ဖိနပ်ဝယ်ရင် ကိုယ့်ခြေထောက်နဲ့ ကွက်တိဖြစ်မယ့် ဆိုဒ်ကို သေချာရွေးစီးကြတယ်ဟုတ်?
 
"ကွန်ဒုံး" ကလည်း ထိုနည်းလည်းကောင်းပါပဲ။
 
ဝယ်တဲ့အခါ အနံ့၊ တံဆိပ်နဲ့ ဈေးကိုပဲ ကြည့်ဝယ်ပြီး ဆိုဒ်မတော်တာတွေ သုံးမိရင် -
 
ကြီးလွန်းရင်: ဆက်ဆံနေတုန်း ခဏခဏ ကျွတ်ထွက်တတ်ပါတယ်။
 
သေးလွန်းရင်: တင်းကျပ်ပြီး နာကျင်ရုံတင်မကဘဲ ကွန်ဒုံးပေါက်ပြဲတတ်ပါတယ်။
 
ကွန်ဒုံးဘူးတွေမှာ ရေးထားတဲ့ 49 mm၊ 52 mm၊ 54 mm ဆိုတာ "လုံးပတ်တစ်ဝက်အကျယ် (Nominal Width)" ကို ပြောတာပါ။ အလျား (အရှည်) ကတော့ ဘယ်ဆိုဒ်မဆို အားလုံးအတွက် တော်အောင် ပြုလုပ်ထားပြီးသားမို့ စိတ်ပူစရာမလိုပါဘူး။
 
📏 တိုင်းတာနည်း (လက်မနဲ့ တိုင်းရအောင်)
 
အမျိုးသားအင်္ဂါ အပြည့်အဝ ထောင်မတ်နေချိန်မှာ ပေကြိုး သို့မဟုတ် ကြိုးတစ်ချောင်းကို သုံးပြီး လုံးပတ်အကြီးဆုံးနေရာ ကို ပတ်ကာ သေချာ တိုင်းတာပါ။
 
🟢လုံးပတ် ၄.၃ လက်မ အောက် - 49 mm ဝန်းကျင် (Snug Fit)
 

 
အသေးစိတ်ကိုအောက်ပါ Link ကနေ ဝင်ရောက်လေ့လာနိုင်ပါတယ် https://www.facebook.com/photo/?fbid=1428712289290532&set=a.548160150679088&locale=en_GB

ART ဆေးကို ဘာကြောင့် အချိန်မှန်သောက်ဖို့ လိုတာလဲ

ART ဆေးက HIV ပိုးကို ဆက်လက်မပွားနိုင်အောင် ထိန်းချုပ်ပေးတဲ့ ဆေးဖြစ်ပါတယ်။ ဒါကြောင့် ခန္ဓာကိုယ်ထဲမှာ ဆေးအာနိသင် တောက်လျှောက်ရှိနေဖို့ "အချိန်မှန်မှန် သောက်ရခြင်း" ဖြစ်ပါတယ်။

"အချိန်မှန်" သောက်မယ်ဆိုရင် -

• ပိုးကောင်ရေကို ထိန်းချုပ်နိုင်ခြင်း : အချိန်မှန်သောက်မှ သွေးထဲမှာ ဆေးအာနိသင်အပြည့်ရှိပြီး HIV ပိုးတွေ မပွားနိုင်မှာပါ။

• ဆေးယဉ်ပါးမှုကို တားဆီးနိုင်ခြင်း : ဆေးသောက်ချိန် ပုံမှန်မရှိရင် ပိုးက ဆေးကို ယဉ်ပါးသွားတတ်ပါတယ်။

• ကိုယ်ခံအား (CD4) ကောင်းလာနိုင်ခြင်း : ဆေးသောက်ချိန်မှန်မှ ကိုယ်ခံအားစနစ် ပြန်ကောင်းလာပြီး အခြားရောဂါတွေ မဝင်နိုင်မှာပါ။
အသေးစိတ်ကိုအောက်ပါ Link ကနေ ဝင်ရောက်လေ့လာနိုင်ပါတယ် https://www.facebook.com/photo?fbid=1406347644855605&set=a.478883444268701

