AQSH va Eron kelishuvga yaqin. Vositachilar muhokama qilayotgan 5 muhim masala tafsilotlari

Dastlabki memorandum — Eron yadro dasturining kelajagi, Tehron uchun 300 mlrd dollarlik tiklanish jamg‘armasi, AQSH sanksiyalari va muzlatilgan pullar, shuningdek Ho‘rmuz bo‘yicha asosiy muzokaralarga yo‘l ochadi.

Kelishmovchilik nuqtalari saqlanib qolayotgan bo‘lsa-da, Tramp ayrim masalalarda yon berdi. Eronda esa kelishuvni tasdiqlash vakolati kimda ekanligini noaniq qolmoqda.

New York Times Eron va AQSH rasmiylari, shuningdek muzokaralarda qatnashayotgan diplomatlarga tayanib, so‘nggi loyiha tafsilotlarini ochiqladi.

👉 https://kun.uz/04401196

Kun.uz rasmiy kanali

Rossiyadan O‘zbekistonga suyultirilgan gaz yetkazib berish 3,5 barobarga oshdi

Joriy yilning dastlabki 4 oyida Rossiya Markaziy Osiyo mamlakatlariga 537 ming tonna suyultirilgan gaz eksport qildi. Shundan 231 ming tonnasi O‘zbekiston hissasiga to‘g‘ri keladi. Bu o‘tgan yilning mos davriga nisbatan 3,5 barobarga ko‘p.

👉 https://kun.uz/62424322

Kun.uz rasmiy kanali

Putin Armanistonning Yevroittifoqqa intilishiga munosabat bildirdi

“Agar Armaniston YI standartlariga o‘tishni boshlasa, u bilan barcha iqtisodiy integratsiyani to‘xtatishimiz kerak bo‘ladi”, dedi Rossiya prezidenti. U Armaniston uchun temiryo‘l va energiya tariflari oshirilishi, arman fuqarolari Rossiyada ishlash uchun patent olishiga to‘g‘ri kelishidan ogohlantirdi.

“Ukrainadagi inqiroz bir paytlar Kiyevning Yevropa Ittifoqiga qo‘shilish urinishlari bilan boshlangan edi”, dedi Putin.

Ayni paytda Rossiya bozorida arman mahsulotlariga taqiqlar kuchaymoqda. RF bu qo‘shnisiga bojsiz gaz yetkazib berishni to‘xtatishi mumkin.

Kecha Tramp 7-iyun kungi saylov oldidan Pashinyanni qo‘llab, “Armanistonni yana buyuk qilamiz” deya post yozdi. Bir necha kun oldin AQSh davlat kotibi Yerevanga kelgan va qator strategik kelishuvlar imzolangan edi.

Kun.uz rasmiy kanali

Ilmiy daraja berishda qator talablar bekor qilinadi

Prezident farmoni bilan, Oliy attestatsiya komissiyasi Fanlar akademiyasi tizimiga o‘tkazildi. Komissiya raisi 5 yil muddatga tayinlanadi va ayni bir shaxs ketma-ket ikki muddatdan ortiq bu lavozimni egallashiga yo‘l qo‘yilmaydi.

Ayrim doktorantlarning stipendiyasi 1,7 barobarga oshiriladi. 2026 yil 1 sentyabrdan doktoranturaga qabul kvotalarining kamida 60 foizi ustuvor ixtisosliklarga ajratiladi. Ustuvor ixtisosliklarga qabul qilingan doktorantlarga 1,7 baravar oshirilgan stipendiya to‘lanadi.

2027-yil 1-yanvardan boshlab ilmiy daraja olish uchun chet tilidan imtihon topshirish talabi faqat mustaqil izlanuvchilarga taalluqli bo‘ladi. Yana ko‘plab byurokratik talablar bekor qilinadi.

Kun.uz rasmiy kanali

Kafe va restoranlarda xodimlarni ishga olish tartibi soddalashtiriladi

Prezident farmoniga binoan, umumiy ovqatlanish sohasidagi tadbirkorlar uchun ayrim toifadagi xodimlarni mobil ilova orqali muayyan muddatga rasmiylashtirish va ish haqini to‘lash tartibi joriy etilmoqda.

1-iyundan e’tiboran kafe-restoranlarga naqd pulsiz tushumlar miqdoridan qat’i nazar, QQSning 40 foizi qaytarib beriladi.

👉 https://kun.uz/48589964

Kun.uz rasmiy kanali

Katta hajmdagi ko‘chmas mulkni ijaraga berishda soliq yuki kamayadi
 
2027-yil 1-yanvardan boshlab, jismoniy va yuridik shaxslar tomonidan tadbirkorlik sub’ektlariga umumiy maydoni 1000 metr kvadratdan ko‘p bo‘lgan mol-mulk ijaraga berilganda, soliq solish maqsadida ijara to‘lovining eng kam stavkalari qo‘llanmaydi.
 
