#مرحباً_بكم_في_عالم_الطب ..

كانت سعادتي لا توصف برؤية مئات أو ربما آلاف الطلاب وهنن فرحانين بإعلان تخرجهم على صفحات الفيسبوك.. بهالمناسبة بحب قول ألف ألف مبروك لجميع الدكاترة يللي تخرجوا من كل الجامعات على امتداد رقعة الأراضي السورية.. وأهلا وسهلا فيكم زملاء جدد بعالم الطب الكبير..

أكيد سنوات الدراسة وتجاوز الامتحانات ما كانت سهلة أبداً، وصعوبة الحياة بظل الظروف المعيشية الصعبة بالإضافة لتفشي الوباء كانت تحديات كبيرة، بس الشخص الذكي والمميز يللي قدر يبرز بالثانوية ويدخل طب ما رح يصعب عليه يتجاوز هي العوائق ويتخرج.. نهاية مرحلة صعبة وبداية مرحلة جديدة، رح تكون مختلفة كلياً عن كل شي سبقها.. بس صدقوني رح تكون لسه اجمل بكتير بحلوها ومرها.. اكيد رح يكون فيها صعوبات كبيرة، بس هي متعة الحياة!

الطب جميل جداً وممتع، استمتع بممارسة الطب وتطبيق يللي تعلمته.. خود وقتك باختيار التخصص المناسب.. يللي ما بحب التعامل المباشر مع المرضى مو غلط يفكر بالتخصصات غير السريرية وممكن يبدع فيها.. خللي الكتاب رفيقك وبالذات خلال التخصص، هلأ صار فيك تقرا عن الأمور العملية والسريرية بشكل موجه وتطبق بشكل مباشر ومالك ملزم بمنهاج معين.. اقرا بالإنكليزي ولو 5 دقايق باليوم.. كل حالة بتشوفها افتح الكتاب أو الإنترنت مباشرة وثبت معلوماتك، وراجع من الموبايل جرعات الأدوية ومضادات استطبابها عالسريع قبل ما توصف أي دواء.. حتى لو كان قدام المريض كتير عادي.. بتقدر تقلله بدي اتأكد من الجرعة المناسبة لوزنك لحتى ما يصير عندك تأثيرات جانبية..

دلل مريضك قد ما بتقدر وخليك حريص عليه.. التزم بالأخلاقيات الطبية، ما بهمك غيرك كيف عم يشتغل.. اتبع مبادئك وأخلاقك وعامل المريض كأنه أبوك أو أخوك.. وأهم شي احترم زملاءك حتى لو غلطوا وحاول تتستر على هفواتهم لأنه ما في حدا معصوم.. لا تخجل تقول ما بعرف حتى قدام المريض، واستشير يللي اكبر منك بكل صغيرة وكبيرة لحتى ما تغلط بحق مريضك.. رح يجي وقت يللي أصغر منك يصيروا يستشيروك.

رح تمر بلحظات عصيبة.. رح تتعذب ويمكن تبكي، واحتمال تندم وتفكر بالماضي وتقول انا ليش دخلت طب.. لازم تعرف انه هاد الشي عادي وهي الأفكار مرت بذهن كل طبيب.. لا تخلليها تأثر عليك وانما لازم تكون حافز إلك لحتى تقوى وتصير أحسن..

أكيد الحياة بالوقت الحاضر مو سهلة والصعوبات المادية والمعيشية فارضة نفسها عالكل، بس معظم الأطباء بمراحل مختلفة من حياتهم كانوا مفلسين وكان عليهم ديون، بما في ذلك أنا.. بمرحلة معينة رح تلاقي حالك شوي شوي عم تتحسن وتكبر بدون ما تشعر.. المبادرة والإبداع موجودين بأي مجال، لا تسمع للناس المثبطة يللي رح تحاول تكسرك وتحط من معنوياتك.. خلليك متفائل ونشيط ومجتهد ومبدع متل ما كنت دائماً..

