حدس لـ زهرات
الجوزاء ، السرطان ، الجدي ، الحمل ، الدلو ، العقرب

• داخلين بطور حماية قوي وجالسين تمسكون مشاعركم بايدكم وماتتصرفون بسهولة وتهور، وتحبون بس بحذر وتنطون بعد اختبار طويل وماكو اندفاع ولا استعجال مثل قبل، واكو صراع داخلي ديصير، بين رغبة بالاستقرار ورغبة ثانية تحسسكم انو لازم تثبتون نفسكم او رأيكم كدام او شخص محيط،خصوصا اذا اكو تنافس او مقارنة بينكم وبين غيركم وهالشي ديخلق توتر بس هم ديطلع قوتكم بشكل حلو، اكو انتظار بشي عاطفي او اجتماعي،ودتشوفون اذا التعب القديم يستاهل يكمل لو لا، وكثير منكم ديوصل لقناعة انو بعض الاشياء لازم تنجح حتى تنجح ومو كلشي يجي بسرعة، مع هذا عندكم رضا داخلي واحساس انو حتى لو هذا الشي مو كامل فانتوا راضين عن نفسكم اكثر من قبل وثقتكم بذاتكم احسن،ونظرتكم للحب والعلاقات ابسط واصفى

• حركة واتصالات سريعة دتصير،ممكن رسائل او تواصل مفاجئ او شخص رح يرجع يحجي وياكم بعد انقطاع وطريقة التواصل رح يكون بيها اندفاع وكلام مباشر ماكو لف ودوران وبنفسزالوقت اكو توازن كاعد يتكون بشكل تدريجي وتتعلمون شلون تخلون العاطفة تمشي وي عقلكم، اكو شخص ديراقبكم او ديتجادل وياكم وطاقته اندفاعية وكلامه سريع ويمكن يدخل بنقاشات او يحاول يفرض رأيه بس انتوا هالفترة اقوى من انو تنسحبون او تتهربون وتعرفون تردون وتثبتون حدودكم بدون ما تخسرون نفسكم

حدس لـ زهرات
الاسد ، الثور ، الحوت ، القوس ، العذراء ، الميزان

• طاقتكم هالفترة قوية وواضحة،واكو رغبة انو تكونون انتوا المسيطرين على مسار العلاقات، مو انتظار ولا لعب ادوار ثانية ودتحبون تكونون الطرف الواضح والمبادر حتى لو ما تحجون هواية،وتصرفاتكم وحدها دتبين موقفكم، وبنفس الزقت ديطلع اثر لتعب قديم واحساس انو جزء منكم مر بمرحلة فقدان او نقص،سوء اهتمام،امان ، او تقدير وهالشي خلاكم تحسبون خطواتكم اكثر، اشوف طاقة عاطفية مبينه وبشكل قوي ومشاعر حقيقية مو سطحية بس بيها تذبذب، يعني مرات يصير اندفاع ومرات يصير توقف،كانوا دتحاولون تفهمون اذا تستمرون لو لا ، وهالتوقف مو خوف بكد ما هو اعادة تقييم وتشوفون الموضوع من زاوية ثانية،خصوصا اذا اكو شخص دينتظر منكم قرار او موقف واضح

• اشوف طاقة استقرار اجتماعي او لقائات مريحة،تواصل حلو،ومكان تحسون بي بالانتماء او شخص يذكركم باحساس الامان بس بالرغم من هذا انتوا مارح تتسرعون ودتمشون خطوة خطوة وتفضلون البناء البطيئ على العلاقة السريعة،وواضح انو دتحافظون على نفسكم اكثر من قبل حتى وانتوا داخل علاقة او انجذاب، اكو تعب متراكم من محاولات سابقة،وتجارب خلتكم تكونون حذرين وتختبرون الطرف الثاني اكثر من مره،هالمره حدودكم اوضح واي شي يتعبكم مثل قبل مارح تكملون بي

