حدس للابراج النارية
الاسد ، القوس ، الحمل

• اخر اسبوع شهر ديسمبر •

- اكو شي عندكم رح ينتهي وهالشي بقى وياكم فترة طويلة بس الان رح يوصل لمرحلة حسم، وعيكم تغير واكو احساس واضح انو وقفتوا بمكانكم شوية،تاخرتوا شوي او ترددتوا، بس هالشي مو ضعف وانما انتظار لقرار صحيح، بهالفترة رح عندكم لحظات توازن،وتجمع وراحة نفسية او احساس بالأمان حتى لو بشي بسيط،اشوف طاقة لمة مع ناس او ارتياح بعد ضغط، كانوا اكو شي كان متعلق وبدا ينحل شوية، حيكون اكو صراع داخلي واضح، قرارين او طريقين وانتوا حتحاولون تسكتون صوتكم الداخلي حتى ما تغلطون، بس بنفس الوقت لسانكم صاير قوي وردودكم سريعة وما رح تسمحون لاحد يقلل منكم او يفرض رأيه، ممكن تواجهون نقاشات حادة بس رح تطلع لصالحكم بالنهاية، اشوف شخص هوائي او ناري،بينكم وبينه انجذاب او كلام متناقض،ورح يوضح موقفه وياكم ممكن بكلام مباشر او تصرف سريع منه،ورح تتوضح الكم هواي اشياء وينتهي هل اسبوع بشكل خفيف وواضح .

حدس للابراج المائية
السرطان ، الحوت ، العقرب

• اخر اسبوع شهر ديسمبر •

- اشوف هالفترة نهاية لضغوطات طويلة،كانوا دتحاولون تثبتون موقفكم بوسط خيارات متعددة،وبداخلكم صراع واضح بين شي تعرفوه بشكل صحيح وبين شي مغري، والاختيارات كثيره ومدتعرفون اي طريق تاخذون،اشوف شخص مائي او ترابي ديبرز حواليكم،وحضوره شعوري اكثر من الكلام وبينكم وبينه نوع من التشابك النفسي والانجذاب الخفيف،بيوضح لكم حدود معينة،بهالايام حتحسون بطاقة حماية او استقرار داخلي رغم الصعوبات الخارجية، واكو يصير عندكم شعور بالضغط او بالتحدي واكثر من مره رح تحسون انكم مضطرين تواجهون خلاف او مواقف صعبة؟ فهالشي طبيعيي لتخافون،قراراتكم حتكون قوية وتستخدمون حدسكم وفطنتكم اكثر من اي وقت قبل،ممكن تواجهون اشخاص يحاولون يغروكم، بس انتبهوا مو كلشي يكون حقيقي .

حدس للابراج الهوائية
الميزان ، الدلو ، الجوزاء

• اخر اسبوع شهر ديسمبر •

- هالاسبوع حتحسون بقوة داخلية كبيرة،وكانوا دتعرفون شنو الشي الصح وماتترددون انو تواجهونه،وحدسكم واضح وبتعرفون متى تتراجعون ومتى تثبتون مواقفكم،بهالايام رح تلاحظون انجازات صغيرة او نجاحات واضحة تخصكم يعني ممكن تكون بشغلكم او دراستكم المهم انو شي شخصي، وهاي النجاحات باذن الله رح تنطيكم شعور بالرضا الداخلي والامتنان، فاحمدوا الله دائما عند كل فرحة،بس بنفس الوقت اكو ضغط او ارهاق يصير عندكم رغم انو اشوف طاقتكم الجسدية والعقلية رح تساعدكم تواجهون هالضغوطات وغيرها بدون ما تخسرون توازنكم، واساسا رح تحسون نفسكم انو لازم تكونون اكثر صبر قبل اي خطوات كبيرة،اكو وضوح داخلي ايضا وقوة صبر عندكم وتحكم،ورح تركزون بهالمدة على اتخاذكم للقرارات بحكمة ورح تعتمدون على حدسكم الداخلي اكثر من اي وقت قبل .

