استقبال محرم

خلوني ابچي.،، ولا تلوموني.
ماشفتو شنهو،، الشافته عيوني
هاي انه زينب. هاي أنه زينب

مطرت الدنيه عطش وچم رمح اصبح نعش
وصدر الحسين نفرش. وگبالي ينداس
شمس مابيها ضوه. والهوه يدور هوه
من شفت ذاك الوه. يبچي اعله عباس
بدنيتي كلشي ذبل. الموت ماخله أهل
أنه لو صبري جبل.يتفطر احساس
طشت السبحه،، طشت ضعوني
خلوني ابچي،، ولا تلوموني

كلشي بعيوني انگلب،،.صارن خيامي حطب
طفل مات وماشرب،،. وتهنه باالماي
أمه مهده تصد اله.،، ترتبه وتعدله
الام گلبها مشكله،، من يحن هواي
وهاالمواقف موجعه؛؛ بيها گلبي اشگد نعه
چم عزيز يودعه،، وتشوفه عيناي
من ودعتهم؛؛ مايسمعوني
خلوني ابچي،، ولاتلوموني

سنه دارت عاالذبح،،وعاالجبين البي جرح
روس مرفوعه برمح،،ويلاه عاالاخوان
گربت ايام الهزل،،والسياط ويه الحبل
ياهلال المن تهل،،وتزيد الأحزان
أنه مهجة فاطمه،،دار اخوتي مظلمه
اجري الله يعظمه،،شهر الحزن حان
ماانسه اخوتي،،لحظه تدروني
خلوني ابچي،،ولاتلوموني

گمت اشم ريحت حرگ،،وگلبي بطل ما يدگ
هاالشهر بيه نفترگ. أنه ويه العزاز
گلبي ياناس انشلع،،ياهو من عدكم سمع
الرمح هوه الطلع،،بخواني جناز!!!!!
الراح مايرجع تره،،ولا ترده المگبره
بعطر أخوتي استشعره،،بس الگبر فاز
اتمنه يمهم.،،لو يدفنوني
خلوني ابچي،،ولاتلوموني

والله لو سهم النحر،،غمض عيوني وعبر
چان عبدالله كبر.،،يمشي على رجليه!!!!!
مهده ضل بكربله،،ياهو يمه يلولي آله
اه ينبلة حرمله،،گلبي كسرتيه
شذكر وشنسه أنه،،مرت عليه سنه
نايم بنوم الهنه،،عبدالله خليه
وامه تنادي،، بطفلي فجعوني
خلوني ابچي،، ولا تلوموني

#سعد العبودي
اهدي ثوابها الى روح والدتي



https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

في ثرى الطفِّ ابتلاءٌ كانا
أم دماءٌ حطمَت طُغيانا
ثورةٌ أم إمتحان ْ
أم كِلا الأمرَين كان
حَكِّم العقلَ ترى التِبيانا

ظمأُ الكبدِ وحرّ ُ النار ِ
إمتحانُ الصبر للأبرار ِ
عَملياً كانَ لا تَنظيرا
بامتيازٍ أحرَزوا التقديرا
فضَّلوا نزفَ الدماءْ
دونَ ذُلِّ الإرتواءْ
وإلى العَليا مَشوا رُكبانا

في ثرى الطفِّ أمورٌ عُظمى
ومَدى الثورةِ كان الأسمى
وحسينٌ بدم ٍ مِدرار ِ
خطَّ دربَ العزِّ للأحرارِ
وعلى أرضِ الطفوف ْ
غلبَ النَزفُ السيوف ْ
رافعَ الرأسِ مضى ما هَانا
**
واحدُ الدهرِ حسينٌ فيهِ
سرُّ قُدس ٍ ربهُ يُخفيهِ
في سبيلِ الله عُمراً أفنى
وغَدا عن كلِّ يوم ٍ قَرنا
وعلى مرِّ العصور ْ
حازَ في الكونِ الحُضورْ
وعلى عرشِ الفِدا سُلطانا

=============
لقمان لعيبي البدران
@lukmanalbadran

*[ غربة المدامع ]*

أداء: الملا #محمد_باقر_الخاقاني
كلمات: الشاعر #السيد_مرتضى_الياسري
الذاكر: كرار الجناحي

https://youtu.be/9pvTMV5lkqw

مجالس شهر شوال لسنة 1442 هـ - 2021 م
ليالي إستشهاد الإمام جعفر بن محمد الصادق صلوات الله عليه
رابطة خدام الإمام الحسن المجتبى عليه السلام - العراق - بغداد

مونتاج وتنفيذ: سجاد عباس العكيلي
مكساج: حسن المنصوري
مخطوطة: محمد الصادق
النشر الشبكي: علاء بركات العاملي

اللَّهُمَّ عَجِّلْ لِوَلِيِّكَ الفَرَج

‏(مرَجَ) الرحمانُ بعزَّتِهِ
‏للعصمةِ أزْخَرَ (بحرينِ)

‏فالبحرُ الأولُ "حيدرةٌ"
‏والثاني "أمُّ السبطينِ"

‏"ذو الحجةِ" شعَّ إذِ التقيا
‏فَرِحاً بزواجِ النورينِ !

‏⁧ #زواج_النورين⁩
‏⁧ #اللهم_عجل_لوليك_الفرج⁩

شلون أهل المروه تنام والنسوان بالهيمه
.........

لا عدهن خيم لا زلم تحميهن
شردن بالصحاري ونار بعبيهن
لا كفال يمهن ينغر اعليهن

لا خوان عدهن لا بقت خيمه

شلون أهل المروه تنام والنسوان بالهيمه
.....

المحد شافهه ومحد محاجيهه
تركض شارده بالهيمه تاليهه
زينب ياخو زينب كوم حاميهه

ماظلت اخلافك للخدر قيمه

شلون أهل المروه تنام والنسوان بالهيمه
.....

ياحيل اليظل لليفكد اخوانه
زينب ع الركض مابيهه تعبانه
للخوان مو للماي عطشانه

عطش خوان بيهه وشحت الغيمه

شلون أهل المروه تنام والنسوان بالهيمه
......