حدس لـ مراريخ
الحوت ، الجدي ، الاسد ، الجوزاء ، العقرب ، الميزان

• اشوف حركة اجتماعية واضحة بهالفترة،توصل وضحك ولمة ورجعة اختلاط بعد توقف،وكثير منكم ديرجع يتواجد بين الناس بس بطريقته الخاصة واسلوبه،ومو باندفاع وانما باختيار وبنفس الوقت عقلكم حاضر بقوة وقراراتكم صارت محسوبة وكلامكم صار دقيق وتعرفون شنو تكولون وشوكت تسكتون،وبعد ماتنجرون للنقاشات الفارغة، وعندكم طاقة ثبات وصبر ودتمشون بخطوات بطيئة بس بثقة لان ماتحبون الاستعجال،وتفضلون النتائج الي تجي بعد تعب،واكو بداية مختلفة الكم، يعني شي جديد او قرار يخليكم تحسون بحرية اكثر، مثل انو رح تطلعون من قيد او تفكير قديم

• هم اشوف قرار انو تبتعدون عن شي او شخص، مو هروب وانما تريدون انتقال هادئ ورح تتركون وراكم شي خلص دوره حتى لو جان بي مشاعر، وحدسكم صاير عالي بشكل قوي وتعرفون كلشي واكثر مما تبينون، وتخلون اسراركم لنفسكم لان تعرفون مو كلشي لازم ينحجي،وعندكم دفاع قوي عن نفسكم وما تسمحون لاحد يتجاوز حدودكم واذا حسيتوا بضغط او محاولة فؤض رأي رح توكفون بثبات وما تتنازلون بسهولة

حدس لـ مراريخ
القوس ، السرطان ، العذراء ، الحمل ، الثور ، الدلو

• عندكم بهالفترة حالة استقرار واحساس انو الاوضاع حواليكم صارت اهدى او اوضح، واكو راحة نفسية او شعور بالامان ديجيكم من مكان او شخص او من وضع انتوا بنيتوه بتعبكم، وبنفس الوقت اكو تفكير جدي بالمستقبل مو بشكل عشوائي،ودتحطون خيارات كدامكم وتدرسون كل طريق بهدوء قبل لا تختارون،وواضح ايضا دتهتمون باموركم العملية والشخصية اكثر،وتهتمون بنفسكم وبترتيب حياتكم وبحدودكم وماتحبون احد يتدخل بشكل عشوائي،اشوف تعاون او عمل مع ناس يعني شغل اجتماعي او تواصل رح يفيدكم

• اكو طاقة ثقل ومسوؤلية،ودتحسون انو لازم توقفوز موقف قوي او تتحملون قرار بخصوص شي معين،حتى لو تعبكم من الداخل،وهالفترة تحتاجون فترات صمت او عزلة خفيفة مو لان انتوا ضعاف بس دترتبون افكاركم وترجعون طاقتكم، وشي ثابت قاعد يتكون ممكن علاقة او وضع عائلي او استقرار نفسي يخليكم تحسون انو التعب ما رح يروح هدر

حدس للابراج النارية
الاسد ، القوس ، الحمل

• اكو بداية جديدة بموضوع مهم،شي يخص رزق،دراسة او فرصة تنفتح
• شخص سرطان/حوت عنده مشاعر ويبين اهتمام هادئ الكم
• اشوف حركة وكلام ورسائل او نقاشات،ممكن تسمعون خبر او معلومة تغير نظرتكم لموضوع معين
• وضوح قوي بالفترة الحالية، اشياء جانت مبهمة دتنكشف
• تواصل عاطفي اهدى،واقرب للفهم والاحتواء سواء منكم او من الطرف الاخر
• تعاون او شغل جماعي رح يطلع فجاة، شخص يفترح فكرة او مشاركة تفيدكم
• دتحسون انو جهدهم مارح يروح هدر،شي رح ينبني خطوة بخطوة
• مزاجكم ديتقلب بين التركيز والهدوء، بس بدون فوضى داخلية
• عندكم راحة نفسية وانطباع حلو رح تتركونه عند شخص معين

حدس للابراج المائية
السرطان ، الحوت ، العقرب

• اكو وضوح قوي حيصير،حقيقة او قرار ينفضح بدون لف ودوران
• شخص ترابي ديراجع مواقفه وياكم ويفكر هواية قبل لا يتحرك
• انتظار بخصوص شي طال عليكم اكثر من اللازم بس بنفس الوقت علمكم شلون تختارون صح
• رح تنسحبون او تتركون شي كنتوا متعلقين بي،لان ما عاد يفيدكم
• تخطيط جديد رح تسووه،واكثر من طريق وواحد حيبين اوضح هالفترة
• اكو كلام سريع وتواصل او تحرك مفاجئ يخلي الجو يتغير بشكل سريع
• شخص اندفاعي ديتقرب منكم او يظهر فجاة،وممكن يربككم
• دتفكرون بالاستقرار سواء بشكل مادي او بعلاقا ثابتة معينة
• دتحسون بالثبات وماعندكم رغبة بالمغامرات العشوائية مثل قبل
• بتنتقلون من مرحلة تعب وتردد الى مرحلة ترتيب وبناء شي يدوم

