O‘zbekistonda nazorat-kassa tizimi bo‘yicha yangi o‘zgartishlar tayyorlanmoqda

Hukumat ishlab chiqqan yangi qaror loyihasiga ko‘ra, retsept bilan sotiladigan dori vositalari uchun elektron retsept raqami chekda majburiy ko‘rsatilishi mumkin.

Shuningdek, tezlashtirilgan QQS qoplash tartibi faqat yirik soliq to‘lovchilarga tatbiq etilishi rejalashtirilmoqda.

Loyihada qalbaki raqamli markirovka va kontrafakt mahsulotlar bo‘yicha ayrim jinoiy javobgarlik normalarini bekor qilish ham taklif etilgan.

👉 https://kun.uz/60721379

Kun.uz rasmiy kanali

Rossiya va «Tolibon» harbiy-texnik hamkorlik bo‘yicha kelishuvga erishdi

Bunday kelishuvlar doirasida tomonlar bir-biriga qurol-yarog‘, litsenziyalar, harbiy texnologiyalar beradi va qo‘shma ishlanmalar olib borishi mumkin.

Rossiya «Tolibon» bilan hamkorlikdagi cheklovlarni bosqichma-bosqich olib tashlamoqda, uni Markaziy Osiyoda xavfsizlik, IShIDga qarshi kurash va mintaqaviy barqarorlik bo‘yicha hamkor sifatida ko‘rmoqda. 2025 yilda Rossiyada ushbu harakatning terrorchilik maqomi to‘xtatilgan edi.

👉 https://kun.uz/14181823

Kun.uz rasmiy kanali

AQSh va Eron o‘rtasida zarbalar almashinuvi bo‘lib o‘tdi

Amerikalik harbiylar Ho‘rmuz bo‘g‘ozi hududida Eronning to‘rtta dronini urib tushirgan. Shundan keyin Bandar-Abbosdagi yerosti boshqaruv punkti nishonga olingan – bu vaqtda u yerdan yana bir dron uchirishga tayyorgarlik ko‘rilayotgan edi.

Ko‘p o‘tmay Islom inqilobi muhofizlari korpusi Amerika hujumiga javoban Amerikaning mintaqadagi aviabazasiga zarba berganini ma’lum qildi. Korpusdagilar buni AQSH uchun «ogohlantirish» deb atab, agar bu holat takrorlanadigan bo‘lsa, Eronning javobi «yana qat’iyroq bo‘lishi»ni ta’kidlashgan.

👉 https://kun.uz/57044412

Kun.uz rasmiy kanali

“UzChasys” zavodidagi 70 foizlik davlat ulushi qariyb 333 mlrd so‘mga sotildi

25 may kungi savdo 184 mlrd 978 mln so‘m boshlang‘ich narx bilan boshlandi. Auksion 16 ta narx taklifidan iborat bo‘ldi va 51 daqiqa davom etdi. Yakunda 332 mlrd 961 mln so‘mlik taklif bilan “Best Pipe and Parts” AJ g‘olib bo‘ldi. Bu boshlang‘ich narxdan 80 foizga yuqori.

Xaridor bitimdan so‘ng kamida 10 yil davomida korxonaning asosiy faoliyat turini saqlab qolishi, shuningdek, ishlab chiqarish uskunalarini xarid qilish va sotishda “O‘zavtosanoat” bilan kelishishi shart.

👉 https://kun.uz/39190038

Kun.uz rasmiy kanali

Qattiq qo‘riqlanadigan panda, power bank olib kelgan robot: Chin yurtidagi sarguzashtlar

Xitoyning O‘zbekistondagi elchixonasi hamda Madaniyat vazirligi hamkorligida Chin yurtiga 5 kunlik sayohat uyushtirildi. Dastur doirasida mamlakatning ramzi sanalgan pandalar vodiysi, diqqatga sazovor tarixiy obidalari, zamonaviy shaharlar qiyofasi, kishini hayratga soluvchi g‘aroyib infratuzilmalar bilan tanishildi. Xitoyda bo‘lib qaytgan Kun.uz muxbiri o‘z taassurotlarini videolavhaga jamladi.