زينب گامت تجر النفس گوه
جا بيهه السبي ياوادم شسوه
تبجي اعله الدلال وطيبة الخوه

راحت ويه اهلهه الخوه والشيمه

شلون أهل المروه تنام والنسوان بالهيمه
..........

كعبة بيت حيدر تصعد الهزله
فشله اعله الهواشم لو درو فشله
گالت كون ميته ولا جنت عدله

اخ من السبي ما ينحمل ضيمه

شلون أهل المروه تنام والنسوان بالهيمه
........

#الخادم موسى البطلي




https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

(ملمع)

صاحَ اللّئيم ُ بصَوت ْ
جهِّـز نبَال َ الموت ْ
دَع عنكَ هذا النومْ
وإقطَع نزاعَ القومُ
ياحرمله

صُوت امنِ الجَمِع سِمعَوا مِله الحُومه
فَحيح الأفعى يشبَه ينفِث اسمومه
عُمَـر هذا الزَنيم الواضحَه اعلومه
الرِمه أوّل سَهم والخِطـّه مرسومه
طمَعاً بمُلك ِ الرَي
قد كانَ هذا الغي
لن يُبقي منهَم حي
بالغدرِ هذا اليوم
إقطَع نزاعَ القوم

من گال الحُسين وطِفله باحظانه
يتلَاوه ابعطـش متغَـيِّره الوَانه
مثلِ الخِشبه صاير يابس السَانه
ومتحَجرَه لهَاته وروحه خَلصانه
يامن مُلِئـتُم غِـل
ما ذنبُ هذا الطفل
يُسقى كؤوسَ القتل
بالغدرِ هذا اليوم
إقطَع نزاعَ القوم

هَرَج بالجيش بان وصارت الحَاله
ناس تگول خلَّه ورحمُـوا باحوَاله
طفل عطشان ذاوِي وكل ذنب مَاله
وناس اتگول خَل نفجَع گلب آلَـه
بانَ اختلافُ الجَمع
صَخبٌ يغطّي السمع
لم ينجَلي بالرَدع
بالغدرِ هذا اليوم
إقطَع نزاعَ القوم

عُمَر نادَه ابن كاهِل بالعَجل گلَّـه
إگطع حَچي الگوم بشَفرة النَبله
استفسَر منَّه رِدْت حسين لو طفله
گله اترِك الابُو وهذا الطفل كِتله
مارِس فنونَ الضَرب
ضَع نبلةً في القلب
واحرِق فؤادَ الأب
بالغدرِ هذا اليوم
إقطَع نزاعَ القوم
**
لِـمْعَت عينه بالشر حرملـه وجَابه
قُوس الموت بيدَه وسدَّد انشَـابه
قِصَد جسم الطفل وَسْط الگلب صَابه
وچن سِمعُوه يصيح حسين يايَابه
قد كنتُ أشكُو الحَر
في القلب ماذا مَر
ماءٌ أتى أم جَمـر
بالغدرِ هذا اليوم
إقطَع نزاعَ القوم
---------------
لقمان لعيبي البدران

@lukmanalbadran

*[ من تموت وجاي عاشور ]*

أداء: الرادود #علاء_الغريباوي
كلمات: الشاعر #ميثاق_الحمداني

https://youtu.be/yEdYCgI0TEk

مجالس شهر ذي القعدة لسنة 1442 هـ - 2021 م
ليالي إستشهاد موﻻنا باب المراد الإمام أبي جعفر محمد بن علي الجواد صلوات الله عليه وآله
عزاء حسينية الشريفة بنت الحسن عليهم السلام - العراق - ذي قار - الشطرة

مونتاج: لؤي رحيم
مكساج: كرار الموالي
مخطوطة: حيدر الزمان
تنفيذ: الحائر للانتاج الحسيني
النشر الشبكي: علاء بركات العاملي

قصائد محرم

ياجرح بجروحك★… ★منة ياخذ روحك
هَـَْـُــذآ عــزرائيل واگــف حــايــر
القبض روحك خوية شو ما گادر
-------------------------------------
الوگع مـــِْن السمة للگاع
                       ما صاير مثل حالك
عزرائيل ظل محتار
                      يرجع مدري يدنالك
وذرة اهناك وذرة اهنا
                     هيج مطشرة اوصالك
خوية الذابحك يحسين
                  ليش مـــِْن الشعر شالك

حين شاهد راسك… مـــِْن جبينك باسك
وذرة وذرة مـــِْن الحوافر صاير
القبض روحك خوية شو ما گادر
-------------------------------------
مـــِْن داست عليك الخيل
                     وعيون النسة تنظرك
لگن حافر فرس مكسور
                     باقي نابت ابصدرك
واكو حافر بعد يحسين
                    مگبل طلع مـــِْن ظهرك
يحسين انتة اصل الخير
                    ليش الوادم اطشرك

شسوة بيك الحافر… ظلوع صدرك كاسر
ولــية  والينك  ومــامش  ناصر
القبض روحك خوية شو ما ڰادر
ــــــــــــ ــــــــــــ  ــــــــــــ
مثل ما تطحن الحبات
                    الرحة هيݘ حالك صار
ما كفة الذبح بالسيف
                     ذبحو گصتك بحجار
بعصي ورماح هدو ليك
                     اجوك منين ما تندار
كل هَـَْـُذآ واجو اردود
                   بحوافر تشبھ المنشار

اݘفوفك امگطعينهة… اثيابك امسلبينهة
ويلي خوية شسوة بيك الحافر
القبض روحك خوية شو ما گادر
ــــــــــــ ــــــــــــ ــــــــــــ
ماصارت ﮔبل يحسين
                  مطرت بالطفوف اسهام
كالقنفذ صرت والناس
                   عليكم  شادين احزام
بجسمك ماكو شي ينشاف
                     حتة ايرسمك الرسام
وادم ساگهة الشيطان
                 عاشت كل عمرهة اوهام