حدس للابراج الترابية
الجدي ، الثور , العذراء

• اخر اسبوع شهر ديسمبر •

- بهالايام رح تحسون بطاقة تركيز بشكل كبير، وافكاركم رح تكون واضحة ومرتبة وحتحسون بالقوة انو تتخذون قرارات مهمة بدون اي تردد،رح تلاحظون فرص صغيرة وشخصية تخصكم، ولحظات فرح بنفس الوقت، سواء بشغلكم او دراستكم او امور حياتية ثانية، فهالايام رح تساعدكم على انو ترتبون اولوياتكم وتتخلصون من الضغوطات، بيزيد شوي تحكمكم بامور مالية او عملية وهالفترة حتحسون بالثقة انو تواجهون اي مشكلة، وحتلاحظون مفاجات صغيرة وحلوة تغير يومكم، وممكن تكون ايجابية وبنفس الوقت ممكن البعض تجبركم على انو تعيدون تقييمكم لامور بسيطة، رح يكون عندكم فرص انو تصلحون علاقات او تحسنون تواصلكم مع اشخاص مقربين،حركاتكم وتصرفاتكم بتصير اوعى وتلاحظون تحسن بسيط بمزاجكم وطاقتكم العامة،نهاية الاسبوع عندكم هدوء نفسي بعد فترة ضغط،ورح تشوفون الامور صارت اكثر وضوح .

حدس لاصحاب الاحرف
ف/ح/هـ/خ/ع/ج/ش/ث/د

• الفترة الاخيرة جانت متعبة عليكم ذهنيا،قلق او ارق او تفكير قبل النوم بشكل قوي،بس هالمره دتنكسر وتنتهي شوي شوي، واكو احساس قوي انو الامان ديرجع اما من عائلة او شخص مقرب او وضع مادي ديتحسن ويطمنكم،الاخبار عندكم صايره اسرع من قبل واحداث دتمشي ورا بعض وتحسون الدنيا فجاة تحركت بعد ركود،اكو بداية قوية جديدة كدامكم، ممكن فكرة او خطوة او قرار جريئ يخليكم متحمسين انو ترجعون تطاردون شي تحبوه،طاقتكم صايره عالية دتحسون ترتبون وتثبتون نفسكم وتسوون شي ملموس،ودتشوفون نفسكم اكثر ثبات ونضج وصايرين تعرفون وين تستثمرون طاقتكم ، دتهتمون بالبيت بشكل قوي او بالشكب او بالراحة والاستقرار،وعندكم سرعة قرار وحماس بس هالمره بشكل عقلاني وواعي .

حدس لاصحاب الاحرف
ت/ن/س/ذ/ر/ض/ق/ك/ص/غ

• دتمرون بحالة فتور او تعب وملل بشكل مؤقت وكاعدين تعيدون تقييم الشي الي تريدوه وشنو الي متريدوه، رح يطلع قدامكم فجاة شي ايجابي ممكن فرصة او بداية او شي ملموس يرفع معنوياتكم ويخليكم تحسون انو تعبكم ما راح هدر، الحظ وياكم بشكل قوي بهالفترة، ودتحسون انو الامور دتصير لصالحكم بدون ما تضغطون عليها، اكو تغيير ممتوقعي رح يكسركم من جو الملل،ممكن خبر او موقف يفرحكم،دتشوفون نفسكم راضيين اكثر حتى لو الظروف مو كاملة وشعوركم بالامتنان ديزيد،طاقتكم صايره اخف واحلى ودتحبون تتحركون بدون تخطيط معقد،اشوف اندفاع بسيط فانتبهوا لا تملون بسرعة من شي توكم بديتوا بي .

