ကွန်ဒုံးဆိုတာ အမျိုးသားပဲ သုံးရတာလား? 🤔

ကွန်ဒုံးလို့ ပြောရင် အမျိုးသားသုံးပဲ သိထားကြတာ များပါတယ်။ တကယ်တော့ အမျိုးသမီးတွေအတွက်လည်း "အမျိုးသမီးသုံး ကွန်ဒုံး (Female Condom)" ရှိပါတယ်နော်။

✨ အမျိုးသမီးသုံးကွန်ဒုံး အားသာချက်များ
• ကြိုတင်ပြင်ဆင်နိုင်ခြင်း : လိင်မဆက်ဆံမီ နာရီအနည်းငယ် ကြိုတင်ထည့်ထားနိုင်ပါတယ်။
• ဓာတ်မတည့်မှုမှကာကွယ်ခြင်း : ရာဘာမဟုတ်သဖြင့် ရာဘာနှင့် ဓာတ်မတည့်သူများ သုံးနိုင်ပါတယ်။
• စိတ်ချရမှု : ကိုယ်ဝန်နှင့် လိင်မှတစ်ဆင့် ကူးစက်ရောဂါများ (STIs) ကို ကာကွယ်ပေးသည်။


⚠️ အထူးသတိပြုရန်
အမျိုးသားကွန်ဒုံးနှင့် အမျိုးသမီးကွန်ဒုံးကို တစ်ပြိုင်နက်တည်း တွဲမသုံးရပါဘူး ။ အချင်းချင်း ပွတ်တိုက်ပြီး ပေါက်ပြဲသွားနိုင်သည်။ တစ်ကြိမ်လျှင် တစ်မျိုးသာ သုံးရပါမယ်။

အမျိုးသမီးတို့ ကိုယ့်ရဲ့ ကျန်းမာရေးနဲ့ စိတ်ချလုံခြုံမှုကို ကိုယ်တိုင် ရွေးချယ်ခွင့်ရှိတာမို့ အမျိုးသမီးသုံး ကွန်ဒုံးအကြောင်းကိုလည်း လေ့လာထားကြဖို့ တိုက်တွန်းချင်ပါတယ်ရှင်။❤️

အမျိုးသမီးသုံးကွန်ဒုံး ၊ အမျိုးသားသုံးကွန်ဒုံးတွေကို လမ်းပြကြယ်‌ဆေးခန်းမှာ အခမဲ့ ရယူနိုင်ပါတယ်

ဘိုကင်တင်ရန် Link : https://forms.cloud.microsoft/pages/responsepage.aspx

📄 HIV အဖြေစာရွက်ပေါ်က "HIV 1/2" ဆိုတာ ဘာလဲ❓
သွေးစစ်ပြီးလို့ အဖြေစာရွက် လက်ထဲရောက်လာတဲ့အခါ "HIV 1/2" ဆိုတာ ဘာလဲဆိုပြီး အဖြေရှာဖူးကြလား။ အဓိပ္ပာယ်ကတော့ မိမိလုပ်ခဲ့တဲ့ သွေးစစ်ဆေးမှုဟာ HIV-1 ရော HIV-2 ကိုပါ နှစ်မျိုးစလုံး အကျုံးဝင်အောင် စစ်ဆေးပေးခဲ့တယ်လို့ ပြတာ ဖြစ်ပါတယ်။
တကယ်တော့ HIV ဗိုင်းရပ်စ်မှာ အမျိုးအစား (၂) မျိုး ရှိလို့ပါ -
HIV-1 : ကမ္ဘာတစ်ဝှမ်း (ကျွန်မတို့နိုင်ငံ အပါအဝင်) မှာ အဓိက တွေ့ရတဲ့ ပိုးအမျိုးအစား။
HIV-2 : အနောက်အာဖရိက (West Africa) ဘက်မှာပဲ အတွေ့ရများတဲ့ ပိုးအမျိုးအစား။
ဒါကြောင့် အဖြေစာရွက်မှာ "HIV 1/2" လို့ ရေးထားတာဟာ "ဒီပိုး နှစ်မျိုးစလုံးကို ရှာဖွေစစ်ဆေးပေးထားပြီးပါပြီ" လို့ ဖော်ပြခြင်း ဖြစ်ပါတယ်။ အသေးူစိတ်ကို အောက်ပါ Link ကနေ ဝင်ရောက်လေ့လာနိုင်ပါတယ် https://www.facebook.com/photo/?fbid=1424737529683283&set=a.478883447602034

