NLD အစိုးရ တာဝန်ရှိသူများကလဲ ၎င်းထောက်ခံပြည်သူများအတိုင်း အသံထွက်ခဲ့ကြသည်။ ဒေါ်စုကိုယ်တိုင်မှလည်း facebook ပေါ်တွင် “ဘာရမလဲ သာဝရယ်” ဟု ခပ်ထေ့ထေ့ လုပ်လာခဲ့သည်။ မဲဆွယ်ပွဲတွင်လည်း ပြည်သူများ ကျွန်မဘက်ကရပ်တည်ခေါက်ခံမဲပေးရင် ဘယ်အရာကိုမဆို ကျွန်မတို့ ကျော်လွှားနိုင်သည်”ဟု လူထုအားကိုးဖြင့် ပြန်လည် ပါဝါပြခဲ့သည့် Video File များကို လူမှုကွန်ယက်စာမျက်နှာများတွင် ပြန်လည်ဖော်ပြကာ မဲမသာမာမှုကို မသိချင်ယောင်ဆောင်ကာ လမ်းလွှဲပစ်ခဲ့ကြသည်။

NLD အစိုးရနှင့် ထောက်ခံပြည်သူအများစုတို့သည် တပ်မတော်ကို ဝန်ကြီးဌာန တစ်ခုကဲ့သို ရှုမြင်ကာ ၂၀၀၈ ဖွဲ့စည်းပုံအခြေခံဥပဒေအရ တပ်မတော်၏ အမျိုးသားနိုင်ငံရေး အခန်းကဏ္ဍ ရပ်တည်မှုနှင့် ဖွဲ့စည်းပုံပါ တပ်၏ လုပ်ပိုင်ခွင့် အခွင့်အာဏာများကို မသိကျိုးကျွံပြုခဲ့ကြသည်။ မလှောင်ပြောင်သင့်သည်ကို လှောင်ပြောင်ခြင်း၊ ကိုယ်နှင့်ကစားနေသော မြွေသည် တကယ်အဆိပ်ရှိမရှိ ရှေ့တိုးနောက်ဆုပ် ကစားခဲ့ကြရင်း အဆိပ်သင့်ခဲ့ကြတော့သည်။ ၎င်းအခြေအနေများပြီးနောက် ၂၀၂၁ ဖေဖော်ဝါရီ ၂ ရက်နေ့တွင် တပ်မတော်မှ နိုင်ငံတော် အာဏာအား မတရားရယူရန်ကြိုးစားပြီး လွှတ်တော်ခေါ်ယူရန် ကြိုးစားမှုဖြင့် NLD အစိုးရထိပ်ပိုင်းခေါင်းဆောင်မျာအား ဖမ်းဆီးထိန်းသိမ်းလိုက်သည်။ ကျန်သော ပေါပေါပဲပဲ နိုင်ငံရေးဗန်းပြလုပ်စားသမားတချို့အား လွှတ်ပေးထားခဲ့သည်။ ထို အပေါစားနိုင်ငံရေးသမားများသည် နောင်တွင် လေလှိုင်းပေါ်က အစိုးရဖြစ်သော NUG အဖြစ်ပေါ်လာမည့် ပုဂ္ဂိုလ်များပင်ဖြစ်လာတော့သည်။

မောင်ပေတံ(7.4.2026)

အပိုင်း(၃) ဖတ်ရန် မျှော်

ဗိုလ်ချုပ်မှူးကြီး၏ ငါးနှစ်တာခရီးကြမ်း အပိုင်း(၃)

နိုင်ငံတော်စီမံအုပ်ချုပ်ရေးကောင်စီဖွဲ့စည်းခြင်း
ထိုကဲ့သို့ မဲမသမာမှုများဖြင့် NLD ထိပ်ပိုင်းခေါင်းဆောင်များအား ဖမ်းဆီးထိမ်းသိမ်းပြီးနောက်၂၀၀၈ ဖွဲ့စည်းပုံအခြေခံဥပဒေ အခန်း (၁၁)၊ ပုဒ်မ ၄၁၉ အရ ဤကောင်စီကိုဖွဲ့စည်းသည်ဟု တပ်မတော်ကာကွယ်ရေးဦးစီးချုပ်ရုံး အမိန့်အမှတ် ၉/၂၀၂၁ အားဖြင့် နိုင်ငံတော်စီမံအုပ်ချုပ်ရေးကောင်စီ ကို ဖွဲ့စည်းခဲ့သည်။ ထိုအဖွဲ့တွင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ဦးဆောင်ခဲ့သည်။

ကောင်စီကို ဖေဖော်ဝါရီ ၂ တွင် စစ်ဘက်မှ (၈) ဦးနှင့် အရပ်ဘက်မှ (၃) ဦး၊ စုစုပေါင်း (၁၁) ဦးဖြင့် စတင်ဖွဲ့စည်းခဲ့သည်။ သို့သော် ဤကောင်စီကို ထပ်မံတိုးချဲ့ဖွဲ့စည်းခဲ့ရာ ဖေဖော်ဝါရီ ၄ တွင် အရပ်သားငါးဦး ပါဝင်လာခဲ့သည်။ ထိုအချိန်ကပါဝင်သောသူများမှာ စစ်ဘက်မှ (၈) ဦးနှင့် အရပ်ဘက်မှ (၈) ဦးဖြင့် စုစုပေါင်း (၁၆) ဦးဖြစ်သည်။

