هيّ اجمل الايام واحلى الهدايا
أيقونة من الحسن سبحانه الرب
من كثر ما هالبنت فيها مزايا
خلوا سنة ميلادها عيد للحب
أيقونة من الحسن سبحانه الرب
من كثر ما هالبنت فيها مزايا
خلوا سنة ميلادها عيد للحب
السلام عليكم
حزين في اني ابلغكم ان حسابي في التويتر أُغلق من ادارة التويتر بدون اي سبب ويرفضون انهم يعيدون النظر في حسابي ولا اعلم نهائيا عن سبب اغلاقهم للحساب
قصائدي ، نصوصي ، متابعيني ، معارفي ، تعب السنين هذه كلها بلحظة وحدة اختفت
وما اعرف كيف بقدر اعيد كل اللي فات من الصفر
ساعدوني
حزين في اني ابلغكم ان حسابي في التويتر أُغلق من ادارة التويتر بدون اي سبب ويرفضون انهم يعيدون النظر في حسابي ولا اعلم نهائيا عن سبب اغلاقهم للحساب
قصائدي ، نصوصي ، متابعيني ، معارفي ، تعب السنين هذه كلها بلحظة وحدة اختفت
وما اعرف كيف بقدر اعيد كل اللي فات من الصفر
ساعدوني
الحبّ فزّة ، والأماني طيش ،
والشوق كلْ ما افارقه .. جاني
ما كنّه الا الدمع لقمة عيش
وزّعه ليّ الحزن مجّاني !
من كثر ما دارت فبالي "ليش؟"
احسّها انخلْقت على شاني !
وزن اغلب الاحباب خفّ الريش
مع كل نسمة .. صرت وحداني
احتاج اسوي داخلي تفتيش
واشوف انا المجني او الجاني ؟
اموت بعض احيان لجل اعيش
نصفي يموت لنصفي الثاني !
والشوق كلْ ما افارقه .. جاني
ما كنّه الا الدمع لقمة عيش
وزّعه ليّ الحزن مجّاني !
من كثر ما دارت فبالي "ليش؟"
احسّها انخلْقت على شاني !
وزن اغلب الاحباب خفّ الريش
مع كل نسمة .. صرت وحداني
احتاج اسوي داخلي تفتيش
واشوف انا المجني او الجاني ؟
اموت بعض احيان لجل اعيش
نصفي يموت لنصفي الثاني !
ماعليه فيه خطا املائي مالاحظته الا بعد 8 سنين 😂
"ما ارضى يكون فراقنا عادي"
"ما ارضى يكون فراقنا عادي"
شفّاف ..
صوته لا كِذَب يرجف
حزنه لا ستَره ينشاف !
و وجهه يفضح اسراره
تشوفه تعرف أخباره ،
وحيد ..
وداخله آلاف !
أنا اذكر كان له أحباب
أحدهم خان بالعِشره
واحدهم غاب !
وفا حتّى لذكراهم ،
رفض يتجاوز شعوره
وينساهم !
يا ثقل جروحهم فيه
ويقول خفاف !
صوته لا كِذَب يرجف
حزنه لا ستَره ينشاف !
و وجهه يفضح اسراره
تشوفه تعرف أخباره ،
وحيد ..
وداخله آلاف !
أنا اذكر كان له أحباب
أحدهم خان بالعِشره
واحدهم غاب !
وفا حتّى لذكراهم ،
رفض يتجاوز شعوره
وينساهم !
يا ثقل جروحهم فيه
ويقول خفاف !
مرة تبيني يمك .. ومرة تروح
هذا اللي صاير بيننا مدري شنو !
بالله ما سمّيتك علاج الجروح ؟
علمني اللي علمك تجرح منو ؟
هذا اللي صاير بيننا مدري شنو !
بالله ما سمّيتك علاج الجروح ؟
علمني اللي علمك تجرح منو ؟
ما حنّا اثنين ..
أنا وايّاك روحٍ واحدة
مقسومة بجسمين !!
تغيّر كثر ما ودّك
أنا اللي مهما تتغيّر
أعرفك زين !
أنا وايّاك روحٍ واحدة
مقسومة بجسمين !!
تغيّر كثر ما ودّك
أنا اللي مهما تتغيّر
أعرفك زين !
لا تستغربين :
شفتي هذاك اللي يغني ؟
ما يغني
هذا نوع من الأنين !
شفتي هذاك اللي يتلفّت ؟
ما تلفّت
هذا نوع من الحنين !
الحزن علّمنا نميّز بعضنا
ما يفهم عيون الحزين
الا الحزين !
شفتي هذاك اللي يغني ؟
ما يغني
هذا نوع من الأنين !
شفتي هذاك اللي يتلفّت ؟
ما تلفّت
هذا نوع من الحنين !
الحزن علّمنا نميّز بعضنا
ما يفهم عيون الحزين
الا الحزين !
وتسألينه ؟!
ما كفاك انه بمكانه
من وعدتيه بتجينه ؟
شوفي صوته ..
وشكثر مخنوق من عبرة حنينه !
شوفي وجهه ..
وش كثر وجهه حزين !!
مافي داعي تسألين
دايم المشتاق نلقى ..
كلّ اجاباته ..
بـ عينه !
