السلام عليكم
كيف الحال
اخبارك
الله يوفقكك عندي استشارة وممكن تفيديني؟
زوجي مسافر وانا عند اهلي بلغته اني راح اجري عملية عيون وطلبت منه مبلغ يساعدني قال ماعندي فلوس شوفي اخوانك قلت ابشر
أجريت العملية والحمدلله طلعت من المستشفى لا ارسل يتطمن على ولا شيء
فقط بعد يومين ارسل اخباركم أخبار الاولاد؟
اخذت ف خاطري والعملية مانعيني من استخدام الجوال لاشعاعاته
فقط اخلي عيالي يرسلون له يتطمنون عليه ولافكر يسأل عني شخصيا!
وهو يزعل لما يسافر ولا اسأل عنه والان انا محتاره بين مقهوره ليه مارسل يتطمن على وبين مالي خلق كلامه اللي يجرح!
ايش رايك كيف اتعامل مع هذا الموقف

استاذتي الغاليه تأتيني مخاوف وافكار بين فتره واخرئ تخبرني انه خطاكِ ليس بالهين انتِ تحدثتي عن عرض الرجل امام صديقتك..
والمشكله اني خايفه اني فضفضتِ ولا اعلم ماكانت نيتي لما قلتلها..
واحمد الله كثيراً انا الموضوع قد انتهئ.. وصديقتي احتراماً لي لما تتكلم عن الموضوع ابداً بعدها..

هل تكفيني في هذا الحاله الاستغفار والدعاء له وللمسلمين..

اعذريني انا عارفه ازعجك ...لكن ليطمئن قلبي وتزول عني هذه الافكار والله..تحمليني ي استاذتي هذه المرة ايضاً.. ؟

السلام عليكم ورحمةالله وبركاته اخبارك استاذه لطيفه مشكلتي الاولي. هي صمت زوجي. وهو لايكثر الكلام معي. وانااحاول افتح مواضيع. وهو يختصر الكلام.
المشكله الثانيه. هي أن أم زوجي تحاول تزوج. زوجي. وتذكر له محاسن النساء. وتذكر له الازواج المعددين بحجه أن ليس لديه إلاولدين ذكور وخمس أناث طبعا. هذا عذر بالنسبه لها. لكن هدفها الوحيد تخرب بيتي بتزويج ابنها معني ماقصرت معاها.علما اني موظفة ولدي شغاله ويقول اعطي امي شغالتك لان الشغاله وانتي قدمي شغاله

السلام عليكم من وقت فراغ بعد ماتخرجت جاني خوف اني اموت وتنفسي بيوقف ورحت دكاتره نفسيين قالو مجرد خوف ماله وجود اذا جاتك فكره اشغلي نفسك لاتعطينها مجال ولاتفكرين لان هذا الشي بيددالله التنفس بيددالله هذي كلها وسواس من شيطان وتروح وترجع معاي اخاف تنفسي يوقف وخوف وتفكير ابي نصيحتك وناس تخوفوني ليكون فيك وفيك لين اخاف زياده اول ماجاتني سويت كل شي تحاليل واشعه سليمه حمدلله وحلفت بعدها ماروح دكاتره نفسيين أدويتهم ماهي كويسه ابي نصيحتك

سلام عليكم.. اختي.. الله يوفقك
.. ويكتب أجرك.. تفيديني....ابغى الرد ضروري.. لأني مخيره والا ادري وش اسوي.. موضوعي. هو... اني متزوجه.. زوجي من ..... سنين.. مريض نفسي وماكشف لي هذا المرض. عنده اكتئاب نفسي.. مزمن منعكس على الشخصيه.. عنده مشكله نفسيه نايبغاني انا وبنت. نخرج او نسافر ابدا. هومربوط من هذا المرض بنفس المدينه مايقدر يخرج منها. وماكشف لي هذا المرض الا لما حملت بنتي.. وعنده الان مشكله بالانجاب.. ماينجب طبيعي لازم اذا ابغى عيال انا الي ادفع... أنابيب وهو مو موظف وانا الي اصرف عنده محل حتى لو عنده فلوس مايبغى يدفع.. ومايسوق سياره يخاف لازم صديقه او اخوه معه.. صار عمر بنتي ..... سنوات وعمري .......ومو ناوي يتغير او يشوف لي موضوع الإنجاب.. انا افكر اتطلق بس اخاف على بنتي.. وفيه شخص ممتاز مره... زميل اخوي يقول اذا باتطلق. بيتزوجني هو مكلم اخوي عني... فماادري هل اتطلق ابغى عيال.. أو انا اسوي الأنابيب..سويتها قبل ٦ شهور وفشلت ب٢٣٠٠٠ الف راحت كذا.. فعل اعيدها.. أو اتطلق واتزوج زميل اخوي