တစ်ပြည်လုံးဆိုင်ရာ ဆူပူအုံကြွမှု
NLD အစိုးရသည် မဲသမမာမှုများကို ဖြေရှင်းရန် ငြင်းဆန်ပြီး တတိယအကြိမ်လွှတ်တော်ကို ဇွတ်အတင်းခေါ်ယူရန် ပြင်ဆင်လျှက်မှာပဲ ၂၀၂၁ ဖော်ဖော်ဝါရီ ၁ ရက်နေ့ တွင် ဒေါ်အောင်ဆန်းစုကြည်၊ ဦးဝင်းမြင့် အပါအဝင် အစိုးရပိုင်းခေါင်ဆောင်များအား တပ်မတော်မှ ထိန်းသိမ်းခဲ့သည်။ ထို့နောက် ပြည်တွင်း/ပြည်ပ သွေးထိုးမြှောက်ပင့်မှု ပယောဂများကြောင့် တစ်ပြည်လုံးဆိုင်ရာ ဆူပူအုံကြွမှုများ ပို၍ ပြင်းထန်လာခဲ့သည်။ ငြိမ်းချမ်းစွာ ဆန္ဒဖော်ထုတ်မှုများမှ တဆင့် နိုင်ငံရေးပယောဂ အဖျက်အမှောက်များကြောင့် သွေးထွက်သံယိုအဖြစ်များအသွင်ဆောင်လာခဲ့ကြသည်။ ထိုမှ တစ်ဆင့် ဆန္ဒပြ ဖြိုခွဲခြင်းများ ပြုလုပ်ခဲ့ရာမှ ကျောင်းသား/လူငယ်အများအပြားသည် လက်နက်စွဲကိုင်တော်လှန်ရန် စည်းရုံးသိမ်သွင်းခြင်းခံခဲ့ရသည်။ စိတ်ခံစားမှုကို အခြေခံကာ နိုင်ငံရေးစနစ်ကို တိုက်ရန် လမ်းစဖော်ဆောင်ခဲ့ကြသည်။ ထိုမှ တစ်ဆင့် နိုင်ငံရေးမှိုင်း အတိုက်ခံရသော လူငယ်အများအပြားသည် တောခိုရန် ‌ရွေးချယ်ခဲ့ကြသည်။ ပြဿနာကို ငြိမ်းချမ်းသောနည်းဖြင့် ဖြေရှင်းညှိနှိုင်းရန်ထက် အကြမ်းဖက်နည်းလမ်းကို ပိုအားသန်ခဲ့ကြကာ တိုင်းရင်းသားလက်နက်ကိုင် အဖွဲ့များမှ ၎င်းမြန်မာ့လူငယ်လူရွယ်များကို လိုလိုလားလား ကြိုဆိုခဲ့ကြသည်။ တိုင်းရင်းသားဒေသရှိ လူငယ်များမှလဲ ထိုဒေသရှိ လက်နက်ကိုင် အဖွဲ့များသို့ဝင်ရောက်သွားကြခြင်းဖြင့် ထိုအဖွဲ့အစည်းများ ပိုမိုအားကောင်းစေခဲ့သည်။ သမိုင်းတွင် ဗမာလက်နက်ကိုင်သောင်းကျန်းသူအဖွဲ့အစည်းများ မရှိသဖြင့် ထိုဗမာလူငယ်များသည် နောင်တွင် PDF အမည်ခံ အကြမ်းဖက်လုပ်ရပ်များကို လုပ်ဆောင်ကြမည့်သူများ ဖြစ်လာတော့သည်။

NUG/CRPH စင်ပြိုင်အစိုးရတည်ထောင်ခြင်း
NUG နှင့် အပေါင်းအပါလူတစ်စုသည် ၂၀၂၁ ခုနှစ်၊ ဖေဖော်ဝါရီလ ၅ ရက်နေ့တွင် တတိယအကြိမ်လွှတ်တော်၏ ပထမဆုံး အရေးပေါ်လွှတ်တော်အစည်းအဝေးတစ်ရပ်ကို ဗီဒီယိုကွန့်ဖရင့်မှတစ်ဆင့် ကျင်းပခဲ့ပါသည်။ ယင်းအစည်းအဝေးတွင် စစ်တပ်မှ အာဏာသိမ်းမှုကြောင့် ပုံမှန်လွှတ်တော်လုပ်ငန်းများ ဆောင်ရွက်နိုင်ရန် အခြေအနေမရှိခြင်းကြောင့် ပြည်ထောင်စုလွှတ်တော်၏ ဥပဒေပြုလုပ်ငန်းများကို ဆောင်ရွက်နိုင်ရန် “ပြည်ထောင်စုလွှတ်တော်ကိုယ်စားပြုကော်မတီ” အား လွှတ်တော်ကိုယ်စားလှယ် ၁၅ ဦးဖြင့် စတင်ဖွဲ့စည်း တာဝန်ပေးအပ်ခဲ့သည်။

