#الحوت

طاقتك بيها حركة واندفاع دتحب تتحرك او تبادر بسرعة بدون ما تنتظر واكو احساس عاطفي لطيف من شخص او اهتمام ديخليك ترتاح بس بنفس الوقت ممكن صاير تتسرع بالكلام او بالتصرفات واكو شي هالفترة مو واضح بشكل تام او بي غموض يعني فد موضوع معين، وهالشي يحتاج منك تهدأ وتفكر حتى تفهمه صح، هالفترة صاير متحمس ومتردد بنفس الوقت

#الاسد #القوس #الحمل

دتمرون بتغييرات سريعة ويومكم وروتينكم مو ثابت وممكن دتخططون لشي وفجاة يتغير او يتأجل وصايرين تقضون وقت اكثر وي ناس او صرتوا تطلعون اكثر من قبل ، اشوف اكو موقف بسيط خلاكم تتضايقون او تتوترون من كلام او تصرف صار كدامكم ، صايرين تركزون على نفسكم اكثر وتهتمون بشغلكم او دراستكم او وضعكم الشخصي وتحاولون تعتمدون على نفسكم بكلشي بدون ما تنتظرون مساعدة من احد ، اكو شي ديخليكم تحسون بالملل ممكن مليتوا من نفس الروتين او نفس الوضع وهالشي ديخليكم تفكرون تغيرون او تسوون شي مختلف حتى تكسرون هالشعور وممكن صارت ببالكم فكرة جديدة او شغلة حابين تبدون بيها ودتحسون بحماس الها وهمين دتحاولون توازنون بين اكثر من شغلة يعني بين مسوؤلياتكم ووقتكم الخاص بس مرات دتتشتتون ومتلحكون على كلشي ، قررتوا او حتقررون تبتعدون عن جو مزعج او مكان مترتاحون بي حتى تهدئون نفسكم واكو شي مو واضح حواليكم ديصير وهذا مخليكم تنتبهون اكثر قبل لا تسوون اي خطوة ودتفكرون قبل لا تتصرفون، دراسيًا درجات جيدة بس تحتاجون تنظيم اكثر

#العقرب #الحوت #السرطان

دتمشون على قرارات واضحة وصايرين متحبون تترددون وتحددون شنو تريدون بدون لف ودوران وطريقة حجيكم صارت مباشرة ومدتجاملون مثل قبل وتوضحون كلشي بسرعة ، اكو تقارب او انسجام مع شخص مائي ممكن حوت/سرطان والكلام بينكم لطيف وسلس ودتحسون براحة اكثر، همين صايرين تهتمون بوضعكم اليومي اكثر سواء اكل نوم او شغل او دراسة وتحاولون ترتبون اموركم حتى تبقون مستقرين ، اكو موضوع انتهى هالفترة وانغلق وانطيتوا بي او اتخذتوا قرار واضح حتى لو جان صعب عليمم ودتحاولون تستمرون بدون ما ترجعون وراه ، صايرين تفكرون هواية وتدققون بالتفاصيل قبل اي خطوة وممكن دتحسون نفسكم واكفين بمكانكم بخصوص موضوع معين ومدتتقدمون ولا تتراجعون وهالشي مخليكم تنتظرون وتشوفون شنو حيصير ، صار موقف ضايقكم او خلصتوا من شي متعب ودتحاولون تطلعون منه بهدوء وترجعون لوضعكم الهادئ، دتحسون بالملل من وضع معين او من شخص وديخليكم تبعدون عنه او تقللون اهتمامكم بي، دراسيًا درجات قوية وحلوة

