*فزاعيه لاستشهاد القاسم ع*



طفوا شمع جاسم يامحزونه

طفوه من دمه
صاح ونظر عمه
ويلي شكبر همه
طاح ووقع جسام رمله بكونه



طايح على التربان
واقليبه هم خلصان
ميت ضما عطشان
وين الهواشم وين ميشربونه



من دمه حناته
واتصيح عماته
ورد العمر فاته
وغمض وسف جسام جفن اعيونه



صيحي بعد بالصوت
عرس الهواشم موت
زفوه بالتابوت
بهدوم عرسه ويلي ويدفنونه



ماكو عرس واشموع
طفي الشمع بدموع
قلب الفرح موجوع
بنوح ولطم جسام وايزفونه



تمت بحمد الله تعالی
بقلم : بنت الشمري
_الكويت _
.
.

تابعونا على التلغرام عبر الإشتراك في قناة :

•● ليالي الأنين ●•

ليصلكم كل جديد

https://t.me/layalialanin

*من وزن الموشح*

*/مودع الله*/


مودع الله يالولد وابزفتك
يوم عرسك ليش اهلك دفنتك



قلب رمله صاح من راح الولد
مودع الله يمه ماترجع بعد
يالخذيت الروح وايام السعد
راحت احلامي ييمه بروحتك



يحفرون القبر واحفر بالقلب
راح ياروحي ابو الحجي العذب
ياحبايب قولن الشفته جذب
والهواشم للقبر ما ودتك



يريد هلهوله بعد ليش الصياح
جاسم يزفوه ليش بهالنياح
ارد اهلهله والجمنها الجراح
وابدمع عيني ابلل تربتك



من جمر قلبي اوجله الشمع
وبونين ونوح عمري المنفجع
من دماي اسقيه وامطره له دمع
واغسلك جاسم واغسل جثتك



ليش ياجسام وحدك بس تروح
امخلي امك للحزن ويه الجروح
مارحت وياك يوليدي سموح
ظلت الاحزان تسقي اميمتك


تمت بحمد الله تعالی
بقلم : بنت الشمري
_الكويت _
.
.

تابعونا على التلغرام عبر الإشتراك في قناة :

•● ليالي الأنين ●•

ليصلكم كل جديد

https://t.me/layalialanin

🏴 عريس 🏴

● طور : يا موت مو سهل فرقاهم
.
.
عريس .. ليش طفوا شمعتك
عريس .. يمه قوم لزفتك
عريس .. ماسكه بيدي الورد أنتظرك آنه وعمتك

〰️〰️〰️〰️〰️
يمه يا جسام يا شمعة افادي
رحت عني وآنه بخلافك أنادي
ليش مني تاخِذك يُمه الأعادي
شلون أعوفه للعرس وألبس سوادي

ناديت .. يمه رد لخيمتك
ناديت .. كلنه ننطر جيتك
ناديت .. و أدري تعرف صوتي يبني آنه رمله اميمتك
〰️〰️〰️〰️〰️
چنت ذاخرتك إِلي بساعة مغيبي
وجهزت للعرس كلشي يا حبيبي
قِلِتْ أرد أفرح قبل كُبري و مشيبي
وماخذِتْ مِنِّ الفرح يبني نصيبي

بالروح .. تظل تسعر جمرتك
بالروح .. مَنسی يمه امصيبتك
بالروح .. تظل للموت اعله فقدك آيا جاسم حسرتك
〰️〰️〰️〰️〰️
بچفي ظل ثوبك يبعد اعيوني لاثنين
ساعه اشمه وساعه استسلم للونين
ما بقی عندي قلب يا قرة العين
من إجه للخيمه يمه عمك احسين

محتار .. بالعده من وصلتك
محتار .. اشلون جَتْ و صابتك
محتار .. يبن اخوي اينادي والله شيبتني محنتك
〰️〰️〰️〰️〰️
مددك وسط الخيم جسمك اموذر
وثوبك الابيض صُبَح يا يمه أحمر
منهشم راسك او خدك هم تعفر
آيَعريس المنيه اشصاير اكثر

بالسيف .. اشلون يبني غدرتك
بالسيف .. وعقبه ويلي وذرتك
بالسيف .. ريت راسي ابدال راسك ولا اشوفن جثتك
〰️〰️〰️〰️〰️
أرد اشمك واحترت يا يمه بأمري
جسمك اموذر يروحي ونفذ صبري
امنين اضمك ياعزيزي وانته تدري
واحد انته و أفدي لجلك يمه عمري

جسام .. يمه ظلت حنتك
جسام .. مو وقتها نومتك
جسام .. رد عليه يا حبيبي فدوه اروح لبسمتك
〰️〰️〰️〰️〰️
آيا نجم اسهيل عريس الهواشم
وسفه ياجاسم تظل عالغبره نايم
راح اعاشر همي عقبك يمه دايم
و عالفرح قلبي يظل يايمه صايم

