حدس للابراج المائية
السرطان ، الحوت ، العقرب

اشوف اجواء تجمعات ومناسبات عائلية عندكم، لمات بالبيت، زيارات، ممكن تزورون مكان مقدس او قديم نوعا ما، اكو لقاءات وي اشخاص مقربين تتكرر من جديد، هالفترة دتقضون وقت اطول وي عائلتكم او وي اشخاص تعتبروهم مثل اهلكم، بعضكم يتلقى دعوة لاحتفال او مناسبة والاجواء بيها حتكون مريحة، رح تهتمون بمظهركم وبنفسكم اكثر، تشترون اشياء تخصكم، ممكن ملابس جديدة او اشياء عناية بالبشرة او ممكن الشعر؟ ، بعضكم ديلاحظ تغيير بسيط للافضل بملامحه او شكله، واكو اشخاص رح يعلقون بخصوص هذا الشي،موضوع قديم ببالكم من فترة رح يوصل لنهايته بشكل واضح، اكو صفحة او موضوع معين رح ينغلق، سواء علاقة او موقف قديم ورح تحسون براحة اكبر،دتقضون اوقات هادئة اكثر، تبقون لوحدكم احيانا او تبتعدون عن الزحمة لفترة قصيرة وترتبون افكاركم، نومكم زايد هالفترة؟ او دتاخذون اوقات راحة زايدة، وتحاولون تبعدون عن اي شي يسبب الكم ازعاج، اكو موقف خلاكم تزعلون من شخص او من موقف صار قبل، بس هالفترة رح تبعدون عنه اكثر وماتنطوه نفس الاهمية الي جان عندكم قبل، تلاحظون اهتمام اكثر بخصوص الاشياء الي تخصكم هالفترة، دتترتبون اغراضكم،تهتمون ببيئكم او مكانكم، وبعضكم ديشتري اشياء بسيطى للبيت او يغير تفاصيل صغيرة، الفترة الجاية بيها لحظات فرح واضحة، خبر حلو يوصلكم، اكو مدح جايكم هم وبشكل مباشر

حدس للابراج الهوائية
الميزان ، الدلو ، الجوزاء

اشوف اجواء لقاءات ولمات اكثر من قبل، تشوفون اصدقاء او اشخاص تعرفوهم من زمان، وتصير جلسات خفيفة او مناسبة بسيطة تجمعكم، بعضكم يتلقى دعوة لمناسبة او شي والجو حيكون ممتع ومريح، دتراجعون اشياء صارلها فترة بحياتكم،مواضيع او خطط جنتوا منتظرين نتيجتها، اشوفكم صبرتوا على فد شي معين وهسه دتراقبون شلون الامور دتمشي خطوة خطوة، تمرون بموقف خلاكم تحطون حدود او تصيرون اكثر حذر وي بعض الاشخاص، ما اشوف انو عندكم بعد نفس الصبر القديم على التصرفات الي جانت تكرر،فدتبقون منتبهين اكثر وتتعاملون وي الناس بحذر،فضولكم قوي هالفترة ودتراقبون اشياء حواليكن وتحبون تعرفون تفاصيل اكثر عن بعض المواقف او الاشخاص، ممكن تسمعون اخبار او معلومات توصلكم، اكو شخص ناري اسلوبه واضح قوي يحاول يتواصل وياكم، هالشخص يريد يبين نفسه بشكل مباشر وانتوا حتلاحظون هالشي بسهولة،رح تبدون خطوة جديدة بشي معين، تجربة مختلفة او قرار يدخلكم بطريق جديد ما جنتوا مخططين اله قبل، بس رح تتحمسون اله بسرعة، الفترة الجاية بيها حركة وتنقل اكثر، مشاوير، تغيير اماكن، او حتى اكثر من تنقل بين عدة اماكن بنفس اليوم، تحسون نفسكم صرتوا اكثر نشاط وحركتكم اسرع من قبل