အဆိုပါ အစည်းအဝေးသည် ပြည်သူ့လွှတ်တော်နှင့် အမျိုးသားလွှတ်တော်နှစ်ရပ်စလုံးမှ လွှတ်တော်ကိုယ်စားလှယ်စုစုပေါင်း၏ ၆၃% တက်ရောက်ခဲ့ကြသည့်အတွက် အစည်းအဝေး အထမြောက်ခဲ့သည်။ အစည်းအဝေးသို့ မတက်ရောက်နိုင်ခဲ့ကြသည့် အခြားသော လွှတ်တော် ကိုယ်စားလှယ် (၁၀၀) ဦး ခန့်မှ CRPH ဖွဲ့စည်းမှုနှင့် ကိုယ်စားလှယ်များခန့်အပ်တာဝန်ပေးမှုကို သဘောတူ ထောက်ခံကြောင်း လက်မှတ်ရေးထိုး၍ ပေးပို့ခဲ့ကြသည်။

ဖေဖော်ဝါရီလ ၁၀ ရက်နေ့တွင် ကော်မတီသည် တိုင်းရင်းသားပါတီများမှ အဖွဲ့ဝင် (၂) ဦးအား ထပ်တိုး၍ စုစုပေါင်း အဖွဲ့ဝင် (၁၇) ဦးအထိ တိုးမြှင့်ခဲ့သည်။ ယင်းနောက် ၂၀၂၁ ခုနှစ်၊ ဧပြီလ ၂၆ ရက်နေ့ အစည်းအဝေးဆုံးဖြတ်ချက်အရ ကော်မတီတွင် အဖွဲ့ဝင် (၃) ဦး ထပ်မံတိုးချဲ့၍ အမျိုးသားလွှတ်တော်ကိုယ်စားလှယ် ဦးအောင်ကြည်ညွန့်အား ကော်မတီဥက္ကဋ္ဌအဖြစ် ရွေးကောက်တင်မြှောက်ခဲ့သည်။ သို့သော် ၎င်းအဖွဲ့အား ပြည်သူများမှ လေလှိုင်းပေါ်ကအစိုးရ အဖြစ်လှောင်ပြောင်ခဲ့ကြသည်။

ထို့နောက်တွင် နိုင်ငံတော်စီမံအုပ်ချုပ်ရေးကောင်စီ အစိုးရ၏ လုပ်ဆောင်ချက်များအား အွန်လှိုင်းမှတစ်ဆင့် သွေးထိုးလှုံ့ဆော်ကာ တိုင်းပြည်တည်ဆောက်ရေး ၊ တည်ငြိမ်အေးချမ်ရေးလုပ်ငန်းများအား နှောက်ယှက်ခဲ့ကြသည်။

ဆက်လက်ဖတ်ရှုရန်

Covid-19 နောက်ဆက်တွဲ စီးပွားရေးကပ်
ကိုဗစ်-၁၉ ပထမလှိုင်း၊ ဒုတိယလှိုင်းနှင့် တတိယလှိုင်းများတွင် မြန်မာပြည်အတွက် စီးပွားရေး အကြပ်အတည်းများစွာဖြစ်ပွားခဲ့သည်။ ဖွံ့ဖြိုးဆဲနိုင်ငံဖြစ်သည်နှင့်အမျှ သာမာန်လုပ်သား ပြည်သူများသည် လက်လုပ်လက်စားများဖြစ်ကြသည်။ ကမ္ဘာ့ကပ်ရောဂါကြီးအတွင်း ပြည်သူလူထု၏ စီးပွားရေးအကြပ်အတည်းမှာ စိုးရိမ်အဆင့်ဖြစ်လာခဲ့ကာ အငယ်စား၊ အလတ်စား စီးပွားရေး လုပ်ငန်းများ ရပ်တန့်ခဲ့သည့်အခြေအနေ ရောက်ခဲ့ကာ အလုပ်လက်မဲ့ ဉီးရေတိုးပွားခဲ့သည်။ နိုင်ငံရေး အရေးအခင်းဖြစ်ခဲ့ချိန်တွင်မူ ထိုအလုပ်လက်မဲ့ လူငယ်အများအပြားနှင့် ကျောင်းသား လူငယ်အများအပြားသည် နိုင်ငံရေးသမားများ၏ အသုံးချခံ လူတန်းစား တစ်ရပ် ဖြစ်လာခဲ့သည်။ သွေးထိုးမြှောက်ပင့်မှုများ “ အာဏာရှင်အလိုမရှိ၊ ကိုယ်တို့မြို့ငါတို့ပိုင်တယ် ငါတို့ကို ဘယ်သူမှ မအုပ်ချုပ်စေရ” ၊ စသော ကြွေးကြော်သံများနှင့်အတူ သက်ဆိုင်ရာ လမ်း၊ရပ်ကွက် ၊ မြို့များအား လုံခြုံရေးတပ်ဖွဲ့များအား တွန်းလှန်ပုန်ကန်ရန် လမ်းများပိတ်ဆို့တားဆီးခဲ့ကြသည်။ လက်လှမ်းမှီရာ လက်နက်များဖြင့် လုံထိန်းများအား အကြမ်းဖက်မှုများ စတင်လုပ်ဆောင်ကြသည်။

