لمولاتي العقيلة زينب(صلوات الله عليها)

( #لها_ذاتي_زينب )

بسم خيام العقيلة زينب
يبدي الونين وحسراتي تلهب
عبد العقيلة ودمعاتي الهه
ماابجي لأحد بس الهه انحب

اخت الهواشم بيديهه روحي
ملكت حياتي وملكت جروحي
ليلي بذكرها يحديني غربة
وتفز دمعتي ويتعالى نوحي

دموعي زينب
ركوعي زينب
لوعاتي زينب
اهاتي زينب

زينب زينب زينب زينب زينب
********************

بذكر المخيم ابدي سلامي
ذكر العقيلة جنوني وهيامي
الاميرة هيه وتبقا ام خدرها
شما اشرح انه مقصر كلامي

ام عون اسمهه يامحله اسمهه
عمري نذرته اتراب لجدمهه
بصايتهه ابقى ومااريدن ابعد
وتلفني ريت بطارف علمهه

العقيلة زينب
الكفيلة زينب
حياتي زينب
لها ذاتي زينب

زينب زينب زينب زينب زينب
********************

لخدر العفيفة مخلوقة عيني
بالدمعة خضرت حبي وسنيني
ماانسه لحظة وكلساعة دمعة
الراداني صاحب هذا انه ديني

دين البواجي بعروگي يجري
بس عالعقيلة وكلتُ أمري
كل رحمةالله بجف الحنينة
ولكل المصايب رزقتني صبري

وجودي زينب
عمودي زينب
ارتجيتج زينب
دخيلج زينب

زينب زينب زينب زينب زينب
********************

ناموس وعفة وهيه الجليلة
ادعي تمدني الخدمة الطويلة
دمعي رهنت لطاري المخيم
كل عمري يخلص ون للهزيلة

عندي العقيدة لطم و بواجي
العنده دمعة يذبهه لتراجي
ذكر العقيلة ميعوف باله
وهيه تلزمه بحزنه تساجي

اعله بالي زينب
دلالي زينب
بخيالي زينب
كلامي زينب

زينب زينب زينب زينب زينب
********************
عبد العقيلة
#محمد منير المياحي


https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

أم الكمر . كل ما ردت انخاها
بلمحة بصر . يم الكلب الكاها
دخيلج يمولاتي
.......................................
يم البنين لهالعشك والخدمة شدي احزامي
رايد أضل لهل الخيم وفاي كل أيامي
طير وجنح مني انكسر والهوه ما بيه رحمه
عينيني مولاتي اريد أوصل اخيام الضامي
.
حب خيم . من الزغر عاشرته
بكلبي انرسم . ما عافني وما عفته
دخيلج يمولاتي
...........................................
تدرين اليفاركله غالي يعوضه الا بغالي
وحسين لو فاركته ياهو اليسوى احطه ابالي
دخيلج يكون انه انعمي ولا وي جماله اتفارك
انه الغريب المالي احد بالعشك يرحم حالي
.
مالي ثمن . بسوك العشك بس هو
يصير الوطن . وشراي كلمن يهوه
دخيلج يمولاتي
............................................
كلبي يضل مثل البقه محتار ذيج الحيره
ضايع مثل اعمى ونسه درب أهله من يا ديره
لو انحرم من البجي هيج انه أضلن محتار
وتدرين غربة كربلاء تريد الدمع والغيره
.
يم الوفه . يا غربه عيونه
لمن جفه . واحتارت اضعونه
دخيلج يمولاتي
.........................................

بداعت البيت البيه ربه مولاي أبو رقيه
وبأدب عباس الكمر مولاتي كظي اديه
وين امشي لو كلتلي روح اوين اطي عيوني
وما عندي غير الله ودمعتي ورحمتج عليه
.
دخيلج صحت . مولاتي عينيني
كولي ضعت . لو لحضه عفتيني
دخيلج يمولاتي
.........................................
مغرم وكلبي امن الزغر ما يمشي الا بدربه
محروم عايش للامس حرموه الماي يشربه
وتدرين اليحب من صدك تزغر الدنيه بعينه
لازم يموت امن البجي الكتلت حبيبه الغربه

شيسوى العمر . وعطشان أبو سكينه
بحر الضهر . ابلا ثوب ولاينه

دخيلج يمولاتي

#عبدالله_الفريجي



https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

لام البنين
حلم عمري امشي وي القافلة
وانحسب ويالسبايه ابكربله

القدر لو مرفوع اروح محزمه
عاد اكولن عوضت عن فاطمة
وانحسب مسبيه عد اهل السمه

ويه زينب كون اديه امسلسله
وانحسب ويالسبايه ابكربله
_________________
مقصره وي حسين بس اربع ولد
ولَوَن ادري قلة بالزلم التهد
مثل عباس الگمر عشره ألد

وجان حتى ال بالمهد انطيته اله
وانحسب وي السبايه اكربله
_________________
اني لو موجوده جا گلبي انتعش
جانت امنيتي حضر ليل اهدعش
وادخل التاريخ من باب العطش

