‏من أجمل المشاهد ألي ممكن تشوفها بحياتك لما تشوف عزيز على قلبك عدى سنوات الاكتئاب وصار ناجح وسعيد وبخير

أتخيل أنو نفس هذا المشهد تشوف بي روحك ، أنك تكون انت ألي عديت سنوات صعبة من الخوف والأكتئاب والتعب وصرت مطمئن اخيراً وناجح وسعيد ..!

تره هذا المشهد لوحده بكامل المشاعر الحلوة ألي بي يستاهل انك تحاول اليوم وباچر وألي بعده علمود توصله ..♥️

‏تدري؟ مرات مو كل مكان أمن ، بس أكو ناس تصير المكان الأمن ..
مو لان عندهم حلول ، لا لان بس وجودهم يهديك
ناس أذا شافوك تعبان ، ما يسألون هواي ، بس يخلونك ترتاح
مكانك وياهم يصير هروب من كل التعب ، مو لأنك تهرب منهم
بس لانك تقدر تكون نفسك وياهم ، بدون خوف ، بدون تبرير ، بدون أقنعة .

بس هم مو الكل هيچ لان مو كل حضن دافي ، ولا كل اهتمام نية صافية .
تعرف الشخص الآمن من طريقة سكوته ، من احترامه لمساحتك ..
من أنه يسمعك بدون ما يحكم ، ويفهمك بدون ما تشرح

فلا تدور مكان تهرب له ، دور أنسان ترتاح وياه ،
لان يمكن الأمان مو مكان ، يمكن هو شخص .. 🤍

‏مشتاقلها حيل مو شوية مشتاقلها بكل لحظة وبكل مكان أمر بيه أحس طيفها يمر كدامي ويضحكني حتى وأنا حزين مشتاقلها لأن هي مو بس إنسانة بحياتي هي جانت راحتي وضحكتي ونفسي ألي أتنفسه مشتاقلها لأن يومي بدونها ما إله معنى وكل شي حوالي يصير باهت بدون لون مشتاقلها لأن كل كلمة جانت تحجيها بعدني أسمعها بأذني كأنما هسه تحجي وياي مشتاقلها لأن حتى الزعل وياها چان حلو لأن بيه إحساس حب مشتاقلها لأن كل الذكريات ألي بینه تصير دتنعاد براسي وأنا ما أكدر أوكفها مشتاقلها لأن بينه أسرار وضحكات ودموع محد يعرفها غيرها مشتاقلها لأن أريد أشوفها بس لحظة واحدة حتى لو ما تحجي وياي حتى لو بس تمر كدامي وتروح أظل مبتسم وراها مشتاقلها لأن كلبي بعده متعلق بيها رغم كلشي رغم الفراق والوجع رغم الوقت ألي دا يمشي وأنا بعدني بمكاني مشتاقلها لأن مو بس أحبها لا لأن هي سكنت بيه وصارت جزء مني ما أكدر أنساها لو شنو صار مشتاقلها وأتمنى الزمن يرجع يوم واحد حتى أكدر أكلها شكد أحبج وشكد فقدتج وشكد حياتي بدونج صارت ضايعة ...

نفرض ان اكو وردة صغيرة
واكو جرح چبير مايطيب أبد

الوردة الصغيرة هي الاشياء الحلوة ألي بهاي الدنيا مثل " الحب و النجاح والسعادة "
والجرح الچبير هو هاي الدنيا
أني اشوفها على انها مجرد جرح مايطيب على گد ما بيها من أذية وقسوة وظلم

والبطل بهاي الدنيا هو ألي يدير وجهه عن هذا الجرح ويبعد نظره عنه
وعلى الرغم من كل هذا الوجع بس يلاحظ هاي الوردة الصغيرة
ويبتسملها
ويؤمن انها ماراح تذبل بيوم
ويصدگ انها على الرغم من صغر حجمها بس گادره تسكن وجع هذا الجرح ..

من يوم فقدتج والدنيا ما عادت نفس الشي روحتج تركت فراغ ما ينملي وريحة حضنج بعدني أشمها بالذكريات
أشتاقلج بكل يوم وبكل ساعة وبكل لحظة وأتذكر سوالفج وحنانج ونصايحج ألي لهسه تمشيني
الله يرحمج ويغفرلج حبيبتي
وأن شاء الله مكانج عند رب العالمين أحلى وأوسع من كل الدنيا♥️
الفاتحة

