تاروت اليوم 🕯

اليوم اكو ابتعاد او رح تحاول تخلي شي وراك ، ممكن يعني رح تبعد عن موضوع او عن شخص جان يشغلك بالفترة السابقة حتى لو هو للان ببالك ، همين اكو استرجاع قوي لذكريات او رح ترجع تفكر بشخص قديم ممكن رح يمر بخاطرك فجاة او يصير تواصل خفيف يخليك تحس بنفس الاحساس القديم همين رح تحاول تبقى متوازن وما تنجرف ورا مشاعرك بشكل كامل ، ممكن رح تحس انو اكو شي حواليك مو واضح بشكل كامل او بي غموض وهالشي رح يخليك متردد عموما اليوم اكو خلط بين الحنين والتردد

حدس للابراج النارية
#الاسد #الحمل #القوس

• ترد سريع على شي ورح تندم على اسلوبك
• دتفكر بين خيارين وماتنهي موضوع معين
• شخص يحاول يفهمك ويتقرب بهدوء
• تتصرف باندفاع بموقف ورح تلفت الانتباه
• شخص كاتم مشاعره تجاهك ومايوضح شي
• تنجذب لشخص وتبقى تراقب تصرفاته
• تقرر تبتعد عن مكان او ناس وترتاح
• تخاف تخسر شي عندك ورح تبدي تتمسك بي اكثر
• اكو كلام ينحجي ويكشف موضوع كدامك
• تحس بنقصان بشي وتضوج بدون سبب واضح
• تمل من وضع او شخص معين وتبدي تتجاهله
• تدخل بنقاش او جدال مع شخص على موضوع بسيط

حدس للابراج المائية
#العقرب #الحوت #السرطان

• تبادر بالحجي مع شخص بعد فترة هدوء
• اتفاق بسيط او يصير تقارب بينك وبين شخص
• تنطي شي لشخص او تساعده بشي
• تتعامل وي شخص مسوؤل او عنده مكانة
• تتذكر موقف قديم وياثر على مزاجك
• حقيقة رح تنكشف او كلام ينفهم بشكل ثاني
• اكو فد واحد يحجي وياك باساوب لطيف ويجذبك
• شخص رح يحجي وياك بصراحة وكلامه حيكون قوي
• تفتح موضوع حساس مع شخص معين
• تحس او تشك بشي بداخلك تجاه شي معين
• رجوع تواصل مع شخص من الماضي
• رح تكتشف انو اكو شي مخفي او كلام انحجه بظهرك

حدس للابراج الهوائية
#الدلو #الجوزاء #الميزان

• تراقب حساب شخص او دتفتش ورا شي قديم
• موضوع يخص الاهل او الفلوس ينفتح
• تنتظر رد او نتيجة على شي قدمت عليه
• رح تلتزم بشي غصبا عنك او تمشي على نظام ميعجبك
• تاخذ استراحة وتبعد عن الناس ايام او اكثر
• تنهي موضوع او علاقة بشكل نهائي
• توضح موقفك بشي معين وتحجي كلام صريح
• تعبان بسبب موضوع معين بس مكمل بي
• تبدي خطوة بسيطة بنفسك او فكرة جديدة
• سوء فهم يصير وتدخل بنقاش حاد وي شخص
• تهتم بفلوسك وصرفياتك اكثر وتبدي ترتب امورك

حدس للابراج الترابية
#الجدي #الثور #العذراء

• رح تمشي على قرار او نصيحة انكالت الك وتلتزم بيها
• تنمدح كدام ناس او تنجح بشي وتلفت الانتباه
• دتحبس نفسك بفكرة ومتعرف شلون تتخلص منها
• خططك تتغير فجاة بسبب ظرف
• ترتاح لوحدك وتفضل تبقى بعيد عن كم شي او شخص هالفترة
• تبدي تتعلم شي جديد او تهتم بشي
• موقف مفاجئ رح يخرب ترتيب يومك
• شخص رح يحجي وياك باسلوب لطيف ويتقرب منك
• تفكيرك زايد حيل وحتى نومك مو مرتاح بي
• اكو شعور جديد او اهتمام بشخص معين بداخلك

تاروت اليوم 🙍🏼✨️

اليوم حيكون اكو رغبة تحافظ على شي مهم سواء مشاعر او علاقة ممكن وضع معين ، يعني متريد تخسره او تفرط بي بسهولة وهمين رح تحاول توازن نفسك وتتعامل بشكل هادئ وتسيطر على روحك حتى متتسرع او تتصرف بطريقة تندم عليها بعدين، اليوم اكو احساس جديد عاطفي او بداية عاطفية تبلش ممكن اعجاب او تقارب مع شخص خاصة اذا عندكم شخص طاقته مائية معجبين بي، عموما اليوم تحركات اكو واضحة واكو اندفاع او مبادرة رح تصير سواء منك او من الطرف الثاني