ياعزيز الزهرة… شفتك متفطرة
بصدرك الخيال گــالو عــاثر
القبض روحك خوية شو ماكادر
ــــــــــــ ــــــــــــ ــــــــــــ
البايگ محبسك جاليش
                     گاطع خنصرك وياه
بزواية الطف ادور اعليه
                    وگايدني النزف للأ ﺄه
جسمك فرهدو ونوب
                    كل حر الشمس فوگاه
عليك بجنحة عزرائيل
                     يڤيي والدمع وازاه

واگف أيڤييلك… ظل ينادي أدخيلك
اجروحك انترست رمل بالعاشر
القبض روحك خوية شو ماكادر
ــــــــــــ ــــــــــــ ــــــــــــ
رجع للباري ملك الموت
                 يبجي وحيل يتعذر
منين اقبضهة روح حسين
                 وجسمة عاري وموذر
مابيه كتر سالم ظال
                  لٱ جفين لٱ منحر
والرب قبض روح حسين
                ضامي وشربة الكوثر


قبض روحة الباري… والتراب الذاري
عالمصيبة  كلب اختك صابر
القبض روحك خوية شو ماكادر
ــــــــــــ ــــــــــــ ــــــــــــ
تمت
الْحٍمَدٍ للـّہ
✍كلمات الخادم… #حسين حمدان الدلفي
رزقهم سلام الله عليهم




https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصائد محرم
الامام الحسين ع يخاطب اخيه اباالفضل ع

أشرلي بݘفوفك… وعيوني أتشوفك… صدگني ماعوفك… يامهجة الروح

ولو مگطوعة ݘفينك
أشرلي بسهم عينك
بعدك حاير احسينك… أويلاأه
ــــــــــــ ــــــــــــ
جيتك اركض   والمخيم     عفتة خالي
ياابو فاضل   وانتة عندي   هواية غالي

أول مرة اشوفك طايح مخضب
تلوج امن السهم وصوابك مترب
عگبك ياابو فاضل ياعذب نشرب
شيبرد اصوابك انتة بعينك مصوب

حاجيني يالغالي… ماجانت أبالي… ياماي يحلالي…
وأكبالي مطروح

أنتهة المابيني وبينك
أشرلي بسهم عينك
بعدك حاير احسينك… أويلااه
ــــــــــــ ــــــــــــ
عوف كلشي   وخلي نرجع   يم أختنة
تدري  بيهة     عــالمــحنة    عودتنة

مامتعودة زينب وانتة مو يمهة
فكدك خوية تدري هواي يلجمهة
شحالك لْـۆ تشوف النار بخيمهة
بعدك والشمر بالسبي يشتمهة

اختك يضربوهة… ونوب يسبوهة… والغرب شافوهة
ويم راسك تنوح

أختك تسمع أونينك
أشرلي بسهم عينك
بعدك حاير احسينك…. اويلااه
ــــــــــــ ــــــــــــ
الخوة راحت  وانة هسة   بلاية ناصر
كلهة ضدي   وحاوطوني   بــالعساكر

بقيت الوحدي ادير العين وتلفت
اجتني الكوم بيه تريد تتشمت
لحدود المخيم خيلهم وصلت
على جسمي  يخوية فاتت وسحكت

يحتركن خيامي… كلشي يضل ضامي… ياخوية جدامي… يضل دمي مسفوح

راحت ضحكة اسنينك
أشرلي بسهم عينك
بعدك حاير احسينك… أويلااه
ــــــــــــ ــــــــــــ
الحيلة قلت    وانة اعاين    يمنة يسرة
هذا حالي      أستوحدوني  وهمة كثرة

أشاڰف والنزف ياخوية ماخذني
ناس بظهري ناس بصدري تطعني
حوافرخيلهم متحضرة تسحكني
عكبك ياابوفاضل ياهو يدركني

يتسلبن هدومي… يتغيرن ارسومي…  توصلك اعلومي… والراس  مذبوح

يالشايل علم دينك
أشرلي بسهم عينك
بعدك حاير احسينك… أويلااه
ــــــــــــ ــــــــــــ
راسي يصعد    وية راسك   برمح عالي
اني اسألك    وانتة جاوب   عن سؤالي

أول تالي زينب تمشي مسبية
يضربهة الشمر وتعاين اعلية
واني اعلة الرمح والشيبة مدمية
أول تالي غربة تشوف علوية

يتفرج الظالم… وتصيح الوادم… جبنة حرم هاشم...
هاي اصعب جروح

أمسح دمعة اجبينك
أشرلي بسهم عينك
بعدك حاير احسينك… أويلااه
ــــــــــــ ،،،،،،،،،،ــــــــــــ ــــــــــــ
تمت
الْحٍمَدٍ للـّہ
✍كلمات الخادم… #حسين حمدان الدلفي
رزق مولاي الحسين ع الغريب



https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصائد محرم
قصيدة ( خيمة الحسن) 

خيمة  للحسن بالطف نصبنة
ماموجود بس موجود أبنة
آلّقآسمٌ جُآن مٌوجُود… وهًوهً آلّهًآيِ مٌريِود
مٌآٍمٌوجـِودً بس موجود أبنة
ــــــــــــ ــــــــــــ .....
وصلنة الكربلة وحسين  حدد خيمة انصارة
وخيمة كافلي العباس  نصبهة حسين بكتارة
وبسم الحسن دگ خيمة خلاهة على ايسارة
القاسم مثل ابوه معروف مارد يوم  خطارة

أبنك يالحسن عامر مضيفة
بالطف خدر الكهوة اعلة كيفة
حيد وخلفة حيود… وهوة الهاي مريود
ماموجود بس موجود أبنة
ــــــــــــ ــــــــــــ .....
أول ما نصبنة اخيام شرع خيمتة القاسم
بهاي الخيمة ماحط باب خطار الحسن قادم
صاح الًيَوُمًِ اراوي الكوم اعزوبية بني هاشم
ماعازم ولا خطار على ذبح الزلم عازم