حدس للابراج الهوائية
الميزان ، الدلو ، الجوزاء

• اكو توقف بموضوع معين، شي معلق دتحسوه ميتحرك رغم دتبذلون طاقتكم
• عدم توازن صار بالفترة الاخيرة،وعطاء زايد من طرفكم مقابل رد اقل من الطرف الثاني
• وضعكم بينضج بهدوء وترتيب بطيئ يخليكم اهدى واكثر سيطرة
• حركة سريعة و كلام مباشر رح يصير فجاة ممكن مواجهة بشي معين او رسالة تغير الجو
• قوة شخصيتكم رح تطلع من جديد،وتحسون انو رجعتوا تمسكون الامور بعد فترة تشتت
• وجع قديم او خيبة ترجع تبين،كنتوا كاتميه ورح ينفجر
• ارتباط او تعلق قوي بشخص او فكرة،وممكن يصير احساس انكم مربوطين بشي صعب تبعدون عنه
• صراع داخلي بين عقلكم ورغبتكم، تعرفون شنو الصح بس شي بداخلكم ديشدكم لطريق ثاني
• الفترة عندكم كشف واضح، يا تحرير من قيد يا دخول عميق بعلاقة او وضع

حدس للابراج الترابية
الجدي ، الثور , العذراء

• دتحسون نفسكم ثابتين اكثر من قبل حتى لو الامور حواليكم مو كلها واضحة
• اكو تعب او توقف صار قبل فترة خلاكم تاخذون مسافة
• اكو شعور جديد بخصوص شي معين رح يظهر بهدوء،واحساس صادق
• شغلكم او التزامكم بشي معين رح يزيد،وتركيزكم حيكون عالي على التفاصيل
• رح تحبون تكونون وحدكم اكثر وتفكرون بشكل عميق قبل اي خطوة
• بتشوفون الصح والغلط بدون عاطفة زايدة وتتعاملون بشكل عقلاني
• اكو قرار مصيري بسبب تراكم مواقف بس رح تتحملون نتيجته
• ثقتكم بنفسكم رح ترجع وبقوة، تحسون استرجعتوا مكانكم ونفسكم بعد فترة تردد

حدس لاصحاب الاحرف
ف/ح/هـ/خ/ع/ج/ش/ث/د

• كل تفكيركم صاير يدور حول علاقة او ارتباط، بس مو شرط يكون شي معلن بس الاحساس موجود وبقوة،واكو شخص او موقف خلاكم تحسون انو بينكم انسجام حقيقي،وشي متبادل، حتى لو ما كان كامل او مستقر بس الاحساس هذا حاضر ومؤثر

• بنفس الوقت عقلكم مو مرتاح،والتفكير والزايد والقلق موجود والسهر او الانشغال الذهني واضح بشكل قوي،ودتفكرون بكلام انقال،او بخطوة صارت او بعدها، فالضغط هنا مو من الخارج اغلبه من داخلكم

• واكو نهاية واضحة لمرحلة تعبكم، مو بشكل مفاجئ بس هالمرحلة رح توصل لحدها الاقصى، سواء وجع او خيبة او احساس انو شي انكسر ومارجع مثل قبل، وهالنهاية جانت مؤلمة بس خلتكم توكفون وتواجهون الحقيقة بدون تزييف

• اكو ندم على شي ضاع او فرصة ما اكتملت، ممكن دتلومون نفسكم او تتمنون انو الامور مشت بشكل مختلف، بس رغم هذا الحزن مو كلشي ضايع لان مو كل الابواب مغلقة ما تحسون

• اشوف احتواء داخلي ومشاعر عميقة وحساسية عالية وقدرة قوية على الفهم والتعاطف،يعني حتى وانتوا موجوعين بس دتتعلمون شلون تحتوون نفسكم بدون ما تنتظرون احد،وهالفترة تتعلمون انو اللين مو ضعف

