لينلي، الطفلة التي #وُلدت_مرتين!

كانت والدتها "مارغريت" حاملاً بتوءَم، وفي الثلث الثاني من الحمل، فقدت واحدة منهما، لتكتشف في الفترة التي تليها أن من تبقت تحمل ورماً سرطانياً نادراً جداً، ينمو بـ #سرقة_دم الجنين.
اقترح الأطباء إنهاء حملها، لكنّها أرادت منح ما في جوفها فرصةً للحياة.
تمّ اتخاذ القرار، #جراحة_الجنين... شقٌّ في الرحم، وعملية لخمس ساعاتٍ متواصلة، قد يكتب لها النجاح، وربما لا.

تمكّن الأطباء من استئصال معظم الورم، إلا أن الخطر ما زال قائماً؛ فعلى الجنين مقاومة الفترة المتبقية من الحمل، والخضوع للمزيد من الجراحة بعد الولادة، وقوانين صارمةٌ على الأم.
ولكن رغم كل الاحتمالات الضعيفة، ولدت "لينلي" مرةً أخرى.
جراحة أخرى لإزالة بقية الورم، وحياةٌ جديدة كُتِبَت على أيدي أطباء أثبتوا أن #لا_مستحيل.❤

#Safi

#عدسة_طالب_طب

https://m.facebook.com/story.php?story_fbid=1374735809375847&id=165105240338916

#مشفى_رويال_لندن 🇬🇧 #Royal_London_Hospital

Multi-head microscope in the pathology department

المجهر ‎#متعدد_الرؤوس 💙المُستخدم لأغراضٍ تعليميّة بقسم علم الباثولوجي (علم الأمراض) يتيح متابعة لعدد أكبر من الطلاب مع أستاذهم المُشرف ويُرفق أيضاً جهاز scanner يُوضَع فيها السلايد slide الخاص بـ الـ pathology ليظهر على شاشة الكومبيوتر باستخدام برنامج لحفظ الحالات السريريّة المميزة وإدخالها بالمنهاج التعليمي للطلاب..

#برأيكم ~ متى ستتُطبّق آلية الشرح هذه في #جامعاتنا

إعداد العدسة :روان المهندس 💙
#العدسة_الخارجية
#عدسة_طالب_طب

https://m.facebook.com/story.php?story_fbid=1374721576043937&id=165105240338916

أمورك ممتازة وكلو نظامي 💯😂👌

#عدسة_طالب_طب
https://www.facebook.com/165105240338916/posts/1374737262709035/

#سؤال_السهرة❄

بما أنو صار وقت الجد .. وصار لازم نشد الهمة 💪

#خبرونا شو هي الأساليب اللي بتتبعوها لحتى تتجنبوا #النت هالفترة من تطبيقات أو طرق⁉️

وشو هيي أكتر التطبيقات اللي بتاخد من وقتكم وبتشغلكم🤦🏽‍♀️؟
#عدسة_طالب_طب
https://www.facebook.com/165105240338916/posts/1374241216091973/

مرحبًا جميعًا..
معكم حسن كريم سلوم/طالب طب بشري سنة سادسة

بصراحة بعد ما شفت هالكم من التعليقات الإيجابية على منشوركم السابق عن التبرع بالأعضاء، ولفتني موضوع أنو السوريين الي برا البلد متبرعين 😍
وشفت صحفيين معنا يا ريت يضووا أكتر عالموضوع من خلال مراكزهون وأنا جاهز لأيا مساعدة ومعلومات..
كتير فرحت وكتير شي مُبشر انو ممكن كتير ينعمل شي واقعي ويصير عنا مؤسسة تُعنى بالموضوع متل الدول المجاورة...

بناء على ما سبق تشجعت اكتب هالبوست، ومن مطرحي ومعرفتي رح احكي شوي عن الموضوع:

🔸أولاً: ما هو مفهوم نقل الأعضاء؟

هو زرع عضو سليم معافى مطرح عضو مالو سليم.

الآلية:
-بعد الموت الدماغي الذي يتم تشخيصه بواسطة فحوصات دقيقة، خلال فترتين متباعدتين، وذلك بإجراء تصوير الشرايين الدماغية الظليل الذي يُظهر انعدام التروية الدموية، وإجراء فحوص لمنعكسات جذع الدماغ الذي يؤكد غيابها الوفاة.
-وثيقة التبرع بتتم بمركز تابع لوزارة الصحة، وبتنحفظ فيه الأعضاء بعد فحصها والتأكد من خلوها من أية آفات، مع تفاصيل العضو الي هو بمثابة هوية، من زمرة دم وأنماط ال HLA مستضدات التوافق النسيجي، وبتدخل هالمعلومات بكمبيوتر لقاعدة بيانات كبيرة بتحتوي عالمتبرعين وعالمحتاجين، والكمبيوتر هو بيتكفل بموضوع يوصل كل محتاج لمتبرع متوافق.
والشي الحلو حتى الفيس بوك فعل هالخاصية ببعض دول العالم وهالميزة موجودة بأجهزة الآبل كمان 😅.