DCS (Disloyalty Civil Servent)
အစိုးရဝန်ထမ်းများနှင့် ပုဂ္ဂလိကဝန်ထမ်းများအား အစိုးရယန္တာယားများ ရပ်တန့်သွားစေရန် “ ရုံးမတက်နဲ့ ရုန်းထွက်” ဟူသော ကြွေးကြော်သံများနှင့်အတူ ဝန်ထမ်းများ ရုံးမတက်စေရေး အုံလိုက်ကျင်းလိုက် ဝိုင်းဖိအားပေးခဲ့ကြသည်။ ဆေးကုသပေးနေသာ ဆရာဝန်များပါမကျန် အရေးပေါ်လူနာများအား ပြစ်ထားရန်အထိ လူအုပ်ဖြင့် ဆေးရုံဝင်းအတွင်းဝင်ရောက်ကာ လော်စပီကာများဖြင့် ပြဿနာရှာခဲ့ကြသည်။ အစိုးရ ပညာရေးကျောင်းသားများအားလဲ ကျောင်းရပ်နားစေပြီး စစ်အာဏာရှင်ပညာရေးအား မသင်ကြားကြရန် ပြင်းပြင်းလှုံ့ဆော်ခဲ့ကြသည်။ ၎င်းတို့ပြောဆိုမှုအား မလိုက်နာသော ကျောင်းတချို့အား ဗုံးခွဲခြင်း၊ ခြိမ်းခြောက်စာကပ်ခြင်း၊ ကျောင်းဆရာ/ဆရာမများနောက်သို့ ဆိုင်ကယ်များဖြင့်လိုက်ကာ အမျိုးမျိုး ခြိမ်းခြောက်နှောက်ယှက်ခဲ့ကြသည်။ DCS မလုပ်သော ဝန်ထမ်းများအား လမ်းတစ်လျောက် နှောက်ယှက်ရုံမက မိသားစုများ အိမ်များအထိ လိုက်လံ နှောက်ယှက်ခဲ့ကြသည်။ ထိုအဖြစ်အပျက်များအား Social Media များထက်တွင် ကြည့်ရှုနိုင်ကာ ထိုကဲ့သို့ လုပ်ဆောင်မှုများအား လူအများစုမှ အားပေးအားမြှောက် ပြုခဲ့ကြကာ DSC လှုံ့ဆော်မှုသည် ပိုပို ဆိုးလာခဲ့သည်။

Social Punishment (သို့) လူမှုအသိုင်းအဝိုင်းမှ ဖယ်ကျဉ်ကြခြင်း
DSC မလုပ်ကြသော ရုံးဝန်ထမ်းများကို Social Media နှင့် ကျေးရွာ ရပ်ကွက်များအတွင်း နေ့ည နှောက်ယှက်ယုံမကပဲ ၎င်းတို့ သားသမီးများ၏ ပညာရေး၊ လူမှုရေးကိစ္စများကို ရန်ရှာလာကြသည်။ ကျောင်းတက်နေသော ကလေးငယ်များအား စိတ်ဖိအားအမျိုးမျိုးပေးကာ social media များပေါ်ထိ အရှက်ခွဲပြီး လူမှုအသိုင်းအဝိုင်းအတွင်း အပေါင်းအသင်း မလုပ်စေကြပဲ ဝိုင်းဖယ်ကျဉ်ကြသော လုပ်ရပ်များကို ဥပဒေမဲ့စွာ လုပ်လာကြသည်။ တချို့ကျောင်းသူများသည် ထိုဒဏ်ကို မခံစားနိုင်တော့သည့်အတွက် မိမိကိုယ်မိမိ အဆုံးစီရင်သွားကြသည်။ ထိုသို့ အဖြူထည်ကလေးလူငယ်များအား ဝိုင်းဝန်အရောင်ဆိုးကြသည့် သေစေလောက်သော စိတ်ဖိအား ပေးသည့်လုပ်ရပ်များကိုလဲ အကြမ်းဖက်အားပေးပြည်သူများမှ တခဲနက် ထောက်ခံကြသည်။

ထိုမျှမက ဒလန်ခေါင်းစဉ်တပ်ကာ တပ်ထောက်ခံပြည်သူများအား အမျိုးမျိုးခြိမ်းခြောက်ခြင်း၊ သတ်ဖြတ်ခြင်း၊ ကိုယ်ထိ လက်ရောက်စော်ကားခြင်း၊ ဈေးမရောင်းခြင်း ၊ အဆက်အဆံမပြုလုပ်ခြင်းများဖြင့် ဒီမိုကရေစီနှင့် မဆိုင်သည့် လုပ်ရပ်များအားပြုလုပ်ကာ ဒီမိုကရေစီအရေး ဟစ်ကြွေးခဲ့ကြသည်။


မောင်ပေတံ (8.4.2026)