حدس لاصحاب الاحرف
ا/ي/ل/ب/م/ط/ز/ظ/و

• هالفترة دتحسون نفسكم تريدون تبتعدون عن الضجيج وعن الناس،وعندكم ميول قوية للوحدة باختياركم،وتريدون تفهمون نفسكم اكثر؛اشوف اكو نهاية لمرحلة قديمة وشي تعبكم فكرته او ضغط نفسي ديطلع من حياتكم بشكل تدريجي،حتلاحظون تحسن بتركيزكم تجاه شغل بسيط او بتعاون وي شغل لو بدراسة،واموركم رح تمشي احسن من قبل،اشوف توازن يرجع الكم بشكل بطيئ وكلشي كاعد يتصلح،اكو بعض العلاقات رح تنتهي او تنهونها انتوا بدون ندم لان وصلتوا لمرحلة قناعة وهدوء مو انفعال،مزاجكم صاير متقلب شوية بس بداخلكم اكو نضج واضح،وصرتوا تعرفون شنو تختارون وشنو تتركون،عندكم تعب نفسي قديم ديطلع حاليا على شكل ملل او انسحاب مفاجئ،لا تقسون على نفسكم بهالفترة،دتشوفون نفسكم تغيرت نظرتكم للحياة وبشكل واقعي اكثر .

حدس لاصحاب الابراج

عقرب - جدي - حمل - دلو - اسد - عذراء

• لشهر يناير 2026 •

• رح يصير عندكم اندفاع قوي تجاه بدايات جديدة، تحسون نفسكم تريدون تبدون بشي بدون تفكير عميق
• اكو خطوة جديدة رح تصير او تبدوها من طرفكم او رح تنحط امامكم بدون تخطيط
• حدسكم رح يكون قوي بشكل واضح،وتحسون باشياء قبل لا تصير وتعرفون نوايا الناس بسرعة
• رح تنكشف حقائق مهمة،خصوصًا بامور جانت غامضة او مخفية عليكم من فترة
• الاوضاع رح تتعدل،وشي جان ظالمكم او مأخركم رح يتوازن بشكل مفاجئ
• حتحسون كانوا مرحلة قديمة انغلقت بالكامل،وتحسوها خلصت بدون رجعة
• اشوف تغيير جذري رح يصير بتفكيركم،شي جان مسيطر عليكم رح ينتهي
• شخص ناري او هوائي رح يقلب مزاجكم وبهالشهر رح يحرك شي بداخلكم كان نايم
• حيكون عندكم رغبة بالبدايات،ونشاط وطاقة،وحتى جراءة اعلى من المعتاد
• ثقتكم بنفسكم رح يكون عالي وبقوة،وحضوركم رح يكون لافت للانتباه بدون ما تحاولون
• نظرتكم للامور تصير اوضح،وتعرفون تحكمون على المواقف بهدوء وعقلانية
• اكو شخصيات قوية دتحيط بيكم،وحتحسون نفسكم صرتوا بمستواهم او اعلى
• رح تتخذون قرارات مصيرية، رح تكون نابعة من قناعة وبدون تسرع
• بتحسون انو خرجتوا من دائرة تكرار قديمة،وتدخلون طريق جديد بشكل كامل
• كلامكم رح يكون محسوب،تعرفون شوكت تحجون وشوكت تسكتون
• عقلكم رح يتحكم بيكم اكثر من مشاعركم،حتى بالمواقف الي جانت تهزكم قبل
• علاقات قديمة رح تنتهي وبدون اي ندم او صراع داخلي
• رح يكون عندكم شعور بالتحرر،كانوا شي كان مقيدكم وانفك
• بتكتمل مرحلة مهمة بحياتكم،وتحسون نفسكم وصلتوا لنقطة نضج عالية
• هالشهر يحمل الكم طاقة انتقال قوية، من نسخة قديمة الى نسخة اقوى واوضح