HIV စစ်ဆေးမှုနဲ့ ပတ်သတ်တဲ့အမှန်တရား

HIV အခမဲ့စစ်ဆေးရန် အောက်ပါ Link ကနေ ရက်ချိန်းယူနိုင်တယ် ။

 ဘိုကင်တင်ရန် Link : https://forms.cloud.microsoft/pages/responsepage.aspx

 ဆက်သွယ်ရန်: 099 790 204 65 | 098 800 059 23 | 099 777 734 28

#HIVTesting #Free #အခမဲ့ #LanPyaKyel #PrettyGirlLanPyaKyel

📌ကွန်ဒုံးသုံးတဲ့အခါ မှားတတ်တဲ့ အချက်(၅)ချက်

လိင်မှတစ်ဆင့်ကူးစက်နိုင်တဲ့ ရောဂါတွေကို ကာကွယ်ဖို့နဲ့ ကိုယ်ဝန်ကို ကာကွယ်ဖို့အတွက် ကွန်ဒုံးကိုအသုံးပြုပေမယ့် မလိုလားအပ်တဲ့ ပြသနာတွေကြုံရတတ်တာဘာကြောင့်လဲ ?

သူငယ်ချင်းတို့ရော ဒီအမှားတွေကို လုပ်မိနေသလား ဆိုတာ စစ်ဆေးကြည့်ရအောင် 👇

❌ ၁။ ပြီးခါနီးမှ စွပ်ခြင်း

ကွန်ဒုံးကို စပြီး ဆက်ဆံတဲ့အခါ အသုံးမပြုပဲ ပြီးဆုံးခါနီးမှာအသုံးပြုရင် စစခြင်းအရည်ကြည်ကတဆင့် သုတ်ပိုးနဲ့ ရောဂါပိုးတွေ ကူးစက်နိုင်ပါတယ်။
❌ ၂။ ချောဆီမဟုတ်ပဲ အခြားအရာများနဲ့တွဲသုံးခြင်း

ကွန်ဒုံးကို ချောဆီမဟုတ်ပဲ အုန်းဆီ၊ လိုးရှင်းစတာတွေနဲ့အသုံးပြုတဲ့အခါ ကွန်ဒုံးကို စက္ကန့်ပိုင်းအတွင်း ပေါက်ပြဲစေနိုင်ပါတယ်။
❌ ၃။ ကွန်ဒုံး ၂ ထပ် ပြိုင်တူစွပ်ခြင်း

ပိုစိတ်ချရမယ်ထင်တတ်ကြပေမယ့် အမှန်တော့ ကွန်ဒုံးနှစ်ခုပွတ်တိုက်မှုကြောင့် ပိုပေါက်လွယ်ပါတယ်။
❌ ၄။ ဆိုဒ်မမှန်တာ သုံးခြင်း

အသေးစိတ်ကိုအောက်ပါ link ကနေ ဝင်ရောက်လေ့လာနိုင်ပါတယ်
https://www.facebook.com/share/p/1DrdoCAL1y/

ART သောက်နေသူအချင်းချင်း အကာကွယ်မဲ့ ဆက်ဆံလို့ရလား❓

ဆေးသောက်နေတာပဲ၊ ပိုးကောင်ရေလည်း မရှိတော့ဘူး …. ကွန်ဒုံးသုံးဖို့ မလိုတော့ဘူးလို့ ထင်တတ်ကြပါတယ်။ အမှန်တော့ နှစ်ယောက်လုံး ART သောက်နေပေမယ့် ကွန်ဒုံးကို ဆက်သုံးသင့်တဲ့အချက် သုံးချက်ရှိပါတယ် ။

၁ ။ မျိုးမတူပိုးတွေ ထပ်ကူးစက်နိုင်ခြင်း

HIV ပိုးအမျိုးအစားတွေမတူရင် တစ်ယောက်နဲ့တစ်ယောက် အပြန်အလှန်ထပ်ကူးစက်နိုင်ပြီး ပိုးကောင်ရေကို မြင့်တက်စေနိုင်ပါတယ် ။

၂ ။ ဆေးယဉ်ပါးပိုး ကူးစက်နိုင်ခြင်း

မိမိရဲ့ ပါတနာက ဆေးသောက်ရက် မမှန်လို့ ဆေးယဉ်ပါးပိုး ရှိနေမယ်ဆိုရင် အကာကွယ်မဲ့ဆက်ဆံတဲ့အခါ မိမိကိုယ်ပါ ဆေးယဉ်ပါးပိုး ကူးစက်နိုင်ပြီး ကုသဖို့ခက်ခဲသွားနိုင်ပါတယ် ။