ياحيف .. چنت اتاني ردتك
ياحيف .. ذبلوها زهرتك
ياحيف .. شلون أمشي ياحبيبي وما حضرت لدفنتك
〰️〰️〰️〰️〰️
تمت بحمد الله تعالی
✒ / فاطمہ كريم
نسألكم الدعاء لتعجيل الفرج
اللهم عجل لوليـــــك الفـــرج
يــــــــــا أبا عبـــــــــــــــدالله

🏴 وصية القاسم 🏴
● طور : آنه خايف
.
ابلايه رجعه .. يُمه رايح للحرب وابلايه رجعه
ابلايه رجعه .. من يِرد لچ جسمي وِجِّي يَمَّه شمعه
〰️〰️〰️〰️
يُمه لو شفتي شباب اتذكريني
ذكري طولي وذكري أحلامي وسِنيني
بيچ لو زفة عرس مَرَت يَعيني
نُوحي يا يُمه عَليَّه واندبيني

ذكري وجهي .. الچان شمسچ بالصباح وبالمسيه
ذكري وجهي .. البِدِمه يُمه تخضب عالوطيه
〰️〰️〰️〰️
لو شربتي الماي يُمه ابچي عليه
وقولي جاسم مات ما ذاق الإميه
قولي جاسم خِطْفِته ارماح المنيه
وخَذَت عِريِّسي يَشيعه الغاضريه

قولي جاسم .. مات من عمره وشبابه والله محروم
قولي جاسم .. امقطع اعله الغبره حَنَّت چفه لدموم
〰️〰️〰️〰️
بأربعيني لو إجيتي وزرتي قبري
وَجِّي شمعات اعله قبري ابكثر عمري
وخَلِّي راسچ يالحنينه يُمه كتري
لشوفتچ مشتاق أكون ابروحي أدري

بإنتظارچ .. يالحنينه راح أكونن بإنتظارچ
بإنتظارچ .. وأدري ما تطفى عَليَّه يُمه نارچ
〰️〰️〰️〰️
يُمه لو رديتي الأرض المدينه
أدري ابروحچ تظل أكثر حزينه
خالي بيتچ من وجودي تنظرينه
اهدومي بِيه القلبچ اتزوِّد ونينه

ما تِنامين .. أدري ابليلچ على فگدي تونين
ما تِنامين .. وحدچ او ما ظل إلچ والي وَلَا امعين
〰️〰️〰️〰️
تمت بحمدالله تعالى
✒ بقلم / فاطمہ كريم
نسألكم الدعاء لتعجيل الفرج
يا أبا عبـــــــــــــــــــــــــدالله
الفاتحة مع الصلوات إلى روح والدي

•● *شمعة عرس* ●•
#أرشيف
● قصيدة بلسان حال رمله بعد استشهاد القاسم عليه السلام ..

● طور : لا لا تطفوها
.

لا لا تطفوها شمعة عرس جسام
تنتظره الحوفه اشلون بقبره اينام

ويلاه يا شبل الحسن
يمه بعدك عالچفن

*آيجسام .. آيجسام*
〰〰〰〰〰
لا تطفون الشمع خَلّوا شُمُوعه
اوليدي مو ميت وأنا اتْرقّب رُجوعه
أفدي عمري ولا أشوف اتهل دُموعه
اشلون هسه أسمع انهشمت ضُلوعه

لا لا تقولولي .. جاسم حِنْتَه ادموم
آنه اللي ربيته .. وعيني امفارقه النوم

أسهر لعيون الإبن
يمه بعدك عالچفن
آيجسام .. آيجسام
〰〰〰〰〰
أبقى أنتظره يرد للخيمه ليه
وبيدي ألبِّس ابني اهدومه الزهيه
ابراسه أحبه ويرجع ايقبِّل اديه
لحوفته اتزفه الشباب الهاشميه

*وايزفه بوفاضل .. وزينب تنثر اورود*
*وبيمينه بو اليمه .. ايزفه عمه العود*

*المثله ما جاب الزمن*
*يمه بعدك عالكفن*

*آيجسام .. آيجسام*
〰〰〰〰〰
شنهو جاسم عطّلَه وما رد علينه
ويدري بيه أنطره آنه و سُكينه
عجب نِشْفَت حنته الچانت لإدينه
وذبلت اورود الفرح صارت حزينه

*وما أستمع صوته .. بس أسمع هالنياح*
*قلي لي يا زينب .. جاسم رجع لو راح*

*قلبي بس خل يطمئن*
*يمه بعدك عالكفن*

*آيجسام .. آيجسام*
〰〰〰〰〰
آيا زينب وإنتي تدرين بدليلي
إنتي أُمّ و هم تحسين بغليلي
طمنيني قلي هم جاسم يجيلي
هم يرد لي وبيده اينشف مسيلي