အတွင်းခံမျှဝေဝတ်ဆင်ခြင်းက ဘာတွေဖြစ်နိုင်လဲ ?
သူငယ်ချင်းချင်းမို့၊ ခရီးသွားရင်း အရေးကြုံလို့ဆိုပြီး အတွင်းခံကို မျှဝေဝတ်မိနေလား? အဲ့ဒီလိုမျိုး လုပ်မိရင်တော့... ခန္ဓာကိုယ်ရဲ့ အနုနယ်ဆုံးနေရာမှာ အလည်လာမယ့် ပိုးမွှားတွေကို ဖိတ်ခေါ်လိုက်သလို ဖြစ်သွားပါလိမ့်မယ်နော်!
အတွင်းခံ လဲဝတ်မိရင် ဘာတွေ ဖြစ်နိုင်လဲဆိုတော့ -
• မှိုပိုးဝင်ခြင်း : ယားယံခြင်းနဲ့ အနီကွက်တွေ ဖြစ်စေနိုင်ပါတယ်။
• ဆီးလမ်းကြောင်းနဲ့ မိန်းမကိုယ် ပိုးဝင်ခြင်း : အနံ့ဆိုးထွက်ခြင်း၊ အဖြူဆင်းခြင်းနဲ့ ပူစပ်ပူလောင် ဖြစ်တတ်ပါတယ်။
• ကပ်ပါးကောင်များ : ဝဲရောဂါနဲ့ သန်းကောင်တို့ အလွယ်တကူ ကူးစက်နိုင်ပါတယ်။
သတိပြုရန် : အဝတ်အစားတော့ မျှဝေလို့ရပေမယ့် "အတွင်းခံ" ကိုတော့ လုံးဝမမျှဝေပါနဲ့ ။အရေးပေါ်အခြေအနေမို့ မဖြစ်မနေ ဝတ်ဆင်ရမယ်ဆိုရင်လည်း ရေနွေးပူပူဖြင့် ပြုတ်လျှော်ကာ နေပူထဲတွင် ကောင်းစွာ အခြောက်ခံပြီးမှသာ ဝတ်ဆင်ပေးပါ။
ကိုယ်တိုင်လည်း သတိထား၊ သူငယ်ချင်းတွေအတွက်လည်း Share ပြီး သတိပေးလိုက်ရအောင်!
အမျိုးသမီးကျန်းမာရေးနဲ့ပတ်သတ်ပြီး Messenger မှာ လုံခြုံစိတ်ချစွာ အခမဲ့လာရောက် တိုင်ပင်ဆွေးနွေးနိုင်ပါတယ် ။
#LanPyaKyel #PrettyGirlLanPyaKyel

အမျိုးသမီးကွန်ဒုံးကို အမျိုးသားတွေလည်း သုံးလို့ရပါတယ်။
အဖြေကို ကောမန့်မှာ ဖြေပေးကြအုန်းနော် သူငယ်ချင်းတို့
#Condom #FemaleCondom #Quiz #ကွန်ဒုံး #LanPyaKyel #PrettyGirlLanPyaKyel

ART ဆေးသောက်နေသူတွေ "မှက္ခရု" ဖြစ်ရင် ဘာလုပ်မလဲ? 👅

ART ဆေးသောက်ခါစ ကိုယ်ခံအား မပြည့်ဝသေးချိန် ဒါမှမဟုတ် ကိုယ်ခံအားပြန်ကျချိန်မှာ ခံတွင်းနဲ့ လျှာပေါ်မှာ မှက္ခရု (မှိုပိုး) ဖြစ်တတ်ပါတယ်။ ဒီလိုဖြစ်လာရင် အောက်ပါအချက်တွေကို အထူးဂရုစိုက်ပေးပါ။

၁။ ဆရာဝန်နဲ့ ချက်ချင်းပြပါ 🩺: မိမိသဘောနဲ့ မှိုသတ်ဆေး ဝယ်မသောက်ပါနဲ့။ လက်ရှိသောက်နေတဲ့ ART ဆေးအတွဲနဲ့ အဆင်ပြေစေဖို့ ဆရာဝန်နဲ့ ပြသဖို့ လိုအပ်ပါတယ်။

၂။ ART ဆေး လုံးဝမရပ်ပါနဲ့ 💊: ဆေးရပ်လိုက်ရင် HIV ပိုးတွေ ပိုပွားလာပြီး ကိုယ်ခံအား ပိုကျသွားနိုင်ပါတယ်။

၃။ ခံတွင်းသန့်ရှင်းရေး ဂရုစိုက်ပါ : အမွေးနုတဲ့ သွားပွတ်တံသုံးပါ။ ဆားရည်နွေးနွေးနဲ့ ပလုတ်ကျင်းပေးပါ။ (လျှာက အဖြူဖတ်တွေကို အတင်းခြစ်မထုတ်ရပါ)။
အသေးစိတ်ကိုအောက်ပါ Link ကနေ လေ့လနိုင်ပါတယ် https://www.facebook.com/share/p/1Dtm7eJneY/

HIV ကြိုတင်ကာကွယ်လို့ရတဲ့ ဆေးရှိပါတယ် 💊

PrEP အခမဲ့ရယူချင်တယ်ဆိုရင် အောက်ပါ Link ကနေ ဘိုကင်တင်ပြီး လာရောက်နိုင်ပါတယ် ။

🔗 ဘိုကင်ယူရန်: https://forms.cloud.microsoft/r/6RUyZZMnTs

📞 ဆက်သွယ်ရန်: 099 790 204 65 | 098 800 059 23 | 099 777 734 28

#PrEP #HIVPrevention #LanPyaKyel #PrettyGirlLanPyaKyel

HIV က အလွယ်တကူကူးစက်နိုင်လား ?

