- حال الغايه وقت توا وقفو بحتوا في رواحكم شوفو شن وراكم وشن ناقصكم شن تبو وشن ماتبوش معش تجرو لحد الفتره هذي اجرو لرواحكم مفيش حد حيصبي معاكم ومفيش حيساندكم بعد تعبوا رواحكم من جديد وتشحنو من جديد ، ردو ديرو خير في الكلاب اللي ميثمرش فيهم ، عادي مش مهم مش حيوجعكم موضوع لأنكم مترجوش منهم في شي لأنه هذوما كلهم لي تجروا وراهم مفيش حد حيصبي معاكم مفيش حد حيدوركم .

- انا قعـدت كتـوم عشـن مهـما حكـيت ميفهمنـي حد .

Fact :
- ياما قلنا " حصل خير " وفِ الحقيقه حصل فينا جرح مَ ينتساش .

- مانسيبـكش لكـن مُستـحِيل نشـد فِي يـد تبي ترخـي .

- استنـى منـي اي حاجه غيـر اني نعايـرك بِـ حاجه احكيتهـا ليا فِ وقـت ضعفـك .

- تعتزل مايؤذيك يطلعلك مايؤذيك جديد.

- انت مُش شخـص كتـوم ، انت معنـدكش ثِقـه في حد عشـان تحـكي وكان عنـدك ثقـه فِ شخـص تحكيـله مُش حَ تعـرف ترتب الكـلام اللِي فِ داخلك .

اصداف بعضنا ..
تهاين ايام الصوب زاد مرضنا
نا والقدم جينا !!
اصداف وهفن ..
ايام الدلال وغندقه ماكفن
وفيهم أعيوني شلت ماعد رفن
وشالو نظرهم مانصيب نهضنا
وجينا اصداف وجن علينا لفن
ايام الغلا واللي معاهن خضنا
امغير القسامي من سعدنا غفن
لا انهضن لاجابن احدود غرضنا
وابقينا مثيل اللي احذاه امكفن
بوه وشقيقه شالهم في حضنا .

- كل ما يقربن امتحانات النهائيه كل ما يزيد قوة إيمان اصحابي ويبدو يصلو .

- نحنا الي مستحيل اتشوف الحزن فِ وجوهنا ، اندسو فِ كل شي فقلوبنا .

- أفعالكم تصغـر فيكم ، مـش تزعل فيـنا🖤.

- اغلبية الناس اللي طلعو من حياتنا يردو بعد فترة ويحاولو يقربو مره اخري ، اللي يتصل، واللي يسأل حد عليك، واللي يدز على النت ، ومتعشمين ياخذو نفس المكانه اللي كانو فيها ! بغض النظر ان موضوع ردتهم ملغي بس نحبو انشوفوهم وهما رايحين ، وقتها اتأكد انهم عرفو ناس واجد بس ماعرفوش كيفك .

- فطنله لما أدير روحك مش فاطن و أنتَ فاطن لكن ما تبيهمش يفطنو أنك فاطنلهم لذالك تقعد تمثل في دور اللا فاطن .