#الدلو #الميزان #الجوزاء

طاقة ثقة عالية هنا صرتوا تتعاملون بثقة اعلى وتتحكمون بالامور وتبلشون بالشغلة المعينة بدون ما تنتظرون احد يوجهكم، عندكم اخبار سريعة هالفترة وتواصل وكلام بين اكثر من موضوع بنفس الوقت ومزاجكم صاير حلو وديتحسن وتضحكون اكثر وتحسون روحكم خفيفة ولطيفة وهالشي ديبين ويوضح على تعاملكم وي الي حواليكم وبنفس الوقت دتحاولون تهدئون نفسكم وتسيطرون على ردات فعلكم خصوصا اذا صارت مواقف تحتاج هدوء منكم ، دتمشون بخطوات بطيئة بشغلة مهمة ومدتستعجلون وتفضلون تمشون على راحتكم حتى لو اخذت وقت اطول ، اكو كلام هواية او اشياء بداخلكم متحجون بيها وتخلوها الكم وتفكرون بيها بهدوء بدون ما تشاركوها وي احد وعندكم فكرة او رغبة انو تسوون شي جديد ودتفكرون شلون تبدوها بشكل صحيح وبنفس الوقت ممكن دتنتظرون نتيجة او تنتظرون شي تعبتوا عليه وصايرين تحبون تكعدون وحدكم اكثر وتبعدون عن الزحمة حتى ترتاحون، دراسيًا درجات قوية وتركيزكم صاير واضح وقوي

#الجدي #الثور #العذراء

طاقة حيرة قوي ممكن محتارين بموضوع معين ومدتعرفون شنو القرار الصح وكل ما تفكرون دترجعون لنفس النقطة بدون حسم واكو موقف ضايقكم او كلمة اثرت عليكم وخلتكم تبقون تفكرون بيها اكثر من اللازم ، اكو تغيير واضح ديصير اكو شي رح ينتهي او يتبدل بطريقته ودتحاولون تتقبلون الوضع الجديد ودتميلون للكلام اللطيف هالفترة او التقارب وتحاولون تخففون الجو حتى ترتاحون وتريحون مزاجكم وبالكم واكو طاقة انجذاب قوية هنا خاصة عاطفية ممكن دتنجذبون او تميلون بشكل عاطفي لشخص بس عندكم حيرة لان اكو ممكن اكثر من اتجاه كدامكم وهالشي ديخليكم مترددين وماعندكم خطوة ثابتة، تفكيركم زايد وصايرين تحللون كل شي صار وياكم وهالشي ديتعبكم وياثر على راحتكم وطاقتكم انتبهوا، دتنتظرون نتيجة شغلة تعبتوا عليها واشوف عندكم فرصة بسيطة رح تجيكم وممكن تفيدكم اذا فكرتوا بيها زين واكو تجمع او طلعة حتخفف عنكم وتغير جوكم وتخليكم ترتاحون شوية من التفكير، دراسيًا اشوف درجات متوسطة لذلك تحتاجون تركيز اكثر

المريخ بالبيت الأول

الي عندهم هذا الموقع بالاغلب عندهم حيوية وطاقتهم قوية جدًا ولدرجة مبالغ بيها ، والاكثر ان طاقتهم تخليهم ناس مندفعين ومتهورين وغالبًا يتعرضون لحروق او ندب بسبب هذا التهور ، ما يحبون الحل الأوسط لازم حل نهائي ويعني يا ابيض يا اسود .

المريخ بالبيت الثاني

الي عندهم هذا الموقع اكثر ناس معرضين لجهد من ناحية كسبهم للفلوس وغالبًا كسبهم للمال يكون اقل من مجهودهم " بالنسبة لبهم طبعًا،جدًا مبذرين وعدهم تهور بالتسوق هم من الناس الي اذا دخلوا لمكان يشتروا كلشي موجود بدون أي تردد والتوفير عدوهم اللدود لازم تتعلمون توفرون .

مريخ البيت الثالث

اكثر مريخ متعرض للاضطراب او التوتر العالي وعندهم عصبية مفرط بيها واكثر مريخ طاقتهم الفكرية عالية وذكائهم كلش يعجبني ، بس افكارهم دائمًا متوترة ولاحظت حتى حلولهم بالامتحانات تكون متسرعة ويمسحون الصح ويكتبون الغلط اكثر ناس تحب المشاكل فمحيطها الدراسي او مع جيرانهم .