حدس للابراج الترابية
الجدي ، الثور , العذراء

هالفترة دتدافعون عن موقف او قرار اخذتوه قبل، اكو كلام او اراء مختلفة دتصير حواليكم، بس انتوا ثابتين وماتتراجعون بسهولة، بعضكم ديتعامل مع اكثر من موضوع بنفس للوقت، ترتبون اموركم بس اكثر من شي وتوازنون بينهم حتى ما يخرب شي، اشوف بداية جديدة او فكرة جديدة تشد انتباهكم بشكل واضح، تتحمسون لشي معين ممكن يكون نشاط جديد،تجربة جديدة، او قرار يخليكم تتحركون اكثر من قبل،محطيكم بي مقارنات او نقاشات قوية بين اكثر من شخص، اكو اشخاص يحاولون يفرضون رأيهم او يدخلون بجدالات،وانتوا دتراقبون الوضع وتختارون شوكت تتكلمون وشوكت تغلسون، اكو شخص هوائي ممكن يفتح وياكم موضوع صريح او يحاول يوضح موقفه او شي صار، ورح يكون صريح وممكن شوية حاد ومندفع،اكو موقف يصير بين شخصين كدامكم وبي نوع من المنافسة والخلاف، وانتوا تختارون تبقون بعيدين عن هالموضوع،عندكم دعم او اهتمام من شخص ترابي قريب منكم،شخص اسلوبه هادئ ويحب يساعد ويوكف وياكم، وجوده ينطيكم راحة،حترتبون اشياء تخصكم،تركزون على مظهركم او تفاصيل بسيطة تخليكم تحسون بالراحة اكثر

حــدس عاطفي عام

طاقتكم هالفترة ابدا مو سطحية ، اكو شي بداخلكم ديتحرك بهدوء، حدسكم صاير قوي بشكل مو طبيعي،ودتحسون باشياء قبل لا تصير وبنفس الوقت اشوف اكو بداية جديدة داخله لحياتكم، بس مو مريحة بشكل كامل لان اجت بعد تعب او بعد فترة جنتوا تحاولون تهربون بيها من شي تعبكم عاطفيًا، اشوف صار عندكم انتقال بس مو شرط مكان يعني ممكن انتقال داخلي، تركتوا فكرة ، شخص ، او حتى حاولتوا انو تنسون شي جان يزعجكم بس فجاة صار اكو صدمة او حدث قلب كلشي، اكو شي ما متوقعينه صار وخلاكم تعيدون تفكيركم بكلشي ، اكو شخص طاقته واضحة جدا، طاقته عاطفية وناعمة وهو انسان مهتم ويحس بيكم من نظرة، هذا الشخص ممكن يكون فعلا يحبكم او على الاقل مشاعره واضحة اتجاهكم وصادقة، بس بنفس الوقت اكو انعزال يا اما هو مبتعد او انتوا دتبعدون حتى تفهمون نفسكم، والعلاقة هنا مو سهلة بيها نوع من التوازن الاجباري يعني كلشي محسوب وماكو عفوية كاملة اكو تاخير واكو هدوء يعني ماكو اندفاع، الشي الي بينكم دينطبخ على نار هادئة افيش، المهم للبعض اشوف شخص طاقته روماسية يحب يبادر يحب يعبر ممكن يجي يعترف او يحاول يتقرب، بس المشكلة مو بالمشاعر هنا وانما المشكلة بالاستقرار، اكو طاقة التزام موجودة صحيح، واكو احتمال ارتباط رسمي او علاقة جدية نعم، بس بنفس الوقت اكو تردد قوي ، هو شخص ديحاول يوازن بين خيارين او حياتين،هو هادئ، عميق، قليل الكلام، ممكن يختفي ويرجع، عاطفي بس يخاف يبين كلشي، ممكن يشتغل او يدرس طب/تعليم/تحليل/ او شي ادري ، الفترة الجاية فترة انتظار وتقييم مو قرارات، رح تشوفون منو يبقى ومنو يستاهل ومن بس تجربة، بشكل عام لتعتمدون على احساسكم لان حدسكم صح قوي بس مرات يخليكم تسكتون عن اشياء واضحة لازم تنحجي، التوازن مهم فـ لا تنطون اكثر من اللازم ولا تنتظرون شي بدون وضوح

