📹 Тўрткўлда 3 та туманни сув билан таъминлайдиган янги канал очилди

«Ўнг қирғоқ магистрал канали»нинг очилиш маросимида Қорақалпоғистон сув хўжалиги вазири Джалғасбай Узақов, Элликқалъа тумани ҳокими Сейдамат Авезов ва Тўрткўл тумани ҳокими Рустам Шамуратов иштирок этди.

Қурилишда 600 тага яқин экскаватор, булдозер, автосамосвал ва бошқа қўшимча техникалар, 1 000 нафардан ортиқ ишчи техник ходим ва механизатор қатнашди.

«Ўнг қирғоқ магистрал канали» Тўрткўл, Элликқалъа ва Беруний туманларининг 100 минг гектар ерларини сув билан таъминлаш имкониятига эга.

👉 Қорақалпоғистон хабарлари

Бугун Нукусда «Дронлар шоуси» ўтказилади

Бугун, 8 феврал куни Нукус шаҳрида «Дронлар шоуси» бўлиб ўтади. Бу ҳақда Қорақалпоғистон ер-мулк кадастр бошқармаси хабар бермоқда.

Шоу Нукус марказида бўлиб ўтади. Унда 500 та дронни учириш режалаштирилмоқда

Эслатиб ўтамиз, 9-10 январ кунлари Қорақалпоғистонда ўтказилиши керак бўлган «Дронлар шоуси» об-ҳавонинг ноқулайлиги сабабли намаълум муддатга қолдирилганди.

Видео: Бухоро вилоятида ўтказилган «Дронлар шоуси»дан лавҳа

👉 Қорақалпоғистон хабарлари

📹 Қорақалпоғистонда ёш интерьер дизайнерлар нималарга эътибор бериши керак?

Нукуслик интерьер дизайнер Aсилбек Сагинбаевнинг айтишича, ёш мутахассислар биринчи ўринга пулни қўймаслиги керак. Соҳани мукаммал равишда ўрганиб бориш керак. Aгар бошланишидан маблағ топишга эътибор қаратилса, ишнинг сифати пасая бошлайди.

Aсилбекнинг қўшимча қилишича, у бошланишида бепул, кейинчалик эса 500 минг, 1 млн сўмга буюртма ола бошлаган. Интерьер дизайнерликда асосийси, етук мутахассисликни босқичма-босқич кўрсатиб бориш.

👉 Қорақалпоғистон хабарлари

❓#Биласизми

Сувни бир неча марта қайнатманг, яна қайнатилганда, саратонни келтириб чиқарадиган заҳарли модда бўлган диоксин ажралиб чиқар экан.

👉 Қорақалпоғистон хабарлари

Россияда ишлаш истагида бўлганлар учун танлов ўтказилади

Россиянинг «МСК Гарант» МЧЖ компанияси Рязан, Ленинград, Калуга, Воронеж ва Курск вилоятларидаги корхоналарида қуйидаги йўналишларда бўш иш ўринлари учун танловлар ўтказади:

🍄 Қўзиқорин етиштириш ишлари (қўзиқорин териш, иссиқхонада парваришлаш)

👥 Ишчилар сони – 600 нафар;

🗓 Иш графиги – 6 кун иш, 1 кун дам олиш куни (бир кунлик иш вақти 11 соат);

💵 Иш ҳақи 30–60 минг рубл атрофида (иш сифати ва миқдорига қараб, даромад солиғидан ташқари 1 кг терим учун 10 рубл ҳамда ой давомида бажарилган ишга кўра рағбатлантириш мавжуд);

🥣 3 маҳал овқат иш берувчи ҳисобидан;

Ишчилар ёши – 25 ёшдан 45 ёшгача бўлган эркак ва аёллар (бўйи 160 см дан кам бўлмаган);

🛫 Ўзбекистондан иш жойига етиб бориш харажатлари фуқаро ҳисобидан;

🏨 Ётоқхона харажатлари иш берувчи ҳисобидан;

🚌 Россияга етиб боргандан сўнг аэропортдан ётоқхонага ва ётоқхонадан иш жойига етиб бориш иш берувчи транспортида бепул амалга оширилади;

📑 Патент расмийлаштириш бўйича иш берувчи юридик ёрдам кўрсатади. Агар патент расмийлаштириш учун фуқаронинг маблағи бўлмаса, иш берувчи томонидан Россия кредит ташкилотидан ходимнинг ойлик маошидан қисман ушлаб қолиш шарти билан кредит расмийлаштиришга кўмаклашилади.

☎️ Мурожаат учун: 1282 (қисқа рақами) ёки 71 202-33-55, 71 200-00-61.