ما كفاك انه بمكانه
من وعدتيه بتجينه ؟
شوفي صوته ..
وشكثر مخنوق من عبرة حنينه !
شوفي وجهه ..
وش كثر وجهه حزين !!
مافي داعي تسألين
دايم المشتاق نلقى ..
كلّ اجاباته ..
بـ عينه !
من كثر مافيها جمال
لو جات تمسك كوبها
كل اللي في هالكون قال
يا ليت انا مشروبها !
لو جات تمسك كوبها
كل اللي في هالكون قال
يا ليت انا مشروبها !
لو تكلّم ،
من جمال الصوت
احسّ انّي متحلّم !
ما أبي الساعة تفوت
كلّ ما عدّت دقيقة ..
كنت اموت !
عنّه اخفي الشوق
وعيوني تعلّم !
من جمال الصوت
احسّ انّي متحلّم !
ما أبي الساعة تفوت
كلّ ما عدّت دقيقة ..
كنت اموت !
عنّه اخفي الشوق
وعيوني تعلّم !
أنتِ حُرّة ،
ليه علقتي قليبك
في وعد ..
يمكن يمرّه ،
والا يمكنّه نساه !
داوي يا بنتي جروحك
وشوفي روحك !
وموعدك لو هو بغاه؟
وين ما كان بيمرّه !
ليه علقتي قليبك
في وعد ..
يمكن يمرّه ،
والا يمكنّه نساه !
داوي يا بنتي جروحك
وشوفي روحك !
وموعدك لو هو بغاه؟
وين ما كان بيمرّه !
يا حاضرة ما كنّ قبلك غايبين ،
ولا كنّ قبلك راح من عمري زمن
لو ادري انك بعد هالحزن بتجين
ما كان مرّ بخاطري قبلك حزن
ولا كنّ قبلك راح من عمري زمن
لو ادري انك بعد هالحزن بتجين
ما كان مرّ بخاطري قبلك حزن
كنا نبي .. وكنا نخاف ونكذب
احلامنا متعلّقة بالماضي !
صعبة نقول نحبّ ، بسّ الاصعب
تروح لو نقولها عالفاضي !
احلامنا متعلّقة بالماضي !
صعبة نقول نحبّ ، بسّ الاصعب
تروح لو نقولها عالفاضي !
طعنة الواقع أقسى من طعون الحراب
لا تعشّم ظنونك .. قل لها "ربّما"
ماهي كل الوسايل تاخذك للصواب
تب تصيب ، وتخيب لكلّ رامٍ رما !
قبل تتقدم ارسم خطة الانسحاب
ماهو كل السحاب ان جف ريقك هما
غلطتك ما حسبت لاي حاجة حساب
لين ما ابعدت نفسك عن حدود الحما
العما مو عماة العين يابو الشباب
انك تصدّق اللي تشوف .. هذا العما
ضاع ثلثين عمرك وانت تلحق سراب
لا قطعت الطريق .. ولا رويت الظما !
لا تعشّم ظنونك .. قل لها "ربّما"
ماهي كل الوسايل تاخذك للصواب
تب تصيب ، وتخيب لكلّ رامٍ رما !
قبل تتقدم ارسم خطة الانسحاب
ماهو كل السحاب ان جف ريقك هما
غلطتك ما حسبت لاي حاجة حساب
لين ما ابعدت نفسك عن حدود الحما
العما مو عماة العين يابو الشباب
انك تصدّق اللي تشوف .. هذا العما
ضاع ثلثين عمرك وانت تلحق سراب
لا قطعت الطريق .. ولا رويت الظما !
ما علمك صمتي شكثر فيني كلام؟
والا انا اللي بس احسك واسمعك
ما ذكرك مُر الجفا بحلو الغرام
والا انت بالثنتين ما تفرق معك ؟
لا يخدعك هالبُعد لو مرّ بسلام
ترا أوّل ايّامه حبيبي تخدعك !!
بكره بتجيك ايام ما تقدر تنام
بتوله لذكرى ، وذكرى توجعك
البُعد ليله موحش وفيه انفصام
تضحك ونفس الوقت تنثر مدمعك
وبتذكر ايامك معاي .. ويا حرام
حتى رجوعك وقتها ما ينفعك
كم قلت لك درب الجفا حزن وظلام
بيضيّعك دربه .. وشوفه ضيّعك
وجهك حزين وبسمتك فيها انهزام
ودك تجي ولا لك طريق يرجّعك
والا انا اللي بس احسك واسمعك
ما ذكرك مُر الجفا بحلو الغرام
والا انت بالثنتين ما تفرق معك ؟
لا يخدعك هالبُعد لو مرّ بسلام
ترا أوّل ايّامه حبيبي تخدعك !!
بكره بتجيك ايام ما تقدر تنام
بتوله لذكرى ، وذكرى توجعك
البُعد ليله موحش وفيه انفصام
تضحك ونفس الوقت تنثر مدمعك
وبتذكر ايامك معاي .. ويا حرام
حتى رجوعك وقتها ما ينفعك
كم قلت لك درب الجفا حزن وظلام
بيضيّعك دربه .. وشوفه ضيّعك
وجهك حزين وبسمتك فيها انهزام
ودك تجي ولا لك طريق يرجّعك