قمر سرطان حوت جوزاء
عطارد/شمس/زهرة دلو عقرب ميزان
مريخ حمل/عقرب
زهرة ثور
مشتري جدي/قوس

حبايب اريد شوية تفاعلكم دائما حتى يصعد النوت ماعرف شسمه لتقصرون🙏🏻

- الرساله ؛ جمرة❤️‍🔥

حدس للابراج النارية
الاسد ، القوس ، الحمل

• تحسون براحة واهتمام بنفسكم اكثر ودتميلون انو تهتمون بشكلكم وتفاصيلكم
• تفكرون بموضوع قديم تأخر، وتنتظرون نتيجة واضحه بخصوصه
• تتعاملون ببرود وضوح مع شخص وتحطون حدود بدون تردد
• تنجرحون من موقف او كلمة ورح تراجعون هالشي بداخلكم
• حتواجهون قرار يخص علاقة وتحددون تبقون او تنهون
• تسوون تعاون مع شخص وحيمشي الموضوع بشكل مرتب وواضح
• بداية عاطفية جديد او رجوا مشاعر تخليكم تحسون شي مختلف
• تجيكم فرصة مادية او شي جديد يدخل حياتكم
• تنهون وضع متعب بشكل نهائي وماترجعون اله ابدا
• تحضرون او تنعزمون على مناسبة او تجمع يغير الجو الكم

حدس للابراج المائية
السرطان ، الحوت ، العقرب

• اكو راحة وفرح داخل البيت او مع اشخاص قريبين منكم
• تدافعون بخصوص قرار اخذتوه ومحد رح يغير رأيكم بسهولة
• متمسكين بشي عندكم سواء علاقة او شي مادي وماتحبون تتركوه
• تبتعدون عن شي مايناسبكم وتمشون بدون رجعة
• تواصل سريع او كلام مباشر يوصلكم بخصوص شي معين
• تراقبون شخص او شي معين ومنتبهين لادق التفاصيل
• تنعزمون او تطلعون وي ناس وتغيرون جوكم
• تحسون بأمل يرجعلكم بعد فترة تعب او خيبة
• تلتزمون بشي ثابت او قرار رسمي يخصمم

حدس للابراج الهوائية
الميزان ، الدلو ، الجوزاء

• تحسون بفخر بخصوص انجاز سويتوه او مدح يوصلكم من ناس
• تفكرون بخطوة جديدة وتبدون تخططون لشي
• محتارين بين اكثر من خيار وماتعرفون شنو تختارون
• تستمعون بوقتكم اكثر وتهتمون بنفسكم واستقلالكم
• خبر سريع او تواصل يخلي الامور فجاة تتحرك وياكم
• تغيير مفاجئ يقلب وضع معين بحياتكم سواء عاطفي نفسي الخ ..
• تقررون ترتاحون وتبتعدون شوية عن الناس والضغط
• متحملين مسوؤليات زايدة وتحسون بثقلها عليكم
• مهتمين بفلوسكم هالفترة بشكل قوي او بشي مادي وتحاولون ترتبوه
• تاخذون قرار عادل بخصوص موضوع مهم وتحسموه بشكل نهائي

حدس للابراج الترابية
الجدي ، الثور , العذراء

• عندكم ثقة كبيرة بنفسكم وبقدرة سيطرتكم على الاشياء
• فترة فرح ونشاط واضح يغير مزاجكم للافضل
• تبدون مشروع جديد او تجربة جديدة تحسون بيها بفرق سريع
• تتصرفون بحزم ووضوح وي الناس ودتحطون حدود
• حركة سريعة او شي معين يخليكم تحسون بقوتكم وتحكمكم
• تفكرون بموضوع مقلق او بموقف ضايقكم، بس رح تتجاوزه بشكل تدريجي
• تركزون على انو ترتبون اموركم اليومية او مهامكم افضل
• مهتمين انو تطورون شي شخصي ورح تحسون بتقدم حلو
• تصادفون منافسة او تمرون بموقف صعب وتتصرفون بحذر وذكاء
• تتخذون قرار او عندكم فكرة جديد توضحلكم شي

