مرحبا 👋 كيف حالكم
بعرف إني غبت فترة، بس كان هالغياب ضروري لأعيد التوازن وأرجع بطاقة أحسن بعد ما انتقلت الى سوريا، اشتقت لكتابة الدروس و للتواصل معكم، وراجع بقلب جديد وأفكار جديدة شكرا لكل حدا لسه هون ومتذكرني، وأنا متحمس نكمل سوا الي بدأنا فيه
خليكن قريبين ومتابعين ❤️ #عبدالرحمن_جهيم

رابط المنشور على الصفحة 👇
https://ift.tt/HAQgnao

هل بتعرف إن أزرار Ctrl + C + V مو مجرد نسخ ولصق؟
👀 تعا شوف الأسرار يلي أغلب الناس ما بيعرفوها 👇

💡 1. Ctrl + C بتخزّن أكتر من شي بنفس الوقت!
ببعض البرامج مثل Microsoft 365، فيك تنسخ أكتر من عنصر ويضلوا كلّن بالـ Clipboard Manager لتختار شو تلصق لاحقًا 😱

💡 2. Ctrl + Shift + V
بتلصق النص بدون تنسيقات (يعني بتشيل الألوان والخطوط والروابط) — مفيدة كتير للمصممين والمبرمجين ✨

💡 3. Ctrl + Insert وShift + Insert
نفس وظيفة النسخ واللصق! بس ناس قليلة بيعرفوا إنه هالاختصارات كانت الأساس قبل ما يطلع Ctrl + C / V القديمة 🧠

💡 4. Ctrl + C حتى لو ما نسخت شي!
جربها بموجه الأوامر (CMD)، رح توقف العملية الجارية! 🖥️

🧩 هدول الأزرار البسيطة حرفياً غيروا طريقة تعاملنا مع الكمبيوتر…
بس السؤال 👇
كم اختصار من هدول كنت بتعرف قبل اليوم؟ 🔍

رابط المنشور على الصفحة 👇
https://ift.tt/dNToVIw

في حب البرمجة 💻
---
الجندي المجهول...
هل فكرت يوم، إنو شخص واحد ممكن يغيّر وجه العالم كله بسطر كود؟
القصة يلي رح تسمعها اليوم مو خيال، هي حقيقية ١٠٠٪، وبطلها إنسان بسيط... اسمه تيم برنرز-لي — الرجل يلي اخترع “الويب” يلي نحنا كلنا عايشين فيه اليوم 🌍

---

🧠 البداية: حلم صغير في عقل فضولي
تيم وُلد سنة 1955 ببريطانيا، لأبوين كانوا مبرمجين واشتغلوا على أول كمبيوتر تجاري بالعالم.
من صغره كان بيقعد يفكّك الأجهزة بالبيت بس ليفهم كيف بتشتغل.
تعلم البرمجة لوحده عن طريق كتب بسيطة وبالاعتماد على التجربة والخطأ.
ما كان عنده كمبيوتر خاص، فبنى واحد بنفسه من مكونات إلكترونية قديمة وجهاز تلفزيون 😅

هالفضول خلاه يدخل جامعة أكسفورد، وهنّ تعلم أكثر عن علوم الحاسب، بس المميز فيه مو معدّله أو شهادته…
المميز إنو كان يفكر بطريقة مختلفة — ما كان بدو يبرمج “برنامج”، كان بدو يبرمج فكرة تغيّر طريقة تواصل البشر.

---

💡 الشرارة الأولى:
بعد تخرجه، اشتغل تيم في شركة اتصالات، وبعدين في منظمة CERN بسويسرا، يلي كانت أكبر مركز أبحاث في أوروبا.
لاحظ إنو كل عالم عنده كمبيوتر ونظام ملفات خاص فيه، والمعلومات موزعة بشكل فوضوي، مستحيل توصل بسهولة لأي ملف من جهاز تاني.

فسنة 1989 كتب اقتراح بسيط اسمه “Information Management: A Proposal”، وكان هدفه يربط الملفات والمعلومات ببعض عبر شبكة عالمية.
الفكرة كانت مجنونة بوقتها — ما كان في إنترنت مثل اليوم، كان في شبكات صغيرة منفصلة.

