【新一年祝大家 ＿ ＿ ＿ ＿ ！】
今日嘅揮春活動開始喇！師傅已經開始幫各位街坊寫上祝福喇，無論你想要身體健康、出入平安、學業進步定係乜嘢願望，都可以叫師傅寫㗎～今日嘅活動會到13:00，同場仲有區議會利是封派發添呀！
#廣福邨 #寫揮春 #仲有幾個禮拜就新年喇
今日嘅揮春活動開始喇！師傅已經開始幫各位街坊寫上祝福喇，無論你想要身體健康、出入平安、學業進步定係乜嘢願望，都可以叫師傅寫㗎～今日嘅活動會到13:00，同場仲有區議會利是封派發添呀！
#廣福邨 #寫揮春 #仲有幾個禮拜就新年喇
「大家的Banner」計劃
是咁的，大家平時行出行入咪見到好多唔同議員宣傳嘅Banner嘅，上面寫乜你又有無留意？講真，我通常都唔會睇上面啲字嘅，上面啲政黨名，關我鬼事咩。正正因為呢個欄杆上面掛嘅字，差不多從來都唔關我事，所以我先唔會特別再望。
但如果呢個Banner位係由大家畫嘢寫嘢一齊創造出嚟，大家會唔會花少少咁多時間望下呢？可能會。
睇厭咗宜家嘅Banner嘅你，想唔想同我一齊試下畫啲新嘅Banner呀？
十分完善嘅立法會選舉完咗，嚟緊仲有十分完善嘅特首選舉呀，咁啱我哋有十幾日時間可以掛區議員嘅Banner，可以掛到2月2號年初二。所以我哋第一次「大家的Banner」計劃，主題就係畫賀年嘅內容！只要你有任何嘢想祝福街坊嘅，都可以帶住你嘅Idea，喺1月22號（星期六）下午2:00-6:00呢段時間嚟到辦事處，我哋一齊畫～！
#大家的社區 #大家的Banner #大埔Banner #廣福邨 #宏福苑 #我真係恭喜你呀
是咁的，大家平時行出行入咪見到好多唔同議員宣傳嘅Banner嘅，上面寫乜你又有無留意？講真，我通常都唔會睇上面啲字嘅，上面啲政黨名，關我鬼事咩。正正因為呢個欄杆上面掛嘅字，差不多從來都唔關我事，所以我先唔會特別再望。
但如果呢個Banner位係由大家畫嘢寫嘢一齊創造出嚟，大家會唔會花少少咁多時間望下呢？可能會。
睇厭咗宜家嘅Banner嘅你，想唔想同我一齊試下畫啲新嘅Banner呀？
十分完善嘅立法會選舉完咗，嚟緊仲有十分完善嘅特首選舉呀，咁啱我哋有十幾日時間可以掛區議員嘅Banner，可以掛到2月2號年初二。所以我哋第一次「大家的Banner」計劃，主題就係畫賀年嘅內容！只要你有任何嘢想祝福街坊嘅，都可以帶住你嘅Idea，喺1月22號（星期六）下午2:00-6:00呢段時間嚟到辦事處，我哋一齊畫～！
#大家的社區 #大家的Banner #大埔Banner #廣福邨 #宏福苑 #我真係恭喜你呀
【常常喜樂】
今日嘅揮春活動開始喇！無論新一年有咩新願景都好，師傅都會幫各位街坊寫上祝福喇，身體健康、出入平安、學業進步定係乜嘢願望，都可以叫師傅寫㗎～今日嘅活動會喺宏福苑停車場旁邊到13:00，同場仲有區議會利是封派發添呀！
#宏福苑 #寫揮春 #仲有兩個禮拜就新年喇
今日嘅揮春活動開始喇！無論新一年有咩新願景都好，師傅都會幫各位街坊寫上祝福喇，身體健康、出入平安、學業進步定係乜嘢願望，都可以叫師傅寫㗎～今日嘅活動會喺宏福苑停車場旁邊到13:00，同場仲有區議會利是封派發添呀！
#宏福苑 #寫揮春 #仲有兩個禮拜就新年喇
【屠殺】
繼一連串唔合理嘅「防疫」政策之後，今日因為一個未確定傳播方法嘅確診個案就要屠殺香港嘅倉鼠，呢件事上面處理嘅手法可以有好多，但係呢個政府就係得一個方法處理所有問題，就係不斷屠殺。
「美國疾病控制及預防中心指出，感染新冠肺炎病毒的寵物，大多數只是病情輕微並完全康復，重病個案極為罕見。」
#啲雞有問題你就殺曬啲雞
#啲狗有問題唔通你又殺曬啲狗?
#啲人有問題你會唔會殺曬啲人?