◾️ မနေ့က ရုရှားနိုင်ငံ အာကာသ ကော်ပိုးရေးရှင်းကနေ သမ္မတကြီးကို ဝမ်းမြောက် ကြောင်း သဝဏ်လွှာပေးပိုခဲ့တယ်။ တကယ်တော့ ဒီလို အခြေအနေ ဖြစ်လာဖို SAC လက်ထက်ကတည်းက ရုရှား-မြန်မာဆက်ဆံရေးကို အကောင်းဆုံး နီးနီးကပ်ကပ် ဖြစ်အောင် အပင်ပန်းခံပြီး ကြိုးစားခဲ့တဲ့ လုပ်ရပ်တွေကပဲ ရလဒ်ထွက်လာတယ်လို မြင်တယ်။ သမ္မတကြီးရဲ့ ခရီးစဉ်တွေတိုင်းမှာ အဝတ်လဲဖိုလောက်ပဲအချိန်ရခဲ့တဲ့အထိ တွေ့ဆုံခဲ့ရတဲ့ ကိစ္စတွေ များခဲ့တယ်။ ဒါတွေကတော့ သာမန်လူတွေ မမြင်နိုင်၊ မသိနိုင်ခဲ့တဲ့ အရာတွေပါပဲ။ ထားတော့။
------------
◾️ စစ်ရေးဘက်မှာဆိုရင်လည်း ၂၀၂၆ ကနေ ၂၀၃၀ အထိ ပူးပေါင်းဆောင်ရွက်ရေး သဘောတူညီချက် လက်မှတ်ရေးထိုးထားတယ်။ တကယ်တော့ တပ်မတော်နှစ်ရပ်ကြား မှာ ဆက်ဆံရေးကတော့ ဆယ်စုနှစ် နှစ်စုကျော်ကြာအကောင်းဆုံးဖြစ်နေခဲ့တာ ကြာခဲ့ပြီလိုလည်း ပြောလိုရတယ်။ ဒါပေမယ့် တပ်မတော်ကာကွယ်ရေးဦးစီးချုပ်ဆိုတဲ့ အနေအထားကနေ ရုရှားသမ္မတ ပူတင်နဲ့ တိုက်ရိုက်တွေ့ဖိုဆိုတာတွေက သံတမန် လောကကျင့်ဝတ်အရ နည်းနည်းခက်ခဲခဲ့တာရှိခဲ့တယ်။ ဒါတောင် နောက်ပိုင်းမှာ မြန်မာ့ တပ်မတော်က ရင်ပြင်နီမှာ စစ်ရေးပြလျှောက်ဖို ကမ်းလှမ်းခံရတဲ့အထိ တိုးတက်မှုတွေ သိပ်ကောင်းခဲ့တယ်။ ရုရှားလူမျိုးတွေအတွက် သိပ်ကို အထွတ်အမြတ်ထားတဲ့ နာဇီတွေကို အောင်ပွဲခံနိုင်ခဲ့တဲ့ အခမ်းအနားမှာ ကိုယ့်နိုင်ငံရဲ့ တပ်မတော်က နိုင်ငံတော်အလံကို ကိုင်ပြီး စစ်ရေးပြခွင့်ရခဲ့တယ်ဆိုတဲ့ သမိုင်းက SAC လက်ထက်မှာမှ အစပျိုးခဲ့တာလို ပြောလိုရတယ်။
-------
◾️ တစ်ဖက်မှာ…အာဏာထိမ်းအစိုးရဖြစ်တဲ့ SAC အစိုးရလက်ထက်မှာ သမ္မတကြီးအနေနဲ့ ရုရှားနိုင်ငံကို အခေါက်ခေါက်အခါခါ သွားခဲ့တယ်။ နိုင်ငံအတွက် အကျိုးရှိမယ့် အဖွဲအစည်းပေါင်းစုံနဲ့တွေ့ရတယ်။ အင်ဒို-ပစိဖိတ်ဒေသမှာရှိတဲ့ နိုင်ငံတစ်ခုရဲ့ခေါင်းဆောင်က BRICS တိုလို၊ ရုရှား၊ ဘီလာရုဇ်၊ ကာဇက်စတန်တို ပါတဲ့ EAEU စသဖြင့် ဒီအသင်းအဖွဲတွေကနေ စီးပွားရေး နလန်ထူဖို ကြိုးစားခဲ့တာတွေ ရှိခဲ့တယ်။ ထူးခြားတဲ့ အောင်မြင်မှုကတော့ သမ္မတပူတင်နဲ့ တွေ့ဆုံပြီး နောက်ပိုင်း ကရင်မလင်နန်းတော်ကို ဖိတ်ခေါ်ပြီး တွေ့ဆုံရတဲ့အထိ၊ တဖြည်း ဖြည်း အာကာသ ဖိုရမ်တွေမှာပါ ဖိတ်ခေါ်ကမ်းလှမ်းလာတဲ့အထိ မြန်မာရဲ့ Geopolitics အနေအထားကို ရုရှားဘက်က သဘောပေါက်ခဲ့တယ်။ နောက်ပိုင်း ထားဝယ်ရေနက် ဆိပ်ကမ်း စီမံကန်းတွေ၊ ရုရှား-မြန်မာ ချစ်ကြည်ရေးအသင်းတွေ၊ နျူကလီးယား ဓာတ်ပေါင်းဖို ကိစ္စတွေ၊ ခု ပူပူနွေးနွေးဆိုရင် လည်း Roscosmos အကြီးအကဲကိုယ်တိုင် သမ္မတကြီးနဲ့တွေ့ပြီး မြန်မာနိုင်ငံရဲ့ ပထမဆုံး အာကသ ယာဉ်မှူး ပေါ်ပေါက်လာအောင် လေ့ကျင့်ပျိုးထောင်ပေးမယ်ဆိုတဲ့ ကမ်းလှမ်း ချက်တွေ၊ GLONASS ဂြိုလ်တုလမ်းညွှန် စနစ်အတွက် ဒေတာစုဆောင်းရေးစခန်းတွေ… စသဖြင့် ဒီလိုအကျိုးအမြတ်တွေ ရရှိ လာတာ မြင်ရလိမ့်မယ်။ သေချာတာကတော့…ဒါလိုလုပ်ငန်းကြီးတွေက သူ့အလိုလို ပေါ်လာတာတွေတော့မဟုတ်နေဘူး။
----
◾️ သမ္မတ အဖြစ်ရွေးချယ်ခံရတာ ကောင်းတဲ့အချက်က အကောင်းမြင်ရှုထောင့်အရ ကြည့်ရင်…ဒီလို အခြေခံအုတ်မြစ်ချထားတဲ့ကိစ္စတွေမှာ…ယုံကြည်မှု ရှိထားပြီးသားဖြစ်လို ဆက်ပြီး လုပ်သွားနိုင်တဲ့ အခင်းအကျင်းတွေ ရှိနေတယ်။ လူသစ်ပြောင်းရင်…၊ မူဝါဒ တွေကအစ ပြောင်းလဲတာများတတ်လို တစ်ချို စီမံကိန်းတွေကို အစကနေ ပြန်စတတ် ရတာများတယ်။ Level 5 လောက် ရောက်နေတဲ့ တိုးတက်မှု အရှိန်က zero ကနေ ပြန်စရတတ်တာမျိုးက တိုင်းပြည်အတွက် သိပ်နာတယ်။ ဒါ့ကြောင့်လည်း အစိုးရ စုဖွဲမှုမှာ အထိုင်မဖျက်တဲ့ ကိစ္စတွေကို ဝမ်းသာ ကြောင်းဆိုခဲ့တာ။ နောက်ပိုင်း အောင်မြင်ခြင်း၊ မအောင်မြင်ခြင်းကတော့ ဒီ Sector တွေကို ဦးဆောင်ကြမယ့် ဝန်ကြီးတွေ၊ ဝန်ကြီးချုပ် ဆိုသူတွေရဲ့ Leadership နဲ့ပဲ ဆိုင်တော့တယ်။ သမ္မတကြီးကတော့ ယုံကြည်စွာနဲ့ပဲ တာဝန်ပေးအပ်ခဲ့ပြီးပြီ။
----------
◾️ ဘာပဲဖြစ်ဖြစ် UN မှာ ဗီတိုအာဏာကိုင်ထားတဲ့ ရုရှားရယ် ၊ တရုတ်ရယ်က သမ္မတသစ် ကို ဦးဦးဖျားဖျား ဂုဏ်ယူကြောင်း သဝဏ်လွှာပေးပိုထားတာတွေက မြန်မာ့နိုင်ငံရေးမှာ မဟာမိတ်ဆက်ဆံရေးထက် ပိုတယ်လိုတောင် ပြောလိုရတယ်။ ဆိုလိုတာက မြန်မာ့နိုင်ငံရေး အသွင်ကူးပြောင်းရေးမှာ ဒီနိုင်ငံကြီးတွေရဲ့ အားပေးထောက်ခံချက်နဲ့တင် ကျွဲကူးရေပါဆိုသလို သွားလိုရနိုင်တဲ့ အခွင့်အရေးတွေ ရှိနေခဲ့ပြီ။ ဖြစ်စေချင်တာပါ… သမ္မတကြီးအနေနဲ့ အရေးပါတဲ့ ဝန်ကြီးတွေ ခြံရံပြီး တရုတ်၊ ရုရှား၊ ဘီလာရုဇ်နိုင်ငံတွေကို သမ္မတ ဆိုတဲ့ ဂုဏ်ပုဒ်နဲ့အတူ သံတမန်ရေးခရီးစဉ် အမြန်ဆုံး စတင်နိုင်ရင် အကောင်းဆုံး ဖြစ်သွားပါလိမ့်မယ်။

