Ўрта Чирчиқ туманида янги оилавий МТТ фаолиятини бошлади

Туманнинг Адолат маҳалласи Обод турмуш кўчаси 2-уйда тадбиркор Маҳбуба Азизова томонидан Ўзбекистон Республикаси Вазирлар Маҳкамасининг 2018 йил 30 июлдаги 595-сонли қарори асосида ташкил этилган “Камалак” номли 25 ўринга мўлжалланган оилавий боғча фаолият кўрсата бошлади. Айни пайтда бу ерда уч нафар малакали тарбиячи 25 нафар болажоннинг тарбияси билан машғул.

Боғча хоналари ўзига хос тарзда безатилган. Шунингдек, боғчада болаларнинг китоб ўқишга бўлган қизиқишини уйғотувчи турли ўйинчоқлар, дидактив адабиётлар ҳамда эртак китоблари мавжуд.

👉 Тошкент хабарлари

❓#Биласизми

🔹Бармоқ излари 1902 йил 18 апрел куни Данияда дунёда биринчи марта жиноятчи шахсини аниқлаш учун ишлатилган. Шу йилнинг сентябр ойида Буюк Британияда жиноят содир этилган жойда гумон қилинувчига қарши айбни исботловчи далиллар сифатида бармоқ излари ишлатилган.

👉 Тошкент хабарлари

2021 йилги давлат дастурига пенсионерлар учун бир қатор қулайликлар киритилди

➡️ Пенсия ва нафақалар тайинлашни осонлаштириш мақсадида 2021 йил 1 июндан:

🔹2005 йилдан олдинги давр учун иш стажи меҳнат дафтарчасидаги ёзувлар асосида тасдиқловчи ҳужжатлар талаб этилмасдан ҳисобланади;

🔹уч йил ва ундан аввал тайинланган, қайта ҳисобланган пенсия ва нафақаларни текшириш ҳамда аниқланган ортиқча тўловни ундириш бекор қилинади;
🔹ишловчилар ишламайдиган турмуш ўртоқлари келажакда пенсия олиши учун ўз даромадидан ҳар ойда ижтимоий солиқ тўлаши мумкин;
🔹пенсия ва нафақалар хоҳишга кўра доимий ёки вақтинча яшаш жой бўйича тўланади;
🔹пенсия ва нафақаларни нақд пулсиз шаклда олиш учун аризалар банкда ёки электрон шаклда расмийлаштирилади.

👉 Тошкент хабарлари

📹 Вилоятнинг сектор раҳбарлари янгийўллик ёшлар билан учрашди

Дастлаб сектор раҳбарлари Янгийўл тумани Халқобод маҳалласидаги «Маданият маркази»да янгийўллик ёшлар билан учрашган. Бу ерда ёшлар асосан ер ва кредит масаласида мурожаат этишган. Ўз навбатида, 42 нафар ёшнинг мурожаат этган муаммолари тегишли ташкилотларга йўналтирилган.

Шунингдек, ёшларнинг мурожаатидан келиб чиқиб, шу куннинг ўзида 9 нафар ёшга имтиёзли кредит асосида мотокултиваторлар топширилган. Шундан сўнг, 21 нафар ёшнинг ҳар бирига деҳқончилик қилиши ва даромадга эга бўлиши учун 20 сотихдан корпорация тартибида ер ажратиб берилган.

👉 Тошкент хабарлари

«Эл-юрт умиди» жамғармаси орқали хорижга ўқишга юбориладиганлар 5 баробарга кўпайтирилади

🔹Президент фармони билан 2021 йил 1 апрелдан магистратура ва доктарантурага ўқишга юбориладиганлар 5 баробар ошади.

🔹Шу йилдан жамғарма ҳисобидан хорижда бакалавриат бўйича ўқитиш бошланади ва 2021 йилда хорижга 100 нафар талаба юборилади.