Prezident farmonida belgilangan bu qoida Toshkent shahridan boshqa hududlarga taalluqli; eng kam stavkalar asosida soliq hisoblash amaliyoti poytaxtda saqlanib qoladi.

Avvalroq soliq maslahatchisi Murod Muhammadjonov Kun.uz'ga bergan intervyusida ijara haqlarining minimal miqdorlari tadbirkorlar e’tiroziga sabab bo‘layotgani, ular ayrim holatlarda olmagan daromadi uchun ham soliq to‘lashiga to‘g‘ri kelayotganini aytgandi.

Kun.uz rasmiy kanali

Jahon sahnasida

🇺🇸🇮🇷Tramp Eronning boyitilgan urani yo‘q qilinishini aytdi. “Boyitilgan material Qo‘shma Shtatlar tomonidan Eron va AEXA bilan hamkorlikda olib chiqiladi va yo‘q qilinadi”, dedi AQSh prezidenti Truth Social'da yozgan postida.

🇮🇹 Italiya hukumati Sitsiliya mafiyasining 200 mln yevrodan ortiq aktivlarini musodara qildi. Tintuvlar Italiyadan tashqari o‘nga yaqin boshqa davlatlar hududida ham o‘tkazilgan. Naqd pul yashirilgan joylarni topishda dronlar va teplovizorlar qo‘llangan; kriptovalyutalarni kuzatish uchun IT mutaxassislar jalb qilingan.

🇪🇺 Yevropa Ittifoqi Temu'ni 200 mln yevro jarimaga tortdi. Bunga onlayn platformadan sotib qolingan quvvatlash qurilmalarining aksariyati elektr xavfsizligi talablariga javob bermasligi sabab bo‘lgan. Shuningdek, bolalar o‘yinchoqlarining katta qismida kimyoviy moddalar miqdori me’yordan yuqoriligi va ularda bo‘g‘ilish xavfini tug‘diruvchi mayda qismlar aniqlangan.

Kun.uz rasmiy kanali

Tirik qolish ham jazo bo‘lgandi – “yo‘qotilgan avlod” | 5 daqiqa

Urushdan qaytgan odamlar odatda ikki xil bo‘ladi: biri tirik qolganiga shukr qilib yashaydi, ikkinchisi esa tirik qolgani uchun o‘zini kechirolmaydi. Chunki baʼzi urushlar frontda tugamaydi. Ular odamning ruhiyatiga ko‘chib o‘tadi.

Bugun dunyo yana urushlar, vayron bo‘lgan shaharlar, bir kechada qarib qolayogan bolalar haqida gapirayotgan paytda, Erix Mariya Remarkning “Uch og‘ayni” romani haqida gaplashishni lozim topdik.

👉 https://kun.uz/46675619

Kun.uz rasmiy kanali

Toshkentda yaxshi yashash uchun qancha pul kerak?

Toshkentda 4 kishilik oilaning bir oy farovon yashashi uchun 23,5 mln so‘m, bir kishi uchun esa qariyb 6,5 mln so‘m mablag‘ kerak bo‘ladi, deya yozadi Numbeo ma’lumotlar bazasi.

O‘zbekiston poytaxtida arzon restoranda ovqatlanish 70 ming so‘mni tashkil etadi. O‘rta darajadagi restoranda bu narx 2 kishi uchun 400 ming so‘mga baholangan.

👉 https://kun.uz/56644985

Kun.uz rasmiy kanali

Sergeli avtomobil bozorida noqonuniy olibsotarlarga qarshi reyd: 30 kishiga chora ko‘rildi

Sergeli avtomobil bozorida tezkor tadbirlar o‘tkazilib, vositachilik va olibsotarlik faoliyati bilan noqonuniy shug‘ullanib kelgan 100 kishi aniqlandi va ulardan 30 nafariga nisbatan ma’muriy qamoq yoki jarima jazosi tayinlandi.

Xalq tilida “saygaklar” deb ataluvchi shaxslar xaridor va sotuvchi o‘rtasida bevosita muloqotning kamayishiga va sun’iy narx oshishiga sababchi bo‘lmoqda, deyiladi poytaxt IIBB xabarida.

👉 https://kun.uz/23976513

Kun.uz rasmiy kanali

Isroil va Rossiya kuchlari mojaro zonalaridagi jinsiy zo‘ravonlik uchun BMTning qora ro‘yxatiga kiritildi

Hisobotda dunyo bo‘ylab mojarolarda jinsiy zo‘ravonlik sodir etgan yoki unga masʼul 77 ta tashkilot «qora ro‘yxat»ga kiritilgan.

Isroil harbiylari va xavfsizlik kuchlari hibsga olish, so‘roq paytida va harbiy lagerlarda o‘nlab jinsiy jinoyatlar sodir qilgani tasdiqlangan. Rossiya kuchlari tomonidan esa mojaro bilan bog‘liq 310 ta jinsiy zo‘ravonlik holati tasdiqlangan.

