(( سلامات ياعلي ))

سلامات .. ياعلي .. سلامات
يل مِنطبُر وَكت الفَجُر / ياعلي سلامات
________

يابو لِـصْوَاب الما گِـطَع سِيلَه !!
ينزف بروح الشيعه ، كل ليله
شَلْ ظهر الآِسلام وْهِدَم حيله
"ومال الحمِل " يَمعدِّل المِيله

مُعاناة .. تستمر .. مُعاناة
رحت بغدُر وكت الفجُر
ياعلي .. سلامات
________

ندعيـــلك او دمعـتـنه مـذروفه
وِوْجوهنه امن الرَهبَه مخطوفه
نسأل ، وگفنه بمسجد الكوفه
بس الحزن علْ وادم انشوفه

والآصوات .. تِندِبَك .. والآصوات
فوگ او حَـدُر وكت الفجر
ياعلي .. سلامات
_________

يامِشعَل الحگ طافي نبراسك
شو چنها جرَّت موت بأنفاسك
والشِبَـع من خيرك طبر راسك
يتَّم اَطفـالك وأهـلك ونـاسك

جراحات .. مو جرِح .. جراحات
بينه اشكـثُر وكت الفجر
ياعلي .. سلامات
_________

اشحال اليتــامه الليله بِغيابك
لمن وصل ليها صدى اصوابك
جابت لبن .. وِتعـنَّـت لبــابك !
كل ظنها تِشفه اوترد لَـحبابك

علي مات .. وانفگد .. علي مات
حظروا الگبر وكت الفجر
ياعلي .. سلامات
_________

تدري الأبو لو فارگ إعيـاله
يوگع البيت او ينهضم حـاله
وِالدنيا ماترحم بَچيْ اطفاله
ليليـــه تِگعــــد تِنطر اهـلاله

الوكت فات.. مايجي ..الوكت فات
راح العمر وكت الفجر
ياعلي .. سلامات
_________

كل عام جرحك يفتح اَحزانه
وِنعـيش آلامــــك يمـــولانه
نعلن حِداد ، وزينب اويـــانه
امگابله التُـربه او إلك سهرانه

خسارات .. روحتك ..خسارات
أصعب كَسُر وكت الفجر
ياعلي .. سلامات
_________

أشعـــــر بزينب وِبمصيـبتها
الله اليساعدها اعله محنتها
عباس يمها ايهَـدِّي حالتـــها
يتألم امن ايشــوف دمعـتها

علامات .. للحزن .. علامات
ليلةْ قَـدُر وكت الفجر
ياعلي .. سلامات
________

ياعلي 💔

خادم الحسين ع
#مرتجى الحسَّاني






@HxzEU1
https://t.me/hxzeu1
قناه نشر القصائد المنبريه

آنه أمْسَح دم طَبُرتَكْ وانته تمسحلي دَمِعْتِي
هِيه ليله ومني رايح وَادفـن بگبـرك فَرحتي
(بويه علي بويه)
__________

ليلة اوداع / تخـلص بساع / ياعلي اوساعاتها ايمـرَّن ثواني
رايد اتروح/ يا مُنى الروح/ لو تموت امنين أجيبن أَبو ثاني

أريـد اعيـوني منـك تشــــبـع اهــواي
بقت ليـله او بعد ماشـــــوفـك اوياي
أنا امْحَظـرَه الوضُـوئك طاست الماي
تِـنــام اشــــلـون وآذان الفجــر جـاي

چنت أفِـزَّن وي صـلاتك
وهسه سـهرانه لْـممــاتك
اتغيب وي بدرك نَجِمتي
وادفن بگبــــرك فرحتي .. بويه علي بويه
______

ابشهر إلِصيام / وسفه طبروك/ يل امخَلْص الليل تتـفـگَّـد الفقره
ابدَوْلِـتك چان/ ماكو جوعان / چنت تنطي اليدگ بابك عِشه الزهره

چنت تگســـم لُـگمتك وي الأيتام
المايگـــــدر يِنـام ابحضنك اينـام
وزير ابگرصت اشعير وملح صام
علي أكـبر خسـاره بدِين الإسـلام

شِـلَّـه بالدنيــا اليفـگــدك
الموت عن عيني يبِعـدَك
والله وسفه ابگد لَچِمتي
وادفن بگــــبـرك فرحتي .. بويه علي بويه
______

لو بل اعيون / گالوا ادواك / أرخص عيوني إلك كون انته سالِم
مني اخذ حيل / ياعلي وگـوم / هاي أوّل مره أشوفك بيها نايم

علي المســجد يريدك مو وكت نوم
عجب محـــرابه حـيدر فارغ اليـوم
صَفـار الطـــبره هــذا لـو أثـر صُــوم
علي اسم الله اعله حيلك ياعلي گوم

الليله محــرابك ينادي
لعنة الله اعله المُرادي
صابك اوطفّـه شمعتي
وادفن بگبـرك فرحتي … بويه علي بويه
______