Қорақалпоғистон Республикаси – 61 222-53-32, 61 222-53-34

👉 Қорақалпоғистон хабарлари

Ўзбекистонда долларнинг расмий курси пасайди

Марказий банк хорижий валюталарнинг сўмга нисбатан янги курсларини эълон қилди. Ушбу алмашув курслари 9 феврал кунидан кучга киради.

▪️Унга кўра, долларнинг расмий курси 9,61 сўмга пасайган ва бир доллар 10 530,83 сўмни ташкил қилган.

▪️Евро курси 110,65 сўмга тушиб, 12 681,23 сўмга тенг бўлди.

▪️Рубл курси эса 1,91 сўмга кўтарилган ва 1 рубл 141,10 сўмни ташкил этган.

👉 Қорақалпоғистон хабарлари

⚡️«Дрон шоу» ўтказиладиган жой шамол сабаб ўзгартирилди

Бугун бўлиб ўтадиган «Дронлар шоуси» Нукус шаҳридаги Ғарезсизлик кўчаси, ФҲДЁ биноси олдида ўтказилиши режа қилинганди.

Қорақалпоғистон ер-мулк кадастр бошқармасининг хабар беришича, шамол кучайганлиги туфайли шоу «Туран» стадионига кўчирилган.

Фуқаролар шоуни «Дўстлик» канали бўйида томоша қилиши мумкинлиги қўшимча қилинмоқда. Эслатиб ўтамиз, шоу бугун соат 18:30-19:00 оралиғида бўлиб ўтади.

👉 Қорақалпоғистон хабарлари

❓#Хабарингиз_борми

➡️ Ҳозирги кунда Ўзбекистон ҳудудида:

▪️меҳнатга ҳақ тўлашнинг энг кам миқдори – 747 300 сўм;
▪️базавий ҳисоблаш миқдори – 245 000 сўм;
▪️пенсияни ҳисоблашнинг базавий миқдори – 262 470 сўм;
▪️ёшга доир энг кам пенсиялар – 513 350 сўм;
▪️болаликдан ногиронлиги бўлган шахсларга бериладиган нафақа – 513 350 сўм;
▪️зарур иш стажига эга бўлмаган кекса ёшдаги ва меҳнатга лаёқатсиз фуқароларга бериладиган нафақа – 315 030 сўмдан иборат.

👉 Қорақалпоғистон хабарлари

📹 Қорақалпоғистонда интерьер дизайнерлар қанча топади?

Нукуслик интерьер дизайнер Aсилбек Сагинбаевнинг айтишича, Қорақалпоғистонда ушбу соҳа мутахассислари бирон компанияда ишласа, ўртача 1,5–2 млн сўм ойлик олади.

Aгар мустақил равишда буюртма олиб ишлашса, 1 метр квадратини 5 доллардан ишлаш мумкин. Бу ўртача битта кичик лойиҳадан 200 доллар топиш мумкин дегани.

👉 Қорақалпоғистон хабарлари

🌤 #Об_ҳаво

9 феврал куни кутилаётган об-ҳаво тўғрисида маълумот

Гидрометеорология хизмати марказига кўра, эртага – 9 феврал, сешанба куни Қорақалпоғистон Республикасида ҳаво ўзгариб туради, ёғингарчилик кутилмайди. Баъзи жойларга туман тушиши мумкин.

Шамол шарқдан 7-12 м/с тезликда эсади.

Ҳарорат кечаси −5…0 даража совуқ, кундузи +5…+10 даража илиқ бўлади.

👉 Қорақалпоғистон хабарлари

⚡️ Кегейлидаги мактабни таъмирлашда 104,8 млн сўмлик бюджет маблағлари талон-торож қилинди

Бош прокуратура ҳузуридаги Департаментнинг Кегейли туман бўлими томонидан ўтказилган терговга қадар текширувда, тумандаги умумтаълим мактаби биносида «Н.» МЧЖ томонидан амалга оширилган жорий таъмирлаш ишлари тўлиқ бажарилмаган.

Шунга қарамасдан туман халқ таълими бўлими томонидан 104,8 млн сўм бюджет маблағлари жамият ҳисоб рақамига ўтказиб берилиб, маблағлар растрата қилиш йўли билан талон-торож қилинганлиги аниқланган.

Мазкур ҳолат юзасидан Жиноят кодексининг 167-моддаси 2-қисми, 209-моддаси 1-қисми билан жиноят иши қўзғатилиб, тергов ҳаракатлари ўтказилмоқда.

👉 Қорақалпоғистон хабарлари

«Тонировка»га рухсатнома олиш онлайн бўлади

Вазирлар Маҳкамасининг «Автотранспорт воситалари ойналарининг тусини ўзгартириш (қорайтириш)га рухсатнома бериш бўйича давлат хизмати кўрсатишнинг маъмурий регламентини тасдиқлаш тўғрисида»ги қарори лойиҳаси эълон қилинди.

