عسى ترضي غرورك غيبتي كان الغلا ما ارضاك
وانا لا طاب قلبي .. خطوتي ماهي بـ تعصاني

تمنيتك تعذَّر .. لين أقول إن الخطا : يفداك
اداري دمع عينك وادري ان ماهو على شاني

لا يضنيك الحنين - ولا تعنّي فالسراب خطاك
ترا اللي جابني لك ؛ نفسه اللي عَنك وداني ..

ولا أنت أسف على فرقاي ولا أسف على فرقاك
تساهلنا الجفا .. لين إنجرح كلٍ من الثاني

‏على عيدك مبارك تاقف أمال أنتظاري سيد
‏هي اللي كانها « ما جات منك » مالها شاغر
‏— عبدالله آل لزيوح

‏على الله لو يروح اليوم كلّه بين حزن وياس
‏وأنا ماحب كسرة نفسي وماداني خضوعي

‏وأنا أتعبني السّهر وأرهقني التفكير والهوجاس
‏مضت حول الثلاث أيام دمعي مغرق كوعي

‏بلاني ربّي بـ قلب صخر وبـ خاطر حسّاس
‏ما بین أمسح غلا الغالين وبين أمسح دموعي

‏تقول الله خلقني من برود ومن شوي إحساس
‏وأنا والله لا هبّ النسيم . . يزيد من لوعي

‏لو أن ماني بـ أحَن الناس لكني أحن الناس
‏وأخاف الله . . لا أبدل خاطر راضي بـ موجوعي

‏أداري فـ الخواطر لوّ ما عندي لها إحساس
‏يا كيف اللي لي أغلى من هلي وأغلى من ربوعي؟

‏عزيز . . كل ما يكبر بـ صدري : قلّة الأنفاس
‏قول إنه يزاحم من غلاه وحبّه . . ضلوعي

‏أحبَّه . . والهوى فطرة قلوب ليّنه ويباس
‏لو أنه ما يحنّ من الكلام الجارح شموعي

‏يجادلني . . وأنا صبري شجر يوم إنّ حكيه فاس
‏و صمتي لا رمى بعض الحكي واحد من دروعي

‏توادعنا وأنا أردد عساها . . خيره وما باس
‏هو اللي ما ترك لي فرصة أعلن بها رجوعي

يذكر العاشق أحبابه من ابسط سبب
‏وأنت حتى المطر مرّك ولا ذكّرك!

- بندر الدويش

الصمت ملجاي لامن شان وجه الكلام
‏خل عنك الشرهه اللي ماتحملتها

‏الكلمه اللي مثل وقع الكسر فالعظام ؟
‏والله لو انْك تعرفني زين ماقلتها

‏أنت عندي بدت العالم لحالك عالم
‏اتعايش فيه قدام . . الملا واعيشه
‏ㅤ
‏والله إن عذرك سمين ورد عذرك والم
‏وإن مواطيها على قلبي مواطي ريشه
‏ㅤ
‏دامها ماهي بـ في الشكات راسك سالم
‏اخير من الخوض في موضوعنا تطنيشه
‏ㅤ
‏ماقدر اصخي بك سوا مظلوم ولا ظالم
‏امحق ارض تفقدك وامحق حياة وعيشه :(

الله أكبر الله أكبر الله أكبر لا إله إلا الله
‏الله أكبر الله أكبر ولله الحمد

وقفنا عند بابك مالنا مطلوب غير رضاك
‏معاصينا كبار.. وعفوك أكبر من معاصينا

مع الأسف: يا احلامي الغالين
ما في كفوفيّ
غير اصابعها..

تجاهلت الشعور ولا قدرت أغادر الأطلال
‏أنا للحين واقف منتظر أرجع من غيابي

‏يلازمني ظلالي كنه أفكاري ما هو بـ ظلال
‏وأنا مليت حتى من ظلالي لوّه أولى بي

‏كثر ما مرني من مجريات الضيق والغربال
‏ما عاد أعرف أنام إلا وأنا مشدودة أعصابي

‏سعيت أكافح الدنيا شقي، وساءت الأحوال
‏ولا زلت أترقب غيث صبري يسقي ركابي

‏أنا في يدي راحة، وأعتبرها راحةٍ للبال
‏كثر ما ترتفع لله تعالى تشكي أتعابي

‏ما عاد الوقت يغري والليالي تسرق الآمال
‏ليا ضاقت علي الأرض، ما ضاقت بي ثيابي

يارب لا ضقنا وضيّقنا الزمن لا تخلينا ..

يا ربّ ما لي ملجأ من صكَّة الدنيا سواك
لو شانت وضاقت علي أضيق من عيون الإبر

الأرض أرضك والسِّماء بأفلاكها العليا سماك
والمنكسر لا من دَعى باسمك من كسوره جبر

يا ربّ أنا عبدك وابن عبدك وراج في عطاك
وعبدك ليا ضاقت به الدنيا من إلهامك صبر

يا ربّ لو كبرت همومي ما هي أكبر من قواك
ياللي ليا منه خضَع لك عبدك بصغره كبر

يا ربّ ماني طالب يا غير عفوك مع رضاك
ليا رضى وجهك علي .. أقبل عليّه ما دِبر