#الحوت

دتعيشون بين خيارين او ضغط بتوازن حياتكم بس بنفس الوقت اكو راحة واكو استقلال جايكم وامنيات رح تتحقق بشكل تدريجي، واكو تحول جبير يخليكم تنهون مرحلة وتبدون غيرها

حدس ل ابراج او طالع
سرطان - ثور - حمل - جوزاء - اسد - عذراء
اواخر شهر مارس

رح تنطون من وقتكم او اهتمامكم لشخص او لموضوع اكثر من قبل ورح تنتظرون رد فعل واضح، واكو مر رح يمر ويخليكم تحسون انو الطرف الثاني مو بنفس الاهتمام الي انتوا بي يعني ممكن تكتبون او تبادرون وهو رح يتاخر او يكون رده بارد .. وهالشي رح يخليكم تفكرون تبعدون شوية ، دتفكرون بموضوع صارله فترة وممكن علاقة او قرار وكل مره تصبرون نفسكم شوية بس بهالاسبوع رح توصلون لنقطة انو لازم تشوفون نتيجة ومارح تبقون تنتظرون بدون مقابل مثل قبل، اشوف رح يصير تقارب واضح وي شخص يعني كلام مباشر واهتمام او مبادرة توصل مثلا رسالة حلوة او كلام يكون عاطفي بي مشاعر وهذا الشي حيخليكم تحسون براحة ويخفف الضغط الي جان عندكم، رح تتصرفون ببرود مع شخص معين يعني رح تردون عليه بكلام قليل او تختصرون الكلام وياه، وممكن لان دتشوفون انو هالشخص مو زين وياكم او مدينطيكم الشي الي انتوا تريدوه، اشوف نهايات واضحة هالفترة ممكن تنهون تواصل مع شخص بشكل نهائي او فد موضوع معين ينتهي وما تفتحوه بعد، والقرار رح يكون واضح ونهائي، اكو تواصل او طلعات اكو اخبار تغير مودكم بسرعة، رح تسوون فد خطة جديدة ممكن تبادرون بشي معين او تسوون تجربة جديدة وهالشي رح ينطيكم احساس بالتحرر من وضع قديم، اشوف البعض متمسكين بشي معين يمكن فكرة او شخص وتحسون صعب تعوفوه، اشوف شخص مائي، ممكن سرطان/حوت او قمره هيج، رح يبينلكم اهتمامه يسال عليكم يحجي وياكم بهدوء او يتقرب بطريقة لطيفة ونيته حلوة يريد يتقرب وعنده اهتمام صادق،اكو شعور بخيبة من شي صار قبل ويمكن رح تتذكرونه هالفترة، بس عندكم فرصة جديدة او شخص يعوضكم عن هالشي، شخص جوزاء او ميزان يتصرف ببروج او يختفي،نيته هالشخص مو واضحة، مترددة فانتبهوا من التعلق بكلامه، تفكيركم رح يكون بالمستقبل وتبطلون تركزون على الي راح، وتخططون لشي جاي،رح تسيطرون على نفسكم وماتبينون ضعفكم بسهولة، رح تتعاملون بهدوء ونضج اعلى من قبل