وچبدي فدوه يروح لحسين وهله
وانحسب ويالسبايه ابكربله



_________________


وحق ذاك السيفه الف فارس شطر
ما احشم عالشريعه بس گمر
الا افزع أولادي كلهم عالنهر

والا اخليها سكينه مدلله
وانحسب ويالسبايه ابكربله

____________
عاد اطفي العبي لو مسهن جمر
لو ع الناگه اصعد ام  الخدر
لو اخفف من ألمها باليسر

لو  انَحِي الخوف عن العايله
وانحسب ويالسبايه ابكربله

_______________
اني من ضليت وحدي بلا هلي
حتى اواسي زينب من اترد الي
وبلكي اذا شافتني تذكر علي

وبيه تشتم عطر راعي المرجله
وانحسب ويالسبايه ابكربله


#الشاعر عبدالله الشويلي



https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

طور نسائي

اگعد عباس غارو عالمــــــــخيم

اگعد يبن ابوي انچـــــــان ماتدري
هدت خيلهم وستـــوحدت خدري
ماتسمع صــــحت عباس ياذخري
طاحت خيمتي ونار الجمر حدري
(عباس الگوم حرگوها الصواوين)

بين النار والدخــــــــــــــان عاليهه
مايدري ابو فاضــل زينب اشبيهه
راح امشي ابعــباتي ويمه اطفيهه
وسكينه ارد اگـــــــله لحگ اعليهه
(ركضت ويلاه والعسكر وراها)

ماضل صوت بيه ماصحت حيهم
يافـــــــــــــزاع يفزع للحرم منهم
ذيچ اتصيح بويه وهـــاي تدفعهم
شيوديني صــــــوب الماي وندهم
(مو وكت النوم يخواني انولينه)

گمت اركض وطيـــح الوكت خلاني
وين انطي الوجـه وحترگ صيواني
من شفت الحـــــــوافر گلبي چواني
هاي الخيل هــيه السحگت اخواني
(مالچ ياخيل وتسحگين اخوتي)

راح اركب هـــــــزلهم وانه مكفوله
مو علـــــــــوية چني ابعينهم ذوله
گلوله ابو فاضــــــــــــل عني گلوله
من تالي بحبــــــل شدوني معقوله
(يادرب الشام راح امشيه غريبه)

#شاكر الصيمري*



https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ سلامات يا حيدر ]*

أداء: الملا #مصطفى_السوداني
كلمات: الشاعر #سيد_محمد_المنصوري

https://youtu.be/Uip_3cqeNew

مجالس شهر جمادى اﻵخر لسنة 1440 هـ - 2020 م
ليالي استشهاد موﻻتنا الزهراء (عليها السلام) الرواية الثالثة
عزاء شباب بغداد المركزي - العراق

مونتاج وتنفيذ: حارث العكيلي
مكساج: حسن يونس
مخطوطة: حسين مقيم
النشر الشبكي: علاء بركات العاملي

متباركين بولادة سيدة النساء فاطمة ع

وكت الفجر يسمع رسول الله الباب
دكة عزيز وعرف ياهوه الجاي
ما كال من بالباب كلبه يدليه
الاعزاز قله وجية الغربه هواي
من وره الباب وصاح اهلا جبريل
جايب رساله من الله ادري العطاي
اهلا تفضل انته من اهل البيت
وجهك ينكط فرح سمعني الراي
شجايب وياك ولافه انته بمنديل
چنك تخاف اعلي مسويله فياي
كله انه كاعد بالسمه وربك صاح
جبريل اسرع هسه اريدك عناي
بصف العرش تلكه انته شجرة تفاح
تفاحه اخذههه وشرط شيلك بهداي
وهاي انه جيتك بيهه فوكاهه حجاب
سر الله ودالك وشافك شراي
تفاحه من الله وبصلبك شتصير
والام خديجه اتوقع اشتطلع هاي
اترس الدنيا بفاطمه علويات
ساده وخدم و 11 كوكب ضواي
وصح مرت ابو بس لازم هنا ينضاف
عباس ابو الغيره الكفيل السگاي

#حسين صادق العقابي



https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ مصحف فاطمة ]*

أداء: الملا #عمار_الكناني
كلمات: الشاعر #ميرزا_عادل_أشكناني

https://youtu.be/XJi5LjMYrnE

هامش قصيدة "مصحف فاطمة" :

اعْليها نِزَل شنهو ايْحَصَلْ
اْو مِنْهُـو اليحبها رَاح اْو مِنْهُـو اليضِدها
منِّ العَـرِش أرْشِ الخَدِشْ(1)
ابْحُكْمَه الزچِيَّه تدري او تفصيله عِـدها
ابسرِّ الخَفايَه عِدها دِرَايهْ