أخيراً ألف شكر لكل أستاذ تعب وأتقن عمله ومحاضراته النظرية وجلساته السريرية وكان قلبه عالطلاب بكل لحظة وعاملهم بحب وإنسانية وأبوية.. كل المجتمع بكل أنحاء العالم مدين إلكم أساتذتنا بتخريج الأطباء المميزين رغم كل الصعوبات والظروف.. وإن شاء الله بتصير جامعاتنا أحسن وبترجع أحسن مما كانت، بجهودكم وجهود الأجيال الجديدة..

لكل #خريجي_2020: الحمد لله عالسلامة، بتمنالكم التوفيق والنجاح وإن شاء الله منشوفكم من أفضل الأطباء على مستوى سوريا والعالم..

د. فراس الصفدي، أخصائي بالجراحة العامة والتنظيرية.

#عدسة_طبيب
#عدسة_طالب_طب
https://www.facebook.com/story.php?story_fbid=1661337360715689&id=165105240338916

صورة في ختام الجلسات العملية 😎 ، لمادة التشريح العصبية 🧠 ⚔
لطلاب السنة الثالثة في جامعة حلب 😍 ؛ مع الدكتور الرائع ليث عرفة ❤

#Ahmad_sajjee
#عدسة_طالب_طب

https://m.facebook.com/story.php?story_fbid=1661795644003194&id=165105240338916

👩:اشبك ابني ليش عم تجيك هالرعشة؟
بردان شي❄
👦: لا ماما مالي بردان بس مدري ليش هيك عم يصير معي😕
👩:بتكون بردان بس مالك حاسس عحالك
خود هالحرام تغطى فيو منيح 🛌🛌


هيك فكرتنا عن الرعشة وأنو البرد هو المسبب الوحيد ومالا أي سبب تاني 🤷‍♂️
بس بالواقع الها أكتر من سبب ..
حتى بالصيف ودرجات الحرارة المرتفعة🌞🌞 ممكن ترتعش، فخلينا نشوف شو هي الرعشة وشو أسبابا 🤔🔎

🔴 الرعشة غالبا بتكون طبيعية بس أحيانا ممكن تدل على مرض معين 💔
سببا استرخاء وتقلص العضلات بسرعة كبيرة واللي بتشكل استجابة الجسم الطبيعية لتحمل البرودة ومحاولة الإحماء، بس ممكن بأوقات تانية ترتبط بغير سبب 🙁💔

🔴 أسباب رعشة الجسم :
📌بعد التخدير
📌نقص سكر الدم
📌العدوى والالتهابات
📌الخوف
📌ضربة الشمس
📌الكافيين
📌بعض الأدوية متل أدوية الربو و الكورتيكوستيرويد
📌أمراض عصبية (باركنسون، تصلب لويحي، نشبة دماغية)

و هلأ اجا دوركم لتخبرونا شو الحالات اللي بتخليكن تحسو بالرعشة " يقشعر بدنكم " 😖 ولشو ممكن تنسبوا 🤓

#Asaad_mashhadi
#عدسة_طالب_طب

https://m.facebook.com/story.php?story_fbid=1661844410664984&id=165105240338916

#هام #جامعة_تشرين:
🔴 التأكيد على منع دخول أي طالب إلى الجامعة و القاعات الدراسية دون إرتداء #كمامة.

#عدسة_طالب_طب

https://www.facebook.com/165105240338916/posts/1661869980662427/

زمنٌ غلا فيه كُلّ شيء..حتّى #الهواء الذي يستنشقه البعض أصبح بثمن 🥺 أو قد #لا يتوفر حتّى 💔

تلبيةً للاحتياجات الراهنة تقدّم #شركة_داماسكو للأجهزة الطبيّة مبادرةً لتوفير اسطوانات #الاوكسجين بجميع الحجوم بأسعار منافسة مع إمكانية #تأجير الاسطوانات للحالات #الضرورية.