بسمة الدار / لمّن اتموت / ياعلي معناها شال الوالي عنها
الْگلبه مكسور /فاگد اعزاز / وْروحي بعدك بويه تحـتار بزمنها

ألف وسفه التراب ايظم الاعزاز
وانا مخنوگه والْـنسـمتكم أعتاز
ٱليِخَـيْروني اببقـائي إلكم انحاز
علي گَضّيت عمرك تِمشي جَـنّاز

بويه بس مُوتك يِريحَك
من عذابك وألـم جرحك
نكـبـة امصــابك نـكبـتي
وادفن بگـــــبرك فرحتي .. بويه علي بويه
______

لو إجه العيد/ دگ الأبواب / آنه طفله وِبصباح العيد اَريدك
أفطر اوياك/ واگضي الأيام/ يمك، اطمئنان گلبي اوسادت ايدك

تره اليفگد أبو ايظل عمـــره مجروح
صحيح ايشـم هوى بس هوَّه مذبوح
اليفگدك يِگضي ليـله بدنْيِتـه اينــوح
علي ٱيَّامَـك سـعـيــده الجَّـنِـتَك روح

زَيِّـنَـتْ جَـنَّــتـــها فاطِـــــم
باجر اتطب وانتــــه صايِم
وانه أظل وحدي بحـسرتي
وادفن بگــــــــبـرك فرحتي .. بويه علي بويه
______

يهل الٱسلام/ ابهذا ترضون/ ينطبر بالمسجد الدِين اعله راسه
مايراعون/ حرمة البيت/ وادم ابََّـيت الله تتحدَّه ابشراسه

أمس نص عمـــري طاح ابعـتبة الباب
واخذ نص عمـري أبوي ابهذا الِمصاب
قِسِمْـتي ابدِنْيِـتي بس أفگـــد أحباب
تـره اغيـابك گـبــر ثـاني يبو اتـراب

وْللحـزن أصـبح سفيره
من يِگـيْدُوني أســــيره
واندفن غـــاد ابرِحِـلْتي
وادفن بگـــبرك فرحتي .. بويه علي بويه
______

خادم الحسين ع
#مرتجى الحَسَّاني





@HxzEU1
https://t.me/hxzeu1
قناه نشر القصائد المنبريه

مجلس الأمير ع
💧💧💧💧💧

1/شهرُ الضيافةِ فيهِِ يُقتَلُ الضَيفُ
الغدرُ عارٌ وقتلُ المرتضى حَيْفُ
ماذا فعلتَ بنا يا أيها السيفُ
مدى الزمانِ دماً نبكي أبا الحسنِ !!

2/ تنزَّلَ الأمرُ رزءً ليلةَ القدرِ
ِ قد شُجّ َ رأسُ عليٍّ مطلعَ الفجرِ
أهوى عليهِ بسيفٍ مجرمُ العصرِ
إبليسُ إنسٍ عليهِ لعنةُ الزمنِ

3/أنا عليُّ أميرُ الحربِ كرارُ
جيشُ الأعادي لِذِكرِ الإسمِ ينهارُ
خرجتُ مشياً وعُدتُ الآنَ يا دارُ
ليثاً جريحاً يدُ الأحبابِ تحملني

4/ حوراءُ ناحت وما أشجاهُ من صوتِ
لا أستطيعُ سماعَ النوحِ للبنتِ
عجِّلْ عَلَيّ َ ملاكَ اللهِ بالموتِ
ِ بكاءُ زينبَ في التوديعِ يقتُلُني

5/ شدّوا العصابةَ عَلّ َ الجرحَ يلتئِمُ
ويلاهُ رأسُ أبي نصفين ينقسِمُ
الساعةُ اقتربت لن يَسكُنَ الألمُ
فالسمُّ يسري أيا حوراءُ في بدني !!

6/الماءُ والسِدرُ في التغسيلِ يؤذيني
تُبَلِّلُ الكفنَ الدمعاتُ في عيني
غداً حسينُ بلا غُسلٍ وتكفينِ
فلستُ أرضى حسينٌ أن يُغسِّلني !!!

محمد طالب العاملي

مجلس الأمير ع
💧💧💧💧💧💧

يا أمةً لم تَحفَظِ (التنزيلا )
ومضت تُحاربُ بَعدَهُ (التأويلا)
فعليُّ من للدينِ أركاناً بنى
يهوي بمحرابِ الصلاةِ قتيلا!
كم مرةٍ قتلوهُ قبل مماتهِ
كم منهمُ قاسى العذابَ طويلا
قتلوهُ في هَجرِ النبيِّ. وحيدرٌ
لنبيِّهم لم يُكمِل التغسيلا
قتلوهُ حين رأى بحسرةِ عينِهِ
الجبتَ يَعصرُ محسناً وبتولا!
يا ضربةً أدمت برأسِ المرتضى
رأسَ النبيِّ وأفجعت جبريلا
لهفي لزينبِكَ العزيزةِ سيدي
في الدارِ تُطلقُ صيحةً وعويلا
أشجت ملائكةَ السماءِ بِنَوحِها
أبكت بدمعةِ عينِها عزريلا!
حسنٌ إلى الجثمانِ ينظرُ حائراً
وحسينُ يجلسُ قربَهُ مذهولا!
عباسُ تُمسِكُ كفَّ زينبَ كفُّهُ
للأختِ يغدو في الحياةِ كفيلا
قدستُ كفّاً في الطفوفِ تقطعت
ما بَدّلت في عهدِها تبديلا!!!!

