أقصّ ايدي ..
انا ادري ما وله قلبك
ولا حنّ لمواعيدي !
وعنده هالهوى لعبه
يغيب إن ضاق !
أنا عندي اللي صار
فراق !
وعندك شي تقليدي !

ما كل شمس يشدّ عيني سناها

وعلى هالحال ..
يرجّعنا الحنين لبعض
ونتفارق من الإهمال !

‏ما تكسرك ..
‏إلا أغنية كل ما تظنّ إنك نسيت تذكّرك !

مهما تكون المشكلة .. انت الحلول.

شدّي حيلك ..
وحدي كنت بهالمسافة
وما بقى إلا خطوتين ،
وحدة اخطيها أنا ،
والأخرى انتِ ..
تقدرين ؟
بطمئنّ انّك عشاني
ولو قليل بتذلين !

وابادلك أحلى شعور
مهما أغيب إحساسي ..
دايم له حضور !
وش كثر احبك وش كثر
ولو بارت قلوب البشر ..
هالحبّ فيني ..
ما يبور !

أبعترف ..
إنّ الحقيقة تختلف
عن ما تشوف
عن ما قريته من حروف
وإنّي انا ، ماني انا
صرت اختلف !

ماني هذاك اللي تعوّدته معك
يحسّ فيك ، ويسمعك
غيّرني ليل الانتظار
إسأل يدينك ..
من هو اللي جاب للصبح العتيم ؟
من هو اللي نبّش الجرح القديم ؟
من دخل في الشوق نار ،
ومن طلع منّه سليم ؟
شوف دمّ الحبّ يقطر من يدينك
شوف لو مرّة بعينك
من ورا الجرح الأليم ؟

وابعترف ..
انّ ما بقى فيني صبر
يفرش على جفني لحاف
وان ما بقى عندي عذر
يشفع لك وينهي الخلاف
ابجرحك للمرّة الأولى واروح
ابتركك لـ دمع
لـ الذكرى
ولـ الليل الشحوح
انا الرحيل
ما عاد يغريني مكان
ولا يعوّضني بديل

وابعترف
كلّ الحقيقة تختلف
عن ما تشوف
عن ما قريته من حروف
حتّى انا ماني انا
صرت اختلف !

‏مثل ما احنا :
‏نخبّي حبّنا فينا ،
‏وتفضحنا ملامحنا !
‏نبي نقول ..
‏وخجلنا نقول !
‏قدرنا بالهوى مجهول !
‏يعلّقنا الخجل بالنصف
‏لا جينا ..
‏ولا رحنا !

‏ياخي سُولف
‏نوّر الدنيا بصوتك ..
‏مظلمة ..
‏فترة سكوتك !
‏قول أحبك قولها ..
‏خلّ كل اللي بهالغرفة
‏يعيش ..
‏وخلني الليلة ..
‏أموتك !

ما يموت الورد .. دام الموعد أنتِ.

لا تواسي ..
ما بعد صوتك دموع
ولا بعد حضنك ..
مآسي !

‏تمهّل لن يسبقك رزقك.

شوفي يا قلبي ظلالك معك انا مثله قريب ..
إي بسافر بسّ قلبي معك حاضر ما يغيب !

وتبقى ضيّي ..
وسلوة الخاطر وفيّي
مهما تبعدنا ..
الظروف ،
انت بانفاسي تعيش
وانا بـ عيونك ..
أشوف !
باقي أنت الحبّ كله
مهما هالدنيا ..
تعيّي !

‏قالت لي متى ممكن تغيب الشمس ؟
‏قلت إن نامت عيونك !
‏وقالت لي متى تبرى جروح الأمس ؟
‏وقلت إن قلتي "شلونك؟"

‏يحدث أن تُكتب أبياتك على الجدران وفي رسائل المشتاقين ، أن تتبادلها ألسنة العاشقين ، أن تمر في أعين كل من على هذه الأرض .. إلا من تقصده.

لا تأخّر !
الصبر جمرة ،
وخايف لهفتي
تذوب ..
وتبخّر !!

الله اكبر شفت هالدنيا شلون ؟
يا كثر ما بان شيٍ نجهله

كم رسمنا احلام ، كم عشنا ظنون
لكن الواقع ... محد يتخيّله !

ما يخون الوقت حنا اللي نخون
وما يموت الحبّ ... حنّا نقتله !

بيدنا خنجر وداخلنا طعون
نستلم جرحٍ .. وجرحٍ نرسله !

يا حبيبي ما تمون ولو تمون
بعض الأشيا فوق ما أتحمّله

لو تكون الليل حاول ما تكون
ريح تطفي شمعي كل ما أشعله

حاول تشوف اللي أخفي بالعيون
ألف اجابة فيني تحتاج اسئلة

فيني من الشوق مالا يعلمون
كلّ طيف يجدّده ... ويدبّله !

كلّ ما حاولت اخون وما اصون
مرّني طيفك .. وافزّ بشوق له

معك احاسيسي يروحون ويجون
كل مكانٍ تنزله ... هي تنزله

لو قسى قلبي ترا قلبي حنون
أيّ كلمة منك ممكن تخجله

بسّ حذرك هالمحبة لا تهون
الوفي لا راح صعبٍ توصله