•●🏴 عاد محرم 🏴●•


● قصيدة في دخول محرم الحرام عن لسان السيدة فاطمة الزهراء عليها السلام ..

● الوزن : { بحر طويل } يقرأ بعدة أطوار مختلفة في الملاحظة بنهاية القصيدة
.


ييمه عاد الإمحرم .. وأنا بقبري لبست اسواد
وعليه جدد امصابي .. الضلع والباب علي انعاد

آيا يمه .. آيا يمه .. يبني آيحسين
آيا يمه .. آيا يمه .. يبني آيحسين

〰〰〰〰

شهر عاشور كسر ظهري .. ييمه بطلعة اهلاله
ودفني بتربة الأحزان .. وفجعني ابفعله وأهواله
ومتت مو مره يا يمه .. بعدد رمياته و انباله
ييمه وما بطل نوحي .. وإلك ما ينتهي لحداد
〰〰〰〰
وسط قبري أون ونه .. ويقابلني ترى جدك
ولو تسمع ييمه ابچاي .. وحق ارضيعك ايضهدك
أنا من أول العشره .. ييمه ابكربله عندك
إلزمت ضلعي بقلب مفجوع .. ييمه واقطعت لبلاد
〰〰〰〰
يساعدني علي بنوحي .. ييمه ونقصد المآتم
ندور عالذي مفجوع .. عليك وعالذي يلطم
وعلى اللي امسود اثيابه .. ودليله منجسم بالهم
وعلى اللي مانسى امصابك ... وحزنه كل مسيه زاد
〰〰〰〰
وبعد يمه أدورها .. التجي و اتساعد الحره
التجي اتواسي قلب زينب .. ييمه وتجبر لكسره
و وياها لأبو فاضل .. تساعد و الون اتجره
يم المشرعه نايم .. يويلي وللخيم ما عاد
〰〰〰〰
تمت بحمد الله تعالی
فاطمہ كريم
نسألكم الدعاء لتعجيل الفرج
.

ملاحظة :
يقرأ كنعي بطور : لفى عاشور
وطور : آنه اللي شفت نارين
وكلطمية بطور : {آنه أم الحسن وحسين} لا تدفع علي بابي
وطور : أخبرك يارسول الله
وطور : طبع النسر
وطور : يارايح تزور حسين
وطور : ماجاني خبر يابوي
وطور : أقبل جاسم لعباس
وكذلك أطوار النزلة والشوط الكربلائي
والعديد من الأطوار الأخری
.

📲 تابعونا عبر قنوات ليالي الأنين الحسينية

القصائد واللطميات
https://t.me/laeileealaneen
المحاضرات والنواعي
https://t.me/laeileialanin2

🏴 في هلال محرم 🏴

نعي طور : الجفيري

شو طافيه انوارك
جن تحجي اسرارك
جمره اشعلت نارك
يهلال بفادي


تسولفلي بمصايب
منها القلب ذايب
عني القمر غايب
وكل عزي وسنادي

قرآني جن منحور
ومطفيه جن لبدور
نار اشعلت بخدور
والعز رحل غادي


تسولف تدوسه الخيل
قرآني اه يا ويل
وبيك اعتلى هالليل
والجمر وقادي


تصرخ علي واتصيح
ودمعك جمر ويطيح
واسوالفك تجريح
يا لوعة افادي
___
تمت بحمد الله تعالى
بقلم : بنت الشمري

🏴 نواعي في هلال محرم 🏴
#جديـــــــــــد
.
.
● أبوذيات ●

علي يوم الحزن اگبل وشهره
وهلالك سنن اسيوفه وشهره
اشوف احزان مخفيه وشهره
واظن ابلا سلامه اتهل عليه


يَشهر اهلال حزنك لا تهله
ودم الدمع ينزف لا تهله
فلا مرحب اصيح ولا تهله
اجاني بوجهه احزان ومنيه