---

👨‍💻 شلون بدأ فعليًا:
جلس لوحده وبدأ يبرمج باستخدام لغات بدائية مثل C وSGML، وطوّر أول متصفح بالعالم وسماه WorldWideWeb (نفس اسم الإنترنت الحالي تقريبًا).
عمل أول خادم ويب (Web Server) على جهاز NeXTcube، وفعّل أول موقع بتاريخ 6 أغسطس 1991.
الموقع كان بسيط جدًا: صفحة فيها شرح شو هو “الويب” وكيف الناس ممكن تستخدمه.
بس هالصفحة كانت الشرارة يلي فجّرت ثورة رقمية غيرت مصير البشرية 🔥

---

🌍 اللحظة يلي غيرت العالم:
خلال كم سنة، صار آلاف المبرمجين حول العالم يستخدموا فكرته.
الشبكة توسعت، وبدأت المواقع تظهر، البريد الإلكتروني، المنتديات، ثم محركات البحث…
كل هاد نابع من فكرة شخص واحد قرر يساعد الناس يتشاركوا المعرفة ببساطة.

بس الجميل بالأمر؟
تيم رفض يسجّل اختراعه كبراءة ملكية، ورفض يبيعه أو يحتكره.
قال:

> “الويب هو للجميع. إذا احتكرته، بخسر قيمته.”

لهيك، خلاه مفتوح ومجاني، وبفضله اليوم في مليارات البشر بيستخدموا الإنترنت يوميًا بدون يدفعوا شي.

---

🏆 والنتيجة؟
صار تيم برنرز-لي واحد من أهم المبرمجين بالتاريخ، وأخد لقب "أبو الإنترنت".
حصل على لقب فارس من ملكة بريطانيا، وكرّموه بكل جامعات العالم تقريبًا.
بس لما بتسأله عن أعظم إنجاز بحياته؟ بيقول ببساطة:

> “إني شفت العالم كله متصل ببعضه، مو لأنو أنا غنيت، بل لأنو الناس تعلمت تشارك المعرفة.”

---

البرمجة مو بس شغل أو كود... هي شغف، فكرة، ووسيلة لتغيير العالم.
يمكن اليوم تكتب كود صغير، بس بكرا يكون سبب بخدمة ملايين الناس.
ما في شي مستحيل... طالما في حب حقيقي للبرمجة ❤️

بعد رفع العقوبات عن سوريا وتشغيل الاعلانات في تطبيقي فيسبوك وانستجرام اصبحت الاعلانات المزعجة تظهر بشكل غير مرضي للسوريين.
الموضوع بيحتاج وقت حتى يتنظم لانه لا يوجد جمهور سوري فعلي لدى فيسبوك
يعني لو حبيت تعمل اعلان وتستهدف سوريا كلها بيظهرلك ان عدد الاشخاص الي هيشوفوا اعلانك لا يتجاوزا ١٠٠٠ شخص فقط!
مع الوقت وتصفح البرامج لدى السوريين وقراءة بيانات الكوكيز الخاصة بهم بيتكون جمهور سوري وبيصير في استهداف صحيح للاعلانات في سوريا.
حاليا الاعلانات اغلبها عن برامج مضرة برامج صينية وتايوانية وهندية
وكم اعلان حقيقي عن الشحن الى سوريا

رابط المنشور على الصفحة 👇
https://ift.tt/NlesTg9

دعم للقتاة
فيها شروحات مفيدة https://www.youtube.com/@arabedevhub

يا ربي دخيلك ما عم صدق
صالح جعفراوي شهيد 💔
الله كتبله يشوف الحرب وينشر رسالته بصدق وامانة وشجاعة وبعد وقف اطلاق النار
صالح استشهد بالغدر!!!
ربي يرحمك يا صالح 💔💔

قال دوام الحال من المحال
وبالفعل مافي شي بيدوم بحياتنا
دائما اشياء جديدة...
اول ما بلشت بالصفحة كان عندي طاقة بانشاء المحتوى بشكل كبير وضليت فترة طويلة بهالمجال ووصلت لملايين الاشخاص شهريا
وعملت شراكات مع كتير مؤثرين ومشاهير
وعملنا مع بعض لايفات مع اساتذة ومدرسين بمجال البرمجة انتوا بتحبوهم
عملت صداقات كتيرة بالعالم الرقمي
بس مافي شي بيدوم على حاله...

مع الوقت والهموم هي الطاقة صارت قليلة كتير
ما عاد في نفس الطاقة بالاول والشغف معدوم
ويلي هموم الحياة
ويلي شغلي الي لسا ما استقر
ويلي السفر والعيشة ببلد جديد
ويلي الغربة داخل الوطن
وويلي احوال البلد نفسها التعبانة.....
واكتر شي أثر فيني هية بداية الصراع بالبلد الشقيقة عند اخواتنا المستضعفين
حرفيا هاد الشي خلاني انطفي من جوا من العجز
بس الحمد لله حاليا بعد سنتين ما عاد في شي عندهم.

