📈 2020 йилда Қорақалпоғистонда cолиқ тушумларининг сезиларли даражада ўсиши кузатилган

Иқтисодий тадқиқотлар ва ислоҳотлар маркази январ ойида ҳудудлардаги тадбиркорлик ҳолати бўйича мониторинг ўтказди. Натижалар 1 январдан 31 январгача бўлган даврда солиқ тушумлари ҳажми ўтган йилнинг шу даврига нисбатан 27,3 фоизга ўсганини кўрсатган.

Солиқ тушумларининг сезиларли даражада ўсиши Жиззах (19,2 фоизга), Хоразм (15,8 фоизга), Сирдарё (9,4 фоизга) вилоятларида ва Қорақалпоғистонда (10,1 фоизга) кузатилган.

Шунингдек, йил бошидан буён товарларни экспорт қилиш ҳажми ўтган йилнинг шу даврига нисбатан 7,1 фоизга ошган.

Товарлар экспорти ҳажмининг фаол ўсиши ҳудудлар ўртасида Навоий (4 баравар), Андижон (2,1 баробар), Жиззах (95,5 фоиз), Сирдарё (80,8 фоиз) ва Хоразм (70,9 фоиз) вилоятлари ҳиссасига тўғри келган.

👉 Қорақалпоғистон хабарлари

🌤 #Об_ҳаво

15 феврал куни кутилаётган об-ҳаво тўғрисида маълумот

Гидрометеорология хизмати марказига кўра, эртага – 15 феврал, душанба куни Қорақалпоғистон Республикасида ҳаво ўзгариб туради, ёғингарчилик кутилмайди. Баъзи жойларга туман тушиши мумкин.

Шамол шарқдан 7-12 м/с тезликда эсади.

Ҳарорат кечаси 0…+5 даража, кундузи +15…+20 даража илиқ бўлади.

👉 Қорақалпоғистон хабарлари

📹 Бугун «Мендирман Жалолиддин» сериали бошланади

Бугун соат 20:30 да «Миллий» телеканалида узоқ кутилган премьера - «Мендирман Жалолиддин» сериалини ўтказиб юборманг. Сериал ҳар якшанба соат 20:30 да эфирга узатилади.

👉 Қорақалпоғистон хабарлари

🗓 14 феврал:
📢 Асосий хабар ва янгиликлар

💵 Ички ишлар органлари фаолиятидаги коррупцион омиллар ўрганилади — Аксилкоррупция агентлиги

🎓 «Илм олиш ва университетда ўқишнинг фарқи бор» — 300 минг доллар грант ютган ўзбек талабаси

🏗 Фарғона шаҳрида кўп қаватли уйлар ўртасида барча қурилишлар тўхтатилади

🇬🇳🦠 Гвинеяда Эбола безгаги эпидемияси бошлангани эълон қилинди

🇺🇸 АҚШ сенати Доналд Трампни импичмент иши бўйича оқлади

Kun.uz Telegram каналлари:
👉 Ўзбекча | 👉 O‘zbekcha

Нукусда камчилиги аниқланган уйнинг девори бузиб ташланди

#Нукус_шаҳри Татибаев кўчаси бўйида қурилаётган кўп қаватли турар жой биносида камчиликлар аниқланиб, бинонинг деворлари қайта тиклаш учун бузиб ташланди.

Қорақалпоғистон Республикаси Қурилиш вазирлиги ахборот хизматининг маълум қилишича, мазкур объектнинг лойиҳа ҳужжатлари «Арх энерго проект» МЧЖ томонидан ишлаб чиқилган, қурувчи эса «Нукус Шахзода Афруз» МЧЖ. Қурилаётган 5 қаватли турар жой биносининг қурилиш-монтаж ишларидаги камчиликларни Қорақалпоғистон Республикаси Қурилиш соҳасида назорат инспекцияси аниқлаган.

«Аниқланган камчиликларни бартараф қилиш мақсадида бинода олиб борилаётган қурилиш-монтаж ишлари тўхтатилиб, турар жой биносининг деворлари қайта тиклаш учун бузилмоқда», – дейилади вазирлик матбуоти хабарида.

Аввалроқ маҳаллий интернет нашрларда ва ижтимоий тармоқларда Нукусда янгидан қурилаётган бинонинг бир қисми қулаб тушгани айтилаётганди.