حزني ابطلعتك يهلال يرواه
وسبب جرحي احير منين يرواه
دليلي اخلاف اخوتي منهو يرواه
يرويه ويسكن روع بيه


● نعي مجرد ●

اكبل عليه الشهر يحسين
اهلاله نظرته وهلت العين
مكتوب افارككم ياغاليين
شفت بضواه الحزن والبين

جنها يخويه انوار إلوداع
وعزي نساني وياكم وضاع
ليالينا السعيده راحن بساع

خويه نظرته ودمعي اجريت
من خوفي عليكم والله ونييت
جني سبيه ووحدي ظليت

خويه نظرته انخطف لوني
قلبي لزمته وهلت اعيوني
وسياط جنها انضربت امتوني

لا اهلا هلا ولا مرحبا ناديت
تضويلي ابحزن جن خالي البيت
اسمله اعلى اخوتي ولاتجي ياريت


● نعي فائزي ●

هل شهر العزا والنوح آ يايمه ناديت
اسم الله اعله اخوتي والف اسم يهلال ونييت

يا يمه هل هذا الشهر واقليبي ذايب
يا زهره و اشتم بالألم ريحة مصايب
نوره نظرته وناظري رد يمه شايب
شايلي يهلال الكدر وابحزني حسيت


حسيت شايلي ألم تنذرني باحزان
وابعيني شفت امصيبتي تحجيها الالوان
سوده امتوني امن الضرب وامشي بلا وليان
واخيامي نار وتستعر وبوحدي ظليت

طافي ضواك ولا فرح بس جرة اونين
ميت اظن بيك القمر عباس إلحنين
مظلم اجيت وبالخبر تنعالي إلحسين
يهلال لا تطلع علي لفادي فتيت
___
تمت بحمد الله تعالى
بقلم : بنت الشمري
.
📲 تابعونا عبر قنوات ليالي الأنين الحسينية

القصائد واللطميات
https://t.me/laeileealaneen
المحاضرات والنواعي
https://t.me/laeileialanin2

● مجاريد لسان حال الزهراء عليها السلام :

آنه فاطمة اللچموا ضلعها
وبولادها طفّوا شمعها
وطول الدهر ما جف دمعها

عاشور جاني وعم عليه
وجدد مُصاب الغاضريه
أويلاه يا هاي الرزيه

عاشور جاني وصكني عالعين
بمصاب أبو فاضل وإلاحسين
وامصيبة الظلوا مطاعين
وين الذي يا شيعتي إيعين
قلبي ابدُموعه ونار الإونين
ويلطم على راسه وإلاجبين
وايهل الدمع من دم على حسين
________
بقلم / فاطمة كريم
#ليالي_الأنين

🏴 نواعي زهرائية عاشورائية 🏴

#جديـــــــــــد
.
.
● طور : الفراق {مالي غيرك}

منحنيه .. حِضْرت لمجلس ابنها
منحنيه .. يكسر الدلال ونها
منحنيه .. اتدوِّر اللي ايساعدنها

وابدمعها .. تِغرِّق الدنيا ابدمعها
وابدمعها .. لذبحته تِلطم ضلعها
وابدمعها .. ويا هَنِيَّاله السِمَعْها

● مجاريد :

يا زهره هاي ادموع الاعيون
وننطي العمر يالطاهره كُون
بس اعلينه يم حسين ترضون

بس انواسي يا زهره قلبكم
ونمشي يَمظلومه بدربكم
وطبرة علي والله نِحبكم

يا زهره خلينه معاكم
نبچي يمظلومه اببچاكم
والروح ننذرها فِداكم

خلينه ليكم دوم ننحب
واعله خِدامتكم مَنتعب
بس انواسي يا مولاتي زينب
____
تمت بحمد الله تعالى
بقلم : فاطمة كريم
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي

🏴 نواعي ٢ في دخول محرم 🏴


● حديث :
قيل للإمام الصادق (عليه السلام) : سيدي جعلت فداك إن الميت يجلسون له بالنياحة بعد موته او قتله واراكم تجلسون انتم وشيعتكم من اوّل الشهر بالمأتم والعزاء على الحسين (عليه السلام) فقال (عليه السلام) : يا هذا اذا هلّ هلال المحرّم نشرت الملائكة ثوب الحسين (عليه السلام) وهو مخرّق من ضرب السيوف وملطّخ بالدماء فنراه نحن وشيعتنا بالبصيرة لا بالبصر فنتفجر دموعاً . 
وغاب بعض اصحاب الصادق (عليه السلام) عنه ليلة من الليالي فسأله عن غيابه وكان ذلك الرجل منصرفاً الى تعزية الحسين (عليه السلام) عند بعض اصحابه فقال (عليه السلام) : اين كنت البارحة قال : في شغل بدا لي ولم يذكر له مأتم الحسين (عليه السلام) اشفاقاً عليه . 
قال (عليه السلام) : كنت في مجلس الحسين (عليه السلام) فخشى الرجل ان يقول لا قال : نعم ، قال (عليه السلام) : هل عثرت بشيء في الباب عندما اردت الخروج ، قال : نعم عثرت بثوب ، قال (عليه السلام) : ذلك الثوب ثوبي وربّ الكعبة ، فبهت الرجل وقال : سيدي كيف تجلس في الباب وانت ابن رسول الله (صلى الله عليه وآله وسلم) وأشرف من على البسيطة ولم لا تتصدّر المجلس ، فان لكم صدور المجالس ، قال (عليه السلام) : كيف اتصدّر فيمجلس وجدي رسول الله وابي أمير المؤمنين وأمي فاطمة في صدر المجلس . 
ثم بكى الإمام (عليه السلام) وبكى من كان حاضراً وقال (عليه السلام) : رحم الله تلك المجالس التي يحيى فيها امرنا ،اما اني لأحبّها . 
نعم يحبّون المجالس ويجلسون بها ولو كشف لكم لرأيتموهم لابسين ثياب الحزن والأسى خصوصاً مولاتنا فاطمة (عليها السلام) ، ولسان الحال :

أنوحن ليك وأنه ابوسط الاگبور
وكل ليله يَيمه عندي عاشور
اويلاه يبني المات منحور

اويلاه يبني المات عطشان
وكل دهري گلبي اعليه لهفان
آنه الزچيه وأم الأحزان

ابگلبي اشكثر تارك اذيه
لجله أون صبح ومسيه
واعليه دمعاتي جريه

واعليه دمعي ادموم يجري
من كثر البچي غرگان گبري
كل يوم احس ينلچم كسري

اضلوعي مع اضلوعه اكسروها
وبالاعوجيه رضرضوها
وجروحي كلها هيضوها
مو بسمار برماح احفروها

يبني عليك الليل انحب
محتار گلبي وبيك شيّب
ما بينك وما بين زينب

محتاره منهو البيكم انعاه
ويا جرح بيكم يبني انساه
وكل جرح شايل ميت ألف آه

● طور : إنتي أمي
منهو اليِلبس سواده .. وقلبي والله ايساعِده
يِجبر اضلوعي على ابني .. آنه آنه الفاقِده

آنه آنه أم الحُسين .. قلبي مجروح وحزين
〰️〰️〰️〰️
هلت أيام المصايب .. وهلت أيام الحزن
وينه ليساعدلي قلبي .. ويجري ادموع الجفن
وينحب اعله الغالي ابني .. المات ماحصِّل كفن
الفوق صدره آياويلي .. خيل أميه صاعِده