၃ ။ အခြား လိင်မှတစ်ဆင့်ကူးစက်နိုင်သော ရောဂါများ ကူးစက်နိုင်ခြင်း

ART ဆေးက အခြားလိင်မှတစ်ဆင့် ကူးစက်နိုင်တဲ့ (ဆစ်ဖလစ် ၊ ဂနို ၊ ရေယုန်) စတဲ့ ရောဂါတွေကို မကာကွယ်နိုင်တဲ့အတွက် ကွန်ဒုံးကို အသုံးပြုဖို့လိုအပ်ပါတယ် ။

HIV နဲ့ အခြားလိင်မှတစ်ဆင့် ကူးစက်နိုင်တဲ့ရောဂါတွေနဲ့ ပတ်သတ်ပြီး လုံခြုံစိတ်ချစွာ တိုင်ပင်ဆွေးနွေးချင်တယ်ဆိုရင် Messenger မှာ အခမဲ့လာရောက် တိုင်ပင်ဆွေးနွေးနိုင်ပါတယ် ။

🛑 ကာလသားရောဂါ (ဆစ်ဖလစ်) ကို ဘယ်လိုကာကွယ်မလဲ?

ကာလသားရောဂါဟာ အကာအကွယ်မဲ့ လိင်ဆက်ဆံရာကနေ အဓိက ကူးစက်နိုင်သလို၊ ရောဂါကြောင့်ဖြစ်တဲ့ အနာတွေကို တိုက်ရိုက် ထိတွေ့မိရင်လည်း ကူးစက်နိုင်ပါတယ်။ အချို့သူတွေမှာ ရောဂါလက္ခဏာ ပြတတ်သော်လည်း၊ အချို့မှာမူ မပြတတ်ပါ။

သတိပြုရန် - ရောဂါလက္ခဏာ မပြသော်လည်း အခြားသူထံသို့ ကူးစက်နိုင်စွမ်း ရှိပါသည်။

မိမိကိုယ်မိမိနှင့် မိမိချစ်ရသူများကို ကာလသားရောဂါမှ ကြိုတင်ကာကွယ်နိုင်ရန် အောက်ပါအချက်များကို လိုက်နာဆောင်ရွက်ပါ။ အသေးစိတ်ကို အောက်ပါ လင့်ကနေ လေ့လာနိုင်ပါတယ် https://www.facebook.com/photo/?fbid=1432814365542266&set=a.478883447602034

လူငယ်နှင့် STIs အကြောင်း

🔗 ဘိုကင်တင်ရန်: https://forms.cloud.microsoft/pages/responsepage.aspx

📞 ဆက်သွယ်ရန်:

099 790 204 65

098 800 059 23

099 777 734 28

#STIs #LanPyaKyel #PrettyGirlLanPyaKyel

သူငယ်ချင်းတစ်ယောက်က သူ့မှာ HIV ပိုးရှိနေတဲ့အကြောင်း စပြောပြလာတဲ့အခါ အသင့်တော်ဆုံးတုံ့ပြန်မှုက ဘာဖြစ်သင့်သလဲ

မိမိရဲ့ တုံ့ပြန်မှုတစ်ခုဟာ သူ့ဘဝအတွက် ခွန်အားဖြစ်စေနိုင်သလို၊ ပိုပြီးတော့လည်း အားငယ်သွားစေနိုင်တယ်ဆိုတာသတိထားရပါမယ်။

Booking Link

https://forms.cloud.microsoft/r/6RUyZZMnTs

ကျန်းမာရေးအကြောင်းအရာများ ဆွေးနွေးရန် - 09-979020465 ၊ 09-880005923 ၊ 09-880005924 ၊ 09-977773428

#quiz #HIVAwareness #EndHIVStigmaလမ်းပြကြယ် #Lanpyakyel#PrettyGirlLanPyaKyel

ART ဆေးယဉ်ပါးခြင်း

ART ဆေးကို နေ့တိုင်း အချိန်မှန်သောက်နေတဲ့အခါ သွေးတွင်းမှာ ဆေးပမာဏ အပြည့်ရှိနေလို့ HIV ပိုးတွေကို အောင်မြင်စွာ ထိန်းချုပ်ထားနိုင်ပါတယ်။

ဒါပေမဲ့...
ဆေးသောက်ဖို့ ခဏခဏ မေ့တာ
ရက်ချိန်းအတိုင်း ဆေးမယူဘဲ ဆေးပြတ်သွားတာ

စတာတွေ ဖြစ်လာတဲ့အခါ သွေးတွင်းက ဆေးအရှိန်ဟာ တဖြည်းဖြည်း ကျဆင်းသွားပါတယ်။ ဒီလို ဆေးအရှိန်လျော့သွားတဲ့ အခွင့်အရေးကို ယူပြီး HIV ပိုးက လက်ရှိဆေးဒဏ်ကို ခံနိုင်ရည်ရှိအောင် သူ့ရဲ့ဗီဇပုံစံကို ပြောင်းလဲ (Mutation) ပစ်လိုက်ပါတယ်။ ဒါကိုပဲ “ART ဆေးယဉ်ပါးခြင်း” လို့ ခေါ်တာ ဖြစ်ပါတယ်။

