LearnDDeen

Qur'aan ki Tafseer Qur'aan ke Zariye (Shaykh Dr. Waleed as-Sa'eedaan hafidhahullaah ke dars se lekar tarjuma kiya gaya hai) تیسرا قاعدہ: قرآن کی تفسیر کا سب سے زیادہ صحیح طریقہ یہ ہے کہ اللہ کے کلام کی تفسیر اللہ ہی کے کلام کے ذریعے کی جائے۔ قرآن کی تفسیر…

🌿Qur'aan ki Tafseer Qur'aan ke Zariye🌿 ki kuch misaalen

ان مثالوں میں اللہ عز وجل کا یہ فرمان بھی شامل ہے: “اور جب ہم نے تمہارے لیے سمندر کو چیر دیا اور تمہیں نجات دی” [البقرہ: 50]۔

یہاں اللہ عز وجل نے یہ وضاحت نہیں فرمائی کہ سمندر کس طریقے سے پھاڑا گیا، لیکن ایک دوسری آیت میں اس کی وضاحت فرما دی، جیسا کہ اللہ تعالیٰ کا فرمان ہے: “اپنی لاٹھی سمندر پر مارو، تو وہ پھٹ گیا، اور اس کا ہر حصہ ایک عظیم پہاڑ کی طرح ہو گیا” [الشعراء: 63]۔

یعنی ایک بہت بڑے پہاڑ کی مانند—ایک پہاڑ اِس جانب اور ایک پہاڑ اُس جانب، اِدھر لہروں کا پہاڑ اور اُدھر لہروں کا پہاڑ—اور ان دونوں کے درمیان اللہ عز وجل کی قدرت سے چلنے کے قابل راستہ موجود تھا۔

اسی طرح اللہ عز وجل کا یہ فرمان ہے: “اور ہم نے فرعون والوں کو غرق کر دیا” [البقرہ: 50]۔

یہاں اللہ عز وجل نے ان کے غرق ہونے کی کیفیت بیان نہیں کی، لیکن سورۃ یونس میں اس کی وضاحت فرما دی، جیسا کہ اللہ عز وجل کا فرمان ہے: “پس فرعون اور اس کے لشکروں نے سرکشی اور زیادتی کے ساتھ ان کا پیچھا کیا، یہاں تک کہ جب اسے ڈوبنے نے آ لیا تو اس نے کہا: میں ایمان لایا کہ کوئی معبود نہیں مگر وہی جس پر بنی اسرائیل ایمان لائے، اور میں مسلمانوں میں سے ہوں” [یونس: 90]۔

اور اس مفہوم پر دلالت کرنے والی آیات بہت زیادہ ہیں۔

اسی طرح اللہ عز وجل کا یہ فرمان ہے: “اور ہم نے موسیٰ سے چالیس راتوں کا وعدہ کیا” [البقرہ: 51]۔

اللہ عز وجل نے یہاں یہ وضاحت نہیں فرمائی کہ یہ چالیس راتیں اکٹھی تھیں یا الگ الگ، لیکن ایک دوسری آیت میں واضح فرما دیا کہ یہ وعدہ دو مرحلوں میں تھا: پہلا وعدہ تیس راتوں کا تھا، اور پھر ان راتوں کو مزید دس راتوں سے مکمل کیا گیا، جیسا کہ سورۃ الاعراف میں اللہ عز وجل کا فرمان ہے: “اور ہم نے موسیٰ سے تیس راتوں کا وعدہ کیا اور انہیں دس سے پورا کیا” [الاعراف: 142]۔

پس یہ قرآن کی تفسیر قرآن ہی کے ذریعے کرنے کے عظیم ترین اصولوں میں سے ایک ہے۔

190 views05:19