🚩~ رحلة طويلة من الدراسة والتحصيل والتعب .. انتهت بتفوّق مشرّف√🥇

💫تُبـارك أسـرة #فريق_العدسة للدكتـور الرائع والمتألق د. #هاني_عبد_النور نيلـه درجـة الماجستير في الجراحة العصبية من جامـعـة حلب #بدرجـة_شرف 100%👏🏻💕

›› حيـث ناقش رسـالته بعنوان "تدبير كسور الجمجمة الانخماصية الناجمة عن رضوض الرأس الكليلة "

← وذلك بحضور لجنة التحكيم المؤلفة من:
◾أ.د. #محمد_ماهر_الأعرج مدير مشفى الجامعة وأستاذ في قسم الجراحة العظمية
◾أ.د. #عادل_بساطة أستاذ في قسم الجراحة العامة بجامعة حلب
◾أ.م.د #محمد_طاهر_فرفوطي أستاذ مساعد في قسم الأمراض العصبية "

🔰~حيث شملت الرسالة ٨٦ حالة تمت من خلالها دراسة شيوع كسور الجمجمة الانخماصية وعلاقتها مع العوامل المختلفة وذلك لتحديد العلاج الأمثل لمثل هذه الحالات.

〽️~مبارك د.هاني وإلى مزيد من النجـاح والتفـوق🌷❤️

📸 تغطية العدسات :
▪محمد بازركان
▪فاطمة الحسون
▪عبد الله الحسن
▪مريم حسن
▪محمد التناري
▪بشار المقداد

#عدسة_طبيب
#عدسة_طالب_طب

https://www.facebook.com/165105240338916/posts/1809048225944601/

ملف يحوي #أهم المصطلحات الطبية للمبتدئين وللسنوات الأولى بحيث يغطي كافة #المعلومات_الرئيسية والمهمة خلال دراسة المواد الأساسية (تشريح - فيزولوجيا - نسج ..).

#مصطلحات_طبية
#ساعد_طالب_طب

مرحبا جميعاً 🙋🏻‍♂️

هالملف خلاصة عمل بسيطة .. بغطي الكلمات المفتاحية بالسنوات الدراسية #الخمسة بكلية #الطب .. الكلمات #الاهم بخصوص علم النسج الفيزيولوجيا والتشريح .. وصولا لأهم أسماء الأمراض والأعراض يلي بتواجهنا بشكل شبه دائم ..
بتمنى ينال رضاكن على بساطتو ..

#هامش: لينك الملف بتلاقوه بأول كومنت تحت البوست.

بس قبل ما تفتحو بتمنى تقرأوا التالي:

⁃ انا ما عملت قاموس ولا ملف شامل لكلشي لغة طبية لان لو كان هاد الهدف فالانترنت والكتب المتخصصة بهاد المجال أكيد أفضل مني .. ولكن أنا عملت شي متل English_for_starters# يعني انو الطالب بيدرس كل هاد الملف وبعدها بباشر يدرس مرجع معين.
⁃ لازم تعرفوا إني تجنبت كلمات متل فرط الكلس Hypercalcemia لانه من السهل جداً معرفة ترجمتها برأيي الشخصي لأنها ببساطة كلمة Hyper و Calcemia من Calcium وبتوقع سهلين .. وما حطيت شو يعني بلمرة أو فسفرة لأن العربي نفس اللاتيني...
⁃ ولازم تعرفوا انو الامثلة لهيك كلمات كتاااار .. اللغة الطبية مو صعبة ورح تشوفوا أنو أغلبها كلمات مركبة فيكن تحزروها ببساطة بشوية تركيز ..

بس تدرسو هاللملف بلشو تقرأوا شي مرجع أجنبي .. بنصح شخصيا بـ ( دافيدسون أو ستيب 2 أمراض داخلية ).
اي شي بالبداية صعب ولكن انا واثق أنو هالملف رح يكون #مساعد جيد بالبداية والباقي هو جهد شخصي...لأن أي علم بدو دراسة ومتابعة
لا تستصعبوا شي لأن بعد أول مرض أو مرضين بتدرسوهن بالانكليزي رح تحسوا بالفرق ومن كتير نواحي ..
Do your Best & Forget the Rest

بتمنى تتحقق الفائدة المرجوّة من هل ملف وتستفادوا منو بالقدر الأعظم .. بالتوفيق للكل ويعطيكم العافية يارب. ❤️

#ملاحظة: في واحد أوسع جاهز رح ننشروا قريباً لتعم الفائدة .. وفي واحد عربي انكليزي الماني ..