آنه آنه أم الحُسين .. قلبي مجروح وحزين
〰️〰️〰️〰️
قاعِده اباب المجالس .. اليِنحب أسمع ونته
اليبچي أتلقاها والله .. بيدي آنه دمعته
واليِنادي حسين تجبر .. قلبي والله صرخته
منكم اليِحضر أسجله .. وعيني والله اتشاهِدَه
〰️〰️〰️〰️
● طور الفراق ( مالي غيرك )
للمجالس .. امن اول أيام العزيه
للمجالس .. جيت وادموعي جريه
للمجالس .. فاطمه آنه الزچیه

للمجالس .. ابضلعي المكسور احضر
للمجالس .. أنظر القلبه تِوجر
للمجالس .. يبچي اعله ابني التوذر

للمجالس .. أقعد اعله الباب وأنحب
للمجالس .. القاري لو نادى يَزينب
للمجالس .. دمعي من ادموم ينصب

● طور : لفى عاشور + التغريد
ييمه عاد المحرم .. وانا بقبري لبست اسواد
وعليه جدد امصابي .. الضلع والباب علي انعاد
٢ آيا يمه .. آيا يمه .. يبني آيحسين
〰〰〰〰
شهر عاشور كسر ظهري .. ييمه بطلعة اهلاله
ودفني بتربة الأحزان .. وفجعني ابفعله وأهواله
ومتت مو مره يا يمه .. بعدد رمياته و انباله
ييمه وما بطل نوحي .. وإلك ما ينتهي لحداد
〰〰〰〰
وسط قبري أون ونه .. ويقابلني ترى جدك
ولو تسمع ييمه ابچاي .. وحق ارضيعك ايضهدك
أنا من أول العشره .. ييمه ابكربله عندك
إلزمت ضلعي بقلب مفجوع .. ييمه واقطعت لبلاد
〰〰〰〰
يساعدني علي بنوحي .. ييمه ونقصد المآتم
ندور عالذي مفجوع .. عليك وعالذي يلطم
وعلى اللي امسود اثيابه .. ودليله منجسم بالهم
وعلى اللي مانسى امصابك ... وحزنه كل مسيه زاد
〰〰〰〰
وبعد يمه أدورها  .. التجي و اتساعد الحره
التجي اتواسي قلب زينب .. ييمه وتجبر لكسره
و وياها لأبو فاضل  .. تساعد و الون اتجره
يم المشرعه نايم .. يويلي وللخيم ما عاد
__
تمت بحمد الله تعالى
بقلم : فاطمة كريم
نسألكم الدعاء لتعجيل الفرج
يــــــــــا أبا عبـــــــــــــــدالله
الفاتحة مع الصلوات إلى روح والدي

🏴 حديث في أصل الدمعة 🏴

#جديـــــــــــد

▪︎ إن ما عليه الشيعة من إكثار البكاء والجزع والنحيب على هؤلاء الأطائب من العترة النبوية ، إنما هو من تأثيرات إكثار أهل الكساء (عليهم السلام) ، - ولاسیما فاطمة الزهراء (عليها السلام) - البكاء والنحيب عليهم في كلتا النشأنين - أي الدنيوية والبرزخية - وهكذا من تأثيرات كثرة بكاء حرم رسول الله صلى الله عليه وآله ( وحرم سيد الشهداء ) عليه السلام يوم الطف عليهم .

● مجاريد :

يا شيعه هالدمعه الجريه
من فاطمه الزهره هديه
لمحنة غريب الغاضريه

هاذي مدامعكم على حسين
توفيق من أم الميامين
لَتْضَيِعوها يا محبين

من فاطمه هالنظره ليكم
وهالنعمه لَتْضيع امن اديكم
نعمة لطمكم وَي بَچیکم

هالدمعه يا هالناس نعمه
وابدون الدمع هالعين تعمه
فدوه الروح والله لبو اليمه

فوق الچتل مذبوح عطشان
ولا صار إله يا ناس دَفَّان
فوق الرمل والراس بِسْنان

فوق الرمل والراس مرفوع
واعليه صار النوح ممنوع
واخته تنضرب لو هَلَّت ادموع

📚 مصدر الحديث : اكسير الشهادات للدربندي ج٢
_
تمت بحمد الله تعالى
بقلم : فاطمة كريم
نسألكم الدعاء لتعجيل الفرج وشفاء مرضانا
يــــــــــا أبا عبـــــــــــــــدالله
الفاتحة مع الصلوات إلى روح والدي

