انت ما ترهم غريب
شلون خليتك ولف
وانا غلطان اعترفلك
غلطة الشاطر حياته
ياهو كلك غلطة الشاطر بالف؟

چانَت صعبَه بس هاي النهايَات
جرحَك بيَه گد حُب ألبدايَات

ليش أضيع ؟
ليش كل ما أصيرن أخضر
ينعدم فصل الربيع ؟

26.6.26

شلون أعوفك ؟
وأني روحي ألگاها بيك
يمتى أشوفك ؟
لو تواعدني بجهنم هم أجيك

مثل شوك النوارس للبحر مشتاك
ومثل شوك السُفن من تعشك المرسى
اذا خيط الشمس يَنسى الفجر أنساك
وابطل كُل حزن واتعمد الونسه
بس أدري بروحي شما تمر أيام
تضل تبجي على طيفك وأبد ما تنسى

من متى كانت إجابتنا على قد السؤال
ومن متى كانت سوالفنا سوالف باردة

ومن متى الوعد يتأجل ويتأجل الإتصال
ومن متى أسولف على عينك وعينك شاردة

ومن متى كلمة أحبك شهر كامل ماتقال
تكسر جناحي من عنادك وأنا اللي فارده

للأسف كنت الفراق أشوفه أقرب للخيال
صرت أشوفه واقعي جداً وفكرة واردة

درهمك لمن شمرته
گلتلي اذا كتبه احبك
وأنت درهمك وجهين طره

لك صاير أحلم واني اصلاً ما نمت

شكد غريبه هالدنيا
هذا عالمنا غريب
جرحي مو مِن غُربه اجاني
جرحي مِن أقرب حبيب

شلون بيه تريدني انسى
واني ماناسيه لهسه اول لقاء ؟
شسوى بيه وهلگد گمت احبه
احنا مو چنه اصدقاء !

وكح وشگد كِسرت بصغري ألعاب
شِجاني وصرت عاقل ما كسرتك ؟

تعال مُر حلم حتى لو چاثوم
أعرفك ما وراك أحلام وردية

چنت ماريد أحبك وانتَ لحيت

وتكبر أنت
وتصغر بعينك حياتك
وتبهت الألوان كلها
وبعينك تموت أمنياتك

گلبك محَمل وفه شجابه وراي
انا گلبي يعيش كل ساعة بقرار
يجوز اگلك عاشگك
بالليلة هاي
وما اريد الگاك من يلفي النهار
يجوز اگلك عوفني
وسافر بعيد
وتلتفت وتشوفني اركض عالقطار
مرة اعوفك تضحك
ويمك غريب
ومرة إذا شفت النده يطخك اغار
يجوز لو مريت
اكلك ليش أجيت
وغير مرة تشوفني بالملگه حار
وانت گلبك محد يشبهه حنين
لا تورطه بگلبي الما عنده قرار

عجيب شگد صلف
يدزلي صوره ويه المُحب
يكلي شوفه شگد حلو
أصفى منك وجهة أبيض
وروحه أحلى شگد صلف