محمد طالب العاملي

مجلس الأمير ع
💧💧💧💧💧

1/يا صائمَ الشهرِ مات العيدُ والفطرُ
في ليلة القدرِ جرحاً ينزفُ القدرُ
ميقاتَ أحزاننا قد صرتَ يا شهرُ
قد مات َحيدرُ يا حوراءُ فانتحبي

2/نادى الفقيرُ لما أخلفتَ ميعادي
يا طارقَ البابِ ليلاً حاملاً زادي
واللهِ بعدكَ صدقاً جاعَ أولادي
ناجاكَ قلبي بحقِّ اللهِ لا تَغِبِ !

3/في هدأةِ الليلِ إن الوقتَ معلومُ
لنا بكفِّكَ رزقُ اللهِ مقسومُ
وعنكَ يَسألُ مسكينٌ ومحرومُ
طالَ الغيابُ فأخبرنا عن السببِ!!

4/في صيحةِ النعيِ في آهاتِ جبريلِ
في صرخةِ الناسِ والأيتامِ" يا ويلي" !
بالسيفِ يقضي شهيداُ زائرُ الليلِ
وبانَ سرُّهُ المجهولُ واعجبي!

5/في كفِّ أيتامِكم نهرٌ من اللبنِ
للسمّ خذه ُ دواءً يا أبا الحسنِ
صبراً فهذا قضاءُ اللهِ في الزمنِ
ناداهمُ المجتبى واللهِ مات أبي!!

6/ لا تبكِني اليومَ يا ريحانةَ العمرِ
حوراءُ وابكي ذبيحَ اللهِ في الدهرِ
غداً ترينَ نزيفَ النحرِ كالنهرِ
والجسمَ والهفتي ملقىً على
التُرُبِ!!

محمد طالب العاملي

مجلس الأمير ع
💧💧💧💧💧💧💧

داعيَ اللهِ أتدري ما حَصَلْ ؟
قَتَلَ (التوحيدَ )بالسيفِ( هُبَل)!
والصلاةُ في الصلاةِ خُضِّبَت
لا تَقُلْ "حي على خيرِ العملْ" !
ليلةٌ في فجرِها رزءٌ جرى
باكياً جبريلُ فيها قد نزلْ
وإذا الشمسُ عليه كُوِّرت
غارَ ماءُ البحرِ واندكَّ الجبلْ
لا تَلُم زينبَ إن ناحت أسىً
إن حدَّ السيفِ للعَظْمِ وَصَلْ!
جَدّدَ الدهرُ مآسي أمِّها
جرحُ كسرِ الضلعِ بالجرحِ اتصَلْ
يا فقيراً حالِماً بالخبزِ يغفو
إقطَعَ الأحلامَ قد ماتَ الأملْ
يا يتامى حيدرٍ موتوا أسىً
كافلُ الأيتامِ وافاهُ الأجَلْ
لا يُلامُ المجتبى إن شَقّ َ جَيباً
قد جفاهُ الصبرُ فالخطْبُ جَلَلْ !
أيها السائلُ عن حالِ حسينٍ
إخفِضِ الصوتَ وعنهُ لا تَسَل ْ
جسداً في برزخٍ ما بين موتٍ
وحياةٍ قام َ عند المغتسل!
روحُهُ تعرُجُ مع روحِ أبيهِ
وينادي أيها الموتُ العَجَلْ !
وله جرحٌ به واسى علياً
عندما الرأسُ عن الجسم ِانفصلْ
ضاحِكاً مُستبشِرَ الوجهِ نراهُ
عندما الشمرُ إليهِ قد وصل ْ !
إن جرحَ المرتضى اليومَ هلالٌ
بحسينٍ يومَ عاشورا اكتملْ !!!

محمد طالب العاملي

يا ابا عبد الله. يا ابا عبدالله.
ـــــــــــــــــــــــــــــــــــــــــــــ١
تريدنه انصارك نصير ومانخاف من النفاق
يلصبغت العلم احمر. دمك الاحيه العراق
حسين يا اوسع سفينه. ولومشت مثل البراق.
خدمتك طيب طعمهه. بيهه يتحله المذاق

يا ابا عبد الله يا ابا عبد الله

ـــــــــــــــــــــــــــــــــــــــــــ٢

من طحت يحسين وحدك مطرت عليك السحاب.
عليك بس موماي مطرن. مطرن ادموع الرباب
والسمه حاضن رضيعك. وعطش من لون السراب
ومن علي الأكبر رساله. للوفه تفزع الشباب.