#الإمام_الحسين عليه السلام :
#گوريز


▪︎ وقد بيّن جملة مما فعلوه حجة العصر ابنه الإمام القائم – عجل الله تعالى فرجه وجعلنا من انصاره – بقوله (عليه السلام) : ( حتى نكسـوك عن جـوادك ... فهويت الى الارض جريحا تطؤك الخـيـول بحوافرها ، وتعلوك الطغاة ببواترها قد رشح للمـوت جبينك ، واختلف بالانقباض والانبساط شمالك ويمينك ، تدير طرفا خفيا إلى رحلك وأهل بيتك وقد شغلت بنفسك عن ولدك وأهاليك وأسرع فرسك شاردا إلى خيامك قاصدا ، محمحماً باكيا ، فلما رأين النساء جوادك مخزيا ، ونظرن سرجك عليه ملويا برزن من الخدور ، ناشرات الشعور على الخدود لاطمات والوجوه سـافـرات بالعـويـل داعـيـات ، وبعـد العـز مذللات والى مصرعك مبادرات والشمر جالس على صدرك ، وواضع سيفه على نحرك قابض شيبتك بيده ، ذابح لك بمهنده وقد سكنت حواسك وخفيت أنفاسك ) آه آه آه ... وا لهفا ، وا حرقة قلباه ، فإن كلام الإمام وحجة العصر وخليفة الرحمن قد أفاد أن الكفار قد سحقوا بحوافر الخيول جسد سيد شبان الجنان قبل الشهادة ، كما فعلوا ذلك على الأثر المشهور بعد الشهادة ، وإن البادرين الى قتله قد علوا مثل الشمر اللعين - على صدره وإن كان القاتل هو الشمر اللعين ، وان الطاهرات الكريمات قد شهدن القتل قبل الشهادة ..
__

📚 اكسير العبادات في أسرار الشهادات للعلامة الدربندي الجزء ١ ص ٥٤٠


مجاريد

گبل الچتل يا ويلي سحگوه
صدر او ظهر بالخيل كسروه
الله أُكبر ما يرحموه
وابن المصطفى كلهم يعرفوه
وگلب ابواليمه ويلي مردوه
عطشان ما يشرب يخلوه
وگبل الموت لو قطره مَيسگوه
وبالسيف حين الراس حزوه
واعله الرمح يا ويلي رفعوه
بعد الچتل ردّوا او داسوه
___
#فاطمة_كريم

▪︎ وكأني بمولانا صاحب الزمان سلام الله عليه حاضراً في صحن الحسين عليه السلام في الليلة الأولى من محرم ينظر إلى راية جده الحسين عليه السلام وقد تبدلت بالسواد ..

مجاريد :

بصحن الحُسين المهدي موجود
ويعاين للروايا اتبدلن سود
وگلبه اعله جده اشلون ممرود
ما نازع سواده وحيله مهدود

يم شباكه ناصبله عزيه
وادموعه دم والله جريه
ويمه إجت تبچي الزچیه
وايسنِّدها حماي الحميه

بصحنه اجو هالليله كلهم
وابحِزن الغريب إلتم شملهم
ابلا چفین ابو فاضل وصلهم
وناحوا على المن دم غسلهم

ناحوا بهالليله العجيبه
للجثته الظلت سليبه
واتذكروا جرح الغريبه
من نادت " علي من وين أجيبه " !
___
#فاطمة_كريم

🏴 نواعي فاجعة خروج الإمام الحسين عليه السلام 🏴

#ليالي_الأنين