*{ملك الوفاء}*

ملك الوفاء الى الابد
وبنى الخيام بلا عمد

أريدن للمدينة إتوصل الصوت
وانته اتصيح اهلا بيك ياموت

فداء للحسين

١/ودعته وگلتله احسين مولاك
بحماك تموت وهو ناجي
لو حكم الخليقه وتاج الاملوك
ينطوك.گول ام عون تاجي
اليحسبها ييمي الدنيه شطول
اتزول...بس حسين باقي
هنيئا الك حب الزهره علاك
خلاك لعيال الله ساقي

بظلام الليل خل يمشي اعله ضيك
ومن حر الشمس يگعد ابفيك
رفعة راسك ابخدمة اخيك...يوليدي

ولدي الكفيل احله الولد
اعتنق الحسين دين الخلد

شلك بالعين كون احسينك يشوف
وكون الخدر سالم گطع الچفوف

فداءآ للحسين…

٢/اريدن زينب اختك رغم الاجراح
ترتاح...لو شافت اخوها

اريدن بالمحنه توصفك اتحير
وتصير...بالطف مثل ابوها

ضهر خيمتها كون ايرجف الاگلوب
مكتوب فنكم توصلوها

ويمها انته واخوتك اوگفو سور
من نور...اوسطكم وگفوها

زغير اوناغتك يبني ابنبضها
وعلى گلبك تحط چانت گلبها
گمر ماصرت لو ما شمس حبها...يوليدي

تشتم هواك وتگول أبد
مثلك حنين ماكو بعد

مد يمناك يبني وگودها ام عون
وبيسراك حارب واگلب الكون

فداءآ للحسين

٣/بقنوتك گول ربي ذني چفين
لحسين...اوفي الخوه بيهن

وخواتك من يحشمن من تجي الخيل
ابليل...لو ميت تجيهن

تدنگ يم اثرهن تمسح الگاع
ابساع...من حرصك عليهن

ابشمس الصحره لمن يمشن اوياك
بلواك...في سوي عليهن

يبني مو مهم تخسر حياتك
الاهم تربح رضا الزهره وخواتك
بنات احسين اخيك هم بناتك

انا ادري بيك يبني كفو
الهن تصير عم وابو

لو شاف الگمر عالمشرعه ايطيح
يم العرش حيدر تسلم ايصيح

فداءآ للحسين

٤/گبل لايطلع من حسينك الصوت
للموت...توگف ترفع ايدك

مو بس للعطاشه توفي الاوعود
عالجود...كون اتحط وريدك.

گدامه تدنگ رگبتك هاي
مولاي...انا ازغر عبيدك

احلف بيه يبني گبل لتروح
مذبوح...گبل احسين اريدك

تموت انته برضات احسين اعرفك
وتهاجرله وتخلي الدنيه خلفك
وتنزلك سماء تبوس چتفك

نحو الحسين لو هاجرت
مهما غروك لا تلتفت

اردين لحد موتي اتگولها الناس
شوف الحرمه هاي انطت العباس

فداءآ للحسين

٥/تطب يوم القيامه فاطمه انشوف
بچفوف...على اجموع الغفيرة

تنادي بالحشر ذني العظيمات
مالات...عباس ابو الغيرة

عطر هاي الچفوف ايريح الانفوس
وتبوس...بديك اشگد چبيرة

ومحمد والرسل كلها اتلگاك
حياك...ياگمر العشيرة


تگلهم شوفو هذا البين اديني
الاطالب بي گبل منحر حسيني
حسين وحسن ولدي وهو عيني

يوم الطفوف چان الآحن
فوگ الچتاف شال الضعن

يقاتل وانا اصيحله علي وياك
شكرا لله ياعباس خلقاك

فداءآ للحسين


*الشاعر علي عويز الشويلي*

رابط قصيدة "ملك الوفاء" :
https://youtu.be/uiDQap0vTGQ
➖➖➖➖➖➖➖➖➖➖➖➖➖
قناة تعتني بنشر القصائد المكتوبة التي قرأها خادم الحسين الموفق الملا عمار الكناني
https://t.me/ammar_kenany
➖➖➖➖➖➖➖➖➖➖➖➖➖
القناة الرسمية للملا عمار الكناني على telegram :
https://t.me/alkenanyammar
➖➖➖➖➖➖➖➖➖➖➖➖➖