يا ابا عبدالله يا ابا عبدالله
ــــــــــــــــــــــــــــــــــــــــــــــــــــــــــــــ٣

صدق واخلاص وامانه. تبقى مدرستك تصيح.
بكل جرح منك يغالي. ينصلب يحيى و مسيح
تطيح رايات الملوك. ورايتك لاماتطيح
عدل رغم الموت تبقى. ياليسمونك ذبيح.

يا ابا عبد الله يا ابا عبد الله

ـــــــــــــــــــــــــــــــــــــ٤ــــــــــــــــــــــ

طبرت الحاجب مسافة. بين ربك والردان
من مسحت الدم تجلى. ربك بذاك المكان
وغضب ابليس وامرهم. ينضرب صدر الحنان
ونفذوا أمر المثلث. وذبلت عيون الأمان.

يا ابا عبدالله يا ابا عبدالله.


ــــــــــــــــــــــــــــ٥ـــــــــــــــــــ

بالارض عندك مواكب. وبعد عندك بالسماء
بالأرض كربلاء صارت. بالسمه هم كربلاء
الشمس من دمك ضواهه. حسين منك كل ضياء
والسماء تفسيره خيمه. قماشهه من الكساء

يا ابا عبد الله يا ابا عبد الله

ـــــــــــــــــــــــــــــــــــــ٦ــــــــــــــــــ

ياوطن يجمع شملنه. دمك ايوزع حيات
ياصلاة العشگ يمك. ابمرقدك تحچي الصلات
طحت بالصحراء ضامي. وخضرت كعبة الفلات
اتمنت الأنهار تسجد. علشفاف الذابلات

يا ابا عبد الله ياابا عبدالله.


ــــــــــــــــــــــــــــــــــــــــــــــــــــــ

حيدر موسى الرميثي

https://t.me/jbrjbrjbr

عزاء ونعي / زينب ع والأمير ع

💧💧💧💧💧💧💧💧

أنزِلوني لا ترى الحوراءُ حالي
متُّ حزناً في جوابٍ للسؤالِ

عن دمائي دمعةُ العينينِ تَسألْ
وتَراني فوق مَتنِ الناسِ أُحمَلْ!!

ياعليُّ زينبٌ في حيرةِ
وتنادي بالأسى يا ويلتي

لك رأسٌ سيفُ شيطانٍ أصابَهْ
لك رأسٌ عَصَّبوهُ بالعصابهْ

مثلَ نخلة شامخاً قد كنتَ تمشي
كنتُ طفلة مَتنُكم قد كان عرشي

عد إليّ َ واقِفاً مثلَ الجبالِ
عد إليَّ ليثَ ساحاتِ القتالِ

سامحيني يا ابنةَ الزهرا الزكية
سامحيني أنتِ من بَعدي سبية

إمنحيني قُبلةَ منكِ أخيرة
مثلَ أمسٍ عندما كنتِ صغيرة

الوصية من أميرٍ للأميرة
الوصية من جريحٍ للأسيرة

للطفوفِ إحفظي دمعةَ عينِ
في الطفوفِ قبِّلي نحرَ الحسينِ!!!

#عظم الله أجوركم
محمد طالب العاملي

من السمه نزل نبأ .. وگت الفجر بصيامه

متهدمه اركان الهدى .. بطبرة علي عالهامه
@@@
ياريت ما طر المسا الفجر
ولا الحيد وسط الركعه ينغدر
أنباء خلت بالگلب كسر
طاح الولي بمحرابه منطبر
…
ويلي وگعت لعمامه
ويلي وگعت لعمامه
صوت الوحي ينعه الولي ..ويلي وگعت لعمامه
متهدمه اركان الهدى .. بطبرة علي عالهامه

@@@

عالكون ينعي ناحب الملك
وزلزل صداه العالي بالفلك
والكوفه ترس ايتام بالسكك
هم زين گلب الحوره ما هلك
…
تلطم لطم ايتامه
تلطم لطم ايتامه
للمسجد ابدمعة قهر .. تلطم لطم ايتامه
متهدمه اركان الهدى .. بطبرة علي عالهامه

@@@
الدنيه بعد الطبره مظلمه
واعله الوطيه طبگت السمه
لمصله صابغ من علي ابدمه
وجبريل دمعه عالولي همه
…
للجمجمه وعظامه
للجمجمه وعظامه
سيف الدعي حيدر شطر .. للجمجمه وعظامه
متهدمه اركان الهدى .. بطبرة علي عالهامه

@@@
لافرضه تمه ولا صيام اكتمل
والشال خيبر بالدماء انحمل
وامن العصابه دم ولينه نزل
گرة عيون الشام واهل الجمل
…
من خلصت ايامه
من خلصت ايامه
بالشام اعياد وفرح .. من خلصت ايامه
متهدمه اركان الهدى .. بطبرة علي عالهامه

@@@
جبريل هون عالعقيله الخبر
لا تسمعك ركن الهدايه انطبر
جرح الزچيه بالصدر مانجبر
شتجمع مصايب حتى تشبع قهر
…
باب الضلع والقامه
باب الضلع والقامه
شتتحمل الحوره ألم .. باب الضلع والقامه
متهدمه اركان الهدى .. بطبرة علي عالهامه