မဟုတ်ပါဘူး ။ HIV ပိုးက လေထဲကဖြစ်ဖြစ် ၊ သာမန်ထိတွေ့ရုံနဲ့ ဖြစ်ဖြစ် အလွယ်တကူ ကူးစက်နိုင်တဲ့ ပိုးမဟုတ်ပါဘူး ။

ဘယ်လိုအခြေအနေတွေမှာ ကူးစက်နိုင်လဲ 
 ပိုးရှိသူနဲ့ အကာကွယ်မဲ့လိင်ဆက်ဆံခြင်း
 ပိုးရှိသူရဲ့ သွေးကို သွင်းမိခြင်း
 ပိုးရှိသူနဲ့ ဆေးထိုးအပ်၊ဆေးထိုးပြွန် မျှဝေသုံးစွဲခြင်း
 ပိုးရှိသူမိခင်မှတစ်ဆင့် ရင်သွေးဆီသို့ ကူးစက်ခြင်း (ကိုယ်ဝန်ဆောင်စဉ်၊မွေးဖွားစဉ်နှင့် မိခင်နို့တိုက်ကျွေးစဉ်)

ဒါတွေကြောင့်တော့ မကူးစက်နိုင်ပါဘူး 
 လက်ဆွဲနှုတ်ဆက်ခြင်း၊ ဖက်လှဲတကင်း နေထိုင်ခြင်း
 အစားအစာ သို့မဟုတ် ပန်းကန်ခွက်ယောက် အတူသုံးခြင်း
 ခြင် (သို့မဟုတ်) ပိုးမွှားကိုက်ခံရခြင်း
 တံတွေး၊ ချွေး သို့မဟုတ် မျက်ရည် စသည်တို့နှင့် ထိတွေ့ခြင်း

အကယ်၍ ကူးစက်နိုင်ခြေရှိတဲ့ အပြုအမူမျိုး ရှိခဲ့ဖူးရင်တော့ အကောင်းဆုံးနည်းလမ်းက သွေးစစ်ဆေးကြည့်ခြင်းပဲ ဖြစ်ပါတယ်။

အသေးစိတ်ကို အောက်ပါ Link ကနေ ဝင်ရောက်လေ့လာနိုင်ပါတယ် https://www.facebook.com/photo/?fbid=1415165780640458&set=a.478883447602034

ရာသီဖွား အလိုက် HIV စစ်ဆေးဖို့ ဘာတွေစိတ်ပူတတ်လဲ ?
HIV စစ်ဆေးဖို့အတွက်ဆို လူတိုင်း စိုးရိမ်စိတ် အနည်းနဲ့အများရှိတတ်ကြပါတယ် ။ ဒါပေမယ့် စိတ်ပူတဲ့ အကြောင်းကတော့ တစ်ယောက်နဲ့တစ်ယောက်မတူတတ်ကြပါဘူး ။
ရာသီဖွားတွေ ကိုလိုက်ပြီးလဲ စိုးရိမ်မှုတွေ အခုလို ကွဲပြားတတ်ကြပါတယ် ။
Aries, Leo, Sagittarius : လွတ်လပ်မှုနဲ့ အလုပ်အကိုင်ထိခိုက်မှာကို စိုးရိမ်တတ်ကြတယ်။
Taurus, Virgo, Capricorn : ငွေကြေးနဲ့ အနာဂတ် မိသားစုရေးအတွက် ပူပန်တတ်ကြတယ်။
Gemini, Libra, Aquarius : ပတ်ဝန်းကျင်ရဲ့ အမြင်နဲ့ ဝေဖန်မှာကို အဓိက ကြောက်တတ်ကြတယ်။
Cancer, Scorpio, Pisces : ချစ်ရသူတွေ ထိခိုက်မှာနဲ့ အပယ်ခံရမှာကို စိတ်ပူတတ်ကြတယ်။
ကိုယ့်ရဲ့ ရာသီဖွားကော အခုပြောတဲ့အချက်တွေနဲ့ ကိုက်ညီမှု ရှိရဲ့လား? မန့်ခဲ့ကြပါဦး။
ဘိုကင်တင်ရန် Link : https://forms.cloud.microsoft/pages/responsepage.aspx
ဆက်သွယ်ရန် : 099 790 204 65 | 098 800 059 23 | 099 777 734 28
#HIV #HIVTesting #Free #Zodiacsign #ရာသီဖွား#အခမဲ့ #LanPyaKyel#PrettyGirlLanPyaKyel