خل كل واحد يسولف تراثة
احنة بالكرم عدنة وراثة
ياهو اليدنة الحدود… وهوة الهاي. مريود
 ماموجود بس موجود أبنة
ــــــــــــ ــــــــــــ .....
لابس درع ابو والسيف لبسة هواي يحلالة
وبشسع النعل رايد يسحك روس خيالة
ريشة براسة فوك الطاس والبيرق على اشمالة
حط موكد ابو بالباب وخدر كهوة بدلالة

شرب فنجانهم ليث الكتيبة
رايد راس ابن جوشن يجيبة
صيدة اكبال صايود… وهوة الهاي مريود
ماموجود بس موجود أبنة
ــــــــــــ ــــــــــــ .....
طلع كبل الشمس للجيش صاحت حيهم السادة
هلة ابن البلحرب معروف لْـۆ طب حصتة القادة
خسف ظهر المهر جسام هوس هوستة ونادة
جدنة الحمزة جان ايصيد أسود وروس تتمادة

كبل لاينسحب سيفة عليهم
شاف اكلوبهم وكعت بديهم
شردت خيل وجنود… وهوة الهاي مريود
ماموجود بس موجود أبنة
ــــــــــــ ــــــــــــ .....
طلع من خيمتة العريس عاف العرس والحنة
كال ال عمة ابوي ايريد عرسي يصير بالجنة
ارخصني يبو السجاد خل الحومتي اتعنة
كض خيمة ابوه وكال فنة اليوصلج فنة

مدام اشتم هوة وسيفي بيميني
جحافل  جيشهم متطب عريني
ما ينجاس عامود… وهوة الهاي مريود
ماموجود بس موجود أبنة
ــــــــــــ ــــــــــــ .....
أنگطع شسع النعل ويريد يربط شسعة ويقاتل
موش بعينة كل الجيش بشسعة بيهم ايعامل
اتحاصر والعطش وازاه  لاكن هوة متفائل
طشرهم رماد بريح لمن صاح ابو فاضل

أنا أبن الحسن معروف عزمي
جدي المرتضى وعباس عمي
أهل الحرب والجود… وهوة الهاي مريود
ماموجود بس موجود أبنة
ــــــــــــ ــــــــــــ…..
تمت
الْحٍمَدٍ للـّہ
✍كَلَّمَـےـاتِـ الخادم… #حسين حمدان الدلفي




https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصائد محرم
ليلة الانصار

قرابيين… قرائيين… واحد ورة الثاني أنذبح
يصلون... يموتون… گلب السمة شفتة أنجرح
والحسين ودعهم وضل حاير
يزينب ساعة ويدوسة الحافر
ــــــــــــ ــــــــــــ ــــــــــــ
واحد ورة الثاني مشو
أنصار أخيج خڵصو
مثل النجوم  اتطرحو… فوگ الوطية

ظلت جثثهم عالترب
للخيل سووهن درب
الميت يدوسونة صعب… سودة علية

ودعهم الحضن الذبح قربان قربان
البارحة جــانو سوة يقرون قرأن
أوداع الحبايب مو سهل يحسين ماهان
ياوسفة شيب انصارك ايغطيه تربان

يالعيون… دمة كون… تبجيلهم مو بس دمع
حزينين… والحسين… يبجي بجي ماينسمع
بلا صوت يلطم عليهم حاسر
يزينب ساعة ويدوسة الحافر
ــــــــــــ ــــــــــــ ــــــــــــ
عباس عاين لخوتة
رفت الريشة ورايتة
امن الغيرة عرڰت خوذتة… صاح النشامة

عبدالله جعفر ياشهم
ياعون يمبجي الزلم
ولدك علي ماتنهزم… غيرة وكرامة

خوان ابو فاضل درع وكفو للخيام
واجسامهم صارت شجر مِْن كثر الاسهام
ونعم منهم بالحرب ما دنكو هام
زينب تصيح امن الخيم أيام أيام

حكايات… روايات… عنهم حجة الراوي وكتب
ولد حيد… صناديد… خوان ابو فاضل ذهب
يطيحون طيحة شذر متناثر
يزينب ساعة ويدوسة الحافر
ــــــــــــ ــــــــــــ ــــــــــــ
القاسم قسم ماينحني
ولا يرجع ولا ينثني
أبن الحسن ياليتني… أفني الكتايب

عاف العرس عاف الشمع
حط الكلب فوك الدرع
يدري بمصيرة ينصرع…  فوك الترايب

لٱ حنة جفة ولا فرح بالحنة ياناس
والشمعة كامت مو دمع تبجيلك  احساس
بصينيتك يبني ذبل الورد والياس
ليهسة مـــِْن عطرك بقت تتوضة الانفاس

العطر فاح… يقداح… مـــِْن جرحك يفوح العطر
الولد نام… والخيام… تسأل عليه وكت الفجر
عفتني يبني وخذاك العاشر
 يزينب ساعة ويدوسة الحافر
ــــــــــــ ــــــــــــ ــــــــــــ
الاكبر طلع مثل الضوة
يتغازل بريتة  الهوة
صڵى وطلع يانينوى… شبل الهواشم

يشبۿ محمد صورتة
العباس جنة بصولتة
بالصولة ألاوڵى حصتة… بكر ابن غانم

يالذابح يالنعد بألف يمبجي الحيود
تسحك على خشوم الزلم يالگدهة وگدود
سيف العطش صابك كبل طعنات الجنود
يالوذروك وكلبك امن العطش ممرود

يذبحوك… يوذروك… بجثتك يمثلون الكفر
يصيحون… يكولون… وزعنة جسمة بكل كتر
يليڵى شيجبرة كسر الخاطر
يزينب ساعة ويدوسة الحافر
ــــــــــــ ــــــــــــ ــــــــــــ
العباس قربان الوفة
للخوة ثبت موقفة
يمطر حنين وعاطفة… ياأغلى قربان

حط رايتة فوك الجتف
والكاع رادت تنخسف
عدوانة مابيهم عرف… لابيهم انسان

زح زح الجيش مـــِْن النهر ويحاجي بالماي
حط الفرات بجربتة يكلة امشي بحماي
مـــِْن كطعو اجفوفة انتجة عالراية والراي
صاح ال سكينة أشربي مـــِْن ماي عيناي