(1) في حديث طويل عن الصادق "ع" كما روى الكُليني في الكافي الشريف(.. مصحف فاطمة ما ازعم ان فيه قرآنا ، وفيه ما يحتاج الناس إلينا ولا نحتاج إلى احد حتى ان فيه الجلدة ونصف الجلدة وربع الجلدة وأرش الخدش ، وعندي الجفر الأحمر..) يعني حُكم الخدش و ماهي ديَّته و كفّارته
ــــــــــــــــــــــــــــــــــــــ
الْرايِد خبر يقين اِشْأحمِل عقائِـد
خل يسألِ الكُلَيْنِي و الكافي شاهِد (2)

لو يفتِهم ما يتِّهِـم
و الجاهِـل المركّب باقي ابْعِـنادَه
الذّكْـرِ العَلي واضحَ جَلي
ما بي حرُف نَقِيصه اْو ما بي زِيَاده (3)
اْو كِل آيه آيه عِدها دِرَايهْ

(2) كتاب أصول الكافي, من كتب الشيعة الإماميّة المتقدّمة في علوم و أخبار أهل البيت عليهم السلام لـ لثقة الإسلام المحدّث الكليني ( قده )
(3) القرآن الكريم يختلف تماما عن محتوى مصحف فاطمة "ع" – بخلاف ما أشاعوه أعداء آل البيت و المفترون على الشيعة بالأكاذيب , فهذا مولانا الصادق "ع" يصرّح بشكل واضح و جلي فيقول : "مصحف فيه مثل قرآنكم هذا ثلاث مرات، والله ما فيه من قرآنكم حرف واحد" الكافي 1 م 239
ــــــــــــــــــــــــــــــــــــــــــــــــ
گام الوحي يگول اْو يِمْلِي عليها
او حامي الحميَّه يكِتبْ حچْيَه اْو حچِيها (4)

ما عِدنه شَـكْ ينزِل مَـلَكْ
اُم موسى أوحه إلها اْو سَارَه اوْيه مَرْيَمْ (5)

(4)"...إن فاطمة مكثت بعد رسول الله صلى الله عليه وآله خمسة وسبعين يوما وكان دخلها حزن شديد على أبيها وكان جبرئيل عليه السلام يأتيها فيحسن عزاء ها على أبيها ، ويطيب نفسها ، ويخبرها عن أبيها ومكانه ، ويخبرها بما يكون بعدها في ذريتها ، وكان علي عليه السلام يكتب ذلك ، فهذا مصحف فاطمة عليها السلام" الكافي: ج1/ص241

(5) قال تعالى في الإيجاء إلى أم موسى "ع" { وأوحينا إلى أم موسى أن ارضعيه } , و في سارة زوجة إبراهيم "ع" { ولقد جاءت رسلنا إبراهيم بالبشرى} و في مريم "ع" { وإذ قالت الملائكة يا مريم إن الله اصطفاك وطهرك على نساء العالمين } , و الزهراء عليها السلام أفضل نساء العالمين من الأولين و الآخرين !
ــــــــــــــــــــــــــــــــــــــــــــــ
اِبعِلْـمِ اِلبَلايَهْ (6) عِدها دِرَايهْ

(6) عن الإمام زين العابدين عليه السلام "عندنا علم المنايا والبلايا، وفصل الخطاب، وأنساب العرب، ومولد الاسلام" ) بصائر الدرجات: ٢٦٦ / ٣

ــــــــــــــــــــــــــ
مَرَّه المَلَك إجاها و ابْصوته ينعه
جايب خَبَر يزهره الگلبِچ يفِجْعَه (7)

(7) كثرت الروايات حول بكاء رسول الله "ص" و الصدّيقة الكبرى "ع" بل وعموم اهل البيت على سيّد الشهداء قبل مصرعه بل وحتى قبل ولادته , ففي تفسير فرات بن إبراهيم ‏، عن أبي عبدالله عليه السّلام، قال: ((كان الحسين [عليه السّلام] مع أمّه تحمله، فأخذه النبيّ صلّى الله عليه وآله، وقال: لعن الله قاتلك، ولعن الله سالبك، وأهلك الله المتوازرين عليك، وحكم الله بيني وبين من أعان عليك. قالت فاطمة [الزهراء عليها السّلام]: يا أبة، أيَِّ شيء تقول؟ قال: يا بنتاه، ذكرت ما يصيب بعدي وبعدك من الأذى والظلم والبغي [والغدر]، وهو يومئذ في عصبة كأنّهم نجوم السماء، يتهادون إلى القتل، وكأنّي أنظر إلى معسكرهم، وإلى موضع رحالهم وتربتهم. قالت: يا أبة، وأنّى هذا الموضع الّذي تصف؟ قال: موضع يقال لـه: كربلاء، وهي دار كرب وبلاء ... الخبر , تفسير فرات الكوفي: ١٧١، تفسير سورة التوبة، الآية: ١١١، الحديث ٢١٩، وروى بعضها ابن قولويه في كامل الزيارات: ١٤٤، باب ٢٢، الحديث ٢، مع اختلاف يسير.