الواحد مو عرفان من وين بده يجيبها ولا من وين
بس الحمد لله دائما
الحمد لله اني تعلمت كتير بالفترة السابقة بالمجالات الرقمية وتعرفت على ناس بتقدرني وبتحبني حتى لو من خلف الشاشات
الحمد لله اتعلمت كتير بالغربة ١٣ سنة برا البلد بدون معين ولا قريب خلاني اتعلم اعمل كل شيئ بنفسي بدون ما استعين بحدا
الحمد لله طورت من حالي وصرت ناضج اكثر باضعاف كتيرة عن الاول

موضوع انشاء المحتوى هاد بيضل شي معلق بقلبي ومارح اتركه ورح اوصله باذن الله شي يوم واعمل الي بدي ياه اذا الله راد

بعد ما كنت سجل بمايك السماعات حاليا عندي كل المعدات الاحترافية بفضل الله
بس باقي يرجع الشغف من جديد وترجع الطاقة من جديد ونرجع نعمل اشياء قوية
ونعمل تغيير بهاد المجال ان شاء الله
والله المستعان❤️
عبد الرحمن جهيم

السوشال ميديا ما هي الا "واقع افتراضي"
يعني غير حقيقي

تذكر دائما انه هو واقع افتراضي لا اكثر
يعني كل شيئ وراء الشاشات كذب وغير حقيقي
لا تنتظر رسالة من الاميرة الي رح تجي وتحاكيك وتكون احلى قصة بيناتكم
ولا تنتظري فارس الاحلام الي رح يبعتلك رسالة ويكون الحب الأبدي لانه بيكون حاكي مع ٢٠ قبلك...
كل شيئ خلف الشاشات كااذب

لا تشوف فرحة الناس من بعض المشاهير فرحانين بحياتهم وعندهم طاقة ايجابية كل الوقت وبينزلوا فيديوهات بشكل انت بتحلم فيه
هاد كله تمثيل لابراز حياتهم بافضل شكل بفيديو ثواني او دقايق
الله اعلم شوفي خلف الكواليس...
لا تصدق الحياة الزائفة الي مليانة ياسمين لان الدنيا ما بتمشي بهل شكل.

لا تصدق الناس الي بتقلك ب ٣٠ ثانية بتعمل متجر بيدخلك 3000$ شهريا (بكلللل سهولة)
هو ما قلك ان لازم تسوق وتحكي وتخاطر برأس مال وتبني علاقات وتنتظر بضاعة بالشحن وتفلق قلبك مع العملاء.....
الفيديو ال ٣٠ ثانية ما رح يعملي منك شخص غني بشهر!
لو هو بيعمل هي المبالغ ما كان قلك عالطريقة وما كان رح يفضى ٣٠ ثانية يعملك الفيديو اصلا!

السوشال ميديا عالم افتراضي زائف
خذ منه المفيد فقط ولا تصدق اي شي ثاني منه
✒️ عبد الرحمن جهيم

ريلزات ريلزات ريلزات ريلزات.......
حدا من قبل وصل لآخر ريلز بالصفحة؟
واذا وصلت لآخر ريلز... بتسكر البرنامج وانتهى؟

هو اكيد مافي آخر ريلز وما بتقدر توصله لانه عدد الفيديوهات كبير جدا ولكن الي بيصير هو انه عقلك ما بيحب يسكر القصة من نصها.

لازم لكل بداية يكون الها نهاية
وبعالم السوشال ميديا في بداية ولكن مافي نهاية
فدماغك بيحب انه يضل ينزل بالصفحة ينزل ينزل ينزل لحد ما يوصل لآخر نتيجة وهاد الشي طبعا مارح يقدر يوصله.
فبعد ساعات من المحاولة رح يتعب وينام غصب من عنه

والشي الي بيشدك اكتر للريلزات هو طريقة عرضها
اشياء سريعة كتير.. كلام كبير.. حكي مختصر.. مافي شي ممل.. فعقلك بيحب هاد الاسلوب وبيتابع معه اكثر واكثر لان عقلك بيحس انه عم يستفاد من هاد المحتوى
بس بالحقيقة الضرر كبير والاستفادة صفر والعمر الي عم يضيع...

النتيجة وقتك اغلبه ضايع
تركيزك اقل بكتير
نسيانك للاشياء والاسماء والتواريخ صار كبير
عقلك صار غير ديناميكي بحل المشاكل لانه صار متعود على السهولة والسرعة...

دماغك حرفيا بيصير متل الطفل صعب المزاج الي بده غرضه يحضر فورا
بعد عن الريلزات قد ما بتقدر
الريلزات خطر علينا كلنا
✒️ عبد الرحمن جهيم