى مع اقرب الناس،الاكثرية من اصحاب هالاركانا اذا حسوا انو احد ديشك بقدرتهم او يحاول يحد من افعالهم وتصرفاتهم،بهالحالة رح يستعلمون مهاراتهم بالكلام او الذكاء بطريقة دفاعية قوية او حتى احيانا توصل انو تكون مؤذية، فـ اكبر غلط لاصحاب هالاركانا انو يفرقون طاقتهم على اكثر من حاجة او اتجاه وينسون شنو الشي المهم الي يستاهل ينطون طاقتهم اله

اختاروا كارت معين على حسب الرمز
- قراءة عامة

🌔

• هالفترة اكثركم عندهم رغبة قوية بالاستقرار وانو يرتبون كل الامور بشكل نهائي، خصوصا من ناحية البيت او العلاقات المقربة،واكو احساس بداخلكم انو تريدون توصلون لمرحلة امان وانو تعبكم مايروح بلاش،بس لاتخافون تعبكم مارح يروح، بنفس الوقت رح يطلع عندكم تعب متراكم ومسوؤليات قديمة بعدكم شايليها،وضغط ديخليكم تحسون انو لازم تكملون غصب ومو على راحتكم،عندكم بداية جديدة واضحة واكو فرصة او قرار رح يفتح باب مهم الكم، ورح تسمعون صدمة او خيبة بسيطة تخص شخص او موقف خلاكم تعيدون التفكير بثقتكم بالنفس، الكلام رح يصير اوضح بهالفترة، اكو حقائق رح تنكشف، رح تبدون تعرفون منو الصادق ومنو اللعوب، البعض منكم رح يكتشف انو اكو كلام صار بظهره او تصرفات مو مثل ما جانت بالبداية،قراراتكم حتصير اقوى ، وتبدون تحطوت حدود واضحة هالفترة مارح تكون سهلة رح يكون بيها وعي ، ورح تشوفون نتائج تعبكم بنجاح حلو باذن الله

🏔

• هالفترة دتحاولون تكونون ثابتين وتسيطرون على اموركم،خصوصا من ناحية مادية او من ناحية مسوؤلية معينة،دتحسون نفسكم مسوؤلين عنها بشكل مباشر،وبنفس الوقت اكو جانب متحسس بداخلكم، واكو مشاعر دتكتموها ومتحجوها،وكانوا دتحاولون تبينون اقوى من الي تحسون بي،ديطلع تعب كبير من تجربة سابقة، ونهاية كانت قاسية وخلت وراها خوف او شكوك ما انتهت بشكل كامل ودتطلع هسه،هواية اكو اشياء غامضة حواليكم هالفترة،ومو كل شي واضح،عندكم احساس انكم محاصرين بافكاركم وتخيلاتكم اكثر من الواقع نفسه،اكو اندفاع او رغبة ببداية جديدة، واكو فكرة او خطوة رح تجيكم فجاة وممكن تنفذوها،البعض عندهم توقف باشياء معينة دتصير هالفترة بس لتخافون هالتوقف مو خسارة هو مرحلة انتظار ، لان مجبورين تبقون بمكانكم الى ان تنكشف الامور بشكل واضح