@@@
علي احمد الحمود
٢٨-٣-٢٠٢٢
طبرة الأمير
شهادة

مطبور الوصي الكرار عالهامه
مطبور الوصي الكرار عالهامه
@@@
يحزام الصبر من فلل احزامه ؟
مطبور الوصي الكرار عالهامه
@@@
ومثلات الإوز صيحات ايتامه

مطبور الوصي الكرار عالهامه
@@@
لا فرضه كمل لا تمم اصيامه
مطبور الوصي الكرار عالهامه
@@@
ريت اعله الخلگ مو بيه آلامه
مطبور الوصي الكرار عالهامه
@@@
فارس خيبر المعروف صمصامه
مطبور الوصي الكرار عالهامه
@@@
متمدد يون والناس لطامه
مطبور الوصي الكرار عالهامه
@@@
ما ينفع دوه ولا تنفع احجامه
مطبور الوصي الكرار عالهامه
@@@
ياريت الدعي ماصوّب القامه
مطبور الوصي الكرار عالهامه
@@@
طاحت بالدمه مخضوبه لعمامه
مطبور الوصي الكرار عالهامه
@@@
بان امن الجرح للجمجمه اعظامه
مطبور الوصي الكرار عالهامه
@@@

مسموم النصل والموت جدامه
مطبور الوصي الكرار عالهامه
@@@
علي احمد الحمود
٢٩-٣-٢٠٢٢
شهادة الأمير ع

انته اجمل عشگ يحسين..عابر جرحك اسنينه*
بصدره امضيف الحافر..وعزّب للسهم عينه*

يطايح خير من الله.بحوافرهم يطشرونك*
ينرجس ينخلق للشم.ولا فهمو يشمونك*

حرامات الترف تچويه الهيمه*
عاري وما فزعله افياي خيمه*
يا حبيبي يا ابا عبدالله
..................................
شمره الماي بس ضامي..عجيبه وتنشف الهاتك*
بايگ حيلك الصيوان..من ركضن ابنياتك*

السهام اتفرهد ابحيلك.وانته اعيونك الزينب*
زحمه الشيخه من تركض.ظهرها امن التعب حدب*

بعراضة موت فزعتلك حوافر*
بدمك كشخت حسين الخناجر*
يا حبيبي يا ابا عبدالله
....................................
شما توگف يهز طوله..رمحك مشتهي ايبوسك*
حرام الدوس عالنعمه..ينعمه وحافر ايدوسك*

مثل الهيل شب عطره.لو چف هاون ايدگه*
غيّض كل سحگ صدرك.حوافر مطرت اتسحگه*

جدّو يمك ومديت چفك*
طشو جسمك وما كفّه طفك*
يا حبيبي يا ابا عبدالله
.................................
يالملبس الرمح دمك..ونايم بالشمس عاري*
وامشرب البوادي اطفال..غوالي والعطش شاري*

الربك چم گمر وديت.رسايل شوگ يقراهن*
عزيزات الرسايل حيل.والله ابلهفه لاگاهن*

بلا دمك غريب الطف يضامي*
المناحر تسجد امن انگول دامي*
يا حبيبي يا ابا عبدالله
....................................
سالفتي العطش والماي..اقراها ونشف ريجي*
ياخذني اعله دربك شوگ..والتذّ انه بطريجي*

مرات الجرح يرتاح.لو يشرب ملح دمعه*
وما اريده الجرح لو طاب.عالمفرهد الحدّ صبعه*

شيكفي اللطم عالراح ضعنه*
غريب اعله الهزل للشام منّه*
يا حبيبي يا ابا عبدالله
..................................
ايباتن بالخرايب ليش..واهوه الكون مُلك اهله*
تگعد عالتراب ام عون..أميره وهايه مو سهله*

يأشرون اعله اخت عباس.تمرد هاي الحچايه*
ياهي الصعدت اعله النوگ.ياهي الحدبت هايه*

طبت عالهزل والشام شامت*
منّ الفشل چان اللون باهت*
يا حبيبي يا ابا عبدالله


علاء المياحي
الفاتحه لروح والدي

كلشي بيك حسين يوجع*
ومن اجه السلاب يگطع*
گتله هاك
الشمس تحرگ وجنتك*
رغم زرگة اهناك شفتك*
گتله هاك
.......................
كل سيف ورمح يحسين.. شربن من حلاتك دمّ*
يهنيال الترب مولاي.. شابع من وجنتك شمّ*
مو فيّ بالشمس غطاك.. فياي اسهام الك غيمّ*
بخظارك تارس انته الگاع.. شيلمك يلي ما تنلمّ*

وانتشت بيك الخناجر*
ناسي كلشي بشغله حاير*
بالخيام
ماكو بين الكون مثلك*
السيف جّده وانته كلك*
گتله هاك
...........................
عطشو للذبح واجريت.. ماي وسبّلت منحر*
كل سهم اليمرّ يحسين.. صدرك يطلع امعطر*
غطيت الرمح بدماك.. وبرّدت الشمس والحر*
ما شايف جرح ملچوم.. يكشخ بالدمه الاحمر*