 ဆေးပုံမှန်မသောက်ဘဲ ဆေးယဉ်ပါးသွားရင် ဖြစ်လာနိုင်မည့် နောက်ဆက်တွဲဆိုးကျိုးတွေကို ပုံတွင်လေ့လာနိုင်ပါတယ်။

ကျန်းမာရေးဗဟုသုတတွေ ရရှိဖို့ သူငယ်ချင်းတွေကို အခုပဲမျှဝေလိုက်တော့နော်….

Booking Link

https://forms.cloud.microsoft/r/6RUyZZMnTs

ကျန်းမာရေးအကြောင်းအရာများ ဆွေးနွေးရန် - 09-979020465 ၊ 09-880005923 ၊ 09-880005924 ၊ 09-977773428

#HIV #ART #ဆေးယဉ်ပါး #လမ်းပြကြယ် #Lanpyakyel#PrettyGirlLanPyaKyel

💗 HIV အယူအဆအမှားများ အမျိုးသမီးတို့သတိပြုဖို့

“သူက သန့်သန့်ပြန့်ပြန့်လေးပဲ ၊ စိတ်ချရပါတယ်” ဆိုပြီး အပြင်ပန်းသွင်ပြင်ကိုကြည့်ပြီး စိတ်ချမိနေလား? HIV က အပြင်ပန်းကို ကြည့်ရုံနဲ့ မသိနိုင်ပါဘူး ဒါကြောင့် အမြဲသတိရှိဖို့လိုအပ်ပါတယ် ။

HIV နဲ့ပတ်သတ်ပြီး ပျိုမေတို့ သတိမထားမိဘဲ မှားယွင်းစွာ ထင်မှတ်တတ်ကြတဲ့ အချက် (၃) ချက်ကို မျှဝေးပေးလိုက်ပါတယ် ။

❌ တစ်ကြိမ်တည်း ဆက်ဆံရုံနဲ့ HIV မကူးစက်နိုင်ဘူး ထင်ခြင်း

အကာကွယ်မဲ့ ဆက်ဆံမယ်ဆိုရင် တစ်ကြိမ်တစ်ခါတည်းနဲ့လည်း HIV ကူးစက်နိုင်ပါတယ် ။ ခန္ဓာကိုယ်တည်ဆောက်ပုံအရ အမျိုးသမီးတွေမှာ ကူးစက်နိုင်ရခြေပိုများနိုင်ပါတယ် ။ အသေးစိတ်ကို အောက်ပါ Link ကနေ ဝင်ရောက်လေ့လာနိုင်ပါတယ် https://www.facebook.com/photo/?fbid=1437730951717274&set=a.478883447602034

ဆစ်ဖလစ် ကူးစက်ခံရရင် အတူတူ စစ်ဆေး၊ကုသဖို့လိုပါတယ်

ဆစ်ဖလစ်ရောဂါ ကူးစက်ခံရတဲ့အခါ ကိုယ်တစ်ယောက်တည်း ကုသရုံနဲ့ မလုံလောက်ပါဘူး။ ပြန်လည်ကူးစက်မှုကို ကာကွယ်ပြီး ကုသမှုအောင်မြင်စေဖို့ ကိုယ့်ရဲ့ ပါတနာကိုလည်း တစ်ပြိုင်တည်း စစ်ဆေးကုသဖို့ အရေးကြီးပါတယ်။

ဘာကြောင့် အရေးကြီးတာလဲ?

🔄 ပြန်လည်ကူးစက်နိုင်လို့
တစ်ယောက်တည်းသာ ကုသမှုခံယူထားပြီး လက်တွဲဖော်မှာ ပိုးရှိနေသေးရင် ပြန်လည်ကူးစက်နိုင်ပါတယ်။

🕵️ လက္ခဏာမပြဘဲ ပိုးရှိနေနိုင်လို့
ဆစ်ဖလစ်ဟာ လက္ခဏာမပြဘဲ ရှိနေနိုင်ပါတယ်။ မသိလိုက်ဘဲ အခြားသူတွေကို ဆက်လက်ကူးစက်စေနိုင်တာကြောင့် နှစ်ယောက်လုံး စစ်ဆေးကုသဖို့ လိုပါတယ်။

⚠️ နောက်ဆက်တွဲဆိုးကျိုးတွေ ဖြစ်နိုင်လို့
မကုသဘဲထားမယ်ဆိုရင် ရောဂါက ပိုမိုဆိုးရွားလာပြီး နှလုံး၊ ဦးနှောက်နဲ့ အာရုံကြောစနစ်ကို ထိခိုက်စေနိုင်သလို အသက်အန္တရာယ်အထိ ဖြစ်စေနိုင်ပါတယ်။