حدس لاصحاب الابراج

قوس - سرطان - جوزاء - ثور - ميزان - حوت

• لشهر يناير 2026 •

• حتشيلون هم كبير داخلكم،تفكير زايد وقلة نوم بسبب موضوع حتحاولون تحلوه
• بتدخلون بصراعات كلامية او تنافس،خصوصًا بمحيطكم القريب وتحسون لازم تثبتون نفسكم
• شخص ناري رح يسبب توتر وضغط ويكون متقلب ويطلع ويختفي من عندكم فجاة
• رح تركزون بشكل عالي على شغلة وحدة معينة،وتشتغلون عليها باصرار
• حركتكم رح تكثر،اشوف اندفاع وقرارات سريعة،وبدون تفكير كافي، انتبهوا لهالشي
• اشوف جرح داخلي واضح، شي أثر بيكم بقوة ورح يطلع من جديد حتى يتنظف
• رغم التعب اشوف انتصار صغير بشي معين رح يرفع معنوياتكم
• اكو تبادل او مساعدة متبادلة بخصوص شي،شي رح تنطوه ويرجعلكم بشكل افضل
• اشوف قيود نفسية قوية،حتحسون نفسكم محبوسين بفكرة او خوف
• راحة رح تطلع بعد تعب،ووضوح مفاجئ يخليكم تشوفون كلشي بشكل كامل
•حزن قديم رح يرجع يبين بداخلكم بس رح ينتهي وينتهي وياه درس معين
• مزاجكم رح يكون متقلب بشكل قوي بين الاحباط والحماس وبنفس التوقيت
• بتحسون نفسكم مضطرين تواجهون مخاوفكم واخيرا بدال الهروب
• اكو شخص رح يحاول يستفزكم بشكل قوي حتى يشوف رد فعلكم
• نجاح رح يجي بس بعد تعب نفسي مو بسهولة
• بتحسون انكم تعلمتوا من تجربة صعبة ومارح تعيدون هالشي
• ذهنكم وتفكيركم رح يتعبكم بهالفترة اكثر من الواقع
• رح تواجهون شي كنتوا تتجنبونه من وقت معين
• اشوف فرحة بسيطة رح تكون صادقة وتغير مزاجكم للافضل
• بتطلعون من حالة الحزن بخطوة وعي قوية وبتفكير انضج واقوى

✨ بمناسبة العام الجديد ✨
سنة سعيدة عليكم جميعًا ، يا رب تكون سنة خير ، راحة ، وتعويض جميل ❤️

كالعادة مع كل بدايات الشهور اقدم عروض قراءات
لكن هذا العرض رح يكون مختلف وموجه للي يحب يعرف تفاصيل سنته بعمق ووضوح

🎁 بكجات قراءة السنة الجديدة :

▪️ البكج الأول | قراءة سنوية شاملة
قراءة مفصلة لأحداث السنة كاملة، من الشهر الأول إلى الشهر الثاني عشر
تشمل جميع الجوانب: النفسية، الصحية، العاطفية، الدراسية وغيرها
بصورة تحليلية واضحة تساعدك تفهم مسارك خلال السنة
السعر : 30 آسيا

▪️ البكج الثاني | قراءة نصف سنة
نفس تفاصيل القراءة السنوية، ولكن تكون مخصصة لاحداث النصف الثاني فقط من السنة ( شهر 6 الى 12 )
السعر : 15 آسيا

📩 للحجز والتواصل : @leo7kk

حدس للابراج النارية
الاسد ، القوس ، الحمل

• اكو تغيير حلو بطريقة تفكيركم،وصايرين اكثر هدوء وذكاء بالتعامل مع الامور
• اشوف اجواء فرح او تجمعات عالية قريبة منكم،ممكن دعوة لشي او مناسبة تريحكم
• الحظ وياكم هالفترة بشكل قوي،اشياء جانت متوقفة رح تبدي تتحرك
• قرارات مهمة رح تتخذوها بشكل عقلاني،وصايرين ما تجاملون على حساب نفسكم
• عندكم احساس بالاستقرار الداخلي حتى لو خارجيا مو ثابت،بس داخليا بتحسون بقوة
• ناس بمحيطكم بتحترم كلامكم ورايكم،وصايرين تؤخذون بجدية اكثر من قبل
• عندكم وضوح قوي،بتشوفون الحقيقة مثل ما هي بدون وهم،خاصة بعلاقات او مواقف قديمة
• تغيير ايجابي يخص بيتكم او وضعكم الاجتماعي،وشي رح يثبت بعد تذبذب
• الفترة الحالية كلمتكم صايره تمشي بدون ماترفعون صوتكم وحضوركم واضح