كل الخطوات موجودة بس بدنا حدا قادر ينطلق، ياخدنا وينطلق...
بسوريا الموضوع مالو ممنوع وهو مطروح ولكن مافي مؤسسة أو جهة تنظم هالشي ...

🔸ثانياً: ماهي الأعضاء التي يمكن التبرع بها؟

ككائن حي أنت قادر تتبرع بـ:
جزء من الأمعاء - نقي العظم - كلية واحدة - جزء من الكبد

أما ككائن متوفي:
بالإضافة للسابق ... القلب -صمامات القلب - العين - القرنية- الشبكية- الأطراف - الأوتار - الكليتين - الرئتين - نقي العظم - النخاع الشوكي -البنكرياس - الجلد - شعر - المبيضين - الخصيتين ... وكمية هائلة من الأعضاء قادرين ناخدها ونستفيد منها بأشخاص آخرين.

🔸ثالثاً: بالاحصائيات.. لماذا أتبرع؟
أنت لما تتبرع بحياتك فأنت قادر تنقذ وتحسن حياة على الأقل 4 أشخاص (كلية-جزء من الأمعاء-جزء من الكبد-نقي العظم)
أنت لما تتبرع بعد موتك بأعضاءك الأساسية فقط فأنت قادر تنقذ حياة 8 أشخاص على الأقل (قلب-كليتان- بنكرياس-كبد-رئتين-الأمعاء)
وفي حال كنت كريم زيادة فممكن يوصل الرقم ل50شخص.

• ليش حتى أتبرع #طبيًا؟
-مريض القصور الكلوي بيحتاج لجلسات عجهاز التحال يلي هو بيغسل الدم من الفضلات عواض الكلية القاصرة، بيحتاجها المريض ٣ مرات بالأسبوع الواحد، وبتكون حوالي ٣٠-٤٠ ألف للجلسة الواحدة، بتتخيل اديش حيدعيلك؟ واديش حيكون رضاك عن حالك كبير؟
-الكثير أمراض الدم (فقر دم لا تصنعي- اللوكيميات-اعتلالات الهيموغلوبين/تلاسيميا،منجلي/)
ما تتخيلوا حجم العذاب الي بعانوه لحتى يعيشو سنين قليلة مع الألم الشديد وتكاليف باهظة للعلاج والأدوية وجلسات عالأجهزة، بتبرعك أنت رح تخليه يعيش حياة طبيعية بدون ما تخسر شي من صحتك.
-الأطفال الي ولدو بآفات قلبية خلقية، ما رح يكون فيهن يكفو حياتون بدون هالقلب الي حتاخدو معك عالقبر.
-العين كلنا منعرف أهمية الإبصار، في عالم محتاجة بس لقرنية لترجع تشوف طبيعي.
-الأطراف المفقودة جراء حوادث أو عيوب خلقية، حتخليه يرجع يمسك بايدو، رح تخليه يرجع يمشي.

🔸أخيراً: إضافات وهوامش

1- أول شي عملية نقل الأعضاء رح تتم مع الحفاظ على الجثة وشكلها يعني مافي تشويه أبدًا للجثة ورح يتمكنو الأهل من الحصول على جنازة كل حدا حسب عاداته... مشان الخايفين من هالموضوع يرتاحوا

2- موضوع تجارة الأعضاء، رح أسألكون هالسؤال يا تُرى لو هالشي متوفر بمراكز بشكل مجاني ونظامي؟ هل سيكون لتجارة الأعضاء وجود؟ الجواب طبعًا لاء.. أنا بضمن أني آخد العضو المحتاجلو مقابل تعهد خطي بأني رح اتبرع بأعضائي بعد موتي لهالمؤسسة..

3- الموضوع الديني، مافي دين سماوي بالعالم كلو بيحرّم فعل الخير. ويلي عم يقول حرام بناءً على فتاوي بتحرم الموضوع، في كتير فتاوي بتحلل الموضوع، الله محبة يا جماعة تركو حكي الناس للناس وشوفوا حكي الرب.