ــــــــــــــــــــــــــــــــــــ

هاي الصحيفه تِظهَر يوم اللي يِظهَر
ويَّاها جَفْرِ الأبيَض و الجَفْرِ الأحَمر (8)

(8) إن مصحف فاطمة "ع" من ودايع الإمامة ، وهو الآن عند وامامنا صاحب الزمان (ع)، كما روى في عدة أحاديث من طرق الأئمة / الذريعة - آقا بزرگ الطهراني - ج ٢١ - الصفحة ١٢٦
" ... الجفر الأبيض فوعاء فيه توراة موسى و إنجيل عيسى و زبور داود و كتب الله الأولى ... " الجفر الأحمر : : " السِّلَاحُ ، وَ ذَلِكَ إِنَّمَا يُفْتَحُ للدم يفتحه صاحب السيف للقتل , لا يظهر حتى يقوم قائمنا أهل البيت .. بحار الأنوار ج26/18

[ فاطم ذات قدسية ]
#باسم_الكربلائي
للشاعر علي عسيلي العاملي

‏ https://youtu.be/mbUMpSm9Gzw

ليالي الفاطمية الثالثة 1441 هـ
حسينية ديوان الكفيل (ع) - لندن

فاطمٌ ذاتٌ قُدْسيَّهْ
مَظْهَرٌ للرَّحمانيَّهْ
قابلوها بالمأساةْ
فالعنوا العُزَّى واللَّاتْ !

١/زهراءُ أَمْ (إحدى الكُبَرْ)...مَنْ مِثلُها زهراءُ ؟
أنفاسُها شعَّتْ سوَرْ
تفاحةٌ غيرُ الثَّمرْ...عنها روى (الإسراءُ)
عنْ غُصنِ طوبى لا البشرْ
بنتُ الهدى طهَ الأغَرْ...منها بَنوهُ جاؤوا
فيروزةٌ أمُّ الدُّررْ !

كيفَ نيرانُ الطاغوتِ
حاربتْ نورَ اللاَّهوتِ
أظهروا سُودَ الثاراتْ
فالعنوا العُزَّى واللَّاتْ !

٢/لمّا يراها يسعَدُ...طهَ يشمُّ النَّفْحا
فالخلدُ فيها توجَدُ
عنْ ثغِرهِ تحكي اليدُ...قبَّلها ذا صحَّا
بلْ عنْدَهُمْ ذا مُسْنَدُ*
فاخْسأْ أيا منْ تجحَدُ...قدْ كانَ أمراً يُوحَى :
قَبِّلْ يَديْها أحْمَدُ !

كفُّها مِنْ بعدِ الهادي
تشتكي سوطَ الأوغادِ
أوجعوها بالضَّرْباتْ
فالعنوا العُزَّى واللَّاتْ !

*ذكر الرواية الحاكم النيسابوري في كتابه فضائل فاطمة تحقيق علي رضا ص ٣٦.

٣/زهراءُ كهفُ المُرسَلِ...كانتْ ملاذَ الأيَّامْ
في كلِّ ليلٍ ألْيلِ
يأوي لكفَّيها الولي...ليثُ الحروبِ الضرغامْ
في الهمِّ حتَّى ينجلي
عنْ نقشهِ قمْ واسألِ...هلْ خطَّ فوقَ الصمصامْ
"يا فاطمٌ" أمْ "يا علي" ؟!

حيدرٌ مأواهُ الكوثَرْ
كوثَرٌ لَمْ تدعُ الحيدرْ
في وصيَّتِهِ لَوعاتْ
فالعنوا العُزَّى واللَّاتْ !


٤/أملاكُ ربِّي حائمهْ...تصغي لصوتِ الترتيلْ
إذ بالأعادي هاجِمَهْ
أعْجِبْ ! فهذي العالمَهْ...مَنْ عبْدُها جبْرائيلْ
تُؤذى بِأيدٍ آثِمهْ
تاللهِ قبلَ الحاطمهْ...صاروا كأصحابِ الفيلْ
إنْ تدعُ فيهمْ فاطِمَهْ !

جاءَ أبرهةٌ بالنِّقمهْ
هادماً "ميزابَ الرَّحمَهْ"
قاتلاً أمَّ الرحماتْ
فالعنوا العُزَّى واللَّاتْ !

٥/هلْ بابُها العالي درى...في صدرِ أمِّ الأسرارْ
ماذا دهى؟ ماذا اعترى؟
سالتْ دماها في الثرى؟ أمْ يا تراها أذكارْ
أمْ جزْءُ (عمَّ) قدْ جرى ؟
والقلبُ منها كبّرا...لمّا سألنا المسمارْ
كمْ ذا أحبّتْ حيدرا ؟

أخَّروا علَمَ التقديسِ
قدَّموا صنمَيْ إبليسِ
قيدوا بطلَ الشِّداتْ
فالعنوا العُزَّى واللَّاتْ !