حدس للابراج المائية
السرطان ، الحوت ، العقرب

• طاقة عاطفية واضح حواليكم،مشاعركم بتنفتح بس هالمره بوعي مو اندفاع اعمى
• شخص هوائي ظاهر وبقوة هالشخص صار صريح اكثر وياكم وناري يكول كلام مهم
• صرتوا تحطون حدود، وحتى بمشاعركم وماتقبلون بعد شي مو مناسب
• اشوف التزام او موضوع رسمي،ممكن اتفاق او وعد او خطوة تحتاج تتم بطريقة واعية
• شي جان ضاغطكم او حاسين بي بظلم، رح يبدي يتوازن لصالحكم
• قرارات حاسمة بتتخذوها بشكل سريع،خاصة بكلام انقال او موقف انتهى
• عندكم وضوح فكري قوي،بتعرفون شنو تريدون وشنو ماتريدون بدون تردد
• اكو مواجهة كلامية او نقاش مباشر، بس بينتهي لصالحكم
• احساس بالراحة بعد فترة تعب شوية،وكلشي بيكون واضح وبدون لعب
• رح تنرفع قيمتكم بعين نفسكم قبل غيركم،وبتختارون نفسكم بدون شعور بالذنب

حدس للابراج الهوائية
الميزان ، الدلو ، الجوزاء

• أمل رح يرجع بقوة بخصوص شي جان مطفي بداخلكم او متاخر،بتحسون بي بنور وراحة نفسية
• اشوف دعم من شخص او اكثر،ممكن تعاون او وكفة حلوة وتشجيع صادق
• شغل او مجهود دتبذلوه رح يبين اثره،صح تعب بس تعب مثمر
• تركيز عالي على تطوير نفسكم،بمهارة او دراسة او مشروع او حتى تحسين نفسكم شخصيًا
• بتحسون ان الحمل زايد عليكم،مسوؤليات كثير ومتراكمة
•بتشتغلون على شي مهم ويكون اكو ضغط شوي، بس رح ترتاحون بالنهاية
• مكثرين تفكير بالمستقبل بشكل واضح،تخطيط ومقارنة خيارات وتردد
• قرارات مصيري دينطبخ على نار هادئة بخصوص شي،وهالقرار حيغير مسار كامل معين
• شخص رح يدعمكم دعم عملي،ويثبت نفسه بالافعال
• بتختارون الطريق الي يخدمكم ويكون اقل تعب واكثر استقرار

حدس للابراج الترابية
الجدي ، الثور , العذراء

• مرحلة بتوصل لنهايتها بشكل واضح،ويكون اكو احساس بالاكتفاء بعد وقت طويل
• اكو فرحة او رضا داخلي،شي كنتوا تتمنوه يبلش يتحقق
• اشوف ارتباط قوي بشي او بشخص،ممكن تعود او تعلق او عادة قديمة للان عندكم
• وعي مفاجئ بيخليكم تشوفون الحقيقة الواضحة،وتقررون ماترجعون لهالشي
• قطع نهائي مع شخص او مرحلة استنزفت طاقتكم،حتى لو القرار صعب او مؤلم بالبداية
• ارادة قوية بتطلع فجاة، ورح تمشون للامام بثقة مهما صار
• بتتحكمون اكثر بمسار حياتكم،ومتخلون الظروف تسحبكم مثل قبل
• عندكم صراع داخلي بين التغيير والراحة،بس بتميلون للتغيير هالمره
• ثقة بخصوص شي بترجع لكم خطوة بخطوة، وتحسون انو الامور بيدكم من جديد
• بتتخذون حركة واضحة تجاه شي قوي وواضح ومرحلة انضج

حدس لاصحاب الاحرف
ا/ي/ل/ب/م/ط/ز/ظ/و

• عندكم طاقة نمو ونضج حقيقية ودتثبتت مو مجرد شي فاضي،اكو تعب واضح بخصوص شي عملي تشتغلون عليه او هدف حلو،وكل خطوة دتنبني فوق الي قبلها بدون استعجال