مِنْ يِنْزِلْ لِلْمِيدَانْ......................تِتْرَاجَفْ مِنَّه النَّاسْ
حِيدَرْ هَاذَه الْكَرَّارْ.......................لُو لَا هَاذَه الْعَبَّاسْ
كِلْ فَارِسْ حايِرْ صَارْ.........شَابِچْ عَشْرَه عْلَه الرَّاسْ
يِدْرِي بْچَفْ رَاعِي الْجُودْ...يِطْحَنْ جِيشِ الْأَرْجَاسْ
عَبَّاسْ........عَبَّاسْ...
-----------------------
لُو يِرْفَعْ سِيفِ الْمُوتْ........چَنَّه اللِّيثِ الْغَضْبَانْ
مِيَّةْ أَلْفِ يْصِيحُونْ...........مِجْبِلْ لِينَه الطُّوفَانْ
لُو يِلْفِينَه الْعَبَّاسْ...............يِنْبُضْ مِنَّه الشِّرْيَانْ
مِنْ دَمْنَه يْرَوِّي الْگَاعْ...وْيِرْوِي سِيفَه الْعَطْشَانْ
عَبَّاسْ........عَبَّاسْ...
-----------------------
مَا نِدْرِي نْرُوحِ مْنِينْ..........حَگْنَه وْنِحْتَارِ بْهَايْ
مِنْ يِهْجِمْ بِيدَه يْرِيدْ...يِتْرِسْ جُودَه مْنِ الْمَايْ
گِدَّامَه كِلْنَه نْصِيرْ...............قِلَّه وْعَبَّاسِ هْوَايْ
مَاكُو حَلِّ بْهَالْحَالْ.................إِلَّا الْمُوتِ الْعَنَّايْ
عَبَّاسْ........عَبَّاسْ...
-----------------------
تَالِيهَه صَاحِ بْصُوتْ.......وِعْيُونَه تِجْدَحْ نَارْ
مَا خَلِّيكُمْ هَالْيُومْ.............مَا تِنْفَعْكُمْ أَعْذَارْ
آنَه السَّبْعِ الضِّرْغَامْ...مَعْرُوفِ بْرَاسِي الْحَارْ
آنَه الْكَافِلْ عَبَّاسْ...........غَضْبَةْ رَبِّي الْجَبَّارْ
عَبَّاسْ........عَبَّاسْ...
-----------------------
فِدْوَه لْرِيشَاتَه شْلُونْ...غَاصِ وْطَشَّرْ هَالْگُومْ
غَطَّه الْغَبْرَه بْأَجْسَادْ....غَرَّگْ هَالْحُومَه دْمُومْ
مِنْ كِلْ كِتْرِ الْمِيدَانْ..........صَارِ بْچَفَّه مَلْزُومْ
فُوگِ الْوَادِمْ عَبَّاسْ.....صَگْرِ بْجِنْحَانَه يْحُومْ
عَبَّاسْ........عَبَّاسْ...
-----------------------
صَالِ وْجَالِ الْعَبَّاسْ............فَرَّتْ مِنْ زُودَه أْلُوفْ
چَمْ وَاحِدْ مِنْهُمْ مَاتْ...مُو مِنْ سِيفَه مْنِ الْخُوفْ
هُوَّه بْكِيفَه الْيِخْتَارْ........شِيْسَوٍّي بْصِيدَه يْشُوفْ
يِگْطَعْ مِنْ هَاذَه الرَّاسْ.....لُو بَسْ يِگْطَعْ لِچْفُوفْ
عَبَّاسْ........عَبَّاسْ...
-----------------------
ظَلْ يِسْحَگْ عَالْعِدْوَانْ.........عِزْرِيلِ وْيَاهِ يْجُولْ
مَرَّه عْلَه يْمِينِ الْجِيشْ...مَرَّه عْلَه يْسَارَه يْصُولْ
لُو يِتْعَبْ مَلْچِ المُوتْ...........يِسْمَعْ عَبَّاسِ يْگُولْ
إِگْعِدْ بَلْكَتْ تِرْتَاحْ............وَآنَه احْسِبْلَكْ شِتْگُولْ
عَبَّاسْ........عَبَّاسْ...
-----------------------
مَا تِخْلَصْ حَرْبِي هَايْ................إِلِّا بْآخِرْ مَلْعُونْ
أَقْسِمْ بِعْيُونِ حْسِينْ..........لُو رَايِدْ أَفْنِي الْكُونْ
آنَه الْعَبَّاسِ الْحِيدْ..............يِتْعَبْ عَبَّاسِ شْلُونْ
لُو يِخْلَصْ عُمْرِي الْيُومْ....لُو هَالزُّمْرَه يْخُلْصُونْ
عَبَّاسْ........عَبَّاسْ...
-----------------------

