Бірнәрсе күтпесе өмірінен мән таба алмай кететін адамдар көп. Қазіргі өмірінің басты мәні – келесі айдағы чемпионат, финал, екі боксердің сайысы және т.б.

Келесі айға дейінгі өміріндегі басты мән сол.

– Не істеп жүрсің?

– Сол бір матчты күтіп жүрмін.

Оған дейінгі өміріңде еш мән жоқ па сонда…

Нені күтіп жүрсің?!

Пайғамбарымыздың ‎ﷺ мына бір хадисіне назар аударыңыз:

«Бастарыңа 7 түрлі бәле келмей тұрғанда салиқалы амал-әрекеттеріңді жасауға асығыңдар.

Әлде салиқалы амалдарды ұмыттыратын кедейлікті күтіп жүрсіңдер ме?!

Әлде сендерді азғындыққа итермелейтін байлықты күтіп жүрсіңдер ме?!

Әлде сендердің ағзаларыңды құртатын ауруды күтіп жүрсіңдер ме?!

Әлде қаусаған кәрілікті күтіп жүрсіңдер ме?!

Әлде аяқ-асты келе қалатын өлімді күтіп жүрсіңдер ме?!

Әлде жаманшылықтың бастауы дәжжәлді күтіп жүрсіңдер ме?!

Әлде қиямет сағатын күтіп жүрсіңдер ме?!

Әлбетте, қиямет сағаты одан да ауыр…»

(сунан әт-Термизи)

Бастаған істі аяқтау – жаңа істі бастаудан хайырлы.

©️Шейх Махмуд Дахла
(хафизаһуалла)

Ниетіңді түзеуден артық мотивация жоқ.

Мотивация жетпей жатса, ниетіңді түзе. Неге о баста шабытың болып, ал қазір шабытың жоқ?

Бәлкім, сол бір істің басында ниетің түзу болды…

Пайғамбарымыз ‎ﷺ өзінің бір хадисінде:

«Кімде-кім таң атқан кезде:

“Ләә иләһә иллә Аллаһ, уахдаһу ләә шәриикә ләһу, ләһул мулк, уә ләһул хамд, уә Һуә ғәлә кулли шәйин қадиир”

деп 10 мәрте айтса, оған жүз жақсылық жазылып, жүз күнәсі өшіріліп, құл азат еткендей сауап алып, осы дұғаны айтқан сәттен кеш батқанша амандықта болады» дейді.

(Муснәд Ахмад📚)

Жұма қабыл болсын🤲🏻

Таңертең айтуды ұмытпаңыз.

Бүгін – ендігі қалған ғұмырыңның алғашқы күні.

Өзіңді алға жетектеймін десең, ақылыңды қолдан. Басқаларды жетектеймін десең, жүрегіңді қолдан.

©️Шейх Юсуф Хаттар (хафизаһулла)

Қараңғылықты сөге бергенше, шырақты жағуға тырыс.

(Әз-зәкә әл-ғатыфи📚)

Сапар – ризық арттырады.

©️Нұрсұлтан Рысмағанбет😁

#сапарға_шық

Адамды ең әбігерге салатын нәрсе – басқалар үшін өзінің болмысын өзгертуге тырысу. Өзіңнің табиғатыңа сай бол.

(Әз-Зәкә әл-ғатыфи📚)

Өзіңді қинап тұйық болма. Өзіңді қинап ашық адам болма. Өзіңмен-өзің болуға тырыс. Барлығы уақыт өте өз орнына келеді.

Кім өзін таныса, Раббысын да таныды.

©️Яхия ибн Муғаз

Өзіңді тұншықтырма. Қабілеттеріңді аш. Өзіңді терең таны. Нәпсіңді тізгінде. Тұлғалығыңды зертте.

Ғалымдар айтады: Төрт нәрсе ризықты кемітеді: таңертеңгі ұйқы, аз намаз оқу, жалқаулық және қиянат.

Яғни, ерте тұрмау, түске дейін ұйықтау, нәпіл намаздарды аз оқу немесе парыз намаздарды тез-тез оқу…

Баяғы ғалымдардың айтуынша, егер пенденің күнәсі көбейіп кетсе және оны жуып-шаятын сауапты істері болмаса, Алла Тағала оған уайым-қайғы жіберіп, сол арқылы күнәларын азайтады екен...

#шексіз_мейірім

Күнә-ішке жұтқан ине секілді,жай кетпейді, әйтеуір бір жеріндітесіп шығады

Ықылас сүресі

Бұл сүрені оқу, Құран кәрімнің үштен бір бөлігімен оқығанмен тең.


Уақиға сүресі

Сүрені түнгі уақыттарда оқыған адам кедейлік көрмейді.


Ясин сүресі

Оқыған адамға шапағат етеді, ал тыңдағанның кешірілуіне себеп болады.


Фатиха сүресі

Барлық дертке дауа.


Мүлік сүресі

Қабір азабынан сақтайды.

Қиындыққа душар болудың жалғыз жолы – күнә.

Қиындықтан шығудың жалғыз жолы – тәубе.

©️Али (радиаллаһу анһу)

Жалығу – мінездің нашарлығынан.

Сахаба Ғәмр ибн әл-Ас өзінің бір сөзінде:

«Киюге әлі жарамды киімімнен жалықпаймын. Достығымыз берік болған жұбайымнан жалықпаймын. Мені мінгестіріп жүрген жануардан да жалықпаймын. Расында жалығу – мінездің нашарлығынан».

(Мәкәрим әл-Ахләқ, Хараити📚)

Жүректі тазалау үшін.

Пайғамбарымыз ‎ﷺ өзінің бір хадисінде былай деді:

«Жүректегі уахарды (ашу,ыза,жеккөру) кетіретін нәрсені айтайын ба?

Әрбір айда үш күн ораза ұстау».

(Жәмиғ әс-Суютый📚)