📹 VIDEONI TOMOSHA QILING

Frontdagi vaziyat: may Ukraina qurolli kuchlari uchun muvaffaqiyatli kechmoqda

Ukraina dronlari urushni Rossiya ichkarisiga ko‘chirayotgan bir mahalda RF qurolli kuchlarining Donbassdagi yurishi to‘xtab qoldi – hatto asosiy yo‘nalishlarda ham.

👉 https://kun.uz/68696531

Kun.uz rasmiy kanali

1,5 mlrd dollarlik oltin sotuvi va keskin oshayotgan go‘sht importi — O‘zbekiston tashqi savdosi sharhi

2026 yilning 4 oyida O‘zbekistonning tashqi savdo aylanmasi 26,3 mlrd dollarni tashkil qildi. Bunda Xitoyning ulushi 23,6 foizga yetdi. Xususan, ushbu mamlakat bilan savdo hajmi 2 mlrd dollarga yoki 49 foizga ko‘paydi. Aprel oyiga kelib oltin sotuvi boshlandi, o‘tgan oyda 1,5 mlrd dollarlik qimmatbaho metall eksport qilingan.

Donli ekinlar (524 mln dollarlik, o‘sish —72,3 foiz), go‘sht va go‘sht mahsulotlari (320 mln dollarlik, o‘sish — 62,7 foiz ) hamda shakar va shakar mahsulotlari (236 mln dollarlik, o‘sish — 49,6 foiz) importi ham keskin oshdi.

👉 https://kun.uz/79717045

Kun.uz rasmiy kanali

Shavkat Mirziyoyev amaliy tashrif bilan Qozog‘istonga boradi

O‘zbekiston prezidenti 29-may kuni Oliy Yevroosiyo iqtisodiy kengashining navbatdagi yig‘ilishi tadbirlarida kuzatuvchi davlat rahbari maqomida ishtirok etadi.

Sammit kun tartibidan tashkilot doirasidagi ko‘p tomonlama hamkorlikni yanada kengaytirish masalalari o‘rin olgan. Amaliy sheriklikning ustuvor yo‘nalishlari ko‘rib chiqiladi.

Kun.uz rasmiy kanali

✍️ Prezident madaniyat, sanʼat va adabiyot sohalari xodimlaridan bir guruhini davlat mukofotlari bilan taqdirladi

▪️G‘iyos Boytoyev, Rustam G‘oyipov, Matyoqub Matchonov, Uchqun Tillayev, Raʼno Yarasheva «O‘zbekiston Respublikasi xalq artisti» faxriy unvoni bilan

▪️Sharifa Salimova «O‘zbekiston Respublikasi xalq shoiri» unvoni bilan

▪️Otabek Mamazoitov, Xurshid Rasulov, Munisa Rizayeva «O‘zbekiston Respublikasida xizmat ko‘rsatgan artist» faxriy unvoni bilan

▪️Erkin Komilov, Yodgor Saʼdiyev «Buyuk xizmatlari uchun» ordeni bilan

▪️Erkin Aʼzamov, Zulfiqor Musoqov «El-yurt hurmati» ordeni bilan taqdirlandi.

👉 https://kun.uz/44078401

Kun.uz rasmiy kanali

Bir guruh marhum ijodkorlar davlat mukofotlari bilan taqdirlandi

✍️ Prezident Shavkat Mirziyoyev madaniyat, sanʼat va adabiyot sohalarini rivojlantirishga ulkan hissa qo‘shgan bir guruh marhum ijodkorlarni mukofotlash to‘g‘risidagi farmonni imzoladi.

▪️Shuhrat Abbosov, G‘ani Aʼzamov, Odil Yoqubov, Zaynab Sadriyeva, Hamza Umarov, Obid Yunusov «Buyuk xizmatlari uchun» ordeni bilan,

▪️O‘tkir Hoshimov «El-yurt hurmati» ordeni bilan,

▪️O‘lmas Alixo‘jayev, Maryam Yoqubova, Dias Rahmatov, Yulduz Rizayeva, To‘lqin Tojiyev «Mehnat shuhrati» ordeni bilan,

▪️Davron G‘oipov, Eduard Rtveladze “Do‘stlik” ordeni bilan taqdirlandi.