#محرم_١٤٤٥هج
https://t.me/Hassankhanafer

مَنْ سِوَاهُ ؟
مُخْمِدٌ لِلْكُفْرِ أَنْفَاسْ
مَنْ سِوَاهُ ؟
غَضْبَةُ الْجَبَّارِ عَبَّاسْ
-----------------------
شَدِّ لْثَامَه...وْعَافِ خْيَامَه
گَاصِدْ لِلْحُومَه وْبِيدَه صَمْصَامَه
يِرْعِبْ حَالَه...وِالْخَيَّالَه
صَارَتْ مِنْ زُودَه تِرْجِفْ گِدَّامَه
سَطْوَةْ حِيدَرْ...فَارِسْ خِيبَرْ
وِالْيِهْرُبْ مِنَّه مَتْعِينَه اجْدَامَه
عَبَّاسِ الْمُوتِ بْچَفِّينَه
مِنْ عِدْهُمْ وِينَه الْيِدْنَالَه
كِلْ هَمَّه لْزِينَبْ وِعْيَالَه
لْجُودَه تِتْنَطَّرْ أَطْفَالَه
مَوْعُودَه يْرَوٍّيهَه سْكِينَه
هَاشِمِيٌّ
بِالْوَغَى تَخْشَاهُ أَرْجَاسْ
مَنْ سِوَاهُ ؟
غَضْبَةُ الْجَبَّارِ عَبَّاسْ
-----------------------
صَالِ وْزَمْجَرْ...بٍيهُمْ كَبَّرْ
بَارْضِ الطَّفْ عَالْوَادِمْ صَبْ مُوتَ احْمَرْ
يَمْنَه وْيَسْرَه...أَعْلَنْ ثَوْرَه
مِنْ سِيفَه وْمِنْ عِينَه چَمْ فَارِسْ فَرْ
الْيُوصَلْ حَدَّه...يُوگَعْ عِنْدَه
بْلَا رَاسَه عْلَه الْغَبْرَه بْدَمَّه مْعَفَّرْ
عَبَّاسِ الطَّلْعَه الْمَهْيُوبَه
إِسْأَلْ صِفِّينِ عْلَه امْجَادَه
وِابْنِ الشَّعْثَاءِ وْأُولَادَه
وِالنَّهْرَاوَانِ وْأَسْيَادَه
تِشْهَدْلَه بْأَفْعَالَه حْرُوبَه
حَيْدَرِيٌّ
لِلضُّبَا وَالْحَرْبِ نِبْرَاسْ
مَنْ سِوَاهُ ؟
غَضْبَةُ الْجَبَّارِ عَبَّاسْ
-----------------------
شَاهِرْ سِيفَه...هُوَّه وْطِيفَه
مَيْدَانَه وْعِدْوَانَه كِلْهَه بْكِيفَه
مَاكُو مِثْلَه...وَارِثْ أَهْلَه
بِالْحُومَه وْعَالْوَادِمْ يِلْهَبْ صِيفَه
بِيدَه الرَّايَه...وَاضِحْ رَايَه
مْنِ الْجَايِ مْنِ الرَّايِحْ مَاخِذْ حِيفَه
عَبَّاسِ يْلَوِّحْ فَقَّارَه
دَگْ فُوگِ الشَّاطِي بْرِجْلِينَه
خَطْ أَحْمَرْ رَاسِمْ بِيْمِينَه
فَنَّه الْيِتَعَدَّه وْچَا وِينَه
شَنِّ الْغَارَه فُوگِ الْغَارَه
جَعْفَرِيٌّ
لِلْوَفَا وِالنُّبْلِ مِقْيَاسْ
مَنْ سِوَاهُ ؟
غَضْبَةُ الْجَبَّارِ عَبَّاسْ
-----------------------
لَاچِنْ دَهْرَه...قَرَّرْ غَدْرَه
گِطْعُوهِنْ لِزْنُودَه يَمْنَه وْيَسْرَه
بْحَالَه تْحَيَّرْ...كَهْفِ الْخِدَّرْ
وِلْعِينَه صَابُوهَه وْسَلَّمْ أَمْرَه
فَاضِ احْسَاسَه...تَالِي بْرَاسَه
طِبْروهِ وْيَا وَسْفَه لْهَايِ الطَّبْرَه
طَاحِ عْلَه الْغَبْرَه بْآلَامَه
وِاتْعَذَّرْ عَبَّاسِ هْوَايَه
مِنْ طَاحَتْ مِنْ چَفَّه الرَّايَه
مَا رَدْ لَا هُوَّه وْلَا مَايَه
مِنْ بَعْدَه شْصَارِ بْأَيْتَامَه
لَوْ يَرَاهَا
زَيْنَبٌ مِنْ دُونِ حُرَّاسْ
مَنْ سِوَاهُ ؟
غَضْبَةُ الْجَبَّارِ عَبَّاسْ
-----------------------

#محرم_١٤٤٥هج
https://t.me/Hassankhanafer

سَامِحِينِي...لُو رِكَبْتِي عَالْهِزِلْ
سَامِحِينِي...لُو سِطَرْ وَجْهِچْ نَذِلْ
سَامِحِينِي...مِنْ يِچَتْفُوكِ بْحَبِلْ...سَامِحِينِي...
-----------------------
سَامِحِينِي...يَخْتِي لُو شِفْتِينِي نَايِمْ عَالْوِطِيَّه
سَامِحِينِي...لَا تِعِتْبِي بَالله يَا زِينَبْ عَلَيَّه
سَامِحِينِي...وِينَه رَاسِي يَالْغَرِيبَه وْوِينِ ادَيَّه
سَامِحِينِي...لَا تِگُولِيلِي صِرِتْ بَعْدَكْ سِبِيَّه
سَامِحِينِي مُو سَهِلْ جَرْحِ الدَّلَالْ
مِنْ بَعَدْ چَفِّي تِجِي چَفِّ الْحِبَالْ
وِالرِّجَالِ تْعَايِنِ عْلِيچِ الرِّجَالْ...سَامِحِينِي
سَامِحِينِي...مِنْ يِسَلْبُونِ الْخِدِرْ
سَامِحِينِي...مِنْ تِشُوفِينِ الشِّمِرْ
سَامِحِينِي...گلْبِي لَجْلِچْ مِنْكِسِرْ...سَامِحِينِي...
-----------------------
سَامِحِينِي...لُو هِجَمْ جِيشِ الْعِدَه وْسَلَّبْ بَنَاتِي
سَامِحِينِي...مِنْ تِطُرِّ الْهِيمَه يَخْتِي مْدَلَّلَاتِي
سَامِحِينِي...مِنْ تِصِيحِ سْكِينَه شَدُّولِي عَبَاتِي
سَامِحِينِي...عَالشِّرِيعَه وَسْفَه ضَاعَتْ أُمْنِيَاتِي
سَامِحِينِي مُو سَهِلْ هَتْكِ الْحِجَابْ
وَانْظُرِ لْطُولِچْ أَصِدْ كِلَّه تُرَابْ
وِالشِّمِرْ يِتْشَمَّتِ بْلِيلَى وْرَبَابْ...سَامِحِينِي
سَامِحِينِي...مِنْ يِأَذِّيچِ الْعَطَشْ
سَامِحِينِي...لْغُرْبِتِچْ لِيلِ اهْدَعَشْ
سَامِحِينِي...عَالتُّرَابِ بْلَا نَعَشْ...سَامِحِينِي
-----------------------