4- ومشان أنو أعضاءك مالون ملكك ... فهنن ملك مين ؟ هل هنن ملك الديدان الي بالقبر؟ بتفضل تكون أناني لهالدرجة؟

5- تجارب من الدول المجاورة (ما رح بعد كتير)
السعودية: حوالي 14250 مريض استفادو من عمليات نقل مختلف الأعضاء.
الأردن: تم اجراء 85411 عملية زراعة قرنية خلال 2018
وغيرها متل لبنان وتونس والمغرب والسودان...
بالرغم من نقص عدد المتبرعين بس هالشي عم يصير، الاحصائيات كلها بتلاقوها من وزارة الصحة الموافقة.

بالنهاية.. ليش بدك تاخدون معك ... شو حيلزموك
تخيل حالك بقائمة الانتظار!
فيك تكون بطل وفيك تكون جثة عم تندفن وتاكلها الديدان.

مشاركة الصديق: كريم سلّوم💙
سنة سادسة / جامعة تشرين
#عدسة_طالب_طب

#أزمة_امتحانات_أزمة_نفسية
كشفت #دراسة_حديثة في #مجلة الجمعية الطبية الأمريكية أن:
27% من طلاب كليات الطب يظهرون أعراض #اكتئاب.

و أن 11% يصابون #باعتلال اجتماعي و يصبحون غير قادرين على التواصل مع العائلة و الأصدقاء.

و 43%من طلاب الطب يصابون بإضطرابات نفسية و قلق و خوف و ضعف ثقة شديد أثناء الامتحانات.

و أن #الاكتئاب ينتشر بين طلاب الطب أكثر 5 مرات من انتشاره بين طلاب الكليات الأخرى كما أن انتشار #الاضطرابات النفسية و #القلق أعلى ب8 مرات.

#joudy
#عدسة_طالب_طب

https://m.facebook.com/story.php?story_fbid=1374640259385402&id=165105240338916

🔴من أول ما بلشت الشتوية ومنخفضاتها وأنا بشرب فنجان القهوة و بحط راسي وبنام ، وبس فيق من النوم عم ارجع حط راسي ونام لأنو بكون تعبان من النومة الماضية 😂!

🔵فعلياََ هاد الوضع هوّ الوضع الطبيعي لأي شخص بفصل الشتاء لعدة أسباب:🔵

⭕أهم هذه الأسباب هو غياب أشعة الشمس والجو الغائم بمعظم ايام الشتاء ، مما يؤدي لانخفاض معدلات السيروتونين والدوبامين بأجسامنا.

⭕وثاني أهم الاسباب هو نمط الغذاء الشتوي الذي غالباً يكون مكوناً من الكاربوهيدرات والأطعمة الدسمة ، بالإضافة للجفاف ونقص نسبة المياه بالغذاء.

⭕علاج هذه المشكلة يتمّ عن طريق خطوات بسيطة:
1_ الابتعاد عن ال smart phones وخصوصاً ببداية اليوم وبعد الاستيقاظ ، لأنها من اهم مسببات تشتيت الانتباه نتيجة ورود عدد كبير من المعلومات للدماغ ومن مصادر مختلفة وهاد الشي بيسبب إرهاق وخمول.
2_ التعرض لأشعة الشمس يومياً لمدة لاتزيد عن نص ساعة.
3_تناول وجبة إفطار غنية بالبروتين.
4_مضغ العلكة الخالية من السكر.
5_ شرب الماء باستمرار لتسريع عمليات الاستقلاب وتنشيط اجهزة الجسم.
6_الضحك: الضحك هو نوع من الاجهاد الايجابي ويعادل الضحك القيام بتمارين رياضية بسيطة حيث يرفع ضغط الدم و تسريع معدل التنفسمما يمنحنا الشعور بالنشاط.

#Batoul
#عدسة_طالب_طب
https://www.facebook.com/165105240338916/posts/1374810009368427/

في السنة الرابعة شيء من لذة البدايات، مرحلة جديدة لا تشبه سابقاتها..
يقولون إن الأمر سيغدو أصعب، ستتعب كثيراً ، ونحن نعرف ذلك منذ أول لحظة لنا هنا..
يقولون.. أربع سنوات و ليالٍ طويلة في دراسة الطب ثم لا تجيد تشخيص حالة!
مئات الأمراض مئات التشاخيص التفريقة، يزدادُ شعورنا بالمسؤولية ولذلك من الطبيعي أن نكون حذرين في إطلاق أي حكم..
ستدركُ في النهايةِ كم هو عظيمٌ أن تسمعَ دقاتِ قلبك المنتظمة،أن تتنفسَ دونَ أجهزة.. ستدركُ عظمةَ التفاصيلِ الصغيرة و عظمةَ خالقها و مدبرها.. و كم أن الإنسانَ ضئيلٌ و عاجز و كل الذي يجاهد في دراسته ما هو إلا جزء يسير من هذا العلم.. 💙

#s_t
#عدسة_طالب_طب
https://www.facebook.com/165105240338916/posts/1375673269282101/