السلام عليكم اختي نصايحك مرا في الصميم واحسها فيها حكمه ربي يجزاك الف خير عشان كيذا بقولك مشكلتي انا انفصلت بسبب ظلم وتعبت نفسيتي واكتئبت وتضايقت وكرهت حياتي وصرت اغار من بنات جيلي لاشفتهم لاشعوريا تتعب نفسيتي على انو اتمنى لهم الخير ، لكن انا الحين احس بفراق عاطفي كيف اعالجة مازمني الفراق العاطفي،
حتى اشغل نفسي بالبيت اكره ،بس ودي اطلع واحس اني احترق من داخل اذا ماحد تفرق لي ووداني بحب ،لانو طلعة مع سواق مايايدون اهلي احيان احن لحياتي قبل مع طليقي ،في البيت ماعندي احد اجلس معه اسولف قبل كان معي اختي تزوجت والا كانت ماليه علي الوقت ، لو معي احد كان احس يومي يمشي بشكل جميل، احس بهم مايعلمة الا ربي اقرا قران اصلي الوتر، احس وحيدة ونفسيتي بس تعبانة وزهقانة اشغل نفسي بس ارجع انغهر على وظعي،احس مو عاجبني وضعي كرهت حياتي احس انقلق من المستقبل واحلل الماضي لدرجة يجيني توتر ماعرف اتنفس عدل ، كثير مضايقني موضوع الانفصال كل منقهرة

دايم رابطة سعادتي بدوام لانو لاصرت اداوم بنادي او شي احس نفسيتي تكون احلى لكن احيان مايتوفر

السلام عليكم بابا أخذ مني بطاقة الصرافه بسبب موقف مزعج صار مني وانا أبيها وهو مايبي يعطيني انا محتاجه عليها مرة وش اسوي ،،فكرت أطلع بدل فاقد

السلام عليكم ورحمة الله وبركاته
كيف الحال اختي لطيفه اسإل الله العلي العظيم ان يسعدك ويجزاك الفردوس الاعلى من الجنة🌹🌹
لدي استشارة مصيريه .. انا متزوجه من خمس سنوات من رجل متزوج ولدي طفلين وهو ليس مراهق بعمر الخمسين حاليا .. اكتشفت زوجي منذ السنوات الاولى من الزواج انه يراسل بالجوال وكلام خليع جدا اكثر من مرتين واكتشفته مرة اخرى انه يتابع حالات الجوال لزوجة صديقه وكلها تكتشف بالصدفه يكون هو يتفرج للجوال وانا بجانبه .. في كل مره تحدث مناقشات وزعل وتنتهي بوعد منه بعدم التكرار وبتجاوز مني .. في المرة الاخيره كان يفرجني على مقاطع فيديو من جواله من تصويره وفجأة فتح مقطع فيه تصوير للشغالة وهي مع طفلتي انكر انه ليس هو من صورها وحذفه ومرر لمقطع اخر كان للشغالة ايضا وهي تنظف المنزل ارتبك وحذف المقطع قبل اكماله وانكر ولكن انكاره ممزوج بالربكة والصدمه لانه انفضح وبدأ يعتذر ويتودد .. التصوير تصويره فليس في المنزل غيري انا وهو والشغاله واطفالي اكبرهم ٣ سنوات لا يتقن التصوير الذي شاهدته بالمقطع .. انا لم اناقشه ولكن اعطيته بصريح العبارة اذا كنت انت من صورها انا خلاص لا اريدك ابدا اما تترك لي البيت مع اطفالي او انا اترك البيت (لاني موظفه وساهمت معه في بناء المنزل فنحن شركاء في المنزل خيرته ان يترك لي المنزل) وايضا لان عملي بجانب منزلي واهلي في منطقة بعيدة .. رد هو انه لن يترك البيت ولن يفرط فيني .. انا مستحيل ان اتقبل العيش معه بعد كل اللي حدث وبنفس الوقت لا اريد ان اشتت اطفالي هو سافر للعلاج بعد الحادثة مباشره ولا ادري ماذا افعل بعد عودته ما نصيحتك لي وجزاك الله كل خير💕

انا زوجه اولى والحمد لله موظفه
حرمني زوجي شهر العسل الغزل الكلام الحلو الضحك ينادي اسمي والله اتمنى يخاطبني ع اني انثى فقط ( تعال -جيب -اطلع )
المهم بعد ١٥ سنه تزوج عليه وحضرت زواجه عشان ماثبت اني ناقصه
بعد زواجه بكم شهر انا تعبت لان كل اللي كنت اتمناه شهر عسل حب غزل احترام اعطاه الثانيه ع طبق من ذهب
ايضا الاحظ اذا اعطاني مصروف يعطيها واذا اعطاها انا مايعطيني واذا زعل نام بغرفه ثانيه تنصحيني اقول له يرجع غرفتي لان ماابغى اولادي يشوفون ابوهم ينام برا
كيف اتجاوز هالمشكله وانسى كل شي لان تجيني حالات ابكي واتمشكل معاه ويسوي لي حظر باستمرار
مع ان له فتره متزوج

للتذكير🍃
لا استقبل رسائل بالخاص على جوالي🍃
الاستشارات المجانية ارسليها على واتس هذا الرقم 👇
+966 50 565 0714
والاستشارات الهاتفية (بمبلغ) نسقي مع هذا الرقم 👇
+20 155 576 1231

ولا اسمح بنقل صوتياتي لقروبات أخرى (ومن نقلت سابقاً لا ترسلين تخبريني فقط ادعيلي ولا تكررين النقل) وكل الاستشارات محفوظة بقناتي بالتليجرام على هذا الرابط 👇🍃
https://t.me/latifaalogan9