👉 Қорақалпоғистон хабарлари

Устюртда кунлик 1 млн куб метр ҳажмдаги табиий газ оқими олинадиган қудуқ очилди

Маълумотларга кўра, янги очилган «Ғарбий Қуйи Сургил» кони майдонидаги 1-сонли қудуқ 4111 метр чуқурликкача бурғиланган ва табиий газ оқими аниқланган.

«Ўзбекнефтгаз» АЖ Матбуот хизмати янги қудуқдан кунлик 1 млн куб метр ҳажмдаги табиий газ оқими олинаётганини маълум қилди. Ушбу коннинг дастлабки углеводород захиралари 7,5 млрд куб метр табиий газ ҳамда 265 минг тонна газ конденсати миқдорида баҳоланмоқда.

Хабарда айтилишича, аксарият қудуқлардан кунлик 100–250 минг метр куб табиий газ оқими олинмоқда.

Бу рақамлар Устюртда катта газ захираси борлигини кўрсатмоқда, сабаби бундан сал аввалроқ кунлик 900 минг куб метр табиий газ олинадиган бошқа бир қудуқ очилганди.

«Ўзбекнефтгаз» АЖ Бошқарув раиси Меҳриддин Абдуллаев Устюрдаги янги очилган газ конденсат кони ҳолатини ўрганган.

👉 Қорақалпоғистон хабарлари

🔥 Қорақалпоғистон 2020 йилги ёнғинларда қанча зарар кўргани маълум бўлди

Қорақалпоғистон Республикаси ФВБда ўтган йили амалга оширилган ишларнинг якунига бағишланган матбуот анжумани бўлиб ўтди. Унда 2020 йил мобайнида Қорақалпоғистонда 633 та ёнғин содир бўлганлиги маълум қилинди. 2019 йилнинг шу даврига нисбатан эса ёнғинлар 11,5 фоизга камайган.

Аммо юз берган ёнғинлар оқибатида 4 нафар фуқаро ҳалок бўлган, 5 нафари тан жароҳати олган бўлса, 2 нафари заҳарланган. Ёнғин натижасида келтирилган зарар 6 млрд 342,9 млн сўмни ташкил этади.

Ёнғинларнинг келиб чиқиш сабаби таҳлил қилинганда, қасддан ва ўзига ўзи ўт қўйиш, электр қурилмалари, иситиш қозонларидан фойдаланиш қоидаларининг бузилиши, очиқ оловдан фойдаланишдаги эътиборсизлик, болаларнинг олов билан ўйнаши, технологик ҳодисалар сабаб бўлгани аниқланди.

Шунингдек, 10 таси ишлаб чиқариш цехида, 5 таси омборхонада, 6 таси савдо-сотиқ корхонаси, 4 таси қишлоқ хўжалиги учун ажратилган бинода, 2 таси ёнғин объекти ва қурилмасида, 64 таси очиқ ҳавода сақланаётган қишлоқ хўжалиги мулкларида, 40 таси транспорт воситасида, 496 таси фуқароларнинг шахсий турар жойида юз берган.

👉 Қорақалпоғистон хабарлари

📹 Тўрткўлда «Epica» уриб юборган велосипед ҳайдовчиси шифохонада вафот этди

12 феврал куни тунги соат 21:45 да Тўрткўл тумани «Уллубоғ» ОФЙ ҳудудида «Epica» йўлнинг четида велосипедда ҳаракатланиб келаётган фуқарони уриб юборади. Натижада, велoсипед ҳайдовчиси тан-жароҳати олиб шифохонага олиб борилган.

Мутасаддиларнинг сўзларига кўра, «Уллубоғ» ОФЙ ҳудудидан ўтувчи йўлнинг айрим бузилган қисми мавжуд. Aсфалтга тунги ёритиш чироқлари ўрнатилмаганлиги айтилмоқда.

Kun.uz мухбирига Қорақалпоғистон Республикаси ЙҲХБнинг маълум қилишича, велосипед ҳайдовчиси шифохонада оламдан ўтган.

Ҳозирда терговга қадар суриштирув ҳаракатлари олиб борилмоқда.

👉 Қорақалпоғистон хабарлари