#الاسد

اكو مشاعر او مبادرة عاطفية حتتحرك بسرعة بحياتك ممكن يوصلك تواصل او اعتراف او خطوة تفاجئك وهالشي رح يوضح عليك امور جانت غامضة والحقيقة رح تبين بشكل مباشر ورح تخليك تتعامل وي الوضع بعقلانيى اكثر حتى بالبداية المشاعر جانت هي المسيطرة بس الوضوح حيغير طريقة تعاملك

#العذراء

اكو بداية او فرصة تخص الاستقرار لو المستقبل واكو توتر داخلي واضح ممكن مستعجل تريد توصل لشي او دتفكر بشكل زايد وهالشي ديسوي ضغط عليك ورغم ان اكو جانب ايجابي او ثابت بس تفكيرك السريع والمستمر ديخليك تعيش قلق حتى وانت داخل بشي ممكن يكون مستقر

#الميزان

دتعيش حالة تردد او عدم وضوح ؟ اكو شي مخفي او مجاي تفهمه بشكل واضح الك ودتحاول توازن بين اكثر من شي او بين اكثر من وضع بس بنفس الوقت حتحاول انو تفرض سيطرتك على الامور حتى ما تضيع وهالموضوع بي جانب عادل او قرار لازم ينحسم بس بعدك حاير بين الشك والسيطرة

#العقرب

اكو ارتباط قوي او موضوع مهم صاير بحياتك وبي تعلق او سيطرة زايدة وهالشي ديسبب او سبب زعل او خيبة بشكل واضح لانك حاس انك مرتبط بشي مديمشي مثل ما انت تريده بس رغم هذا حتحاول تسيطر على وضعك او تغيره بطريقتك لان متقبل انو تتركه بسهولة

#القوس

اكو صراع بداخلك بين عقلك ومشاعرك من جهة دتحاول تفكر بشكل منطقي وانو تاخذ قرار واضح ومن جهة ثانية اكو احساس قوي ديربطك وهالشي ديخليك تحس بتقييد او ماعندك قدرة انو تتحرك لان يعني انت تعرف شتسوي بعقلك بس مشاعرك مسيطرة عليك بنفس الوقت

#الجدي

حاس بتقييد او ضغط بداخلك ؟ واكو جانب بيك ديحاول يسيطر على مشاعرك وتبين بصورة قوية كدام غيرك، اشوف انو ممكن اكو نجاح الك بشي معين او رح تاخذ تقدير من احد بحياتك رح تصير حذر ومتحفظ بسبب تعب قديم ومدترتاح بشكل كامل حتى لو الامور دتمشي لصالحك

#الدلو

اشوف قلق وتفكير زايد ديسيطر عليك واكو بداية او فرصة جديدة رح تبين الك بس رح تبقى واكف بمكانك او متردد تاخذ خطوة ومتتحرك اله، اكو مشاعر عندك لشخص معين او نية عاطفية بشكل قوي بس بعدها مو متفعلة بشكل كامل بسبب هالتوقف

#الحوت

حاليا دتعيش حالة رضا او اكتفاء داخلي واكو شعور انك مرتاح مع نفسك او دتعيش شي يرضيك، وهمين اكو حركة واضحة باتجاه شي تريده ورح تمشي بشكل واثق بخصوص فرصة عاطفية او بداية احساس جديد وهالطاقة بيها قبول وانفتاح بدون تعقيد

حدس للابراج النارية
#الاسد #القوس #الحمل

اشوف جاي تفكرون تمشون على طريق ثابت تاخذون قرار رسمي وصايرين تريدون شي مضمون وواضح مو مجرد تجربة وهالشي ديخليكم تتعاملون بعقلانيى اعلى وتخلون حدود واضحة وي الي وياكم خصوصا اذا حسيتوا اكو شي مو مريح او مو صريح همين اشوف اكو تركيز على الاستقرار سواء استقرار مادي او عائلي وجاي تفكرون بشي على المدى البعيد ، اشوف غموض بموضوع معين اكو احساس ديخليكم مو مطمئنين بشكل كامل او دتفكرون زيادة لان مو كلشي واضح كدامكم همين اكو فكرة لبداية جديدة ممكن خطوة صغيرة حتسوون تخص شغل او دراسة او تطوير لنفسكم ودتتعاملون وياها بهدوء وتريدون تبنوها بشكل صحيح بدون استعجال ، اكو كدامكم خيار او انجاهين ودتفكرون شنو الانسب الكم بس اكو تردد بسيط ديخلي القرار يتأجل، تمرون بلحظة خيبة خفيفة بسبب شي ما صار مثل ما تريدون او بسبب توقع جان اعلى من الواقع بس مارح يوكفكم هالشي ، اكو صبر واكو استمرار وتشتغلون على نفسكم او على هدف معين خطوة خطوة بدون استعجال ، جاي تحسون بصراع تريدون تحسمون شي او تبقون بنفس المكاان وهالشي هذا ديخليكم مرات تتجاهلون القرار او تأجلوه اكثر بس بالنهاية رح تضطرون تختارون

