(لحن حضريني يالزهره المعاتيق♪)
بشهر الله يا يمه مفجوعه بالوالي
والدمعة بعيوني
تهلن على الغالي
〰〰〰〰
حضريني هالليله
بالعبرة والونه
شالو نعش حيدر
وما ظل ولي عدنه
من انظر الطبره
ظل مدمعي جاري
حضريني يالزهره
عينيني عالغالي
〰〰〰〰
شايل علي الليله
وبفگده نتحير
منهو بعد عينه
وبيش احنه نتصبّر
عرش الله ظل محمول
شاله حسن وحسين
ويلي شفت نعشه
واتغيرت حالي
〰〰〰〰
خادمة آل محمد✍🏻

*آداء خادم الامام الحسين ع القارئ عبدالله كوثراني* 🎤 *مجموعات خدام الامام الحسين ع 🚩قسم الاخوان* 🚹

#واعلياه
وزن موشح كامل♪الفراق او الحسناوي
واعلياه… اعلن الكون الحداد
واعلياه… .لابس ثياب السواد
واعلياه… ينادي يا خير العباد

دمعه دمعه سيلي يا عيوني دِمه
دمعه دمعه تبچي لمصابه السمه
دمعه دمعه تواسي بيها فاطمه

هلّي هلّي عالمصيوب بمحرابه
هلي هلّي لطبرة حيدر وخضابه
هلّي هلّي لحامي الجار ومصابه

آهْ يعيني ودّعي بعبره ولينه
آه يعيني بالونين مشيعينه
آه يعيني الليله نعشه شايلينه

هاليتامه تودعه حامي الحميه
هاليتامه تنحب لعظم الرزيه
هاليتامه تنصب الليله العزيه

خادمة آل محمد ص ✍🏻

*يبو الايتام/لحن يا جبريل نترجاك* ♪
یبو الأیتام الله وياك وداعك يصعب علينه~
بشهر الله تفارگنه يتامه المن تخلينه~
الليله تنزل الاملاك وفود وبيك تعزينه~

يشيّال النعش بهداي بهونك ترفع الوالي
دريض خلنه نودعه و نهل دموع عالغالي
عمت عيني ولا شوفن يبویه نعشك اگبالي
يسور حماي الله وياك عگب عيناك من لينه &&&&&&&&
يخويه يا حسن وحسين اودعه الليله خلوني
اضمد راسه والطبره اعالج جرحه بعيوني
تزيد احزاني بفراگه يخوتي لا تلوموني
الابو خيمه على عياله تفيّ علينه كفّينه &&&&&&&&
الشاعرة الحسينية
خادمة آل محمد ص✍🏻

*آداء خادم الامام الحسين ع القارئ عبدالله كوثراني* 🎤 *مجموعات خدام الامام الحسين ع 🚩قسم الاخوان* 🚹

•• *واعليــاه*••
*•••مصاب الامام علي ع وحزن والامام المهدي عج•••* طور الخضيب♪~او الطرماح..

هالليله جبريل الوحي جنحه بحزن مكسور

يواسي الامام المنتظر بهامه علي مطبور

والعالم العلوي بألم ينوح بدمع منثور

يواسي الامام المنتظر بالمدمع السچاب
واعلياه~ آه
〰〰〰〰
مهدينه هالليله بحزن دمعاته مذروفه

لابس جلابيب الألم ومتعني للكوفه

بمحرابه ينصب تعزيه وعين الوحي تشوفه

يمه العمامه مخضبه من دمه داحي الباب
واعلياه~ آه
〰〰〰〰
بعين البصيره ينظره راس الولي تهشّم

منه العمامه مخضبّه ومن جرحه نازف دم

يصرخ يجدي بطبرتك دين الله يتهدّم

الله يعينك يالوصي مصابك عظيم مصاب
واعلياه~ آه ••••••••••••••••••
خادمة آل محمد✍🏻

آداء الخادم الحسيني عبدالله كوثراني🎤°•●هالليلة جبريل الوحي●•°•~
كلمات الشاعرة خادمة آل محمد✍🏻

°•●عندي وصية يالغريب●•°
آداء الخادم الحسيني حسن حمود🎤
كلمات الشاعرة خادمة آل محمد ✍🏻
مجموعة سيد الشهداء🚩

*يا زينب يالوديعة~*
*الخادم الحسيني الشيخ هادي قانصو*🎤
*مجموعات خدام الامام الحسين (ع)*🚩
كلمات الشاعرة خادمة آل محمد ✍🏻

°~••وداع مولاتنا زينب ع لوالدها أمير المؤمنين ع••°~ لحن امانة هالوصيه♪لسان حال الامام علي ع… يگلهه

يا زينب يالوديعه
اصبري عالفجيعه
هذا القدر محتوم
ترى جتني المنيه

الروح فاضت فاضت فاضت
دموع سالت سالت سالت
➖➖➖➖
يا زينب لا تنوحي
ألّمت آهك جروحي
مدمعك غالي يازينب
ونتّك تصعب عليّه

صوت ينحب ينحب ينحب
آه زينب زينب زينب
➖➖➖➖
عرش الله بالنوح
ظل دمعه مسفوح
لمصابك يا حيدر
ينصبلك عزيه

صاح جبريل جبريل جبريل
ناح بلويل بلويل بلويل
➖➖➖➖
علي بنعشه محمول
يمه وينچ يالبتول
مشيع جنازة ولينه
شالوها بهالمسيه
راح الوالي الوالي الوالي
وداع الغالي الغالي الغالي
➖➖➖➖
طلعت الحره تِوَدْعَه
تنادي يالتشيعه
نعشه حطه اگبالي
أشبع وداعه شويه

الفراگ يصعب يصعب يصعب
تصيح زينب زينب زينب
الشاعرة
خادمة آل محمد ✍🏻