٦/للحزنِ قلبي منبرُ...آهاتُه منظومهْ
بالدمعِ شعراً تُنْثَرُ
أبكي فطهَ الأطهرُ...لمّا رأى المظلومهْ
نادى أأنتِ الكوثَرُ؟!
فالوجهُ منها أصفرُ...في خدِّها ملطومهْ
والجَفْنُ منها أحْمَرُ !

أزرقٌ لونُ المتنينِ
أسودٌ لونُ الزَّندينِ
أَرْجعُوها بالويلاتْ
فالعنوا العُزَّى واللَّاتْ !

٧/ناحتْ فناحتْ يثربُ...للزهرةِ المكسورهْ
بالحُزنِ كادتْ تُقْلَبُ
ما حالُها إذ زينبُ...مثكولةً مقهورهْ
عادتْ إليها تنحَبُ
بالحبلِ كانتْ تُسْحبُ...مسبيَّةً مأسورهْ
والمتنُ منها يُضْرَبُ

قنفُذٌ قدْ صارَ الشِّمْرا
سبَّها بلْ سبَّ الزهْرا
وُرِّثوا حقداً ما ماتْ
فالعنوا العُزَّى واللَّاتْ !

https://t.me/AliOsailyAmily

▪️في مولد الصدِّيقة الزهراء (ع)

هي بنتُ مَنْ؟ هي زوجُ مَنْ؟ هيَ أُمُّ مَنْ؟
مَنْ ذَا يُدانِي في الفَخَارِ أَبَاها؟

١/السرُّ مِــنْ (أَلِفٍ) لِـ (يَا)
في صدرِ فاطِمَ أُحصِيا
هِيَ مَنْ... جــوابٌ أخْفِيا
فاللهُ أَعْـــلَمُ مَـــنْ هِـــيَا؟

مُستودَعٌ في قلْبِها سرُّ الزَّمنْ
فاحتارتِ الألبابُ في معناها
هي بنتُ مَنْ؟ هي زوجُ مَنْ؟ هيَ أُمُّ مَنْ؟
مَنْ ذَا يُدانِي في الفَخَارِ أَبَاها؟

٢/سادتْ برفعتها البشَرْ
فمحمدٌ فيها ظَهَرْ
أمٌّ لِوالِدِها الأغَرْ
حتَّى الإمامِ المُنْتَظَرْ

يَا "أمَّ أَحْمدَ" نادِ أوْ "أُمَّ الحسنْ"
فَبِكُنْيَتيْها المَجدُ حلَّ فِناها
هي بنتُ مَنْ؟ هي زوجُ مَنْ؟ هيَ أُمُّ مَنْ؟
مَنْ ذَا يُدانِي في الفَخَارِ أَبَاها؟

٣/عنْ زَوْجِها إِنْ تسْأَلِ
مَنْ غَيْرُ صِنْوِ المُرسلِ؟!
فَلِفاطِمٍ قَالَ العلي
أَنْ "لا فتى إلا علي"

لا لِمْ يكُنْ كُفُؤاً لِفاطِمةٍ ولنْ..
إلا أبو السِّبطيْنِ قدْ كافاها
هي بنتُ مَنْ؟ هي زوجُ مَنْ؟ هيَ أُمُّ مَنْ؟
مَنْ ذَا يُدانِي في الفَخَارِ أَبَاها؟


٤/زهراءُ وانكشفَ الغسقْ
وتنفَّستْ رِئةُ الفلقْ
هي سرُّ "إقرأ" في "العلقْ"
ولأجلِها الباري خلقْ

هِيَ علَّةُ الإيجادِ ناموسُ السُّننْ
والأنبياءُ بفاطمٍ نبَّاها
هي بنتُ مَنْ؟ هي زوجُ مَنْ؟ هيَ أُمُّ مَنْ؟
مَنْ ذَا يُدانِي في الفَخَارِ أَبَاها؟


٥/هذا الأذانُ بها اكتملْ
مَنْ غيرُها "خيرُ العملْ"؟
فاليومَ قدْ صارَ المثَلْ:
"مَنْ جدَّ لِلزَّهرا وصَلْ.."

مِــنْ كوثرِ الزَّهراءِ تُغْترَفُ المِنَنْ
ورضا الإلٰهِ يُنَالُ عِندَ رِضاها
هي بنتُ مَنْ؟ هي زوجُ مَنْ؟ هيَ أُمُّ مَنْ؟
مَنْ ذَا يُدانِي في الفَخَارِ أَبَاها؟

٦/مَنْ ضلَّ عنها قدْ هَلكْ
في أيّما وادٍ سلكْ
وغداً يخاطِبُها الملَكْ
زهراءُ حكْمُ اللهِ لَكْ...