#محرم_١٤٤٥هج
https://t.me/Hassankhanafer

يَزِينَبْ...أَبُو فَاضِلْ وِگَعْ فُوگِ الشِّرِيعَه
يَزِينَبْ...لِگِيتَه مْطَبَّرِ وْچَفَّه گِطِيعَه
أُخُوچِ عْلَه الْوِطِيَّه...دِمَه رَاسَه جِرِيَّه
دِمَه رَاسَه جِرِيَّه...يَزِينَبْ...
-----------------------
أَحِسْ كِلْ شِي اخْتِلَفْ يَخْتِي بْغِيَابَه
كِسَرْ ظَهْرِي الْگُمَرْ وَالله بْمُصَابَه
لِگِيتَه مْگَطَّعِ وْبِالدَّمْ خِضَابَه
وِسَفْ رَاحِ الْأُخُو بْزَهْرَةْ شَبَابَه
يَزِينَبْ...شِفِتْ عِينَه بْسَهَمْ يَخْتِي رِمُوهَه
يَزِينَبْ...انْطُفَه بْعِينِي الضِّوَه لَمَّنْ طِفُوهَه
هِدَمْ حِيلِي أَخَيَّه...دِمَه رَاسَه جِرِيَّه
دِمَه رَاسَه جِرِيَّه...يَزِينَبْ...
-----------------------
طِحِتْ فُوگِ النَّهَرْ لَمَّنْ وِصَلْتَه
وِاحْتِرَگْ گَلْبِي يَزِينَبْ مِنْ حِضَنْتَه
خُويَه شِنْهُو الْيُوجَعَكْ يَخْتِي سِأَلْتَه
گَلِّي زِينَبْ وِاخْتِنَگْ وِيلِي بْدَمِعْتَه
يَزِينَبْ...أُخُونَه گَلِّي سَلِّمْ عَالْعَقِيلَه
يَزِينَبْ...حِرِتْ يَمْ مَصْرَعَه وِشْلُونَ اشِيلَه
صِرِتْ أَصْفِجْ بِدَيَّه...دِمَه رَاسَه جِرِيَّه
دِمَه رَاسَه جِرِيَّه...يَزِينَبْ...
-----------------------
عُگُبْ رَاعِي الْعَلَمْ مَحَّدْ بُگَالِي
يَزِينَبْ وَدِّعِينِي بْهَاذَه حَالِي
سَاعَه وِتْشُوفِي الشِّمِرْ يَخْتِي اعْتِنَالِي
يِگْطَعِ بْنَحْرِي وْيِسَلِّبْهِنْ عِيَالِي
يَزِينَبْ...عَلَى الدِّنْيَه الْعَفَه رَاحِ الْمُحَامِي
يَزِينَبْ...مِنُو عُگْبِ الْگُمَرْ يِحْمِي خِيَامِي
الْكِفَلْ سِكْنَه وْرُقَيَّه...دِمَه رَاسَه جِرِيَّه
دِمَه رَاسَه جِرِيَّه...يَزِينَبْ...
-----------------------

#محرم_١٤٤٥هج
https://t.me/Hassankhanafer

*[ يبو فاضل مدد ]*

أداء: الرادود الحسيني #عمار_الكناني
كلمات: الشاعر #أحمد_الهلباوي

https://youtu.be/JFdwjBeFvhc

مجالس شهر محرم الحرام لسنة 1445 هـ - 2023 م
ليالي العشرة الأولى من شهر المحرم
عزاء مضيف الإمام الحسين عليه السلام - العراق - ديالى

مونتاج: سجاد سلام
مكساج: حسن يونس
مخطوطات: حيدر الزمان
ترجمة: حسن القطري
متابعة وتنسيق: علاء السوداني
تنفيذ: SS للإنتاج الحسيني
النشر الشبكي: علاء بركات العاملي - علي الفاطمي

ها عليهم ياعمي ها عليهم - ها عليهم ياعمي ها عليهم
صاح بيهم الأكبر صاح بيهم
ها عليهم ياعمي ها عليهم

صاح الأكبر بالحرب عمي سبع الكنطرة
إنت صوب الميمنة وأنا صوب الميسرة

ها عليهم ياعمي ها عليهم
صاح بيهم الأكبر صاح بيهم
ها عليهم ياعمي ها عليهم..