سفره فوگ الگاع نحرك*
شبع الحافر ابصدرك*
وارتضيت
كل جرح ينجاس يلچم*
ومن اجه السياف يثلم*
گتله هاك
.............................
فزعو عالخيام الناس.. للبوگ وردت تنهض*
ولا خيّر فزع حايوز.. طلابه وما رضت تنفض*
شما توگف تجيك ارماح.. وجسمك سيدي امرضرض*
والدم يعترض عالشوف.. بجفنك جامد وغمّض*

رمحك امن الماي اصلف*
يعترض من چنت توگف*
شگد هويت
سلمت للگاع جرحك*
بحيلك اشگد باگ رمحك*
گتله هاك
.........................
احتازك ما عطشته الماي.. ومدّ روحه اشتهه شفتك*
وديت الگمر عطشان.. چيه بيه ريحه من بختك*
براد اگليبك العباس.. چان واحلا سالفتك*
وما كاسر خلگ للماي.. شربته عطش اختك*

الضمه اينام اعله جرفك*
واترست بالهاك طفك*
والجروح
كلهه چانت مُلك ايدك*
ومن اجه الحافر يريدك*
گتله هاك
..........................
ماتو وانته حيّ للدوم.. وجرحك جازي كل لچمه*
نحرك غطى كل الكون.. من فاض ونزف دمه*
هنياله اليعرفك زين.. بس جرحك منو يفهمه*
وجه الدنيه كلهه ارماد.. ونورك يطرد العتمه*

أليتيه اتكضها ايده*
واحنه بس ترضى النريده*
يا غرام
يمك الدمعات صلّن*
الاجاك اتگله اهلآ*
گتله هاك


علاء المياحي
الفاتحع لروح والدي

#الإمام_علي
جديد بمناسبة شهادة أمير المؤمنين علي بن ابي طالب عليه السلام قصيدة بعنوان (جروح السجدة).
شوط كربلائي


بمحرابه علي الكرار
حيف الهامه طبروهه
وصيحه من السمه دوت
الليله الحره يتموهه


عشره شبگت اعله الراس
من سمعت نحيب الكون
الكواكب كلهه محزونه
وانجوم السمه يبچون
لن حيدر علي هذا
وبيه الوادم يتچون

جبريل بعزاءه صاح
حيدر علي هذا الطاح
سمعوا بالسماء اصياح

دين الله بعلي يتموه
العروة الوثقى افصموهه
▪️〰▪️〰▪️〰▪️〰▪️〰▪️〰
وكفت زينب اعالباب
ونيران الگلب تسعر
بريتهه الهوا مخنوگ
دگلي ابيش تتصبر
المصيبه حلت اعليها
مو سهله فگد حيدر

يحيدر ظلت تنادي
بفگدك طايح اعمادي
يغوثي وغوث المنادي

طبروا هامتك يا حيد
اليتامى ويل ضيعوهه
▪️〰▪️〰▪️▪️▪️〰▪️〰▪️〰
يا طبرة علي الكرار
سود أيامي تاليها
اليتامى بالحزن تنحب
گوم اسمع بواچيها
وزينب ياعلي لليوم
ما خلصت نواعيها

هيه من الزغر تنحب
گلبها بس جمر يلهب
ودمع بالعين ما ينضب

الضلع والعين والعصره
يحيدرها يألموهه
▪️〰▪️〰▪️〰▪️〰▪️〰▪️〰
راسك منطبر شافت
ظلت تنتحب يا ويل
يكثر همهما بالاهات
لو چلچل عليها الليل
مع الايتام يم بابك
ودمعهه من دماء يسيل

يحيدر واگفه عالباب
مذهوله بعظم المصاب
تناديك بدمع سچاب

آمالي وطبر راسك
يبويه الليله ذبحوهه
▪️〰▪️〰▪️〰▪️〰▪️〰▪️〰
لون ترحل يبو الحمله
بيّه تنلچم الجروح
تدري من فگد فاطم
گلبي ما يعوف النوح
وانت هسه فاجعني
گلي شيبقى منها الروح

برحيلك يعني اتحضر
يبويه لگطعة الخنصر
وعيوني دمه تمطر

يحيدر وي طبرتك هاي
خيامي اعليه حرگوهه


تمت بعون الله تعالى
خادمة الزهراء // ليلى زغيب



الشاعره ليلى زغيب
اين الطالب بذحول الانبياء وابناء الانبياء
https://t.me/Doumooalanin