👉 Тошкент хабарлари

🌤 #Об_ҳаво

7 феврал куни кутилаётган об-ҳаво тўғрисида маълумот

Гидрометеорология хизмати марказига кўра, эртага – 7 феврал куни Тошкент вилоятида ҳаво ўзгариб туради, баъзи жойларда ёмғир ёғади.

Шамол ғарбдан 7-12 м/с тезликда эсади, айрим жойларда 15-20 м/с гача кучаяди. Баъзи жойларда 22-28 м/с гача кучайиши мумкин.

Ҳарорат кечаси +5...+10 даража, кундузи +10...+15 даража илиқ бўлади.

👉 Тошкент хабарлари

Тошкент вилоятида неча сўмлик молиявий хизматлар кўрсатилди?

Давлат статистика қўмитаси маълумотларига кўра, 2020 йилда кўрсатилган молиявий хизматлар ҳажми 45 817,3 млрд сўмни ташкил этган. Умумий хизматлар ҳажмида молиявий хизматларнинг улуши 20,9 фоизга тенг.

Ҳудудлар кесимида молиявий хизматларнинг ҳажми:
🔹Қорақалпоғистон Р. – 1 284,9 млрд;
🔹Андижон – 2 204,2 млрд;
🔹Бухоро – 1 625,5 млрд;
🔹Жиззах – 1 238,3 млрд;
🔹Қашқадарё – 1 593,8 млрд;
🔹Навоий – 1 241,2 млрд;
🔹Наманган – 1 496,7 млрд;
🔹Самарқанд – 2 077,9 млрд;
🔹Сурхондарё – 1 557,0 млрд;
🔹Сирдарё – 989,4 млрд;
🔹Тошкент – 2 291,0 млрд;
🔹Фарғона – 2 323,1 млрд;
🔹Хоразм – 1 267,1 млрд;
🔹Тошкент ш. – 24 627,2 млрд.

👉 Тошкент хабарлари

Россияда ишлаш истагида бўлган фуқаролар рус тилидан бепул таълим олиши мумкин

Ташқи меҳнат миграцияси агентлиги ахборот хизматининг хабар беришича, Россияда ишлаш истагидаги шахслар вилоятларда ташкил этилган ўқув курсларида қатнашиб, рус тилини бепул ўрганиши мумкин.

Россия иш берувчи ташкилотлар вакиллари иштирокида ўтказилаётган танловларда рус тилини билиш устунлик омили бўлиши мумкин.

Ўқишни муваффақиятли якунлаганлар патент учун Россия тарихи ва қонунчилиги ҳамда рус тили бўйича имтиҳон топшириб, сертификатга эга бўлади.

☎️ Мурожаат учун:⬇️

🔹1282 (қисқа рақам) ёки 71 202-33-55, 71 200-00-61.

🔹 Тошкент вилояти – (55) 900-33-10.

👉 Тошкент хабарлари

🗓 6 феврал:
📢 Асосий хабар ва янгиликлар

🧮 2021 йилда солиқ тизимида қатор ўзгаришлар бўлиши кутилмоқда

💼 Давлат бошқаруви ходимлари сони 15 фоизгача оптималлаштирилади

✅ Фуқаролик олиш тартиби ўзгаради: Ўзбекистонда яшаш гувоҳномасини 2005 йилгача олиш бўйича талаб бекор қилинди

💥 Бухорода газ портлаши рўй берган уй ноқонуний қурилиш бўлган — Қурилиш вазирлиги

🚀 Сирларга бой Бойқўнғир. Илон Маск бу космодром тарихига якун ясайдими?

Kun.uz Telegram каналлари:
👉 Ўзбекча | 👉 O‘zbekcha

📹 Пойтахт ва Тошкент вилояти ўртасида талаш бўлаётган ҳудуд: воқеаларнинг кейинги ривожи

Kun.uz ўзига хос юридик воқеликни ёритишда давом этади. Тошкент шаҳри ва вилояти чегарасидаги 1,1 гектар ер иккала ҳудуд ва уч нафар тадбиркор ўртасида низо объекти бўлиб қолмоқда.

