"ရေတာရှည်မြို့နယ်မှာ PDF အကြမ်းဖက်နဲ့ ဆက်စပ်သူ ၄ ဉီးဖမ်းမိ"

ပဲခူးတိုင်းဒေသကြီး၊ ရေတာရှည်မြို့နယ်၊ ကြာအင်းကုန်းကျေးရွာအုပ်စု၊ ငက်ပျောတောကျေးရွာအနီးရှိ မြစ်ဆိပ်တံတား၌ ယမန်နေ့ (ဖေဖော်ဝါရီ ၂၄ ရက်) ည ၁၁ နာရီခွဲအချိန်ခန့်တွင် PDF အကြမ်းဖက်များနှင့် ဆက်စပ်သူ အမျိုးသား ၄ ဉီးကို လုံခြုံရေးတပ်ဖွဲ့မှ ဖမ်းဆီးရရှိခဲ့သည်ဟု ဒေသခံ သတင်းအရင်းမြစ်ထံမှ သိရသည်။

ကနဉီးစစ်ဆေးမှုအရ ၄တို့သည် စစ်တောင်းမြစ် အရှေ့ဘက်ခြမ်း၌ PDF အကြမ်းဖက်များနှင့် အကြမ်းဖက်မှုပြုလုပ်ရန် အစည်းအဝေးပြုလုပ်ပြီး ပြန်လာသူများဖြစ်ကြောင်း သိရှိရပြီး ၄တို့၏ လက်ကိုင်ဖုန်းအတွင်းမှလည်း အစည်းအဝေးမှတ်တမ်းဓာတ်ပုံများ သိမ်းဆည်းရရှိခဲ့သည်ဟုဆိုသည်။

လက်ရှိတွင် ဖမ်းဆီးရမိထားသည့် ဆွာမြို့နေ ကိုလေး ဆိုသူအပါအဝင် ၄ ဉီးတို့ကို အရေးယူနိုင်ရေးအတွက် လိုအပ်စစ်ဆေးမှုများ ပြုလုပ်လျှက်ရှိကြောင်း သိရသည်။
#mhtnews

Mar 1

"စိုးရိမ်စိတ်ကြောင့် ထိုင်းနိုင်ငံအတွင်း တိမ်းရှောင်နေကြသည့် မြန်မာနိုင်ငံသားများအနေဖြင့် နေရပ်ပြန်လိုပါက သံရုံးသို့ဆက်သွယ်နိုင်ကြောင်း မြန်မာသံရုံး အသိပေး"
============================================

အထက်ဖော်ပြပါထုတ်ပြန်ချက်အရ မြန်မာနိုင်ငံမှ စိုးရိမ်စိတ်ကြောင့် ထိုင်းနိုင်ငံအတွင်း ထွက်ပြေး တိမ်းရှောင်နေကြသည့် ဝန်ထမ်းများ၊ အသိပညာရှင်၊ အတတ်ပညာရှင်များ၊ အခြားနယ်ပယ် အသီးသီးမှ ပုဂ္ဂိုလ်များ၊ နိုင်ငံသားများအနေဖြင့် မိမိတို့၏ ကိုယ်ပိုင်စိတ်ဆန္ဒအရ မြန်မာနိုင်ငံရှိ မိမိတို့၏ နေရပ်များသို့ ပြန်လည် ဝင်ရောက်လိုပါက မြန်မာသံရုံး၏ တယ်လီဖုန်းနံပါတ် ၀၆၂၉၂၁၇၇၁၀ နှင့် မြန်မာစစ်သံရုံးတယ်လီဖုန်းနံပါတ် ၀၆၂၉၂၃၀၁၆၅ တို့တွင် အသုံးပြုနေသော Viber ၊ Line Apps များသို့ စာရေးသားဆက်သွယ်ပေးပို့နိုင်ကြောင်း ဘန်ကောက်မြို့ရှိ မြန်မာသံရုံးက အသိပေးထုတ်ပြန်ထားသည်။

ထို့ပြင် အဆိုပါတယ်လီဖုန်းများသည် ဆက်သွယ်ပြောဆိုရန် တယ်လီဖုန်းများမဟုတ်သောကြောင့် တုန့်ပြန်ပြောဆိုနိုင်ခြင်းမရှိကြောင်း၊ Viber ၊ Line တို့မှ ပြန်လည်ဆက်သွယ်သွားမည်ဖြစ်ကြောင်းလည်း အသိပေးထားသည်။
#mhtnews

"တာချီလိတ်က ပြည်ခိုင်ဖြိုးရုံးအနီးမှာ မိုင်း ၅ လုံးဖောက်ခွဲခဲ့တဲ့ လင်မယားနှစ်ဦးကို ထိုင်းဘက်မှာဖမ်းမိဟုဆို"

တာချီလိတ်မြိုရှိ ပြည်ခိုင်ဖြိုးပါတီ ရုံးအနီးမှာ ပြီးခဲ့တဲ့ ဖေဖော်ဝါရီ ၂၇ ရက်၊ ညပိုင်းက မိုင်း ၅ လုံး ဆက်တိုက်ခွဲခဲ့တဲ့ လင်မယားနှစ်ဦးကို ထိုင်းနိုင်ငံ မယ်ဆိုင်မြိုမှာ ဖမ်းဆီးရမိခဲ့ပြီး တာချီလိတ်ဘက်ကို လွှပြောင်းပေးအပ်ထားတယ်လို လူံခြုံရေးတပ်ဖွဲနဲ့နီးစပ်တဲ့ အသိုင်းအဝိုင်းတွေက ဖော်ပြထားပါတယ်။