علي بوية علي فكدك هظمنه
يتامه ويـكسر الخاطر دمعنه
نار الفركة نار
........................................
بسم كسر الكلب طفوا شمعتــــي
صحت بويه علي وطاحت دمعتي
وغلاتك ما نمت ليلـــــي وصفنتي
أنذبح حلمي يعافيتي وضحكتــــي
وحشه أديارنه وأديار أهلنه
يتامه ويكسر الخاطر دمعنه
من الموت أغار نار الفركة نار
علي بويه علي
..................................................
سوالف عيني وي كل مغربية
تمطر شوك واتخضًر عزيـــة
جنه أهنانه من نكعد سويــــــة
يخيمة بيتنه الطاحت عليــــــة
أباب البيت ننتضرك بعدنــه
يتامه ويكسر الخاطر دمعنه
حلم مثل الصغار نار الفركة نار
علي بويه علي
...................................................
بعدك بويه ما يرحم زمانــــي
ليش الموت أخذني وما خذاني
يروح الروح زينب بويه آنـــي
الترب ما كتله لا ياخذ مكانـــي
يشمعة بيتنه وعزنه وفخرنه
يتامه ويكسر الخاطر دمعنـه
بان ألأنكسار نار الفركة نار
علي بويه علي
....................................................
أعاين كل أخوتي بـلا ملامح
واحد واحد أمن الفركة طايح
أجانه العيد بويه وين رايــــح
أنه بحاجة حنانك مو نوايــــح
لا أم لا أبـــو اليجبر كسرنه
يتامه ويكسر الخاطر دمعنه
يا شمس النهار نار الفركة نار
علي بويه علي
................................................
يم كبرك يبو الحملة أجينـــــه
كعدنه وفزز الموته بجينــــــه
ألما يعرفنه ضل يعطف علينه
واحنه الطير ياكل من أدينـــه
بعدك ضعنه وأطشر شملنه
يتامه ويكسر الخاطر دمعنه
ذبل كل الخضار نار الفركة نار
علي بويه علي
..............................................
خادم خدمة الحسين
الشاعر
محمد الموالي

يا مَن عزمتَ على الصيام بشهرِهِ
مُتقرِّباً لله طاعةَ أمرِهِ

إنَ الحسينَ المستظامَ سبيلُهُ
نِعمَ التوّجهُ لو يقولْ لِشطرِهِ

فالصومُ ذا جسدٌ وروحُ حياتِه
حبُ الحسين اذا استفاض بصدرِه

فاللهُ يقبَل بالحُسينِ صِيامَنا
فالنغتنم في الصومِ ساعةَ ذِكرِه

واللهُ يغفر بالحسينِ بالحسين ذنوبَنا
يُغضي عن الذنب العظيمِ بأسرِه

واللهُ يكشِف بالحسينِ كروبَنا
في ذكرِ محنَتِه وآيةِ صبرِه

واللهُ يستُر بالحسين عُيُوبَنا
وبهِ يُجلِّلُنا بسابِغ سترِه

لو مسنا عطشُ الصيامِ فإننا
نبكيه عطشاناً يجانبِ نهرِه

او مسنا جوعٌ سنذكرُ جوعَه
فلقد تظوّر من فداحةِ عُسرِه

وإذا شبعنا أو رَوينا غُلَةً
فعليهِ نُومئُ بالسلامِ لقبرِه

مِنا السلام على المُخضّب بالدما
مَن قد هوى فوق الثرى من مُهرِه

مِنا السلام على المُقطّع جسمُه
ومَن ارتوت كربُ البلا من نحرِه

مِنا السلام على المُعفرِ بالثرى
اضحت تُكفِّنُه سوافي عفرِه

شعبي:
بحراني:

منا سلام على الذي حزوله نحره...
وداست على صدره الكُفُر بخيول عشرة
كلنا نواسي بالعزا فاطمةَ الزهرا
وجده النبي وحيدر واخوه بدمعة العين
نسلِّم عليه ونريد منه ردّ لجواب
ذاك لتغسّل بالدِما واجفانه لتراب
ويحضرنا بلحود المظلمة ويوم لحساب
يا رحمةَ الواسعة لكل هاي المحبين

يالتريد تزور ابو اليمة الشهيد
لا تگول بعيد عنك مو بِعيد
وين ما گاعد جنت وبيا زمان
زور ابن كرار هالبيده الجنان
تصوّر الگبة السِّما وگلبك مجان
بيه گبُر مولاك محزوز الوريد
غمّض عيونك وگلبك خل يشوف
شنهو صار يوم عاشر بالطفوف
راح تلگه حسين حاطته الصفوف
هو بين جيوشها حاير وحيد
ما بُگاله من الاهل بس العليل
لاكبر وجاسم وعباس الجفبل
كلها صرعى اولاد حماي الدخيل
بس جثث ضلوا على وجه الصعيد

خلي روحك على الگبُر بالهم تطوف
وصلي علصلت على جسمه السيوف
وإشتِعل نيران من عينك تشوف
نار بخيام الوِلي مسجورة
سلِّم عليه وطرَف عينك تجيب
صيح يا مظلوم يحسين الغريب
شلون خدك يا بعد خدي تريب
على الذاري ورُگبتك منحورة

ابوذية:

والله رحلهُم
إطحنِت بينا يبو اليمه رحى ألهّم
الشيعة بس على گبرك راحة إلهم
تِهِّل عيني لون شدو رحِلهُم
وگلهم وين گالو الغاضرية