تاروت اليوم ☀️

اليوم اكو طاقة وضوح قوي رح يخليك تشوف حقيقة موضوع جان ببالك من فترة وممكن رح توصل لقناعة او تتخذ قرار يريحك نفسيًا رح تحس نفسك مرتاح وراضي بداخلك اكثر من قبل وممكن هالشي الي رح تسويه حيكون بسيط بس مهم ورح يفرحك او يخليك مرتاح و الاجواء اليوم بيها تواصل واجتماعات وطلعات وكعدة حلوة وي ناس قريبين الكم ممكن همين تسمعون كلام لطيف او تتقربون تقارب خفيف بسيط وي شخص ببالكم ، همين اكو طاقة عاطفية خفيفة ناعمة ممكن اعجاب او بداية احساس اليوم يبين ورح يكون هادئ وخفيف عموما اليوم اكو راحة ووضوح واكو مراسلات لطيفة

#الحمل

اكو بداية او فرصة دتحاول تتمسك بيها وتنطيها اهتمام بس بنفس الوقت دتحس بتعب او ضغط داخلي يخليك حذر اكثر من قبل ودتحاول توازن بين گلبك وعقلك حتى ماتنجرف بسرعة ويمكن دتفكر بشي يخص العطاء او المقابل الي تستلمه من غيرك ووضعك النفسي صاير بين الحماس والحذر ودتبقى تراقب الاشياء اكثر من ما تتحرك

#الثور

اكو شي مسيطر على تفكيرك او مخليك متعلق بي بشكل حيل واضح ودتحاول بنفس الوقت تتحكم بالوضع وتخلي يمشي حسب ماتريد، عندك تواصل او تواجد مع ناس هواية وهمين ممكن دتبين متردد هالفترة او مو ثابت على قرار واحد ودتفكيرك ديروح ويرجع بين اكثر من شي وهالشي ديخليك مو مرتاح بشكل كامل

#الجوزاء

دتعتمد على احساسك هالفترة يعني حدسك اكثر من اي شي ثاني ودتفهم الوضع حواليك بدون ما احد يشرحلك شي او تستفسر، اكو نوع من الاستقرار او راحة بمحيطك همين بنفس الوقت اكو شعور خفيف انك مو راضي عن شي او حزن داخلي على شي ما اكتمل مثل تريده وصاير هادئ من الخارج بس داخلك بي افكار ومشاعر ما تنحجي

#السرطان

جاي تحاول تتعامل بعقلانية وتسيطر على مشاعرك هالفترة وهمين اكو تردد واضح بيك بسبب كثرة الافكار والخيارات براسك ومرات دتحس انو انت ضايع بين الواقع والخيال وهالشي ديتعبك فكريًا واكو شي مأثر عليك بشكل قوي ومخليك متشوف الواقع بشكل واضح

#الاسد

دتحس اكو شي مو واضح او موضوع بي لف ودوران حواليك وهالشي ديخليك تكون بحالة دفاع وتحاول تحمي نفسك او ارائك وغيرها، عندك طاقة حركة واندفاع دتريد تغير وضع معين بسرعة واكو بداية او خطوة جديدة كدامك بس دتعتمد على انو شلون تتعامل وياها بدون تسرع

#العذراء

واكف بين خيارين او تفكير بين شيئين ودتحاول تحدد شنو الخطوة الجاية بس القلق مسيطر عليك بشكل واضح،تفكيرك زايد ويمكن طاقتك دتنسحب اكثر من اللازم ورغم هذا دتحاول تبين هادئ من برا وتسيطر على مشاعرك حتى ميبين عليك التعب

#الميزان

اكو شعور قوي بداخلك بخصوص نهاية او خيبة صارت خلتك تدخل بحالة تفكير زايد وقلق قوي وصاير تميل للعزلة او تبتعد حتى ترتب نفسك اكثر واكو هدوء قوي بيك بس داخلك متأثر وتحاول تترك الشي الي صار وراك بس ماكو شي سهل للاسف

#العقرب

تفكيرك كله متجه ليكدام والمستقبل وتحاول تفكر بالخطوات الجاية واكو قرار ابتعاد عن شي ميناسبك بعد وصاير جريئ اكثر من قبل ومستعد انو تبدي من جديد بدون ما ترجع لنفس الوقت وعندك قوة بداخلك واضحة وقوية تخليك تتحمل وتكمل

#القوس

اكو جو مريح او شعور لطيف جاي تعيشه حاليا سواء وي نفسك او وي ناس قريبين منك وتحس بنوع من الاهتمام والدفئ بنفس الوقت دتحاول تميل للهدوء والعزلة حتى ترتب افكارك وتحاول تبعد عن اي شي يرهقك ودتقرر تبتعد عن شي حتى لو جان مهم الك

#الجدي

دتحس انك راضي او متوازن وي الناس الي حواليك واشوف هنا اكو تواصل حلو او كعدات حلوة تخليك مرتاح هالفترة وتفكيرك صاير واضح ودتاخذ الامور بعقلانية ودتكون واثق من نفسك اكثر واكثر واكو شعور بداخلك بالنجاح او انك ماشي بالاتجاه الصحيح