❗️Лойиҳада қуйидагилар назарда тутилмоқда:

🔰Ўзбекистон Ички ишлар вазирлиги томонидан 2021 йил 1 апрелдан бошлаб автотранспорт воситалари ойналарининг тусини ўзгартириш (қорайтириш)га рухсатнома бериш бўйича давлат хизматини кўрсатиш Ягона интерактив давлат хизматлари портали (ЯИДХП) орқали амалга ошириш имкониятини яратиш;

✅«Давлат божи тўғрисида»ги қонунга мувофиқ автотранспорт воситалари ойналарининг тусини ўзгартирганлик учун рухсатнома бериш бўйича давлат хизматини олиш учун ЯИДХП орқали мурожаат этганда, давлат божи, йиғимлар ва бошқа тўловлар тўланадиган суммадан 90 фоиз миқдорида тўланиши.

👉 Қорақалпоғистон хабарлари

🗓 8 феврал:
📢 Асосий хабар ва янгиликлар

🇺🇿 Президент Андижон ва Тошкент вилоятларидаги инвестиция лойиҳалари тақдимоти билан танишди

📖 Алишер Навоий — музей экспонати эмас, у биз билан яшаши керак

🔥 Табиий газни юридик шахсларга бозор тамойиллари асосида сотиш йўлга қўйилади

📈 Давлат дастурида иқтисодий барқарорликни таъминлаш учун 6та муҳим вазифа белгиланди

⛔️ Йўл ҳаракати қоидабузарликларини аниқлаган тадбиркорлар жарима суммасининг 25 фоизини олади

Kun.uz Telegram каналлари:
👉 Ўзбекча | 👉 O‘zbekcha

📹 Дронлар шоуси Ўзбекистон ҳудудлари орасида охирги бўлиб Нукусда ўтказилди

Шоу 18:00 да бошланиши режалаштирилган эди. Номаълум сабабларга кўра, соат 20:00 га яқин бошланди.

Шоуни кўриш учун Дўстлик канали бўйига 15 мингга яқин одам йиғилди. Улар 1-1,5 соат кутиб қолишди.

Ҳаво ҳарорати эса анча совуқ эди. Дронлар шоуси бор-йўғи 8 дақиқа давом этди. Шоу одамларда турлича таассуротлар қолдирди.

👉 Қорақалпоғистон хабарлари

Мўйноқ ва Қўнғиротда «Судочье-Акпетки» қўриқхонаси ташкил қилинади

Вазирлар Маҳкамасининг «Қорақалпоғистон Республикасида «Судочье-Акпетки» давлат буюртма қўриқхонасини ташкил қилиш тўғрисида»ги қарори қабул қилинди.

Қарорга кўра, Мўйноқ ва Қўнғирот туманларида юридик шахс ташкил қилган ҳолда, умумий майдони 280 507 гектар бўлган давлат табиатни муҳофаза қилиш муассасаси шаклидаги «Судочье-Акпетки» давлат буюртма қўриқхонаси ташкил қилинади.

▪️«Судочье кўллар тизими» участкасида қирғоқ ландшафтлари, каналлар, коллекторлар ва улардаги сув оқими, сув, сув атрофида яшовчи қушлар, ноёб, йўқолиб кетиш хавфи остида бўлган балиқлар, йиртқич қушлар ва сут эмизувчи ҳайвонлар;

▪️«Акпетки» участкасида сув ва сув атрофида яшовчи қушлар, ноёб ва йўқолиб кетиш хавфи остида бўлган йиртқич қушлар, сут эмизувчи ҳайвонлар муҳофазага олинадиган асосий объектлар ҳисобланади.

👉 Қорақалпоғистон хабарлари

Ўзини ўзи банд қилган фуқаролар мобил илова орқали рўйхатдан ўтиб, солиқ тўлаши мумкин

▪️Эндиликда норасмий секторда банд бўлган фуқаролар мобил илова («Soliq» иловаси) орқали бепул рўйхатдан ўтиши мумкин. Бу ҳақда Пенсия жамғармаси маълум қилди.

▫️Ўзини ўзи банд қилган фуқаролар 2021 йил учун 1 базавий ҳисоблаш миқдорини (245 000 сўм) ихтиёрий тўлаганда бир йиллик иш стажига эга бўлади ва пенсия миқдори тайинлашда ҳисобга олинади.

🔺Тўловларни «Click» ва «Payme» мобил иловалар ёки банк кассалари орқали амалга ошириш мумкин.

👉 Қорақалпоғистон хабарлари

❓#Биласизми

Агар ота ва онанинг ҳар иккисида семизлик кузатилса, бу болаларга 80 фоиз ҳолларда ўтади. Фақат онадаги семизлик 50 фоиз, отадаги бундай ҳолат эса 38 фоиз эҳтимол билан фарзандларга «мерос» ўтар экан.

