تحفِيزُك لذاتِك هو أحد أسبَاب النّجاح، إن العَالم يفسَح الطّريق للمرء الذي يعرِف إلى أين هُو ذاهب ⭐️🌷 .

- نحن الحالمون، من نزهر بأحلامنا دومًا 💓.
𝒘𝒆 𝒂𝒓𝒆 𝒕𝒉𝒆 𝒂𝒔𝒑𝒊𝒓𝒂𝒏𝒕𝒔,𝒘𝒉𝒐 𝒂𝒍𝒘𝒂𝒚𝒔 𝒃𝒍𝒐𝒔𝒔𝒐𝒎 𝒘𝒊𝒕𝒉 𝒐𝒖𝒓 𝒅𝒓𝒆𝒂𝒎𝒔✨

- الرساله ؛ سلام عليكم
الكثير من طلاب عانون من مادة الفيزياء
بلعكس مادة الفيزياء كلش سهلة
الحل مشكلتك ويه الفيزياء اتبع مايأتي
١-اول مرة اقرة الفصل وحدد القوانين كل فصل بورقة وفصلهم تفصيل
٢-اقرة لمسائل ضبطهم ع استاذ منتضر الخفاجي
واكو استاذ اسم القناة قناة تدريس نموذجي شارح قوانين كل فصل والامثلة ولمسائل بادق شرح ذا درست عليه تضمن ٥٠
٣-الحفضيات شوف ملخص مدرسك او ملزمة مثل شرح مدرسك
وهنا انطيتكم اسماء الاساتذة ضمنون نجاح وياهم
وبس ادعولي انجح🌹🦋

- الرساله ؛ الكيمياء مادة كلش سهلة ولازم اشوف مدرس ناسبك وتفهم عليه ورا كل مثال ومسئلة تختبر نفسك
ولازم تحفض قوانين كل فصل علمود تكدر تحل
عتكم استاذ نور الدين ضمنت اعفاء ويا
حسين حمزة كذلك
وركزو ع مسائل ومعادلات عليهم من ٥٠الى ٦٠درجة

- الرساله ؛ الانلكيزي اغلب طلاب العراق عانون منه واني جنت هيج سبب مجاي نحصل تعليم كافي
نحجي ع انكليزي الخامس طبعن اسهل منهج انكليزي الخامس
١-لازم كون عندك اساس وتكدر تقرة وتفهم
٢-شوفلك استاذ تفهم عليه قواعد حفض موضوع وحل شكو تمرين عليه وتحفض الافعال شاذة وتصاريف
٣-معاكسات كلش مهم ويجن علمود تحفضهن لازم ترجمن
٤-قطع كتاب ترجمهم وحفضهن ورقة وقلم وكرر اكثر من مرة واختبر نفسك +الادب
٥_الانشاء لازم ترجمنه وتحفض سطر سطر اكثر من ٣مرات
وانصحكم استاذ احمد فوزي نجاح مضمون ويا
وبس🌹

كل ماهو صعب في طريقك أنت قادر على تجاوزه لا تعتقد أنك ستفشل أو أن هذا فوق طاقتك ❤️ .

لنْ تجد أحَن مِن الله عليك ❤️.

الملل ، الاكتئاب ، الهروب من الدراسة ! شنو السبب ؟

مرات أنحس بملل أو كئآبه او حتى تفكير اتجاه المستقبل ولا احنه نكدر ندرس ولا احنه مرتاحين ، هواي اسباب وممكن كلش شخص ومشكلته الخاصه لكن أكثر الناس توگع بمشكلة الدوبامين الي هوة هرمون المكافئة والانجاز والي يفرز مواد تخليك سعيد ، الدوبامين ما مقسم علمياً الى انواع لكن اني شفته من خلال تجربتي نوعين ايجابي وسلبي ! طيب شلون اكتشفت هذا الشي ، لمن ضهرت نتائج التمهيدي وتأهلت للوزاري اجتني فرحة كُلش عالية بحيث حسيت بإنجاز قوي بالنسبة للصعوبات الي مريت بيها و بعد ما تشبعت بالدوبامين ، و عقلي الباطن ترجم أن خلص أنت أمّنت وأكعد ارتاح ، واني بقيت بين خيارين ارتاح لو أكمل ؟ فردت اكمل ومنعت روحي من الدوبامين أو المتعة ، مثلاً اني جنت من ادرس بأايام التمهيدي واخذ ريست طويل مثلاً اروح اشوف مسلسل أو العب اي لعبة بحيث أسلي نفسي حتى لاأمل ، بس لمن اجيت وقررت الغي كل المتعة واجيت أريد أدرس كل يوم أكول باجر وصرت منغمس بدوامة التليكرام والقنوات الدراسية والسوالف عن دراسة واني ماادرس وكل يوم اكول باجر والندم على الوقت الي ضاغ ياكل بيه وتفكير شتتني أكثر ، وبقيت هارب من دراسة واجي للتلي واني ماادري أن جاي استهلك دوبامين عالي هنا أكثر الطبيعي وبالأخير اكتشفت أن متفيد تحرم نفسك من شي على حساب شي ثاني لأن العقل الباطن مخزن للطاقة الإيجابية من تملي أشياء ايجابية ومتعة وتنطي حقة راح يساعدك وينجز أكثر

طيب من بعد هذا الكلام شنو أسوي ؟

① انطي نفسك فرصة للتفكير بشي اتحبة ( مثلاً جيب ورقة أو أدخل على الحافظة وفكر أنت شنو تحب مسلسل فيلم برنامج لعبة سجلها يمك وانطي حقها بالجدول حتى عقلك نفسك تحس جاي تهتم بيها ) .

② نطي هذا المصدر حق وبضمير و ابتعد عن التواصل الادماني ، يعني مو أكلك انطي حق تروح تسرح بعالم الدراما لا ساعة باليوم كُلش كافي للمتعة الطويلة لفيلم أو مسلسل ، ولاتنغمس بمواقع التواصل لأن تنسحب وأنت ما تدري .
③ حاول تجدد أنواع المتعة ( أطلع سولف اضحك اركص اركض العب رياضة شوف برنامج ) لكن بنظام .

④ احجي وي نفسك برمج عقلك الباطن بأن يسمعك . شلون ؟ : ( ادگول من اكمل ٣ محاضرات أحياء اروح اشوف فيلم ) بهاي الحالة عقلك راح يحاول ينطيك طاقة ويحفزك ويشعل نار بقلبك حتى تكوم تدرس ومن تخلص الوقت المحدد وتنطي الشي الي وعدته .

⑤ كل هاي الخطوات اني مار بيهن ومجربهن بس الي طيحني بدوامه الملل هوة عدم التكرار لذلك حاول تكرر هالشي على عقلك ، احفظ هاي رسالة يمك وكل فترة ارجع اقراها ، صدگني الكلام الي گلته اخذت ايام يلا افهم كل هذا شي ، ومن أجيت الصبح أدون الي اعرفة عقلي استرجع المعلومات عن هذا الموضوع ، هيج عقل الإنسان بالتكرار .

⑥ وبالاخير حاب أكول لا فرح يدوم ولا حزن يدوم ولا ملل يدوم ، بس إحنا بقائنا على الأرض بيد الله ، ليش نخرج منها وماصانعين أثر ولو بسيط بشخص واحد ، لذلك عيش الحياة واستمتع وحب الحياة وحب الدين حب الله حب كل الناس ، الحياة حلوة بس تحتاج من يعيشها صح .

“انجح عشانك .. وعشانهم.”