ليوث حيدر هالتنخت شمِّرت ذرعانها
شكوا سروج القصايل من لووا وبعنانها
هلهلت ليها المعارى وگامت بتربانها
انطوت مزوية عجاج، وغوشت فرسانها
كل أراضي كربلا. تصيح بيهم يا هلا

ها عليهم ياعمي ها عليهم
صاح بيهم الأكبر صاح بيهم
ها عليهم ياعمي ها عليهم

ليلة الوحشة بخزرته هالجچفيل وجلجلت
صار والگاع شلفاها حدر جدمه تزلزلت
زود من سيف أبو فاضل وزود من الْدم شلت
يا لثار الضلع صيحة بضرب سيفه ترتلت
شاربه رف بغضب راد يگلبها گلب

ها عليهم ياعمي ها عليهم
صاح بيهم الأكبر صاح بيهم
ها عليهم ياعمي ها عليهم

بيوم طبّوا للمعارى بغير غيم مدخنين
صاحوا ذبْايح نمد الكوم جدام الحسين
فتحوا در الصوارم ورتلوا فتح المبين
علي الأكبر على اليسرة وأبو فاضل عل يمين
مثل حمزة وحيدرة علي وسبع الكنطرة

ها عليهم ياعمي ها عليهم
صاح بيهم الأكبر صاح بيهم
ها عليهم ياعمي ها عليهم

دخِّنت روس المَلاحم وطاحت حشود الزلم
ضجت حلوگ المنايا سيوفهم تلهَم لهم
للهزيمة ماكو منوى وما حصل درب الهزم
يعيد يوم الزمجرة وعاد حملة خيبرة

ها عليهم ياعمي ها عليهم
صاح بيهم الأكبر صاح بيهم
ها عليهم ياعمي ها عليهم....

علي الأكبر من اليسرة والعباس من اليمين
Xxxxxxxx
ضلت بعجها الحريبة والشمس چنها إختفت
علي الأكبر من اليَسرة وسّط الحومة جِفت
لنها ضربات الغضنفر علي هناك تشابكت
من شكف سيفه تعجب شاف عمه منلتفت
دگوا الظهر بظهر علي الأكبر والگمر

ها عليهم ياعمي ها عليهم
صاح بيهم الأكبر صاح بيهم
ها عليهم ياعمي ها عليهم

حسيناً وا حسيناً وا حسيناه
حسيناً وا حسيناً وا حسيناه
حسيناً وا حسيناً وا حسيناه

حيدر حيدر حيدر حيدر
حيدر حيدر حيدر حيدر....

شافه والنبل شابچ على راح * هو فوگه وصفج راح على راح
صاح بصوت يا زينب علي راح * يخويه ظلمت الدنيا عليه

دمع يا هل المدامع ما يردلي * علي عطشان إجاني مايردلي
يا زينب راح الأكبر ما يردلي * يا زينب يا صبر يلحك عليه

الأبو لو فارك وليده يهم بيه * وجرح هيهات يتشافى يهم بيه
بروحه ما يهم حتماً يهم بيه * يدور شوفت إبنه وهاي هيه

بعدك
غضب رب السما وحليت بعدك * يبويه ما حسبت حساب بعداك
على الدنيا العفى يل ولد بعدك * ويا ريت وياك تاخذني المنية

*[ كشخة عمامه ]*

أداء: الملا #مرتضى_الحميداوي
كلمات: الشاعر #السيد_رفعت_الصافي

https://youtu.be/1LHKISMvMyE

ليالي محرم الحرام لسنة 1445 هـ - 2023 م
مجالس الليالي العشرة الأولى من شهر المحرم
عزاء هيئة رماد الخيام - العراق - بغداد

مونتاج واخراج: حارث العكيلي
مكساج: كرار الموالي
مخطوطة: حيدر الزمان
النشر الشبكي: علاء بركات العاملي

يَالَاكْبَر قُمْ يا نورَ عَيْنِي
يَالَاكْبَر بُنَيَّ أَجِبْنِي
يَالَاكْبَر هَل سُقِيتَ ماءً
وَاوَيْلاَه وَاوَيْلاَه وَاوَيْلاَه


بُنَيَّ جَرَحْتَ فُؤَادِي
عَفِيراً بِظُلْمِ الأَعَادِي
يَالَاكْبَر هَل سُقِيتَ ماءً
وَاوَيْلاَه وَاوَيْلاَه وَاوَيْلاَه


شَبِيهَ النَّبِيِّ مُحَمَّدْ
جمالَ الرَّسولِ المُؤَيَّدْ
يَالَاكْبَر هَل سُقِيتَ ماءً
وَاوَيْلاَه وَاوَيْلاَه وَاوَيْلاَه


خَضيباً مَن دَمِ الوَرِيدِ
صَرِيعاً يَا خَيْرَ فَقِيدِ
يَالَاكْبَر هَل سُقِيتَ ماءً
وَاوَيْلاَه وَاوَيْلاَه وَاوَيْلاَه


شَمَمْتُ أَشْلاَءً بَهِيَّة
لَثَمْتُ ضلوعاً زَكِيَّة
يَالَاكْبَر هَل سُقِيتَ ماءً
وَاوَيْلاَه وَاوَيْلاَه وَاوَيْلاَه


عَلِيٌّ كُنتَ لِي رَبِيعَا
سَمَائِي وَرُوحِي وَجِيعَه
يَالَاكْبَر هَل سُقِيتَ ماءً
وَاوَيْلاَه وَاوَيْلاَه وَاوَيْلاَه


يَا وَجْهَ الشَّبَابِ الجَمِيلِ
سَرِيعاً تَمْضِي لِلرَّحِيلِ
يَالَاكْبَر هَل سُقِيتَ ماءً
وَاوَيْلاَه وَاوَيْلاَه وَاوَيْلاَه


مَسَحتُ بِدَمعِ العُيونِ
بَقَايَا عِظَامِ المُتونِ
يَالَاكْبَر هَل سُقِيتَ ماءً
وَاوَيْلاَه وَاوَيْلاَه وَاوَيْلاَه


لَيتَهُم أَصَابوا وَريدِي
هَا هُنَا على حَرِّ الصَّعِيدِ
يَالَاكْبَر هَل سُقِيتَ ماءً
وَاوَيْلاَه وَاوَيْلاَه وَاوَيْلاَه