HIV လက္ခဏာဆိုတိုင်း ယုံလို့ရလား?
အဖြေကတော့ လုံးဝ ယုံလို့မရပါဘူး။
လက္ခဏာတွေကိုကြည့်ပြီး HIV ရှိ/မရှိ ဆုံးဖြတ်လို့ မရနိုင်တဲ့ အကြောင်းရင်း (၃) ချက်ရှိပါတယ် -
တုပ်ကွေးနှင့်မှားတတ်ခြင်း : HIV အစောပိုင်း လက္ခဏာတွေဖြစ်တဲ့ ဖျားတာ၊ လည်ချောင်းနာတာ၊ အဖုအပိမ့်ထွက်တာတွေဟာ ရိုးရိုးတုပ်ကွေး၊ စိတ်ဖိစီးမှု သို့မဟုတ် ရာသီဥတုကြောင့်ဖြစ်တဲ့ ဖျားနာမှုတွေနဲ့ တစ်ထေရာတည်း တူနေတတ်ပါတယ်။
လက္ခဏာမပြခြင်း: HIV ပိုးရှိသူအချို့သည် နှစ်ပေါင်းများစွာ ဘာလက္ခဏာမှမပြဘဲ ကျန်းမာနေတတ်ပါတယ် ။
တစ်ဦးနှင့်တစ်ဦး ကွာခြားခြင်း: ခန္ဓာကိုယ်ခုခံအားပေါ်မူတည်၍ လက္ခဏာပြပုံချင်း မတူညီနိုင်ပါဘူး။
အမှန်ကန်ဆုံးနည်းလမ်းမှာ "သွေးစစ်ခြင်း" ဖြစ်ပါသည်။
Window Period ကိုသတိပြုပါ: ကူးစက်ခံရမယ့်အခြေအနေနဲ့ထိတွေ့ပြီးချင်းချင်း စစ်လျှင် အဖြေမပေါ်နိုင်ပါဘူး။ ထိတွေ့မှုရှိပြီး အနည်းဆုံး (၃) လပြည့်မှ စစ်ဆေးမှသာ တိကျသော အဖြေရပါမယ်။
PEP အရေးပေါ်ဆေး: အကာအကွယ်မဲ့ ထိတွေ့မိပြီး (၇၂) နာရီ မကျော်သေးပါက PEP ဆေးသောက်ရန် တတ်ကျွမ်းနားလည်တဲ့ ဆရာဝန်နဲ့ ချက်ချင်းတိုင်ပင်သင့်ပါတယ် ။
HIV အခမဲ့စစ်ဆေးရန် အောက်ပါ Link ကနေ ရက်ချိန်းယူနိုင်တယ် ။
ဘိုကင်တင်ရန် Link : https://forms.cloud.microsoft/page

ကွန်ဒုံးဆိုတာ အမျိုးသားပဲ သုံးရတာလား? 🤔

ကွန်ဒုံးလို့ ပြောရင် အမျိုးသားသုံးပဲ သိထားကြတာ များပါတယ်။ တကယ်တော့ အမျိုးသမီးတွေအတွက်လည်း "အမျိုးသမီးသုံး ကွန်ဒုံး (Female Condom)" ရှိပါတယ်နော်။

✨ အမျိုးသမီးသုံးကွန်ဒုံး အားသာချက်များ
• ကြိုတင်ပြင်ဆင်နိုင်ခြင်း : လိင်မဆက်ဆံမီ နာရီအနည်းငယ် ကြိုတင်ထည့်ထားနိုင်ပါတယ်။
• ဓာတ်မတည့်မှုမှကာကွယ်ခြင်း : ရာဘာမဟုတ်သဖြင့် ရာဘာနှင့် ဓာတ်မတည့်သူများ သုံးနိုင်ပါတယ်။
• စိတ်ချရမှု : ကိုယ်ဝန်နှင့် လိင်မှတစ်ဆင့် ကူးစက်ရောဂါများ (STIs) ကို ကာကွယ်ပေးသည်။


⚠️ အထူးသတိပြုရန်
အမျိုးသားကွန်ဒုံးနှင့် အမျိုးသမီးကွန်ဒုံးကို တစ်ပြိုင်နက်တည်း တွဲမသုံးရပါဘူး ။ အချင်းချင်း ပွတ်တိုက်ပြီး ပေါက်ပြဲသွားနိုင်သည်။ တစ်ကြိမ်လျှင် တစ်မျိုးသာ သုံးရပါမယ်။

အမျိုးသမီးတို့ ကိုယ့်ရဲ့ ကျန်းမာရေးနဲ့ စိတ်ချလုံခြုံမှုကို ကိုယ်တိုင် ရွေးချယ်ခွင့်ရှိတာမို့ အမျိုးသမီးသုံး ကွန်ဒုံးအကြောင်းကိုလည်း လေ့လာထားကြဖို့ တိုက်တွန်းချင်ပါတယ်ရှင်။❤️