حتْماً ستلتَقِطُ المُحِبَّ إلى الجِننْ
كالطَّيرِ تختارُ الذي والاها
هي بنتُ مَنْ؟ هي زوجُ مَنْ؟ هيَ أُمُّ مَنْ؟
مَنْ ذَا يُدانِي في الفَخَارِ أَبَاها؟


https://t.me/AliOsailyAmily

صلى الله عليك يا أبا عبدالله



عندي مفهوم العشگ هو الصحيح.....وقبلة الحُب عندي صارت كربله
فيلسوف بدمعتي ولابس الليل.... ومنطق الدمعة ابد ما بدله
الجزع احد أساليب الوفاء..... ونقطة( الباء) دمعة من البسملة
الحلوة بحسيني ابد ما سدله باب..... بكثر ما شايل الم شايل هله

________________

واهب اسنيني لجامعة البكاء....... اني خريج الألم والحسره
موقضية شهرة هالموضع بعيد..... الماحضر مجلس تطلبه الزهره
(الحاء) من(حسين) مفتاح الدموع........ شما بچت روحي احس مقصره
الطم وابچي ترا كلش قليل...... كون فوگ ضلوعي تمشي العشره
_________________
عيد ماعندي المجالس هي عيد.....وخلصت عمري بالحسينية
العشگ عفته وعبرته من زمان........ وهسه عاشگ خيمة العلوية
مو فقط اني انحنيت اعله الحسين.... السمه اعله حسين هم محنيه
والله لو بيدي اسوي المستحيل... وانصب الخيمه ابمكان الريه


____________
لا تحاسبني اعله دمعي من يطيح..... احنه وآدم للدمع شرايه
من صغرنه اندور اعله الحركه وين..... واخذ مضمون الحجي من هايه
ولون مجلس ماكو اعله امي اروح.... ونقرأ لطميه ونسوي قرايه
دنيتك والبيدك وما صح بيدك..... ماتسوي لفظة المشايه


_____________
بشرط واحد يلا اعوف اني الحسين...... انطيني مثل حسين واحد ثاني
تلومني من أطبخ وانصب عزاء..... والصخام البجدر سواني
اللطم ديني وقامتي هي الحياة..... جنون بيه وعابس الرباني
اني عاشگ واحد ايدورلي خير.... حتى من انساه ما ينساني


#الشاعر عبدالله الشويلي


https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

فرحة ميلاد الزهراء ع

مبخوت كل الي حضر.. هليله ميلادچ
امعزب بهذا الفرح .. يا فاطمه اولادچ
مبخوت كل اللي حضر.. يوزع ثواب المنتظر

ــــــــــــــــــــــــــــــــــــــــــــ
كلمن حضر هذا الفرح هاليله ياحضه
يستقبله طه النبي وعليه يترضه
وشكد خسر حيدر علي متحضر ايعوضه
مشروط هالليله الطلب ابيمنته ايقبضه

الحاجه ياخذها نقد .. هالليله بيمينه
من اللحضه هذي يطمئن .. ماتبچي ابد عينه
وميصبه هم ولا كدر.. يوزع ثواب المنتظر
ــــــــــــــــــــــــــــــــــــــــــــ
هنياله كل اللي فرح وشايل الچ ورده
خل ينسه همه ومحنته الواگع ابشده
خل يطلب اشعنده طلب وياحاجه العنده
امعزب الليله الحسن وخجلان ميرده

وحسين ابو اليمه ابد .. ميردها حاجاته
بميلاد امه الطاهره .. يلبيله طلباته
يگضيها ابو اليمه نذر .. يوزع ثواب المنتظر

ــــــــــــــــــــــــــــــــــــــــــــ
السجاد والباقر هلا اتلگوا احبابچ
والصادق بهذا الفرح واگف على بابچ
والكاظم وابنه الرضا يوزعون بثوابچ
وهاليله ولدچ مابچو يالزهره لمصابچ

هاليله لا ماكو حزن .. عاشولچ الفرحه
كلمن ترك حزنه الچ .. ومصابه او جرحه
فرحانه الچ كل البشر .. يوزع ثواب المنتظر
ــــــــــــــــــــــــــــــــــــــــــــ
والهادي لازم دفتره ويسجل الحاضر
ايوافي كل اللي حضر يوم الحشر باچر
والعسكري بهذا الفرح يافاطمه ناذر
للجاي يگضي حاجته وميرده ابد حاير

اعمالنه بهذا الفرح .. عند الله مرضيه
والحاجه بسمچ فاطمه .. يالزهره مگضيه
بسمچ يهون اشما عسر .. يوزع ثواب المنتظر

#الشاعر عقيل الحسناوي..


https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

ماليه الدنيه السعاده
احله فرحه بهل ولاده
كلها فرحانه وتنادي
ياهله ابضعت الهادي 
....................

نورت دنيانه بالطلعه البهيه
والفرح هليله عم اعله البريه
وللرسول الباري انطه اجمل هديه
احله بشره للنبي الزهره الزجيه

والملائك تعتنينه
تشارك بفرحت نبينه
بهل ولاده انسر فؤادي
ياهله ابضعت الهادي
....................

ماكو واحد يبقه هاي الليله محتار
ومعتني المولد الزهره سر الاسرار
العنده حاجه يرجع وفرحان للدار
الليله تكضي الحاجه فاطم ام الاطهار

يالله ياشيعي ارتجيها
وسلم الحاجه بأديها
وگلها انه رايد مرادي
ياهله بضعت الهادي
.....................

