Qaraqalpaqstan | Kun.uz
3.78K subscribers
4.84K photos
972 videos
4.98K links
Kun.uz’dıń Qaraqalpaqstan Respublikasına tiyisli xabar hám jańalıqlar rásmiy kanalı.

Reklama: +998 78 113 10 10

Video jiberiw ushın 👉 @kunuzvideo_bot
Download Telegram
⚡️ Берунийда қор ёғиб, йўл музлаши натижасида ЙТҲ юз берди. 5 киши ҳалок бўлган

Бугун соат 16:50 чамасида Беpуний тумани ҳудудида инсонларнинг ҳалок бўлиши билан боғлиқ ЙТҲ юз берди. Бу ҳақда Қорақалпоғистон Республикаси фавқулодда вазиятлар бошқармаси хабар берди.

Маълум бўлишича, авария натижасида жами 5 киши оламдан ўтган. Уларнинг 4 таси аёл киши.

Қорақалпоғистон ФВБ шу муносабат билан фуқаролардан автомобилларни бошқаришни вақтинча тўхтатиб туришларини сўрамоқда.

👉 Қорақалпоғистон хабарлари
Қорақалпоғистонда беморларга бепул хизмат кўрсатадиган гемодиализ марказлари қурилади

Ҳиндистоннинг «Нефроплюс» компанияси билан ҳамкорликда Қорақалпоғистон Республикаси, Хоразм вилояти ва Тошкент шаҳрида жами 4 та гемодиализ маркази қурилади.

Соғлиқни сақлаш вазири ўринбосари Абдулла Азизовнинг таъкидлашича, Ҳиндистоннинг «Нефроплюс» компанияси беморларга гемодиализ муолажасини кўрсатиш соҳасида фаолият олиб боради.

Давлат-хусусий шерикчилик асосида амалга ошириладиган 9,8 млн долларлик лойиҳа доирасида Қорақалпоғистон Республикаси, Хоразм вилояти ва Тошкент шаҳрида жами 4 та гемодиализ маркази қурилади ва у зарур замонавий тиббий жиҳозлар ҳамда малакали мутахассислар билан таъминланади. Лойиҳа доирасида 10 йил давомида ушбу ҳудудларда гемодиализга муҳтож 1 100 нафар беморга бепул тиббий хизмат кўрсатилади.

Янги гемодиализ марказлари 2022 йилнинг феврал ойида ишга туширилади. Лойиҳанинг иккинчи босқичида бошқа ҳудудларда ҳам худди шу жараёнларни давом эттириш режалаштирилган.

ДХШнинг шартларига кўра, қурилган гемодиализ марказлари тиббий ускуна ва яратилган шароитлари билан биргаликда 10 йилдан сўнг Соғлиқни сақлаш вазирлигига топширилади.

👉 Қорақалпоғистон хабарлари
Сенат раиси Қорақалпоғистонга келди

Кеча, 21 январ куни Сенат раиси Танзила Нoрбoева Қорақалпоғистон Республикасида бўлди. У дастлаб Жўқорғи Кенгесда Президентнинг «2020–2023 йилларда Қорақалпоғистон Республикасини ижтимоий-иқтисодий ривожлантириш чора-тадбирлари тўғрисида»ги қарори ижросига бағишланган мажлисда иштирок этди.

Танзила Норбоева бир неча кун давомида Қорақалпоғистоннинг турли ҳудудларига бориши режалаштирилган. Жумладан, бугун, 22 январ куни Мўйноқ туманидаги; эртага, 23 январ куни Беруний ва Тўрткўл туманларидаги ижтимоий-иқтисодий ҳолат билан танишилади.

Сенат раиси айни пайтда Мўйноқ туманида бўлиб турибди. У ерда «Оқ кема» болалар оромгоҳи фаолияти ҳамда болаларга яратилган шароитлар билан танишмоқда. Шундан кейин Орол денгизининг қуриган тубидаги ўрмончилар штабига бориш кўзда тутилган.

👉 Қорақалпоғистон хабарлари
🚙 2020 йилда энг кўп «Cobalt» ишлаб чиқарилди

🏢 Давлат статистика қўмитаси маълумотларига кўра, 2020 йилда 280 минг 80 та енгил автомобил ичида «Cobalt» машинаси энг кўп ишлаб чиқарилган.

Ўтган йилда ишлаб чиқарилган автомобиллар сони қуйидагича:⬇️

▪️ «Cobalt» – 79 908 дона;
▪️ «Nexia T-250» – 66 402 дона;
▪️ «Damas» – 51 692 дона;
▪️ «Lacetti–Gentra» – 50 052 дона;
▪️ «Spark» – 23 003 дона;
▪️ «Labo» – 9 023 дона.