رَجَوْتُ أَنْ تَعِيشَ بَعدِي
وتَبْكِي عَلَيَّ لِفَقدي
يَالَاكْبَر هَل سُقِيتَ ماءً
وَاوَيْلاَه وَاوَيْلاَه وَاوَيْلاَه


عَلَيْكَ أَحْنَيْتُ ضُلوعِي
وَسَالَت عَلَيْكَ دُمُوعِي
يَالَاكْبَر هَل سُقِيتَ ماءً
وَاوَيْلاَه وَاوَيْلاَه وَاوَيْلاَه


عَزيزي إلاَمَ الفِراقُ
وحُزنِي عَلَيْكَ اشتِيَاقُ
يَالَاكْبَر هَل سُقِيتَ ماءً
وَاوَيْلاَه وَاوَيْلاَه وَاوَيْلاَه


#أمنن #علينا #برضاه
#يا_صاحب_الزمان


طور: *"يا زَيْنَب جينا نُعزيكِ"*

https://t.me/khadimatAL3etraAltahira

*[ عالباب أنتظركم ]*

أداء: الملا #السيد_مصطفى_الموسوي
كلمات: الشاعر #حيدر_النصيراوي

https://youtu.be/rD8hV-R0LF8

مجالس شهر محرم الحرام لسنة 1445 هـ - 2023 م
ليالي العشرة الأولى من شهر المحرم
عزاء هيئة على الفطرة حسيني - العراق - بغداد - الكريعات
حسينية الحوراء زينب عليها السلام

مونتاج وتنفيذ: جعفر ستار
مكساج: ليث حازم
مخطوطة: ستار جبار
تنفيذ: ستوديو ستار للإنتاج الفني
النشر الشبكي: علاء بركات العاملي - عبدالرؤوف الطريفي

خالي المهد واگعد واهزه
يمه الولد ثاري شمعزه
مسموعه بالليل الدللول
بسك يچفي وليدي مكتول خالي المهد

***


ضيجه الهوى يا روحي ضيجه
بوليدي فك الموت ريجه
ظليت غرگانه بحريجه
خاوي الگلب خيمه عتيجه

كلساع افزن لا شفت يا يمه حالي
واسم الله اصيحن علمهد بس هو خالي

عبد الله صوتك گعداني
خلاني ما هيد ابمچاني

حاجيته گتله وياك شتگول ؟
بسك يچفي وليدي مكتول خالي المهد


****


ترس أذني صوتك ماله چاره
صوت العطش ما تطفى ناره
يا ربحي شو صاير خساره
راجع نحر دمه ايتجاره

چا غير بالموت اقتنع واقبل مماتك
يم المهد نگعد سوى آنه وخواتك

جابو الماي وما شربناه
اسم النهر بعدك كرهناه

يمه اليذبحك ريته مشلول
بسك يچفي وليدي مكتول خالي المهد


*


يمك عبد لا مو بعيده
حلمانه بس چن أيدي بيده
ينزل جمر دمع الوحيده
أگعدلي بس گلي التريده

يلنايم الما لحگت تمشي اعله طولك
حسبالي تكبر والربع لهلك يجولك

هاي الطفوله شموتاهه ؟
سهم العطش بالطف لفاهه

الله اليعابي الچان مسؤول
بسك يچفي وليدي مكتول خالي المهد


***


نوم البواچي شلون ويلاه
بالحلم دمعي ايسولف وياه
أگعد واگله اسم الله يمااه
حسبالي فز وليدي احااه

فگد الولد ما ينحمل عبد الله يمه
يلعطرك امحلي المهد كلساع اشمه


امك يبعد امك وحيده
والروح ما تطلع عنيده

تابوتي ريت وياك مشيول
بسك يچفي وليدي مكتول خالي المهد


**

يا يمه تسوى الروح تسوى
يوليدي يا بو عيون حلوه
ردتك ليوم الشيب تچوه
بس هنه بلوى ابظهر بلوى


عبد الله ما ظل بالخيم بس النساوين
ما ظل ابوك ابموتتك هم مات الحسين


صار السبي وأمك سبوهه
براسك ييمه عذبوهه

فوگ السبي يا ضيم الطبول
بسك يچفي وليدي مكتول خالي المهد



كلمات الخادم / #رعد #الفريجي
محرم الحرام 1445


@HxzEU1

قناه نشر القصائد المنبريه

هالليله وياي حسين
لمة أهل ملتمين
خيمتنه گاعد بيهه عباس
بليلة العاشر اصعب احساس
هالليله هالليله

***

وياي ابوي الغالي وياي
انسى العطش ما فكر بماي
اغفه اعله حظنه ويحچي بهداي
قرءان يقرا وبيده يمناي


هليله كلهم بالخيم اهلي وعمامي
هليله عباس الگمر للعيله حامي
خطارنا من اهل السمى
طه وعلي وي فاطمه
زارونه كل اهل السمه بكل الاسامي

تسبيح صوت الخيمات
ما خافن العلويات
غير الهواشم همه حراس
بليلة العاشر اصعب احساس
هالليله هالليله


*


هليله ما يلفينه كل خوف
يمنه الحسين الكله معروف
هليله بعد اعيونه تشوف
بس خاف باچر طيحت چفوف