حدس لاصحاب الاحرف
ت/ن/س/ذ/ر/ض/ق/ك/ص/غ

• اغلبكم صاير يتصرف بعقلانية عالية حتى لو من الداخل المشاعر مو قليلة،واكو سيطرة واضحة على الكلام والتصرف ودتحسبون كل خطوة،وماتحبون تطلعون كل الي بداخلكم،ودتمشون بعقل مو بقلب لان التجارب علمتكم انو الاندفاع بهالوقت ميفيد

• اكو احساس قوي بالمسوؤلية،كانكم شايلين حمل او دور لازم تؤدوه، سواء مع نفسكم او مع غيركم وتحبون تكونون الطرف الثابت والواضح والي يعرف شنو يريد،حتى لو هذا الشي خلاكم تبينون قاسين او باردين كدام غيركم

• وبرغم هالجدية اكو أمل موجود،وشي داخلي ديتشافى،وفكرة افضل ونظرة مستقبلية اهدى،وممكن مو كلشي واضح هسه بس الاحساس يبين انو التعب مارح يضيع وانو اكو ضوء بسيط بنهاية هالفترة

• بنفس الوقت اكو صراع صاير او صار قريب،جدال،مناقشات،او احساس انو احد حاول يربح على حسابكم،والنتيجة مو فوز حقيقي لان حتى لو طلعتوا اقوى بس باقي أثر نفسي،وهالشي خلاكم تعرفون ان مو كلشي بستاهل

• دتراجعون نفسكم،وتغيرون منظوركم،وتفكرون اذا هل هذا الشي بستاهل تكملون بي او لا؟ وهذا التوقف مؤقت بس مهم، لانه رح يحدد اتجاهكم الجاي

حدس لاصحاب الاحرف
ا/ي/ل/ب/م/ط/ز/ظ/و

• هواي منكم دتحولون تمسكون شي بيدكم بقوة ومو حب تملك بكد ما هو خوف من الخسارة، اكو موقف او احساس دتحاولون تحافظون عليه حتى متعبكم لان فكرة التفريط بي اصعب من تحمله،وهالانغلاق مو ضعف وانما محاولة تحمون بيها نفسكم من تكرار شي قديم صار

• صايرين وعي بشكل قوي، وعقلانيين اكثر ونظرتكم صايره ابرد شوية، وكانوا دتشوفون كلشي بدون عاطفة زايدة،وبهالفترو دتحبون تحطون حدود وتحجون اقل وتراقبون اكثر،واكو قرارات داخلية ديتخطط الها

• اكو تغيير صار او ديصير، شي انقلب فجاة سواء فكرة او علاقة او قناعة قديمة انتهت، مو انهيار كامل وانما لحظة كسرت شكل الاستقرار القديم،وهالشي خلاكم تشوفون الحقيقي مثل ما هي،حتى لو كانت قاسية شوي

• بعد هالتغيير رح ترجع المشاعر تطلع بس بشكل هادئ مو اندفاع،واكو رغبة بالتقارب بشي وبالكلام اللطيف وبالاحساس الحلو، بس انضج من قبل، كانكم تريدون شي صادق وبسيط مو معقد ولا متعب

• دتبتعدون عن شي اثقل عليكم،انتقال داخلي اكثر مما كونه خارجي ورح تتركون وراكم تعب فكري او عاطفي،وتتجهون لمرحلة اهدى، حتى لو بعدها مو كاملة بس المهم انو الخطوة رح تصير والقرار الداخلي انأخذ،والباقي مسألة وقت

حدس دراسي للابراج الهوائية
الميزان ، الدلو ، الجوزاء

• عندكم طاقة ارتياح نسبي بعد ضغط واكو توازن بين الدراسة وبقية الامور وموزعين وقتكم،بعضكم ديستفيد من النقاشات ومراجعات اجتماعية

• دراسة مع اكثر من شخص او ملاحظات اجتماعية ومشتركة رح تنفعكم هالشي وبالنهاية رح تحسون جهودكم ماراحت وميصير اكو ضغط