#個社會咁多問題就有你班豆泥高層
繼一連串唔合理嘅「防疫」政策之後，今日因為一個未確定傳播方法嘅確診個案就要屠殺香港嘅倉鼠，呢件事上面處理嘅手法可以有好多，但係呢個政府就係得一個方法處理所有問題，就係不斷屠殺。
「美國疾病控制及預防中心指出，感染新冠肺炎病毒的寵物，大多數只是病情輕微並完全康復，重病個案極為罕見。」
#啲雞有問題你就殺曬啲雞
#啲狗有問題唔通你又殺曬啲狗?
#啲人有問題你會唔會殺曬啲人?
#個社會咁多問題就有你班豆泥高層
【文娛中心喺隔籬 唔代表會有協同效應㗎喎...】
#藝術中心議程
一直同藝團以及居民溝通，都知道大埔藝術中心喺好多嘢上面都非常需要改善，所以我同佢哋溝通之後，聯同何偉霖、譚爾培一齊寫咗個議程上「社區重點項目工作小組」。以下一連三個Post，想同大家講講大埔藝術中心嘅其中三個好需要改善嘅地方。
話說大埔藝術中心開幕到宜家，一直標榜同大埔文娛中心毗鄰，話可以帶動大埔區內嘅文娛藝術活動，有協同效應咁話。但根據我哋了解，康文署負責嘅文娛中心同管理委員會（由民政+藝發局+政府委任嘅地區人士組成）負責嘅藝術中心，一路都無話有好緊密嘅合作。有藝團同我哋講，佢哋Book文娛中心場其實係無優先，要同全香港所有團體爭；而我哋實地去過幾次，都知道藝術中心同文娛中心雖然喺隔籬，但並無互通，大家要行返出面條巷再兜返入去先過到去。
舊年年尾康文署提出翻新文娛中心嘅計劃，雖然諮詢個陣講過下話會同藝術中心有更多嘅連結，但之後嘅Planning都無話包括藝術中心嘅任何嘢，空間上面無任何Favour交流嘅設計，只係講過一句「會與負責營運大埔藝術中心的香港藝術發展局保持緊密聯絡」。於是今日小組會上，我哋希望署方交代文娛中心翻新嘅計劃，到底同藝術中心呢邊傾過乜嘢，並且提出「聯合使用」、「場地租借」、「空間融合」、「協同效應」幾樣嘢，等兩邊可以真正咁合作。
部門會上回覆，話會等文娛中心改造完之後研究兩個中心聯合舉辦活動，並且會研究畀藝術中心嘅團體優先申請場地同駐場機構等嘅措施。同埋，話會研究有條通道連接文娛中心同藝中。未來我哋會繼續跟進呢件事，希望可以利用文娛中心翻新嘅機會，令到呢個地帶嘅藝術同埋公共空間功能發揮得更好啦！
#大埔藝術中心 #大埔文娛中心 #協同效應 #空間融合 #公共空間 #社區藝術
#藝術中心議程
一直同藝團以及居民溝通，都知道大埔藝術中心喺好多嘢上面都非常需要改善，所以我同佢哋溝通之後，聯同何偉霖、譚爾培一齊寫咗個議程上「社區重點項目工作小組」。以下一連三個Post，想同大家講講大埔藝術中心嘅其中三個好需要改善嘅地方。
話說大埔藝術中心開幕到宜家，一直標榜同大埔文娛中心毗鄰，話可以帶動大埔區內嘅文娛藝術活動，有協同效應咁話。但根據我哋了解，康文署負責嘅文娛中心同管理委員會（由民政+藝發局+政府委任嘅地區人士組成）負責嘅藝術中心，一路都無話有好緊密嘅合作。有藝團同我哋講，佢哋Book文娛中心場其實係無優先，要同全香港所有團體爭；而我哋實地去過幾次，都知道藝術中心同文娛中心雖然喺隔籬，但並無互通，大家要行返出面條巷再兜返入去先過到去。
舊年年尾康文署提出翻新文娛中心嘅計劃，雖然諮詢個陣講過下話會同藝術中心有更多嘅連結，但之後嘅Planning都無話包括藝術中心嘅任何嘢，空間上面無任何Favour交流嘅設計，只係講過一句「會與負責營運大埔藝術中心的香港藝術發展局保持緊密聯絡」。於是今日小組會上，我哋希望署方交代文娛中心翻新嘅計劃，到底同藝術中心呢邊傾過乜嘢，並且提出「聯合使用」、「場地租借」、「空間融合」、「協同效應」幾樣嘢，等兩邊可以真正咁合作。