Низоли ер бўйича дастлаб Тошкент шаҳар Ер ресурслари ва давлат кадастри бошқармаси Ер назорати шуъба раҳбари Бекзод Тошхўжаев фикр билдирди. Унинг айтишича, низоли ер 1994 йилда Тошкент шаҳри ҳудудига ўтган ва қандайдир тушунарсиз сабабларга кўра Зангиота ҳудудига ўтиб кетган.

➡️ Батафсил ўқинг

Унга кўра, 1996 йилдаги 464-сонли Ҳукумат қарорига асосан, низоли ер тўлиқ Тошкент шаҳрига ўтказилгани билан, шу пайтгача Тошкент вилоятининг ер балансида турган, 2017 йилда Сенат қарорига асосан Тошкент вилоятига ўтган.

👉 Тошкент хабарлари

🍇 #Нарх_наво

Нурафшон шаҳри марказий деҳқон (озиқ-овқат) бозоридаги нархлар

🗓 7 феврал ҳолатига

🥩 Мол гўшти (1 кг) ➖ 55.000 – 65.000 сўм
🍖 Қўй гўшти (1 кг) ➖ 65.000 – 70.000 сўм
🍗 Товуқ гўшти (1 кг) ➖ 18.000 – 28.000 сўм
🌻 Ўсимлик мойи (1 л) ➖ 16.000 – 19.000 сўм
🌱 Пахта мойи (1 л) ➖ 15.000 сўм
🍚 Гуруч (1 кг) ➖ 8.000 – 15.000 сўм
🍚 Шакар (1 кг) ➖ 7.000 – 8.000 сўм
🍚 Ун (1 кг) ➖ 5.000 – 6.000 сўм
🍞 Нон (буханка) ➖ 1.650 сўм

🥛 Сут (1 л) ➖ 6.000 сўм
🥚 Тухум (10 дона) ➖ 12.000 – 13.000 сўм
🍅 Помидор (1 кг) ➖ 8.000 – 16.000 сўм
🥒 Бодринг (1 кг) ➖ 15.000 – 16.000 сўм
🧅 Пиёз (1 кг) ➖ 2.000 – 2.500 сўм
🥔 Картошка (1 кг) ➖ 3.500 – 5.000 сўм
🥬 Карам (1 кг) ➖ 2.000 – 2.500 сўм
🥕 Сабзи (1 кг) ➖ 2.500 – 3.000 сўм
🍏 Олма (1 кг) ➖ 5.000 – 20.000 сўм

👉 Тошкент хабарлари

#Бу_қизиқ

📹 Apple электромобилининг тахминий кўриниши намойиш қилинди

🚘 Apple электромобили 18 дақиқада 80 фоизгача қувватланиши, 1 марталик қувват билан 500 км.ни босиб ўтиши режалаштириляпти.

🏎 Машина 257 км/соатгача тезликда ҳаракатланиши кутилмоқда.

👉 Тошкент хабарлари

Вилоятда инвестиция маблағларида ўсиш кузатилмоқда

Ўтган йили Тошкент вилоятида 56 та лойиҳа доирасида 309,2 млн АҚШ доллари, шундан 270,5 млн АҚШ доллари миқдорида тўғридан-тўғри хорижий инвестициялар ўзлаштирилиши режалаштирилган эди.

Пандемия шароитига қарамай, белгиланган топшириқ 329,6 млн АҚШ долларига, яъни 122 фоизга бажарилган. Жорий йилда эса вилоятда умумий қиймати 1 095,5 млн АҚШ долларига тенг 107 та лойиҳа доирасида 371,8 млн долларга тенг, ўтган йилга нисбатан 114 фоиз ўсиш суръати билан инвестицияларни ўзлаштириш кўзда тутилган.

