وكح وشگد كِسرت بصغري ألعاب
شِجاني وصرت عاقل ما كسرتك ؟

تعال مُر حلم حتى لو چاثوم
أعرفك ما وراك أحلام وردية

چنت ماريد أحبك وانتَ لحيت

وتكبر أنت
وتصغر بعينك حياتك
وتبهت الألوان كلها
وبعينك تموت أمنياتك

گلبك محَمل وفه شجابه وراي
انا گلبي يعيش كل ساعة بقرار
يجوز اگلك عاشگك
بالليلة هاي
وما اريد الگاك من يلفي النهار
يجوز اگلك عوفني
وسافر بعيد
وتلتفت وتشوفني اركض عالقطار
مرة اعوفك تضحك
ويمك غريب
ومرة إذا شفت النده يطخك اغار
يجوز لو مريت
اكلك ليش أجيت
وغير مرة تشوفني بالملگه حار
وانت گلبك محد يشبهه حنين
لا تورطه بگلبي الما عنده قرار

عجيب شگد صلف
يدزلي صوره ويه المُحب
يكلي شوفه شگد حلو
أصفى منك وجهة أبيض
وروحه أحلى شگد صلف

جنت أتمنى لو نلتقي لو أنساك
وأبد ما صار شي من الي تمنيته

چنت أظنك لون واحد يا قُزح

جمعنا سيوفنا وردينا مو خوف
بس شفناك واگف بالحرب ضدنا

احنا ثنينا رحنا من أيدينا
بدينا بغلطة وبغلطة أنتهينا
مشهد مؤلم الي جان
اني بروجه غركان
وأنت گبالي بس ع السفينة

لا بيك جيه ولا بيه حيل أنساك
ضلينا بَس بالحلم نتلاگه اني وياك

ثنينا چنه عِميان
اني ما أشوف غيرك
وانت ما تشوفني

يتكاثرن بالروح حَسرة على حَسرة
لاوَحدة لاهي ثنين كُل ليلة عَشرة

ادري من البداية يعجبك وداعي
وأطباعك سخيفة تغاير أطباعي
انتَ ويه الخيانة الماي ويه الطين
وتحلم بعد مايك يوصل لگاعي

ادور بالعمر بس مالكيت سنين
لكيت ايام سوده وكلها محتركه

ساكِت شَرد اگلك هو ظَلّ لسان
عِندي وبيه أسولف وأعتِرف مُعجب
شِفتك مِن بَعيد واخذت كِلشي وياك
أنا أدري شراح تاخذ مِنّي مِن تِگرب
يابو عيون الصَگر سابينا مِن مرتاح
نِنطي وجوهنا لوين مِن تِغضب
عَلى كيفَك وياي وشوفني بيا حَال
تَعبني العِشگ مابيه بَعد أتعَب

كون تشوف
روحي شخله
بيها الخوف كون
تشوف حالي شگد
الك ملهوف كون
تشوف بشفافي
الحزن ماخله
بسمه تعيش
كلمن گمت ابوسه
بخده اطبع اؤف
كون تشوف
خلصت الوجوه
وشفت كل الناس
كلها وجوه غربة
ولا وجه معروف

خليني اضل محترك
ماريد منك ماي
لو بيك ذرة وفه
طب احترك وياي