الدرجات ممكن بيها احد هالارقام
5/1/7/4/8

• التوازن والتعاون رح يوصلوكم للنتيجة الصح

حدس دراسي للابراج المائية
السرطان ، الحوت ، العقرب

• الوضع الدراسي الحالي فداشوف تعب واضح بس بنفس الوقت نمو داخلي واكو احساس انو الجهد ديتراكم عليكم،ودتفكرون هواية قبل لا تدرسون وتراجعون اكثر من مره واستمروا على هالشي لانه يقلل من الأخطاء بس لا تضغطون على نفسكم

• النتيجة رح تكون استقرار ورضا، مو ذيج الدرجات العالية بس شي مرضي وتحسون تعبكم ما راح، وادائكم رح يتحسن بعد كل امتحان ، والمواد الي بالاخير خاصة الصعبات رح تكون اوضح واسهل الكم من الي بالبداية

الارقام المحتملة للدرجات
4/6/3/8/7

حدس دراسي للابراج الترابية
الجدي ، الثور , العذراء

• الفترة الحالية بيها تغيير بالحظ الدراسي وكانوا الامور وتفكيركم صاير لصالحكم اكثر من قبل وحتى لو تعب او تاخير سابق للبعض بس المرحلة الجاية تعوضكم بشكل واضح

• دتحبون الخطط الواضحة والالتزام والبعض مر بفترة ارهاق وتوقف بسيط بس هسه عقلكم اهدئ وقدرتكم على التركيز احسن

الارقام المحتملة للدرجات

7/9/2/4/5

• تعبكم رح يدفع ثماره والثبات رح يكون هو سر قوتكم

حدس دراسي للابراج النارية
الاسد ، القوس ، الحمل

• الوضع الدراسي الحالي عندكم رجوع ذهني قوي وكانوا معلومات قديمة ترجع تطلع الكم فجاة وهالشي حتى بوقت الامتحان رح يصير،واكو احساس انكم صحيتوا دراسيًا ووعيتوا على نفسكم حتى لو قبلها جان اكو اهتمال او تذبذب

• طريقة تفكيركم دتتحول من تشتت الى قرارات وهسه يعني صرتوا تعرفون شنو تقرون وشنو تتركون،واكو شجاعة داخلية وتجربة جديدة للدراسة ممكن اسلوب مختلف او مادة جنتوا خايفين منها وتطلع اسهل مما متوقعين

• بالامتحانات تكون عندكم طاقة بداية جديدة وثقة للاكثرية وسرعة بديهة وتحسون الاجابات حتتذكروها بسلاسة،خاصة بالاسئلة الي مادتها فهمية مو حفظ،واكو تفوق ملحوظ لبعضكم وبعضكم رح يعوض اخطاء سابقة ويطلع بنتيجة اقوى

بالنسبة للدرجات فـ اشوف بيها ارقام معينة مثل
9/6/7/3/6

حدس للابراج الهوائية
الميزان ، الدلو ، الجوزاء

• بداية او رغبة قوية تسوون شي جديد بدون تفكير طويل،خطوة جريئة حتى لو بيها مجازفة
• احساس بالقوة والسيطرة يرجع الكم،صايرين تحبون تمشون الامور بطريقتكم
• كلامكم مباشر وسريع،تحجون بدون مجاملة وممكن هالشي يسبب احتكاكات
• شعور داخلي انكم محبوسين فكريا،افكار كثير تدور بنفس الدائرة
• صراع داخلي بين انو تريدون تتحركون وتسوون شي،وبين خوف من النتيجة
• نقاشات او احتكاكات مع ناس بنفس محيطكم،كل واحد يريد يثبت رأيه
• توتر ذهني واضح،دماغكم مدا يوكف،تحتاجون تهدئة مو بس قرارات
• رغم هالقيود الحلول موجودة بس انتوا دتصعبوها على نفسكم
• الوضوح رح يكون مطلوب، يا خطوة للامام يا وقفة صريحة حتى لا تستنزفون نفسكم

حدس للابراج النارية
الاسد ، القوس ، الحمل

• اكو تمسك قوي بشي معين،فكرة او وضع او شخص،وصايرين متحبون تفرطون بي بسهولة
• دتنفتح طاقة جديدة،حماس او رغبة انو تسوون خطوة مختلفة عن قبل
• الاحساس بالاستقرار حلو،حتى لو مو كامل بس تحسون كلشي صاير اوضح
• اجواء فرح او راحة نفسية تطلع فجاة،شي بسيط يغير مزاجكم للاحسن
• ثقتكم بنفسكم دترتفع،وصايرين تبينون اكثر بدون مجهود
• اكو تغيير ايجابي ديصير،مو سريع بس واضح انو هو لصالحكم
• حظكم صاير متقلب،مرات قوي مرات هادئ، بس بشكل عام افضل
• تحسون انو شي جان واقف اخيرا ديتحرك،حتى لو بخطوات صغيرة
• دتجمعون بين حب الامان وحب المغامرة وهالشي مسببلكم حيرة خفيفة داخلكم
• المرحلة الحالية حتمهد لشي احسن حتى لو التفاصيل ما اكتملت