على الماي… قرة هواي… بالجربة من طاح السهم
بجة وطاح… بالرماح… من طيحو هد العلم
على الكاع طاح الكمر متحاصر
يزينب ساعة ويدوسة الحافر
ــــــــــــ ــــــــــــ
عبدالله قربان الخيم
بالنبلة ياويلي انفطم
يتمرجح بنحرة السهم… بحضان الحسين

للخيمة ردة يخر دمة
بالسهم ذبحو لْـۆ ضمة
كامت تلوليلة السمة… المذبوح مرتين

بسهم المثلث ياخلك عطشان ذبحو
وبالسيف ردو عالنحر ياناس كطعو
أدفناه ورة الخيمة وترة العدوان نبشو
راسة زغير وعالرمح ويالروس شالو

يطيحو… ويشيلو… عبدالله مو مالت رمح
صحت أه… اويلاه… لٱ لٱ ولا مالت ذبح
يعطشان راسك يشيلة الكافر
يزينب ساعة ويدوسة الحافر
ــــــــــــ ــــــــــــ
تمت
الْحٍمَدٍ للـّہ
✍كَلَّمَـےـاتِـ الخادم… #حسين حمدان الدلفي
رزقهم سلام •اللّـہ عليهم



https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصيدة سيدتي ومولاتي (طوعة)

رايــد اكــتــب عالوفاء
طوعة من خير النساء
ضيفت مسلم… أبيتهة المظلم
طوعة من خير النساء
ــــــــــــ ــــــــــــ ــــــــــــ
بليلة مـــِْن ذيج الليالي
                    الكوفة وحشة ومظلمة
بيهة ظل الوحدة مسلم
                    وكــام يشعر بالضمة
بحيرة يفتر بالأزقة
                    وصل باب الخادمة
بلهفة دگ الباب لنهة
                  طوعة اجتة امحزمة

فتحت الباب بأصول
استقبلتة ابلا فضول
ضيفهة القادم… من بني هاشم
طوعة من خير النساء
ــــــــــــ ــــــــــــ ــــــــــــ
حرمة عربية وأصيلة
                  عنهة اسمع ما يلي
گالت ال مسلم يغالي
                  بيك اشم ريحة علي
ابن اخو ڰاللهة أنة
                  عني راحو كل هلي
يبني هَـَْـُذآ البيت بيتك
                  منزلك مــو منزلي

لآزٍمٍ أوڰف بأحترام
لبن اخو ذاك الهمام
ونعم منهة… سولفو عنهة
طوعة من خير النساء
ــــــــــــ ــــــــــــ ــــــــــــ
گلهة عرفو بيه يمݘ
              شلون لْـۆ صار الصبح
يبني والميدان حصتك
              وانة اصعد عالسطح
كون اشوفن بيك عمك
                ومثل عمك ما يصح
يبني مد سيفك عليهم
                   لٱ تمد جف الصلح

ناس مابيهم أمان
تلڰة زلمتهم جبان
عگدت الشيلة… الحيد شد حيلة
طوعة مـــِْن خير النساء
ــــــــــــ ــــــــــــ ــــــــــــ
الجيش حاوط بيت طوعة
                   وطلعت انياب الغدر
من برز مسلم عليهم
                   عينة تتجادح جمر
كام اليكظة يكطفة
                  بيدة فوك اعلة القصر
مثل مايشمرلة ريشة
                  وهگ بالعسكر شمر

حاربت طوعة معاه
گابلت ١٠٠ بعصاه
هلهلت يمة… ورتفع عزمة
طوعة من خير النساء
ــــــــــــ ــــــــــــ ــــــــــــ
حفرو ال مسلم حفيرة
                     بيهة طاح وما برد
طوعة صاحت تگوة يبني
                     وصاح ياحيدر مدد
جيشهم كام ايتشاور
                     العدة خلصت والعدد
صاحو ال مسلم دخيلك
                      كافي لٱ تذبح بعد

سيفة يخطف بالرگاب
جنة حيدر بالنكاب
اتنفس شوية… رايد أمية
طوعة من خير النساء
 ــــــــــــ ــــــــــــ ــــــــــــ
كثرت اجروحة ويعاين
                   الف يكظي ايطب الف
منين ما يندار فرقة
                  طاح مـــِْن كد النزف
وجوهم مابيهة رحمه
                  ومامش ابن ادم عرف
عاين ال طوعة وتحسر
                   وخذو مسلم منجتف

من خذو مسلم أسير
طوعة نادت يامجير
مـــِْن يذبحونة… ما يدفنونة
طوعة من خير النساء
ــــــــــــ ــــــــــــ ــــــــــــ
من على قصر الامــارة
                     شال جفة. ال كربلة
سڵم وصلى عليهة
                      وعلة كــل القافلة
وشمرو مـــِْن فوك ويلي
                      راسة كطعو وعتلة
مسلم اول ميت النة
                    ينسحل بالسنسلة

جثتة ربطوهة بحبال
الخيل تسحل بيه محال
الكوفة فروهة… الجثة شمروهة
طوعة مـــِْن خير النساء
ــــــــــــ ــــــــــــ ــــــــــــ
تمت بنظرة سيدتي طوعة

كَلَّمَـےـاتِـ الخادم…# حسين حمدان الدلفي




https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصائد محرم

ياعيني لٱ تبݘين دمعة… دمعة
ابݘي دم عالماكو اصبعة… اصبعة
********
دوريتك…… مالكيتك
مطشر  ابذيج  الحوافر  يا حسافة
شلون اجمعك….. وين اصبعك
كمت اصيحن خنصر ايدة ياهو شافة
بهذا دمعي... جيتك انعي
بين  كلبك  والسهم  ما كو  مسافة
راسي شيب… واني زينب
اكبال  عيني  موذرة  ذيج  الترافة