👉 https://kun.uz/91490475

Kun.uz rasmiy kanali

AQSh va Eron 60 kunlik sulhni kelishdi, biroq Tramp hali uni ma’qullamadi

AQSh va Eron muzokarachilari qurolli mojaroni tugatish va yadro muammosi bo‘yicha muzokaralarni boshlash bo‘yicha o‘zaro anglashuv memorandumi loyihasini tayyorlashni yakunladi, biroq prezident Donald Tramp hujjatni hali ma’qullamadi, deb xabar berdi Axios.

👉 https://kun.uz/19847862

Kun.uz rasmiy kanali

2027 yil kuzatuvlar tarixidagi eng issiq yil bo‘lishi mumkin

Jahon meteorologiya tashkiloti prognozlariga ko‘ra, 2026–2030 yillar oralig‘ida Yerdagi o‘rtacha harorat tarixiy rekord darajalarga yetishi mumkin. Mutaxassislar 2027 yilni kuzatuvlar tarixidagi eng issiq yil bo‘lishi ehtimoli yuqori deb baholamoqda.

👉 https://kun.uz/41887477

Kun.uz rasmiy kanali

Jeff Bezosning Oyga uchadigan raketasi sinov parvozi oldidan portlab ketdi

Blue Origin kompaniyasining milliardlab dollarga baholangan «New Glenn» raketasi Floridadagi uchirish maydonchasida sinov parvozi oldidan portlab ketdi.

Kompaniya qo‘nish modulini Oyga yetkazish uchun SpaceX bilan raqobatlashmoqda. Ushbu muvaffaqiyatsizlik – NASAʼning Oy dasturi rejalariga ham ta’sir qiladi.

👉 https://kun.uz/74683540

Kun.uz rasmiy kanali

Mundial chiptalari nega rekord darajada qimmatlashib ketdi?

FIFAning yangi biznes modeli muxlislarni ranjityapti. Inflyatsiyani hisobga olgan taqdirda ham, AQSH, Kanada va Meksikada o‘tadigan bu galgi jahon chempionati chiptalari narxi 2022 yil Qatardagi turnirdan ikki baravar, 1994 yil AQSHdagi musobaqaga nisbatan esa qariyb to‘rt baravar qimmatroq.

The Economist’ning yozishicha, o‘zgargan narx siyosati katta tavakkalga asoslangan. Chiptalar hali to‘liq sotilib bo‘lingani yo‘q va mezbon shaharlardagi mehmonxonalar to‘lmagan. Yuqori narxlar savdo pasayishi oqibatida yuzaga kelgan zararni qoplasa ham, FIFAning ko‘proq daromad keltiradigan boshqa manbalariga salbiy ta’sir qilishi mumkin.

👉 https://kun.uz/89142070

Kun.uz rasmiy kanali

“Eron Liviyaning kuni boshiga tushishidan qochyapti” - siyosatshunos

2003 yilda Muammar Qazzofiy G‘arb bilan munosabatlarni yaxshilash va sanksiyalardan qutulish evaziga, Liviyaning yadroviy dasturidan voz kechgan, bor uskunalar va materiallarni AQShga topshirgan edi. Lekin ko‘p o‘tmay, 2011 yildagi ichki inqiroz vaqtida G‘arb koalitsiyasi Qazzofiy rejimini harbiy yo‘l bilan ag‘dardi va mamlakat parokanda bo‘ldi.

Siyosatshunoslarga ko‘ra, hozir Eron shu xatoni takrorlamaslikka intilmoqda.

📹 VIDEONI TOMOSHA QILING

Saida Mirziyoyeva: QQS bo‘yicha chegaraning oshirilishi kichik biznes uchun muhim yengillik bo‘ladi

O‘zbekistonda kichik biznes uchun soliq yukini yengillashtirishga qaratilgan muhim o‘zgarishlar tadbirkorlar tomonidan ijobiy qarshi olinmoqda. Bu haqda Saida Mirziyoyeva ma’lum qilib, QQS to‘lashga o‘tish bo‘yicha chegaraning 1 milliard so‘mdan 5 milliard so‘mgacha oshirilishi minglab tadbirkorlar uchun yangi imkoniyatlar ochishini ta’kidladi.