အသေးစိတ်ကို အောက်ပါ Link ကနေ ဝင်ရောက်လေ့လာနိုင်ပါတယ်
https://www.facebook.com/share/p/1H6XF2BaKj/

🩺 HIV နှင့် STIs ကာကွယ်ဖို့ သိထားသင့်သည့် အချက် (၅) ချက်

HIV နဲ့ STIs ရောဂါတွေက အဓိကအားဖြင့် လိင်ဆက်ဆံရာမှတစ်ဆင့် ကူးစက်နိုင်ပါတယ်။

HIV နဲ့ STIs ရောဂါတွေကို ကာကွယ်ဖို့အတွက် ဆိုရင်အောက်ပါ အချက်တွေကို သိထားဖို့လိုအပ်ပါတယ် ။

1️⃣ ကွန်ဒုံးကို အမြဲမှန်ကန်စွာ အသုံးပြုပါ
HIV နှင့် လိင်မှတစ်ဆင့် ကူးစက်နိုင်သော ရောဂါများ (STIs) ကို ကာကွယ်နိုင်ဖို့ ကွန်ဒုံးကို လိင်ဆက်ဆံတိုင်း စနစ်တကျ အသုံးပြုပါ။

2️⃣ HIV နှင့် STI စစ်ဆေးမှုကို ပုံမှန်ပြုလုပ်ပါ
တချို့ရောဂါတွေက လက္ခဏာမပြဘဲ ရှိနေနိုင်ပါတယ်။ ပုံမှန်စစ်ဆေးခြင်းက စောစောသိပြီး စောစောကုသနိုင်ဖို့ အထောက်အကူဖြစ်စေပါတယ်။

3️⃣ ပုံမှန်မဟုတ်တဲ့ လက္ခဏာတွေကို မပေါ့ဆပါနဲ့
အနံ့ဆိုးသော အရည်ဆင်းခြင်း၊ ယားယံခြင်း၊ ဆီးသွားနာခြင်း၊ အနာပေါက်ခြင်း စတဲ့လက္ခဏာတွေရှိရင် တတ်ကျွမ်းနားလည်တဲ့ ဆရာဝန်နဲ့ အမြန်ဆုံး တိုင်ပင်ပါ။
အသေးစိတ်ကို အောက်ပါ Link ကနေ ဝင်ရောက်လေ့လာနိုင်ပါတယ် https://www.facebook.com/share/p/1VEvJJk6FB/

📌 ရာသီသွေး ရက်ကျော်ရင် ဘာတွေဖြစ်နိုင်လဲ? 🤔🩸

မိန်းကလေးတော်တော်များများ ရာသီရက်ကျော်ရင် ကိုယ်ဝန်ရှိတာ တစ်ခုတည်းကြောင့် လို ထင်တတ်ကြပါတယ်။ တကယ်တော့ အခြား အကြောင်းရင်းတွေလည်း အများကြီး ရှိနိုင်ပါတယ်နော်။ အသေးစိတ်ကို အောက်ပါ Link ကနေ ဝင်ရောက်လေ့လာနိုင်ပါတယ်https://www.facebook.com/photo/?fbid=1444539901036379&set=a.478883447602034

HIV Phobia (အိတ်ချ်အိုင်ဗွီ ကြောက်စိတ်လွန်ရောဂါ) ခံစားနေရပြီလား?💭

HIV Phobia ဆိုတာ ကိုယ့်မှာ HIV ရှိနေပြီ ဒါမှမဟုတ် ရောဂါကူးစက်ခံရတော့မယ်လို့ အကြောင်းအရင်းမရှိဘဲ အလွန်အမင်း စိုးရိမ်ပူပန်နေတဲ့ စိတ်အခြေအနေ ဖြစ်ပါတယ်။

ဓာတ်ခွဲခန်းအဖြေမှာ HIV မရှိကြောင်း (Negative) အကြိမ်ကြိမ် အတည်ပြုပြီးသားဖြစ်ပေမယ့် အဖြေကို မယုံကြည်နိုင်ဘဲ သွေးထပ်စစ်ချင်နေခြင်းက ဒီအခြေအနေရဲ့ ထင်ရှားတဲ့ လက္ခဏာတစ်ခုပါ။
အသေးစိတ်ကိုအောက်ပါ Link ကနေ ဝင်ရောက်လေ့လာနိူင်ပါတယ် https://www.facebook.com/share/p/19N8jzRWeA/