👉 Қорақалпоғистон хабарлари

🚘 «UzAuto Motors» автосалонлари шартнома беришни тўхтатди

«UzAuto Motors» автосалонлари ва дилерлари томонидан янги автомобил учун харидорларга шартнома бериш тўхтатилди.

Шартномалар фақат харидоргир бўлган «Nexia» ва «Cobalt» русумидаги автомобилларга берилмаяпти. Бошқа русумдаги, жумладан «Damas» автомобиллари учун шартномалар бор.

Компания вакили буни «программа ишламаяпти, 1-2 ҳафтадан кейин ишлаб кетса керак», деб изоҳлади.

👉 Қорақалпоғистон хабарлари

Қорақалпоғистоннинг шимолий туманларида шўр ювиш ишларининг самараси пастлигича қолмоқда

Вазирлар Маҳкамасининг «Қишлоқ хўжалиги экинларини етиштиришда шўр ювиш ишларини такомиллаштириш чора-тадбирлари тўғрисида»ги қарори лойиҳаси эълон қилинди.

Ўзбекистонда жами 4,3 млн гектар суғориладиган ер майдони бўлиб, 2020 йил 1 октябр ҳолатига кўра суғориладиган ерларнинг 44,7 фоизи ҳар хил даражада, жумладан, 31 фоизи кучсиз, 11,9 фоизи ўртача, 1,9 фоизи эса кучли шўрлангани айтилади.

➡️ Батафсил ўқинг

«Агрокластерлар, фермер ва деҳқон хўжаликлари томонидан ерларни шўр ювишга тайёрлаш ва шўрини ювишда, айниқса, Қорақалпоғистон Республикасининг шимолий туманларида, Жиззах ва Сирдарё вилоятларида, шунингдек, Бухоро, Навоий, Фарғона ва Хоразм вилоятларининг кўпчилик туманларида агротехника қоидалари ва муддатлари қўпол равишда бузилиб, сув исрофгарчилигига йўл қўйилмоқда, шўр ювиш ишларининг самараси эса пастлигича қолмоқда», — дейилади ҳужжатда.

👉 Қорақалпоғистон хабарлари

Қорақалпоғистон 2020 йилда 6,7 тонна лимон экспорт қилди

🏢 Давлат статистика қўмитаси маълумотларига кўра, Ўзбекистон 2020 йилда қиймати 8,6 млн долларга тенг бўлган 7,1 минг тонна лимон экспорт қилган.

2020 йилда Ўзбекистон энг кўп лимон экспорт қилган давлатлар:⬇️

🔷 Россия – 3,4 минг тонна;
🔷 Қозоғистон – 2,1 минг тонна;
🔷 Қирғизистон – 1,5 минг тонна;
🔷 Афғонистон – 87,7 тонна;
🔷 Украина – 20,6 тонна.

Ҳудудлар кесимида лимон экспорти ҳажми қуйидагича:⤵️

🔸Фарғона вилояти – 2,0 минг тонна;
🔸Тошкент вилояти – 1,3 минг тонна;
🔸Наманган вилояти – 1,0 минг тонна;
🔸Андижон вилояти – 500,3 тонна;
🔸Хоразм вилояти – 414,8 тонна;
🔸Сурхондарё вилояти – 392,5 тонна;
🔸Сирдарё вилояти – 335,2 тонна;
🔸Тошкент шаҳри – 273,4 тонна;
🔸Навоий вилояти – 238,9 тонна;
🔸Самарқанд вилояти – 202,5 тонна;
🔸Қашқадарё вилояти – 184,9 тонна;
🔸Бухоро вилояти – 127,3 тонна;
🔸Жиззах вилояти – 27,2 тонна;
🔸Қорақалпоғистон Р. – 6,7 тонна.

👉 Қорақалпоғистон хабарлари

📹 Қорақалпоғистонда интерьер, экстерьер дизайнерларга талаб қандай?

Нукуслик интерьер дизайнер Aсилбек Сагинбаевнинг айтишича, Қорақалпоғистонда ушбу соҳа мутахассисларига талаб ўртача.

Бироқ вақтнинг ўтиши билан талаб кучаяди. Ҳозир одамларнинг 50 фоизи уйларни ўзи қуриб, ўзи таъмирласа, қолган 50 фоизи дизайнерларга мурожаат қилади. Йилдан йилга уйларни ўзи қурадиганлар эмас, уларни қуриб берувчи компаниялар кўпаймоқда.

Дизайнерларнинг ютуғи, улар ҳали қурилмаган бинони олдиндан визуал тарзда кўра олади, дейди Aсилбек Сагинбаев.

👉 Қорақалпоғистон хабарлари