Беларускім вайскоўцам забаранілі выезд за мяжу (выключэнне — Расія), афіцэрам запасу прапануюць вярнуцца на службу, паведамляюць крыніцы «Нашай Нівы». Пакуль што гэта толькі вуснае распараджэнне.

Нагадаем, учора ў НН з'явілася інфармацыя пра тое, што рашэнне аб скрытай мабілізацыі ў Беларусі прынятае, яна адбудзецца пад відам збораў і праверкі баяздольнасці, а спачатку закране рэгіёны.

Украіна не прызнае Пераходны кабінет з-за таго, што сумняваецца ў палітычнай пазіцыі Ціханоўскай і людзях з яе атачэння — выказаў свае меркаванне ў інтэрв'ю «Радыё Свабода» старшыня камітэту замежных справаў Вярхоўнай Рады Аляксандар Мярэжка.

Ён таксама лічыць, што легітымным прадстаўніком беларускай апазіцыі ва Украіне можа быць полк Каліноўскага, які даказаў сваю праўкраінскую пазіцыю дзеяннямі на фронце.

Нагадаем, што ў панядзелак Ціханоўская звярнулася да Зяленскага з прапановай пабудаваць альянс з дэмакратычнай Беларуссю.

Сёння традыцыйная рубрыка #спокойной_ноче_х_й_войне будзе сумнай: у веку 72 гадоў памёр выканавец ролі Хагрыда ў кінасусвеце Гары Потэра — Роберт Колтрэйн. Бывай, легенда.

Ірландыя, Польша і краіны Балтыі прапануюць, каб наступныя санкцыі супраць Расеі былі сінхранізаваныя з такімі ж санкцыямі супраць Беларусі. Ліст з праектам абмежаванняў скіравалі ў Еўракамісію.

МЗС РФ пацвердзіў, што беларускія Су-25 пераабарудуюць, каб яны маглі несці ядравую зброю.

Раней пра такую магчымасць узгадваў Лукашэнка, але казаў пра Су-24, якія ўжо даўно не выкарыстоўваюцца.

Мінабароны паведамляе, што першыя расейскія вайскоўцы, якія папоўняць склад рэгіянальнай групоўкі, прыехалі ў Беларусь сёння ўначы.

А вось тое, што было патрэбна вашаму арганізму нават калі вы пра гэта не ведалі: хвіліна чыстай асалоды і святочнага вайба з «Дажынак-2022» у Слаўгарадзе.

У Гомлі на дырэктара прыватнай крамы завялі крымінальную справу з-за падвышэння цэн на булачкі. Як стала вядома з матэрыялаў справы, на яго данеслі пакупнікі.

Прэзідэнт Літвы: Беларусь трэба разглядаць як паўнапраўнага хаўрусніка ў расейскай агрэсіі супраць Украіны.

У тэлефоннай гутарцы з прэзідэнтам Украіны Гітанас Наўседа выказаў думку, што санкцыі супраць Расіі і Беларусі павінны быць больш жорсткімі і не пакідаць магчымасці іх абысці.

Калі вы скардзіліся, што класнага культурнага кантэнту на беларускай дагэтуль вельмі мала, гэта міні-падборка — для вас.

🎙 Марыце хаця б раз на тыдзень на паўгадзіны тэлепартавацца ў глуш, як найдалей ад сусветных праблем? Вам дакладна варта паслухаць хаця б адзін выпуск падкасту Natatnik — там расказваюць сакрэты маленькіх беларускіх мястэчак і паказваюць цікавае.

🏰 Калі вы — фанат нашай рубрыкі пра цікавыя і малавядомыя куткі Беларусі, звярніце ўвагу на @belarus_sacral — там паказваюць архітэктуру і расказваюць гісторыі з мінулага — як сямейны фотаальбом, толькі прысвечаны беларускай глыбінцы.

🎬 А калі ваш улюблены спосаб эскапізму — кіно, то канал @kupinaruzh напомніць пра навіны і пакажа цікавыя кадры, якіх вы маглі не заўважыць.

Што рабіць, калі здаецца, што ўсё бессэнсоўна, а свет коціцца да чарцей? Мы ведаем правільны адказ: пачаць рабіць маленькія добрыя справы. І таму на дапамогу ўсім, хто расклеіўся і страціў веру ў лепшае, спяшаецца #рецептотнемощности.

Што робім сёння?
1. Успамінаем, што існуе такі СМІ, як БелаПАН, супрацоўнікам якога нядаўняе далі велізарныя тэрміны і штрафы да 1000 базавых.
2. Заходзім на BYSOL і знаходзім там патрэбны збор.
3. Абіраем суму, з якой не шкада расстацца.
4. Уносім дадзеныя карты і данацім.
5. Вось і ўсё, вы супер!

Калі вы не можаце заданаціць ці аддаяце перавагу іншаму віду дапамогі, пагартайце пасты па тэгу #рецептотнемощности і знайдзіце ідэальны варыянт для сябе.

Кампанія Ілана Маска працягне фінансаваць тэрміналы Starlink для Украіны.

Памятаеце гісторыю пра забарону прадажы курыцы па частках? У яе ёсць працяг: у аблвыканкам Гомеля паскардзіліся, што цяпер цэлыя тушкі, якія можна набыть у магазінах, важаць менш за норму. Чыноўнікі будуць разбірацца з гэтым.

Прадстаўнік Аб’яднанага Пераходнага кабінета Валерый Сахашчык адказаў на словы ўкраінскага дэпутата Аляксандра Мярэжкі аб тым, чаму Украіна не прызнае Кабінет і Ціханоўскую:

«Я думаю, гэта сітуацыя будзе выпраўленая. У любым выпадку, нашыя народы павінны быць разам. Ва ўкраінскага народа няма ніякіх падстаў казаць, што беларускі народ з'яўляецца здраднікам, нанёс удар у спіну і гэтак далей.

Шматлікія ўкраінскія палітыкі выказваюць мудрыя думкі пра тое, што трэба раздзяляць рэжым, які правіць у Беларусі, і беларускі народ. Гэта сапраўды так. І мне здаецца, што дзеянні, якія вядуць да расколу паміж народамі, — гэта дэструктыўныя дзеянні».

Таксама ён дадаў, што ад кааліцыі дэмакратычнай Беларусі і Украіны выйграюць усе бакі.

🤦 Прапагандысты пачалі выкладваць «пакаянныя відэа» прадпрымальнікаў, якіх абвінавачваюць у неабгрунтаваным падвышэнні цэн.

Агульная колькасць расейскіх вайскоўцаў у складзе рэгіянальнай групоўкі — трошкі меньш за 9 тысяч чалавек, паведамляе Мінабароны РБ.

Былую супрацоўніцу БелТА Інну Можчанку КДБ унёс у «тэрарыстычны спіс».

Нагадаем, ёй далі тры гады пазбаўлення волі і штраф у 100 базавых за «распальванне варожасці» і «абразу прадстаўніка ўлады». Можчанку судзілі за каментары пра «справу Зельцэра».