👉 Қорақалпоғистон хабарлари
#Биласизми

🌵 Дунёдаги энг қиммат гул Кадупул деб аталади. Қанчалик ғалати эшитилса-да бу гулга айнан нарх белгиланмаган.

Гул бебаҳо ҳисобланади. Сабаби у ер юзида кам ва йиғиб олинмайди. Кадупул аслида кактус бўлиб, фақат тунда гуллайди. У гуллаганда ўзидан тинчлантирувчи, ёқимли ҳид таратади. Кадупул гуллаганидан кейин бир неча соат яшайди, холос. Шунинг учун бу экзотик ва ноёб гулни сотиш мумкин эмас.

Гулнинг нархини тасаввур қилиш осон бўлиши учун қуйидаги мисолни келтириб ўтамиз. Қимматлиги жиҳатидан дунёдаги 2-ўринда турувчи «Juliet Rose» номли атиргулнинг нархи – 15,8 млн доллар.

👉 Қорақалпоғистон хабарлари
🔥 Нукусдаги маҳалла аҳолисига табиий газ етказиб бериш вақтинча тўхтатилди

#Нукус_шаҳри «Қоскўл–4» 31-сон «Жанга базар» МФЙ аҳолисини табиий газ билан таъминлайдиган ер усти Д-76 мм газ тароғига «Камаз» урилганлиги сабабли газ тароғига авария таъмирлаш зарурати сезилмоқда.

«Ҳудудгаз Қорақалпоғистон» газ таъминоти матбуот хизматининг маълум қилишича, шу сабабдан 22 январ куни саот 10:00 дан 16:00 гача ушбу ҳудуд аҳолисига табиий газ етказиб бериш вақтинча тўхтатилган.

Таъмирлаш ишлари вақтида аҳолидан техник хавфсизлик қоидаларига амал қилишини сўраймиз, дейилади «Ҳудудгаз Қорақалпоғистон» хабарида.

👉 Қорақалпоғистон хабарлари
Пандемия даврида Қорақалпоғистонда қанча оила ажрашган?

2020 йилнинг январ-декабр ойларида Қорақалпоғистон Республикасида ФҲДЁ органлари томонидан 1028 та ажрашиш қайд этилган.

Бу кўрсаткич ўтган йилнинг мос даврига нисбатан 215 тага кам.

Ажрашиш буйича энг юқори кўрсаткич Нукус шаҳрига (227 та), энг паст кўрсаткич эса Мўйноқ туманига (9 та) тўғри келмоқда.

Aжрашиш ҳолати ҳудудлар кесимида қуйидагича қайд этилган:

🔹 Нукус шаҳри – 227 та;
🔹 Беруний тумани – 89 та;
🔹 Қўнғирот тумани – 79 та;
🔹 Хўжайли тумани – 79 та;
🔹 Тўрткўл тумани – 85 та.

👉 Қорақалпоғистон хабарлари
Media is too big
VIEW IN TELEGRAM
Шахс гувоҳномаси: ID-карта ҳақида асосий маълумотлар

▪️ID-картани неча ёшдан олиш мумкин?
▫️ID-карта олиш мажбурийми?
▫️Тўлов қанча?

➡️ Xpress.uz – Сиз кутган формат
This media is not supported in your browser
VIEW IN TELEGRAM
📹 Беруний бозорида аёллар нимага калтакланмоқда?

Тармоқда Беруний туманидаги бозорда аёллар бир неча киши томонидан калтаклаб кетилгани акс этган видеолавҳалар тарқалди.

Маълум бўлишича, Беруний тумани Бунёдкор МФЙ, Абай кўчасида (Беруний туманидаги хафталик бозорнинг орқа томони) доимий истиқомат қилувчи фуқаро М.В. нинг уйи олдига ноқонуний равишда дўкон қуриб олган фуқаро С.Д. билан 2020 йилнинг 16–17 декабр кунлари ўзаро жанжал келиб чиққан.

Натижада фуқаро М.В. га тан жароҳати етказилган. Ҳолат юзасидан туман ИИБ томонидан 2020 йил 30 декабр куни жиноят иши қўзғатилиб, дастлабки тергов ҳаракатлари олиб борилмоқда.

Ижтимоий тармоқларда тарқалган видеолар бўйича қўшимча маълумот бериб борамиз, дейилади туман ҳокимлиги ахборот хизмати хабарида.

👉 Қорақалпоғистон хабарлари
🌧 #Об_ҳаво

23 январ куни кутилаётган об-ҳаво тўғрисида маълумот

Гидрометеорология хизмати марказига кўра, эртага – 23 январ, шанба куни Қорақалпоғистон Республикасида ҳаво ўзгариб туради, баъзи жойларда бироз қор ёғиши, туман тушиши мумкин.