Rossiya va Isroil hisobotdagi ayblovlarni rad qildi. Isroil BMT bosh kotibi idorasi bilan aloqalarni uzdi.

👉 https://kun.uz/87248132

Kun.uz rasmiy kanali

“Bolaga hatto ota-onaning kuchi yetmayapti” — maktablardagi intizom haqida suhbat

O‘quv yili yakunida Toshkentdagi maktablardan birida intizomsiz o‘quvchini kaltaklagan o‘qituvchiga jinoiy ish ochildi, lekin yakunda u aybsiz deb topildi. Tarmoqlarda kimdir o‘qituvchini qoraladi, kimdir esa o‘quvchi va uning ota-onasini.

Kun.uz shu maktab direktori va jamoatchilik faollari ishtirokida bu kabi holatlarga olib kelayotgan sabablarni muhokama qildi.

Ekspertlar fikricha:

- o‘qituvchining qo‘lida birorta richag yo‘q;
- ko‘p bolalarga ota-onaning ham so‘zi o‘tmayapti;
- ajrimlar ko‘p, ayrim sinflarda hatto har ikkita o‘quvchidan birining ota-onasi ajrashib ketgani vaziyatni murakkablashtiradi.

📹 TO'LIQ VIDEONI TOMOSHA QILING

“Tramp haligacha urushdan maqsadni tushuntirolgani yo’q” - siyosatshunos

Kun.uz bilan suhbatlashgan siyosatshunoslar fikricha, Eron bilan urushning yakuniy maqsadi hali-hanuz noaniq va Tramp buni o’z elektoratiga tushuntirib berolganicha yo’q. Bu qimmat urushni olib borishda amerikalik mansabdorlarning o’zida ham javob yo’q, deydi siyosatshunos Ibrohim Jo’raboyev.

📹 SUHBATNI TO’LIQ TOMOSHA QILING

«PSJ» ketma-ket ikki marta YeChL g‘olibi bo‘ldi

Parijliklar «Real»dan keyin chempionlik unvonini himoya qilgan ikkinchi jamoaga aylanishdi. «Real» bu natijaga 2016/17 va 2017/18 yilgi mavsumlarda erishgandi.

👉 https://kun.uz/14849491

Kun.uz rasmiy kanali

Navoiyda ming dollar porani rad etgan YPX xodimi mukofotlandi

YPX xodimiga pora olmagani uchun bazaviy hisoblash miqdorining 30 baravari miqdorida (12 mln 360 ming so‘m) pul mukofoti topshirildi.

👉 https://kun.uz/34260695

Kun.uz rasmiy kanali

Ukraina Rossiyani Qrim bilan bog‘lovchi trassaga hujum qilmoqda

Rostov oblastini anneksiya qilingan Qrim bilan bog‘lovchi R-280 «Novorossiya» federal trassasi bo‘ylab harakat ukrain dronlari zarbalari tufayli to‘xtatildi. Bu esa yarimorolda benzin taqchilligini yuzaga keltirdi: yoqilg‘i quyish shoxobchalarida kuniga 20 litrdan ortiq benzin sotib olish mumkin emas. Ko‘plab zapravkalarda umuman yoqilg‘i qolmagan.

👉 https://kun.uz/81672715

Kun.uz rasmiy kanali

“Armiya himoyasidagi” pedagoglar va kichik biznes uchun soliq islohoti — hafta dayjesti

👨‍🏫 O‘quvchini kaltaklagan o‘qituvchiga bahsli munosabat: pedagog obro‘si uchun huquqiy meʼyorlarga ko‘z yumildi.

❗️Soliq siyosatida jiddiy burilish: kichik biznes uchun erkinliklar doirasi ancha kengaydi.

🛣 Toshkent–Samarqand pulli yo‘li 2,2 mlrd dollarga baholandi: loyihani Xitoy kompaniyasi amalga oshiradi.

👨‍🔬 Oliy attestatsiya komissiyasining 10 yillik raisi ishdan olindi: ilmiy daraja olish tizimi isloh qilinmoqda.

5 kunlik dam olish bilan o‘tgan haftaning O‘zbekiston hayotiga oid ayrim mavzulari – Kun.uz dayjestida.

📹 VIDEOSHARHNI TOMOSHA QILING

Ukraina Taganrog portida tanker, ikki samolyot va «Iskander» tizimini yo‘q qildi

Ukraina dronlari 30 mayga o‘tar kechasi Rostov oblastidagi Taganrog shahriga, Krasnodar o‘lkasidagi Armavirga hamda anneksiya qilingan Qrimdagi Feodosiyaga hujum qildi.

👉 https://kun.uz/81651797

Kun.uz rasmiy kanali