(နရီမိုး)

ခရောင်းလမ်းလျှောက် ပန်းခင်းလမ်းဖောက်ခဲ့သူ
အခန်း( ၃ )
ကျောင်းဆင်းစ အရာရှိငယ်တစ်ယောက်၏ ခြေလှမ်းများက တက်ကြွလို့ နေပါသည်။ သူ တာဝန်ကျသည့် မိခင်တပ်ရင်းမှာ ယခင်က အမှတ်(၁) ရှမ်းသေနတ်ကိုင်တပ်ရင်းအဖြစ် အစဉ်အလာ ကောင်းဖြင့် ကျော်ကြားသည့် တပ်ဖြစ်သည်။ ယူနီဖောင်းကို စမတ်ကျကျ ဝတ်ဆင်တတ်သည့် ဒုဗိုလ် ပေါက်စ သူသည် တပ်ရင်းအတွင်းမှ စစ်သည်များ၏ လေးစားချစ်ကြည်မှုကို ရရှိခဲ့လေသည်။ သူသည် အတွေ့အကြုံရင့် ဆရာကြီးများထံမှ တိုက်ပွဲအတွေ့အကြုံများကို လေ့လာမှတ်သားခွင့်ရခဲ့သည်။ လေ့လာဆည်းပူးစရာများကိုလည်း အရာရှိ၊ စစ်သည် မခွဲခြားဘဲ အောက်ကျို့ခံ လေ့လာမေးမြန်း ခဲ့သည်။ လွတ်လပ်ပြီး အပြစ်ကင်းသည့် ဒုဗိုလ်ဘဝကို သူ နှစ်သက်သဘောကျသည်။
ဤတပ်၏ သမိုင်းကြောင်းများကို ပြန်ပြောင်းလေ့လာကြည့်သည့်အခါ ဤတပ်မှ နိုင်ငံ့ခေါင်း ဆောင် အမြောက်အမြား မွေးထုတ်ပေးခဲ့သည်ကို တွေ့ရှိရလေသည်။ ပြည်သူအများ လေးစားရသည့် နိုင်ငံတော်သမ္မတ ဦးသိန်းစိန်သည် ဤတပ်မှဖြစ်သည်။ ဗိုလ်ချုပ်ကြီး ခင်ညွန့်သည်လည်း ဤတပ်မှာ တာဝန်ထမ်းဆောင်ဖူးသူ ဖြစ်သည်။ နိုင်ငံတော်အကြီးအကဲများ၊ တိုင်းမှူးများနှင့် တပ်မတော် အကြီး အကဲများစွာကို ဤတပ်မှ မွေးထုတ်ပေးခဲ့ခြင်းဖြစ်သည်။ ဤမျှ အစဉ်အလာကောင်းသည့် ဤတပ်ဖွဲ့ မှာ တာဝန်ထမ်းဆောင်ခွင့်ရသည့်အတွက် သူ များစွာဂုဏ်ယူမဆုံးဖြစ်ရသည်။ ထိုကဲ့သို့ ကောင်းမွန် သည့် အစဉ်အလာကောင်းများကို စောင့်ထိန်းရမည်ဟု ရင်ဝယ်အောက်မေ့ကာ ကြိုးစားမည်ဟုလည်း ဆုံးဖြတ်ခဲ့သည်။