Шамол шарқдан 7–12 м/с тезликда эсади.

Ҳарорат кечаси –15…–10 даража, кундузи 0…–5 даража совуқ бўлади.

👉 Қорақалпоғистон хабарлари
This media is not supported in your browser
VIEW IN TELEGRAM
📹 Ўзбекистонга кескин совуқ ҳаво оқими кириб келди

Қорақалпоғистон
ва Хоразмда кучли шамол ва қор ёғиши кузатилмоқда. Совуқ об-ҳаво бу ердан Ўзбекистоннинг шарқига қараб ҳаракатланмоқда.

Кеча ва бугун Жиззах, Бухоро, Сурхондарё ва Қашқадарё вилоятларига қор ёғди. Лавҳалар Қорақалпоғистон ва Хоразм чегарасидан олинган.

👉 Қорақалпоғистон хабарлари
2020 йилда судланган шахсларнинг 10 мингдан ортиғини ёшлар ташкил қилди

2020 йил
Ўзбекистонда жиноят ишлари бўйича судлар томонидан 38 149 нафар шахсга нисбатан 30 284 та иш кўриб чиқилган. 27 999 нафар судланган шахснинг 3 027 нафарини аёллар, 10 371 нафарини ёшлар ташкил қилмоқда.

Олий суд жамоатчилик ва оммавий ахборот воситалари билан ҳамкорлик бошқармаси маълум қилишича, судларда 781 нафар шахс оқланган ва реабилитация қилинган.

2020 йилда судланган шахслар сони 27 999 нафарни ташкил этиб, шундан:

🔹7 110 нафар шахсга озодликдан маҳрум қилиш;
🔹19 838 нафарига бошқа турдаги жазолар тайинланди;
🔹1 051 нафар шахс шартли ҳукм қилинди.

Судланган шахсларнинг:

🔹24 972 нафари
эркаклар
🔹3 027 нафари аёллар
🔹10 371 нафари ёшлар (шу жумладан, 499 нафари вояга етмаганлар)
908 нафари 60 ёшдан ошган шахслар.

👉 Қорақалпоғистон хабарлари
Тўрткўлда пиёдалар учун янги кўприк қурилиши бошланди

Тўрткўл туманидаги Оққамиш овули фуқаролари томонидан бир неча йиллар олдин ҳашар йўли билан қурилган кўприк қайта таъмирлашга муҳтож бўлиб қолган эди.

Бу бўйича фуқароларнинг мурожаатлари инобатга олиниб, янги кўприк қуриш ишлари бошлаб юборилди.

👉 Қорақалпоғистон хабарлари
This media is not supported in your browser
VIEW IN TELEGRAM
📹 Имконияти чекланган намозхон Мурат Камалов билан учрашса, масжиддаги камчиликлар ҳақида мурожаат қилишини айтди

Нукусдаги Жоме масжидига Жума намози учун келган имконияти чекланган намозхон Жўқорғи Кенгес раиси билан учрашиш истагини билдирган.

У «Ел хизметинде» газетаси бош муҳаррири Даулетмурат Тажимуратов билан суҳбатда Мурат Камалов билан учрашса, масжиддаги иссиқ ва совуқ сув муаммоси бўйича мурожаат қилишини айтган.

👉 Қорақалпоғистон хабарлари
📸 Фото: Устюртдаги тузоқ-камераларга тушган сайғоқлар

«Сайгачий»
мажмуа буюртмахонасида ўрнатилган фотоқопқонга сайғоқлар тўдаси тушиб қолди, деб хабар бермоқда Экология ва атроф-муҳитни муҳофаза қилиш давлат қўмитаси.

2020 йилнинг феврал ойида ҳам сайғоқлар тўдаси фотоқопқонга тушганди. Қўмита сўнгги беш йил ичида мамлакатда сайғоқ популяцияси учрамаганлиги сабабли бу ўзига хос муҳим ҳодиса бўлганини айтганди.

Бугунги кунга келиб сайғоқ қисқариб бораётган тур сифатида Халқаро ҳамда Ўзбекистон қизил китоблари рўйхатига киритилган. Хусусан, Устюрт популяцияси сайғоқлари қисқариб бораётганлиги сабабли уни сақлаб қолиш учун зарур чора-тадбирлар қабул қилишни талаб этади.

Маълумот учун, «Сайгачий» қўриқхонаси 2016 йилда Мўйноқ ва Қўнғирот туманлари ҳудудида жойлашган «Сайгачий» буюртмахонаси негизида табиатни муҳофаза қилиш муассасаси шаклида ташкил этилган.

👉 Қорақалпоғистон хабарлари