حدس ل ابراج او طالع
قوس - عقرب - دلو - جدي - ميزان - حوت
اواخر شهر مارس

عندكم حالة استقرار هالاسبوع، بداخل البيت او البعض من الناحية المادية يعني اكو دعم من العائلة او مبلغ رح يوصل الكم او تحسون وضعكم ثابت اكثر من قبل، اكو موقف يصير يخليكم تنجحون بشي او تنجذبون لانتباه الناس مثل مدح او نجاح او ناس رح تحجي عنكم بشكل ايجابي،ديصير تقارب واضح وي شخص يعني كلام مباشر او لقاء او رجوع تواصل بعد انقطاع للبعض،العلاقة رح تمشي بسرعة اشوف انو انتوا بنفس الوقت دتستخدمون ذكائكم بالكلام والتصرف وتعرفون شلون تجذبون الطرف الثاني وتوصلون للي ببالكم بدون ضغط، رح تصير حيرة بين خيارين ممكن البعض عندكم شخصين ديحاولون يتقربون منكم وواحد يبين اهتمامه بالمشاعر والكلام والثاني اهتمامه بالافعال وهالشي يخليكم مترددين ومتعرفون تختارون بسرعة، اكو بداية خطوة صغيرة جديدة ممكن بداية تواصل وي شخص جديد او تتعلمون شي جديد وهالبداية تحتاج صبر لان نتائجها مو سريعة بس رح تمشي، تحسون برضا داخلي من شي تحقق ممكن امنية صارت او شي جنتوا تنتظرونه من زمان وصار وهالشي يخليكم مزاجكم افضل ويخليكم اكثر انفتاح على الناس، اكو ارتباط قوي ديصير وي شخص معين بحياتكم، كلام يومي هواية واهتمام وممكن للبعض لقاءات،وتحسون ان العلاقة دتتثبت اكثر من قبل،اشوف توتر مع شخص ممكن نقاش او غيرة او تنافس وهالشي ديخلي الجو مشحون شوية خصوصا اذا الطرف الثاني يحاول يفرض رأيه عليكم،شخص قوس او دلو ممكن ينافسكم او يدخل بنقاش وياكم قوي وتصرفاته بيها اندفاع او عناد ونيته مو مستقرة انتبهوا، رح تحسون باستقلالية اكبر وتقررون اشياء بنفسكم وتركزون على راحتكم اكثر، ممكن تكتشفون شي مجنتوا تعرفوه عن شخص او موقف وهالشي رح يخليكم تشكون او تتربكون،يصيؤ موقف مفاجئ يغير شي مهم ممكن حقيقة تنكشف او تصرف من شخص يخليكم تغيرون نظرتكم اله

.

🥎
الي يستنزف طاقتكم هو صراع داخلي دائم بين عقلكم وبين عاطفتكم، انتوا تحاولون تبينون نفسكم اقوياء ومسيطرين وعندكم قرارات واجهة بس بالواقع داخلكم ديتكسر بسبب مواقف عاطفية قديمة بعدها ممتعالجة او ممتشافين منها، اكو جروح واضحة خلتكم تحطون باب على گلبكم وتتصرفون بعقلانية زايدة وتبتعدون عن مشاعركم لكن بالعكس هذا الشي هو الي ديستنزفكم اكثر، وغير هذا اشوف انو اكو ضغط من ناحية الاستقرار سواء مادي او عائلي، تحسون لازم توصلون لمستوى معين ببالكم او تثبتون نفسكم وهذا الشي ديخليكم دائما بحالة توتر، وتدخلون بصراعات او مواقف بيها مشادات ومرات تحاولون تفوزون او تثبتون رأيكم حتى لو الموضوع ما يستاهل، وهذا الشي يستهلك طاقتكم النفسية بشكل جبير ويخلي كل هذا متراكم بداخلكم لدرجة ديوصل لقلق وتفكير زايد وارق .. لازم تتعلمون ترجعون للبساطة لان مو كلشي لازم ينفهم بعقل او ينحل بالقوة تحتاجون تسمحون لنفسكم انو تبدون من جديد بدون ما تشيلون كل هذا الثقل وياكم، درسكم هنا انو توازنون بين عقلكم وقلبكم، مو تلغون مشاعركم بحجة القوة ! لا لان القوة الحقيقية مو انو تتحكمون بكلشي وانما تعترفون بتعبكم وتعالجوه، ايضا لازم تعرفون مو كل موقف يحتاج رد او اثبات لان بعض الخسارات راحة، واشتغلوا على تهدئة عقلكم لان التفكير الزايد هو اكبر عدو الكم هالفترة، من تهدئون داخليًا فكلشي ثاني رح يترتب من نفسه