🦋
طاقتكم بالعيد حلوة وقوية، حتحسون الناس حواليكم تنجذب الكم بدون ما تحاولون، هدوئكم رح يخلي انطباعكم واثقين وراقيين، طريقة وقفتكم وحركاتكم الطبيعية والمنسقة، شعركم المرتب ولونه يبرز جمالكم، عيونكم لوزية او جذابة، ابتسامكم الطبيعية، كل هذا رح يترك اثر ايجابي عند كل الي يشوفوكم، الناس رح يشوفكم اشخاص هادئين، منظمين،اذكياء، اكثر رح يميزكم هو التوازن، والتفاصيل الصغيرة مثل حركاتكم ونظرتكم الهادءة رح تخلي انطباعمم قوي ومميز، الكل رح يشوفكم واثقين بنفسكم،جذابين،وعندكم حضور واضح،خليكم طبيعين وابتسموا وتفاعلوا بلطف وي الكل واهتموا باصغر التفاصيل

🎀
حضوركم رح يكون ملفت بدون اي جهد، طاقتكم حتكون مشرقة ومريحة للكل، شعركم مرتب ولونه رح يعكس حيوية طبيعية، عيونكم بيها لمعة ملفتة؟ واو الي عيونهم هيج ف الكل رح ينتبه الكم ترا،ابتسامكم صافية وطبيعية، كل هالاشياء رح تخلي الناس تحس بالدفئ والراحة تجاهكم، الانطباع رح يكون انكم اشخاص جذابين وذكيين،واثقين بنفسكم بس بنفس الوقت رح يحسوكم حساسين شوية، الناس رح تتقرب منكم وتلاحظ حضوركم،وغالبا رح يشوفومم اشخاص ايجابيين ومرتبين، اكو للبعض عندهم غموض وهالغموض حيخلي الناس متشوفين يعرفون اكثر عندكم،حضوركم المريح والجذاب رح يترك اثر حلو والناس رح تتذكركم بشكل جميل

حدس للاحرف
ا/ي/ل/ب/م/ط/ز/ظ/و

دترجعون تفكرون بشخص او بفد موقف من الماضي، ومو مجرد ذكرى وانما اكو ارتباط واضح بعده موجود بداخلكم وديطلع بين فترة وفترة بدون ما تتحكمون بهالشي ، دتحسون اكو امور متوقفة شوية او مدتمشي مثل ما تريدون وكانوا مجبرين تنتظرون، عندكم رغبة بشي جديد، خطوة بسيطة بشي معين او بداية مختلفة، حتى لو هي بالبداية جانت بس فكرة بس ددتكبر وياكم شوية شوية، اكو أمل يرجعلكم بعد فترة تعب او خيبة، وتحسون بعد عندكم فرصة تغيرون اشياء بحياتكم، مو كلشي ضاغ مثل ما متخيلين، اشوف انو اكو جرح او موقف اثر بيكم بشكل عاطفي ويمكن للان موجود بداخلكم وديخليكم مرات تتحفظون او متنطون مشاعركم بسهولة مثل قبل ودتميلون انو تتمسكون بالاشياء او بالاشخاص اكثر، حتى لو تعرفون انو البعض ميستاهل بس صايرين صعب تتركون احد فجاة، اكو لحظات دتحسون بيها بخيبة او ندم على شي صار وتفكرون اذا سويتوا غير شي جان صار افضل، بس بنفس الوقت اكو اشياء حتفرحكم او تغير مزاجكم، وتخليكم ترجعون شوية شوية لنفسكم، عندكم فرصة لبداية جديد، تصرفات مختلفة، او خطوة جريئة رح تسووها بدون تفكير وتخطيط وهالشي حيغير اتجاه شي معين بحياتكم، اكو مواقف تصير تبينلكم منو صادق وياكم ومنو لا، ممكن تكتشفون نوايا مو واضحة او محلوة من كم شخص او تحسون اكو تنافسات او تصرفات مو مريحة