Ўтган йилда 22 та ҳудудда 56 та хорижий инвестициялар иштирокида лойиҳалар амалга оширилган. Бу йил эса барча ҳудудларда 107 та тўғридан-тўғри хорижий инвестициялар иштирокидаги лойиҳалар амалга оширилиши белгиланган. 2020 йилда вилоятда жалб этилган жами инвестицияларнинг 40 фоизи Хитой, 14 фоизи Корея, 9 фоизи Россия, 8 фоизи Туркия, 6 фоизи Англия ва 23 фоизи бошқа давлатлар инвесторлари ҳиссасига тўғри келган.

👉 Тошкент хабарлари

Дарахтларни кесишга жорий этилган мораторий муддати 31 декабргача узайтирилди

Давлат ўрмон фондига кирмайдиган дарахт ва буталарнинг қимматбаҳо навлари кесилишига жорий этилган мораторий муддати 2021 йил 31 декабргача узайтирилди.

Ҳужжат билан ҳар бир кесилган дарахт ва буталар учун компенсация тарзида 10 туп қимматлилиги жиҳатидан кесиладиган дарахт ва буталардан кам бўлмаган, йирик ўлчамли кўчат экиш ҳамда уларни камида икки йил парвариш қилиш мажбурияти киритилмоқда.

Шунингдек, ноқонуний кесилган дарахт ва буталар учун эса уч йил давомида парваришлаш шарти билан 100 туп кўчат экиш мажбурий этиб белгиланмоқда.

👉 Тошкент хабарлари

🌤 #Об_ҳаво

8 феврал куни кутилаётган об-ҳаво тўғрисида маълумот

Гидрометеорология хизмати марказига кўра, эртага – 8 феврал куни Тошкент вилоятида ҳаво ўзгариб туради, вақти-вақти билан ёмғир ёғади.

Шамол ғарбдан 5–10 м/с тезликда эсади, баъзи жойларда 12–17 м/с гача кучайиши мумкин.

Ҳарорат кечаси +3...+8 даража, кундузи +10...+15 даража илиқ бўлади.

👉 Тошкент хабарлари

📹 Янгийўлда жазо ўтаётган 12 нафар шахс муддатидан олдин озод қилинди

Туманда ИИО Пробация ҳисобида туриб жазо ўтаётган, меҳнатга ҳалол муносабатда бўлган ва суд томонидан белгиланган чекловларга амал қилган 12 нафар шахс шартли равишда муддатидан олдин озод этилди.

Аксинча, суд томонидан тайинланган жазони ўташдан қасддан бўйин товлаган, бир нафар маҳкумнинг жазоси Жиноят кодексининг 48-моддасига кўра, озодликдан маҳрум қилиш жазосига алмаштирилган.

👉 Тошкент хабарлари

2020 йил пандемияга қарши кураш учун қанча пул сарфлангани маълум қилинди

Сенатнинг 5 феврал куни бўлиб ўтган ўн иккинчи ялпи мажлисида 2020 йилги давлат дастури ижроси бўйича Вазирлар Маҳкамаси ҳисоботи тингланди.

➡️ Батафсил ўқинг

Давлат дастури ижроси бўйича ҳукумат ҳисоботида келтирилишича, ижтимоий объектлар қуриш, реконструкция қилиш ва капитал таъмирлашга 3 трлн 423 млрд сўм, корхоналарни молиявий қўллаб-қувватлашга 2 трлн 485 млрд сўм, аҳолини ижтимоий қўллаб-қувватлашни кенгайтиришга 1 трлн 340 млрд сўм, соғлиқни сақлаш объектларини қуриш ва зарур инфратузилмани яратишга 1 трлн 22 млрд сўм, маҳаллий бюджетлар ва пенсия жамғармаси йўқотишларини қоплашга 595 млрд сўм сарфланган.