🔷 كما تعلن عن توافر أجهزة #توليد الاوكسجين الممتازة بأسعار منطقية #جملة_ومفرق.

🔘مع حسومات خاصة #للأطباء وذويه من أقارب.

#شحن للمحافظات
شارك المنشور لتعم الفائدة 🙏🏻
#العنوان :
ف١ مزة دوار المواساة مقابل حلويات نبيل نفيسة خلف الحديقة 6632432
ف٢ مزة شيخ سعد جانب بصريات نعمة 6625894
ف٣ مزة جانب باب الاسد الجامعي نفق الصيدلة 2111533
ف٤ ركن الدين ساحة شمدين جانب صيدلية ابن النفيس 2770310
0954136462

#إعلان (لإعلاناتكم راسلونا على بريد صفحتنا)
#عدسة_طالب_طب

https://www.facebook.com/165105240338916/posts/1662051133977645/?d=n

#جامعة_تشرين || #كلية_الطّب
#السنة_الثالثة

من شكل المكورات الجرثومية ... لجراثيم العصيات كانت جلستنا لليوم بعملي مادة #الجراثيم عند الدكاترة #خلدون_أصلان و #مقداد_زريقة 😍
طمنونا كيف كان التسميع 🤔 ؟!

#Maya_Mostafa

#عدسة_طالب_طب
https://www.facebook.com/165105240338916/posts/1662109577305134/

#سؤال_السهرة

الشغل شو ما كان هو كرامة و ليس عيب💪❤
كطالب طب في ظل الواقع الحالي و تدهور الحياة المعيشيّة، هل فكرت بشغل جانبي بالإضافة للدراسة؟ و أذا كان جوابك بنعم فشو ممكن تشتغل؟
#شاركنا_تجربتك

#ghena_alhadwah
#عدسة_طالب_طب

https://www.facebook.com/165105240338916/posts/1662157493967009/

🙍‍♂️:طمني دكتور؟؟؟
👨🏻‍⚕: ولله طلع معك قصور صمامي بالقلب💔
🙍‍♂️: أي شو يعني دكتور؟ خلص ما عاد في أمل🥺
👨🏻‍⚕: لاا يا إبني هالحكي من شي ١٠٠ سنة😅. هلأ صار في صمامات اصطناعية😍

كلنا منعرف انو الصمام من أهم اجزاء القلب لتوجيه الدم. بس لما يصير غير فعال بصير لازم تبديلو. والمريض عندو عدة خيارات...
طيب خبرنا شو #الأنواع الشائعة من هالصمامات؟🤔

🟠الصمامات البيولوجية/الحيوية:
•صمامات مصدرها الخنزير او العجل (لأن قلبن شبيه بقلب الإنسان بشكل كبير).🐖
• يدوم لـ 10-15 سنة.
•المريض ما بيحتاج أدوية منع التخثر.✌


🟡TAVI:
•هو صمام #حيوي.
•يرمز لـ (Transcatheter Aortic Valve Replacement ) يعني استبدال الصمام الأبهري عبر القثطرة.
•مشان هيك ما منحتاج لعملية قلب مفتوح ابدا.😉

🟢الصمام الميكانيكي:
•من أسمو هو مصنوع من مواد غير حيوية😂
•يدوم غالبا لـ #مدى_الحياة🤩
•يجب تناول أدوية تخثر الدم(وارفارين/ماريفان) 👌

🟥طيب شو #الأعراض الملازمة لأمراض الصمامات؟🧐
ضعف عام بالجسم وقلة لياقة، ضيق تنفس و ألم صدر.
🔺هالأعراض بتظهر لأنو القلب ما عم يقوم بشغلو بكفاءة عالية🔻

🟥و #المسببات؟🧐
•تلف الصممات مع تقدم السن.
•العيوب الخلقية بالصمامات.
•أمراض القصور الصمامي.

🙍‍♂️: معناها يا دكتور إن شاء الله محلولة😍
#عدسة_طالب_طب

https://www.facebook.com/165105240338916/posts/1662666937249398/