صوتي  ما اضنة  يسمعة… يسمعة
ابݘي دم عالماكو اصبعة .. اصبعة
********
ها يروحي… يمة روحي
ياكتر ينشال منك  والله حيرة
كلشي بية… ايحن علية
اكبال عيني اتذبحو كل العشيرة
حسيني واگع … والمواجع
شلون اشيلة للخيم هاي الجبيرة
والله هظمة… الدنية ظلمة
حسين اول تالي ينشال بحصيرة

هية گومة وهية وگعة… وكعة
ابݘي دم عالماكو اصبعة .. اصبعة
*********
اني اميرة… لْـۆ اسيرة
الناس كلهة تصيح زينب خارجية
مـــِْن سبوني… شتموني
وشتمو جدي وابوية والزݘية
ݘتفوني… وركبوني
ناكة هزلة والخلك تنظر علية
الناكة عرجة… ناس ضجة
كل حجرهم كل حجيهم طاح بية

واليسر ياهو اليجرعة… يجرعة
ابݘي دم عالماكو اصبعة… اصبعة
********
روس اهلنة… تباوع النة
من مشينة اعلى الهزل بين الاجانب
ابلا محامل… ماكو كافل
حرمة وحدي واجهت كل المصايب
روس اخوتي… هزهة صوتي
من صحت  زينب غريبة بلا كرايب
سامحتهم…  واني اختهم
مثل شمعة بنار كلبي هيجي ذايب

كل دلالي مـــِْن يرجعة… يرجعة
ابجي دم عالماكو اصبعة… اصبعة
*******
الدنية غابة… وجم خرابة
كعدونة ونومونة اعلى الترابة
شحجي عنهة… وعن محنهة
بلاية باب ولا سكف ظلمة الخرابة
ماكو غيرة… بالجزيرة
واحنة نسوان وثكالى ابنص عصابة
شكبرة كسري… الله يدري
من تكلي رقية عمة وينة بابة

بالنشد كلبي تشلعة… تشلعة
ابجي دم عالماكو اصبعة… اصبعة
********
انطب قصرهم… كل نظرهم
ابلا خجل هالوادم اتصدلي ابحقارة
عيرونة… وسمعونة
حجي الماينكال بس وية الاسارة
خاطبتهم… وكفتهم
وبخطبتي زلزلت قصر الامارة
اني بتمن… وانتة ابن مـــِْن
اني بت حيدر الماشايفني جارة

اختلف بالديوان وضعة… وضعة
ابجي دم عالماكو اصبعة… اصبعة
*********
تمت بنظرة مولاتي زينب ع
✍كَلَّمَـےـاتِـ الخادم… #حسين حمدان الدلفي




https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصائد محرم
الامام الحسين ع وقف على جسد العباس ع ويقول


هم أخوي  وهم عضيدي
والخواصر  كضت أيــدي
مــا دريت… ونحنيت… يمة حرڰة
بصدري صار .. ملگة حار… كون أشبگة
ــــــــــــ… ــــــــــــ
شبگتك والسهام شبيهة تمنعني
بعد وكتك يخوية لٱ تودعني
شمالة الموت رايد ياخذك مِڼـّي
حتة الحيل احسة ڰوة شايلني

كون اموت  ولا أودعك
دم يخوي  يجري دمعك
عڰب اخوي… راسي حيف… راح أدنگة
ــــــــــــ… ــــــــــــ
ثلث مرات شلتك وانتة تتبدة
دمك للشريعة امن النزف ندة
اول مرة اشوفة جفوف ماعندة
بزنودة لطم والدم ترس خدة

بعينة اشوف سهم فايت
مــا يطيح   هواي نابت
عالرمال… حالة حال… شفافة زرگة
ــــــــــــ… ــــــــــــ
أروحن مدري أضلن والله ماادري
يامن طيحتك كسرت ظهر ظهري
لْـۆن سئلتني زينب يابعد عمري
شگلهة بيا وضع مو حيرت فكري

راح اروح  بس شڰلهة
ڰلهة مــات  الكفلهة
كض لواي… الهة ظام… بيه شهگة
ــــــــــــ… ــــــــــــ
أول تالي هــوة الموت لٱحگنة
بعد ساعة وتجي الخيالة تسحڰنة
كلهة تريد عــن زينب تفرگنة
ميتين وتجينة بلهفة تشبگنة

الطف يصير  كلة هيمة
ترد تطيح  خيمة خيمة
بلا وداع وداع… والضياع… ماكو ملگة
ــــــــــــ… ــــــــــــ
زينب مـــِْن تشوف ابعينهة الموقف
مو من خوف مـــِْن الغيرة اذا ترجف
اني ادري الشمر بخيامي متحلف
باجر كلشي بالطف راح دم ينزف

الليل اجاج  شدي حيلج
 بالدموع  يگضي ليلج
جسم اخوج… بالخيول… الكل تسحگة
ــــــــــــ… ــــــــــــ
ماوصيج يختي بسكنة ورقية
باجر عالهزل ترحين مسبية
باجر بالطف اولا تبقة ترجية
باجر ماكو أخو وتكعدن بفية

الغربة نــار  يالحبيبة
الكل يصيح يالغريبة
واليشوف… البلطفوف… يموت حڰة
ــــــــــــ… ــــــــــــ
كَلَّمَـےـاتِـ الخادم… #حسين حمدان الدلفي




https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

حسيني وغايتي الخدمة… عبد يقبلني ابو اليمة

سبب توفيقي منهاجة … الملك يمك نزع تاجة
حسيني… حسيني
$$$$$$$$$$$$
يالمشبعني من خيرك… فضلك جازي وزيادة
بظريحك لْـۆ يطب مهموم. يطلع ماخذ امرادة
يالمعلمني اصير انسان.  ومدرسني كالعادة
حسين ايعامل الخدام . مثل ميعامل اولادة

حياتي ابخدمتك كلهة… اعمالي كون يقبلهة
 
تنطي اليطلبك حاجة… الملك يمك نزع تاجة
حسيني… حسيني
$$$$$$$$$$$$
اليخدمك بالارض سلطان . حگة يسولف ويفخر
قــنبر خــادم اهــل البيت.  واني خادم القنبر
احبك مـــِْن كلب ولسان . ياعطشان يموذر
حضي شكبرة يامولاي . اصعد وقرة عالمنبر