حدس للاحرف
ت/ن/س/ذ/ر/ض/ق/ك/ص/غ

اشوف مشاعر دتتحرك هالفترة بشكل قوي ومو بس من طرفكم حتى من الشخص الثاني ،يعني العلاقة او الرابط بينكم ديبين بشكل اوضح، اكو تواصل او نية للتواصل ويمكن مو مباشر كلش بالبداية بس واضح انو اكو اهتمام ومحاولة تقرب، خصوصا اذا كان هالشخص عاطفي او هادئ يعني اطباعه،دتحسون نفسكم محبوسين بافكاركم وكانكم دتفكرون هواية ومحد ديشوف او يعرف انو ديصير بداخلكم وهذا الشي مخليكم تترددون بخطوة او قرار معين، رغم هذا اكو نضج واصح بطريقة تعاملكم صاير وصرتوا اهدا واكثر سيطرة على مشاعركم ومدتنجرفون بسرعة مثل قبل، دتبتعدون او تاخذون مسافة عن شي جان متعبكم سواء شخص او وضع معين وفعلا دتبدون تحسون براحة تدريجية حتى لو بالبداية جان صعب عليكم، بنفس الوقت اشوف شخص قوي نوعا ما او شخصيته مسيطرة داخل بحياتكم او دياثر على قرار تاخذوه ويمكن ديخليكم تفكرون اكثر من مره قبل اي خطوة، اكو فكرة او تصرف جريئ دينطيكم دفعة تتحركون من مكانكم ويمكن تبادون بشي مجنتوا ناوين عليه قبل، دتراقبون تفاصيل صغيرة حواليكم وتنتبهون لتصرفات ناس مملاحظيها قبل،اكو احتكاك او توتر بسيط وي اشخاص ممكن اختلاف اراء او تنافس وهالشي ديسوي ضغط شوية ويخليكم تفكرون اكثر من اللازم، اكو قلق، دتعيشون اكثر من احتمال براسكم

حدس للاحرف
ف/ح/هـ/خ/ع/ج/ش/ث/د

صايرين تتعاملون بعقلانية اكثر من قبل وصايرين اوضح بقراراتكم ومدتمشون ورا العاطفة مثل قبل، البعض عندكم بداية عاطفية او شعور جديد داخل حياتكم سواء تجاه شخص او رجوع احساس معين، او رجوع شخص ويرجع هالاحساس وياه بس ماانصحكم ترجعون، دتحاولون ترتبون حياتكم بشكل يخليكم مرتاحين اكثر ويمكن اكو دعم من شخص قريب او اكو شخص ديساعدكم بشكل فعلي، البعض اشوف مسوين تعاون او متفقين بشي مع شخص؟ هالموضوع رح يمشي بينكم بشكل مريح وواضح بدون تعقيد والحظ وياكم هالفترة ما شاء الله، واكو تغييرات مفاجئ حتصير ويمكن بالبداية تحسوها غريبة او مو مفهومة بس رح تدفعكم لشي جديد افضل واكو نهاية لشي قديم ممكن علاقة او وضع معين تعبتوا منه وهالمره نهاية حفيقية مو مثل قبل ووراها رح ينفتح باب جديد كدامكم، اكو ارتباط او تقارب عاطفي حلو، ممكن شخص يقرب منكم او علاقة معينة بحياتكم تتطور بشكل جدي، بنفس الوقت اشوف مشاعر لطيفة او تصرفات بسيطة من احد تخليكم تحسون بالاهتمام، البعض ديختار انو يبتعد عن شي ميناسبه بعد، لان صرتوا تعرفون شنو الصح الكم، نهايات وبدايات دتصير بنفس الوقت، شي دينغلق وشي دينفتح ودتحسون انو حياتكم دتمشي باتجاه اكثر استقرار خصوصا من ناحية الراحة او الامور المادية، واكو شخص طاقته قوية ومستقرة هو بحياتكم او رح يدخل لحياتكم وتاثيره رح يكون ايجابي عليكم وبشكل واضح