🏀
الاستنزاف عندكم بسبب العطاء الزايد، انتوا اشخاص تحبون تنطون وتدعمون وتهتمون بس المشكلة انو مرات تنطون اكثر مما تاخذون وهالشي شيسوي؟ رح يخليكم تحسون بتعب داخلي حتى حتى لو ظاهركم مبين مرتاح، اكو ضغط هم من ناحية الحركة والتقدم يعني كانوا دتركضون ورا شي او ورا هدف بس بنفس الوقت دتوزعون طاقتكم على اكثر من جهة،ناس،علاقات،فرص وهالشي ديخليكم متشتتين وكذلك اكو تعلق ببدايات او مشاعر جديدة، دتتحمسون بسرعة او تدخلون بقوة، بس من تحسون الطرف الثاني مو بنفس المستوى ف رح تبقون انتوا تنطون وتحاولون تمشون العلاقة بنفسكم وهالشي غلط، اكو جانب بيكم يحب يحافظ على الشي حتى لو ديستنزفه ومتتحبون تتكرون بسهولة وهالشي ديخليكم تشيلون فوك طاقتكم .. لازم تتعلمون التوازن بالعطاء لان مو كلشي ينطي من القلب وما اله حساب، انتوا تستاهلون نفس الشي الي كاعدين تقدموه مو اقل لذلك تحتاجون تتعلمون تختارون وي تحطون طاقتكم لان مو كل فرصة تستاهل ومو كل شخص يستاهل جهدكم وايضا خففوا الاندفاع بالبدايات وخلوا المشاعر تبلش بشكل تدريجي مو من البداية تنطون كلشي وتعلموا تتركون بدون لا تحسون بالذنب لان مو كلشي لازم تحافظون عليه ، اكو اشياء لازم تنتهي حتى تفتح مجال لشي افضل ومن تضبطون هالتوازن رح تتحول طاقتكم من استنزاف الى جذب وتصيرون تمشون الامور بيدكم بدال لا هي تمشيكم

#اشارة

طاقة مائية .. ترابية
ابراج سرطان / حوت / ثور
مريخ حمل / عطارد قوس
مواقع جدي / مشتري جدي

هذا الشخص الي ببالج ديعيش حالة تذبذب يوم يتقرب منج يوم يبتعد بس بالحقيقة مشاعره جدا عميقة اتجاهج وديحاول يوازن نفسه حتى لا ينكشف او لا يبين ضعفه، يفكر بيج بشكل مستمر ويحس براحة قوية وياج بس بنفس الوقت محتار شلون يتصرف او يبادر، اكو انجذاب قوي وسريع وكانما الامور بينكم دتتحرك او دترجع، وهو اصلا يشوفج شخص مميز جدا ويمكن يحطج بمكانة اعلى من الباقيين .. تعلقه بيج واضح بس ديحاول يسيطر عليه وما يبينه بشكل كامل، ملامحه ناعمة جذابة ممكن بشرته فاتحة او ناعمة، حساس شوي داخليًا، شعره مرتب/ستريت، عنده حضور ملفت