‏يا حريمة ...
ليش سموها الثلاثي الحزين ؟
لان الشاعر و الملحن و المغني سوها وهمة حزنانين من ورة الحب
الشاعر ناظم السماوي جان مسجون بسجن نكرة السلمان وجانت اكو بنية تجي تزور فد شايب جبير بالعمر للسجن كل فترة البنية حلوة حبها ناظم و صادق الشايب الي هو ابوها وگعد يحلم يطلع من السجن ويخطبها وعلى غفلة البنية كامت متجي سال ناظم الحجي و گالة
عمو وين بنتك شو ما تجي ؟
كال والله يا ابني ناظم بنتي تزوجت
وهنا ناظم انصدم و ملكة غير الشعر يعبر بي عن المة و حزنة وكتب يا حريمة ..
طلع ناظم من السجن وراح للملحن العراقي الشهير محمد جواد أموري و نطاه القصيدة و ورة فترة خسر اموري حب حياته ألي توفت بين ايدة و كعد يفجر بالحزن وتذكر قصيدة ناظم وكعد يلحنها بحزن ..
وگع الاختيار ان يغنيها حسين نعمة ألي جاي من الجنوب وانكسر گلبة بزواج فشل وصار بي طلاق فغناها بكل حزن وطلعت ألنة هاي الاغنية الحزينة الي من بداية السبعينيات ولليوم نسمعها كل ما نحزن ..
يا عضد يلّي شتالك عايش بفي النخل
يا ثلج وفراك طبعك .. ياطبع كلّك زعل
وانه ووعودك صفيت بلايه وعدك
وانه دمعات الحزن
شاتلها ظلّيت على خدّك
وانه سجّت درب سوّاني زماني
يا حريمة ..

شوف ..
الدنيا ما تمشي دائماً مثل ما نريد بس المهم يبقى گلبك ثابت وما يفقد طيبته لا تتعب روحك على الناس ألي ما تعرف قيمتك ولا توگف حياتك على شي يرهقك أهدا وأخذ خطوة لورا وفكر بنفسك قبل أي شي مو غلط ترتاح ومو غلط تبعد ومو غلط تختار سلامك على كلشي انت تستاهل الهدوء وتستاهل ناس يفهموك بدون ما تشرح ويوگفون وياك بدون ما تطلب
هدي نفسك وخلي ربك جوا بالك وامشي خطوة خطوة ألي مقسوم ألك يوصلك وألي مو ألك الله يصرفه عنك أهم شي لا تنسى قيمتك ولا تنسى أنك أقوى مما تتصور

الحب والصداقة وهاي العلاقات يستوجب ان الواحد يصبر على الثاني بيها بس بحالات معينة وبحدود معينة همين

يعني مو انت تروح قصداً تسوي تصرف مؤذي بحق الشخص (وغالباً هذا التصرف اذا احد سواه بيك ماراح تقبلها على نفسك) وتتوقع انه يتحملك مدام يحبك
ماكو هيچ شي
الحب والصداقة أكبر من هاي الفكرة
صحيح كلنا نغلط
بس اكو غلطات واضحة المفروض الشخص يتجنبها حتى مايأذي الطرف الاخر مو يروحلها ركض ويسويها
خاصة اذا الشخص موصيك ان هيچ شي يأذيني لا تسوي بعد ماكو مجال للغلط ..

اكو فيديو كلش احبه لشخص
جان ديگول بي باللي معناه
“ تعودت استخدم جملة ويا الناس ألي أحبهم وهي “ انت تدير بالك عليه واني ادير بالي عليك ”
بس أكتشفت ان هاي الجملة عمرها قصيرة فغيرتها وصارت
“ راح ادير بالي على نفسي على مودك
وانت تدير بالك على نفسك على مودي ”

أكثر شي غالي ممكن تقدمه للشخص ألي تحبه هو تطورك الشخصي ونجاحك
تخيل اذا زاد نجاحك وتطورك ونضجك شگد راح تگدر تساعد الناس ألي تحبهم من خلال كل هذا؟ شگد راح تحسن وتسهل حياتك وبالتالي راح تگدر تخلي ناسك يعيشون حياة حلوة مماثله للي انت عايشها

‌‏"الإنشغال نعمة"
لأن الفراغ يضخم غالبية الشعور يضخم العاطفة ، يضخم التعب ، يضخم الألم
الفراغ هو العدو الحقيقي للإنسان وأكبر نقمة قد يواجهه المرء في حياته وأثق أن الغارق بأنشغالاته يكون متزن بأنفعالاته تجاه الحياة

‏حضل أگول باجر وباجر وباجر وإلف باجر چنت قبل أگول كلشي بوكته حلو
بس بعدين فتهمت أنو ماكو شي أله وكت محدد الزواج ما أله عمر محدد ، الدراسة ما الها وكت محدد ، شغل باچر تگدر تبدي بي اليوم ، فترة الراحة تكدر تاخذها بأي وكت
لاتعممون التجارب ولاتحددون اولويات الاشياء ، كل أنسان اله قصته المختلفة
مختلفه بظروفه وامكانياته وأفكاره يحدد ويختار ألي يناسبه
يغيب ويرجع بالوكت ألي يناسبه
ويبدي بالوكت ألي يشوفة مناسب كذلك
احنة ألي نتحكم بالوكت مو الوكت ألي يتحكم بينا
ف لإبد أنو فديوم حيجي باجر بمجهودك وذكائك ، باجر بتعبك وبأختيارك ، باجر بحبك الجبير ♥️!