حدس للابراج المائية
#العقرب #السرطان #الحوت

اكو توجه بخصوص شي جدي او علاقة/وضع تحسون بي بامان اكثر واكو بداية عاطفية نظيفة هنا دتخليكم تحسون بشعور مختلف واهدا مز قبل وتتعاملون بهدوء وصبر وتحاولون تسيطرون على ردات فعلكم حتى متخربون شي ممكن يكبر كدامكم ، اشوف طاقة استقرار وراحة ممكن بالبيت او احساس بداخلكم انو اكو امور صارت مريحة اكثر همين رح تجيكم رغبة تبدون شي جديد بشكل حماسي اكو خطوة تخليكم تتحركون وتغيرون من الروتين ، دتفكرون بالمستقبل اكثر وتخططون لكلشي واكو تشتت بسيط بين اكثر من شي وتحاولون توازنون بين مسوؤليات او خيارات وهالشي ديخليكم تحسون طاقتكم متوزعة وتركيزكم باكثر من مكان وجاي تحسون باحساس ملل او مو مراضين عن شي معين او وضع معين يعني كانوا اكو شي كدامكم جيد بس مديشبعكم نفسيا ، اكو طاقة حماس خفيفة واشوف فضول رح تحبون تغيرون جو او تسوون شي مختلف ، ممكن رح تتركون شي ممكن شخص او عادة او وضع مو جيد وبالنهاية رح يريحكم هالشي

حدس للابراج الهوائية
#الدلو #الجوزاء #الميزان

جاي تحاولون تبدون اشياء خطوة خطوة وتبثتون شي معين بحياتكم سواء هدف او وضع شخصي، اكو تقارب او مشاعر دتبلش بشكل هادئ بس دتفكرون اكثر من مره قبل لا تتعمقون واكو قرار بداخلكم انو تريدون تبتعدون عن شي ومو هروب وانما اشوف وصلتوا لقناعة انو هالشي او هالشخص ممكن مجاي يخدمكم او يفيجكم بشي، حتحمون نفسكم وارأئكم من تدخل او ضغط خارجي واكو موقف رح يحتاج رد سريع منكم اكو طاقة أمل حتحسون اكو شي احسن بالطريق الكم وعندكم شعور حلو ورح يخليكم تفكرون بخطوة جديدة او اتجاه مختلف لكن رح تختارون تاخذون وقتكم بشكل اطول وتبقون على هدوء، ممكن رح تميلون للعزلة هالفترة حتى تفهمون نفسكم قبل اي شي وقبل لا تسوون اي قرار او شي ثاني ، عندكم طاقة حركة قوية ورغبة انو تغييرون شي او تجربون شي جديد ورح تسوون اشياء بشكل اسرع من قبل خاصة اذا بموضوع يخص شغل او شي يخص تطوير لنفسكم لان واضح هنا اكو تركيز على التعلم وممكن رح تبنون فد مهارة معينة او تحسنون مستوى معين بشغلة

حدس للابراج الترابية
#الجدي #العذراء #الثور

اكو احتكاك او موقف خلاكم تحسون انو اكو شي مو عادل الكم او مو مريح وهالشي ديخليكم تفكرون تغيرون طريقتكم او تبلشون تتصرفون بشكل مختلف عن قبل همين رح ترجع عندكم رغبة خفيفة انو تجربون شي او تتحركون اكثؤ بس مو اندفاع ، اكثر شي فضول يخليكم تشوفون شنو يصير اكو تعاون او تعامل وي ناس هالفترة وتبدون تركزون على انو تسوون شي فعلي شوية شوية خصوصا اذا الموضوع بي فائدة الكم ، اكو شي رح يرجع من الماضي ممكن شخص او ذكرى او اسلوب قديم ، دتفكرون بالاستقرار سواء مادي او شخصي وتفكرون شلون تثبتون نفسكم اكثر وجاي تتعاملون بعقلانية واضحة وماتخلون اي شي يتجاوز راحتكم ، اكو مشاعر دتبلش بداخلكم بس دتتعاملون وياها بهدوء وما تستعجلون ، تريدكم يزيد على الشغل او تطورون شي معين حتحاولون تلتزمون وتشتغلون على هدف بدون ما تضيعون وقت ، مترددين بقرار مهم كانكم بين خيارين ومتعرفون شنو تختارون بالضبط