လမ်းပြကြယ်မှာ HIV နဲ့ ကာလသားရောဂါ အခမဲ့စစ်ဆေးဖို့ ဘာတွေလိုမလဲ

"HIV/ကာလသား စစ်ဆေးချင်တယ်။ ဘာတွေလိုလဲ။ ပိုက်ဆံဘယ်လောက်ကုန်ကျမှာလဲ" ဆိုပြီး မကြာခဏ လာမေးလေ့ရှိကြပါတယ်နော်။

တကယ်တော့ ဘာမှအများကြီး ပြင်ဆင်စရာမလိုသလို၊ တစ်ပြားတစ်ချပ်မှလည်း ပေးစရာမလိုပါဘူး။ အခမဲ့ စစ်ဆေးနိုင်ဖို့အတွက် ဒါလေးတွေပဲ လိုအပ်ပါတယ်

(၁) အောက်ကပေးထားတဲ့ Booking Link ကနေ မိမိအဆင်ပြေမယ့်နေ့ရက်ကို အရင်ဆုံး ဘိုကင်တင်ပါ။

(၂) ဘိုကင်တင်ပြီးရင်တော့ သတ်မှတ်ထားတဲ့ရက်မှာ လူကိုယ်တိုင်ပဲ လာခဲ့ရုံပါပဲနော်။

Booking Link

https://forms.cloud.microsoft/r/6RUyZZMnTs

ကျန်းမာရေးအကြောင်းအရာများ ဆွေးနွေးရန် - 09-979020465 ၊ 09-880005923 ၊ 09-880005924 ၊ 09-977773428

#HIV #LanPyaKyel#PrettyGirlLanPyaKyel #OnlineBooking#FreeTesting

CD4 ကောင်းရင် Viral Load လည်း နည်းနေပြီလား?
အဖြေကတော့ — မဟုတ်ပါဘူး။
လူတော်တော်များများက ကိုယ်ခံအား (CD4)များနေရင် HIV ကို ကောင်းကောင်းထိန်းထားနိုင်ပြီး ပိုးကောင်ရေ (Viral Load) လည်းကောင်းပြီလို့ ထင်တတ်ကြပါတယ်။ ဒါပေမယ့် ကိုယ်ခံအား(cd4) နဲ့ ပိုးကောင်ရေ(Viral Load) က မတူတဲ့ အရာနှစ်ခု ဖြစ်ပါတယ်။
Viral Load က ကိုယ်ထဲမှာ HIV ပိုး ဘယ်လောက်ရှိနေလဲဆိုတာကို ပြသပေးပါတယ်။
CD4 ကတော့ ကိုယ်ခံအားဆဲလ် (Immune Cells) ဘယ်လောက်ကျန်ရှိပြီး ကိုယ်ခံအား ဘယ်လောက်ကောင်းနေသလဲဆိုတာကို ပြသပေးပါတယ်။
ART ဆေးကို အချိန်မှန်၊ နေ့တိုင်းသောက်နေသူတွေမှာ Viral Load လျော့ကျလာပြီး CD4 လည်း တဖြည်းဖြည်း ပြန်တက်လာနိုင်ပါတယ်။ ဒါပေမယ့် CD4 ကောင်းနေရုံတစ်ခုတည်းနဲ့ Viral Load ကို မသိနိုင်သလို၊ Viral Load ကောင်းနေရုံနဲ့လည်း CD4 ကို မစစ်ဘဲ မနေသင့်ပါဘူး။
အသေးစိတ်ကို အောက်ပါ Link ကနေ ဝင်ရောက်လေ့လာနိင်ပါတယ် https://www.facebook.com/photo/?fbid=1451427367014299&set=a.478883447602034