خايف دليلي من الصبح لو يلفي لينه
وادم غريبه وكربله دارت علينه
شو خلصت كل الحچي
ما يسكت بعيني البچي
من هسه اصيحن كافلج يم عون وينه

گمت اصفن بوجه حسين
يمي وگلت رايح وين ؟

شماله الهوى ميعين الانفاس
بليلة العاشر اصعب احساس
هالليله هالليله

***


عباس ضاوي الخيمه منريد
تلفي الشمس من عدنه شتريد
صلى وضواه بكربله ايزيد
يا گلبي بسك هونك وهيد


عباس يا شمة هوى يا عازة الماي
بعيوني احچي ودمعتي لا تبعد هواي
وياي ظل وما أهم
يلتسوى ديره من الزلم
لا دنيا تسوى ولا عمر بس أبقى وياي


عباس يمحلي الگاع
ما أحمل وياك وداع

يا خوف گلبي ايشيب الراس
بليلة العاشر اصعب احساس
هالليله هالليله


***


عبد الله غافي الليله مرتاح
يا نور وجهه اتگول مصباح
مدري شحلم فز وگبل ناح
بس لا حلم باسهام ورماح


اسم اعله اسمك يلولد سالم يمدلول
ماظن عليل اليذبحك لا ساكن الچول
لوليتلك يم المهد
شتريد من اختك بعد
غمض اعيونك بالدمع صعبه الدللول


عبد الله ساعات وياك
نتوادع هنانه ؟ هناك ؟

ينذبح باچر كلشي ينداس
بليلة العاشر اصعب احساس
هالليله هالليله


**


ليله وتروح وتلفي الاحزان
مصباح عاشر فرگة أخوان
طيحت عزيز وگلب تعبان
كلشي بخيمنه ايموت ذبلان

من هسه حد وكت الظهر بالعاشر اوجاع
لون السمى بلون الدمى وتتغير الگاع
يا روح اي بعدچ روح
ها يلحسين المذبوح
باچر اريد وياه اظل ما ريد الوداع

عاشور ابد ما ينحمل
باچر سبي وضيم وچتل

شيبة حسين شلون تنجاس
بليلة العاشر اصعب احساس
هالليله هالليله


كلمات الخادم / #رعد #الفريجي
محرم الحرام 14445


@HxzEU1

قناه نشر القصائد المنبريه

حده بالــــــروح فرگاكم
حلم صـــار اگعد اوياكم
الدمـــــع للمختنگ راحه
انه اللا امشـــي مرتاحه
وانه اللا ميـــته بجفاكم

يهلي الغــــربه تنراد؟   نار اتخــــــلف ارماد
شينـــــومهه العيون    واحنه اعليـكم ابعاد

ياضيم گلــــــبي بالشام
شـــــــــــيرد ذيچ الايام
هيه التفگد اخــــــــوان
تنسه افيـــــــاي الخيام
~
السوالف عنـــكم ابروحي
حنين وياكـــــل اجروحي
زماني ابكــــــــــربله داير
حرام ابزينـــــــب الصاير
اماشي دمعــــتي ونوحي

سواجي امغورگه العين   عتاب الفاگـــــد اونين
العزيز وفــــــارگ اعزاز   غربته اتكـــبره اسنين

يايوم ترجـــــع النوگ
وترد اهل الحـــــگوگ
ملت زينــــــب الشام
هظمو گلبي بالسـوگ
~
الوداع البيــــــني واخواني
اخــــــــــير انفاسي راواني
اليروح ومــــــــــا اله عونه
ملامح فرگـــــــــــه بعيونه
مشيت وبخــــــــتي دلاني

حال البيه مـــــو حال    وكل احـــچايه تنگال
عني اتطــــــلع الروح     يهلي امــدوهنه البال

مكسور حــــــيلي مرتين
من يـــــوم راح الحسين
واندار مـــــــــاكو عباس
هدني افــــــراگ الاثنين
~
عشت ليــــل ابغرب صعبه
اقنّع روحـــــــــــي متغربه
جرعت الكلمه بالگــــــــوه
غريبه احچــــايه موحلوه
السمعهه ينكــــــــسر گلبه

يهلي امنـــــــاطر الليل    ياخذ شـــكلي والحيل
ليل وگلــــــبي متعوب    خلص يومــــي بالويل

شوگي ايعـــــــــثر الگاع
عالناگـــــه اصعب اوداع
محـــــــــــــد گلي لاوين
لايفزعلي فــــــــــــــزاع
~
وحگ كل خطـوه امشيهه
اكابر وانـــــــــــــذبح بيهه
يعباس وتعـــــــــــــــودنه
بديك اتشـــــــد هوادجنه
واشم اچفــــوفك اعليهه

هيه العشــــــره تعويد    خويه الممشــــه لبعيد
من دونــــــــك بلا راي    وامشي امگـيده الايد

عباس مــــــــــاي العيون
ماضـــــــل بيهه الجفون
من يـــــوم عفتك وصار
بجفاك غربه يحــــــدون

