ماجرح قلبي ولا هزّ الفراق احساسي
‏ذكرياتي معك أنا نادم على مجمَلها

‏لا تعاتبني ليامن صرت مثلك قاسي
‏غيّرتني مجريات الوقت ، وأنت أوّلها

شعوري الليله شعُور البدايه
‏بين القديم من السكك و المنازل

‏شعور من يبغى الرضا و الهدايه
‏و يواجه انواع الحيل و المهازل

‏غريب ماله من ورا الناس غايه
‏و بينه و بين الواقعيه عوازل

‏راحت حياته ينتظر و النهايه ؟
‏يوم اقترب من كل حاجه تنازل

وانا على شان غيري موجعٍ روحي
ولا حدٍ موجعٍ روحه على شاني ..

كان قلبك من ضغوطات الحياه معبّـا
‏وش يقول مكافح الدنيا شتاه وصيفه ؟

تلاشى مادام إن . . التلاشي هو آخر حلّ
‏وجودك ( ما عاد يفيد ) وغيابك إلزامي

‏فقدتك بما فيه الكفايه . . حبيب و خلّ !
‏و أخذت أغلب أمالي معك وأغلب أحلامي

‏ويبدو لي إن تبع . . المقفي هوان وذلّ
‏عساني ما أضحي في مقام أسمي السامي :)

‏_عبدالله السراهيد

تصد القلوب من الغلا والنفوس تمل
‏يهُون الجفا لا شافت العين ماتكره

‏تَغَلى بكيفك لو تصير المحبة غل!
‏لكن لاتساوم من يحبك على قدره

‏توريني أبواب المفارق وأنا ما ادل
‏مثل من يورونه قبل موتته قبره

‏تراي الفقير الي غناته بكلمة ذل
‏تسامى وهو لو جاد فيها دفن فقره
— ناصر مناحي

‏يا أبيض الوجه مايلحقْكّ مني ملام
‏وانا لانيب لا راضـي ولاني ضجر

‏النفوس العزيزه ترفـض الانتقام
‏تحتسب للجميل وتحتسب للأجر

‏لايموت الغلا ويشح حتى الكلام
‏بين قلبٍ رهيف وبين قلبٍ حجر

‏وان تهاونت بالفرقا عليك السلام
‏وحشة الليل تقتلها صـلاة الفجر

ياصديقي .. كل حزنٍ يفرح الشمّات .. خبه
ودك ان اللي يعاني ؟ ما يقول انه يعاني

لو بسولف بتعبي واسمّع اللي ماتعب به ؟
كني اللي حط فوق الجرح الاول ؟ جرح ثاني

الاكيد ان الليال .. اوضح من اللي كنت احبّه
والدموع .. اصدق من البسمات في يوم التهاني

لا تلوم اللي لقى الغربه .. ولا حن لمربه
وانت واقف من ورى الابواب واسوار المباني

يوم شفت ان الصداقه مصلحه والحب هبّه
قلت .. ربي لا تذرني فردا وتحفظ اخواني !

واعتزلت الناس .. كن بيني وبين الناس غبّه ،
لا حبيب ولا صحيب ولا ضفاف ولا مواني

الحياه المستقرّه والامور .. المستتبه
والله انها تغني من .. احلام و آمال و اماني

كنت امر بحزن لا يوصف وحالٍ ما يشبّه
جعل ربي مايحط انسان غيري في مكانني :(

‏عسى ماينقطع شوفك عسى لك فالوجود وجود
‏تهنّى بك عيونٍ شوفتك تبهج ضمايرها

‏حبيب الكل محدٍ يكرهك حتى قليل الفود
‏تمد لك الكفوف من اول الدنيا ليا آخرها

‏تعيش بك الحياه وتنتعش بك والقلوب شهود
‏وتحيا بك فياضٍ ممحلة لاجيت زايرها

عسى غرّ السحايب يوم تقبل بالحيا والخير
ماتقفي لين ترتوي — داركم وتربّع فياضه

مطرةٍ فاضت على الدنيا شذاها
‏كنّي اللي قبلها مانيب عايش

‏روحي اللي مدري مني من خذاها
‏ردّها طقّ المطر على الدرايش

ابتدا فصل الحياه المتعب المتشابه
‏وانتهى اكثر فصل حبيته وهو مشقيني

‏ما اقتنعت ان العمر عجّل وهج ركابه
‏لين عشت الواقع بروحي وشافت عيني

‏مادريت اني خلصت من الهوى واصحابه
‏لين صار الليل يجمعهم .. ولا يدعيني

‏عاشقك دوّنك بالهجري وبالميلادي
‏هايمٍ في حب تاريخك ومجد شعوره

‏يا هناي المستديم وغايتي و مرادي
‏كل عام وجيش حبك رايته منصوره

على باب الحياة.. أمدّ صوتي يا خَلِي البَال
عسى ما تسرقك من روْض صدري كلمة الجاهل

أشوفك فالنسيم، وفالشجَر، والغيْم، والأطلال
مع إنك غبت لا زال المكان في حضرتك آهل

قديم الوِدّ.. وأيَّام الصبا والحِلَّ والترحال
أعرفك مثل نظرَات الوَله في عيْن متجاهل

تمهَّل لا تغافلك اللّيّالي، والسنين طوال
أنا للحين أغنّي في عيونك.. وأنت تستاهل!
• محمد السلطان

‏يارب مايخفت وهج أسمي ولا نجمي يغيب
‏ولا يهَال تراب الأرض إلّا على وجهٍ تحب

دريت اني سمحت من المواصل يوم دمعي سال
وانا تحت المطر.. طرِّيت حييني وأمواتي

ولا اجهشت بدموعي في رجا تتحسَّن الاحوال..
ولا كانت عسى ربي يردك ضمن دعواتي

عليك يتبارك جعل سود القلوب فداك
و جعلك .. من اللي كل عامٍ يصومونه

سبحانك اللهم وبحمدك، أشهد أن لا إله إلا أنت أستغفرك وأتوب إليك

تخافين وانتي في حماي؟ وعلى يمناي؟
‏هذا والله اللي ما توقعت نوصله

‏عموماً انا اسف اذا مت يا نجواي
‏شجاعة (محب) وموتةٍ في سبيل الله

‏رفضنا نعيش بخوف نتأمل اللي جاي
‏ورضينا (نعيش الحب) والارض محتله