အမျိုးသမီးသုံးကွန်ဒုံး ၊ အမျိုးသားသုံးကွန်ဒုံးတွေကို လမ်းပြကြယ်‌ဆေးခန်းမှာ အခမဲ့ ရယူနိုင်ပါတယ်

ဘိုကင်တင်ရန် Link : https://forms.cloud.microsoft/pages/responsepage.aspx

📄 HIV အဖြေစာရွက်ပေါ်က "HIV 1/2" ဆိုတာ ဘာလဲ❓
သွေးစစ်ပြီးလို့ အဖြေစာရွက် လက်ထဲရောက်လာတဲ့အခါ "HIV 1/2" ဆိုတာ ဘာလဲဆိုပြီး အဖြေရှာဖူးကြလား။ အဓိပ္ပာယ်ကတော့ မိမိလုပ်ခဲ့တဲ့ သွေးစစ်ဆေးမှုဟာ HIV-1 ရော HIV-2 ကိုပါ နှစ်မျိုးစလုံး အကျုံးဝင်အောင် စစ်ဆေးပေးခဲ့တယ်လို့ ပြတာ ဖြစ်ပါတယ်။
တကယ်တော့ HIV ဗိုင်းရပ်စ်မှာ အမျိုးအစား (၂) မျိုး ရှိလို့ပါ -
HIV-1 : ကမ္ဘာတစ်ဝှမ်း (ကျွန်မတို့နိုင်ငံ အပါအဝင်) မှာ အဓိက တွေ့ရတဲ့ ပိုးအမျိုးအစား။
HIV-2 : အနောက်အာဖရိက (West Africa) ဘက်မှာပဲ အတွေ့ရများတဲ့ ပိုးအမျိုးအစား။
ဒါကြောင့် အဖြေစာရွက်မှာ "HIV 1/2" လို့ ရေးထားတာဟာ "ဒီပိုး နှစ်မျိုးစလုံးကို ရှာဖွေစစ်ဆေးပေးထားပြီးပါပြီ" လို့ ဖော်ပြခြင်း ဖြစ်ပါတယ်။ အသေးူစိတ်ကို အောက်ပါ Link ကနေ ဝင်ရောက်လေ့လာနိုင်ပါတယ် https://www.facebook.com/photo/?fbid=1424737529683283&set=a.478883447602034

HIV စစ်ဆေးမှုနဲ့ ပတ်သတ်တဲ့အမှန်တရား

HIV အခမဲ့စစ်ဆေးရန် အောက်ပါ Link ကနေ ရက်ချိန်းယူနိုင်တယ် ။

 ဘိုကင်တင်ရန် Link : https://forms.cloud.microsoft/pages/responsepage.aspx

 ဆက်သွယ်ရန်: 099 790 204 65 | 098 800 059 23 | 099 777 734 28

#HIVTesting #Free #အခမဲ့ #LanPyaKyel #PrettyGirlLanPyaKyel

📌ကွန်ဒုံးသုံးတဲ့အခါ မှားတတ်တဲ့ အချက်(၅)ချက်

လိင်မှတစ်ဆင့်ကူးစက်နိုင်တဲ့ ရောဂါတွေကို ကာကွယ်ဖို့နဲ့ ကိုယ်ဝန်ကို ကာကွယ်ဖို့အတွက် ကွန်ဒုံးကိုအသုံးပြုပေမယ့် မလိုလားအပ်တဲ့ ပြသနာတွေကြုံရတတ်တာဘာကြောင့်လဲ ?

သူငယ်ချင်းတို့ရော ဒီအမှားတွေကို လုပ်မိနေသလား ဆိုတာ စစ်ဆေးကြည့်ရအောင် 👇

❌ ၁။ ပြီးခါနီးမှ စွပ်ခြင်း

ကွန်ဒုံးကို စပြီး ဆက်ဆံတဲ့အခါ အသုံးမပြုပဲ ပြီးဆုံးခါနီးမှာအသုံးပြုရင် စစခြင်းအရည်ကြည်ကတဆင့် သုတ်ပိုးနဲ့ ရောဂါပိုးတွေ ကူးစက်နိုင်ပါတယ်။
❌ ၂။ ချောဆီမဟုတ်ပဲ အခြားအရာများနဲ့တွဲသုံးခြင်း

ကွန်ဒုံးကို ချောဆီမဟုတ်ပဲ အုန်းဆီ၊ လိုးရှင်းစတာတွေနဲ့အသုံးပြုတဲ့အခါ ကွန်ဒုံးကို စက္ကန့်ပိုင်းအတွင်း ပေါက်ပြဲစေနိုင်ပါတယ်။
❌ ၃။ ကွန်ဒုံး ၂ ထပ် ပြိုင်တူစွပ်ခြင်း