👉 https://kun.uz/01920397

Kun.uz rasmiy kanali

Netanyahu harbiylarga Gʻazodagi nazoratni 70 foizgacha kengaytirishni buyurdi

Isroil bosh vaziri Binyamin Netanyahu Gʻazoning 100 foizini egallash haqidagi hayqiriqlarga javob berib, buni 70 foizdan boshlashini aytdi.

«Birinchi navbatda, yetmish. Keling, shundan boshlaylik. Biz ularni [Hamasni] har tomondan siqib boryapmiz», dedi u.

Tahlilchilarga ko‘ra, Gʻazoda tajovuzkorroq harakat qilish – qayta saylanish uchun og‘ir kurash olib borayotgan Netanyahuga isroilliklarning diqqatini noxush xabarlardan chalg‘itishga yordam berishi mumkin.

👉 https://kun.uz/15968177

Kun.uz rasmiy kanali

AQShda 250 dollarlik banknota chiqarilishi mumkin. Unga Tramp tasviri tushiriladi

Amerikada mamlakat tashkil topganining 250 yilligi munosabati bilan amaldagi prezident Donald Tramp tasviri tushirilgan 250 dollarlik yangi banknota chiqarish g‘oyasi muhokama qilinyapti.

Agar bu amalga oshsa, Qo‘shma Shtatlar tarixida so‘nggi 160 yil ichida ilk bor tirik insonning surati milliy valutada paydo bo‘ladi.

Gravirovka va bosma ishlar byurosi yangi kupyura ishlab chiqishni boshlash uchun bir necha yil kerakligi, jarayon murakkab huquqiy ekspertiza va texnik xavfsizlik talablarini o‘z ichiga olishini ta’kidlagan.

👉 https://kun.uz/26520649

Kun.uz rasmiy kanali

Eronliklar uzoq shatdaundan keyin internetga kirishdi. Buni ular qanday qarshi olishdi?

26-may kuni NetBlocks monitoring tashkiloti Eronda internetga kirish tiklanganini qayd etdi. Mamlakat global tarmoqdan 88 kun yoki 2093 soat mobaynida uzilgan holatda qoldi. Bu Erondagi ilk shatdaun bo‘lmadi, ammo, NetBlocks baholariga ko‘ra, bu zamonaviy tarixdagi eng uzoq davom etgan milliy shatdaun bo‘ldi.

👉 https://kun.uz/88559010

Kun.uz rasmiy kanali

Farg‘onada bankir, Jizzaxda hokimlik mansabdori pora bilan ushlandi

DXX o‘tkazgan tezkor tadbirda Sharof Rashidov tumani hokimligi mansabdor xodimi tadbirkordan 500 dollar talab qilib, pullarni olgan vaqtida qo‘lga olindi.

Farg‘onada esa bank xizmatlari markazi rahbari 2,5 mlrd so‘m kredit ajratib berish evaziga fuqarodan kreditning 5 foizini talab qilgan. Bankir 10 ming dollarni olgan vaqtda ashyoviy dalillar bilan ushlandi.

👉 https://kun.uz/75693342

Kun.uz rasmiy kanali

Shavkat Mirziyoyev YOII bilan hamkorlikni rivojlantirishning 5 ustuvor yo‘nalishini sanadi

Yevrosiyo iqtisodiy ittifoqi mamlakatlari bilan amaliy hamkorlikni kengaytirish O‘zbekiston «tashqi iqtisodiy siyosatining eng muhim yo‘nalishlaridan biri» bo‘lib qolmoqda.

Shavkat Mirziyoyev YOII davlatlari bilan to‘siqlarsiz savdoning yagona raqamli makonini shakllantirish hamda mehnat migratsiyasi sohasidagi hamkorlikni yangi bosqichga olib chiqish zarurati haqida gapirdi.

👉 https://kun.uz/43928971

Kun.uz rasmiy kanali