部門會上回覆，話會等文娛中心改造完之後研究兩個中心聯合舉辦活動，並且會研究畀藝術中心嘅團體優先申請場地同駐場機構等嘅措施。同埋，話會研究有條通道連接文娛中心同藝中。未來我哋會繼續跟進呢件事，希望可以利用文娛中心翻新嘅機會，令到呢個地帶嘅藝術同埋公共空間功能發揮得更好啦！
#大埔藝術中心 #大埔文娛中心 #協同效應 #空間融合 #公共空間 #社區藝術
【場都Book唔到 有塊空地唔代表係公共空間】
#藝術中心議程 #2
繼續講關於大埔藝術中心嘅嘢先：大家記唔記得藝術中心中間有一大塊空地？唔記得都唔出奇，因為自從藝術中心啟用之後，都幾乎無人成功Book到個場去做任何嘅活動。藝術中心嘅地下空地現時係無正式嘅Book場申請程序，如果係中心入面嘅團體都仲可以問Office，但其他區內團體係直情無從入手。亦都因此，一個位於全大埔嘅中心，用嚟做墟市、文化、藝術活動都好吸引嘅露天場地，居然可以兩年幾來都好似丟空咁。公共空間唔係淨係有塊地就得，仲要有人可以喺上面互動，有活動可以喺上面發生，咁個空間先係真係屬於大家嘅。
有關地下空地嘅租賃，部門回覆話，其實佢哋係有個戶外試驗計劃嘅，但係呢就因為疫情，就未試到，佢話首階段呢就可以畀租戶使用，之後呢就到其他團體，但係一直都未有機會試，佢話試完之後先至諗到其他團體申請。唔知疫情會到幾時，但At Least佢哋話係有計劃去慢慢開放申請，都算係一件好事。
另外地下及一樓一直空置嘅舖位，包括餐飲、Coffee Shop同商舖等等，之前藝中一直話開放投標，但一直都未有申請。今次會上透露，8間商舖將會於今年年中進駐，到時終於有得入去食下飲下嘢同埋行下街，希望會有效促進到人流，以及同藝術團體有好好嘅互動啦！
#大埔藝術中心 #公共空間 #社區藝術 #地下空地 #空置舖位
#藝術中心議程 #2
繼續講關於大埔藝術中心嘅嘢先：大家記唔記得藝術中心中間有一大塊空地？唔記得都唔出奇，因為自從藝術中心啟用之後，都幾乎無人成功Book到個場去做任何嘅活動。藝術中心嘅地下空地現時係無正式嘅Book場申請程序，如果係中心入面嘅團體都仲可以問Office，但其他區內團體係直情無從入手。亦都因此，一個位於全大埔嘅中心，用嚟做墟市、文化、藝術活動都好吸引嘅露天場地，居然可以兩年幾來都好似丟空咁。公共空間唔係淨係有塊地就得，仲要有人可以喺上面互動，有活動可以喺上面發生，咁個空間先係真係屬於大家嘅。
有關地下空地嘅租賃，部門回覆話，其實佢哋係有個戶外試驗計劃嘅，但係呢就因為疫情，就未試到，佢話首階段呢就可以畀租戶使用，之後呢就到其他團體，但係一直都未有機會試，佢話試完之後先至諗到其他團體申請。唔知疫情會到幾時，但At Least佢哋話係有計劃去慢慢開放申請，都算係一件好事。
另外地下及一樓一直空置嘅舖位，包括餐飲、Coffee Shop同商舖等等，之前藝中一直話開放投標，但一直都未有申請。今次會上透露，8間商舖將會於今年年中進駐，到時終於有得入去食下飲下嘢同埋行下街，希望會有效促進到人流，以及同藝術團體有好好嘅互動啦！
#大埔藝術中心 #公共空間 #社區藝術 #地下空地 #空置舖位
【閉門深鎖 想人點樣做社區藝術？】
#藝術中心議程 #3
曾經問過好多街坊未必去過/認識大埔藝術中心嘅原因，除咗因為疫情之外，主要原因係因為：根本都唔知藝術中心開咗！
公共空間嘅定義之一，就係大家可以無成本/用最低嘅成本可以享受嘅地方，例如公園呀廣場呀等等，大家就咁行入去就得。參考都市規劃學者庫克（Robert S. Cook）列出都市設計四個要素庫克指出視覺是空間界定的重要因素，佢話視覺設計已經會暗示場所嘅用途。現時大埔藝術中心基本採用舊有建築（大埔官立中學）嘅封閉間隔，本身用嚟保障學生安全嘅舊有圍牆被完全保留，造成了濃烈嘅封閉感。藝術團體以及本人都收到反映，街坊大多不清楚大埔藝術中心已開放，就算知道藝術中心已經運作當中，亦唔認為自己可以就咁行入去——入去一個閉門深鎖嘅地方，感覺總係怪怪的，大幅減少居民停留、進入藝術中心嘅意願。當居民無諗住入去，亦難以出現任何Organic嘅社區互動。如果唔郁過啲外牆，本身大埔藝術中心話要「以藝術連結社區」嘅原委，根本就好難推行。