လမ်းပြကြယ်ဆေးခန်းမှာ HIV နဲ့ ကာလသားရောဂါကို အခမဲ့ စစ်ဆေးနိုင်မယ့် နည်းလမ်းအဆင့်ဆင့်
လမ်းပြကြယ်ဆေးခန်းတွေမှာ HIV နဲ့ ကာလသားရောဂါကို အခမဲ့ စစ်ဆေးကုသနိုင်ပါတယ်။ ဆေးခန်းမှာ လာရောက်စစ်ဆေးလိုသူတွေအနေနဲ့ အောက်ပါ အဆင့် (၄) ဆင့်အတိုင်း လွယ်ကူချောမွေ့စွာ ဆောင်ရွက်နိုင်ပါတယ်။
(၁) ရက်ချိန်းယူခြင်း - ဝန်ဆောင်မှုရယူလိုသည့် ရက်အတွက် Booking Link မှတစ်ဆင့် ရက်ချိန်းရယူနိုင်ပါတယ်။
(၂) နှစ်သိမ့်ဆွေးနွေးတိုင်ပင်ခြင်း - ဆေးခန်းရောက်လို့ စာရင်းသွင်းပြီးတာနဲ့ Counselor (နှစ်သိမ့်ဆွေးနွေးပညာပေးသူ) နဲ့ တွေ့ဆုံရပါမယ်။ မိမိတို့သိချင်တာတွေနဲ့ စိုးရိမ်ပူပန်မှုတွေကို ပွင့်လင်းစွာ နှစ်သိမ့်ဆွေးနွေး တိုင်ပင်နိုင်ပါတယ်။
(၃) သွေးဖောက်စစ်ဆေးခြင်း - လိုအပ်တဲ့ စစ်ဆေးမှုတွေ ပြုလုပ်နိုင်ဖို့ သွေးဖောက်ပြီး စစ်ဆေးပေးပါတယ်။
(၄) သွေးအဖြေပေးခြင်းနှင့် လိုအပ်ပါက ချိတ်ဆက်ပေးခြင်း- သွေးအဖြေရလဒ်တွေကို အသေးစိတ် ရှင်းလင်းပြောပြပေးမှာဖြစ်ပြီး၊ ဆက်လက်ကုသမှု ခံယူဖို့ သို့မဟုတ် တခြားလိုအပ်တာတွေရှိခဲံ့ရင်လည်း သင့်လျော်သလို ချိတ်ဆက်ဆောင်ရွက်ပေးသွားမှာဖြစ်ပါတယ်။
Booking Link
https://forms.cloud.microsoft/r/6RUyZZMnTs

PrEP နဲ့ပတ်သက်ပြီး မှားယွင်းနားလည်နေတဲ့ အချက် (၅) ချက်
PrEP (Pre-Exposure Prophylaxis) က HIV ကူးစက်မှုကို ကြိုတင်ကာကွယ်ပေးနိုင်တဲ့ ဆေးဖြစ်ပါတယ်။ ဒါပေမယ့် PrEP အကြောင်း မှားယွင်းနားလည်ထားတဲ့ အယူအဆတွေကြောင့် PrEP ကို အသုံးမပြုရဲတာ၊ သောက်သုံးနည်း မှားယွင်းတာတွေ ဖြစ်တတ်ပါတယ်။
ဘယ်အချက်တွေက မှားယွင်းနေလဲဆိုတာ ပုံမှာ အတူတူ လေ့လာကြည့်လိုက်ကြရအောင်နော်....
လမ်းပြကြယ်ဆေးခန်းမှာ PrEP (HIV ကြိုတင်ကာကွယ်ဆေး) အခမဲ့ရယူချင်တယ်ဆိုရင် အောက်ပါ Link ကနေ ရက်ချိန်းယူပြီး လာရောက်နိုင်ပါတယ် ။
ဘိုကင်တင်ရန်: https://forms.cloud.microsoft/r/6RUyZZMnTs
ဆက်သွယ်ရန်: 099 790 204 65 ၊ 098 800 059 23 ၊ 099 777 734 28
#PrEP#HIVPrevention#Free
#HIVကြိုတင်ကာကွယ်ဆေး #LanPyaKyel#PrettyGirlLanPyaKyel

HIV ပိုးကူးစက်ခံရတဲ့အခါ လုပ်ဆောင်ရမည့် အချက်(၄) ချက်
HIV ပိုးရှိကြောင်း သိရချိန်မှာ စိုးရိမ်ပူပန်မှုတွေ ဖြစ်ပေါ်တာ သဘာဝပါပဲ။ ဒါပေမဲ့ ဒီနေ့ခေတ်မီဆေးဝါးတွေနဲ့ ထိန်းချုပ်ကုသနိုင်နေပြီဖြစ်လို့ စိတ်အေးအေးထားပြီး အောက်ပါအချက်တွေကို လုပ်ဆောင်ပါ ။
၁။ ART ဆေးကို အမြန်ဆုံး စတင်ပါ
. နီးစပ်ရာ အေအာတီဆေးပေးဌာနများသို့ သွားရောက်ပြီး ART ကုသမှုကို စတင်ပါ။
. စောစောစတင်လေ ခန္ဓာကိုယ်ရဲ့ ခုခံအားကို ပိုမိုကောင်းမွန်စွာ ကာကွယ်နိုင်လေ ဖြစ်ပါတယ်။
၂။ ဆေးကို နေ့စဉ် အချိန်မှန် ၊ပုံမှန် သောက်ပါ
. ဆေးကို မပျက်မကွက် သောက်ခြင်းက Viral Load(ပိုးကောင်ရေ) ကိုလျော့ချနိုင်ပြီး U=U အဆင့်ကို ရောက်ရှိကာ လိင်မှတစ်ဆင့် အခြားသူများထံ ကူးစက်ခြင်းကို လျော့ချပေးနိုင်ပါတယ် ။
အသေးစိတ်ကို အောက်ပါ Link ကနေ ဝင် ရောက်လေ့လာနိုင်ပါတယ်https://www.facebook.com/photo/?fbid=1456743933149309&set=a.478883447602034