احرف / ن ك م و ت س

حدس للابراج النارية
#القوس #الاسد #الحمل

دتحسون انه اكو شي مخفي حواليكم ممكن شاكين بشخص انه ما يحجي كل الحقيقة او ممكن ديتصرف بطريقة تخليكم تشكون فيه وهذا الاحساس ديصير بسبب مواقف واضحة مو مجرد شك،ممكن رح تبادرون او دتفكرون تبادرون بموضوع مهم وتقررون تمشون بي حتى لو مفاهمين كل التفاصيل،اكو مرحلة رح تنتهي عندكم او ممكن علاقة تتوضح حقيقتها او وضع معين يخلص بشكل تام وهالشي حيخليكم ترتاحون حتى بالبداية جان صعب، انتبهوا من شخص ديتلاعب بالكلام او يحاول يلف ويدور، ممكن البعض ديوعدكم بشي بس ميلتزم بي فتعاملوه وياه بشكل حذر،صايرين تتصرفون بثقة عالية وتريدون تفرضون سيطرتكم على فد وضع معين ومتقبلون احد يمشيكم على مزاجه وهالشي ديخليكم اقوى بس بنفس الوقت ديخلي الناس تتحسس منكم فقللوا، رح يصير تواصل سريع او مفاجئ ممكن رسالة او شخص رح يرجع الكم فجاة، تركيزكم كاعد يزيد على شغل او دراسة دتحاولون تطورون نفسكم وتشتغلون على شي يفيدكم للمدى البعيد، حظكم قوي هالفترة ووياكم، ممكن اكو شي جان متوقف فجاة رح يتحسن او تمشي الامور لصالحكم، متمسكين بشخص معين ممكن شخص او فكرة وتحسون صعب تتركوه رغم ممكن تعرفون انه مو الافضل الكم، شخص حمل او قوس ممكن تشوفون مبادرة منه

حدس للابراج المائية
#العقرب #الحوت #السرطان

صايرين تتعاملون بعقلانية اكثر من قبل يعني صرتوا تحطون حدود وتفكيرون قبل لا تسوون اي تصرف حتى لو بداخلكم عاطفة قوية، بس مدتخلوها تتحكم بقراراتكم، اكو بطئ بموضوع معين ممكن دراسة او شغل او علاقة بس دتشتغلون عليه خطوة خطوة بدون استعجال وهالشي لان تريدون نتيجة ثابتة، اكو تواصل كثران او لقاءات وي ناس ممكن علاقة صداقة رح ترجع او يصير تقارب مع احد يريحكم نفسيا، تحسون نفسكم بوسط اكثر شي يعني ممكن عندكم مسوؤليات او خيارات هواية ومحتارين شلون توازنون بينهم وهذا الشي ديخليكم مرات تتوترون او تاخذون قرارات سريعة، ممكن يصير نقاش او مشادات مع شخص، خاصة اذا صار اختلاف بالاراء او واحد ديحاول يفرض رأيه وهذا الشي ديخلق جو تنافس او زعل بسيط، شخص سرطان/حوت حنون عليكم وقريب منكم عاطفيا يحاول يدعمكم وحيكون موجود يمكم هالفترة، عندكم تحسن واضح يعني حتحسون براحة بخصوص شي، خبر حلو يوصلكم او موقف تخليكم تبتسمون وترجعلكم الامل والطاقة الايجابية ، اكو ضغط واضح عليكم سواء من شغل او دراسة او حتى من تفكير زايد وتحسون كلشي صار ثگيل عليكم ومحتاجين ترتاحون او تخففون عن نفسكم، بس دتبقون اشخاص طيبين وتتعاملون ب نية صافية وي الي تحبوهم،وتحاولون تحتوون حتى لو انتوا تعبانين

حدس للابراج الهوائية
#الدلو #الجوزاء #الميزان

طاقتكم جدا قوية وتفكيركم صاير قيادي، دتحسون تريدون تتحكمون بوضع معين او تسوون مبادرة بدال لا تنتظرون بس بنفس الوقت تحتاجون توقف بسيط حتى ترتبون افكاركم لان اكو تعب او استنزاف صار وياكم الفترة الماضية، بس بعدكم صامدين وما مستسلمين حتى لو مريتوا بتحاوب تعبتكم بعدكم دتحاولون تكملون وتدافعون عن الي تريدوه،اكو تعاون او شغل جماعي ممكن تدخلون بشي وي ناس او تشتغلون على مشروع يحتاج تنسيق واكو دعم من شخص ترابي عملي حيساعدكم او ينطيكم استقرار بشكل واضح، دتفكرون بخطوة معينة ممكن سفر او تغيير او دتنتظرون نتيجة لشي سويتوه من قبل،اكو مبادرة من شخص ناري نيته تقرب او يبدي شي جديد وياكم، عندكم بداية جديدة سواء عاطفية او عملية او بداية فكرة ودتحسون بطاقة قوية تدفعكم تبادرون وتغيرون شي بحياتكم بس انتبهوا بس من شخص او تصرف بي لف ودوران، ممكن اكو كذب بسيط او شي مخفي مدينحجي بصراحة فحاولوا تعتمدون على ملاحظاتكم مو بس على الكلام الي ينححي