ဤတပ်မှာ တာဝန်ထမ်းဆောင်စဉ်မှာပင် ငယ်စဉ်က သံယောဇဉ်မျှခဲ့သည့် သံတွဲဇာတိ အမျိုး သမီးနှင့် ထိမ်းမြားမင်္ဂလာပြုခဲ့ပါသည်။

မိခင်တပ်ရင်းမှာ ၇ နှစ်ကျော် တာဝန်ထမ်းဆောင်ပြီးနောက် တနိုင်းရှိ ခလရ(၈၆)သို့ သူ ပြောင်းရွှေ့တာဝန်ထမ်းဆောင်ခဲ့ရသည်။ အစဉ်အလာကောင်းသည့် တပ်ရင်းများတွင် တာဝန် ထမ်းဆောင်ခွင့်ရသည်က သူ့ဘဝ၏ ထူးခြားသည့် တိုက်ဆိုင်မှုပင်တည်း။ ထိုတပ်သည်လည်း ရှမ်း(၁) ကဲ့သို့ အစဉ်အလာကောင်းများဖြင့် ကျော်ကြားသည့် တပ်ဖြစ်သည်။ ဗိုလ်ချုပ် ဌေးဦး၊ ဒုတိယ ဗိုလ်ချုပ်ကြီး သာအေး၊ ဗိုလ်ချုပ် အောင်သိန်း စသည့် နိုင်ငံ့အကြီးအကဲများသည် ခလရ(၈၆)တနိုင်း ထွက်များ ဖြစ်ကြသည်။ သူ့အတွက်တော့ဖြင့် အရာရှိငယ်ဘဝမှာပင် စံပြပုဂ္ဂိုလ်များက ရှေ့ဆောင် လမ်းပြသဖွယ် ဖြစ်လို့နေပါသည်။

အရှေ့ပိုင်းတိုင်းစစ်ဌာနချုပ်တွင်လည်း သူ တာဝန်ထမ်းဆောင်ခဲ့ရသေးသည်။ အဲဒီနောက် တပ်မ(၃၃) ကွပ်ကဲမှုအောက်ရှိ ခမရ(၁၁၁)ဝန်းသိုသို့ ဗိုလ်ကြီးဘဝဖြင့်ပင် ပြောင်းရွှေ့တာဝန် ထမ်း ဆောင်ခဲ့ရပြန်ပါသည်။ အရာရှိငယ်ဘဝမှာပင် နေရာတော်တော်များများသို့ ပြောင်းရွှေ့တာဝန် ထမ်း ဆောင်ခဲ့ရပြီးနောက် နယ်မြေဒေသများ၏ အလေ့အထများကို သူ လေ့လာခွင့်ရခဲ့သည်။ သိကျွမ်းခွင့် ရခဲ့သည်။ ငယ်ဘဝ ဖခင်ကြီးတာဝန်ကျရာဒေသများသို့ လိုက်ပါခွင့်ရခဲ့သည့်အပြင် အခုအရာရှိငယ် ဘဝမှာလည်း နယ်စုံမြေနှံ့ခြေဆန့်ခွင့်ရခဲ့သည့်အတွက် မြန်မာနိုင်ငံမှာ သူ မရောက်ဖူးသည့်နေရာ ခပ် ရှားရှားဖြစ်ခဲ့ရပါသည်။