حبيبي ويسري وي دمي… مغزر جن حليب امي

كلبي اعليك معراجة… الملك يمك نزع تاجة
حسيني… حسيني
$$$$$$$$$$$$
استلذ بسوالفك يحسين. سير ياهوة الرية
يالطاريك ريحة هيل . صرت مثل النفس بيه
أجيك وتفك كلبك باب. ماي وطب سواجية
ربك خلق هاي الناس. طين اعجنة بلطمية

صفاتي وياك تتكامل… حواسي بيك تتغازل

شمسك دوم وهاجة… الملك يمك نزع تاجة
حسيني… حسيني
$$$$$$$$$$$$
الگلب مايسع محبوبين… انتة اول عشك عذري
وحدك لٱ شريك وياك… طابو امسجلة الك عمري
لواعيش بعمر نوحين… مــا يشبع لــطم صدري
طلب بس عندي يامولاي… تجيني تزورني بكبري

تجيني تزورني بلحدي… بس هذا الطلب عندي
 
المثلك روحي تحتاجة… الملك يمك نزع تاجة
حسيني...  حسيني
$$$$$$$$$$$
بظريحك دفنتي اتمنيت… حقق هاي الامنية
مــا رايد متر مترين… بس لْـۆ ربع كاشية
شبر واربع اصابع زين… كلش زايد اعليه
كبري رايد الزوار… تسحكة بروحة وبجية

بتراب اجدام زوارك… اريدن كبري يتبارك

البحر لْـۆ كثرت امواجة… الملك يمك نزع تاجة
حسيني… حسيني
$$$$$$$$$$$$
تمت
الْحٍمَدٍ للـّہ
كلمات الخادم… #حسين حمدان الدلفي




https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

أنني المجنون عشقا   والمــجالس ديــني
للحسين الــرق حقا   هَـَْـُذآ عشك حسيني
**
ابجنوني المختلف..   الجزع واجب صبح
الــك  يــا سيــدي ... الكلب وحدة انشرح
مثل  فتحة  جرح…  جفن عــيــني انفتح
الحزن ثوبي وبعد…  عــفــت ثــوب الفرح

يعافيتي يالمسلب… يالكاسر كلب زينب
والحب مثلك الهليوم صدكني بعد ماحب


حبه  حق  وصدقا    بخدمتة امجازيني
للحسين الرق حقا   هَـَْـُذآ عشك حسيني
***
بشراييني اكتبت .. ولسان الحب لهج
درب غيرك وعر… ضوة ودربك وهج
سوة دم وعشك… بشراييني  انمزج
بطريقك لْـۆ سرت .. ابد ماكو حرج

يبو سكينة الك خادم… عزائك خيمة الوادم
عشكتك واني بالكاروك وبعدني بالعشك هايم

زدني يامولاي رقا     امحبتك  تكفيني
للحسين الرق حقا   هَـَْـُذآ عشك حسيني
*
ابشهيق اتنفسك… بزفيري اشتم عطر
جريب اتحسسك.. اقل  مـــِْن  الشبر
على اترابك فرض . اسجدت سجدت شكر
يتسبيحي  وبعد…  يــتــرتــيل الــفــجــر

يعشكي ويا هوة الرية… يكل جرة  نفس بية
العمر لْـۆ ما محبتك وين اكيد النار تالية

تخرج الاهات نطقا    والدموع ابعيني
للحسين الرق حقا   هَـَْـُذآ عشك حسيني
***
بدليلي استوطنت… ونلت اعلة الرتب
اسويلك صرح… شنو منبر خشب
يواجب تنذكر… ابد  مو  مستحب
يكون انصب الك .. منابر مـــِْن ذهب

يالمظحي بأاعز ناسك… يالموزع هوة انفاسك
خدم خلينة يامولاي نمسح كون بمداسك

كيف مـــِْن والاك يشقا   وحزنك امربيني
للحسين الرق حقا   هَـَْـُذآ عشك حسيني
***
الاكيك  بحلم ..   ضعن شايل ضعن
ورسمك عالورق .. وطن داخل وطن
مصابيحك شمع .. ولا مرة انطفن
على اطيوفك احس . رموشي اتشابكن

اذا طيفك يمر نوبة… حبيب ايلاكي محبوبة
اجر اذني واصيح بصوت اليحبك يعلن التوبة

في مقام العشق يرقا   وشوكك ايرسيني
للحسين الرق حقا    هَـَْـُذآ عشك حسيني
****
قريتك واعرفت .. مرامي وغايتي
بلياك  العمر…  ضياع ابدنيتي
بعزائك قررت… اخلص ساعتي
اذا انسة تجي… اعلة واهس صفنتي

بخيرك كلبي يتهنة… عزائك ما امل منة
اذا اطب مجلسك يحسين احس طبيت للجنة

قلبي في ذكراك ينقا    واسمك ايباريني
للحسين الرق حقا   هَـَْـُذآ عشك حسيني
***
تمت بنظرة مـــِْن مولاي الحسين ع
✍️… #حسين حمدان الدلفي




https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

 السيدة رقية تخاطب عمتها زينب…

راح اموت مـــِْن البواجي
عمة جا وين التراجي
مـــِْن اذني طالع دم
لْـۆ هَـَْـُذآ لون الهم..
ــــ…………..
غوشت ماشوف كلشي بس اشم ريحة دخان
عمة محروك المخيم  واحترك ذاك الامان
حضن ابوي حسين وينة بحضنة ماظلج مكان
عمة بسيوف وبواتر وذرو ذاك الحنان

مات ابوج  يارقية
واسمي صار يالسبية
صدر الابو اتهشم
لْـۆ هَـَْـُذآ لون الهم
ــــــــــــ
عمة ضميني بعباتج والله اخاف امن الشمر
اغفة وبنومي يجيني منة مرعوبة شكثر
عمة رجلية شحركهن عمة دستي اعلة الجمر
بسوطة لْـۆ طكني وشتمني خايفة اركض ونهطر