حدس للابراج الترابية
الجدي ، الثور , العذراء

• عندكم رغبة قوية تتحركون وتغيرون وضع ثابت، ماكو صبر على الركود بعد
• احداث مفاجئة ممكن تقلب اشياء مرتبة بحياتكم،مو سيئة بس صادمة
• احساس بخيبة او جرح نفسي بعد موقف او كلام صار،للان اثره موجود
• رغم التعب دتركزون على شغلكم او واجباتكم اليومية كطريقة هروب من التفكير
• اجتهاد واضح،مدتحبون تعتمدون على احد وتفضلون تعبكم بيدكم
• صراع داخلي بين تريدون تهدمون شي وبين تحافظون عليه لانكم متعودين
• دتميلون للالتزام بالقوانين او الروتين لانه ينطيكم احساس امان
• اكو درس قوي ديتكرر بحياتكم،افهموه حتى تعبرون المرحلة
• رح تحسون انو المسوؤليات دتزيد عليكم، بس بنفس الوقت هالشي رح يقويكم

حدس للابراج المائية
السرطان ، الحوت ، العقرب

• حمل وتعب متراكم ديضغط عليكم،مسوؤليات او اشياء شايلينها فوك طاقتكم
• رغبة حقيقة بداخلكم بالابتعاد عن وضع او فكرة متعبتكم نفسيًا
• خطوة انسحاب او هدوء دتصير داخليا،مو هروب بكد ما هو حفاظ على نفسكم
• رغم التعب اكو طاقة لقائات او تواصل حلو يخفف التعب شوي
• اجواء خفيفة او ضحك بسيط يرجع الكم الاحساس بالحياة والمتعة
• تحاولون تسيطرون على الوضع بعقلانية اكثر من العاطفة هالفترة
• موقف رح يخليكم تحطون حدود واضحة وما تسمحون يتجاوزها احد
• اكو احساس بالنقص او قلة التقدير، بس مو ثابت ورح يتغير
• دتتعلمون شلون تعتمدون على نفسكم اكثر بدون انتظار دعم احد
• رح تتعلمون تختارون شنو تشيلون وشنو تتركون وراكم

حدس للابراج النارية
الاسد ، القوس ، الحمل

• اخر اسبوع شهر يناير •

• بهالفترة اكو صحوة قوية بداخلكم وقرارات قديمة ترجع لراسكم وتخليكم تعيدون حساباتكم من حديد، اشوف مرحلة صبر طويلة عشتوها وحسيتوا بيها انو الامور واكفة او بطيئة، بس بالحقيقة كنتوا تبنون شي خطوة خطوة بدون ما تحسون،حدسكم رح يكون عالي هالايام،وتحسون بالأشياء قبل لا تصير وتعرفوت شنو صح وشنو غلط حتى لو ماعندكم دليل واضح، بنفس الوقت اكو ضغط تفكيري واضح وافكار تحاصركم وخوف من تكرار تجربة او قرار،وكانكم محبوسين براسكم اكثر من الواقع،اكو تعب موجود بس بي التزام سواء بشغلة او بعلاقة او هدف،ودتحاولون تكملون حتى وانتم ممرتاحين، اشوف طاقة شخص ناعم او طاقة انثوية حواليكم،وهالشخص دينطيكم امان او يخفف عنكم،ويطلع جانب عاطفي دافئ يخليكم تحسون انكم مو وحدكم هالفترة،العلاقات رح يكوت بيها انسجام واضح وتفاهم ولحظات قرب حلوة وممكن تصير تصفية اجواء او تحسون بالاستقرار بعد لخبطة،دراسيا تركيزكم موجود بس محاط بتوتر قوي،لذلك خففوا ضغط افكار وركزوا على شي واحد والنتائج رح تكون افضل من المتوقع