#مصطلحات_طبية
#ساعد_طالب_طب


https://www.facebook.com/groups/1655539781131441/permalink/4332099470142112/

🚩 برأيك لماذا يُنصح بعدم شرب الماء عند نزيف الدم ‼

#يارا_أبو_نقطة
#عدسة_طالب_طب
https://www.facebook.com/165105240338916/posts/1809081169274640/

🚩مقتبس عن قصّة حقيقية || المرجع هبدسون 🔥

تأليف : الجارة أم تحسين ..🎬

👩 : ولله يا أم تحسين جنني هالبيبي طعميته و سقيته وما كان يغفى ..

👵 : الله يهديكِ يا جارة وما تهزيلو هزتين تهزي فيهن أحشائو كلا خليا ترقص رقص⁉️

و من هنا بدأ فيلم الرعب حيث لاحظنا أن القصة لم تقتصر على هز الأحشاء فقط ‼

بل أدت إلى متلازمة هز الرضيع أو ما يسمى بصدمة الرأس المسيئة ‼

🚩أهم أعراضها :

جلد شاحب أو مزرق.
ضعف بالتنفس.
شلل و غيبوبة.

⭕ أما المضاعفات الخطيرة فهي تتمثل ب :

العمى الجزئي أو الكلي.
نوبات صرع.
شلل دماغي.

❌ لا تهزوا أطفالكم ...تهزوا أطفالكم لا ❌

⭕ انطرونا مع الحلقة الثانية من هبدات إم تحسين لتتعرفوا على أهم الأمراض يلي توديك ف ستين داهية ان شالله 🔥❤

الصورة من تصميم: محمد حبك

#جميلة_طربوش
#عدسة_طالب_طب

https://www.facebook.com/165105240338916/posts/1809106595938764/

🚩برأيك ما هي أهم الآثار الجانبية لدخول كليّة الطب ⁉️

#ملاحظة : بغضّ النظر عن تساقط الشعر 💁‍♀️

#حمدة
#عدسة_طالب_طب

https://www.facebook.com/165105240338916/posts/1809131685936255/

🚩ادرس بجدّ حتى يأتيَ ذلك اليوم الذي تقول فيه لمريضك :

" ثِق بي فأنا طبيبك " 😌❤

تصوير العدسة : محمد حبك
#حمدة
#عدسة_طالب_طب

https://www.facebook.com/165105240338916/posts/1809394819243275/

🔴 كان طبيب لطيف جدا خلاني #رغم_كل_ألمي... أهدأ وما عذبو وهوي عم يفحصني . 🧡
" وقت كنت صغيرة ، كنت عاني من مشاكل بأذاني وكنت كتير راجع طبيب الأذنية يلي كان طبيب جداً #رائع ♥️ وكان يتعامل بأسلوب جداً #لطيف ♥️ يخليني رغم كل ألمي أهدأ وما عذبو وهو عم يفحص أذاني لهيك كنت كتير ارتحلو، وكان كل ما حدا يجعو بطنو أو عينو قلو روح عند الدكتور ياسر دغري إن شاء الله بتطيب . 😅
بس كبرت شوي واستوعبت انو الأذنية هو اختصاص لحالو قررت انو بدي ادخل طب واختص اذنية ولحد الآن حاطة ببالي هاد الاختصاص .
ما بعرف اذا رب العالمين بيكتبلي غيرو بس لحد الآن هو الاختصاص نمبر ون ضمن قائمة الاختصاصات عندي🤗
نعم ... انها ليست مجرد مهنة ♥️ "

🚩 بقلم ملكة من ملائكة الإنسانية ... عشقت الطب ... وسرت في درب هواه ..🚩

#عدسة_طالب_طب

https://www.facebook.com/165105240338916/posts/1809479535901470/

للأسف كل فترة عم نسمع عن حالة وفاة نتيجة أزمة قلبية مفاجئة لشباب وشي المحزن الاكتر اغلب هي الحالات ذات إنذار سيئ ينتهي بالوفاة

يمكن صعب نحكي أو نحاول نغير واقع فارض نفسو بقوة علينا بس من تجربة شخصية على مدار السنتين الماضيات ممكن يكون في شوي نصائح نحاول نقدر نقاوم ونبقى على قيد الحياة

_١ أهم نصيحة والنقطة الجوهرية حالياً هي البقاء على قيد الحياة صدق مهما حاولت تفكر بالمستقبل أو ترسم مخططات طويلة رح تبوء بالفشل حالياً البقاء على قيد الحياة هو الهدف

٢_ محاولة الوصول لأساسيات الحياة من بيت وسيارة وشغل ثابت وحالة استقرار صار شي من المستحيلات
حالياً الأساس هو الإستثمار بذاتك لتوصل لمرحلة تكون قادر على البدء بالأساس تعلمك لغة جديدة كورس معين مهارة معينة هدول يلي بيخلوك طور حالك لتحصل شغل أو مشروع صغير قادر يفتحلك أفق بعد مدة زمنية