ခြေလျင်စစ်သားတစ်ယောက်ဖြစ်သည်နှင့်အညီ အမြင်မတူသည့် တိုင်းရင်းသားလက်နက်ကိုင် အဖွဲ့များနှင့် နဖူးတွေ့ဒူးတွေ့ တိုက်ပွဲများဖြစ်ပွားခဲ့သည်များလည်း မကြာခဏပင်။ တက်ကြွသည့် ငယ်ရွယ်စဉ်အခါဖြစ်သည်နှင့်အညီ တိုက်ပွဲတိုင်းမှာ ရှေ့တန်းကျကျ ဦးဆောင်ခဲ့သည်။ တိုက်လို ခိုက် လိုစိတ် ပြင်းပြသည့်သူ့ကို ရဲဘော်ရဲဘက်ဆရာကြီးများပင် သတိပေး တားယူရသည်အထိ။ စစ်သား စစ်တိုက်ရတာမဆန်းဟုပင် သူ သဘောထားသည်။ တိုက်ရည်ခိုက်ရည် တက်လာပြီး အောင်ပွဲများ လည်း အလီလီဆွတ်ခူးရရှိခဲ့ပါသည်။ သူ၏ တိုက်ရည်ခိုက်ရည်နှင့် ရဲစွမ်းသတ္တိပြည့်ဝမှုအပြင် နှလုံးရည်ပါ ပြည့်ဝသည့်သူ့ကို အထက်လူကြီးများ ယုံကြည်အားကိုးလာကြသည်။ သူ့ကို ခိုင်းလျှင် ပြန်ကြည့်စရာမလိုဟုပင် မှတ်ချက်ပြုလာကြသည်အထိ။

စစ်မြေပြင်မှာ ရှေ့တန်းကျကျ ပါဝင်ခဲ့ရပေါင်းများလာသည်နှင့်အမျှ စစ်၏အနိဋ္ဌာရုံများအပေါ် အတွေးနယ်ချဲ့လာမိသည်။ အရင်းစစ်စစ် တွေးကြည့်လိုက်တော့ ကိုယ့်လူမျိုးအချင်းချင်း တိုက်ပွဲဝင် နေရခြင်းသာ။ ကျဉ်းမြောင်းသောအမြင်များ၊ ကိုယ်ကျိုးအတ္တ လွန်ကဲမှုများကြား မလိုအပ်ဘဲ အသက်များ စတေးနေရသည်။ ညှိနှိုင်းဆွေးနွေးမှုဖြင့် ငြိမ်းချမ်းမှုကို အဖြေရှာနိုင်လျှင် တစ်မြေ တည်းနေ တစ်ရေတည်းသောက် တိုင်းရင်းသားများ၏အသက်တွေ ပေးဆပ်နေရမည်မဟုတ်။ ဒေသခံ တိုင်းရင်းသားများလည်း စိုးရိမ်ကြောင့်ကြမှုများနှင့် နေထိုင်ရမည်မဟုတ်ဘဲ အေးအေးချမ်းချမ်း လုပ်ကိုင်စားသောက်ခွင့်ရမည်။ အပူအပင်ကင်းကင်းအိပ်စက်အနားယူခွင့်ရမည်။ ဒေသဖွံ့ဖြိုး တိုးတက်မှုများကို အားတက်သရောလုပ်ကိုင်ခွင့်ရမည်။ ဤသို့လျှင် သူ တွေးမိပါသည်။

ဆက်လက်ဖတ်ရှုရန်

သူ့အနေဖြင့် မြန်မာနိုင်ငံ၏ သမိုင်းကြောင်းများကို မှတ်မှတ်ထင်ထင် ရှိနေပါသည်။ ပြန် ပြောင်းတွေးမိတိုင်း စုတ်တသပ်သပ် ဖြစ်ရသည်။ လူမျိုးခြား ဗြိတိသျှများ လက်အောက် ကျရောက် ခဲ့ရသည့် သူ့ကျွန်ဘဝခါးသီးမှုများ၊ လွတ်လပ်ရေးရရှိအောင် ပေးဆပ်ခဲ့ကြသည့် မြန်မာလူမျိုးတို့၏ ဇာတိသွေး ဇာတိမာန်တက်ကြွမှုများ၊ ဂျပန်များ၏ ရွှေရည်စိမ်လွတ်လပ်ရေးဖြင့် နှစ်သိမ့်ကာ အမျိုးမျိုး သော နှိပ်စက်မှုများအောက် ကျရောက်ခဲ့ရသည့် မြန်မာတို့၏ဖိနှိပ်ခံဘဝများ၊ ထိုမှတစ်ဖန် စစ်မှန် သော လွတ်လပ်ရေးရရှိအောင် တိုက်ပွဲဝင်ပေးဆပ်ခဲ့ရသည့် အသက်ပေါင်းများစွာကို သူ အောက်မေ့မိ သည်။ ထိုသို့အသက်ပေါင်းများစွာ ပေးဆပ်ပြီးမှ ရရှိခဲ့သည့် လွတ်လပ်ရေးကို တန်ဖိုးထား ကာကွယ် ထိန်းသိမ်းရမည်။ ဝေးကွာကျန်ရစ်ခဲ့သည့် နှစ်ပေါင်းများစွာအတွက် စည်းလုံးညီညွတ်စွာ အပြေး လိုက်ရမည့်အစား ကျဉ်းမြောင်းသော အယူဝါဒများကြား အချင်းချင်း စစ်ခင်းနေရသည်က အလုပ် မဖြစ်ခဲ့ပါချေ။

လွတ်လပ်ရေးကြိုးပမ်းမှုကာလ ခါးသီးမှုများကို ပြန်ပြောင်းတွေးတောကာ သင်ခန်းစာ ယူ တတ်ကြလျှင် ဘယ်လောက်ကောင်းလိုက်လေမလဲ။

အတွေးတို့ဖြင့် သူ့စိတ်ကူးဝယ် တည်ငြိမ်အေးချမ်းမှုဖြင့် ဖွံ့ဖြိုးတိုးတက်နေသည့် နိုင်ငံတော် ကြီးကိုသာ မြင်ယောင်နေမိပါတော့သည်။