ဖမ်းဆီရမိသူတွေဟာ KNU တပ်သားဟောင်း
ကိုစော ၃၀ နှစ်နဲ့ သူ့ရဲ့ဇနီးတိုဖြစ်တယ်လိုသာသိရပြီး ၎င်းတရားခံနှစ်ဦးကိုတော့ ဘယ်နေ့က ဖမ်းမိတယ်ဆိုတာ ဖော်ပြမထားပါဘူး။

ဖမ်းမိတဲ့ လင်မယားနှစ်ဦးဆီကနေ ပစ္စတို သေနတ်တစ်လက်၊ ဒရုန်း ၃ စီးနဲ့ ဆက်စပ်ပစ္စည်းတွေကိုလည်း သိမ်းဆည်းရရှိခဲ့တယ်လို သိရပြီး လက်ရှိ တာချီလိတ်မှာ စစ်ဆမှုတွေ ပြုလုပ်နေတယ်လို သိရပါတယ်။
#mhtnews

"အကြမ်းဖက် NUG ကိုစွန့်ခွာကာ လက်နက်များဖြင့် အလင်းဝင်လာသည့် PDF အဖွဲ့ဝင် ၁၇ ဉီးအား ငွေကျပ်သိန်းပေါင်း ၅၆၀ ကျော်ချီးမြှင့်"


ပြည်သူလူထုအပေါ် အကြမ်းဖက်သတ်ဖြတ်နေသည့် NUG ကို ရွံရှာမုန်းတီးကာ လက်နက်များဖြင့် အလင်းဝင်လာသည့် PDF အဖွဲ့ဝင်များကို နစကမှ ကောင်းမွန်စွာလက်ခံကြိုဆို၍ ဆုငွေများအသီးသီးပေးအပ်ပြီး မိဘအုပ်ထိန်းသူများထံသို့ စနစ်တကျ လွှဲပြောင်းအပ်နှံခဲ့သည်ဟု သိရသည်။

အဆိုပါ မိဘများထံ လွှဲပြောင်းအပ်နှံသည့်အခမ်းအနားများကို အနောက်မြောက်တိုင်းစစ်ဌာနချုပ်၏ ကွပ်ကဲမှုအောက်ရှိ တမူး၊ ကလေး၊ ကန့်ဘလူနှင့် ဂန့်ဂေါတပ်နယ်တို့၌ ယနေ့ (သြဂုတ် ၂ ရက်)တွင် အသီးသီးပြုလုပ်ခဲ့ခြင်းဖြစ်သည်။

ယင်းအခမ်းအနားများ၌ စစ်ကိုင်းတိုင်းဒေသကြီး တမူးမြို့နယ်၊ ကလေးမြို့နယ်၊ ကန့်ဘလူမြို့နယ်၊ စစ်ကိုင်းမြို့နယ်နှင့် မကွေးတိုင်းဒေသကြီး၊ ပခုက္ကူမြို့နယ်တို့မှ PDF အဖွဲ့ဝင် အမျိုးသား ၁၆ ဉီးနှင့် အမျိုးသမီး ၁ ဉီးတို့ အလင်းဝင်လာခဲ့ခြင်းဖြစ်ပြီး ၄တို့နှင့်အတူ မောင်းပြန်သေနတ် ၄ လက်၊ ပစ္စတိုသေနတ် ၁ လက်၊ လက်ပစ်ဗုံး ၂ လုံး၊ စကားပြောစက် ၂ လုံးတို့ ပါဝင်ခဲ့သည်ဟုဆိုသည်။

သို့ဖြစ်သဖြင့် မောင်းပြန်သေနတ်ဖြင့် အလင်းဝင်လာသူ ၄ ဉီးအား တစ်ဉီးလျှင် ငွေကျပ်သိန်း ၅၀ ချီးမြှင့်ကာ ပစ္စတိုသေနတ်ဖြင့် အလင်းဝင်လာသူ ၁ ဉီးအား ငွေကျပ်သိန်း ၂၀ ချီးမြှင့်ပြီး လက်ပစ်ဗုံး ၂ လုံး၊ စကားပြောစက် ၂ လုံးတို့ဖြင့် အလင်းဝင်လာသူ ၁ ဉီးအား ငွေကျပ် ၇ သိန်း ချီးမြှင့်ခဲ့သည်။

ထို့ပြင် တိုင်းဒေသကြီး အစိုးရအဖွဲ့ကလည်း အလင်းဝင်လာသူများအား တစ်ဉီးလျှင် ငွေကျပ်သိန်း ၂၀ စီ ချီးမြှင့်ခဲ့ပြီး စုစုပေါင်းငွေကျပ် ၅၆၇ သိန်း ချီးမြှင့်ခဲ့သည်ဟု သိရသည်။
#mhtnews

https://t.me/kyawswar96999