ပိုစိတ်ချရမယ်ထင်တတ်ကြပေမယ့် အမှန်တော့ ကွန်ဒုံးနှစ်ခုပွတ်တိုက်မှုကြောင့် ပိုပေါက်လွယ်ပါတယ်။
❌ ၄။ ဆိုဒ်မမှန်တာ သုံးခြင်း

အသေးစိတ်ကိုအောက်ပါ link ကနေ ဝင်ရောက်လေ့လာနိုင်ပါတယ်
https://www.facebook.com/share/p/1DrdoCAL1y/

ART သောက်နေသူအချင်းချင်း အကာကွယ်မဲ့ ဆက်ဆံလို့ရလား❓

ဆေးသောက်နေတာပဲ၊ ပိုးကောင်ရေလည်း မရှိတော့ဘူး …. ကွန်ဒုံးသုံးဖို့ မလိုတော့ဘူးလို့ ထင်တတ်ကြပါတယ်။ အမှန်တော့ နှစ်ယောက်လုံး ART သောက်နေပေမယ့် ကွန်ဒုံးကို ဆက်သုံးသင့်တဲ့အချက် သုံးချက်ရှိပါတယ် ။

၁ ။ မျိုးမတူပိုးတွေ ထပ်ကူးစက်နိုင်ခြင်း

HIV ပိုးအမျိုးအစားတွေမတူရင် တစ်ယောက်နဲ့တစ်ယောက် အပြန်အလှန်ထပ်ကူးစက်နိုင်ပြီး ပိုးကောင်ရေကို မြင့်တက်စေနိုင်ပါတယ် ။

၂ ။ ဆေးယဉ်ပါးပိုး ကူးစက်နိုင်ခြင်း

မိမိရဲ့ ပါတနာက ဆေးသောက်ရက် မမှန်လို့ ဆေးယဉ်ပါးပိုး ရှိနေမယ်ဆိုရင် အကာကွယ်မဲ့ဆက်ဆံတဲ့အခါ မိမိကိုယ်ပါ ဆေးယဉ်ပါးပိုး ကူးစက်နိုင်ပြီး ကုသဖို့ခက်ခဲသွားနိုင်ပါတယ် ။

၃ ။ အခြား လိင်မှတစ်ဆင့်ကူးစက်နိုင်သော ရောဂါများ ကူးစက်နိုင်ခြင်း

ART ဆေးက အခြားလိင်မှတစ်ဆင့် ကူးစက်နိုင်တဲ့ (ဆစ်ဖလစ် ၊ ဂနို ၊ ရေယုန်) စတဲ့ ရောဂါတွေကို မကာကွယ်နိုင်တဲ့အတွက် ကွန်ဒုံးကို အသုံးပြုဖို့လိုအပ်ပါတယ် ။

HIV နဲ့ အခြားလိင်မှတစ်ဆင့် ကူးစက်နိုင်တဲ့ရောဂါတွေနဲ့ ပတ်သတ်ပြီး လုံခြုံစိတ်ချစွာ တိုင်ပင်ဆွေးနွေးချင်တယ်ဆိုရင် Messenger မှာ အခမဲ့လာရောက် တိုင်ပင်ဆွေးနွေးနိုင်ပါတယ် ။

🛑 ကာလသားရောဂါ (ဆစ်ဖလစ်) ကို ဘယ်လိုကာကွယ်မလဲ?

ကာလသားရောဂါဟာ အကာအကွယ်မဲ့ လိင်ဆက်ဆံရာကနေ အဓိက ကူးစက်နိုင်သလို၊ ရောဂါကြောင့်ဖြစ်တဲ့ အနာတွေကို တိုက်ရိုက် ထိတွေ့မိရင်လည်း ကူးစက်နိုင်ပါတယ်။ အချို့သူတွေမှာ ရောဂါလက္ခဏာ ပြတတ်သော်လည်း၊ အချို့မှာမူ မပြတတ်ပါ။

သတိပြုရန် - ရောဂါလက္ခဏာ မပြသော်လည်း အခြားသူထံသို့ ကူးစက်နိုင်စွမ်း ရှိပါသည်။

မိမိကိုယ်မိမိနှင့် မိမိချစ်ရသူများကို ကာလသားရောဂါမှ ကြိုတင်ကာကွယ်နိုင်ရန် အောက်ပါအချက်များကို လိုက်နာဆောင်ရွက်ပါ။ အသေးစိတ်ကို အောက်ပါ လင့်ကနေ လေ့လာနိုင်ပါတယ် https://www.facebook.com/photo/?fbid=1432814365542266&set=a.478883447602034

လူငယ်နှင့် STIs အကြောင်း

🔗 ဘိုကင်တင်ရန်: https://forms.cloud.microsoft/pages/responsepage.aspx

📞 ဆက်သွယ်ရန်:

099 790 204 65

098 800 059 23

099 777 734 28

#STIs #LanPyaKyel #PrettyGirlLanPyaKyel

သူငယ်ချင်းတစ်ယောက်က သူ့မှာ HIV ပိုးရှိနေတဲ့အကြောင်း စပြောပြလာတဲ့အခါ အသင့်တော်ဆုံးတုံ့ပြန်မှုက ဘာဖြစ်သင့်သလဲ

မိမိရဲ့ တုံ့ပြန်မှုတစ်ခုဟာ သူ့ဘဝအတွက် ခွန်အားဖြစ်စေနိုင်သလို၊ ပိုပြီးတော့လည်း အားငယ်သွားစေနိုင်တယ်ဆိုတာသတိထားရပါမယ်။

Booking Link

https://forms.cloud.microsoft/r/6RUyZZMnTs

ကျန်းမာရေးအကြောင်းအရာများ ဆွေးနွေးရန် - 09-979020465 ၊ 09-880005923 ၊ 09-880005924 ၊ 09-977773428

#quiz #HIVAwareness #EndHIVStigmaလမ်းပြကြယ် #Lanpyakyel#PrettyGirlLanPyaKyel

ART ဆေးယဉ်ပါးခြင်း

ART ဆေးကို နေ့တိုင်း အချိန်မှန်သောက်နေတဲ့အခါ သွေးတွင်းမှာ ဆေးပမာဏ အပြည့်ရှိနေလို့ HIV ပိုးတွေကို အောင်မြင်စွာ ထိန်းချုပ်ထားနိုင်ပါတယ်။

ဒါပေမဲ့...
ဆေးသောက်ဖို့ ခဏခဏ မေ့တာ
ရက်ချိန်းအတိုင်း ဆေးမယူဘဲ ဆေးပြတ်သွားတာ

စတာတွေ ဖြစ်လာတဲ့အခါ သွေးတွင်းက ဆေးအရှိန်ဟာ တဖြည်းဖြည်း ကျဆင်းသွားပါတယ်။ ဒီလို ဆေးအရှိန်လျော့သွားတဲ့ အခွင့်အရေးကို ယူပြီး HIV ပိုးက လက်ရှိဆေးဒဏ်ကို ခံနိုင်ရည်ရှိအောင် သူ့ရဲ့ဗီဇပုံစံကို ပြောင်းလဲ (Mutation) ပစ်လိုက်ပါတယ်။ ဒါကိုပဲ “ART ဆေးယဉ်ပါးခြင်း” လို့ ခေါ်တာ ဖြစ်ပါတယ်။

 ဆေးပုံမှန်မသောက်ဘဲ ဆေးယဉ်ပါးသွားရင် ဖြစ်လာနိုင်မည့် နောက်ဆက်တွဲဆိုးကျိုးတွေကို ပုံတွင်လေ့လာနိုင်ပါတယ်။

ကျန်းမာရေးဗဟုသုတတွေ ရရှိဖို့ သူငယ်ချင်းတွေကို အခုပဲမျှဝေလိုက်တော့နော်….

Booking Link

https://forms.cloud.microsoft/r/6RUyZZMnTs

ကျန်းမာရေးအကြောင်းအရာများ ဆွေးနွေးရန် - 09-979020465 ၊ 09-880005923 ၊ 09-880005924 ၊ 09-977773428

#HIV #ART #ဆေးယဉ်ပါး #လမ်းပြကြယ် #Lanpyakyel#PrettyGirlLanPyaKyel

💗 HIV အယူအဆအမှားများ အမျိုးသမီးတို့သတိပြုဖို့

“သူက သန့်သန့်ပြန့်ပြန့်လေးပဲ ၊ စိတ်ချရပါတယ်” ဆိုပြီး အပြင်ပန်းသွင်ပြင်ကိုကြည့်ပြီး စိတ်ချမိနေလား? HIV က အပြင်ပန်းကို ကြည့်ရုံနဲ့ မသိနိုင်ပါဘူး ဒါကြောင့် အမြဲသတိရှိဖို့လိုအပ်ပါတယ် ။

HIV နဲ့ပတ်သတ်ပြီး ပျိုမေတို့ သတိမထားမိဘဲ မှားယွင်းစွာ ထင်မှတ်တတ်ကြတဲ့ အချက် (၃) ချက်ကို မျှဝေးပေးလိုက်ပါတယ် ။

❌ တစ်ကြိမ်တည်း ဆက်ဆံရုံနဲ့ HIV မကူးစက်နိုင်ဘူး ထင်ခြင်း

အကာကွယ်မဲ့ ဆက်ဆံမယ်ဆိုရင် တစ်ကြိမ်တစ်ခါတည်းနဲ့လည်း HIV ကူးစက်နိုင်ပါတယ် ။ ခန္ဓာကိုယ်တည်ဆောက်ပုံအရ အမျိုးသမီးတွေမှာ ကူးစက်နိုင်ရခြေပိုများနိုင်ပါတယ် ။ အသေးစိတ်ကို အောက်ပါ Link ကနေ ဝင်ရောက်လေ့လာနိုင်ပါတယ် https://www.facebook.com/photo/?fbid=1437730951717274&set=a.478883447602034