٣_اذا كانت رغبتك البقاء بالبلد فأنت أمام طريقين أما ذخيرة سابقة عن طريق أهلك أو شي ممكن تبني عليه من دون تعب جامح أو تبني مستقبلك على مبدأ الألف ميل بحيث تختار شريك حياتك وتعيشوا النجاحات والخيارات مع بعض وتكون في قناعة ورضى بكل مايمكن أن يحدث والاقتناع بالمشوار الطويل يلي قدامك لتقدر تكون شي

٤_اذا كان هدفك السفر فتحصيل المهارات والخبرات والشهادات هي الهدف لا تفكر كيف تحصل مبلغ كبير ولا تفكر شو بدو يصير فيك بعد عشر سنين فكر بس كيف بدي اخد لغة أو اكسب خبرة أو حصل شهادة أو اكسب ثقة بالنفس واتعلم كيف ممكن اندمج مع اي شئ جديد ممكن يصير معي

٥_للاسف المقارنة حالياً هي عم تحطنا بمكان عم يخلينا عايشين بضغط مستمر أهم نصيحة لا تتطلع على حدا غيرك لا تفكر يلي بعمرك شو حققوا ولا تفكر كيف فلان عم يجيب مصاري أو فلان كيف قدر يتجوز كل شخص هو قاعدة وأهم قاعدة قارن حالك بحالك لا تقارن حالك بالآخرين أبدا

٦_ دائماً بأي مجتمع عم يعاني من حروب بيصبح الإستهلاك هو المميز بين الأفراد وعلى قدر إستهلاكك بتصير الك قيمة حاول ماتوقع بهاد الفخ
الاستهلاك لا نهاية له أد ماحاولت تلحق غيرك وتصير مستهلك مميز رح تكتشف في حدا غيرك عم يستهلك اكتر منك بكتير اقتنع بحالك متل ما أنت (مو ضروري كل أسبوع يكون عندك لبس جديد وكل فترة موبايل جديد مو ضروري كل يومين تكون بمطعم ولا كل فترة تدفع اقساط غراض بطعمة أو بدون طعمة ولا كل فترة تغير مظهرك وضيف لحالك شي ليس له قيمة ) الشي الخارجي بيسقط بعد فترة كتيير قصيرة من تعرفك لأي شخص

٧_ لا تتطلع على أصحاب الأموال الضخمة في طبقة بهي البلد ممكن تصرف كل يوم اكتر من عشرة مليون بكل بساطة وكأنوا عم تصرف ألف ليرة هي الطبقة مافيك تختار الشي يلي بيبسطا نفس ماعم تختار لحالك
(ممكن هي الطبقة تشتري سيارة افخم نوع وماتحس برضا وبنفس الوقت ممكن تشتري انت بسكليتة وتحس بنشوة إنتصار عظيمة ) هدول لا تقارن حالك فيون أبدا وحتى لو كنت على علاقة شغل أو معرفة معون

٨_ الرياضة الرياضة ثم الرياضة حالياً اهم شي بحياتك خصص كل يوم ساعة رياضة أو نادي أو سباحة أو ركض أو مشي الرياضة يلي بتخليك تطلع من جو الاكتئاب هو سلاح النا بهي الفترة وتذكر دائماً كل شيئ يسقط وينتهي وقت تصاب بمرض أو توصل لمرحلة من العلاج أو الدواء الدائم (اذا بيكون عندك عشرين ولد لا تفكر تنقطع عن الرياضة )

٩_ الهوايات وممارسة الشي يلي بتحبو كتيير رح يخلق جو يخليك تقاوم الضغط والتوتر( حفلة _ مشوار بسيط _ صحن فول مع حدا بتحبوا_تعلم الرسم _ تعلم اي شي )
هدول الأمور مابتحس فيون الا وقت ما تتعلمون وتعرف انو بالحياة في شي مو منتبهين عليه

١٠ _ الفيسبوك والانستغرام خلقوا ليساعدوك يشغلك أو توصل رسالة أو تحاول تعبر عن موضوع ماخلقوا لنشوف بعض ليلا ونهارا صدق ساعة وحدة باليوم كافي لتعرف وتعبر وتوصل لأي شي بدك ياه (اكتر من هيك انت فتت بحالة مرضية رح تخليك باكتئاب دائم ) مارح تتحمل كمية الانجازات والطلعات والتغيرات يلي عم يعيشا غيرك وتصير تحس بفشلك الدائم يلي بنفس الوقت ممكن كل يوم انت عم تعمل إنجاز بس ما عم تحس بحالك

ديروا بالكون على الجميع وكونوا صلة وصل للجميع وحاولوا تكونوا لطيفين وحتى وقت ما نختلف خلينا نختلف بلطف ما يجرح الآخر .