👉 Тошкент хабарлари

🗓 7 феврал:
📢 Асосий хабар ва янгиликлар

🎓 2022 йилдан 30 та ОТМ ўзини ўзи молиялаштириш тизимига ўтади

🩺 ССВ тиббиёт техникумларининг коллежлардан фарқи бўйича изоҳ берди

🏗 Қурилиш соҳасида давлат харидларини ўтказишнинг янги тизими жорий этилади

🇮🇳 Ҳиндистонда муз кўчиши: 125 киши бедарак йўқолди

🇷🇺 Навальний яна судланмоқда: бу гал у уруш фахрийсига туҳмат қилишда айбланган

Kun.uz Telegram каналлари:
👉 Ўзбекча | 👉 O‘zbekcha

Янгийўл шаҳрида замонавий бинолар барпо этилади

Шаҳар марказида қурилаётган замонавий “Янгийўл сити” мажмуаси сўнгги йилларда барча ҳудудларда қурилаётган шаҳарсозликнинг алоҳида намунаси ҳисобланади. Шуни эътиборга олган ҳолда ҳудудда бу борада кенг кўламли ишлар амалга оширилмоқда. Жумладан, масъул вазирлик ва идоралар, ҳамкор ташкилотлар томонидан шу масалага бағишланган тақдимот ўтказилган.

Унда асосий эътибор мазкур лойиҳанинг аҳамияти, долзарблигига қаратилган. Мутахассислар томонидан бу борада иштирокчиларга маълумотлар берилган. Лойиҳа ҳудудда кенг қамровли бунёдкорлик ишларини амалга оширишда муҳим аҳамиятга эга бўлиб, замонавий шаҳарсозликнинг ёрқин намунаси ҳисобланади.

Ўз навбатида, Янгийўл шаҳрининг ўзига хос янги кўриниши янги лойиҳа замонавий кўп қаватли бинолар, турар жойлар ва савдо мажмуалари ҳамда бошқа бир қатор жамоат биноларини ўз ичига олади.

👉 Тошкент хабарлари

Россияда ишлаш истагида бўлганлар учун танлов ўтказилади

Россиянинг «МСК Гарант» МЧЖ компанияси Рязан, Ленинград, Калуга, Воронеж ва Курск вилоятларидаги корхоналарида қуйидаги йўналишларда бўш иш ўринлари учун танловлар ўтказади:

🍄 Қўзиқорин етиштириш ишлари (қўзиқорин териш, иссиқхонада парваришлаш)

👥 Ишчилар сони – 600 нафар;

🗓 Иш графиги – 6 кун иш, 1 кун дам олиш куни (бир кунлик иш вақти 11 соат);

💵 Иш ҳақи 30–60 минг рубл атрофида (иш сифати ва миқдорига қараб, даромад солиғидан ташқари 1 кг терим учун 10 рубл ҳамда ой давомида бажарилган ишга кўра рағбатлантириш мавжуд);

🥣 3 маҳал овқат иш берувчи ҳисобидан;

Ишчилар ёши – 25 ёшдан 45 ёшгача бўлган эркак ва аёллар (бўйи 160 см.дан кам бўлмаган);

🛫 Ўзбекистондан иш жойига етиб бориш харажатлари фуқаро ҳисобидан;

🏨 Ётоқхона харажатлари иш берувчи ҳисобидан;

🚌 Россияга етиб боргандан сўнг аэропортдан ётоқхонага ва ётоқхонадан иш жойига етиб бориш иш берувчи транспортида бепул амалга оширилади;

📑 Патент расмийлаштириш бўйича иш берувчи юридик ёрдам кўрсатади. Агар патент расмийлаштириш учун фуқаронинг маблағи бўлмаса, иш берувчи томонидан Россия кредит ташкилотидан ходимнинг ойлик маошидан қисман ушлаб қолиш шарти билан кредит расмийлаштиришга кўмаклашилади.

☎️ Мурожаат учун: 1282 (қисқа рақами) ёки 71 202-33-55, 71 200-00-61.

Тошкент вилояти – (55) 900-33-10.

👉 Тошкент хабарлари

❓#Биласизми

Агар ота ва онанинг ҳар иккисида семизлик кузатилса, бу болаларга 80 фоиз ҳолларда ўтади. Фақат онадаги семизлик 50 фоиз, отадаги бундай ҳолат эса 38 фоиз эҳтимол билан фарзандларга мерос қилинади.

👉 Тошкент хабарлари