‏انا شخص اخاف من إحساسي تقريباً 99% من الأشياء ألي أحسها تطلع حقيقية ما اعرف هاي نعمة أو نقمة بس كل مرة أحاول اجذب بيها احساسي يصير أقوى من الاول وتصير كل الأحداث تترابط لتثبت أنه شعوري صح مو مجرد نغزة وخلص وكأنه ربنا يلطف بيه قبل ما احد يضرني أو يكسرني ..♥️

‏بهذا الانتظار ..
نوگف بحياتنا حتى لا نخسر أحد
ونخسر نفسنا بدون ما نحس
العمر ما يسألنا أذا جاهزين
هو يمشي سواء ننتظر لو نعيش
ويمكن أقسى حقيقة
إن أكثر شي تعبنا بيه
ما جان يستاهل كل هذا الانتظار

نربط أيامنا بوعد
والوعد يمكن ينسى واحنه نضل نتذكر
نأجل فرحتنا حتى يكتمل المشهد
والمشهد عمره ما يكتمل
وبالأخر نفهم
مو كل صبر مأجور
بعضه بس تأخير لحياة جان لازم تنعاش من زمان

ضلت بروحي السوالف تشتهيك
وأنت بارد ما تفرفح من أجيك !

أُقاتِل لِمَن أهُواه
ومَن أهُواه يقتُلُني؟؟

گلت هالمَره ما ابادر
واجرب ياهو يبقى اكثر
منو اليَشتاگ للثاني
ومنو يَخلي الزعَل يكبر
وگضن من يومها اسبوعِين
ما شفته حرت ضيعني ؟ ضيَعته؟
وطلايب بين هذا وذاك
عقلي يگلي لا ترجَع
وگلبي يگول زعلتة
وهذاك يصيح بيك الصوچ
وهذا يگول لا أنتَ .

عيب عليكم
تختارون شخص عنده هواي اشياء
وبخل عليكم بيهن
وتعوفون الي عنده بس شي واحد
وقدمه الكم بكل حب همين ..

‏كنتِ ملاذي الوحيد حين أثقلتني الهموم ، حين لم يترك لي العالم مكاناً أستريح فيه. أفتقدك لا كـ ذكرى تتلاشى ، بل كـ حاجة ما زالت تسكنني. كلما ضاقت بي الحياة ، أعود إليك في أفكاري ، فأنتِ السكينة التي فقدتها ، والوطن الذي هجرته ، والمسافة علمتني كم ما زلتُ أتوق إليك ..

يَا نَفْسُ كُفِّي، فَمَا فِي العَيْشِ مِنْ رَغَدِ
وَالمَوْتُ فِيهِ شِفَاءُ الرُّوحِ وَالجَسَدِ
أَيْنَ الهُرُوبُ وَهَذَا القَيْدُ يَخْنُقُنِي
وَالهَمُّ يَحْفِرُ مَجْرَاهُ عَلَى كَبِدِي

‏تحاول التقنية أن تعوض المسافة
بس تعجز عن هالشيء
ماكو كتابة تگدر توصّل دفو إيديك
ولا كاميرا تگدر توصّل لغة الأمان بعيونك
مهما تطورت اختراعات العلماء بالتواصل
ما راح تگدر أبداً تصنع ذاك السحر

سحر لقاء الأنسان بالأنسان ..!

أنت البديت الحچي وتقربت مني .
وحاولت ما حاولت عن كلشي تسألني
تتركني لمن بدا گلبي على مودك
صدك تتغير أطباعة
تتقرب مني بسنة
وتعوفني بساعة !

بِسْمِ اللَّـهِ الرَّحْمَـٰنِ الرَّحِيمِ

وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ.

صدق الله العظيم

_

{اقْتَرَبَتِ السَّاعَةُ وَانشَقَّ الْقَمَرُ}

شُلت يدٌ غدرت بليثِ الغابةِ .. وأذلتِ الإسلامَ بعدَ صلابةِ
يا ضربةً هدمت صروحَ هدايةٍ .. وأبكتِ الأملاكُ فوقَ سحابةِ
فبأمانِ اللهِ يا من فُجعتْ بهِ .. شمسُ الضحى ونجومُ كلِ جنابةِ

‏⁨ ⁨ هواي مرات أحنه البشر نكون أغبياء بتصرفاتنة مع أشخاص يحبونه مهما كان مسماهم بحياتنة أب أم أخ أخت صديق حبيبة زوجة ، ولكن بعدها نخسرهم بسبب غبائنة وبسبب أنو أحنة متأكدين همة راح يبقون موجودين حتى لو دسنة عليهم وع مشاعرهم ولكن هذه أكبر غلطة ممكن ترتكبها بحياتك لأن اكو أنسان من تخسره مستحيل يتعوض .⁩⁩.