ماكو شي يصعب عليها الصعب يسهل
وبالقضايه ام الحسن هيه اتكفل
مايخيب الي طلبها ومنها يسأل
رحمة الله فاطمه وهيهات تنمل

اطلب واخذ التريده
الزهره يمك مو بعيده
وصيح الج حبي وّدادي
ياهله بضعت الهادي
.....................

كلشي بالدنيه هتف فرحان بيها
نزّل الله الخير كله ابين اديها
مامثلها تصير وحده ام ابيها
هل اسم بس فاطمه لايك عليها

هيه ام كل الوطيه
فاطمه الزهره الرضيه
هذا حبي واعتقادي
ياهله ابضعت الهادي
.......................

اشعل اشموع الفرح وسط الصواني
فرح هاي الليله تحقيق الاماني
كافي من الحزن بسك يازماني
ابجيت الزهراء كل الخير اجاني

احله فرحه بهل مسيه
مولد الزهره الزجيه
بغضاً بكل الاعادي
ياهله ابضعت الهادي

 
#محمد هادي العقابي



https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

قصيدة 14 معصوم سلام الله عليهم
متباركين بولادة الزهراء ع




صلاوات صلاوات  عالمصطفى وآله
...............

يلا يادنيانه .. اليله افرحي ويانه
وجونه غيري الوانه .. بالمسرات
احله شي اعيادنه  .. وبذكر اسيادنه
هوه هذا مرادنه  .. احله كلمات
من الگلب نجريهه  .. للنبي نوديهه
بهل حفل نهديهه  .. هاي الاصوات
للرسول الهادي .. وكل فؤاد اينادي
بيهه اشوف اسعادي  .. و الكرامات

والافراح والافراح  للنبي تحلاله
صلاوات صلاوات   عالمصطفى واله
.....................

يازمن حبينه  .. حيدره والينه
وهالاسم يكفينه .. اغله محبوب
بالشدد لو صحنه  .. ياعلي يحضرنه
وهالفرح يجمعنه  .. نذكره ونذوب
وفاطمه نذكرهه  .. الله يعرف سرهه
الخادم بدفترهه  .. اسمه مكتوب
 فاطمه ام العتره  .. للموالي ذخره
تشفع النه الزهره  .. تفرح الگلوب

يزهراء يزهراء هل صوت يتعاله
صلاوات صلاوات عالمصطفى واله
....................

العاشك يعرفونه  .. مبين من عيونه
الحب يغير لونه  .. ايذبل العين
للحسن عشاكه  .. كل نفس مشتاكه
الشيعي هاي اشواكه   ايحب الثنين
من تهب النسمه  .. بالهوه النشتمه
نعمه واكبر  نعمه  حب الحسين
ندعي من بارينه  .. بخيمته يخلينه
ايزيد حبه البينه  .. طول السنين

والگلوب والگلوب  خل تفرح بجاله
صلاوات صلاوات عالمصطفى واله
....................

بعلي زين عبادهه  .. الفرحه تحله اعيادهه
الروح زاد ودادهه  .. الزين العباد
وبالدعاء انذكره  .. يناجي خلص عمره
منه ناخذ عبره  .. والامل زاد
والامام الباقر  .. بكل علم هل حاضر
ذكره سر الخاطر  .. عالي الامجاد
من صميم گلوبنه  ..  وبعطر مكتوبنه 
نبعث المحبوبنه  .. هاي الاعياد

مسرات مسرات من نذكر افضاله
صلاوات صلاوات عالمصطفى واله
......................

ياحلات البشره  .. وبفخر من نقره
مدرستنه الكُبره   .. الصادق القول
حقنه من نتباهه  .. ونعرف بمعناهه 
اليله يامحلاهه  .. الحاضر يكول
من نكصده البابه  .. ونهوه فوك اعتابه
الكاظم احنه احبابه  ..  ندعي ونول
الحاجه تكضي بداره  .. وناخذ احله بشاره
مايرد خطاره  ..  بلطفه مشمول

يعلمون يعلمون بالكاصد وحاله
صلاوات صلاوات عالمصطفى واله
.......................

للرضا نتعنه  .. لحضرته نتمنه
نشم عطر الجنه .. بطيب الانفاس
نردد من نطوفه  .. ارواحنه ملهوفه
والعيون تشوفه  .. سيد الناس
من الجواد ويانه  .. ناخذ المولانه
علك من بيبانه  .. نشيله عالراس
والورد نهديله  .. عطره عطر الهيله
 اليله اجمل ليله  .. برقه وحساس
 
يمحبوب يمحبوب كل محب مواله
صلاوات صلاوات عالمصطفى واله
.....................