‏تخيل شخص يگضي عمره بأنتظار السعادة يتصور راح تجي ويه شخص محدد ، او بالمال ، او بالنجاح والمنصب
وكل مرة يوصل لليريده يحس بفرح مؤقت وراها يرجع للشعور بالفراغ ، مثل متسول باقي طول عمره يمد ايده للحياة
بفلسفة شوبنهاور
الحياة مو مسرح للسعادة ، بگد ماهي معركة مستمرة بين الرغبة والمعاناة ، ألي تتلهف اله يصير بلا قيمة بمجرد حصولك علي ، فتبقى متعلگ بدائرة ماتنتهي من السعي والأحباط
اليفهم هالحقيقة مايبقى عبد لرغباته و يلگه الحكمة بتقليل التعلق وتقبل الألم جزء اصيل من الوجود
يمكن مانگدر نشرد من المعاناة بس نگدر نعيش بدون مانصير خدم لأوهامنا ..

Happy new year 🤍.

‏راح تبقى تتحمل أمور غلط وعلاقات متعبتك وتصرفات متكدر تتحملها ومواقف مالها أي داعي
مرة الخاطر العشرة ومرة الخاطر رزقك
ومرة تتذكر بيها تربيتك وعمرك لحد ماتجي لحظه تنفر بيها الكل ومتخلي شي واكف بعينك حتى لو خسرت گلشي
ماكو شي منكدر نستغني عنه كلشي يتعوض ودأئماً أتوقع الموزين من الزين 🤍

ليثُ الحِجاز، وصاحبُ الإعجاز، وكبشُ
العراق، الإمامُ بالنَّصِّ والاستحقاقِ.. مكِّيٌّ
مدنيٌّ، أبطحيٌّ تهاميٌّ، خيفيٌّ عقبيٌّ، بدريٌّ
أُحُديٌّ، شجريٌّ مهاجريٌّ..
من العربِ سيّدُها، ومن الوغىٰ ليثُها، وارثُ
المشعرين، وأبو السبطين، الحسنِ والحُسينِ
مظهرُ العجائبِ، ومُفرّقُ الكتائبِ، والشّهابُ
الثاقبُ، والنّورُ العاقبُ.. أسدُ اللهِ الغالبُ،
مطلوبُ كلِّ طالبٍ، غالبُ كلِّ غالبٍ، ذاكَ
جدّي عليُّ بنُ أبي طالبٍ عليهِ السّلامُ.

- الإمام زين العابدين (عليه السّلام).

‏الأنسان شكد بسيط !
الإنسان بسبب كلمة حلوة من الممكن أن يصدك الحياة كلها حلوة
وبسبب لقاء ممتع ينسى المشاكل ألي هو بيها
وبسبب كلمة تشجيع وحدة يجوز تخلي يتحمل على نفسه حتى لو غلبه اليأس
ونصيحة صادقة من الممكن أن تغير مسار حياته كلها
وبسبب نظرة تقدير تخلي يصدق بنفسه من جديد
مرات ما يريد هواي من الدنيا غير أنو ينجمع ببيت صغير ويا شريك عمره
يجوز هذه هو ألانتصار الإكبر والأمنيه الوحيدة بعد ما تختار الشخص الصح
ف الإنسان شكد بسيط ..♥️

‏انا شخص اخاف من إحساسي تقريباً 99% من الأشياء ألي أحسها تطلع حقيقية ما اعرف هاي نعمة أو نقمة بس كل مرة أحاول اجذب بيها احساسي يصير أقوى من الاول وتصير كل الأحداث تترابط لتثبت أنه شعوري صح مو مجرد نغزة وخلص وكأنه ربنا يلطف بيه قبل ما احد يضرني أو يكسرني ..♥️

‏بهذا الانتظار ..
نوگف بحياتنا حتى لا نخسر أحد
ونخسر نفسنا بدون ما نحس
العمر ما يسألنا أذا جاهزين
هو يمشي سواء ننتظر لو نعيش
ويمكن أقسى حقيقة
إن أكثر شي تعبنا بيه
ما جان يستاهل كل هذا الانتظار

نربط أيامنا بوعد
والوعد يمكن ينسى واحنه نضل نتذكر
نأجل فرحتنا حتى يكتمل المشهد
والمشهد عمره ما يكتمل
وبالأخر نفهم
مو كل صبر مأجور
بعضه بس تأخير لحياة جان لازم تنعاش من زمان

ضلت بروحي السوالف تشتهيك
وأنت بارد ما تفرفح من أجيك !