تعلم برمجة المواقع🚀

هي ال Tables بتاعت ال Database بتتخزن إزاي علي ال disk ؟
إزاي فهم طريقة التخزين ممكن يخليني أحسن من ال Query اللي بعملها من حيث ال Performance.

في البداية أنت عملت جدول إسمه Employee وحطيت فيه بعض الاعمدة زي ال Id و ال Name وال Adress مثلا وخليت
ال Id ده يكون هو ال Primary Key

وخزنت ف الجدول ده مثلا 22 موظف.

الجدول ده بقا هيتخزن في ال Memory عندك علي شكل حاجه إسمها Data pages زي ما هو موضح بالصورة كده
وكل Data page بتكون حجمها 8 Kb

طيب أي شكل Tree اللي ظاهر في الصورة دي ؟
ببساطه أنت لما عملت Id وخليته Primary key
فبيتم إنشاء حاجه إسمها Clustered Index
وال Clusterd index ده بيخلي الداتا بتاعتك مترتبه بناءاً علي ال Id
وكمان بتكون علي شكل Tree بالشكل اللي انت شايفه ده
وبتكون كل نود بتشاور علي الي بعدها
والداتا بتاعت الموظف كامله بتكون موجوده اخر حاجه خالص

بالتالي لو حبيت تبحث عن الموظف الي ال Id بتاعه 11 مثلا
فأنت هتبدا من ال Tree من فوق خالص وتعدي علي ال Nodes كده ما هو موضع ف الصورة لحد ما تنزل في ال Range اللي أنت عاوزه
وتروح للData page اللي أنت متأكد ان الرقم اللي أنت بتبحث عنه موجود بداخلها وده بفضل ال Tree
هتروح لل Data Page تبحث جواها عم رقم 11 اللي أنت عاوزه
لكن كمان أنت مش هتبحث بشكل Linear لا
أنت كده كده ال Date page مترتبه فتقدر تعمل binary search بالتالي هتوصل أسرع وبتدا تقرأ ال Record اللي بتبحث عنه وترجعه.

بالتالي ك Performance ده كويس جداً

طيب لو كنت عمت الجدول بدون Primary key مكنش هيحصل Clustered Index ده بالتالي الداتا مش هتكون مترتبه بالتالي مش هتتخزن بالشكل ده وهيكون فيه عيوب كتير أبرزها
ال Performance أنت بقيت محتاج تعدي علي كلو لحد ما توصل لل Record اللي أنت عاوزه وده بيطلق عليه Table Scan.

طيب لو أنت عملت Primary key علي الId
لكن أنت للأسف بتبحث بال Age فأنت كده محتاج ال Tree بتاعتك تكون منظمه بس المره دي مش بال Id بس
لا بالAge علشان عملية ال Search تكون أسرع

فأنت هنا بقا بايدك تروح تعمل باردو Index علي ال Age بحيث
يشتغل بنفس طريقة ال Id
لكن ال Table بيكون فيه Clustered Index واحد فقط
فأنت هتعمل نوع تاني وهو Non Clustered Index
وبيتشغل بنفس الطريقة باختلاف بسيط.

فلو أنت عندك Database وعاوز تحسن من Query Performance بتاعك ممكن تشوف أنت بتبحث باي بالظبط
هل id ولا Name ولا Age وتعمل عليهم Index

هتقولي طيب ما أعمل علي كل الاعمدة Index وخلاص
هقولك ان كل Index بتعمله بياخد من Memory بتاعك.
مش بس كده في مشكلة تانيه
وأنك هتلاحظ بطئ في عميلة ال Insert أو ال Update
لانك بيحتاج انك تعمل maintenance لل Index ده ف كل مره

https://stackoverflow.com/questions/12915623/index-all-columns

وممكن تقرأ أكتر في اللينك ده عن ليه مينفعش
نعمل index for all columns

ودي طريقة من الطرق اللي ممكن نحسن بيها ال Performance بتاعت Query

Stack Overflow

Index all columns

Knowing that an indexed column leads to a better performance, is it worthy to indexes all columns in all tables of the database? What are the advantages/disadvantages of such approach?

If it is wo...

🔥2

2.08K viewsEsmael Nema, edited 19:31