*انطيني لبشاره .. وآنه أنذر حياتي*
*لعيونچ أفديها .. والله لحد مماتي*

*سالم ولحِنْتَه انعجن*
*يمه بعدك عالكفن*

*آيجسام .. آيجسام*
〰〰〰〰〰
اشلون ألبس ثوبي الأسود على ابني
وآنه ذاخرته لمماتي لما يدني
انذبحت أحلامي أويلي بسهم حزني
وللمدينه اخلاف عينه من يردني

*ما أحضر بدفنه .. وما سَوّي عزيه*
*وأهوا نبض قلبي .. اشقد ايعز عليه*

*وحده ساعات الدفن*
*يمه بعدك عالكفن*

*آيجسام .. آيجسام*
〰〰〰〰〰
تمت بحمد الله تعالی
✒بقلم الشاعرة/ فاطمہ كريم
نسألكم الدعاء لتعجيل الفرج
الفاتحة مع الصلوات إلى روح والدي

🏴 شهادة القاسم بن الحسن عليه السلام 🏴
● طور : يبوفاضل
.
.

٢ علی القاسم
٢ علی القاسم
〰〰〰
عزا ثامن محرم
علی اللي عرسه ما تم
〰〰〰
شباب وما تهنه
بمسيل الدم تحنه
〰〰〰
زفافه انحرم منه
وابو اليمه تعنه
〰〰〰
لعد الخيمه شاله
واهو امقطعه اوصاله
〰〰〰
ينادي آل هاشم
تعالوا هذا جاسم
〰〰〰
واجت رمله حزينه
تنادي ابني وينه
〰〰〰
واجت يمها سكينه
تقلها امقطعينه
〰〰〰
انحنت امه وتشمه
تون ساعه وتضمه
〰〰〰
تنادي اشلون بيه
يعريس المنيه
〰〰〰
تظل يا يمه نايم
يعريس الهواشم
〰〰〰
قمر عالغبره مطروح
خذت وياك هالروح
〰〰〰
يجاسم رد عليه
أنا أمك ياشفيه
〰〰〰
يجاسم رد لي اجواب
دليلي يالولد ذاب
〰〰〰
يجاسم للعرس قوم
ييمه مو وقت نوم
〰〰〰
العرس وسفه منيه
ذبل وردك بديه
〰〰〰
تمت بحمدالله تعالى
✒ بقلم / فاطمہ كريم
نسألكم الدعاء لتعجيل الفرج
الفاتحة مع الصلوات إلى روح والدي

🏴 قصائد شهادة روح الحسين مولانا علي الأكبر عليه السلام 🏴
عظم الله اجوركم

🏴وتموت امنياتي🏴
في استشهاد علي الاكبر عليه السلام

طور: وين الغوالي
للملا أحمد الفتلاوي



يمه ياالاكبر يالذة كل حياتي
يمه تغفه اوياك وتموت امنياتي
بعدك كدر سنيني ارحم ألم حنيني
اييمه اييمه
_

يمه عميه ريتني ولا ذقت همك
ريت صوبني ابدليلي يمه سهمك
يالحنين اشلون بترابه اطمك
يمه عن البين وين اقدر اضمك

ظامي يمه اتروح متفطر دليلك
والعطش ويلاه منه الباد حيلك
ارحم الم حنيني وعليك اجر ونينني
___
يمه قدام العيون وصار ذبحك
قلي وشلون واداوي يمه جرحك
الله يحرم من حرمني منه صبحك
جنت اعيشن واستظل ابفيه جنحك

يمه والله اوياك ودعت الليالي
من بعد عينك ابد مايبقى غالي
فطرت إلي وتيني وعليك اجر ونيني
___

من اشوف الماي بيه رمح يطعن
يمه وايامي ياغالي ابنوح يقضن
اجروح احزانك تظن ابيوم يشفن
يمه للموت وسنيني جمره يدون

ابعيني يمه الطول وي ذيج الزلوف
يمه مثل الطير واعليه تحوف
علي ياكل بنيني وعليك اجر ونيني
------------------------


يمه هم اتعود واترد الليالي
وذيج قعدتنه ترد النه ياغالي
يمه من بعدك تعال وشوف حالي
انه مذهوله ويسافر لك خيالي

يمه بصبي العيون اطيوفك اتنام
مااصدق بس اشوفك يمه بحلام

وابحلم لو تجيني وعليك اجر ونيني
____


تمت بحمد الله تعالی*
*بقلم : بنت الشمري*
*___الكويت ___*
.
.

تابعونا على التلغرام عبر الإشتراك في قناة :

•● ليالي الأنين ●•

ليصلكم كل جديد
قناة القصائد واللطميات

https://t.me/laeileealaneen

قناة المحاضرات والنعي

https://t.me/laeileialanin2