المريخ بالبيت الرابع

انتبه الي عندهم هذا الموقع عندهم اعداء ببيتهم او مشاكل زايدة ، وعواطفهم جدًا قوية بس مشاكسين بنفس الوقت
لازم تخففون من عواطفهم وتتخلصون من طاقتكم العاطفية الفائضة بغير طريقة

المريخ بالبيت الخامس

دايمًا عندهم رغبة بالابداع مثلاً مثلاً اكتشفوا هِواية جديدة يحطون ببالهم أن ضروري يتعلموها وطاقتهم قوية بالمواضيع الي تخص البيت الخامس مثلاً العاطفة او الهوايات او الاطفال والمرح ..
وبنات هذا الموقع الرجال ينجذبون الهم بسهولة بسبب جرائتهم وحنيتهم بنفس الوقت

مريخ البيت السادس

مجتهدين جدددًا احب طاقتهم اليومية دايمًا مجتهدين وما يتكاسلون عن الروتين نشيطين ومثابرين وبنفس الوقت اذا حسوا بالملل او الضجر حينزعجون طول اليوم وهمين حرارتهم بسرعة ترتفع وهذا خطر عليهم ممكن متعرضين لحروق او مشاكل بالعمل انتبهوا

المريخ بالبيت السابع

دايمًا معرضين للفهم الخاطئ من الناس ، لازم تتعلمون شلون تتعاملون مع الناس الساخرين منكم ولازم تعالجون الامور وي شركائكم وهمين تحتاجون طاقة وحيوية مو للسلبية لا ، انتو عندكم منافسات دائمًا وي الشريك وغالبا تسيئون التعامل ويا حتى تشوفون ردود فعله وياكم ، انتو جدًا ستوكرز لأن المطاردة تهمكم اكثر من النتيجة النهائية .

المريخ بالبيت الثامن

رغبتكم وفضولكم يسيطر عليكم هواي خصوصًا اذا صار موضوع لازم تعرفون اصله منين ؟ وشلون صار ؟ وعندكم مشاكل مالية بس راح يتغير كلشي بعد زواجكم لأن اكو فائدة من الزوج واهله بهذا الموضوع ،لازم تتعلمون تتحكمون برغباتكم الجىسية ، عندكم اهتمام بالطب او تحبون تداوون الجروح حتى لو بسيطة

المريخ بالتاسع

عقلهم دايمًا متحمس بس متوتر ، واغلب الي عندهم هذا الموقع معرضين للتعصب الديني وارائهم جدًا قوية ويحبون ينطون احد معلومات او نصائح بكل المجالات عندهم تطور بالفلسفة او المنطق واذا ما قارين كتب انصح صراحة

مريخ بالعاشر

مجالكم المهني جدًا قوي لازم تكونون مدراء او منصبكم عالي لأن تنيرون الطريق للناس، غالبًا تساعدون الناس فالمهنة ، اكو صعوبات بالعلاقة مع المدير بالعمل او مع الوالد اكو منافسة

المريخ بالحادي عشر

دايمًا عندهم حزازيات مع الاصدقاء او يتعرضون للمواقف المحرجة بمجموعة اصدقائهم " عن تجربة "
بس احب كثر امنياتهم واهدافهم وطاقتهم مع الاصدقاء لاحظت انهم يضحكون هواي
واكثر اشخاص يستفادون من صداقتهم مثلاً اخذ وعطى ، بكل تجمع اكثر ناس يتكلمون مريخ 11

المريخ بالثاني عشر

طاقتهم داخلية وجنون عظمة زائدة عن اللزوم وبسبب الجنون هذا عندهم مشاكل ، اعدائهم هواي ودايمًا يتعرضون لتشويه سمعة وافتراءات وتهم باطلة مو حقيقية لازم تتخلصون من شعور الوحدة وتلتجاؤن لفهم معاني الحياة او روحانية

#طاقة_اليوم

مراقبة وتفكير من بداية اليوم !
شي انكشف او حقيقة وضحت بشكل مفاجئ ✔️ ..
كلام مباشر او مواجهة صارت مع شخص .
اتخذتوا قرار سريع او خطوة بدون تردد
حاولتوا تسيطرون على وضع وتمشوه بطريقتكم
اكو تغيير صار ، ممكن نهيتوا شي او غيرتوا موقفكم بخصوص شي بشكل نهائي
غلقتوا موضوع جان شاغلكم من فترة