وين اروح  مـــِْن يجيني
وين اخوي.  كلميني
كالولي ما يسلم
لْـۆ هَـَْـُذآ لون الهم
ــــــــــــ
عمة عمة الناكة عرجة لٱ تطيحين ابدرب
ادري مامتعودة لاكن هَـَْـُذآ حالي ويالغرب
مدري شنهي اليوجعني متني لْـۆ اذني التصب
طككن رجلية عمة والمشي اعلية صعب

راس ابوي شكد نضرلي
جنة جاي يعتذرلي
كل ما انام احلم
لْـۆ هَـَْـُذآ لون الهم
ــــــــــــ
هنا يشايل روس اهلنة اعليمن اتهز بالرمح
مـــِْن تهز رمحك احسن يكبر شوية الجرح
الليل مايرحم ظلامة ومااحب جيت الصبح
عمة تعبانة ارد انامن عيني كوة تنفتح

جرحي كام ايصل علية
وكفة انام لْـۆ بدية
اعلية التعب خيم
لْـۆ هَـَْـُذآ لون الهم
ــــــــــــ
الكوفة طبينة وسمعنة حجي الما يامعتة ابد
مو عرب جنهم حسافة ليش مايعرفنة احد
هاي ديرتنة القديمة بيهة عن ابا وجد
عشنة بيهة وشلنة منهة وهسة ليهة الحادي رد

بكلبي نار بيه لوعة
وينة بيت عمتي طوعة
بس هية اضن تعلم
لْـۆ هَـَْـُذآ لون الهم
ــــــــــــ
ومن بعدهة الشام اجتنة عوذة منهم مو بشر
دكو اطبول وهلاهل عيدو عدهم فخر
ذبحو حسين وسبونة الله وأكبر عالقدر
لْـۆ نبي ايوب بوكتنة جان مات وما صبر

الشام عيد. صار عدهم
امدللات فرجة أللهم
والشامت اتوهم
لْـۆ هَـَْـُذآ لون الهم
ــــــــــــ
اتعمدو عالسوك طبو شفنة بالسوك العجب
والتراجي السلبوهة انباعت بسوك الذهب
نعثر ونمشي بحيانة والكلب شايل عتب
صاحو اعلينة الخوارج واحنة مـــِْن اشرف نسب

مو عبيد ولا أسارة
يايزيد مو حيارة
الًيَوُمًِ القصر يهدم
لْـۆ هَـَْـُذآ لون الهم
ــــــــــــ ــــــــــــ
✍كَلَّمَـےـاتِـ الخادم… #حسين حمدان الدلفي




https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

لـحـمـدلله وصـل عـاشور امـتد الـعمـر بيـه

وارد البـس اثياب السود واخدم بلحسينيه

ــــــــــــــــــــــــــــــــ

احسب واعد بلأيام وطـويـهـن شـهـر و شـهـور

وانـتـظر اهلال اهلال يمته اتـمـر سنــه وتـدور

انه مثل اليتانـي العيد اتانـي ايـهل شـهـرعـاشور

وارد البس اثياب السود واتذكــــر نــــــواعـيه

ــــــــــــــــــــــــــــــــ

الحمدلـلـه وصل عاشور وامـتـد للـسـنه عـمــري

واحـضر منـبرك مـولاي وابـچـي ودمـعـتي تجري

لوناعي مـصـابـك نـاح اوشــم بـلـطــم صــدري

بلچي اويه الخدم اسمـي يـتـســجــل ابــتـعــزيه

ــــــــــــــــــــــــــــــــ

يــبوالــيمه العــمر ذوبل غـصـنــه و يبـسـت اوروده

وشيـفيد الـوسف عـلـراح وعـمـر الــراح شـيـعـوده

اخـافـن صـفـحـة اعمالي لـمـن تـنــكشـــف ســوده

انه ادخـيلك يبوالــيــمه وريـــدك تـــنغـر اعـــليه

ــــــــــــــــــــــــــــــــ

مـاريـدن ثــواب ابـچاي لا داعـــيـــك عـلأجــره

گــلي بعــد چـم عـاشـور ابچـي اويـه امــك الزهره

اريدن جــمـرة امـصابـك تبگـه ابـضـامـري امـوجره

ودمــعي اعليك يا مولاي لا يــــنگــطـــع جـاريـه

ــــــــــــــــــــــــــــــــ

عـليـك ايـهـل دمـع عـيني ابـچي واذكر ابــنـوحك

واتــخيـــّل اصـــواباتـك واعـد للناس بجـروحـك

گلـــب العرش ناح اعليـك وانته التعالج ابـروحـك

يا من كل جــرح گــلــبي يســاوي الف وتسع ميه

ــــــــــــــــــــــــــــــــ

عـدّ اجـروح الـبـجـسـمـك يــعــني بلـعــدد اكـثر

اهــون عندك مـن اجـروح جسـم اوليـدك الأكــبر

لـوعــصر العـرس جـــاسم تـزفه الخـيمـته امطـبر

لــو نـحـرعــله صـــدرك عـطـشان اخـتـفـه ضيه

ــــــــــــــــــــــــــــــــ

الـم جـرح السيوف البيك وآهـ اسـهام البصــدرك

مـا يـوصل الــمـهن چـان لـصواب الگـطـع ظـهرك

سهـم گـلبـك يبـوالــيمه يـا ويـلي وگطـع نحـــرك

عـليـك اهـون ولازينـب تماشي الــگـوم مســبيه

ــــــــــــــــــــــــــــــــ

احــا يـا هـــظـم زيــنـب لـمـن صـبـحـت ايــســيره

بيــن العـــايله وبــــينك صـــارت روحـهـه ابـحـيره

كـــون ابچــم بلـد تـدخل وتـمــراعــله چـــم ديـره

ضـاعت بـيــن اذل الـناس وچـن مـا چـنهـه عـلـويه

الشاعر #عزیز_الفیصلي


قناة الشاعر الأستاذ أبو باقر #عزیز_الفيصلي

https://t.me/joinchat/AAAAAE9zpeCIAWwHKLolyg