呢個亦都係我同另外兩位議員提出議程，要求呢個差不多一年無開嘅區議會工作小組召開會議嘅原因：政府一定要面對我哋，解釋既然係社區重點項目，點解唔做多啲推動空間開放嘅嘢？喺閉門深鎖嘅情況下，藝術團體根本好難Reach到大埔居民。唔只外牆架，中心內部設計都似足課室，現時單位嘅大門採用非常厚重及不透明嘅金屬物料，加上向走廊一面嘅窗加曬鐵欄，而且不允許租戶重新設計及改裝，形成了一種閉門深鎖，拒絕市民望入單位內嘅情況（邊有其他藝術中心係咁架...）。
部門喺會上回覆：（1）租戶出面嘅欄桿同門佢話佢會請建築署統一研究係咪會拆曬或者變做更開放嘅設計；（2）門同欄桿嗰度，其實租戶都可以自行拆除但係需要之後還原；（3）藝術中心嘅外牆，佢就研究緊拆除近安祥路嗰邊嘅欄桿，但係話有好多花槽同消防喉，要啲時間；係近太和路個邊就研究緊係文娛中心改造工程期間拆埋。其實要時間真係唔緊要，最緊要係部門真係知道問題所在；呢一方面，我哋一定會Keep住追部門嘅研究進度，盡力爭取最開放嘅公共空間，令全個大埔都可以受惠，居民可以自由地行入去休息去玩去Hea，藝術團體又可以更加容易Engage到居民。
#大埔藝術中心 #公共空間 #社區藝術 #拆除外牆 #不要閉門深鎖
#藝術中心議程 #3
曾經問過好多街坊未必去過/認識大埔藝術中心嘅原因，除咗因為疫情之外，主要原因係因為：根本都唔知藝術中心開咗！
公共空間嘅定義之一，就係大家可以無成本/用最低嘅成本可以享受嘅地方，例如公園呀廣場呀等等，大家就咁行入去就得。參考都市規劃學者庫克（Robert S. Cook）列出都市設計四個要素庫克指出視覺是空間界定的重要因素，佢話視覺設計已經會暗示場所嘅用途。現時大埔藝術中心基本採用舊有建築（大埔官立中學）嘅封閉間隔，本身用嚟保障學生安全嘅舊有圍牆被完全保留，造成了濃烈嘅封閉感。藝術團體以及本人都收到反映，街坊大多不清楚大埔藝術中心已開放，就算知道藝術中心已經運作當中，亦唔認為自己可以就咁行入去——入去一個閉門深鎖嘅地方，感覺總係怪怪的，大幅減少居民停留、進入藝術中心嘅意願。當居民無諗住入去，亦難以出現任何Organic嘅社區互動。如果唔郁過啲外牆，本身大埔藝術中心話要「以藝術連結社區」嘅原委，根本就好難推行。
呢個亦都係我同另外兩位議員提出議程，要求呢個差不多一年無開嘅區議會工作小組召開會議嘅原因：政府一定要面對我哋，解釋既然係社區重點項目，點解唔做多啲推動空間開放嘅嘢？喺閉門深鎖嘅情況下，藝術團體根本好難Reach到大埔居民。唔只外牆架，中心內部設計都似足課室，現時單位嘅大門採用非常厚重及不透明嘅金屬物料，加上向走廊一面嘅窗加曬鐵欄，而且不允許租戶重新設計及改裝，形成了一種閉門深鎖，拒絕市民望入單位內嘅情況（邊有其他藝術中心係咁架...）。
部門喺會上回覆：（1）租戶出面嘅欄桿同門佢話佢會請建築署統一研究係咪會拆曬或者變做更開放嘅設計；（2）門同欄桿嗰度，其實租戶都可以自行拆除但係需要之後還原；（3）藝術中心嘅外牆，佢就研究緊拆除近安祥路嗰邊嘅欄桿，但係話有好多花槽同消防喉，要啲時間；係近太和路個邊就研究緊係文娛中心改造工程期間拆埋。其實要時間真係唔緊要，最緊要係部門真係知道問題所在；呢一方面，我哋一定會Keep住追部門嘅研究進度，盡力爭取最開放嘅公共空間，令全個大埔都可以受惠，居民可以自由地行入去休息去玩去Hea，藝術團體又可以更加容易Engage到居民。
#大埔藝術中心 #公共空間 #社區藝術 #拆除外牆 #不要閉門深鎖