مو ألم ينزف الجرح .. ولا كسير ابخاطره
كل ألم من فاجعه .. يتيم يفگد حيدره
مو ابو بس انفگد .. بالمصيبه الصايره
الطبر راس الولي .. دين الله طبره
…
ليلة القدر ابحزن
خلت ايتامه تون .. والالم بدايه
للهدى طاح الركن
والوحي يبچي ويون .. ابطبرة الولايه
…
مو بس الابو افگدنه
دين ومعتقد عدنه
وبعده هالدهر ضدنه
راح الحمايه

الرأفه بهامته امطبر
وصعبه الفرگه مانگدر
اشتگنه لمسحته حيدر
خير البرايه
@@@
( وداعًا ياعلي .. وداعاً ياعلي )
@@@
اللبن ريته دوه .. وريتك عدل .. يابالحسن .. ترجع سليم
العصابه والوجه .. منك صفه .. اصفر مثل ..
وجه اليتيم
@@@
زينب ابهاذي الرزيه .. ذكرت اضلوع الزچيه
جرح امها ما تشافه .. وللحزن صارت سبيه
…
الحسن وحسين حاله .. ويّه عباس الكفاله
وصار هالعيد ابدمعها .. تلبس الاسود عياله
@@@
ايتامه تنادي .. وينه ابونه
يمسح علينه .. ابچفه الحنونه
…
بعده اليتامه .. ماهي سعيده
واسود هدمها .. ثياب الجديده
@@@
علي احمد الحمود
١١-٤-٢٠٢٢
شهادة الأمير
بحراني

ابو ذيات



حمدني الوكت مااريدن حميده
اذا بالفرگه احس گلبي حميده
عمي حسين من گلي حميده
مسح چفه اعله راسي وحن عليه
______

خذوني مچتفه. والشوگ يرباي
اعله مهدك جفني ضل مصلوب يرباي
ربيتك. التالي. الشيب يرباي
متت. گبلي. وعفت. داري خليه

________

بچه. جفني. بظلام الليل شبچه
دمع شبه الرماح الصفت شبچه
اعله جسمك يمن صيد بوسط شبچه
صرت. واعيونك. الخيمة رقيه

_________

رهينه اخيامي واحترگن شجي ارهن
استجارن. بس حرم بيه شجرهن
اعروگ. بگاع. وتگطع. شجرهن
رگبكم والاجساد اعله الوطيه

_________
هديه. براسك الوادم. يهدون
ابيمنتي. املاك بطفالك يهدون
اليسار من ابچي اضن كلهم يهدون
بحجر وبسوط. ومخازر عليه
_______
#عبدالامير السعيدي

_





@HxzEU1
https://t.me/hxzeu1
قناه نشر القصائد المنبريه

دخيلك ماكو واحد بالبشر غيرك
الموت ابكبره ما غَير تعابيرك
دخيلك محد ابكدك
موتك خاف من عندك
يبو الحسنين
ا****
طلع من بيته دستور البساله
مو موته أجا هوه المشاله
مشه وما حاط بس الله اعله باله
ومات وما ترك لفظ الجلاله
شايل مبدأ وصاحب دلاله
دخيلك حته موتك بي رساله

دخيل اجفوفك العل دُعا معتاده
ودخيل الما بچن الا اعله سجاده
دخيل القوه البزندك
ا******
عشت شايل نفِس كلش ابيه
ما موجوده عد كل البريه
محد قبلك ابهاي القضيه
بشر وتخاف من عنده المنيه
شواصل مرحله حامي الحميه
ويشتاگون اله ربه ونبيه

تحسب لحظه لحظه اليوم الملاگه
ألسمه والبيهه للكرار مشتاگه
كلهه تنتظر ردك
ا***
حضَر روحه من قرب اجلهه
حته الروح حيدر ما بخُلهه
ثگيله ضربته لكن حملهه
ورغم قوتهه بس ما مهتم الهه
الشجاعه بس علِي يُضرب مثلهه
ما تحله الشجاعه بس بهلهه

بذيچ الساعه كلبه ما رجف لحظه
ينزف دمه لكن ما ترك فرضه
محد يكدر ايبعدك
ا****
صفاتك ياعلي ما حادهن حد
ولا ألهن عدد ونگول تنعد
اول صفه بيهن واحد أحد
وثانيهن حبيب الله ومحمد
أما الثالثه الجندي المؤيد
ورابع صفه الزاهد والمزَهد

التسلسل وي صفاتك تيه احسابه
الذكرهِن ياعلي ما تكفي الكتابه
اللُغه والبيها مو گدك
ا******
لازم تنذكر هاي الحقيقه
ليش انشگت ابعهده الوثيقه
علي مثل النهر يمشي ابطريقه
ما زاود بشر من الخليقه
تره الحبك حلال اعلِي شهيقه
واليبغضك عذاب الله صديقه

دخيلك يبو الكلفه ابكل تفاصيلك
وبس لجلك صدگ تنگال الدخيلك
فاز ال لايذ ابسدك
ا****
#الشاعر
مصطفى البديري




@HxzEU1
https://t.me/hxzeu1
قناه نشر القصائد المنبريه