خادم القصيده
#شاكر #الصيمري



@HxzEU1
قناه نشر القصائد المنبريه

#العاشر 🏴
#محرم_١٤٤٥

غابتْ شموسٌ عن رؤى الأحداقِ
وغفتْ عيونُ البدرِ في الآفاقِ

واحمرَّ وجهٌ للدّنا مستعظماً
هولَ المصابِ لسبطِ آلٍ باقي

وتزلزلتْ أرضُ الطُفوفِ لمشهدٍ
فيه الرّؤوسُ مع القنا بعناقِ

يا صاحبَ الثّارات أقبل ثائراً
واطلبْ دماً في عُهدةِ الخلّاقِ

إنّ القلوبَ إليكَ أضناها النوى
أقبل ودواي حُرقةَ المشتاقِ

إنّا نواسي قلبكم بدموعنا
قسماً نلبّي بالدمِ المُهراقِ

#منال_بجيجي
https://t.me/manalbjeiji83
🚩🏴 *اَعْظَمَ اللهُ اُجُورَنا وأجوركم بِمُصابِنا بِالإمام الْحُسَيْنِ عَلَيْهَ السَّلامُ..
*#ياﺣــــــسين  🥀*

*[ غفت عينه ]*

أداء: الرادود الحسيني #عمار_الكناني
كلمات: الشاعر #زيد_الفحام

https://youtu.be/55vuckuYOzY

إصدار استوديو شهر محرم الحرام لسنة ١٤٤٥ هـ - ٢٠٢٣ م

مونتاج وإخراج: سجاد سلام
الهندسة الصوتية: حسام يسري
متابعة وتنسيق: علاء السوداني
تنفيذ: SS للإنتاج الحسيني
النشر الشبكي: علاء بركات العاملي - علي الفاطمي

شكر وتقدير لكل من ساهم في إنجاز هذا العمل

زلزال الطفوف

وإذا الطُّفوفُ تزلزتْ زلزالَها
قد أخرجتْ بعد الأسى أثقالَها

وإذا تساءلَ عاشِقٌ أخبارها
فغدتْ تُحدِّثُ بالجوى إعلالَها

وإذا الفجيعةُ في الفلاةِ تعجّبتْ
من هولها إذ فرطُ جورٍ هالَها

وإذا المحاجرُ فاضَ من ميزابها
سيلُ الدّما إذ ربُّها أوحى لَها

وإذا الرّؤوسُ مع الرّماحِ تعانقتْ
طالَ العناقُ معظّماً آصالَها

وإذا رمالُ التّلّ جفَّ رُضابُها
ذا زينبٌ فقدتْ هنا آمالَها

وإذا العقائلُ في العراءِ ثواكلاً
نسجتْ من الآلام ذا سربالَها

وإذا بوارثةِ النّوائبِ قد حوتْ
قلباً جلوداً كي يشُدَّ رحالَها

تتنفّسُ الأوجاعَ تشهقُها وما
زفرتْ أنيناً بل تُتِمُّ نضالَها

وإذا الغريبُ أحالَ غُربتهُ لهُ
وطناً سقاهُ مهجةً وزُلالَها

وإذا أبى ضيماً بملئ عروقهِ
هيهاتَ منّا ذلةٌ قد قالَها

سلطانُ ميدانِ الوغى والمبتغى
حِفْظُ الشّريعةِ كاسرٌ أغلالَها

فلهُ قناديلُ السّماءِ تشابكتْ
أضحتْ دُروبَ غرامهِ ومجالَها

فاعشقْ حُسيناً فالنّجاةُ بودّهِ
لو ذرّةٌ مُستصغراً مثقالَها

منال بجيجي✍️
https://imamhussain.org/arabic/38784
https://t.me/manalbjeiji83

*[ ابجوا كربلا ]*

أداء: الملا #محمد_باقر_الخاقاني
كلمات: الشاعر #عباس_الشبلاوي
الذاكر: السيد مهدي البكاء

https://youtu.be/TW1PoR-vaas

مجالس شهر محرم الحرام لسنة 1445 هـ - 2023 م
ليالي العشرة الأولى من شهر المحرم
عزاء هيئة سيدة الوجود عليها السلام - العراق - بغداد

مونتاج وتنفيذ: سجاد عباس العكيلي
مكساج: حسن المنصوري
مخطوطة: سجاد العبودي
غلاف: علي الشبيب
الجود ميديا للانتاج الحسيني
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

*[ أم المذبوح يايمه ]*

https://youtu.be/rH7h4tO9oAg

أداء: الرادود #ميرزا_حيدر_الابراهيمي
كلمات: الشاعر #باسم_الخاقاني
الذاكر: حسن الشامي

مجالس ليالي شهر محرم الحرام لسنة 1445 هـ _ 2023 م
مجالس ليالي العشرة الأولى من شهر المحرم
حسينية عزاء الناصرية الموحد - العراق - الناصرية

مونتاج: إحسان الساگي
إخراج: أكرم ورد
مكساج: مصطفى وحيد
مخطوطات: علي الشاهين - حسين الغالبي
تنفيذ: شركة خيام للإنتاج الحسيني
النشر الشبكي: علاء بركات العاملي

اللَّهُمَّ عَجِّل لِوَلِيِّكَ المُنتَقِم الفَرَجْ

*[ يا سراج التائهين ]*

أداء: الملا #مرتضى_الحميداوي
كلمات: الشاعر #علي_عبود_العبودي

https://youtu.be/LRk2AqDLtcE

ليالي محرم الحرام لسنة 1445 هـ - 2023 م
مجالس الليالي العشرة الأولى من شهر المحرم
عزاء هيئة رماد الخيام - العراق - بغداد

مونتاج واخراج: حارث العكيلي
مكساج وتوزيع: كرار الموالي
مخطوطة: حيدر الزمان
غلاف: سجاد حسن
النشر الشبكي: علاء بركات العاملي