 الهادي ويه افراحنه  .. بي يطر مصباحنه
للامام اشواكنه  .. ونشعل شموع
نحضر بسامره .. والخلك مبتشره
ياجمال الفطره  .. وهاي الجموع
العسكري بمعروفه  .. يبسط النه جفوفه
احنه اجينه ضيوفه  .. وحبه مزروع
بينه من اصبانه  .. ونهتف المولانه
وصوتنه ابيبانه  .. عنده مسموع

نهنيه نهنيه  وبالفرحه نقراله
صلاوات صلاوات عالمصطفى واله
....................

والختام البينه  .. دايم المهدينه
ننتضر والينه  .. وكحل العيون
المهدي ماينسانه .. بكل زمن ويانه
بالفرح يلكانه  .. مناليفرحون
نشكر الله ونبدي  .. بالدعاء للمهدي
والزمن هل يحدي  .. وحبنه مضمون
تبقه اخر كلمه  .. وهيه هاي النعمه
حبنه لهل الرحمه  .. يعادل الكون

تحيات تحيات كل گلب مرساله
صلاوات صلاوات عالمصطفى واله



#محمد هادي العقابي



https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

عباس **عاين للجدم
عباس **صار بنص زلم
عباس ** عليه خوية امسجله الحسرة

عاين جم طفل متحرگة اجدامه
عاين للدلال وطاحت اخيامه
تبجي وبالالم مفجوعة ايتامه
نهبوني خدر باگولك اعمامه

عباس..بس انشاف انحجي
عباس.. اشبع ضرب وبجي
عباس.. ع الدخان انتجي**خوية

ياأبا الفضل         ياأبا الفضل
▪️▪️▪️▪️▪️▪️▪️▪️▪️▪️▪️▪️▪️▪️
جاليش**وحدي وطلعت
جاليش**بلجمرة اعثرت
جاليش**عدوي امن الخيم ركضني بلصحرة

اطلع والغرب توميلي بلنظرا
مادنگو خجل جي امي الزهرا
اخ ويافشل تجويني الحسرا
جم كسر بكسر بس كلي شيجبرا

والضيم.. تاليهه اطلعت
والضيم..بنص هيمة انشفت
والضيم..ياريت ومتت**خوية

ياأبا الفضل         ياأبا الفضل
▪️▪️▪️▪️▪️▪️▪️▪️▪️▪️▪️▪️▪️▪️

مااشوف**معمية جفن
مااشوف**محروگ الردن
مااشوف**جدم يسبگ جدم وانجفي اعله الجمرة

محروگة العباية واركض بهيمة
اعاين للخيم خيمة احرگت خيمة
جا شحجي الطفوف واه ياضيمة
وانه ام الخدر ماظلي كل قيمة

الدخان..خانگني خنگ
الدخان..مااشوفك صدگ
الدخان..شب بالمحترگ**خوية

ياأبا الفضل         ياأبا الفضل
▪️▪️▪️▪️▪️▪️▪️▪️▪️▪️▪️▪️▪️▪️

من تروح**ضايعلي دلال
من تروح**تجتفني الحبال
من تروح**اعاين كل دلالي ضاع عالغبرا

سباني حرملة ويتمضحك بزوده
ويگلي الكفيل امگطعه انزوده
مايرجع بعد رايح ذخر عوده
وانه امن البجي والضيم ممروده

الدموع.. تفضح ع الهزل
الدموع.. ضلت بس تهل
الدموع..نزلهه النذل**خوية

ياأبا الفضل         ياأبا الفضل
▪️▪️▪️▪️▪️▪️▪️▪️▪️▪️▪️▪️▪️▪️

للشام**وبسوگ انجهب
للشام**كله امن العذب
للشام**غرب واجناب خوية وتكتل النظرة

للشام انسبي كله اعلمود الماي
افگد كل دلالي وهيبتي وضناي
يخليني الزمن محتارة ادور فياي
متيهني عجب ماظل الي كل راي

للسوگ..ماظنيت اطب
للسوگ..مجتوفة وغصب
للسوگ..ويلي وانضرب**خوية

ياأبا الفضل         ياأبا الفضل
▪️▪️▪️▪️▪️▪️▪️▪️▪️▪️▪️▪️▪️▪️
خادم الحسين محمد منير المياحي


https://t.me/joinchat/AAAAADyvNcFdjoQh-74liA



قناه نشر القصائد المنبريه ثقافه الشعراء

*[ أملي فاطمة الزهراء عليها السلام ]*

أداء: الملا #عمار_الكناني
كلمات: الشاعر #علي_عباس_الربيعاوي

https://youtu.be/HHxl1tZ1G40

مجالس شهر جمادى اﻵخر لسنة 1441هـ - 2020 م
ليالي إستشهاد سيدة نساء العالمين فاطمة الزهراء البتول صلوات الله عليها وآلها
هيئة راعي الجود للشعائر الحسينية - العراق - بغداد

مونتاج وتنفيذ: حارث العكيلي
مكساج: أحمد البرمكي
مخطوطة: حسين مقيم
النشر الشبكي والتوزيع: علاء بركات العاملي - علي الفاطمي