ضال ببالي شكلها ومستحاها ولونها
وحتى لو متحبني هي !
أني أحب عيونها
هي هاي الگدرت تعديني مرحلة الصراع
هاي أول وحدة عقلي وگلبي يختارونها ♥️

الرجال يريد أهتمام ، والبنية هم تريد أهتمام ،
بس كل واحد اهتمامه غير شكل
المشكلة مو بالاهتمام ، المشكلة بالـ “توقيت”
مرات تهتم صح ، بس يبين غلط لأن جاي بالوقت الخطأ
رجال راجع من الشغل طايح من التعب ،
تجي مرته تسأله وين جنت؟ ليش ما سائل؟ وليش غايب؟
هي تعتبره اهتمام طبيعي ،
بس هو يشوفه ضغط لأن محتاج يرتاح أول
وهنا تبدي المشاكل
التوقيت أهم من الاهتمام نفسه
لأن الاهتمام إذا إجا بوقته ، يسوي راحة
وإذا إجا بوقت غلط ، يبين ضغط ..♥️

مَنْ قالَ إنَّكِ مثلُهُنْ ؟
أنتِ المُفاجأةُ الأخيرَةُ
في حَياتي
أنتِ التفاصيلُ الصغيرةُ والكبيرةُ
أنتِ ذاتي
أنتِ المَليكَةُ والأميرةُ
أنتِ أعظمُ ذِكرياتي
أنتِ المُفاجأةُ التي
سَبَقتْ جميعَ تَوَقُّعاتي
وبها دَخلْتُ إلى عُصورٍ لَمْ تَجِئْ
وبِنورِ حُبِّكِ خُضْتُ
كلَّ تَحَدِّياتي
أنتِ اختِصارٌ للنساءِ جَميعِهِنْ
أنتِ التَّفَرُّدُ بينَهُنْ
مَنْ قالَ إنَّكِ مثلُهُنْ ؟
لَكِنَّني لا أستَطيعُ بأنْ أقولَ
مُبَرِّراتي
أنتِ التي مَلَكَتْ
مَنابِعَ دَهْشَتي
وبُزوغَ شَمسِ تَجَلِّياتي
ماذا أنا يا مُنيَتي
إن لَم تَكوني
في حَياتي ؟
أنتِ المُفاجأةُ التي
لا تُحتَمَلْ
قد أذهَلَتْني
أدْخَلَتْني
في سَراديبِ التَّرَقُّبِ والتَّوَقُّعِ
حينَ يَغدو كلُّ شيءٍ
مُحتَمَلْ
أنتِ القصيدةُ
حينَ تَغتسلُ القصيدةُ
بالرحيلِ وبالدموعِ
وبالأمَلْ
أنتِ المدائنُ
حينَ تَنفُضُ حُزنَها
وتَذوبُ مِنْ فَرْطِ الخَجَلْ
أنتِ السنينُ
وقد أُضيفَتْ فَوقَ عُمري
صارَ لي ألفا أجَلْ
إنْ مِتُّ في عينيكِ مِيتَةَ عاشِقٍ
فَلسوفَ أٌبْعَثُ
حينَ أحتَضِنُ المُقَلْ
لا تَحزَني
لا تَرهبي ما في الوُجودِ
حَبيبَتي
فالحُبُّ فينا لا يَزالُ ولَم نَزَلْ
وإذا أرَدْتِ لِمرَّةٍ
أنْ تَقتُليني
أرجوكِ لا تَتمهَّلي
حتى أموتَ
على عَجَلْ

مفهوم الي يريدني لازم يقبلني مثل ما أني مفهوم مريض ..
أبسط شيء من تروح ضيف ما تكعد مثل ما تكعد بغرفتك ، ولا تسولف مثل ما تسولف ويا أهلك ، ولا تطلب مثل ما تطلب من صاحبك .. وهذا ينحسب على أغلب مفاصل الحياة وفعالياتها وجوانبها وتفاعلاتها العلاقات مع الأخرين كذلك أماكن ، لكنها أماكن بشرية عاطفية وليست حيز في الفراغ ولذلك ، يجب أن نتعامل معها وفق ما تقتضيه وما تتطلبه ، ولا ننتظر منها أن تكون مفصلة على قياسنا محد راح يقبلك مثل ما انت لازم تتغير حسب ما تتطلبه العلاقة وما يدفعك إليه الظرف والوضع ..

انا من الأشخاص ألي هواي يفكرون بمستقبلهم ويقلقون ويشعرون بالمسؤولية بزيادة وممكن مرات أوصل لحالة من الأكتأب بسبب تفكيري وقلقي ع مستقبلي ونجاحي وعملي ، ومن ابقى أفكر گلت سابقًا أوصل مرحلة متقدمة من الأكتأب ، بس بيوم من الايام وانا بهذه الحالة جنت أتصفح بريل الأنستگرام وضهرت لي هذه الأية { لَا يُكَلِّفُ اللَّهُ نَفْسًا إِلَّا وُسْعَهَا } وكأنها رسالة بقيت صافن بيها وادخن حوالي الـ ٢٠ دقيقة وبعدها تلقائيًا بلشت اطلع من الحالة ألي انا بيها واردد ألاية بأستمرار ، وصدگ شكد مرات أجهد نفسي بالتفكير وبالتخطيط والعمل المتواصل ألي يوصل لـ ١٦ ساعة باليوم بس النتيجة شنو لا شيء سوى ان ادور بمكاني واجهد نفسي اكثر ، بعدها أيقنت ان كل شيء مكتوب الك راح يصيرلك ومراح يصير لغيرك اسعى والباقي ع الله ولا يكلف الله نفسًا الا وسعها ..