- الرساله ؛ ولكم سادس ديربالكم عليه🐺🙏🏻

- الرساله ؛ اثر ✨

- الرساله ؛ رحمة

#طاقة_اليوم

راحة نفسية ورضا داخلي واضح !
مزاج هادئ ومشاعر ناعمة وخفيفة ،حتكون متفهم اكثر من قبل ..
اهتمام عاطفي او تقارب مع شخص يخليك ترتاح ✨️
كلام سريع او موقف مفاجئ يصير ويغير الجو شوي 🙍🏼‍♂️
تفكير قوية ورغبة انو تحسم شي بسرعة ❕️
تميل للانعزال او تبعد حتى ترتب افكارك
تحاول توازن نفسك وطاقتك وما تشتتت ✔️

#طاقة_اليوم

تركيز على شغل او دراسة من بداية اليوم !
تحاول تشتغل على نفسك وتنجز شي مهم
حماس قوي وبداية طاقة جديدة داخلك ☀️
تفائل وراحة تخليك تحس اليوم خفيف بالبداية ..
نجاح بسيط او نجاز حيخليك تفرح بنفسك ✨️
شي غير متوقع يخرب خططك او يغير مزاجك ❌️
اليوم اكو بداية حلوة بس نهايته بيها مفاجاة قوية تحتاج تتعامل وياها بسرعة ✔️

💨
دراستكم جانت عشوائية شوية وبدون خطة واضحة بس هالفترة ديصير نضج وسيطرة على نفسكم اكثر ، عندكم قوة انو تتحملون وتكملون بس مرات تتعبون بسرعة وتفكرون هواية بنفس الوقت دتخططون للجاي وتفكرون بالنتيجة وهذا شي زين بس لتخافون من الطريق، اكو دعم من العاشلة او راحة نفسية منكم تخليكم تكملون، بنفس الوقت عندكم خوف داخلي او قلق يخليكم تترددون وماتثقون نفسكم بشكل كامل، تحبون تضمنون الشي قبل لا تبلشون وهالشي دياخر خطواتكم،الاعفاء العام موجود بس مو للكل اشوف الاكثر منعفي مادتين او ثلاث واكثر، وبعضكم الاعفاء وقف او حيوقف على مادة وحدة، بالنسبة للوزاري موجود دخول بس لتخلون القلق يسيطر عليكم
• اشوف ارقام ارقام 6/8/9/7
يعني 68/82/91/76
نتيجتكم زينة وتميل للنجاح بشكل واضح بس تحتاجون ثقة اكثر بنفسكم وتقللون ترددكم
-
💦
اشوفكم داخلين الدراسة بعقلية مسيطرة وتحبون تكملون كلشي حسب نظامكم بس بنفس الوقت ممكن اكو خيبة او احباط صار قبل فترة وخلاكم تفقدون الحماس، دتميلون انو تدرسون بعيد وتبتعدون عن الكل حتى تركزون وهالشي فعلا ديفيدكم وعندكم أمل قوي ورغبة انو ترجعون بقوة وفعلا ديصير تحسن تدريجي واكو طاقة حركة عالية بس مرات دتستعجلون وتنتقلون من مادة لاخرى بدون ثبات، ثقتكم بنفسكم ترجع الكم وتحسون نفسكم تكدرون تكملون الطريق للاخير، ممكم رح تعتمدون على شخص يساعدكم او يدعمكم بالدراسة
• الاعفاء العام موجود وبنسبة قوية خاصة اذا اكو مواد متاكدين منها،بعضكم الاعفاء اجاه بالتسهيلات، الوزاري موجود للبعض هنا
• اشوف ارقام 79/91/84/73
درجاتكم رح تميل انو تكون زينة وقوية ومع الاستمرار توصلون لدرجات عالية او معدل عالي

#الحمل

محتار بموضوع مهم ومأجل القرار وكل مره تكول بعدين، عندك احساس داخلي ينبهم شنو الصح والغلط بس جالس تتجاهله وتفكر بس بالامان والجانب المادي هالفترة وواضح همك الاستقرار والشغل والفلوس،عندك فرصة تبني وضع ثابت بس تحتاج قرار واضح

#الثور

مشدود ومضغوط هالفترة وواصل مرحلة تعبان بيها، اكو خيارات هواية كدامك ومخربطتك ودتمشي ورا شي مو زين او علاقة/عادة دتأذيك والمشكلة مو بالظروف المشكلة انك مو جالس توقف هالشي فلازم تقطع وتحدد اتجاهك