ဆစ်ဖလစ် ကူးစက်ခံရရင် အတူတူ စစ်ဆေး၊ကုသဖို့လိုပါတယ်

ဆစ်ဖလစ်ရောဂါ ကူးစက်ခံရတဲ့အခါ ကိုယ်တစ်ယောက်တည်း ကုသရုံနဲ့ မလုံလောက်ပါဘူး။ ပြန်လည်ကူးစက်မှုကို ကာကွယ်ပြီး ကုသမှုအောင်မြင်စေဖို့ ကိုယ့်ရဲ့ ပါတနာကိုလည်း တစ်ပြိုင်တည်း စစ်ဆေးကုသဖို့ အရေးကြီးပါတယ်။

ဘာကြောင့် အရေးကြီးတာလဲ?

🔄 ပြန်လည်ကူးစက်နိုင်လို့
တစ်ယောက်တည်းသာ ကုသမှုခံယူထားပြီး လက်တွဲဖော်မှာ ပိုးရှိနေသေးရင် ပြန်လည်ကူးစက်နိုင်ပါတယ်။

🕵️ လက္ခဏာမပြဘဲ ပိုးရှိနေနိုင်လို့
ဆစ်ဖလစ်ဟာ လက္ခဏာမပြဘဲ ရှိနေနိုင်ပါတယ်။ မသိလိုက်ဘဲ အခြားသူတွေကို ဆက်လက်ကူးစက်စေနိုင်တာကြောင့် နှစ်ယောက်လုံး စစ်ဆေးကုသဖို့ လိုပါတယ်။

⚠️ နောက်ဆက်တွဲဆိုးကျိုးတွေ ဖြစ်နိုင်လို့
မကုသဘဲထားမယ်ဆိုရင် ရောဂါက ပိုမိုဆိုးရွားလာပြီး နှလုံး၊ ဦးနှောက်နဲ့ အာရုံကြောစနစ်ကို ထိခိုက်စေနိုင်သလို အသက်အန္တရာယ်အထိ ဖြစ်စေနိုင်ပါတယ်။

အသေးစိတ်ကို အောက်ပါ Link ကနေ ဝင်ရောက်လေ့လာနိုင်ပါတယ်
https://www.facebook.com/share/p/1H6XF2BaKj/

🩺 HIV နှင့် STIs ကာကွယ်ဖို့ သိထားသင့်သည့် အချက် (၅) ချက်

HIV နဲ့ STIs ရောဂါတွေက အဓိကအားဖြင့် လိင်ဆက်ဆံရာမှတစ်ဆင့် ကူးစက်နိုင်ပါတယ်။

HIV နဲ့ STIs ရောဂါတွေကို ကာကွယ်ဖို့အတွက် ဆိုရင်အောက်ပါ အချက်တွေကို သိထားဖို့လိုအပ်ပါတယ် ။

1️⃣ ကွန်ဒုံးကို အမြဲမှန်ကန်စွာ အသုံးပြုပါ
HIV နှင့် လိင်မှတစ်ဆင့် ကူးစက်နိုင်သော ရောဂါများ (STIs) ကို ကာကွယ်နိုင်ဖို့ ကွန်ဒုံးကို လိင်ဆက်ဆံတိုင်း စနစ်တကျ အသုံးပြုပါ။

2️⃣ HIV နှင့် STI စစ်ဆေးမှုကို ပုံမှန်ပြုလုပ်ပါ
တချို့ရောဂါတွေက လက္ခဏာမပြဘဲ ရှိနေနိုင်ပါတယ်။ ပုံမှန်စစ်ဆေးခြင်းက စောစောသိပြီး စောစောကုသနိုင်ဖို့ အထောက်အကူဖြစ်စေပါတယ်။

3️⃣ ပုံမှန်မဟုတ်တဲ့ လက္ခဏာတွေကို မပေါ့ဆပါနဲ့
အနံ့ဆိုးသော အရည်ဆင်းခြင်း၊ ယားယံခြင်း၊ ဆီးသွားနာခြင်း၊ အနာပေါက်ခြင်း စတဲ့လက္ခဏာတွေရှိရင် တတ်ကျွမ်းနားလည်တဲ့ ဆရာဝန်နဲ့ အမြန်ဆုံး တိုင်ပင်ပါ။
အသေးစိတ်ကို အောက်ပါ Link ကနေ ဝင်ရောက်လေ့လာနိုင်ပါတယ် https://www.facebook.com/share/p/1VEvJJk6FB/