جمعنا سيوفنا وردينا مو خوف
بس شفناك واگف بالحرب ضدنا

احنا ثنينا رحنا من أيدينا
بدينا بغلطة وبغلطة أنتهينا
مشهد مؤلم الي جان
اني بروجه غركان
وأنت گبالي بس ع السفينة

لا بيك جيه ولا بيه حيل أنساك
ضلينا بَس بالحلم نتلاگه اني وياك

ثنينا چنه عِميان
اني ما أشوف غيرك
وانت ما تشوفني

يتكاثرن بالروح حَسرة على حَسرة
لاوَحدة لاهي ثنين كُل ليلة عَشرة

ادري من البداية يعجبك وداعي
وأطباعك سخيفة تغاير أطباعي
انتَ ويه الخيانة الماي ويه الطين
وتحلم بعد مايك يوصل لگاعي

ادور بالعمر بس مالكيت سنين
لكيت ايام سوده وكلها محتركه

ساكِت شَرد اگلك هو ظَلّ لسان
عِندي وبيه أسولف وأعتِرف مُعجب
شِفتك مِن بَعيد واخذت كِلشي وياك
أنا أدري شراح تاخذ مِنّي مِن تِگرب
يابو عيون الصَگر سابينا مِن مرتاح
نِنطي وجوهنا لوين مِن تِغضب
عَلى كيفَك وياي وشوفني بيا حَال
تَعبني العِشگ مابيه بَعد أتعَب

كون تشوف
روحي شخله
بيها الخوف كون
تشوف حالي شگد
الك ملهوف كون
تشوف بشفافي
الحزن ماخله
بسمه تعيش
كلمن گمت ابوسه
بخده اطبع اؤف
كون تشوف
خلصت الوجوه
وشفت كل الناس
كلها وجوه غربة
ولا وجه معروف

خليني اضل محترك
ماريد منك ماي
لو بيك ذرة وفه
طب احترك وياي

بأول وأخر رسالة ثنينهن چنه غرب

من سألوني عنك ما اهتزيت
ولا غيرت كلمه بمفرداتي
كتلهم نعم حبيتلي انسان
جان اكبر غلط يدخل حياتي

ماحنيت؟
شلون ايامي تنساهن
عيونك من يمرهن خوف
مو جنت ابجي وياهن
التفاصيل العشتها وياي
صعب يم غيري تلكاهن

وكت خلاني وجهك گوه أباوعله
هذا الجنت راسمه وجنت راسمله

أرهَم لعينك ضوه
وارهَم لجرحك دوه
وتگلي ما راهم
واحجيه بـ المُختصر
مَيزتك أعلى البشر
وساويتني وياهم

يالكاتبلي احبك بين الاقواس
هاي اقواسكم صارت قيودي
ردودك مال چف يفر مفاتيح
وتوسل سجن طلعن ردودي
ماستاهل تخليني وتروح
اني استاهل تموت علمودي ..

بعد مو مال اجلب بيك
انتَ الرايد الفُرگه
العلاقه الـ بالبرود تموت
ما تستاهل الحرگه
باجر تندم وتشتاك
وتحس بأنانيتك
بعد منين تلگى انسان
يتحمل مزاجيتك ؟