"HIV ပိုးရှိပေမဲ့ ပါတနာကို မကူးစက်အောင် ကာကွယ်လို့ရတယ်ဆိုတာ သိပါသလား"
ဒီနေ့ခေတ်မှာ HIV ပိုးရှိသူတစ်ယောက်ဟာ မိမိရဲ့ ပါတနာဆီ မကူးစက်အောင် ရာနှုန်းပြည့်နီးပါး ကာကွယ်ထားလို့ ရနေပါပြီ
အဓိက ကာကွယ်နိုင်မယ့် အရေးကြီးဆုံး နည်းလမ်း (၃) ခု ကတော့ -
၁။ U=U နဲ့ ကာကွယ်မယ်
ART ဆေးကို နေ့စဉ် အချိန်မှန် သောက်ရင် သွေးတွင်း ပိုးကောင်ရေ စစ်မတွေ့တဲ့အဆင့် (Undetectable) ရောက်သွားရင် ချစ်သူ/လက်တွဲဖော်ဆီ လိင်မှတစ်ဆင့် မကူးစက်နိုင်တော့ပါဘူး (Untransmittable)။
၂။ PrEP ဆေးနဲ့ ကာကွယ်မယ်
HIV ပိုးမရှိသူ ပါတနာဘက်မှ PrEP ဆေးကို ကြိုတင်ကာကွယ်မှုအဖြစ် သောက်ထားနိုင်ပါတယ်
၃။ ကွန်ဒုံးနဲ့ ကာကွယ်မယ်
ကွန်ဒုံးကို စနစ်တကျ သုံးစွဲခြင်းက HIV ရော အခြား လိင်မှတစ်ဆင့် ကူးစက်တတ်တဲ့ ရောဂါတွေကိုပါ ကာကွယ်ပေးပါတယ်။
ဒါကြောင့် မှန်ကန်တဲ့ ဆေးကုသမှုကို စနစ်တကျ ခံယူပြီး ကျန်းကျန်းမာမာ နေထိုင်ရင်းနဲ့ ချစ်ရသူတွေကိုလည်း အတူကာကွယ်ကြပါစို့နော်
Booking Link https://forms.cloud.microsoft/r/6RUyZZMnTs
ကျန်းမာရေးအကြောင်းအရာများ ဆွေးနွေးရန် - 09-979020465 ၊ 09-880005923 ၊ 09-880005924 ၊ 09-977773428
#HIV #LanPyaKyel#PrettyGirlLanPyaKyel #OnlineBooking#FreeTesting

HIV က လိင်မှတစ်ဆင့်ပဲ ကူးစက်တာလား ?
HIV ပိုး ကူးစက်နိုင်တဲ့အခြေအနေ နဲ့ပတ်သတ်ပြီး လူတော်တော်များများက လိင်ဆက်ဆံခြင်းကပဲ ကူးစက်နိုင်တယ်ဆိုပြီး အထင်မှားတတ်ကြပါတယ် ။
အမှန်တော့ HIV ပိုးက ခန္ဓာကိုယ်က ထွက်တဲ့အရည်တွေ ဖြစ်တဲ့ သွေး၊သုတ်ရည်၊ မိန်းမကိုယ်မှထွက်တဲ့အရည်နဲ့ မိခင်နို့ရည်တွေ တစ်ဆင့်ကူးစက်နိုင်တာဖြစ်ပြီး အောက်ပါ နည်းလမ်းတွေကလည်း ကူးစက်ခံရနိုင်ပါတယ် ။
ကူးစက်နိုင်တဲ့ နည်းလမ်းတွေကတော့
• ပိုးရှိသူနဲ့ ဆေးထိုးအပ်/ပြွန် မျှဝေသုံးခြင်း
• ပိုးရှိတဲ့ သွေးကို သွင်းမိခြင်း
• ပိုးရှိသူမိခင်မှ ရင်သွေးကို ကူးစက်ခြင်း
• ပိုးရှိသူနဲ့ အကာကွယ်မဲ့ လိင်ဆက်ဆံခြင်း တို့ဖြစ်ပါတယ် ။
အသေးစိတ်ကို အောက်ပါ Link ကနေ ဝင်ရောက်လေ့လာနိုင်ပါတယ် https://www.facebook.com/photo/?fbid=1461064486050587&set=a.478883447602034&locale=en_GB