حدس للابراج الترابية
#الجدي #العذراء #الثور

دتحاولون توازنون بين اكثر من موضوع بحياتكم مثل شغل دراسة او علاقات وهالشي مخليكم مشغولين عقليا وتفكرون شلون ترتبون اولوياتكم بدون ماتخسرون شي مهم، اكو مرحلة رح تخلص عندكم، موضوع معين رح ينتهي،اشوف ابتعاد ايضا يعني ممكن دتفكرون تتركون شي ميرضيكم بعد ممكن علاقة او وضت متعب وحتقررون تتخطون حتى لو الموضوع مو سهل عليكم نفسيا، اكو تدخل من شخص ممكن شخص رح يتدخل فجاة او يحاول يغير رأيكم بشكل سريع بخصوص شي وهالشي رح يسبب الكم ضغط او تسرع بالقرار، عندكم بداية خفيفة، اكو رغبة بشي جديد او تجربة مختلفة ويمكن تحسون بحماس يخليكم ترجعون تبدون من جديد بعد التعب الي مريتوا بي، بنفس الوقت عندكم ارادة قوية انو تتحركون وتسيطرون على وضع معين وتكملون طريقكم حتى لو اكو منافسة او ناس دتعارضكم او تحاول تتدخل بينكم وبين اهدافكم، اكو تعب متراكم تحسون انكم استنزفتوا وتحتاجون تدافعون عن نفسكم اكثر مره، ممكن هم ديمر عليمم شعور نقص او خسارة بشي معين سواء ماديا او معنويا وهالشي دياثر على مزاجكم ويخليكم تحسون بثقل داخلي، جايكم استقرار وراحة ممكن تجمعات حلوة، مناسبة للبعض خطوبة او عرس او حفلة معينة، او احساس بالامان يرجعلكم بعد كل هالتعب

#الحمل

اكو تقييد داخلي دتحسون نفسكم عالقين بموقف او فكرة مدتخليكم تتحركون،اشوف دتراقبون او تنتظرون نتيجة شي سويتوه قبل، اكو ملل او عدم رضا ديخليكم تتجاهلون فرص موجودة كدامكم، رح تحسمون قرار بشكل بارد ورح تضطرون تكونون حازمين حتى لو الموضوع يحتاج انو تنهون شعور او شخص

#الثور

اكو تعاون واندماج وي الناس حواليكم سواء بشغل او علاقات وتحسون اكو دعم وفرحة مشتركة، اكو بداية جديدة او خطوة جريئة دتفكرون بيها، ممكن تغيير مفاجئ، سيطروا على نفسكم وتعاملوا بهدوء وي التغييرات الجاية حتى تستفيدون منها بشكل كامل

#الجوزاء

اكو تعب واضح واستنزاف من فترا طويلة بس رغم هذا بعدكم مستمرين وما تستسلمون، اكو حركة قوية او قرار مصيري ديدفعكم تتقدمون بخصوص شي، اكو شي مسيطر عليكم ممكن عادة او شخص او رغبة، وهالشي ديخليكم ترجعون لنقس النقطة، تحرروا من الشي الي كاعد يقيدكم، عندكم رضا بخصوص شي او تحقيق شي تتمنوه

#السرطان

اكو شخص قوي او تأثير واضح داخل حياتكم، اكو طاقة عقلانية باردة بيكم هالفترة دتخليكم تفكرون اكثر مما تحسون، تحتاجون فترة راحة بصراحة او تتوقفون عن كلشي بشكل مؤقت حتى ترتبون افكاركم، اشوف اندفاع بخصوص شي او عندكم رجوع مع شخص متحمس انو يرجعلكم ويدخل لحياتكم فجاة