• الوضع المادي بيتحسن بشكل تدريجي،اكو اهتمام واضح من المحيط حواليكم بقدراتكم،والناس دتشوف شغلكم او انجازاتكم وتقدرها حتى لو مو الكل يعبر

• صايرين اهدر واكثر نضج،وتعرفون شنو تعطون وشنو تلزمون،ومدتفرغون طاقتكم على ناس متستاهل،واكو طاقة احتواء عالية عندكم،بس هالمره مو على حساب نفسكم،بتعرفون شلون تحبون وتساندون بدون ما تذوبون بالوهم

• الفترة الحالية مناسبة الكم حتى تبنون شي حقيقي سواء بعلاقة او مشروع او حتى شي يخص نفسكم وثقتكم،وكلشي رح يكبر بهدوء وبشكل قوي

حدس لاصحاب الاحرف
ت/ن/س/ذ/ر/ض/ق/ك/ص/غ

• عندكم حركة سرية وواضحة هالفتره،واشياء جانت واكفة رح تبدي تتحرك فجاة،وتوصلكم اخبار او تواصل او قرارات بدون تخطيط

• اكو تغيير مهم بيصير بحياتكم يخليكم تحسون براحة نفسية اقوى واستقرار داخلي،بس بنفس الوقت شايلين مسوؤليات فوق طاقتكم،لانكم تحبون تكملون الشي للاخير حتى لو متعب

• دتحاولون توصلون لحالة رضا حقيقية،ورضا داخلي بيخليكم تحسون انكم بمكانكم الصح،وبالرغم من الضغط، رح تعتمدون على نفسكم

• بتصيرون واثقين بخياراتكم وماتنتظرون احد يثبتلكم قيمتكم،وتعبكم ما راح يضيع بخصوص شي،النهاية تميل لصالحكم اذا خففتوا الحمل عن نفسكم شوية

حدس لاصحاب الاحرف
ف/ح/هـ/خ/ع/ج/ش/ث/د

• اشوف طاقة تردد قوية،كانكم واكفين بين خيارين او طريقين ومدتعرفون شنو الخطوة الصحيح، بس رح يصير تغيير صادم يكسر كل الترتبيات القديمة

• شي ماكنتوا متوقعينه رح يهزكم نفسيا ويطلع مخاوف قديمة للعلن،القلق والتفكير الزايد بيكثرون بشكل واضح،وليالي تفكير وسيناريوهات براسكم

• بس رغم هذا رح ترجعون تبنون نفسكم بقوة من جديد،وتبدي عندكم طاقة عملية وتحاولون تلمون وتثبتون نفسكم،وتركيزكم يروح على الامان والاستقرار سواء نفسيا او ماديا

• وتبنون نفسكم بهدوء بدون ضجة، والي انكسر مارح يرجع مثل ما جان، بس الي رح يطلع رح اكون اقوى واوعى،ورح تطلعون من هاي المرحلة بوعي اعلى

○ التاروت ○

○ القراءة العاطفية / المهنية / الدراسية والخ بـ 5 اسيا

○ القراءة العامة بـ 5 اسيا

○ القراءة الشهرية ( تشمل كل الجوانب ) بـ 5 اسيا

○ خيرة القاموس ○

○ 3 اسئلة تفصيلية بـ 5 اسيا

○ 5 اسئلة تفصيلية بـ 10 اسيا

○ جلسة اسئلة قاموس مفتوحة لمدة 25 دقيقة بـ 15 اسيا

○ الاشتراكات ○

○ الاشتراك الشهري ( يشمل 15 قراءة مفتوحة طول مدة الاشتراك ) بـ 60 اسيا

○ اشتراك الـ 6 اشهر ( يشمل 60 قراءة مفتوحة طول مدة الاشتراك ) بـ 200 اسيا

○ الاشتراك السنوي ( يشمل قراءات مفتوحة طول السنة ولكن على وفق عدة شروط ) بـ 400 اسيا

○ طرق الدفع : اسياسيل/ماستر كارد الرافدين/محفظة زين كاش

- باقي الاشياء كلها بالقناة مجانية ، ما استقبل مجاني خاص بس للحجوزات

@leo7kk للحجز والتواصل -