الحياة تنتهي بلحظة فلا تكون انت جزء من هي الحظة 💔💔

•• د.قاسم عواد 》 الفريق الطبي السوري

#عدسة_طبيب
#عدسة_طالب_طب

https://www.facebook.com/165105240338916/posts/1809584472557643/

👩🏻‍🦱: شفتي العروض اللي عاملا مركز التجميل عالميزو والبلازما !؟

👩🏻‍🦰: لا والله ماشفتن بس شو هاد الميزو!!؟
كل يوم والتاني بيطلعولنا بشغلة🤦🏻‍♀️

👩🏻‍🦱:تعي لاحكيلك عن هالميزو 😍

🔰 هو تقنية بيستخدموها لحقن الفيتامينات، أنزيمات، الهرمونات و المستخلصات النباتية لتجديد وشد البشرة و إزالة الدهون الزائدة .

عم يستخدموه حالياً ل:

⚜️إزالة الدهون من مناطق كالفخذين، الأرداف، الذراعين والوجه.

⚜️تقليل خطوط السيلوليت.

⚜️ إخفاء التجاعيد.😏

⚜️شد البشرة.💆🏻‍♀️

⚜️إعادة تحديد الجسم (recontour the body ).

⚜️إزالة التصبغات وتفتيح البشرة.

⚜️علاج الثعلبة .

👩🏻‍🦰:حلو حلو، شو مبدأ الميزو ؟

👩🏻‍🦱:زيادة الدوران أو تقليل الالتهاب الذي يؤذي البشرة وكمان 💸💰

⭕️بس لحظة ما تتاخدي بالعبطة الو كتير آثار جانبية محتملة:(اللي بدو يتجّمل بدو يتحمّل)🤷🏻‍♀️💔 :

👈 غثيان
👈 ألم
👈 تورم واحمرار
👈 خدر في مكان الحقن

وهيك يعني 💆🏻‍♀️

👩🏻‍🦰: بس هيك، ميرسي كتير لولاك كنا ضعنا😂♥️

#أناغيم_محمد_الخليف
#عدسة_طالب_طب

https://m.facebook.com/story.php?story_fbid=1809616765887747&id=165105240338916

#اليوم_العالمي_للتوعية_بشأن_إساءة_معاملة_المسنين

"وَ قُلْ رَبِّيْ ارْحمهُا كَمَا رَبَّياني صَغِيْرا"♥️

⭕منلاحظ يومياً مواقف بيتعرض فيها كبار السن للتمييز على أساس العمر سواء جوانب الحياة الاجتماعية والخدمية أو الوظائف و فرص العمل و حتى الرعاية الطبيّة و توفير العلاجات💔
و هي مثال عن انعدام المساواة على مستوى النطاق العالمي، يلي كان قائم بالفعل قبل انتشار فَيـروس كـ.ـورونـ.ـا .

ومع انتشار الوباء تقلّصت فرص توافر الخدمات الطبية الطارئة...هالأمر زاد المخاطر يلي بتهدد حياة كبار السن.👨🏻‍🦳

💟»الفئات الأضعف بهالوقت أكثر من أي وقت مضى..💔
هنن أهل لكل واحد منا ♥️
خلينا نوقف معهن دائماً وبكل الأوقات و يكون الحب و الاهتمام و الاحترام قبل أي شي♥️
ما نكون نحنا والزمن عليهن..⏳

#فرح_علي
#عدسة_طالب_طب
https://www.facebook.com/165105240338916/posts/1809672525882171/

إجعل كل الطرق تؤدي إلى #الإنسانية بدلاً من #روما😇

"لا ينبغي أن يكون هدف #الطبيب أو أي إنسان بشكل عام هو مجرد تأخير وفاة المريض إنما تحسين نوعية حياته أيضاً"

فأنا أريد أن أعلم أكثر عن الناس وأن أساعدهم في مشاكلهم أريد الإستماع إليهم حقاً..🤩

من فيلم.. #Patch_Adams👩‍⚕️

🥺حضرتوه!؟

#doaa_oth
#عدسة_طالب_طب

https://www.facebook.com/165105240338916/posts/1809709139211843/?d=n

1:00 A.M

📲:مسا الخير دكتور🙆‍♀️ نايم؟

👨🏻‍⚕️: أهلين أختي، ولا يهمك.. تفضلي كيف بقدر ساعدك؟

🙇🏻‍♀️:دكتور بدي اسألك.. أذا بدي أعمل عملية تجميل لأنفي قديش بتكلف ⁉️

👨🏻‍⚕️:ياا صبر الله 😭😭

#مقتبس_عن_قصة_حقيقية 👻
#الدكتور_بنام_والله
#عدسة_طالب_طب
https://www.facebook.com/165105240338916/posts/1809738609208896/